|
|
 تفكير بصوت عالٍ
|
مجموعة افكار ممكن تشغلنا كلنا و نتجاهلها عن عمد /غتاتة / كسل ذهني
تخص مستقبلنا - ماضينا - حاضرنا - مديرنا المباشر - اطفالنا - اصحابنا - احلامنا- فشلنا .. الخ
ممكن كلنا نكتب افكارنا او نعلق علي افكار اخري
هل بالضرورة يكون في إطار نظري للقصة دي ؟
كدي نفكر سوا و نشوف
|
|
 
|
|
|
|
|
|
|
|
Re: تفكير بصوت عالٍ (Re: خدر)
|
وددت ان ابتدر بوستي بجملة (انا من جيل ما بعد النكسة العربية) لما في تلكـ البداية من ارتباط وثيق بجوهر البوست و ذلكـ عطفا علي إرتباط السودان سياسيا بالمنطقة العربية
منذ اوهام (القائد العربي جمال ع.الناصر - خط بارليف - الوحدة العربية - لاآت الخرطوم الـ3 .. الخ) لكني عدلت عن الفكرة رغبة مني ان تأتي التداعيات مُنفردة كمُقتضي حال
البوست مجموعة افكار منفصلة تخصنا كسودانيين الان بعد الهزات الكبيرة التي حدثت منذ نهاية الالفية التانية و حتي الان. و حتي اكون اكثر دقة سأقسم الكوارث التي مرت بنا للاتي
- فكرة الامة العربية الواحدة
- اوهام العدو المشتركـ
- البروسترويكا و الجلاسنوست بتاعت الرفيق الفسل غوربا
- تنامي المد الاوصولي في الشرق الاوسط
- 11 سبتمبر
- الازمة الاقتصادية الحالية
ظللت لمدة 19 عام صائماَ عن الدخول في حوارات سياسية جادة حول (الوضع السياسي الراهن و آفاق الحل و العقوبات الاقتصادية ضد السودان .. الخ) عملا بفكرة آفاق شنو
يا ناس و الافق اصلا معتم و نهايتو بعيدة , الان في ظني ان التفكير بصوت عالٍ في مُجمل ما سبق من قضايا واجب مُلح خاصة و نحن سنكون في حِفظ و رعاية طويل العمر اوباما
لاربعة اعوام قادمة علي اسوأ تقدير و بالتالي يمكننا بهدوء ان نتبادل الافكار علي الاقل نستوعب ما حدث املا في أن نلحق باقي شبابنا و نحن فاهمين حاجة.
| |
|
|
|
|
|
|
|
|
|
Re: تفكير بصوت عالٍ (Re: خدر)
|
غايتو انا ممكن ارتب ليكي افكاري حول (البروسترويكا و الجلاسنوست بتاعت الرفيق الفسل غوربا)
تنامي المد الاوصولي في الشرق الاوسط ..
ده لو غيرتو وعملتو في بونس أيرس بدل الشرق الاوسط ممكن نهال ترتبو ليك بصورة مستفيضة..
| |
|
|
|
|
|
|
|
|
|
Re: تفكير بصوت عالٍ (Re: خدر)
|
اهو عملت إطار نظري
كيف معاكم ؟
___
البوست ده ما سياسي بالمناسبة .. البوست لاستعراض هموم إنسانية لكن غصبا عني و عنكم حا يدخل فيها اخونا السياسي علي ما اظن
| |
|
|
|
|
|
|
|
|
|
Re: تفكير بصوت عالٍ (Re: خدر)
|
يبدو اني ما شرحت نفسي كالعادة بشكل واضح
يا وغد
التقسيمات اعلاه هي محاور مساعدة لافكار إنسانية بسيطة بتحصل كل يوم
- العشاء بايخ و ما لذيذ
- حبيبتكـ بتعمل في حركات بايخة و ما مفهومة
- البوبار في بيت البكا
- .. الخ
نحن لو إتكلمنا عن القضايا الفكرية و السياسية حا نخلي شنو طيب لي دهاقنة السياسة في المنبر ؟
ركز معاي ياخي 
| |
|
|
|
|
|
|
|
|
|
Re: تفكير بصوت عالٍ (Re: خدر)
|
خدر
تحياتي وكل عام وانتم بخير
التفكير بصوت عالي انا شخصيا بعاني منو
وبالذات في الفترة الاخيرة
لدرجة مخجلة
دة علي مستوي فكري البسيط فمابالك لما ندخل عالم
مابعد النكسات الحطمت كل افاق كانت
المهم البوست جميل ويستحق الوقفة عنده كتير وكتير
| |
|
|
|
|
|
|
|
|
|
Re: تفكير بصوت عالٍ (Re: خدر)
|
البروسترويكامشروع وتنظير بائس من الزميل غورباتشوف .. زي نظام التوالي بتاع اخونا الشيخ حسن ..كلاهما نظر لفكرته وكلاهما اوديا ببلادهم..وكلاهما ودر اقتصاد بلاده وانتهت الى عصابات منتظمة في شكل حكومة..
وتقاطع المشروعان في مسالة الجلاسنوست ..م والتي عنى بها الزميل غوربا تقييم الاداء العام للمشروع والعمل على رتق ثغراته
وكانت مذكرة العشرة بتاعة الاخوان هي جلاسنوست المشروع الحضاري..
البرسوتريكا والمشروع الحضاري احلام زلوط بالدارجي كده..
اسمع ممكن نفكر في مواضيع تانية بصوت عالي ..
ان افكاري العالية ليست بصراحة ضمن ما ذكرته من اطارات ..فاغلب الاطر التي اتيت بها لم تتسع للتنظير بداخلها فخرجت وولت الى غير رجعة..
| |
|
|
|
|
|
|
|
|
|
Re: تفكير بصوت عالٍ (Re: حبيب نورة)
|
Quote: دة علي مستوي فكري البسيط فمابالك لما ندخل عالم
مابعد النكسات الحطمت كل افاق كانت |
ده بالضبط يا باسط جوهر بوستي ده
قضايا و هموم شخصية بتتقاطع مع قضايا اكبر بدون ما نكون عارفين او حاسين
دكين
اكتب ما شاء لكـ من افكار هنا
بي راحتكـ .. البوست منطقة مُحررة
حبيب
انا راجيكـ قول علي كيفكـ
| |
|
|
|
|
|
|
|
|
|
Re: تفكير بصوت عالٍ (Re: خدر)
|
1 - آبرا كدابرا .
2 - شخارم بخارم .
.....
لكل الخبوب الذي جبتو يا ود التوم و كوركت بيهو ..
ما في غير الآليتين واحد و اتنين أعلاه لقطع دابر أي هلاويس مقنقنه فوق روسينا من سنة غاغ .
لو أنا صاح قول لي : شِد و اركب .
| |
|
|
|
|
|
|
|
|
|
Re: تفكير بصوت عالٍ (Re: Emad Abdulla)
|
فكرة (1)
الغضب
في حمولات غضب كبيرة جدا جوة اي زول فينا .. كتير مننا و انا منهم بنحاول انو نتخلص منها و نتحلي بضبط النفس
بعضنا يحسبها تحضُر و بعضنا يحسبها حكمة و عامل سن و بعضنا بنكرها عديل ده طبعا بإعتبار انو السيد المسيح خالو لزم.
المثقفين (اللهم انفعنا بي جاهم) ناكرنها تب و بقولوا انو الصفة السالبة* دي ما عندهم خالص رغم الشواهد الكتير
علي تورط و ولوغ معظمهم فيها.
عن نفسي لا انكر نوبات رغبتي الجامحة في ضرب احدهم , و لدي قناعة راسخة ان الضرب فعل لازم للحياة في هذا
الكوكب السيار مع بعض ذوي الاكباد الرطبة و هذا ليس من باب ضعف حُجتي او فراغ صبري او ما شابه من الاكليشيهات
التي شنف المنظرون السابقون بها آذاننا , علي العكس السبب الاساسي هو ان ذوي تلكـ الاكباد ضربهم فرض عين لا يسقط
لا عن البقية ولا بالتقادم .. واجب عدييل.
ليه واجب ؟
- تنفيس ساي و فش غبينة
- حتي تنتظم دورة الحياة بشكل طبيعي و يكون للشر (إن إتفقنا ان الضرب شر) دورة الظبيعي
- الترويح عن النفس بعد الورم الورمونا ليهو ذوي الاكباد آنفي الذكر
- إعطاء ذوي الاكباد فرصة لمراجعة ما يفعلونه بالاخرين و قياس النتائج
- .. الخ
مُجمل قولي ان الغضب احد الصفات الانسانية الواجب إعادة صياغة المفهموم المتوارث حولها .. هل تحليلات علماء النفس
في الالفية السابقة مُتسق و مُنضبط مع مُعطيات الان ؟
* سالبة ليه ماعارف .
| |
|
|
|
|
|
|
|
|
|
Re: تفكير بصوت عالٍ (Re: AnwarKing)
|
التفكير بصوت عالي نمرة أتنين...
الشيوعيين...ياخي الناس ديل مالهم بالضبط؟؟؟؟
مافي زول يجاوب بالله...كالعادة يعني...غيروا الأسم ده ، كرهتونا زاتو...
__________
التفكير بصوت عالي نمرة تلاتة...
نسمع قولة خواجة دي نقول بس خلاس الكلام أنتهى...وفعلاً يجيك الخواجة والكلام
أنتهى...
لكن السودانيين المتخوجينين من زمن الرقيق، والى تاريخ اليوم حالياً...
ومنهم صاحب البوست، مولانا-سابقاً- خدر،
مختلفين تماماً...
بحس أنكم مكنتين...مكنة تعيشوا بيها في أوروبا وأمريكا والخ...ومكنة تانية تطلعّوا بيها
دين أخوانكم سابقاً في الوطن، وخدمكم الآن في ملء فراغكم وإمتاعكم بكل "جديد" وسجمان
من بلدكم "الأم"...
وإلا...فمن وين جا صلاح ود بندر؟ النموذج الناجح للخواجة السوداني!
