|
|
|
 Re: فاخورة ترباس فاضية يا خسارة العِمة (Re: صديق الموج)
|
Quote: ابوحوة كان ترباس قال كده
وحات الله ده كلام درر
يكون وااخسارة عمتك انت!!!!!!!!! |
كدي يا ود الموج جاوب علي كلامي دا وبعدين نتفاهم..
ولكن إن تقصد بكلامه هذا (دهرئذٍ ) فأوافقك وواخسارة عمتي والله ووا خسارة الفن..
دا ما زمن الرأسمالية الطفيلية ...
بس المحيرني الناس ديل قروشهم دي ما مكفياهم برضو يكابسوا في موائد الفن مالهم؟؟
الواحد أول يسويلو قريشات يقعد يفتش ليه دريب شعر وتلحين وو..
ويا بعدهم عن الفن
يا بعدهم
| |
 
|
|
|
|
|
|
|
|
Re: فاخورة ترباس فاضية يا خسارة العِمة (Re: فاروق أبوحوه)
|
Quote: عمر الطيب الدوش رجل أعمال؟
هل يمتلك هاشم صديق شركات ومصانع؟
إسماعين حسن وحميد هل كانوا تجار عمله؟
أبو آمنه حامد كان يتلاعب بالدولار من فرط الدعة ؟ |
ود عمى ديل كتبوا الكلام السمح
زمن الماهية بتكفى وتزيد
وحاتك عمر الدوش ده خالى ولما كان مدرس
البنات كانن بغنن ويقولن
شرطا يكون لبيس ومن هئية التدريس
قوم لف انت
وحات الله الفقر يدخل بى جاى
الابداع ينط الحيطة،،،،
| |
|
|
|
|
|
|
|
|
|
Re: فاخورة ترباس فاضية يا خسارة العِمة (Re: صديق الموج)
|
Quote: ود عمى ديل كتبوا الكلام السمح
زمن الماهية بتكفى وتزيد
وحاتك عمر الدوش ده خالى ولما كان مدرس
البنات كانن بغنن ويقولن
شرطا يكون لبيس ومن هئية التدريس
قوم لف انت
وحات الله الفقر يدخل بى جاى
الابداع ينط الحيطة،،،، |
ود الموج يا حبوب...
هو الفقر قروش بس يا ود الموج؟
رايك شنو في فقر الأخلاق والضمائر؟
إن كان عمر الطيب الدوش وكل الناس السمحين الذكرتهم..
إن كانو منعمين كما تقول .. فهل كانوا فقيراء إحساس بالآخر وبالوطن؟
كانوا أغنياء بالوطن وبإحساسهم بالبسطاء من عامة الشعب..
وصدقني متي ما دخل المال ..
تقع حيطة الإبداع (بُردُلب)..
والأمثلة عندنا في بلدنا..
شوف زول جبل أم علي الكان كتاب داك
في أي فلكٍ يدور الآن؟!!
| |
|
|
|
|
|
|
|
|
|
Re: فاخورة ترباس فاضية يا خسارة العِمة (Re: صديق الموج)
|
Quote: انت عارف ترباس ده زول لماح جدا
وانا بقول ليك كلامى ده وانا من الناس القريبين ليه
هو بقصد انو الفقر ابعد الشعراء الحقيقين
عن الساحة وظهر الناس العملوا قروش
انا متاكد من كده لانو ده رايو طول عمره،،، |
بعدوا مشوا وين يا ود الموج؟؟
صاحبك دا الكلام دا بعنيه:
رأيت الناس قد ذهبوا
إلي من عنده الذهب..
ومن ليس عند ذهب
عنه الناس قد ذهبوا..
رأيت الناس قد مالوا
إلي من عنده المالُ
ومن ليس عند مال
عنه الناس قد مالو.
ما كدي ؟!!
| |
|
|
|
|
|
|
|
|
|
Re: فاخورة ترباس فاضية يا خسارة العِمة (Re: صديق الموج)
|
| Quote: مناخ الفقر غير ملائم للإبداع |
بالعكس الابداع غير محكوم في كلياته بأي مناخ
من الفقر والغنى ولد مبدعين كبار اتحفوا الدنيا بابداعاتهم
اتذكر حين كنت اقرأ مقدمة كتاب ديفيد كوبرفيلد للكاتب العظيم تشارلس ديكنز
كنت اتمنى ان اكون مثله
كثير من النقاد اعتبروها سيرته الذاتية تعكس الظروف القاسية التي تعرض لها في طفولته كفقير
الرواية في حد ذاتها كانت عريضة نقد واصلاح اجتماعي للعصر الذي عاش فيه.
