|
|
|
 Re: لا أُزكي لِنَيل العُضَوِية السماني أحمد عمارة رئيس المؤتمر الوطني بدول الخليج (Re: نصار)
|
الكريم ود الكرام الارباب شيخ العرب عزام
تحية وتقدير
أولا بالتبادي جاي ابارك ليك العيد ونتعافى مع انو مافي بيناتنا موية اندفقت ( وهو الموية يلقوها وين عشان تندفق )
وكل عام وانت والاسرة الكريمة بخير وعافية .
وتانية حاجة :
الزول ده زكيهو ما دام استجار بيك وهو مؤتمر وطني ولا شعبي ولا مؤتمر البجا ولا أي مؤتر
سوي العليك وزكيهو وخليهو اليجي ويقول كلامو
والناس في المنبر ده بتشيل وتخت
وكدي خت الرحمن في قلبك
.
.
.
.
.
.
هو يعني بكريبالحيييييييييل بسمع التزكيات من الناس ؟
ما بعد يرضي على رقبتو براهو !!!
| |
 
|
|
|
|
|
|
|
|
Re: لا أُزكي لِنَيل العُضَوِية السماني أحمد عمارة رئيس المؤتمر الوطني بدول الخليج (Re: عزام حسن فرح)
|
نصار ...
Quote: عزام كل عام و انتم بخير
الدكتور ما خلي ايميل عضو ما رسل ليه
انا عكسك عملت بوست طلبت فيه من بكري
انه يديه عضوية سريع عشان نخفف علي
اخوانا ناس جدة و النقاش يبقي علي
عينك يا تاجر بدل تحت تحت
و لسع بتمني انه يجينا بخشم الباب |
ياخ ناس المؤتمر الوطني الله لا يِديهُم عافِية
20 سنة بِناضمو ... قتلو وشردو ونهبو ورقصو
رقيص الجِن وجربو فينا أي نظرِية سواها رِمه
مِتِل < البكور > و< سنة تامنة > و< تأصيل
الأسماء > جانا عُثمان محمد طه في المحس
وتحت شِعار التأصيل قال لينا < البلح > إسمو
< تمر > علشان التأصيل وكِده ...
| |
|
|
|
|
|
|
|
|
|
Re: لا أُزكي لِنَيل العُضَوِية السماني أحمد عمارة رئيس المؤتمر الوطني بدول الخليج (Re: عزام حسن فرح)
|
ابشير دفع الله (نسيب سيدي الخليفة طربوش)
| Quote: وكدي خت الرحمن في قلبك |
الرحمن أحمُد الله دخلو في قلبي سيدي الخليفة
طربوش وأنا عُمري (9) سنوات في خلَوتو الكان ناصِبا
في ميدان المُجاهِد في الشعبِية رغم أنف أولاد حاجة
نِعمة والسربندِية وأولاد خالِد صباح الخير ... الله
الفي قلبي قال لي ما تعاوِن القتله ... عُمر البشير
في إذاعة البي بي سي قالت ليهو المُذيعة بِت بدوي
( أنت مُتهم بِقتل 300 ألف إنسان في دارفور ... قال
ليها ما وصلت لـ300 ألف ديل عشرة ألف بس) أها مِتِل
ديل بِزكوهُم ولا بِسُكوهُم ...
أبقى عشرة على النور العِندك ... أحفاد سيدي نور
| |
|
|
|
|
|
|
|
|
|
Re: لا أُزكي لِنَيل العُضَوِية السماني أحمد عمارة رئيس المؤتمر الوطني بدول الخليج (Re: عصام دقداق)
|
عصام دقداق ...
| Quote: يااخوي طالما هو خاص ناشروا لية في البروفايل ماتخلية خاص |
هو أي خاص معروف لِلناس يبقى مِن حق الناس تستعملو ... عِنواني كاتبو
في البروفايِل علشان أنا زول عِندي حاجة دايِر أقولا ... حاجة سمحه
حاجة شينه ... حاجة صاح ... حاجة غلط ... ده ما موضوعنا ... المُهِم
ما أي ضُل مِن حقك تقَيِل فيهو ...
يا الله يا الله بِبركه شهرِنا هذا أن تُسلِط على عِصام ود دقداق السماني أحمد عمارة
| |
|
|
|
|
|
|
|
|
|
Re: لا أُزكي لِنَيل العُضَوِية السماني أحمد عمارة رئيس المؤتمر الوطني بدول الخليج (Re: عزام حسن فرح)
|
Quote: الزول ده مرضني مرض ... عاوِز عُضَوِية ... رسل لي في الخاص رسايِل علشان أزكيهو عِند بكري
ياخ أقيف مِني يا زول ... هو غير المؤتمر الوطني المُبشتِن حالنا كدي منو ... الله لا يعطيكُم
عافِية مِحِل تقبِلو ...
حقو يا بكري بروفايلات الأعضاء تكون مُتاحة بس لِلأعضاء ... والله الزول ده أخير مِنو الهكر ... |
عزّام تحياتي وكل سنة وكل من تحب والوطن بالف الف خير.... اما بعد
بالله هو لو مازول بتاع لولوة زي ما كتبنا هنا كتير عنو كان جاء بالدرب العديل
وحواريوه كتير كتير مكفوليه هنا وكان يمكن يزكوه ولن يضيف لسجل المخازي وسيرة
الخزي غير ما هو يحمله وثُلته من الحيران الجربانيين وهنا من مدحه كانما المديح
سيغير من سيرته ومازرعه من فتنة في جدة وتمييز عنصري للسماني مقولة ان كل من ليس
من الدناقلة فهو عبد وليته يمثل الدناقلة الذين نعرفهم يمثل له ثُلة لا اخلاقية ستنفض
من حوله متى خبأ بريق المال الذي يغريهم به... الدناقلة الذين عرفناهم ونعرفهم اصحاب
اخلاق وودوديين جدا واصحاب مبادئ وقبل ذلك يخافون الله في كل خطوهم لهم افاضل في كل حلهم
وترحالهم .
انا من جانبي اُثني دخوله المنبر لينكشف بالاضافة للغباء جهل ومرض وموات انسانية .
.................................................................حجر.
| |
|
|
|
|
|
|
|
|
|
Re: لا أُزكي لِنَيل العُضَوِية السماني أحمد عمارة رئيس المؤتمر الوطني بدول الخليج (Re: عزام حسن فرح)
|
Quote: سُبحان الله يا حجر يعني ما مُكفيك < غريبة > و< السيدح > و< ود الباوقة > وأحيانًا < سِيادو عُمر عُثمان >
كمان دايِر < رئيس > المؤتمر الوطني بِدُول الخليج يِصبِح عضو ... |
الزول الجميل عزّام
تقديري
طبعا دا درس مجاني في الديمقراطية لامثال هذا الرجل الكذّاب فهو كذب حينما قال
لك انه رئيس المؤتمر الوطني ولم يكتب المُقال وهذا ديدن النرجسيون من امثالـه
ومادام ضل الطريق الى بكري مباشرة وصار يستجدي باسورد فلنا في تراثنا اسوة حسنة
تقول فيما معناه لو جائكم سائل على ظهر جواد فأعطوه او لا تردوه وهاهو الرجل يسئلنا
باس في وطن نعتقد في ديمقراطيته وذلك حقه فكما قال من هم قبلي لن يقدم ولا يؤخر بل
ربما يستفيد في حياته شئ من ديمقراطية فكما هي سيرته فهو احد سدنة مايو واحد عناصر
أمنه واجهزته الفاسدة وهاهو بعد ان انحسر اثناء الديمقراطية هاهو يحاول التمدد في بيئته
الآسنة في ظل ديكتاتورية جيدة بل واضاف للخزي عنصرية .
تقديري لك, وحق اصيل لك ان ترفض سلوكه غير المُحترم لخصوصية الايميل وفاقد الشئ لا يعطيه
من اين له معرفة هذه القيمة ومندهش في سلوكه لان له جمهرة من رعاياه هنا في المنبر.