ولا المهاتر الأكبر عصام جبر الله، الساكيهو من بوست لبوست، كأنو إصلاح قضايا السودان
كلها تبدأ وتنتهي عند صلاح بندر!
قوم لف يا عصام جبر الله، عليك مصيبتين أنتا يا أخوي...خواجة سوداني، وكمان شيوعي!
صراحة كدة أنتو عالة على الأماكن المشيتو ليها، ونصابين وكذابين...وأفاكين،
إلا البركة بس في أولادكم وأحفادكم...
ما تجرموا في حق أولادكم وترجعهوم السودان، زي ما عمل الكوز سابقاً حبيبنا الطيّب بشير،
والذي تعامل مع أمريكا، مثله مثل غيره، كالعاهرة، قضى نحبه منها وجوازه، ثم ذهب الى الطير
ديك يشوف قروش البترول دي بتمشي وين...
____
ملحوظة: الأسماء التي أذكرها، أظن أن بيني وبينها فسحة تسمح لي بالتفكير والشخير
في وجههم متى ما أردت، وكما أردت وقتما أردت...أو هكذا أظن...
لو في زول وريف وعاجباهو روحو ولا شي...
يقول لي...بحذف أسمو ومعاها كبعة في زنقلتو كمان!
المهم....
| |
|
|
|
|
|
|
|
|
|
Re: تفكير بصوت عالٍ (Re: AnwarKing)
|
فكرة (2)
المراة
في خلط كبير في تقديري بين حقوق و قضايا المرأة في مُجتمع زي السودان و بين المرأة نفسها كمواطن.
قضايا المرأة و حقها في تقاسم الحياة مع الرجال حق و قسمة عادلة لا جدال حولها.. الجدال و الاستهبال بجي في لخبطة الكيمان لاحقا عندما تلوح مجرد إرهاصات
لاختلاف في وجات النظر مع الرجل
- ترفع النساء طوالي الحقوق علي أسنة المنابر كل ما اقتضي حال مواقفهم الفكرية او الحياتية لنصرة مواقفهم غض النظر عن تبعاتها و ( إستغلال الظلم التاريخي علي المرأة) في
إسقاط قضايا المرأة العادلة و توزيع الحقوق بينها و بين الرجل علي قضايا محدودة و خاصة و في دوائر ضيقة كما الحال في ( خلاف عاطفي/فكري / ثقافي/ .. الخ) داخل الاسرة /
العمل / المنبر / .. الخ
هناكـ نوع آخر من النساء يمتهن التخاشن و المناوشات و من ثم الإشتباكـ مع الرجل دون اسباب معلومة , و فقط إستناداَ علي إرث نضال المرأة السودانية
في إسترداد حقوقها و كأنما ذاكـ الارث وُجد كي يتم إستخدامة بدمغ المختلفين معها في الرأي و هذه الشريحة لا تشغلني بتاتاَ عملا بمبدأ مرمي الله ما بترفع
كل ما سبق يتم فيهو التجاهل عن عمد لموقع المرأة الحياتي .. يعني اختكـ او زميلة العمل او زوجتكـ و تمترسا خلف رأيها او موقفها من الزيادة الجديدة في مُرتبكـ
لشهر ديسمبر ممكن ببساطة تلقي روحكـ بايت في الحراسة بمُختلف التُهم تبتدي بي الكذب و عدم الوضوح و تنتهي بإضهاد المرأة و التعامل معها ككائن سطحي
متي تُفرق النساء بين حقوقهم الاصيلة كأمر محسوم و بين الحياة في هذا الكوكب مع الرجل كعضو عادي ليس مسؤلا عن كل إلاحتقانات التي خُلقت قبل ان يولد ؟
| |
|
|
|
|
|
|
|
|
|
Re: تفكير بصوت عالٍ (Re: خدر)
|
Quote: لكن السودانيين المتخوجينين من زمن الرقيق، والى تاريخ اليوم حالياً...
ومنهم صاحب البوست، مولانا-سابقاً- خدر،
مختلفين تماماً...
بحس أنكم مكنتين...مكنة تعيشوا بيها في أوروبا وأمريكا والخ...ومكنة تانية تطلعّوا بيها
دين أخوانكم سابقاً في الوطن، وخدمكم الآن في ملء فراغكم وإمتاعكم بكل "جديد" وسجمان
من بلدكم "الأم"... |
ياخي ده ما سبب نزول البوست زاتو .. يعني يا انور سويتنا ناس يهدوها من المريسة تشد العرقي ؟
نعترف و نناقش روحنا ما عاجب نسكت و ما نفكر بي صوت عالي برضو ما عاجب ؟
___
ما تختني مع عمالقة زي بندر و جبرالله بالله يا انور .. انا حي الله مواطن مسيكين بفكر بي صوت عالي
| |
|
|
|
|
|
|
|
|
 Re: تفكير بصوت عالٍ (Re: خدر)
|
Quote:
يا بكري
انور كنغ مهكور .. حل القصة دي بالله |
الله؟!
مالي أراك تكرهين الجنة يا مولانا...
ما قلتا بصوت عالي...
لوولز
___
خلاس حا أعمل كاتوقري جديدة للأساطين الكُبار ناس بندر وجبر الله والخ...براهم..
أها حسين ملاسي نقع بيهو وين؟
| |
|
|
|
|
|
|
|
|
|
Re: تفكير بصوت عالٍ (Re: AnwarKing)
|
العنصرية ، القبلية والجهوية...
ياخي السودانيين ديل كولللللهم...كلهم بلا إستثناء عنصريين...وقبليين وجهوين والخ...
طيب يا أخوانا محاربة العنصرية == محاربة أنفسنا عديل كدة...
ليه نحارب العنصرية والقبلية والجهوية؟؟؟
المفروض ننميها...والتقوم حروب وهبر وكبر والخ، الفوضى الخلاقة، حتى أنو عندها
أساس نظري كمان...والناس التفضل حا تكون عرفت راسها وين
وكرعينا وين بعد داك...
الواحد تلقاهو مثقف لمن يقول وووووب....لكن في حتة العنصرية دي كذاب وستين كذاب!
بعدين النسألكم ...أنتو أوروبا دي...مافيها قبائل؟
ناس ساي كدي؟
سمعنا أنو وزيرة العدل في فرنسا "حامل"...وأبو المولود ما معروف منو...أها في الحالة دي ما
بقدر أسميهو مجهول الأب...معليش لكن الوصف هنا ياهو ود حرام!
بعدين ياخي الخواجات ديل عندهم معايير كدة يفهموها براهم، الزول تلقاهو ولدو كبير، يقول
ليك بكرة عرس أبوي وأمي...!!!
أنا صراحة ما داير أبقى خواجة...لكن المفروض الخواجات كمان تبقى روحهم رياضية لمن تقول
ليهو يا ود الحرام،،،، حاجة مستحقة، وتهمة ما بيقدر ينفيها...وشرف يلاحقه وكدة!
___
من جانب آخر...شوفو أولاد وبنات الحرام ديل...عندهم قبايل...بس مسمحنها ساي ويقولوا لينا مجموعات
وعرقيات والخ...
لغاتهم متخلفة...أديانهم مختلفة... قبايلهم مختلفة...وبعد ده كلو لقوا ليهم طريقة يحلوا خلافتهم
عبر آليات وحدة في منظومة الإتحاد الأوروبي...
مالنا أنحنا "أولاد الحلال ديل؟"
ولا العكس صحيح في التسميات!
المهم...
| |
|
|
|
|
|
|
|
|
|
Re: تفكير بصوت عالٍ (Re: AnwarKing)
|
Quote: وإلا...فمن وين جا صلاح ود بندر؟ النموذج الناجح للخواجة السوداني!
ولا المهاتر الأكبر عصام جبر الله، الساكيهو من بوست لبوست، كأنو إصلاح قضايا السودان
كلها تبدأ وتنتهي عند صلاح بندر!
قوم لف يا عصام جبر الله، عليك مصيبتين أنتا يا أخوي...خواجة سوداني، وكمان شيوعي! |
الحتة دي أكلتني يا مولانا...وعلى وزن كلام الكيزان، قلتا أطلّع منها فكرة منبثقة عن فكرة...
تخيّل عزيزي القارئ وعزيزتي القارئة...
صلاح بندر، المُطلّع دين ناس كُتار هنا -أغلبهم شيوعيين الداخل- الزول ده خواجة عندو جنسية
إنجليزية...الناس الكانو مُطلّعين الآتو من المهدي وآله وصحبه الى ستة وخمسين 1956.
يلا تخيلوا من الجانب التاني...أنو عصام جبر الله، المُطلّع دين روحو وساكي البندر...ده زاتو
خواجة...خواجة سويسري كمان... سويسرا....سويسرا مرة واحدة...
مقوّم لينا حروب هنا...وسويسرا ما فيها جيش زاتو...!
عاد ده كلام ده...
أعتقد أن أكتر أتنين خواجات (بريطاني + سويسري) بيعرفوا بعض وساكين بعض،
هم الشخصيتين الفوق ديك...
من الحرب العالمية التانية ولحدي الآن...ما بيكون في سويسري وإنجليزي أتكلموا مع بعض
جنس النضمي الصرفوه الجوز ديل...
وكلو في أرض معركة ما ليهم بيها أي علاقة طبعاً...ارض أفريقيا الجعانة، وبلاد السودان الوهمية!!!
أسع قاعد أمخمخ كدة وبتخيل في صلاح بندر زي ال Cheer Leader
British CheerLeader
قاعد في مظاهرة عشان يفكوا ليهو بت أهلو الكان ممسوكة في قضية الدُب الوهمية في السودان ديك...
ياخي صراحة مناظر بايخة شديد...أن تكون In favor of those Khawajat
__________
ولا العجب عصام جبر الله، برضو داخل في دور ال Cheer Leader
Swiss CheerLeader
وزعلان عشان القذافي قال يفرتقوا سويسرا وكدة...
طبعاً في الحالة دي عصام بيكون ملكي أكتر من الجبنة السويسرية نفسها وملوكها...