زاحمت شهرته -التي منحته منزلة اجتماعية كبيرة - وجهاء زمانه من ابناء الطبقة العليا
ثقافة ترباس بشكل عام لا ترقي لمستوى اصدار مثل هذه الشهادة التي ادلى فيها نقاد وكتاب عظام بأراء تعجز فاخورة ترباس عن استيعابها مهما طالت عمامته
كان للراحل الطيب صالح نفس الرأي المعضد لرأي هؤلا النقاد حين سئل ذات مرة عن البيئة التي افرزته
مشكور يا مان
وعيد سعيد
| |
|
|
|
|
|
|
|
|
|
Re: فاخورة ترباس فاضية يا خسارة العِمة (Re: حيدر حسن ميرغني)
|
| Quote: بالعكس الابداع غير محكوم في كلياته بأي مناخ |
كلام لا يختلف عليه إثنان إطلاقاً وإن تفاوتت عماماتهم في الطول والخامة..
والأمثلة المحلية علي نطاق الوطن فقط تدلل بصحة ما ذهبت إليه ،،
ولكن ما يحيرني المنطق المعوج أو فقه الضرورة الذي يسوقه ويسوق له البعض..
ففرضيات الواقع الحالي تفرض علينا أشياء ماكان لها أن تصل إلي هذا التجاسر بكلام من لا يملك أدوات ما يتحدث عنه..
كما قلت ثقافة ترباس لا تصل للدرجة التي يلقي بها بكلامه علي عواهنه هكذا..
أحترم جداً الزول (القاعد في مواعينو)..
أعجبني المرحوم بادي محمد الطيب له الرحمه في حلقه عن حقيبة الفن وكان بإستضافة عوض بابكر..
بعد مقدمه (طاعمه) لعوض بابكر ،، تداخل بادي قائلاً :
عندك المحن يا عوض ،، جنس كلامك دا نحن ما ناسو .. نحن ناس نميم ساكت..
شفت بساطة الكلام وعمق المعاني..
حيدر حسن ميرغني:
كامل الموده والشكر علي الكلام السمح بالحيل..
| |
|
|
|
|
|
|
|
|
|
Re: فاخورة ترباس فاضية يا خسارة العِمة (Re: فاروق أبوحوه)
|
أها يا ود الموج يا ريتو لو وقف عند ذلك..
قال: أنا الشهرت التجاني حاج موسي!!!!
في داعي للكلام دا هسه..
ولو التجاني ما كتابته سمحه لماذا تغني بكلماته؟؟!!
قلت ليك صاحبك دا (بطبز) ساااااكت؟؟
لكنك ما داير تصدق..
نسويلك شنو؟
| |
|
|
|
|
|
|
|
|
|
Re: فاخورة ترباس فاضية يا خسارة العِمة (Re: ود الباوقة)
|
Quote: نحنا الفاخورة دايرين منها الغنا السمح وبث
لكن من ناحية فاضية فاضية ( قرعة )
.. كو ....
شكرا على الملاحظة ... |
نصيحةً تخدرك آضراعي..كلم ود الموج عليك الله..
كما تلاحظ لم أتطرق لغناء ترباس يا ود الباوقه .
فقد يعجب الكثيرين وقد لا يعجبني ..
وهذه أشياء متباينه تخضع للنسبية وتختلف بإختلاف أمزجة الناس ..
سُنت القوانين لضبط سلوك الناس ، ولكن الفنان هو من يشارك في سموق هذا السلوك بمعية أشياء أخري كثيرة..
فمن حق أي إنسان أن يسمع ما يروق له من الفنون ..
ولكن بصراحة وحسب رأي الفنان الراسو (قرعه كو) دا آفة علي الفن زاتو يا ود الباوقه..
والأمثلة كثيرة ، فهناك من منحه الله حنجره تطريبية سمحه وتجده يجمع حوله خمسين معجب في يوم واحد..
وبتصرف واحد قد يكون مثلاً تصريح صحفي (يبعزق) به الـ50 ومعاهم 50 تانين..
ودي مشكله.
ود الباوقة ،،
شكراً علي تواجدك هنا..
وعيدك مبارك
| |
|
|
|
|
|
|
|
|
|
Re: فاخورة ترباس فاضية يا خسارة العِمة (Re: فاروق أبوحوه)
|
Quote: رايك شنو في فقر الأخلاق والضمائر؟
|
الأخلاق والضمائر دي بقت عملة كاسدة يا حبيب الناس بقت تقيم الزول
بي قروشو ومنصبو الاجتماعي بغض النظر عن قروشو دي جايبة من وين واللا
شغال شنو ..
