أها من الصباح نقلب في القنوات لغاية الريموت ما تعب ولا يوجد أي برنامج يســــر البال ويروح عن النفس قلنا نفتح لينا بوست نهترش فيهو شوية... بوست دسم وبمناسبة العيد ندي أخـــــواتنا ديل نماذج من شواكيش الرجال لأنهن مظلومات بالجد...ومنها برضو تسلية .. ونفرحن بمناسبة العيد دي والبوست مفتوح للمشاركات ونرحب بها كل الود
09-20-2009, 01:33 PM
الامين موسى البشاري
الامين موسى البشاري
تاريخ التسجيل: 08-09-2009
مجموع المشاركات: 15391
كانت تحبه باخلاص.. ولكنه لم يبادلها نفس الشعور قررت ان تواجهه عند أول لقاء بينهما قال لها انه غير مهتم بمسائل الزواج حالياً ويريد ان يركز كل جهده في عمله ودراسته فوق الجامعية امتلأت عيناها بالدموع وفي تلك اللحظة أدخل يده في جيبه وأخرج منديلا من جيبه ولكن المنديل سقط على الارض فإنحنى ليجلب المنديل اما هي فقد انتظرت لحظة مرور المنديل على خدها ووجنتيها ليمسح دموعها
ولكنه ماذا فعل هذا الرجل أنــــزل لتعرف
التقط المنديل ومسح جزمته وشتت راجل ما عنده ذوق ومتحجر شوف عليك الله جنس الحالة
تعرض زوجها سائق التاكسي لحادث حركة أليم فاقعده الحادث عن الحركة فاصبح مشلولاً اضطرت هي للخروج للعمل فكانت تعوس الكسرة وتفرش بالأكل والشاي في السوق لكي توفر لزوجها وأولادها لقمة العيش..المعايش جبارة وتوفر لهم العيشة الكريمة وثمن الدواء وبرضو حق الممرضة التي تمارض زوجها اثناء غيابها.. ................. ................. مرت الايام والسنين حتى نسيت أنها انثى فقد تبدلت حياتها وإنقلبت رأسا على عقب. وبعد خمس سنوات تمكن الزوج من السير على أقدامه....
ولكن ماذا فعل هو
تزوج الممرضه وتركها في السوق راجــــــــل الســــــواد والرماد (أكيد الجماعة قالن كده) جاحد وناكر للجميل
على أمل المواصلة لاحقاً
09-20-2009, 02:01 PM
الامين موسى البشاري
الامين موسى البشاري
تاريخ التسجيل: 08-09-2009
مجموع المشاركات: 15391
أحبته بصدق ونقاء من كل قلبها ولكنه كان يلعب بمشاعرها ويتحين فرصة الوصول لإغراضه الخبيثة دغدع مشاعرها جعلها تتدشدش فيهو كانت تعطل عقلها عندما تكون معه فاستغل ذلك واستدرجها الى منزل صاحبتها التي كانت بالعمل تمكن منها وقضيا وقتا سعيداً مع بعضهما وبعد إنقضاء الحاجة خرجت إلى المطبخ لتجلب له كوب عصير
ولكن ماذا فعل هو
فتح شنطتها ووضع لها 100 الف جنيه(بالجديد) واتخارج دون ان تحس به راجل واطي صحيح مش كده؟؟؟
تحبه حب جنوني ودائماً ما يهفو قلبها نحوه عاطفية ورومانسية جداً حد الإدمان هكذا يقول عنها الجميع وهو شخص لا يعطي العواطف كثير إنتباه يفكر دائما في المال كم سيجني من هذه الصفقة أو تلك يحسبها صاح دائما لم يتخذ أية خطوة إيجابية نحوها رغم مرور 3 سنوات على حبهما قررت أن تتكلم معه وعند أول لقاء قالت له:
أهلي ناس مساكين صـــاح لا يملكون البيوت أو العربات او حتى المال مثل صاحبتي رزان ونعيش رزق اليوم باليوم ولكنها مستورة والحمد لله ولكن رغم فقري إلا إنني احبك واموت فيك
ولكنه قال لها:
إنت عـــارفه لو بتحــبيني بصحيح تعرفيني على صاحبتك رزان عليك الله شوف نوعية البشر ده؟؟؟