وحاجات زي كدة يعني
| |
|
|
|
|
|
|
|
|
|
Re: تفكير بصوت عالٍ (Re: AnwarKing)
|
تفكير بصوت عالي اول,,,
هييييييييي يا أنور المهم دي ماحقت. ده شنو شغل الهمبته ده؟
انت ود الشيخ وين؟
تفكير بصوت عالي تاني,,,
انت ياخدر شنو البوست قاري الافكار ده,,,
انت اجندتك شنو بالظبط؟
تفكير بصوت عالي تلاتة,,,,
والله راسي مليان كلام كتير ياخدر,,,
هسي لو قلت بصوت عالي اني مرات من الغضب بكون بالجد نفسي اضرب لي زول ما بطلعوني سادية
هي لكن زي اطفال دارفور ديل البحرقوا الحشا,,,ولا كيزان المنبر ديل البهردوا الكبد,,يسووا ليهم شنو,,,
ياربي ناس الطب النفسي بقولوا شنو في الحتة دي,,,
المهم في النهاية ده كلو بطلع في صورة كلام,,ان شاء الله ما يصل حد الفعل بس.
:).
يعني اقول ليك,,,
هيي هه ياولد اقعد ساي بقوم اكسر ليك راسك ده.
فك ايدك دي يا بقطعه ليك.
بكسر فيك الكرسي ده.
بقكك بالمفراكة دي.
اجيب السكين دي هسه اطعنك نرتاح منك.
كوراعك بالكسرة.
ياقول حمور زيادة في الاستيتس في الفيسبوك...
بديك بنية اوصللك اخر الدنيا,,,بديك كف اوصلك اخر الرف.
وهكذا دواليك,,,
ده تنفيس ولا كبت.
:).
| |
|
|
|
|
|
|
|
|
|
Re: تفكير بصوت عالٍ (Re: Omayma Alfargony)
|
Quote: هييييييييي يا أنور المهم دي ماحقت. ده شنو شغل الهمبته ده؟
انت ود الشيخ وين؟ |
يا بت الفرجوني..حقتي وحقتك دي زاتها جاينها بالدرب...
المهم بكسر الهاء عندنا ليها تاريخ طويل عريض وشجرة عائلة ترجع للزول الأخد البُنية زاتها!
أنتي عارفة قصة المُهم دي شنو؟
تبارك عامل مُهم الأيام دي...وبيجي داخل مرة مرة كدة عامل فيها دينكاوي من ملكال!
المهم لمن نشوفو متوهط هنا...بنط ليك فيهو جوز أصلي...
المهم أسع نعرف شنو من نضميك ده؟
جمعية صحن بتاعة د.نجاة ديك ولا شنو؟
| |
|
|
|
|
|
|
|
|
|
Re: تفكير بصوت عالٍ (Re: AnwarKing)
|
| Quote: يا بت الفرجوني..حقتي وحقتك دي زاتها جاينها بالدرب... |
انت با انور بتحب الشكل كده مالك يعني شنو جاينها بالدرب,,
| Quote: المهم بكسر الهاء عندنا ليها تاريخ طويل عريض وشجرة عائلة ترجع للزول الأخد البُنية زاتها! |
اها وينو يعني وصلته اخر الدنيا بكون.
| Quote: تبارك عامل مُهم الأيام دي...وبيجي داخل مرة مرة كدة عامل فيها دينكاوي من ملكال! |
انت ياولد مالك ومال النعرات العنصرية هسي في داعي,,بجوك هسه ناس حقوق الانشان.
| Quote: المهم لمن نشوفو متوهط هنا...بنط ليك فيهو جوز أصلي... |
يعني مصر على شغل الهمبته
Quote: المهم أسع نعرف شنو من نضميك ده؟
جمعية صحن بتاعة د.نجاة ديك ولا شنو؟ |
صحن شنو..لو صحن طلس يكمن. ده بعتمد كانت بملاح شنو.
وكمان بتاع شبك.
انا مالي دعوة.
| |
|
|
|
|
|
|
|
|
|
Re: تفكير بصوت عالٍ (Re: Omayma Alfargony)
|
انور كنغ
الليلة مالكـ يا اخوي مركب مكنة ود الطالب ؟
انا طرحت لحدي اسه فكرتين و بالمناسبة تفكيري بصوت عال هنا لا علاقة له بسودانيزاولاين
انا بفكر بصوت عالي حول قضايا اكبر من منبر حوار و عضوية و مودريتر
واصل في افكاركـ انا متابع معاكـ و انت برضو تابع معاي
اميمة سلامات و رمضانكـ كريم
شفتي الاختام الشايلنها الخلوق دي و حايمين بيها نوع سادي و عنصري و عدو المرأة و ..الخ دي انا جاييها لي قدام لكن ممكن بإختصار اقول ليكـ انها ظواهر مؤلمة
بتوضح ضعف الحُجة و عدم القراية لدي الموطنين الكرام ديل لانهم بستخدموها كإرهاب فكري للاخرين خصوم او اصدقاء و للاسف السلوكـ ده بكشف عوراتهم هم اكتر من الاخرين .
الاصل في كل شي في تقديري هو التساؤل و من ثم البحث و البحبيت في اصل الافكار و محاولة الوصول الي نتائج و بعد داكـ بحذر شديد تجريب ما توصلت ليهو
ماعارف الناس دي بتلقي الشجاعة دي من ويين للحديث عن قضايا معقدة جدا بالاطلاق ده ؟
| |
|
|
|
|
|
|
|
|
 Re: تفكير بصوت عالٍ (Re: AnwarKing)
|
Quote: انا طرحت لحدي اسه فكرتين و بالمناسبة تفكيري بصوت عال هنا لا علاقة له بسودانيزاولاين
انا بفكر بصوت عالي حول قضايا اكبر من منبر حوار و عضوية و مودريتر |
إستنفاذاً لحُريتي في التعبير والإختيار والخ...أنا تفكيري بصوت عال هنا له علاقة
بسودانيزأونلاين... عكسك تماماً...!
و إستنفاذاً لحُريتي في التعبير والإختيار والخ...أنا تفكيري بصوت عال هنا حول قضايا
أهم في نظري و هي منبر حوار وعضوية ومودريتر والخ...
على كيفي يعني يا مولانا...!
وممكن أغيّر العالم من خلال هذا المنبر، وتحديداً من خلال هذا البوست!
إلا في حالة عملتا إطار محدد للحديث وقلتا لي ألتزم بيهو...
غير كده يحلك صلاح بندر، وبالعدم عصام جبر الله!
حاكم أنا مُشّرك ليهم الجوز هنا...وداير أفكّر معاهم بصوت عالن!
طبعاً ده لا ينفي أنو ممكن أفكر بصوت عال حول قضايا البيئة وتغير المناخ، والديموقراطية وحقوق الإنسان
والكسرة بملاح أم رقيقة والأزمة الإقتصادية العالمية وصلاح قوش والخ...
المدرسة للتلميذة في حصة الرسم:
* ماذا ترسمين؟
التلميذة
- أرسم صورة لله
* لكن مافي زول شاف صورة لله
- حا تشوفيها بعد أن أخلص من رسمها!
المهم...
| |
|
|
|
|
|
|
|
|
|
Re: تفكير بصوت عالٍ (Re: خدر)
|
فكرة (3)
اللفحي
لفح الكلام و تكوين مجموعة افكار او قصص منو بعيدة جدا عن الفكرة الاساسية الملفوحة
حركة بايخة خالص و منتشرة في سودانيزاولاين و معظم منابر الحوار
اللفحي ليه اصلا فكرتو شنو ؟ السبق بالفكرة حتي وان اتت غير مُكتملة ؟ طيب ليه ؟
ما اهو نحن حا نسمعها او نقراها و نفكر فيها و نلقاها خبوب ساي .. انت حا تقبل وين لمن نزرزركـ فيها ؟
طبعا حا تتحزلق عشان تأكد انو فكرتكـ مؤسسة .. طيب ليه ده كلو
الفح ياخي و نجض لفحيكـ ده و تعال قولو .. موش احسن ؟
___
فاتني ان انوه انو البوست ده انا حا اكون فيهو صريح جدا , صراحة قد تصل حد الاحراج غالبا 
| |
|
|
|
|
|
|
|
|
|
Re: تفكير بصوت عالٍ (Re: خدر)
|
Quote: عارف يا انور لقيتكـ مغبون اكتر مني
واصل عليكـ الله |
لووووووووووووووووووووووووووووولز
والله الغبن حاصل، لكن فعل الأمر بتاع واصل ده، وإن شابه الرجاء، بخليني
أدق ياي وكدة...
يا مولانا ياخي داير لي زول هنا في المنبر ده حقيقي...زول ما بيجامل ويقولا ليك طاخ في وشك...
أها نلعب زملان؟
ولا ندكها ونشكها تاني؟
| |
|
|
|
|
|
|
|
|
|
Re: تفكير بصوت عالٍ (Re: خدر)
|
| Quote: فاتني ان انوه انو البوست ده انا حا اكون فيهو صريح جدا , صراحة قد تصل حد الاحراج غالبا |
ده المطلوب ياخدر
بدل اللفحي والمجاملات العبارة عن شكرني واشكرك
بالمناسبة,,,
انا في موضوع حارقني,,,
انت ما جبت سيرة الرياضة ليه؟. (وشوش مدردقة)
خليك صريح ومحرج.
| |
|
|
|
|
|
|
|
|
|
Re: تفكير بصوت عالٍ (Re: AnwarKing)
|
Quote: المهم... أنتظر منكم
|
ياخي ما منتظر منكم ولا حاجة، عشان ما تفتكروا القصة إلزام...لكن لو في
تطوع وقال أي حاجة بس بدون مجاملة يكون فعلاً كلام كويس...
______
فكرة بصوت عال:
التأطـــــــــــــــــير:
ياخي أنا بكره كره الجن الأحمر الراكب موتر سوزوكي أحمر، الزول البيحاول يعلبني في إطار محدد...
اي إطار كان...حتى لو داير يعملني بيل قيتس في الكمبيوتر، ولا أحمد زويل النانو ، ولا سجم رماد...