............................................................................حجر.
| |
|
|
|
|
|
|
|
|
|
Re: لا أُزكي لِنَيل العُضَوِية السماني أحمد عمارة رئيس المؤتمر الوطني بدول الخليج (Re: mohamed osman bakry)
|
mohamed osman bakry
| Quote: يحلك منو ال حل بلة |
والله أنا في الأول رديت ليهو بِكُل إحتِرام
وقُلت ليهو يِكتِب لِبكري مُباشرةً وسجلت ليهو
عِنوان بكري ... لكِن الزول تمادى وطنش
وكتب لي تاني وجاتني برضو رسايلو لِبعض
الأعضاء ... عِرفت إنو الزول < سئيل >
جمع عناوين الأعضاء مِن البروفايلات حقتُم
ورسل ليهُم رِسالة إستِجداء بِالجُملة ...
والله لو كان مِن حقي كُنت نزلت ليكُم رسايلو
ورُدود الزملاء عليهو ...
يا ناس السعودِية جيبو لينا خبر الزول ده
- هل يوجد فِعلاً شخص إسمو < السماني أحمد عمارة >
- هل هو فعلاً < رئيس المؤتمر الوطني بدول الخليج >
| |
|
|
|
|
|
|
|
|
|
Re: لا أُزكي لِنَيل العُضَوِية السماني أحمد عمارة رئيس المؤتمر الوطني بدول الخليج (Re: عزام حسن فرح)
|
حجر
Quote: باسورد فلنا في تراثنا اسوة حسنة
تقول فيما معناه لو جائكم سائل على ظهر جواد فأعطوه او لا تردوه |
لا يا خوي ... الطريقة دي قديمة ... أنا بنادي ومعي آخرين بالآتي :
لو الظالِم ضرب نضرب ... حرق نحرِق ... عذب نعذِب ... إتلَولَو نِتلَولَو
يِخطِف ولدي أو أخوي أختِف ولدو أو أخوهو ... يِفتح بيت أشباح نفتح نحنا
كمان بيت أشباح لكِن مِثالِيات الخمسينات دي بالتجرُبة لقيناها ما نافعة ..
ضًيع فيها أبواتنا عُمرمُ كُلو وما نالو شي .. والحلاف العُتِل الزنيم الهَمَّازٍ
المَّشَّاء بِنَمِيمٍ ... مجموعة قتلت (300) ألف بني آدم مدني ... وشردت ملايين
في حرب الغرب والجنوب وأهملت الشرق وأعدمت صباح العيد (28) ضابِط وسرق
أفرادا عرق الشعب وسوهو عِمارات وفِلل وركبوها عربات في الخليج العربي ماف
زَيها ... مجموعة قتلت مجدي الحلفاوي والطيار بُطرس القبطي وبتجلِد المرأة
حسب مزاج أبوها ... مجموعة مِتِل دي كيفِنو بِنفع معاهو المِثالِيات .. يِضرب نضرب
يِحرِق نحرِق .. يِعذِب نعذِبو .. لازِم نخلي الإختِلاف يِبقى شخصي جِدًا .. ده الحل
البنادي بيهو ، حتى عُمر البشير زمان قالا : الما شايِلو سِلاح ما بِنناضِم معاهو ...
