|
|
|
 Re: يا هلالاب مبروك الحكم الجديد..!! (Re: Maawya Hussein)
|
يا شفت
والله الروح عندك و ا########ش فعلا لن يموت طالما عندو مشجعين زيك كدة.
من ناحية أخري الحركة العملا الباشا في عمر بخيت دي زمان في الطائرة كان إسمها "القلب"
يعني الباشا قلب عمر بخيت.
تعرف أنا الباشا دا من زمااااااااااان شكلوا دا ما شكل لاعب كرة قدم و أمبارح الكورة القلب بيها عمر بخيت دي ممكن عاااااااااااااااادي يسجل في ديم حمدو الشايقية أو السجانة. المهم يتصرف يعني ... فاهمني؟؟؟
ملحوظة: والله أنا ممكن أموت و القي لي تلفون لي مسخو
| |
 
|
|
|
|
|
|
|
|
Re: يا هلالاب مبروك الحكم الجديد..!! (Re: Maawya Hussein)
|
تحية طيبة اولاً للاخوات والاخوان الهلالاب
والف مبروك ليهم الفوز ونقاط المبارة
(طبعاً يا وليد أنا سيد -بوست- عشان
كده خلينا مع الجماعة ديل) الهلال استحق
الفوز ولن اقول عن جدارة ببساطة لان روح
المنافسة من فريقنا العظيم كانت معدومة
نهائياً الزعيم كان تائيه وغير متجانس
الاطراف والعمق وضعيف في الدفاع وضعيف
جداً في المرمي ولن احلل او أعدد العيوب
لكن أمير دامر كان تقيل جداً وعِب وحمل
زائد لدفاع في الاساس منهار وغير متجانس
هذه الهزيمة في نظري يتحملها مازدا كاملة
ويتحملها مجلس الادارة ومجلس الكرة الذي
يصر علي استمراره كمدرب .
ويتحملها معهم جميع لاعبي المريخ عدى عبد الكريم
الدافي الاعب الوحيد الذي قاتل بروح المريخي
الحقيقي وذكرني زمن لاعبين تدمع العين حين نرى
مريخ اليوم .
يا وليد بصفة شخصية لن احمل حكم المبارة هزيمتنا
ابداً فمريخنا العظيم ليس هو المريخ الذي نعرفه.
| |
|
|
|
|
|
|
|
|
|
Re: يا هلالاب مبروك الحكم الجديد..!! (Re: Maawya Hussein)
|
انت لو كنت حكم يا وليد كنت حا تدي الباشا شنو !!
الحكم وقف الكوره لوجود مخالفه اللاعب اعترض علي المخالفه (دا كرت) وكونك تشيل الكوره وتجدعا في وش لاعب دا سلوك غير رياضي بيستحق عليهو الطرد ..المشكله تبريراتكم دي وايجاد اعزار للاعبين عند كل هزيمه او سلوك مشين دي الضيعت المريخ ..واحسب براك المريخ انظرد منو كم لاعب في الفتره الاخيره
| |
|
|
|
|
|
|
|
|
|
Re: يا هلالاب مبروك الحكم الجديد..!! (Re: معاوية المدير)
|
Quote: يا جماعة، مسعولين من الخير!
إنتو وليد محمد المبارك الأيام دي ويّن
ما ظاهر؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ |
كيف يا معاوية
اكتشفنا انه لاذم الفريق يكون مسجل فيه حكم حكمين
دي من دواعي الكورة الحديثة
عشان كده كنا بنفتش لينا في كم حكم لعابببييييين نسجلهم الموسم الجديد
| |
|
|
|
|
|
|
|
|
 Re: يا هلالاب مبروك الحكم الجديد..!! (Re: abuguta)
|
أرجو من الأخـوة .. في بورداب الخرطوم تشكيل لجنـة .. (مغطغطاطية) .. 
بصورة أوضح :
يمشو تلاتة بورداب + بوردابية واحده .. يشترو ليهم (غطاية) من سعد قشرة ..