أخـــــوي اشرف الله يجبر بخاطرك ويعلي مراتبك بس ما قلت لي رأيك في الشـــــــواكيش دي شنو؟ الغريبة أخواتنا مسجلات غياب.. الرجال عرفناهم بسببهم بعد الفضائح دي ما عندهم وجــــه يقولوا حاجة...وانت عارف الواحد ما بحس أنو النســـوان ديل مظلومات إلا في يوم العيد ده أتخيــــل الواحدة محبوسة في البيت 24 ساعة وخصوصاً في الغربة عموماً شكراً لرفع البوست
كل الود
09-20-2009, 11:48 PM
الامين موسى البشاري
الامين موسى البشاري
تاريخ التسجيل: 08-09-2009
مجموع المشاركات: 15391
عندما اتته فرصة الاغتراب فرحت له من قلبها ودعته والدموع في عينيها كانت تمنى النفس بأن يذهب ويأتي لها بالدولارات
التي تعجل بزواجهما. عاهدته ان تظل وفية له حتى عودته انتظرت والسنوات تمضي حتى وصلت الخمس كانت والدتها كل مرة تأتي لها بعريس لقطه قاومت كل ضغوط الاسرة وحرقت اجمل سنوات عمرها في الانتظار قاومت كل الامواج والرياح والأعاصير وأخيرا سمعت بعودته فتهللت أساريرها وفرحت وقالت إن انتظارها لم يذهب هدرا لبست أحلى ما عندها وذهبت للسلام عليه فهو جارهم في الحي
ولكنه ماذا فعل
تزوج ابنة خالته وذلك لأن والدته رفضت زواجهما. راجل السجم والرماد يا يمه البسمع كلام امه (تلاقيهن قالن كده)
09-21-2009, 00:13 AM
الامين موسى البشاري
الامين موسى البشاري
تاريخ التسجيل: 08-09-2009
مجموع المشاركات: 15391
شوفوا كضب الزول ده غايتوا أنا من الله خلقني ما شفته زول كضاب زيه عاين قال ليها شنو
لو كان قريب انواره آخذه بدون سلوووووووووك والله العظيم دي غايتوا ماسبقك عليها زول ها جنه ها الكضب ده اتعلمتوا وين لا حول ولا قوة إلا بالله دي كهربة شني يا زول البدون سلووووووووك دي أنعل أبو الكضب ظاااااطو
09-21-2009, 00:20 AM
الامين موسى البشاري
الامين موسى البشاري
تاريخ التسجيل: 08-09-2009
مجموع المشاركات: 15391
الصغيرة شجيرة الأراك الصغيرون الما كبير الرقيبة قزازة عصير السنون براقن يشيل العيون متل الفناجين القديما قديما الحمام الويزين في موجو عام الغزال الفوق في السلم
الراجل ده شافها وين؟؟؟؟
الراجل شافها ويييييين أكييييييييييييد وهي بتسبح في النيل أو في حوض سباحة ياااااااااااأخ ده شواف شــــــــوف ياااااااااااأخ ده وصفها وصف مبااااااااااااااالغة غايتو الناس دي بتشوف جنس شوووووووووف
09-21-2009, 00:39 AM
الامين موسى البشاري
الامين موسى البشاري
تاريخ التسجيل: 08-09-2009
مجموع المشاركات: 15391
قالو واحد قابل ليهو وحدة للمرة الأولـــى وصاحبنا طوالي قام قال ليها : بحـــــبك رد البنت : بسسسسسسسسس بسم الله والله ود اللمين ما قالها بســـــــرعة كده
بس ده برضو ما كضاب زي ده
مع الظلام تتبسم وليلي يبقى صباح جيش غرامك زَاح هَـدَّ حِصـن المُهجة ، ولي دِمَاي نَزَّاح وعقلي كـاد ينزاح وقُلّي هجرك جَـدْ يا جافي ولاّ مِـزاح ليك مُحَي وضَّـاح
وفي واحدة قالت لزوجها: أنت ما شايف فلان جارنا ده كلام مرتو والله قالت: كل ما يجي طالع من البيت إلايودعها ويبوسها عليك الله يوم حاولت تعمل زيو؟؟؟؟؟؟ الزوج : حاولت والله لكن ادتني كف
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة