|
Re: سقوط آخر معاقل جبابرة أفريقيا .. (Re: abas)
|
Quote: أتوقع و( لا أتمني ) أن تنتهي مباراة الهلال الأولي مع مازمبي في المقبرة بالتعادل |
يا طلحة .. ياخي كل سنة وأمانيكـ تتحقق .. مالكـ علينا ياخي يوم العيد .. ياخي ده اليوم الربنا طلب فيهو من الإنسان (حضن) أخيه الإنسان وعدوه حتى الأمس .. فما بالكـ بكيان ( بتاع كورة ) اسمو الهلال .. عليكـ الله خلى الناس تعيد ونفسها مطمئتة بالأمل الجايِي بكره .. خلي بكره ده يا طلحة نفرح بيهو عشان نحن هلالاب وليسوا أعداء .. . . وطبعاً دون زعل أو عداء وبمحبة صادقة عيدكـ سعيد
| |
|
|
|
|
|
|
Re: سقوط آخر معاقل جبابرة أفريقيا .. (Re: رقم صفر)
|
ياعباس ما تعتمد كتير على توقعاتي لانو مرة بتخيب وتلاتة مرات بتجيب
يا عمران ياخ انت ما قريت رد عباس لي قال ليكم توقعاتي حلوة معاكم ما تزعل ياخ الهلال لو نجض بشيل الكاس دي على شرط يتخلي عن عادتو البايخة ويرجع ليهو بنتيجة ايجابية من برة يعني مثلا لو اتعادل مع مازمبي بالمقبرة 0/0 يشد حيلو عشان يتعادل هناك 1/1 أو على الأقل يتعادل بنفس النتيجة يمكن ركلات الترجيح تخدمو ياخي عايزكم تشيلو الكاس والله
| |
|
|
|
|
|
|
Re: سقوط آخر معاقل جبابرة أفريقيا .. (Re: رقم صفر)
|
رقم صفر الزعيم الغامض الذي لا يعرف حقيقته احدQuote: فالصحفيين الرياضيين تعودنا عليهم الجهل ،،،
|
قصدك تعودنا منهم الجهل هسع عليك الله انت يرد ليك شتيمتك دي كيف ..؟ المهم ياخ الكلام دا امش قولو للصحافيين الرياضيين ولو كمان قاصدني انا في ذات نفسي بالشتيمة دي قول ما تتردد . المهم الصحيح ( تعودنا منهم الجهل ) ما زي ما قلت فوق لانو كلامك بطريقتو دي ما أظنو شتيمة . كل سنة وانت طيب ياخ .
| |
|
|
|
|
|
|
Re: سقوط آخر معاقل جبابرة أفريقيا .. (Re: طلحة عبدالله)
|
طلحة
يازول كدي نبعد الشتيمة فانا هذه الايام في الامارات (حسب علمي انك في الامارات )
بعد نرجع لقطر نرجع لشكلنا ،،،،،،
اتمني ان اقابلكم غدا اذا كنت من اهل الامارات .....
عباس ، اتمني ان اشاهدكم غدا في تجمعك .... ونتونس في الهلال ، وصاحبك طلحة ده
| |
|
|
|
|
|
|
Re: سقوط آخر معاقل جبابرة أفريقيا .. (Re: رقم صفر)
|
طلحه كل سنه وانت طيب
Quote: وقبل خروج النجم الساحلي التونسي اليوم فقد خرج من قبله المريخ العظيم الأهلي المصري انيمبا النيجيري مبروك للصغار ... |
هاك الجزء ده من مقال قسم خالد بجريدة الهلال فى نفس المضمون >
Quote: والغريبة أن الوالي شايع إعلام المريخ (السالب) بحسب وصف المجلس له في بيان أمينه العام أمس الأول.. تحدث الوالي عن خروج الأندية الكبيرة وعدم قدرتها على التأهل الى ربع النهائي الأفريقي وضرب مثلا بالنادي الأهلي المصري الذي يعيش استقرارا فنيا وإدرايا كبيرا برغم ذلك لم يتأهل للمرحلة التي تأهل لها المريخ.. والسؤال للأخ جمال الوالي وللإعلام المريخي (السالب): ما هي علاقة المريخ بالأهلي المصري او النجم الساحلي او اسيك العاجي؟.. نعم تلك أندية كبيرة خرجت ولم يحالفها التوفيق في الاستمرار بدوري الكبار.. لم يحالفها التوفيق لأنها أندية كبيرة معتادة على اللعب مع الكبار.. ولكن ما دخل المريخ بهذه الأندية؟ وهل ظن أهل المريخ أنهم باتوا كبارا يقارنون أنفسهم مع هذه الأندية الكبيرة التي ظلت تسجل حضورا دائما في هذه البطولة الكبرى؟..! ناس المريخ ديل والله مساكين جد جد يا خي ديل بدأوا يتحسرون علي خروجهم من ربع النهائي في دوري الكبار.. التقول قبل كده وصلوا النهائي في هذه المنافسة التي أعدها الاتحاد الافريقي للأندية الكبيرة فقط..! |
وده الرابط > http://www.alhilalnews.com/column/gsem_khaledl.html
| |
|
|
|
|
|
|
Re: سقوط آخر معاقل جبابرة أفريقيا .. (Re: طلحة عبدالله)
|
Quote: تعودنا عليهم الجهل |
ما اورده الهلالابي صحيح فقد ورد في معجم البلدان للسنجري بن عبدالرحمن (18-172 هـ) انه يجوز ان نقول منهم وعليهم وعليهم اولى واستدل على ذلك بقول يحى بن خالد البرمكي : ان البرامكة الذين رموا اليك بداهية ____ تبدو عليهم خلع المذلة بادية والله اعلم
___ كل عام وانت بخير
| |
|
|
|
|
|
|
Re: سقوط آخر معاقل جبابرة أفريقيا .. (Re: عبدالوهاب علي الحاج)
|
Quote: ان البرامكة الذين رموا اليك بداهية ____ تبدو عليهم خلع المذلة بادية
|
ياابن ابي شفلخة ما علاقة هذا بذاك الهلالابي قال تعودنا عليهم الجهل وقصد (اعتدنا جهلهم ) وكان يمكن ان يستوي القول اذا قال: (تعودنا علي جهلهم) اما تعودنا عليهم الجهل فلا أجد لها تخريجا لغويا بقصد معناها اما البرمكي فقد قال تبدو عليهم خلع المذلة بادية ... وقصد تظهر عليهم ..
| |
|
|
|
|
|
|
Re: سقوط آخر معاقل جبابرة أفريقيا .. (Re: عبدالوهاب علي الحاج)
|
لكن كتابات خالد عز الدين فى نفس الموضوع حااااااااره بس انت طول بالك ومر عليها هنا >
Quote: أولاد عمنا ديل قدر ما قلنا ليهم دوري الابطال غير الكونفدرالية ما قادرين يفرقو لسّه.. برالمة وما عارفين روحهم برالمة.. انتو دخلوكم بي واسطة وللا شنو !! شكلكم كده شهادة عربية.. والغريبة ساقطين عربي !! أوع يكون واحد فيكم عمل بصمة في شهادة زول ناجح !! الجماعة ديل مصرين علي انو السنة دي الاندية الكبيرة طلعت من البطولة الكبيرة زي الاهلي واسيك والنجم الساحلي مهدد بالخروج وطبعا بدخلوا ليك معاهم المريخ زي التقول شال الكاس السنة الفاتت !! والغريبة حكاية توأمة