|
أما الأحبة
|
فالبيداء دونهم == فليت دونك بيدا دونها بيد
قالها أبو الطيب
قالها ذات غربة وشجن وضياع
قالها قبل قرون عددا، وما نزال نحن نقولها الآن وربما غدا، بذات اللوعة وذات الوجع
فالبيد لا تزال جاثمة على صدر المسافة، والمسافة مستمسكة بلؤمها العريض
والأحبة هناك
هناك حيث لكل شئ معنى وطعم، رائحة ونكهة وحضور
عيد بأى حال عدت يا عيد == بما مضى أم بأمر فيك تجديد أما الأحبة فالبيداء دونهم == فليت دونك بيدا دونها بيد لولا العلى لم تجب بى ما أجوب بها == وجناء حرف ولا جرداء قيدود لم يترك الدهر من قلبى ولا كبدى == شيئا تتيمه عين ولا جيد يا ساقى أخمر فى كؤوسكما == أم فى كؤوسكما هم وتسهيد ماذا لقيت من الدنيا وأعجبه == إنى بما أنا شاك منه محسود
إلى آخر شجن أبى الطيب
وأظنها من بحر البسيط
بحر الأسى المقيم، متلاطم موجه يحمل الهم ويجتر الحنين
فيا أيهاالأحبة
القابعين خلف تلكم البيد والذين دونها
رعاكم الخالق وجعل ايامكم كلها أعيادا وأفراحا ومسرات
لكم الأمنيات بالسعادة وما تشتهون
ولنا الشوق
و
الصبر
ومبارك هذا العيد عليكم أجمعين
|
|
|
|
|
|
|
|
Re: أما الأحبة (Re: حبيب نورة)
|
قالها البرعي
أ لسيع صلٍ ما له من راقي أم مبتلىً بتحمُّل الأشواق ؟ تجري الخطوب فما أمر على الفتى من يوم بين بعد يوم تلاقي ...
عيدك مبارك ياأباذر و ربنا يحقق المنى ...
| |
|
|
|
|
|
|
Re: أما الأحبة (Re: سمية الحسن طلحة)
|
الصديق العزيز جدا ابوذر كل سنة وانت طيب
من حيث بدأ القلب شمالا اكتب (عراقي وسروال طويل وعنقريب) متعة العودة الي شمال الشمال...ذات الوجوه واللغة المغسولة بالحب والتعب...وجوب المعايدة علي كل فرد...اغاني البنات وامنياتهن والنظرة الي حيث باكر...كل شيء له مذاق الطفولة....حضور تحسدني عليه وانت افرب ماتكون الي القلب....ياصديقي رد الله غربتك..وكل سنة وانت طيب ..ولي عودة شكري وودي كاملا غير منقوص
عبد الله جعفر
| |
|
|
|
|
|
|
Re: أما الأحبة (Re: Abdalla Gaafar)
|
عبد اللاهى
ياهو نفس الدرب المشى فوقو النيل
اتا النواحى ديك فيها شنو ؟
الحاجات السمحة كلها مقبله وماشه عليها
يكون يا ربى ده إتجاه الجنة ؟
ما لاقتك يافطات ولا علامات
لكين نسيت ليك شى مهم
الرادى
الرادى يا عبد الله
الأنيس السمح داك
تسمع نشرة تلاتة وآذان العصر
وبعد داك يقول ليك مع فاصل غنائى
ويجى يغنى صلاح محمد عيسى ولا العاقب
وبالعدم يجيبو ليك ظالمنى طول عمرى وما ظلمتك يوم
غايتو
ما زلنا نكابد الأهوال وشوء الحال والمآل
لكنى والله أرى أحزانا قد طالت وحان أجلها
ولا بد من من هناك
وإن طال السفر
عيدك بخيت ومبارك يا عبد الله
| |
|
|
|
|
|
|
Re: أما الأحبة (Re: سمية الحسن طلحة)
|
الأمانى ؟
كل ما ليها يا سمية زاحه بعيد وماشه لى غادى
و أيادى الروح كلما ليها بتقصر
لا طالت القريب ليها ولا هسه قادرة تتمنى البعيد منها
أن شاء الكريم يا سمية أيامك كلها أعياد ومسرات
وأمنياتك دائما أقرب ليك من حبل القصيد
| |
|
|
|
|
|
|
Re: أما الأحبة (Re: حبيب نورة)
|
عيد
وسعادة
وكم وردة انقليزية حمراء ؟
تانى الفاضل شنو يا ود فاكهة
حاجة قريبة كده من تحوم وأطراف الجنة
وشكرا قدر الليلة وباكر ليك
| |
|
|
|
|
|
|
Re: أما الأحبة (Re: أبوذر بابكر)
|
Quote: فيا أيهاالأحبة
القابعين خلف تلكم البيد والذين دونها
رعاكم الخالق وجعل ايامكم كلها أعيادا وأفراحا ومسرات
لكم الأمنيات بالسعادة وما تشتهون
ولنا الشوق
و
الصبر
ومبارك هذا العيد عليكم أجمعين |
و إنت بألف خير يا أباذر
| |
|
|
|
|
|
|
Re: أما الأحبة (Re: أبوذر بابكر)
|
ابز ذر مطرنا الدافق حبابك ود ابواتى ناس الشيخ حياتى وحباب طلتك البتعجل بالخريف باكرية العيد مبارك عليك علينا وعليك يتبارك العفو لله والرسول والتحايا عبرك لعقاب
| |
|
|
|
|
|
|
Re: أما الأحبة (Re: soma)
|
ألف حباب
والمراحب كلها بى اسماء الجمال الحسنى
السنة دى والجاية والكتار الجايات بعدها
وإنتى طيبة وسعيدة
وأهلك ووليداتك وعقابكن كله
السنة الفاتت كنت هناك عندكم
محل الواطا بتنجح سيقان القصب السامقة وبتطلع الشعراء العالين السامين
ومحل خضرة الدنيا بتبدا
وكل أيامك أعياد إن شاء الكريم
| |
|
|
|
|
|
|
|