أنا زول بحب أكون أنا ....نفسي فقط لا غير... وما عامل فيها ولا حاجة، زول هابي لاند ساكت (أهبل)،
وطير جنة، ودين حجر والخ... مجموعة من الحاجات كدة دي ياها أنا...
فما معقول أكون أنور (الفي مخيلتك طوال الوقت)، ويبقى خطأي أنو بقيت نفسي في وقت ما!!!
واحد يرسل ليك يقول ليك البوست ده ما بيشبهك....الله؟!
وما البيشبهني أيه بالضبط يا حضرة؟!
ولا زول تاني يقول ليك يا دكتور...
ياخي لسع ما أنتهيت من الدكتوراة...وبعدين القلم ما بزيل بلم...ما بزييييييييييييل بلم
الناس دي بتكرر في الكلام وما فاهماهو ولا شنو؟
دكتور...صاروخ، كلو زي بعضو... بس ياخي أحترموا هيئة الزول الكائن أمامكم ده، بكل قبحها،
وسخفها ولئامتها والخ...
أها على ذكر اللئامة...أنا نفسي أعمل لي شكلة مع دكين والله!
لأنو زول مُعلّم ويستحق الإحترام بلئامتو المتفردة دي...
بالله يا دكين لو قريت كلامي ده، تعال ناطي جوز طوالي، أصلو في المنبر ده متعود،
تعفص ليك زول في بوست، طوالي يطلع ليك المخزون من المفيد، إلا تعفّص عشان يطلع
المستخبي وكدة...
أها دايرها معاك ، كيف يا دكين؟
وهاك ده العربون كمان:
وهبة كيف؟
أحي أنا!
| |
|
|
|
|
|
|
|
|
|
Re: تفكير بصوت عالٍ (Re: AnwarKing)
|
س
Quote: أها نلعب زملان؟
ولا ندكها ونشكها تاني؟ |
ج
| Quote: فاتني ان انوه انو البوست ده انا حا اكون فيهو صريح جدا , صراحة قد تصل حد الاحراج غالبا |
صراحة ما بقدر إتحالف معاكـ يا انور .. افكاركـ اعلاه بتفتح عليكـ نيران صديقة انا اولها لانكـ طرحتها بإطلاق و كأحكام..
لو عاوز بجي اسلخكـ في الاخر بعد ما اتم افكاري عشان ما يبقي البوست حوار بيناتنا.
| Quote: انت ما جبت سيرة الرياضة ليه؟. |
بإفتراض انو في اصلا رياضة يا اميمة انا لاحظت حركة غريبة جدا .. جزء من صورة راجل البيت او الرجل السوداني الرشيد
انو يكون مهتم بالكورة و يتابعها حتي و لو كان ماعندو بيها شغلة لاسباب في تقديري تافهة جدا , مثلا عشان زوجتو تقول
لي جارتها والله امس ما حضرت المسلسل لانوابو امجد كان متابع الكورة وابو امجد في الحالة دي بكون سعيد جدا انو تنفيذ طلباتو
يحتل رأس قائمة حرمو المصون . او عشان باكر في الشغل يشاركـ مع الزملاء في الكلام عن مباراة امس .
المضحكـ المُبكي انو اغلب الناس لمن تسألهم عن الكورة السودانية بقولوا ليكـ انو تشجيع الفرق السودانية واجب وطني .
وطني فوق كم يا غبيانين!! قول مثلا فريق التحرير البحراوي احرز كاس العالم , الانتصار ده حا يحتل الفضائيات لمدة يوم
واحد .. بعد داكـ بنرجع تاني لي خارطة الطريق في فلسطين و الحرب علي الارهاب في افغانستان . إذن كل البحصل انو
سوق اللاعبين حا يذدهر و تدخل قروش في جيوب سماسرة الكورة و دي كلها قضايا ماعندها اي علاقة بالوطنية
| |
|
|
|
|
|
|
|
|
|
Re: تفكير بصوت عالٍ (Re: خدر)
|
Quote: افكاركـ اعلاه بتفتح عليكـ نيران صديقة انا اولها لانكـ طرحتها بإطلاق و كأحكام..
لو عاوز بجي اسلخكـ في الاخر بعد ما اتم افكاري عشان ما يبقي البوست حوار بيناتنا |
يا خدر ، صححني لو أنا فاهم غلط...
أنتا بتقصد تفكير مُرتّب ومنسّق بصوت عال ولا شنو بالضبط؟ ما يبقى زي تفكير ناس فور أوول،
الفيهو : يبدا بوست الليلة بعنوان...ينتهي بعد 7 شهور بعنوان آخر وأفكار مرتبة أخرى!!!!
لأنو في نظري أنو التفكير ده وتحديداً في مجريات البوست والردود السريعة والتفكير
أثناء الكتابة، لا يمكن أن يكون مُرتّب...
كما أنو الكلام الفيهو اغلاط كتيرة وتعميمات والخ...ده ياهو زاتو التفكير بصوت عال -حسب ما فهمت-
بعدين ياخي أنا لاقيك وين عشان أتجنب سلختك....اسلخ سااااي...ليكم اللحم والعضم، ولينا الرماد بعد الحرق!
المهم...
| |
|
|
|
|
|
|
|
|
|
Re: تفكير بصوت عالٍ (Re: AnwarKing)
|
تفكير بصوت عالي
سبحان الله شفتها كلها امبارح بالليل يا انور وهسه كنت حا اجيب ليك سيرتها.
تفكير بصوت عالي,,,
معقولة انور ده ياخ ماخايف الناس دي تصلوا هناك,,,ياالله. والله خوفتني عليك وبقيت اسال ضريبة الحاجة دي ليك شنو؟ يعني في المستقبل وكده؟,,,
والله في ناس كتير متاكده انها لا تجرؤ على ذلك.
انا بالتحديد عجبني الفديو بتاع الفريق المصري لانه هارد كبدتي عدييييييييل كده ياخي معقولة
ياخي اولي القربى اولى بالمعروف,,غايتو سبحان الله استفزاز ماعادي لمشاعر الشعب,,,
عجبني التحليل والحسابات,,,وكان موضوعي اكبر من انه يثير المشاعر بس.
بقية الفديوهات برضو كويسة وهي تنطق بلسان حال الكثيريين.
الخطوة جريئة احييك عليها يا أنور,,,
السؤال: هل فعلا ممكن صوتك يصل للريس ولا حيتم حجبك من الوصول اليه بصوتك...
او ممكن يكون وصل لحدي وين؟ ولمنو؟
كلاب الامن طبعا وصلم وفات اضانم,,والدليل في تعليقاتم المحمومة بنابئ الالفاظ,,,
اعوذ بالله,,ونفوس مريضة فعلا تنضح سادية وتسلط,,,حاجة قرف,,,
تمام انك وجهت ليهم الكلام في فديو الامن,,,
أحيك على صلابة اعصابك يا أنور,,,
قته شنو؟؟؟
| |
|
|
|
|
|
|
|
|
|
Re: تفكير بصوت عالٍ (Re: Omayma Alfargony)
|
Quote: تفكير بصوت عالي
سبحان الله شفتها كلها امبارح بالليل يا انور وهسه كنت حا اجيب ليك سيرتها.
تفكير بصوت عالي,,,
معقولة انور ده ياخ ماخايف الناس دي تصلوا هناك,,,ياالله. والله خوفتني عليك وبقيت اسال ضريبة الحاجة دي ليك شنو؟ يعني في المستقبل وكده؟,,,
والله في ناس كتير متاكده انها لا تجرؤ على ذلك.
انا بالتحديد عجبني الفديو بتاع الفريق المصري لانه هارد كبدتي عدييييييييل كده ياخي معقولة
ياخي اولي القربى اولى بالمعروف,,غايتو سبحان الله استفزاز ماعادي لمشاعر الشعب,,,
عجبني التحليل والحسابات,,,وكان موضوعي اكبر من انه يثير المشاعر بس.
بقية الفديوهات برضو كويسة وهي تنطق بلسان حال الكثيريين.
الخطوة جريئة احييك عليها يا أنور,,,
السؤال: هل فعلا ممكن صوتك يصل للريس ولا حيتم حجبك من الوصول اليه بصوتك...
او ممكن يكون وصل لحدي وين؟ ولمنو؟
كلاب الامن طبعا وصلم وفات اضانم,,والدليل في تعليقاتم المحمومة بنابئ الالفاظ,,,
اعوذ بالله,,ونفوس مريضة فعلا تنضح سادية وتسلط,,,حاجة قرف,,,
تمام انك وجهت ليهم الكلام في فديو الامن,,,
أحيك على صلابة اعصابك يا أنور,,,
قته شنو؟؟؟ |
قلته كلو خير...
باقي ليك الشغلة مُحرزة ولا كلام ساي؟
ثم أنو ليه الناس ما بتستخدم اليوتيوب للتعبير عن نفسها؟
تفكير بصوت عال:
الخوف سيد الموقف!!!!
وأنا خالف رجل فوق رجل وقاعد أتفرج في المشهد العجيب ده...!!!
قالوا أحد الأعضاء هنا، بيكتب -لاحظي فقط بيكتب- بعض الكتابات المناهضة للحكومة...
مشى السودان، وفي المطار يتلفت يمين وشمال (الفأر يحملق فيّ؟!)...
قالوا جاهو واحد قال ليهو : يا فار...سودانيزأونلاين ما تقلب ليها حكومة، أمشي!
واحد تاني بيكتب هنا برضو، تم إحتجازه في مطار أحدى الدول العربية "الشغيغة" نسبة لكتاباتو هنا...!
من جانب في ناس ليهم حق يخافوا...لأنو بيتهرشوا من الأساس، والشجاعة دي مشكلة بالنسبة ليهم،
ومن جانب آخر في ناس ما ليهم حق يخافوا...لأنو الخوف حالة طارئة وإستثنائية بالنسبة ليهم...
ومن هؤلاء -الأخيرين- عُطّنت طينتنا!