يا جمـاعة .. الزول دا (غطووووو)
ـــــــــــــ
اححححححححححح
| |
|
|
|
|
|
|
|
|
|
Re: يا هلالاب مبروك الحكم الجديد..!! (Re: abuguta)
|
Quote: يا سفيان امرق من البوست ده عليك الله
ما تكتلو لي
انا عاوز افسفس ليهم الكورة
تشبكي واك وييييك
انت يا زول ما بتعرف تتجمجر |
اها يا ولي
هادي مرقه
لكن كان في
جمجره حقو
نمشي بيها
لي ناسنا
ونردمم بيها
حاجة اخيرة :-
هم الناس الفرحانين ديل
قايلننا بنخلي المريخ
والا شنو ؟
ما عندهم شغلة ساااااي.
| |
|
|
|
|
|
|
|
|
 Re: يا هلالاب مبروك الحكم الجديد..!! (Re: وليد محمد المبارك)
|
| Quote: يا زول بااااااااااااااااااع |
بقيت زيك وزي اساسي واحد ..
يعني الواحد ما يعبر عن شعورة بين الشوطين خالص ؟؟
طيب إنتو الجوالات دي بتشتروهـا ليه كان بتقفلوها لما تكونو مرشوشين ..؟
تاني بلاي اعمل لينا شريحة للكورة .. وشريحـة حقتك ..
والله نحن يا وليد لو ما رسلنـا ليكم الهدايا البتجي بعد القون مباشرة ..؟ والله اصلو ما بنضوق طعم للنصر دا ..
| |
|
|
|
|
|
|
|
|
|
Re: يا هلالاب مبروك الحكم الجديد..!! (Re: tmbis)
|
والله يا تمبس
تلفوني من قبل الكورة ما شلتو الا اللية الصباح
لقيتو ليك محشي رسائل وتلفونات
قريت حقتك
وما اشتغلت بيك الشغلة
انت عاوز تتونس بي
تلقاها عند الغافل
هاهاهاهاهاهاهاهاهاهاهاهاها
| |
|
|
|
|
|
|
|
|
|
Re: يا هلالاب مبروك الحكم الجديد..!! (Re: وليد محمد المبارك)
|
Quote: قريت حقتك
وما اشتغلت بيك الشغلة
انت عاوز تتونس بي
تلقاها عند الغافل |
.. والله دا الشي البغيظني فيك إنت واساسي .. الواحد فيكم يقفل جوالو بلاي زي ا لما حصلت حاجة ..
ياخ الغلب دا حار خلاص ..
البشوف قفلت جوالاتكم يقول بكره لاصباح ما بتجو البورد
أمنقه حاجة صاحبك دقس واتصل قالي الكورة كم حسع .. قلت ليهو تلاتة .. قال لي والله مبروك اصلو المريخ تعبان وانا والله كنت بشجع فيكم
والله دي يا وليد متعتني ليك اكتر من التلاتة اقوان زاتو ..
| |
|
|
|
|
|
|
|
|
|
Re: يا هلالاب مبروك الحكم الجديد..!! (Re: وليد محمد المبارك)
|
كابتن وليد ياخي انت لعبت كوره
عليك الله عليك الله دي عمليه يعملها الباشا
يتسبب في خسارة المريخ مع مازدا
ياخي كنا بنقل ادبنا في الميدان بنضرب المدافعين والحارس
ونثير الخصم ونصاحب الحكم داخل الملعب
ما حصل الواحد في تاريخ حياته اخد كرت احمر .
نرجع نقول ياوليد الثقافة الرياضية مهمه
| |
|
|
|
|
|
|
|
|
|
Re: يا هلالاب مبروك الحكم الجديد..!! (Re: وليد عبد اللطيف)
|
Quote: ولو انا محل الحكم بدي لاعب الهلال كرت اصفر عشان مثل
هو ضربو بشنو كورة جادعنها باليد
شنو العمل فيها ميت |
انا عارف!!! اصلو جادع فيه كورة
والله ملتوف؟؟؟
والقون التاني بتاع ايفوسا دا...قون مغصة ساكت...
وبعدين هو كان سارق الكورة سرقة...
وقون عمر بخيت...دا باص ملعوب من نسيب...
يعني شنو؟؟ ما نسيبو؟؟؟
| |
|
|
|
|
|
|
|
|
|
Re: يا هلالاب مبروك الحكم الجديد..!! (Re: nazar hussien)
|
Quote: انا عارف!!! اصلو جادع فيه كورة
والله ملتوف؟؟؟
والقون التاني بتاع ايفوسا دا...قون مغصة ساكت...