الاهلي والنجم والمريخ واسيك دي منتشرة بين كل إعلاميي المريخ يعني حالة مرضية كده ظهرت بوضوح في عمود حسن محجوب أمس.. عندما قال في آخر بيت البكاء ( يطير الاهلي والنجم والمريخ ويبقي الهلال !! ونحن ذاتنا ما عارفين المريخ دخل متين عشان يطير !! الحمام الجانا طائر.. مرحب مغلوب الجزائر.. نوم عيني البقي لي سهر.. انتو اصلا ما عندكم علاقة بدوري الابطال عشان تكون عندكم علاقة بالاهلي ولا النجم ولا اسيك.. الأهلي القاهري بطل دوري الابطال وممثل أفريقيا في كاس العالم وصاحب أكبر عدد من البطولات والنجم الساحلي صاحب آخر بطولة لدوري الابطال وأسيك كان الموسم السابق والاسبق في دوري المجموعات !! المريخ دا الدخلو شنو ؟؟ برالمة وعايزين يعملوا فيها سناير وخبرة كمان !! مالكم ومال الاهلي ومالكم ومال أسيك ومالكم ومال النجم الساحلي.. يكون النجم قريبكم عشان الاسم !! بالمناسبة يا ابراهيم عبدالله النجمة ذاتها كشعار للمريخ جات بعد سنوات طويلة من ميلاده.. نستغرب نحن من خروج الاهلي ونحزن عليه لأنه رفيق دربنا في البطولة الكبري ولأننا نتمني وجود الاهلي لأن مبارياتنا معه لها مذاق خاص ولأن الفوز عليه له طعم خاص وقد انتصرنا عليه في هذه البطولة في أرضه ووسط جمهوره في عام 2004 كما انتصرنا عليه في أرضنا موسم 2007.. والنجم الساحلي صديقنا والتقينا معه أكثر من مرة وعبس لنا الحظ في نصف النهائي عندما تفوق علينا ووصل للنهائي مع الاهلي القاهري. مالكم إنتو ومال الاندية الكبيرة !! يا ضلنا.. ناس الاهلي والنجم الساحلي واسيك لو قابلوكم في طيارة صدفة وعايزين يتونسوا معاكم بقولو ليكم الهلال كيف.. أخبارو شنو.. ما عندهم موضوع معاكم .. برالمة وعينهم قوية.. دا الشوبير الخلاكم تقعوا من فوق. زي خديجة البتعاين لي بيت الجيران.. في الاعلان البوهية الأزرق بالابيض دي خطيرة جدا !! خديجة بتعاين لي فوق لحدي ما وقعت في الواطة !! |
وده الرابط يا طلحه > http://www.alhilalnews.com/column/Khaled_ezaldeen.html
قسم خالد و خالد عز الدين فطسوكم فى الحته ده يعنى يا طلحه افضل ليك تشاهد سهرة البلابل بعد قليل فى النيل الازرق .... كاااااااااااااااك
بوست هبوب ذى دفاع المريخ
| |
|
|
|
|
|
|
Re: سقوط آخر معاقل جبابرة أفريقيا .. (Re: عبدالكريم الامين احمد)
|
كيكي الوحشQuote: ودي يعلم الله بستفة تسر البال
|
قلت لي عجبتك يعني اها قاليك العربجي اول ما دخل الخرتوم شاف ليك الاشارة احمر اصفر اخدر عجبتو ليك وقال كدا دقر سفتو وصنقر ليها في الواطة وشبكا ليك والله شغلة عجيبةآجنا . أها دحين اخشي أن يطر الهلال قبل ما يمش الكنغو ( الوشوش عندي ما شغالة ياخ)
| |
|
|
|
|
|
|
Re: سقوط آخر معاقل جبابرة أفريقيا .. (Re: طارق الكوتش)
|
Quote: يا ضلنا.. ناس الاهلي والنجم الساحلي واسيك لو قابلوكم في طيارة صدفة وعايزين يتونسوا معاكم بقولو ليكم الهلال كيف.. أخبارو شنو.. ما عندهم موضوع معاكم .. برالمة وعينهم قوية.. دا الشوبير الخلاكم تقعوا من فوق. زي خديجة البتعاين لي بيت الجيران.. في الاعلان البوهية الأزرق بالابيض دي خطيرة جدا !! خديجة بتعاين لي فوق لحدي ما وقعت في الواطة !! |
كاااااااااااااااااااااااااااااااااكـ اوع يدك ياطلووووح ما تجيبا هنا البوهية لينة
| |
|
|
|
|
|
|
Re: سقوط آخر معاقل جبابرة أفريقيا .. (Re: طلحة عبدالله)
|