هسي ترباس دة لو جا داخل ليهو صيوان عزاء ورفع يدينو للفاتحة الصيوان كلو بقيف
ليهو لكين لو جيت انت داخل زول بهببو ليك مافي ..
| |
|
|
|
|
|
|
|
|
|
Re: فاخورة ترباس فاضية يا خسارة العِمة (Re: بكري اسماعيل)
|
Quote: الأخلاق والضمائر دي بقت عملة كاسدة يا حبيب الناس بقت تقيم الزول
بي قروشو ومنصبو الاجتماعي بغض النظر عن قروشو دي جايبة من وين واللا
شغال شنو ..
هسي ترباس دة لو جا داخل ليهو صيوان عزاء ورفع يدينو للفاتحة الصيوان كلو بقيف
ليهو لكين لو جيت انت داخل زول بهببو ليك مافي .. |
لا أريد أن ينحو البوست لغير الذي فتح له..
ولكن ثمة شئ يجب أن أقوله يا بكري..
الأخلاق والضمير الذي يشعر بالأخر من الأشياء التي تسير معنا للقبر..
أما المكتسب من الدنيا كالمال لا أظنه كذلك.
ومن يقيم الناس بهذا المنطق المعوج بلا شك غير جدير بالإحترام ، علي الأقل عندي.
أسألك سؤال بالبلدي كدي:
لو جاك لخطبة إبنتك واحد من أصحاب القناطير المقنطره ولكن أخلاق بي تعريفه ما عندو يعني ما فيه رجا تب .
وجاك واحد أخلاقو كويسه لكنه فقير..
أيهما تختاره وتتشرف بأن يناسبك؟؟
لا تجيبني بأنك ستقبل بالفقير لقناعاتك ..وتلكنه و(تعشعنه ) بأنو الناس عايزين كده أي الغني؟؟
كلنا أفراد في هذا المجتمع .. وإذا اي واحد تمسكو يقول ليك (الناس) بقت كده وعايزه كده..
انا بس عايز اعرف مين (الناس) ديل؟؟
الأخلاق والضمائر تكسد عند من لا يملكها يا بكري..
وأنا أفضل أن يقف (لفاتحتي) واحد (ضو) ولا مليون (همبول).
كل الود
| |
|
|
|
|
|
|
|
|
|
Re: فاخورة ترباس فاضية يا خسارة العِمة (Re: فاروق أبوحوه)
|
Quote:
مناخ الفقر غير ملائم للإبداع ..
(موضوع متعلق بكتابة الشعر). |
قاتل الله الفقر فقد كاد ان يصبح كفرا
المصطفى عليه صلاة الله وسلامه
قاتل الله الفقر
لو كان الفقر رجلا لقتلته!
الراشد الامام على كرم الله وجهه
الفقروالجهل والمرض هم اسلحة الدمار الشامل الحقيقية وليس السلاح النووى!
الفقر عدو الاخلاق لاتنهض فيه اداب او اخلاق او فنون الفقر هو الوليد الشرعى للديكتاتوريات!
لا اعتقد ان ترباس يتحدث عن الظرف الشخصى للمبدع الاعتقاد المطلق بان الابداع هو وليد الحرمان كرديف مقارب للحاجة ام الاختراع هو تمجيد للفقر باعتباره بيئة ملائمة وخصبة ومحفزة لنمو الابداع!
لا ادرى كيف يمكن للفقيرالذى بفتقر لأساسيات حاجاته اليومية ان ينتج ابداعا!
جنى
| |
|
|
|
|
|
|
|
|
|
Re: فاخورة ترباس فاضية يا خسارة العِمة (Re: jini)
|
الأخ جني:
أتفق معك في كل الذي أشرت إليه ، ولا أظن أن الفقر محفز بيئي للإبداع ..
ولكن هذا لا يعني بحتمية إنتفاء التفرد في هذه الفئة (القليلة) سابقاً ..
| Quote: لا اعتقد ان ترباس يتحدث عن الظرف الشخصى للمبدع |
لا يساورني شك في أن ترباس ليس بالذي يمكن له أن يفكر بالعقلية التي أشرت إليها..
لأن الحديث وقتها لم بكن بصفة عامة ، ولكن كان موجه لشخص معين..
بالبلدي كدي:
في ظل الديكتاتوريات..يباح للفنان أن يبحث عن (أرباع الشعراء) الجيدين مادياً؟
مجرد سؤال..
| |
|
|
|
|
|
|
| |
فاروق أبوحوه
صديق الموج
حيدر حسن ميرغني
jini
فيس بوك
تويتر
انستقرام
يوتيوب
بنتيريست