| |
|
|
|
|
|
|
|
|
|
Re: لا أُزكي لِنَيل العُضَوِية السماني أحمد عمارة رئيس المؤتمر الوطني بدول الخليج (Re: عزام حسن فرح)
|
الشاعر المرهف عزام سلاااااااااااااااااام
لاتصالح
::::::::::ولو منحوك الذهب
أترى حين أفقا عينيك
ثم أثبت جوهرتين مكانهما
هل ترى:::::::::::::؟
هى اشياء لا تشترى
بس اديهو فرصة نشوف داير يقول شنو
Quote:
لا يا خوي ... الطريقة دي قديمة ... أنا بنادي ومعي آخرين بالآتي :
لو الظالِم ضرب نضرب ... حرق نحرِق ... عذب نعذِب ... إتلَولَو نِتلَولَو
يِخطِف ولدي أو أخوي أختِف ولدو أو أخوهو ... يِفتح بيت أشباح نفتح نحنا
كمان بيت أشباح لكِن مِثالِيات الخمسينات |
| |
|
|
|
|
|
|
|
|
 Re: لا أُزكي لِنَيل العُضَوِية السماني أحمد عمارة رئيس المؤتمر الوطني بدول الخليج (Re: عزام حسن فرح)
|
الحبيب عزام
كل سنة وانت طيب والعيد مبارك عليك
انشاء الله السنــة الجاية تامــى لامـى مع شبابك تحت جمــب قبــة جــدك ..
___________
الزول دا انت من رعاياهــو كرئيس للحزب الحاكم بدول الخليج يعنــى لا فكاك لك منه فهو معنى فى
المقام الاول بتجييــرك لصالــح الحزب .
الزول دا رسول الحزب الحاكم فى بلادكم ديــك (مستشار للحزب فى البحــث عن انجـح السبل والطرق
لاســعاد امثالكم من المغتربين .
_____________
يا زول والله ليــك الامــان تعال نازل السودان
ترمـــــــة :
عليك الله دا زاتــو عــدل شنو دا ريئس حزب باكثر من خمس دول ما يدوهو عضوية يدوها ليـه ناس
( زعيـط ومعيط )..
| |
|
|
|
|
|
|
|
|
|
Re: لا أُزكي لِنَيل العُضَوِية السماني أحمد عمارة رئيس المؤتمر الوطني بدول الخليج (Re: بدر الدين اسحاق احمد)
|
بدرالدين ...
كُل سنة وأنت طَيِب ...
Quote: الزول دا انت من رعاياهــو كرئيس للحزب الحاكم بدول الخليج يعنــى لا فكاك لك منه فهو معنى فى
المقام الاول بتجييــرك لصالــح الحزب .
الزول دا رسول الحزب الحاكم فى بلادكم ديــك (مستشار للحزب فى البحــث عن انجـح السبل والطرق
لاســعاد امثالكم من المغتربين . |
منو القال ليك كِده ... ده وأي مؤتمر وطني ما بِمثِلني ولا بتشرف بيهو لا على الصعيد العام ولا الشخصي
| Quote: يا زول والله ليــك الامــان تعال نازل السودان |
البركه في أهلي يِسدو عين الشمِش ... جيت لِوفاة الوالِد في أغُسطُس 2006م حرم نسابتك المحس فكو لي حِزام
كرسي الطيارة ... وهسِع عام 2009م لامِن أجي السودان ما بدخُل بِالصالة البِيدخُل بيها الرجرجه ناس عُمر سعد
وود القُرشي وبدرالدين الأمير و .... و
Quote: ترمـــــــة :
عليك الله دا زاتــو عــدل شنو دا ريئس حزب باكثر من خمس دول ما يدوهو عضوية يدوها ليـه ناس ( زعيـط ومعيط ).. |
ده بخليك تقرأ حقيقتكُم بِطريقة صحيحة ... المؤتمر الوطني وناسو مكروهين لأنهُم قتله ولُصوص ... تقدر
يا بدرالدين -حسب جسارتك حقت زماااان ديك الكُنت مُنجِضنا بيها- تنكُر الكلام التِحِت ده :
- حكومة البشير قتلت 300 ألف بني آدم في غرب السودان (حسب تقرير المحكمة الدولِية أو 10 ألف بني آدم (حسب إقرار عُمر البشير).
- حكومة البشير قتلت مجدي الحلفاوي في دولارات حقتو وبعد شهر واحِد أعلن صلاح كرار فتح الصِرافات بِالتعامُل مع النقد الأجنبي.
- حكومة البشير قتلت الطيار بطرُس القبطي في دولارات حقتو وبعد شهر واحِد أعلن صلاح كرار فتح الصِرافات بِالتعامُل مع النقد الأجنبي.