سأعود لاحقاً
| |
|
|
|
|
|
|
|
|
|
Re: تفكير بصوت عالٍ (Re: Omayma Alfargony)
|
| Quote: سوق اللاعبين حا يذدهر و تدخل قروش في جيوب سماسرة الكورة و دي كلها قضايا ماعندها اي علاقة بالوطنية |
وطنية شنو ياخدر,,,
اذا كان راس الدولة كبه كب الاف الدولارات على الفريق المصري والمرافق التعليمية والصحية الحكومية في اسوأ حال.
ياربي كان قصده شنو؟.
اعتذار وشراء ولاء مبارك,,,ليه هو حلايب ما كفت ولا شنو.
طبعا كلامك الفوق داك ناس الكورة ما برضو منك.
شايفه لي بوست حايم اظن اسمه,,,
الكورة افيون الشعوب.
نحمد الله.
| |
|
|
|
|
|
|
|
|
|
Re: تفكير بصوت عالٍ (Re: Omayma Alfargony)
|
والختف يا أنور
ماشي في الزيادة اليومين ديل.
والله الواحد قلبه متقطع على عبدالمجيد,,, ولا نهلة القاعدة بالشهور في السجن.
خدر.
الخوف...ده داير نقاش كتيييييييييييييييييير.
| |
|
|
|
|
|
|
|
|
|
Re: تفكير بصوت عالٍ (Re: Omayma Alfargony)
|
| Quote: أنتا بتقصد تفكير مُرتّب ومنسّق بصوت عال ولا شنو بالضبط؟ |
كلنا يا انور بنمر بي اوقات كتيرة جدا بتكون جوانا افكار كتيرة سالية او موجبة بنحتاج انو نتكلم فيها مع زول قريب
او نناقشها عشان نشوف صحتها من خطلها و من ثم تصحيحها . برضو في كتير من الافكار في تقديري عفا عليها الزمن و وجب
إعادة قرايتها و تنقيحها او هدمها او تطويرها .. الخ
دي فكرتي من البوست ده .. عندي كلام كتير في ملاحظات كتيره .. طرحي ليها هنا قصدي منو تصحيحي اولا او تثمين موقفي
يعني عارض افكاري في السهلة شفت الشجاعة دي كيف ؟
بالتالي البوست ما تنفيس عن غضب او نقد متعجل .. هذا فيما يخصني اما ما يخصكـ فلكـ مطلق الخيار في التعبير عن افكاركـ كما يروقكـ
و بالطريقة التي تراها و البوست بوستكـ طبعا يا صاحب زي ما عارف
خليني اشوف الفيديوهات و اجيكـ راجع لو ربنا مد في الآجال لكن مبدئيا انا معاكـ في التعبير عن آرآكـ بالطريقة البتناسبكـ.
| |
|
|
|
|
|
|
|
|
|
Re: تفكير بصوت عالٍ (Re: خدر)
|
شرك يعنى..
وجعلنا من بين أيديهم سدا..
خدر وأصحابه من الطرفين ..
كل سنه وانتو طيبين..
Quote: و لدي قناعة راسخة ان الضرب فعل لازم للحياة
|
صدقت..
بس بى ياتو طريقه ومن مين..??
كلامك دا ما ينفع يتقال مع تكويعتك الحلوه دي..
داير الضرب تسوى بضراعك?
ولا تتبع الوسائل والأجهزه التى اتفقت حولها امم الأرض لرد الحق لصاحبه?
اوع تجي تقول لي هى وينها الوسائل والأجهزة..
الإجابة الصريحة ضرورية يامولانا عشان اعرف إنت بتدعو لى ياتو زمن..
.have a nice dream
| |
|
|
|
|
|
|
|
|
|
Re: تفكير بصوت عالٍ (Re: معاوية الأرباب)
|
طالما خدر ظهر يبقى العيد قرب بالجد
افكار زئبقية لا يمكن القبض عليها
وافكار طيارة لا يمكن اصطيادها
انت تاعب نفسك ليه
انا لو مكانك اجيب علبة برنجي واكتب عليها افكاري بدل سودانيزونلاين!
| |
|
|
|
|
|
|
|
|
|
Re: تفكير بصوت عالٍ (Re: باسط المكي)
|
شماته بصوت عالى
انور كنق فجغ لى خدر بوستو
| Quote: خواجة...خواجة سويسري كمان... سويسرا....سويسرا مرة واحدة... |
فكر لكن ما تنجر سااااكت , اخوك ما عندو اي جنسية , حتى السودانية مافي الا في السجلات , يعنى اخوك حايم ام فكو ساكت , لو لقيت ليك جنسية واقعه لزها لى بتاعت لاوس زاتا ما بطاله.
حاكم أنا مُشّرك ليهم الجوز هنا...وداير أفكّر معاهم بصوت عالن!
دى اخرتا؟ الفيك اتعرفت , تلمنى مع الزبالة الانقليزية البرلمانية البتسوى في العارفو انتا زى جوع بطنك؟
انا ما عندى مانع افكر معاك و مع اى زول او زولة فارز روحو كويس
امرق من محل طارق ده و قول الفي بطنك كلو ونتفاهم
افتح ليك بوست سميهو "الجرابيع الضاربة مكنتين و مزمبعة بالمنقة و الزمبهار ... عصام نموذجآ " و فتو كلو ونتناقش
| |
|
|
|
|
|
|
|
|
|
Re: تفكير بصوت عالٍ (Re: esam gabralla)
|
| Quote: اخوك ما عندو اي جنسية , حتى السودانية مافي الا في السجلات , يعنى اخوك حايم ام فكو ساكت , لو لقيت ليك جنسية واقعه لزها لى بتاعت لاوس زاتا ما بطاله. |
يعني طلعتا ود حلال
Quote: دى اخرتا؟ الفيك اتعرفت , تلمنى مع الزبالة الانقليزية البرلمانية البتسوى في العارفو انتا زى جوع بطنك؟
|
ياخي الزبالة الإنجليزية ماله؟ عيبا لي...
اذا كان الكيزان -الزبالة السودانية- بيستوردو لينا خرا يوناني... ومنكم من يريد
أن " يتحاور" معهم من أجل تحقيق "المصالحة الوطنية"...
يعني ناباها مملحة وإنجليزية، ونأكله مخرينة!
بعدين ليه أفتح بوست تاني...ده زاتو ما جميل ومفيد، ولم يستنفذ أغراضو لسع...
عصام...لك الود يا حبيب...أتمنى أن تركز وتضرب في المليان بكل ما أؤتيت من قوة...
أخوك قاعد في السهلة ساي ومستعد للخبت، بس داير أخو أخوان جد يقول البغلة في الإبريق...
ما بحب ناس Mr. Nice Guy البيخشوا البلاعة عديل...وداير الواحد منهم يمرق نضيف ومريّح وظريف،
أو في شئون صلاح بندر نتفاكر!
المهم....
حتى لو ما عندك جنسية سويسرية...فالمكنة بقت رولكس خلاس يا عمك!
ورقصني يا جدع!
___
محتاج للبوست بتاعك داك الأجبرتا على تعديل عنوانه...مع أنو كان حقيقي وصحيح،
بالله أربطني بيهو وينوبك ثواب...
قال الحكيم نجيب سرور:
Quote: فرسان هذا العصر هم بعض اللصوص ! "1 .
( 2 )
- ها أنت تقفز للنهاية ،1
- هلا حكيت من البداية .
- ولمن أقول ؟ !
- هذى صفوف السنط والصبار تُنصت للحكاية :
- ألها عقول ؟
- ماذا يضيرك .. أَلْقِ ما فى القلب حتى للحجر ،
أو ليس أحفظُ للنقوش من البشر ؟ ! |
Re: نجيب سرور الشاعر المجنون.............. العاقل
وقال أيضاً:
Quote:
ياسيداتى .. يا أميراتى الحسان ..!
صَلَّيْتُ فى الماخور كى أعرف أسرارَ الطهارة ،
وزنيت فى المحرابِ كى أسبر أغوار الدعارة ،
لكن شيئاً واحداً لم أقترفه .. هو اللواطة !
ياسيداتى معذرة ..
ان كنت قد جانبت آداب اللياقة .
أنا لست أعنى فتنة الغلمان .. ما كان " ابن هانىء " ..
فى الحق لـــوطيا .. ولكن اللواطة أن تقول ..
ما لاتريد ،
أو أن تريد ولا تقول ! قالوا قديما : ( لاتخف ان قلت ، واصمت لاتقل ..
ان خفت ) .. لكنى أقول :
الخوف قواد .. فحاذر أن تخاف !
قل ما تريد لمن تريد كما تريد متى تريد ..
لو بعدها الطوفان قلها فى الوجوه بلا وجل :
" الملك عريان " .. ومن يفتى بما ليس الحقيقه ..
فليلقنى خلف الجبل !
انى هنالك منتظر ..
والعار للعميان قلبا أو بصر ،
وإلى الجحيم بكل ألوان الخطر !
" ابن هانىء " مقصود به الحسن بن هانى الشهير ب" أبو نواس"
المرجع :-
http://www.wadada.net/surur/luzum/w_l_0017.htm
|
نجيب سرور الشاعر المجنون.............. العاقل
والى الجحيم بكل أنواع الخطر....
أنور
| |
|
|
|
|
|
|
|
|
|
Re: تفكير بصوت عالٍ (Re: AnwarKing)
|
افكار سوداء
كتير جدا بتكون بطني طامة من كتابات زميل هنا في المنبر و ده بكون انسب وكت لسيطرة الافكار السوداء علي يأفوخي.
الفكرة السوداء الرئيسية البتسيطر علي دائما هي كتابة بوست مخالف الحافر للحافر لبوست المجني عليهو .. مثلا
عنوان البوست
الجرابيع الضاربة مكنتين و مزمبعة بالمنقة و الزمبهار ... عصام نموذجآ
الجرابيع الماضاربة مكنتين و لا مزمبعة بالمنقة و الزمبهار ... عصام ليس نموذجآ
و البوست طبعا حا يكون مقلوب بوست المجني عليهو في كل شي و ساسخر كل مهاراتي في عكس البوست دون تجريح او إستعداء
كل ذلكـ فقط حتي يري المجني عليهو بأم رأسه افكاره بعد ان نضع المراية قدامهافربما حنن ذلك قلبو علينا شوية و قطع شكـ
الحركة دي ستكون من الإضحاكـ بمكان و انا استمتع بعكس او قلب كل جملة او فكرة في بوست المجني عليهو.
| |
|
|
|
|
|
|
|
|
|
Re: تفكير بصوت عالٍ (Re: خدر)
|
Quote: يا أميمة الفرجوني .....