طلحة
قسطنطين طلع اليوم من المعتقل الاجباري
وقال ليك الاتي
هلال مازيمبي داخل مقبرة
تنتهي هدفين دون مقابل للهلال
هلال مازيمبي الكنغو تعادل واحد واحد
ويذهب الهلال للنهائي
كانو هارت لاند صفر صفر
هارت كانو واحد واحد
كانو هلال داخل نيجريا اتنين واحد لصالح كانو
هلال كانو داخل مقبرة
اتنين صفر للموج الازرق
وكاس الاميرة يتمايل طربا بين ايدي هيثم مصطفي
| |
|
|
|
|
|
|
Re: سقوط آخر معاقل جبابرة أفريقيا .. (Re: khaleel)
|
سلامات يا خليل وكل سنة وانت طيب قلت لي :Quote: قسطنطين طلع اليوم من المعتقل الاجباري
وقال ليك الاتي
هلال مازيمبي داخل مقبرة
تنتهي هدفين دون مقابل للهلال
هلال مازيمبي الكنغو تعادل واحد واحد
ويذهب الهلال للنهائي
كانو هارت لاند صفر صفر
هارت كانو واحد واحد
كانو هلال داخل نيجريا اتنين واحد لصالح كانو
هلال كانو داخل مقبرة
اتنين صفر للموج الازرق
وكاس الاميرة يتمايل طربا بين ايدي هيثم مصطفي
|
توقعتك تختما ب the end كبيرة زي بتاعت الافلام الهندية ديك أو تقول : وأدرك شهريار الصباح فسكت عن الكلام المباح . والله يا الهلالاب تجيدون الحكي أو كما قال خليجي لصحفي رياضي سوداني وآخر قولي ان هاهاهاهاهاهاهاها
| |
|
|
|
|
|
|
Re: سقوط آخر معاقل جبابرة أفريقيا .. (Re: طلحة عبدالله)
|
Quote: وكاس الاميرة يتمايل طربا بين ايدي هيثم مصطفي |
اذن القول ما قال قسطنطين...
وحمد الله سلامة الرجال يا خليل ......................
طلحة اقعد لاوي في ابو الخل ده كده لحدي ما تشوف الكاس يتهادي في ايادي البرنس وبعد داك حتة تقبلو عليها ما تلمو فيها
وعساك من عوادة
| |
|
|
|
|
|
|
Re: سقوط آخر معاقل جبابرة أفريقيا .. (Re: khaleel)
|
Quote: هلال مازيمبي داخل مقبرة
تنتهي هدفين دون مقابل للهلال
هلال مازيمبي الكنغو تعادل واحد واحد
ويذهب الهلال للنهائي
كانو هارت لاند صفر صفر
هارت كانو واحد واحد
كانو هلال داخل نيجريا اتنين واحد لصالح كانو
|
شايف يا ابو خليل قسطنطين ده طلع من المعتقل سخي يااااخي وشات ليك القصة كلها ONE PACKAGE مش زي كل مرة بالقطاعي
| |
|
|
|
|
|
|
Re: سقوط آخر معاقل جبابرة أفريقيا .. (Re: طلحة عبدالله)
|
Quote: ياكيكي سيبك من خلخنيين دا دا زول بتاع روايات علم الخيال ساي أنا نسيت اقول ليك : مبارك عليك العيد والسنة الجاية انت وعيالك واهلك وكل احبابك زي ما بتتمني بالضبط |
وانت من اهلو يا طلحة وعيد سعيد ياخي...
وقلنا نغلغلك شوية فنحن عارفنك زول كويس فقلبك اكيد مع الهلال ولكن اتخيل لي سيفك مع مازيمبي
| |
|
|
|
|
|
|
Re: سقوط آخر معاقل جبابرة أفريقيا .. (Re: نصار)
|
Quote: ياكيكي سيبك من خلخنيين دا دا زول بتاع روايات علم الخيال ساي
|
والله لو بتاع خيال علمي
كان يخطر ببالي ان المريخ يكون
طيش الابطال والكونفدرالية
وين الملايين
وارغو وعجبكو راحو فين
| |
|
|
|
|
|
|
Re: سقوط آخر معاقل جبابرة أفريقيا .. (Re: طارق الكوتش)
|
حدثني من اثق في حديثه عن ابي غتاتة السخرجني قال : عن عالم ببواطن الأمور قال : أكد لي كاشف للبير وغتاها أنه: يجري الهلال في البطولات الخارجية جري الوحوش غير صفرو الكبير أبدا ما بحوش . الرواية مسندة اسناد صحيح في كتاب (الحقائق بالثواني والدقائق)
| |
|
|
|
|
|
|
Re: سقوط آخر معاقل جبابرة أفريقيا .. (Re: طلحة عبدالله)
|
سلام طلحة ..........
Quote: وقبل خروج النجم الساحلي التونسي اليوم فقد خرج من قبله المريخ العظيم الأهلي المصري انيمبا النيجيري مبروك للصغار ... يتبع . ... |
الاهلي كبير وأنيمبا والنجم كبار بإعتبار حصولهم علي كأس بطولة الاندية عدة مرات ووصولهم للادوار النهائية مرات عديدة! ولكن لاأدري علي أساس وضعت المريخ ضمن الكبار في بطولة الكبار علما بأنه لم يصل دوريالتمانية في بطولة العمالقة الا في هذه السنة !! ولا أدري كيف يصبح مازيمبي حامل الكأس مرتين من الصغار? وكيف يصبح الهلال الذي أدمن الوصول للمراحل النهائية في هذه البطولة بل هو من الفرق الذي وصل لدورالثمانية ثلاثة مرات علي التوالي في هذا البطولة-كيف يصبح فريق هذا حاله صغيرا? كيف يعد فريق في طريقه للفوز الدوري العام للمرة السادسة من من اخر سبع بطولات كيف يعد صغيرا ويعتبر وصيفه عملاقا?
| |
|
|
|
|
|
|
Re: سقوط آخر معاقل جبابرة أفريقيا .. (Re: كمال عباس)
|
سلامات يا كمال عباس كل سنة وانت ومن يهمك امرهم بخير وعافية أها عاما اول لما الهلالاب قالوا ان الهلال فريق القرن وهو الذي لم يحصل حتى على بطولة سيكافا الضعيفة أكلنا الكلام دا في حنانا وسكتنا رغم المبالغة الهلالية العجيبة.
| |
|
|
|
|
|
|
Re: سقوط آخر معاقل جبابرة أفريقيا .. (Re: طلحة عبدالله)
|
Quote: أها عاما اول لما الهلالاب قالوا ان الهلال فريق القرن وهو الذي لم يحصل حتى على بطولة سيكافا الضعيفة أكلنا الكلام دا في حنانا وسكتنا رغم المبالغة الهلالية العجيبة. |
يا طلحة يازول ما تزور التاريخ دا ما كلام ناس الهلال دا كلام الكاف واستندوا على ان الهلال لعب الفاينال في اكبر بطولة مرتين ما تتكلم ساي وتلقى الكلام على عواهنه هكذا يارجل ويحك هل اصابك شئ من الصمرقع
| |
|
|
|
|
|
|
Re: سقوط آخر معاقل جبابرة أفريقيا .. (Re: عبدالوهاب علي الحاج)
|
شكرا يا وهبه على هذه الهديه واسمح لى عبرك ان اهدى الصوره ادناه و بمناسبة العيد الى الاخ و الصديق وليد القرود و الذى يعرف بخليل و رفيق دربه الاخ الصديق عبد الكريم كيكى
ونبشر الهلالاب باستمرار حملة بف باف للاباده الثلاثيه من خلال موقع سودانيز اونلاين
| |
|
|
|
|
|
|
Re: سقوط آخر معاقل جبابرة أفريقيا .. (Re: طارق الكوتش)
|
Quote: للحق والحقيقة الهلال وصل مرحلة نصف النهائي دي بجدارة لا فيها شق ولا طق
|
طلحة يا اخوي ..
كل عام وانتم بخير ...
اضيف بدون ضربات الجزاء الغريبة ...والحكم متعهد مباريات الهلال في السودان ..
بدون ذكر الرتينزة ...
| |
|
|
|
|
|
|
|