- حكومة البشير شردت لِلصالِح العام عشرات الآلاف مِن الجيش والشُرطة والخِدمة المدنِية والتي أدت كانت في الأغلب السبب الأول للإنحِلال الأُسرة.
- حكومة البشير كرست القبلِية (السؤال عن القبيلة في الأوراق الرسمِية - طلب وظيفة مثلاً).
- حكومة البشير شغلت الناس بِقضايا وهمِية (ترعتي كِنانة والرهد) (النفر ة الخضراء) ( وحاجة كِده برضو الخضراء) (البكور) (سنة ثامنة إبتِدائي) (التأصيل) (أمريكا روسيا قد دنا عذابهُما) (منع أغاني عائِشة الفلاتِية وعُثمان حسين وهسِع حماده بِت بقى أشهر مِن وردي).
- بيوت الأشباح (أوع يا زول تكابِر في دي ، لأنو الحكومة إعترفت بها) (ومكتب مَوقِف باصات شندي في بحري أنا شخصِيًا طلعو لي فيهو زيتي.
- طريق الإنقاذ الغربي (اللواء الحُسَيني + علي الحاج).
- مشروع سُندُس الزِراعي 20 سنة والمهندِس الصافي جعفر بِقول بعد شهرين البابورات حتدَوِر ... هسِع عملو إعلان < أي زول ما دفع بقِية الأقساط حيقلعو مِنو أرضو > تخَيل الناس صابرة 20 سنة وبعد 20 سنة يِقرقِشوهُم (مِن قرقوش وكِده) بِإعلان مِتِل ده.
- وهم السدود (مِرْوي) (كجبار) - الضحايا والظلم
- جَوعَلةالحكومة (إتِهام هارون بِإنتِهاك حقوق الإنسان قِبل المحكمة الدولِية ، وبعد كمين يوم تقوم الحكومة تعَيِنو وزير الشؤون الإنسانِية) (حلفان البشير بِالطلاق وبِاليمين المُغلظة في عدم دخول القُوات الدولِية لِدارفور) ودخلو زي الترتيب ...
- تجميع كُل الإرهابِيين في السودان (ناس بِن لادِن وكارلِويس وأحزاب الفلسطينيين الإسلامِية).
- مُحاولة إغتِيال حُسني مُبارك بِأثيوبيا.
- السيطرة التامة على الإقتِصاد السوداني بِتمَويل أفراد الولاء الإسلامي.
- الخِيانة العُظمى لِحكومة البشير ، ففي حين أن مِصر مُتحلة جُزء مِن الأراضي السودانِية (حلايِب وشلاتين) تعقِد معها حكومة البشير إتِفاقِية الحُرِيات الأربعة وتقوم بِالمُوافقة على توطين خمسة ألف مِصري في منطِقة أرقين بِالشِمالِية).
تقدر تنكُر حاجة مِن الفوق ده يا بدرالدين؟ أنا ما حأخليك والله والله والله مِحل ما تقبِل حأسألك الأسئِلة الفوق دي ... علشان كِده حقو تريِحني وترَيِح رقبتك وتجاوِب على السؤال البسيط ده بِشجاعة عهِدناها فيك زمااااان ... الله يِكضِب الشينه وما تكون إتبرمجت ...
| |
|
|
|
|
|
|
|
|
 Re: لا أُزكي لِنَيل العُضَوِية السماني أحمد عمارة رئيس المؤتمر الوطني بدول الخليج (Re: عزام حسن فرح)
|
يا عمممممممك ( العيـــد وكــدا ..)
الروشتـــه دا اتكتبت فى عشرون عاما مــش كــدا ...
اذن عايزهـ ليها كرؤوس مواضيع لعشرون ساعــة ( انت بــس انزل السودان ليــك على انجضــك نجاض
قبور ) واجمــع ليــك من كــل تخــصص زول شغلتــو كلام ..