تفكير بصوت عال مع هامش للمناورة:
حلاة الموت كان في عبدالاه
حلاة الموت كان في عبدالاه. |
معاوية الارباب,,,
تفكير بصوت عالي
حليل عبداللاه,,,
حليل الحله,,,
جنيات الحله,,,
بنوت الحله,,,
مدارس الحله شن بقى عليهن
وشفخانة الحله,,,
وموية الحله,,,
حواشات الحله,,,
مشروع الحله ياحليل مشروع زراعة الحله,,,
الحبة بقي ما بجيبها ولا حتى مصاريف مدارس جنيات وبنوت الحله,,,
حبوبة,,,
حليل حبوبة,,,عليها الرحمة والمغفرة,,,حليل مشيها الحواشه,,,وانا ماسكه دربها وراها,,
حليل توبها وطرف توبها,,,
حليل غوناها,,,وشعرها وحوجاها,,,
حليل مصلايتها وسبحتها,,,
حليل داعواتها,,,
حليل الحله,,,
حولية الحله,,,نوبة الحله,,,
سماحة دين الحله,,,شباب الحله,,,مقنع الكاشقات,,,بنات اعمام ولاد اعمام,,,اخوان,,اخيات,,,
حليييييييييييل زمن عمودالحله,,,صيوان الحله,,,عرس الحله,,,وموت الحله,,,
كراس الخته,,,
قروش العده,,,
حليل الحله,,,
وينها الحله,,,قبال نبيع الزمه,,,
من وين جابلو قلب يغش الحله بالببسي وقدر الفول وعيش الفرن البقى بكمين جنيه
حليل الكسره
والعصيده وملاح الروب,,,
وغنم الحله,,,
شاعرنا ودبادي العكودابي قال,,,وشكرا قوقل,,,قال:
أنا أخو البت
اللكعت قرن الخمره النازه
على وردان الصبوه الراكزه
الجنيات الهازه..
صدورن لازه ورقا النص زي خيت الشلا
بالحيل آ جني إي والله
***********
الجنيات الحزمو الجبه
وعرق الشتوي عليهم نايا و صبا
قول ما دله ..
رجالا حصدوا الحبه
عيشون هادو انكال واتعبا
ومنو كتير في الواطا انكبا
وباقي مصوبر واقف قبه
الحمد آلاف .. الشكر آلاف
الحمد آلاف الشكر آلاف
العيش الرقد أصناف أصناف
الولد الكان.. عزام .. حلاف...ضياف
الرزق الجانا مدلا.. الحلق الجاف اتبلا
بالحيل آ جني إيي والله
********
الوادي الجانا مترقن
مدد جناحو الطايل شرقا وغربا
القبلي بروقو على القلعات اضربن
الدكن البعدن قربن
فوق صنقور الحله الطالت كبن
قول للحله بيوتك خربن
قول ما دله.. الحلق الجاف اتبلا
بالحيل آ جني إيي والله
**********
مرحاتنا شرابهن يوت ماغبن
شبعانات في الشقل أب شوك ما شبن
الحومل ولدن وربن
حلماتن تقلن.. جرن.. فوق سيقانن كبن
اللبن العاتم في ضرعاتن جبن
المغصة إن كان ضرعاتن خربن
القرعة آ وليد .. السعن آ بنيه
القربة كمان... كبوها المية
المغصة إن كان ضرعاتن خربن
شوفو النعمة السالت فوق قيزان الرمله
ناس البندر لبن الشاي بالعمله
سمح الخمج الفوق أسيادو
سمح العز المن أجدادو
الجنيات المشو ما عادو
كان بالرد أكان اتنادو
غرب حامد وشرق بلة
كانوا بحلبو الضرع الدلا
كانوا بحضرو الخير القدحو معلا
الجنيات ما كفرت بنعمة الله
بالحيل آ جني إي والله
*****
والغيمة تهتف مطرا نقع
فوق نوار الطلح الفقع
ريحة البرد إن جاتك
عطرا فايت خمر الفوق أردافا مجدع
شفنا الوادي يقشقش في دمعات الليل
والتعل الشايل بدا يتفقع
تلب حامد فوق مخلوفة أب زور واتربع
طلق الرسن أب زمة وسوا خبيبا بدع
هود في رقاب الصي
لا قوه ثلاثة زبيدية
خالفين سيقانن فوق السنكيت ورقاب ألبل بيناتن مرخيه
محجوبات بالخرز الفصلو السوميت
كل واحد درقة وسيف وطبنجيه وباقي جرابن مليان دلميت
الجنيات اتقبلو وضاقو الحاره وضاقو المره
وكان حجازن صقر الجو
حامد كان عارفين ضاقوه رجال قبالكن
شوفو أرزاقكم أخير من ضو
حامد عوج الطندب آ وليدات
عوج الطندب نار القصب الهبلت ما بتعدلو
شوفو شلوخو تلاتة مطارق رقدن
وكل تلاتة يمين سياف اتقبلو
حبوب القارح ... ما دله
ولدا ما ختالن زلة
شن قولك فيهو عليك الله
بالحيل آ جني اي والله
***********
*******
وين مراتع الدرت الباسط دايما ببكي عليهن
وين بنوت الحلة البوكر عصرا بدري يسون في شاهيهن
بعد الليل ما يهود ونحن نهود.. عاد أماتن ينادن ليهن
نمشي على القيزان نتقادم.. أقيس الخطوة مع التاتاي ومشيهن
والله البعد الحاصل ما نساني
وحاتكن في قمراتنا بشوفو وشيهن
الا النضم أب غنه اللهج السكر وين بلقاهو
بنات الريل الدوب ليهن
الخوف يا ناس كان يبقى الشوق الحاصل بينا معشعش فيهن
مقنع سابل وين بلقاهو
طرفا ذابل وين بلقاهو
وعينا بتدنقر من واليهن
الوجنات الشعن بقن
ود العين النايم زرقن
مو زايغ رسيان وميقن
زولن كان خدران ومحقن
من الشوفه عروقو يطقن
كان الدنيا ب صح تتخلا
كان بركنا معاهن فوق رملاة الحله
الا كمان بنشوفا مذلة
الجنيات الغابت جابت
إنت الجيب ؟ بس قايلو قميص افرنجي ؟ وكرتونات كرملة ؟!
لا لا وحاتك حاشا وكلا
ديل يوم عادوا اتلافو الجاهل بحقوق الله
ديل كم لحقو البشهق ضايق وداوو العله
الولد الجايب حقايب سفرو تقال
.تقال من جنس كتاب ومجله
الحكمة النضم إياهو الكان.. الحكمة الولد اتوضا وصلى
عادة البلد الدخلت فيهم سكنت . سكنت ما ب تتخلا
نحن كمان طارين الحله ودرنا الطله
نشيلا معاهم فرح وميته
حلاة الموت كان في عبدله
تفكير بصوت عالي تاني,,,
ودارباب كان في داعي للمناورات,,,
تورته علينا المواجع,,,
قطع شك أنور ده قامت بيه زي جنس القصايد دي,,,اها زي ما بقول,,,
جه ناطي جوز وقبل على اليتيوب,,,
الله يحفظه بس,,,,
جميعا يارب من الاذية,,,
قوته شنو؟
| |
|
|
|
|
|
|
|
|
|
Re: تفكير بصوت عالٍ (Re: Omayma Alfargony)
|
هاك يا عزيزتي أميمة (أسمك من الأسماء المفضلة عندي)...
يا بت الفرجوني دي مساهمتي في نشر أشعار ود بادي العكودابي
http://www.anwarking.com/poems/wdbadi.html
لو عملتي بحث على قوقل بأسم ود بادي العكودابي...بتلقي الصفحة دي...وتسمعي القصايد
بصوتو هو زاتو...في واحدة ما ختيتا، عشان أظنها كانت زعلة منو ساي، ولا تنطبق اليوم(سياحة في حي العمارات)...
وما أظنو الزول ده حاقد وكدة!
Quote: قطع شك أنور ده قامت بيه زي جنس القصايد دي,,,اها زي ما بقول,,,
جه ناطي جوز وقبل على اليتيوب,,,
الله يحفظه بس,,,,
|
القايم بي البلد كلو يا أميمة يا بت أبوك...
القايم بي أحلام وطموحات كالجبال بتاعة الخليل فرح، وعازة في هواك...
طبعاً كثير من الأقرباء والمقربين مندهشين جداً، كونو الحاصل ده أتحصّل!
لكن هذا أنا...كل يوم بدهش روحي دي زاتا...في حبك يا سودان!
بالمناسبة، أنتي شُكرية؟
المهم...
| |
|
|
|
|
|
|
|
|
 Re: تفكير بصوت عالٍ (Re: خدر)
|
عملتها قبل كدة مع بوست رأي الخليجيين في السوداني ل (عادل سهل)
وكتبتا بوست بعنوان رأي السوداني في الخليجيين
قاموا ناس الخليج كلهم يتكبكبوا...وعلى رأسهم الكبكابة عبد الكريم (كيكي)، قال لي ياخي الكفيل
ده أختاهو...وبالطبع أخونا الأزهري، خايف يحجبوا سودانيزأونلاين من السعودية...لوولز
طبعاً ديل لذيذين خالص... 3 فيديوهات من اليوتيوب، تخلي ليك أعصابهم بايظة وكدة،
الحاجات دي ضرب من ضروب الهكر وأحد دوافعه (فور فن)...والمهم...
فعلاً في عناوين بوستات، محرضة على البتاع ده..
لكن يا خدر، أنتا ما سمعتا بموقع تويتر؟
www.twitter.com/
ده المفروض تكون فيهو الحاجات اللذيذة دي...
المهم...
| |
|
|
|
|
|
|
|
|
|
Re: تفكير بصوت عالٍ (Re: عمر التوم)
|
| Quote: هاك يا عزيزتي أميمة (أسمك من الأسماء المفضلة عندي)... |
تمنيت أن اقول الشئ نفسه عن أسمك:),,,لكن لا استجيب بطريقة جيدة للمديح والتفضيل وغالبا اصاب
بالارتباك وأقول شيئا سخيفا أو ساذجاوفي الغالب محرجا للطرف الاخر,,,
تفكير بصوت عالي اول: يابت بوست خدر ده ما صفحة اسقاطات,,,ولا هو قال اي زول على كيفه,,,المهم..
| Quote: يا بت الفرجوني دي مساهمتي في نشر أشعار ود بادي العكودابي |
قبيل وانا بتفرج على اغاني واغاني لما جات اغنية عايز اشوفك حبيت اسمعها بصوت العاقب مشيت لملفه في الD لقيت تلاتة اغاني بس Downloaded ,,,بعنوان Anwarking !!! لكن ما بيناتهم عايز اشوفك,,,
المهم,,,مساهماتك دي حدها وين يا أنور,,,
بادي شاعر حنيييييييييين مليان حب للوطن,,,
واشعاروا ارث ثقافي مهم لابد من حفظه,,,
| Quote: لكن هذا أنا...كل يوم بدهش روحي دي زاتا...في حبك يا سودان! |
تفكير بصوت عالي تاني: الوطنية.!!!!.
لا تتجزأ,,,
أستغرب لمن يفضل الشمال على الجنوب,,
أو المركز على الاطراف,,
أو البطون على الفروع,,
أو
أو
أو
أوفريق كورة مصري على مرضي عنبر في مستشفي حكومي,,,
أو على مدرسة اضافية في قرية محتاجه ليها,,,
سياسة قرف,,,
| Quote: بالمناسبة، أنتي شُكرية؟ |
لا. أناسودانية جعلية.
ليه؟
| |
|
|
|
|
|
|
|
|
|
Re: تفكير بصوت عالٍ (Re: Omayma Alfargony)
|
خدر وضيوفه ازيكم
تفكير بصوت داوي
بالله شوف الاسمه خدر ده بتاع حركات كيف
تخت لي رساله في المسنجر تقول لي خت لي تلفونك يا مورتون ضروري جدا, واختو ليك وما تتصل لليله
تخليني افكر بصوت عالي ياربي خدر ده ما داير يتصل ماله؟
اما انور اقول ليك حاجه واصل لكن بعنف شويه, تفكيرك ده هادي جدا , ما تعودناك هكذا يا رجل
more fire man
| |
|
|
|
|
|
|
|
|
 Re: تفكير بصوت عالٍ (Re: Omayma Alfargony)
|
Quote: لا. أناسودانية جعلية.
ليه؟ |
لأنو أسم الفرجوني ده مرتبط بالبُطانة، وأهل البطانة غالباً شُكرية، حسب معرفتي...
والشكرية طبعاً أبو النسب وكدة، حيث أن زوجتي عليها الحب والمحبة من هنا الى أصغر غرفة
في القلب... برضو شُكرية...سنّابية (آل أبو سن)...
وطبعاً من قديم الزمن عندنا علاقة شكل-تُقرأ مكافتة- -نحن الجعليين- مع -نحن الشُكرية-
ليست محصورة في قصة طه وودكين، مع المك نمر، التي يقول البعض أنها أسطورية،
وليست محصورة أيضاً في هجرة المك نمر الى الحبشة، التي تسمى بعض الأحيان بشردتو ...
وفي كلا الحالتين...هجرتو أو شردتو، فداير أعرف هل في حفيد ولد ولد ولد المك نمر حايم في البلد دي؟
ولا الجعليين فرتقوا في كرري برضو؟
السؤال كان عرضي يا أميمة (وأسمك لن أتعب من ترديدو أبداً)، أميمة = تصغير أُم...واليوم الذكرى
السابعة على رحيل والدتي إقبال مامون محمد بشير
Quote: سبعة سنوات على رحيل أمي...إقبال مامون محمد بشير 1959-2002
اللهم أرحمها وأغفر لها وأسكنها فسيح جناتك
اللهم أرحمها وأغفر لها وأسكنها فسيح جناتك
اللهم أرحمها وأغفر لها وأسكنها فسيح جناتك
اللهم أرحمها وأغفر لها وأسكنها فسيح جناتك
اللهم أرحمها وأغفر لها وأسكنها فسيح جناتك
اللهم أرحمها وأغفر لها وأسكنها فسيح جناتك
اللهم أرحمها وأغفر لها وأسكنها فسيح جناتك
اللهم أرحمها وأغفر لها وأسكنها فسيح جناتك
|
Quote:
توفيت فجر السادس والعشرين من رمضان، 1434، الموافق يوم السبت 20 نوفمبر 2002
|
اللهم أرحمها وأغفر لها وأسكنها فسيح جناتك
اللهم أرحمها وأغفر لها وأسكنها فسيح جناتك
اللهم أرحمها وأغفر لها وأسكنها فسيح جناتك
اللهم أرحمها وأغفر لها وأسكنها فسيح جناتك
اللهم أرحمها وأغفر لها وأسكنها فسيح جناتك
اللهم أرحمها وأغفر لها وأسكنها فسيح جناتك
اللهم أرحمها وأغفر لها وأسكنها فسيح جناتك
اللهم أرحمها وأغفر لها وأسكنها فسيح جناتك
يقول المثل يا أميمة:
يظل الرجل طفلاً...حتى تموت أمه،
فاذا ماتت، شاخ فجأة!
وأنا بقن عليّ أتنين، موتة والدتي، الله يرحمها، وحُب السودان!
| Quote: مساهماتك دي حدها وين يا أنور,,, |
المهم ما حدها وين يا أميمة...المهم القناعة والإستمتاع فعلاً بما تفعل!
_______
بمناسبة أنا سودانية جعلية دي...
بعض الناس يفضّل أن يقدم الهوية الدينية -مسلم\ة- على الهوية الوطنية والخ...
وقد ذكرت ناشطة ذات مرة أن هذا نوع من عدم الأمن والتمترس في هويات تجعلك
أكثر تمسكاً بها... وكلام كتير ممكن تلقيهو هنا:
http://www.ted.com/talks/lang/ara/eve_ensler_on_security.html
إستطراد...
قليلون في هذا المنبر، يعرفون هويتي... وترتيبها، والصراحة أنا زاتي بتلخبط فيها...
لهذا أقول أنا من كل السودان...ومن كل مكان ساهم\يساهم في تشكل ما أنا عليه، حتى المرحلة
المقبلة...
عليك السلام يا أميمة والمودة!
| |
|
|
|
|
|
|
|
|
|
Re: تفكير بصوت عالٍ (Re: AnwarKing)
|
Quote: والشكرية طبعاً أبو النسب وكدة، حيث أن زوجتي عليها الحب والمحبة من هنا الى أصغر غرفة
في القلب... برضو شُكرية...سنّابية (آل أبو سن)... |
يازول كان كده نحن اهل تب...
انا كمان اقدر اقول ربع شكرية,,,هههههههه
حبوبتي أم جدي بت ودأبسن,,,يعني السناب خيلانا,,,
اها,,,
قته شنو؟
لازم تسلم لي على حرمكم المصون بت اهلي,,وهي بتتطلع تعرفني اكتر منك.:).
Quote: ليست محصورة في قصة طه وودكين، مع المك نمر، التي يقول البعض أنها أسطورية،
وليست محصورة أيضاً في هجرة المك نمر الى الحبشة، التي تسمى بعض الأحيان بشردتو ...
وفي كلا الحالتين...هجرتو أو شردتو، فداير أعرف هل في حفيد ولد ولد ولد المك نمر حايم في البلد دي؟
ولا الجعليين فرتقوا في كرري برضو؟ |
أفو,,,
ات قايل العرضة والبطان وغني الحماسة والعوارة والكرم حد الايثار الفي السودانييين ديل جن من وين.؟؟
مامن احفاد المك نمر,,,
وبطل الحقارة
عارف,,,
المك نمر ده كان بالجد هجر ولا شرد,,,
نحن بنقول ليك
لا شرد لا هاجر. بس كده جعلية سااااااااااااي.
بعدين ياخي انتو بتتعلموا التكتيك السياسي متين. والحرب خدعة.شنو شرد دي؟؟؟
Quote: السؤال كان عرضي يا أميمة (وأسمك لن أتعب من ترديدو أبداً)، أميمة = تصغير أُم...واليوم الذكرى
السابعة على رحيل والدتي إقبال مامون محمد بشير |
رحمها الله رحمة واسعة وغفر لها واسكنها فسيح الجنات.
| Quote: وأنا بقن عليّ أتنين، موتة والدتي، الله يرحمها، وحُب السودان! |
الوطن:
في احيان كثيرة تسبقه كلمة الأم.
الوطن الام:
كم اتالم في كل مرة وانا في الغربة املأ فيها استمارة شيئ ما,,,أملا خانة الوطن الام: Motherland:
Quote: إستطراد...
قليلون في هذا المنبر، يعرفون هويتي... وترتيبها، والصراحة أنا زاتي بتلخبط فيها...
لهذا أقول أنا من كل السودان...ومن كل مكان ساهم\يساهم في تشكل ما أنا عليه، حتى المرحلة
المقبلة... |
ده الكلام الصاح ولولا معرفتي انك ربطت القبيلة بالبيئة لما اجبتك صراحا,,,
الحاجة الناس عارفاها وبتتكبر عليها,,,
انه نحن فعلا من السودان كله,,,كلنا دون استثناء,,,
اتعصب للمك نمر تعصبي لجون قرنق,,,
أعشق جبل مرة عشقي للبطانة,,,
استمتع بالصيف وأشتاق للشتاء,,,
تروقني الكثبان الرملية ورطانة النوبيين والمعابد,,,
واتكرف لدعاش الخريف وجبل اللبايتور,,,
أنجذب للصوفية والحولية والنوبة,,,
ويهديني تسامح وسماحة عيسى عليه افضل السلام,,,
يرقصني التمتم والجراري والمردوم والرقبة والزوكو,,,
يطربني الطمبور والدلوكة والبالمبو والوازا والصفقة والربابة والنقارة,,,الخ,,,
أحبك يا وطني,,,بريدك يا وطني,,,
لي غرام واماني في سموك ومجدك عشت يا سوداني.
بس يفكوك الكيـــــــــــــــــــــــــــــــــــــــــــــــــــــزان.
هسه كان قعدنااتلمينا غنينا وشكرنافي بلدنا ده ما اخير من الشكل مع الشكرية.:).
احمد المصطفي.
http://www.youtube.com/watch?v=5Sgnrs6xqLw&feature=related
تجيش النفس بالامال لكن
ولكـــــــــــــــــــــــن هذي لما لا تدعني.
تفكير بصــــــــــــــــــــــــوت عالى:
متين نغني في حرية وبهجة,,,
انا امدرمان مضي أمسي بنحسي
غدا وفتاي احطم قيد حبسي
واخرج للملأ في ثوب عرسي
وابسم بعدما قد طال عبسي
أنور
وعليك السلام والمودة.
(عدل بواسطة Omayma Alfargony on 09-16-2009, 04:54 AM)
| |
|
|
|
|
|
|
|
|
|
Re: تفكير بصوت عالٍ (Re: Kabar)
|
| Quote: اجي لي شنو .. البوست و قلعتوهو |
كده.!
ده حقي قعدت افكر معاك بصوت عالي,,,
انت كان نصيح بتفتح باب زي ده,,,
الناس الساكه ليها فرقة تفكير بصوت عالي كتاااار اولم أنوركنق...
ماشايفه ,,,
من التفكير العالي لما نزله في يو تيوب,,,
:).
انا ماشه لحيدر الزين عنده بوست اسمه,,,
بوست فارق لكل شيء,,,
قصدي,,,
بوست فارغ لكل شيء نقط نقط نقط استعجاب.
:).
| |
|
|
|
|
|
|
|
|
|
Re: تفكير بصوت عالٍ (Re: خدر)
|
Quote: واصلو يا شباب انا متابع
|
أميمة...خدر حنسنا...وشايفو مُصرّ شديد...
بالله يا خدر ما تحلف...خلاس يا زول قاعدين أها...
+++++++++++++++++++++++
تفكير بصوت عال...
أعتقد أنو معظم الناس المُدمنة على سودانيز أونلاين وعلى الإنترنت عموماً سيصيبها عدة أمراض مُربّكة مثل مرض
السمك والحانكلو...والسمرضقل والذي منو...
لهذا حا نقدم بعض الصور التوضيحية حول كيف يجب أن تجلس وتتوهط لخدر في بوستو ده، بدون أن تصيبك أي من الأمراض أعلاه!
المهم...قنّبوا كويس!
| |
|
|
|
|
|
|
|
|
|
Re: تفكير بصوت عالٍ (Re: AnwarKing)
|
انتا موش قتا لي جاي الدوحة ..
انا افتكر انو هذا الشتاء انسب وكت للوناسة واستيعابك ..
لولحقتا خشيت ذاكرة هذا الشتاء حيكون شتا ليهو ضل ضحى..
| |
|
|
|
|
|
|
|
|
 Re: تفكير بصوت عالٍ (Re: DKEEN)
|
أخيراً ظهر الحبيب دكين...
+++++\\\++++///+++
يا سلااااام...ياخي بالله كم سنة ما ضقنا مداخلة ليك؟
من زمن -الله يطراها بالخير- آمنة مختار حية تسعى بي هنا!
كدي لحدي ما ربنا يهوّن الأمور ونجي الدوحة بالدرب...
داير حقي هنا أونلاين... والكلام لا يقبل أي تأويلات
جيب من بيت الكلاوي، وعارفك دوغري ومسيخ مساخةً تندّم الزول عليها بعدين...
نسمع منك....
المطلوب: رأيك في الفيديوهات أولاً، اذا تكرمت
| |
|
|
|
|
|
|
|
|
|
Re: تفكير بصوت عالٍ (Re: AnwarKing)
|
| Quote: أميمة...خدر حنسنا...وشايفو مُصرّ شديد... |
مادام مصر يا أنور خلاسسس لازم نجبر بخاطروا ونتوهط هنا ده ونتفاكر بصوت عالي
كلو عشان خاطره بسسس.
:).
القعدة الكمبيوترية دي مهمة جدا للتوهط وجايبة مفعولها,,,
تفكير بصوت عالي:
الله يحفظنا من الغضروف وتبعاتو,,,
| |
|
|
|
|
|
|
|
|
|
Re: تفكير بصوت عالٍ (Re: DKEEN)
|
Quote: الغلاط
هل السبب الاساسي تأكيد القدرات المعرفة الخارقة ؟ ام فقة محاولة العد حتي 10 قبل التصريح بشي ؟ |
لا ولا دي ولا دي.
:).
الدوران في حلقة مفرقة
هل هو التاكيد على قدرة الغلاط؟؟ ولا هو تعصب للرأي حتى لو كان خطأ؟
| |
|
|
|
|
|
|
|
|
|
Re: تفكير بصوت عالٍ (Re: AnwarKing)
|
| Quote: هل هو التاكيد على قدرة الغلاط؟؟ ولا هو تعصب للرأي حتى لو كان خطأ؟ |
لا هذا ولا ذاكـ بل إجابة الاستاذة مني
تمرين و رياضة لعضلة اللسان
كل سنة وانتو طيبين يا شباب
و
نواصل التفكير بصوت عال
| |
|
|
|
|
|
|
|
|
|
Re: تفكير بصوت عالٍ (Re: ابراهيم على ابراهيم المحامى)
|
ربنا يقدرك علي قفل الباب الفتحتوا ده يا مولانا
دي واحد
-----------------
اتنين
Quote:
تفكير بصوت عال في شكل سؤال لخدر وأميمة الفرجوني:
شوفتو الفيديوهات بتاعتي في اليوتيوب؟
|
يعني هسه يا انور يقيموهوا خدر و اميمة ولا انا الفاقع مرارتي بي فديوهاتك
دي انتي بدل نضال الكيبورد جبتا ليك كاميرا فديو
وانت ماشاء اللة زول راي في الكمبيوتر ما سمعتا بي الاذاعه عبر اثير الشبكات
و ما بتعرف تعمل مونتاج لي اليوتيوب عشان مانعاين لي داقوستك من كاميرا كمبيوتر رديئه
ولا جيب ليك كاميرة فديو عدله ( انت مش في كوريا ---- و تيب )
يعني انت داير تشتهر ساكت كدة بي موقع عملوه اتنين اولاد حرام ( يوتيوب )
بعدين انت داير تطلع الناس خوافه ساكت لا بالله يا سبع البرمبه
الرجال قااعدين في سجن السودان الكبير ( حليلنا منها ) ذي ما قالت حبوبتي الله يرحمها
مواضيعك كلها مطروقة و النقاش الداير حولها انفع لي اقراهوا من ناس ( ماعندهم جوازات ذاتو ):):):)
بعدين غيري و خدر و امييمه العندو وكت و لا انترنت في اروما دلتا القاش عشان يسمع
يوتيوبك دة
--------------
تورتا نفسنا ذاتوا
لكن الله يجازيك يا مولانا
حدخلنا في مشاكل لا يعلم بيها الا الله
كل عام وانتم تفكرون بي جعير كمان
مش صوت عالي بس
| |
|
|
|
|
|
|
|
|
|
Re: تفكير بصوت عالٍ (Re: نصرالدين صلاح)
|
نصر الدين صلاح...
تحياتي وكل عام وأنتم بخير...
يا سيدي كلامك كلو على عيني وراسي...وأشكر لك تفكيرك بصوت عال...ده موضوع البوست..
Quote:
يعني هسه يا انور يقيموهوا خدر و اميمة ولا انا الفاقع مرارتي بي فديوهاتك
دي انتي بدل نضال الكيبورد جبتا ليك كاميرا فديو
وانت ماشاء اللة زول راي في الكمبيوتر ما سمعتا بي الاذاعه عبر اثير الشبكات
و ما بتعرف تعمل مونتاج لي اليوتيوب عشان مانعاين لي داقوستك من كاميرا كمبيوتر رديئه
ولا جيب ليك كاميرة فديو عدله ( انت مش في كوريا ---- و تيب )
يعني انت داير تشتهر ساكت كدة بي موقع عملوه اتنين اولاد حرام ( يوتيوب )
بعدين انت داير تطلع الناس خوافه ساكت لا بالله يا سبع البرمبه
الرجال قااعدين في سجن السودان الكبير ( حليلنا منها ) ذي ما قالت حبوبتي الله يرحمها
مواضيعك كلها مطروقة و النقاش الداير حولها انفع لي اقراهوا من ناس ( ماعندهم جوازات ذاتو ):):):)
بعدين غيري و خدر و امييمه العندو وكت و لا انترنت في اروما دلتا القاش عشان يسمع
يوتيوبك دة
|
| |
|
|
|
|
|
|
|
|
|
Re: تفكير بصوت عالٍ (Re: AnwarKing)
|
ياخدر
التكرار في المداخلات والبوستات العنقودية فقعت مرارتي.
يا نصرالدين صلاح انور ده زول تقدمي صوت وصورة ومعاها لفت نظر كده وريني زول سوداني مناضل من بره عمل العملوه أنور ده.
نحن مناضلين تقليديين لا صوت لا صورة. في نص سودانيز بامكانياتنا الريس ما بقرا لينا,,,يمكن حركة أنور دي تصلوه ويتعرفوا على بعض بدل معرفة الجوابات حقت زمان ديك.
:).
والله حالنا يجعر براه ما داير حنيس.
:).
| |
|
|
|
|
|
|
| |
خدر
باسط المكي
حبيب نورة
الطاهر ساتي
ibrahim kojan
Emad Abdulla
AnwarKing
Omayma Alfargony
محمد على طه الملك
معاوية الأرباب
عمر التوم
محمد زكريا
Kabar
نصرالدين صلاح
فيس بوك
تويتر
انستقرام
يوتيوب
بنتيريست