وبــعد داك بنحلــى ليــك بيــه قول ( فرقة الصحوة )
Quote:
- حكومة البشير قتلت 300 ألف بني آدم في غرب السودان (حسب تقرير المحكمة الدولِية أو 10 ألف بني آدم (حسب إقرار عُمر البشير).
- حكومة البشير قتلت مجدي الحلفاوي في دولارات حقتو وبعد شهر واحِد أعلن صلاح كرار فتح الصِرافات بِالتعامُل مع النقد الأجنبي.
- حكومة البشير قتلت الطيار بطرُس القبطي في دولارات حقتو وبعد شهر واحِد أعلن صلاح كرار فتح الصِرافات بِالتعامُل مع النقد الأجنبي.
- حكومة البشير شردت لِلصالِح العام عشرات الآلاف مِن الجيش والشُرطة والخِدمة المدنِية والتي أدت كانت في الأغلب السبب الأول للإنحِلال الأُسرة.
- حكومة البشير كرست القبلِية (السؤال عن القبيلة في الأوراق الرسمِية - طلب وظيفة مثلاً).
- حكومة البشير شغلت الناس بِقضايا وهمِية (ترعتي كِنانة والرهد) (النفر ة الخضراء) ( وحاجة كِده برضو الخضراء) (البكور) (سنة ثامنة إبتِدائي) (التأصيل) (أمريكا روسيا قد دنا عذابهُما) (منع أغاني عائِشة الفلاتِية وعُثمان حسين وهسِع حماده بِت بقى أشهر مِن وردي).
- بيوت الأشباح (أوع يا زول تكابِر في دي ، لأنو الحكومة إعترفت بها) (ومكتب مَوقِف باصات شندي في بحري أنا شخصِيًا طلعو لي فيهو زيتي.
- طريق الإنقاذ الغربي (اللواء الحُسَيني + علي الحاج).
- مشروع سُندُس الزِراعي 20 سنة والمهندِس الصافي جعفر بِقول بعد شهرين البابورات حتدَوِر ... هسِع عملو إعلان < أي زول ما دفع بقِية الأقساط حيقلعو مِنو أرضو > تخَيل الناس صابرة 20 سنة وبعد 20 سنة يِقرقِشوهُم (مِن قرقوش وكِده) بِإعلان مِتِل ده.
- وهم السدود (مِرْوي) (كجبار) - الضحايا والظلم
- جَوعَلةالحكومة (إتِهام هارون بِإنتِهاك حقوق الإنسان قِبل المحكمة الدولِية ، وبعد كمين يوم تقوم الحكومة تعَيِنو وزير الشؤون الإنسانِية) (حلفان البشير بِالطلاق وبِاليمين المُغلظة في عدم دخول القُوات الدولِية لِدارفور) ودخلو زي الترتيب ...
- تجميع كُل الإرهابِيين في السودان (ناس بِن لادِن وكارلِويس وأحزاب الفلسطينيين الإسلامِية).
- مُحاولة إغتِيال حُسني مُبارك بِأثيوبيا.
- السيطرة التامة على الإقتِصاد السوداني بِتمَويل أفراد الولاء الإسلامي.
- الخِيانة العُظمى لِحكومة البشير ، ففي حين أن مِصر مُتحلة جُزء مِن الأراضي السودانِية (حلايِب وشلاتين) تعقِد معها حكومة البشير إتِفاقِية الحُرِيات الأربعة وتقوم بِالمُوافقة على توطين خمسة ألف مِصري في منطِقة أرقين بِالشِمالِية).
|
ترمـــة :
النســابــة عين شمــس
| |
|
|
|
|
|
|
| |
عزام حسن فرح
عماد الدين عبدالله
وليد عبد اللطيف
عمر سعد
حذيفه ابراهيم الكباشي
AnwarKing
نصار
البشير دفع الله
الرفاعي عبدالعاطي حجر
نجلاء سيد أحمد
بدر الدين اسحاق احمد
طارق جبريل
د.محمد بابكر
صالح عبده
عماد الشبلي
فيس بوك
تويتر
انستقرام
يوتيوب
بنتيريست