وبعدين هو كان سارق الكورة سرقة...
وقون عمر بخيت...دا باص ملعوب من نسيب...
يعني شنو؟؟ ما نسيبو؟؟؟ |
هسع عليك الله هيثم ده حركاتو ما بخليها كلو كلو
زماااااااان كان بسويها مع حمد كمال
نحن زاتنا ما عرفنا ده الهلال ولا المريخ
الباكات حقننا
حموده + سامي
لعيبة الوسط
علاء الدين يوسف
وكمان ايفوسا
كرهتونا الكورة زاتو
ما تعملوا ليكم لعيبة
هسع عليك الله باص هيثم ده ما باص نسابة
لاعبه ليه قرب يقول ليه
اتفضل يا نسيبي
بطرف الجزمة بحنييييييييييييية
| |
|
|
|
|
|
|
|
|
|
Re: يا هلالاب مبروك الحكم الجديد..!! (Re: وليد عبد اللطيف)
|
يا ولي اخبارك ياخ
الاولاد ديل ما بعرفوا
ياخ انا مزعلني حافظ .. قون ميتان خلاس .. كور شايتنها من السوق ... ياخ دي كور حقت تجدع ونجومية مباراة ... من الواطة ما قادر يقوم
بدين حاتل في قونو التقول حاضن بيض
معقولة ياخ
والناس تغلط وهو كانه ما لاعب معاهم
بتذكر مرة لاعبين هلال مريخ
سربكاي اسمو عبد المجيد ( الراجل ) ملقبنو بالراجل
في كورة مشترك بيني وبينه وبين مهاجم الهلال
انا قلت ماين المهاجم ساب الكورة
عبد المجيد راجل تفكيره محدود خلاس هو ختى في باله انه قايم كنشاسا
يا زول قام ليك فيني جوز
المشكلة انو الكورة من قوة الضربة فكت مني ووقعت بوراي
لكن مهاجم الهلال ما كان متوقع الحصل
وما قدر يحصلها
والحم كان قدامنا
يازول قمت من الارض وقطعت ليك في عبد المجيد ده كف
لمن اضنينو ضنو
الحكم قال ده شنو يا زول
قلت ليه انت مالك موش زميلي
عبد المجيد راجل حبرتجي
قال للحكم يا زول انت الدخلك شنو ؟
انا راضي يديني كف
وطوالي قاممن الواطة جاري وقال لي
معليش معليش يا قون
وتاي الكورة ديك كلها ما غلط
وانتهت 2 صفر لينا
هاهاهاهاهاهاهاها
ناس مفتحة يا ولي
هم قايلين الكورة دي مهارات بس
| |
|
|
|
|
|
|
|
|
|
Re: يا هلالاب مبروك الحكم الجديد..!! (Re: Maawya Hussein)
|
كابتن وليد المبارك
ياخي قبل كده صاحبك حافظ الحارس دا عمل عمليه في دورة سيكافا بالخرطوم
مافي حارس قبل كده عملها ودي من ابجديات الحراسه .ياخي ضحكت لما وقعت الارض
ياوليد طبعا بتعرف الصادق كابوكي (لاعب الزهره ولاعب الرابطة امدرمان )
طبعا تعرف امكانياته ودايما انا وهو في تحدي
هو قال نحن الحراس الافضل
وانا قلت نحن المهاجمين الافضل
بصراحه حيرني وعلمني فهم في حارسة المرمى انها قلب الفريق
اجيك تاني
بالنسبة لحافظ حاضن البيض وزي مابتقول في كوره حارس المرمى بيتجلى ويبدع في اخراج
الكور الصعبة
في مره لاعبين الاتحاد البحراوي ضد المريخ
وطبعا ولدكم عاطف القوز زي ما عارف كوراع كافره
شوف هم قلبونا تلاته ولكن بعض المباراه
تم تسجيل الحارس عبود لهلال بورتسودان لانه زي ماقلت عمل مناظر رهيبه
يابوي الحراس الان تقول بالعين سيخ . مافي مرونه ولا رشاقه
| |
|
|
|
|
|
|
|
|
|
Re: يا هلالاب مبروك الحكم الجديد..!! (Re: وليد عبد اللطيف)
|
يا ولي
كيف ما بتذكر الصادق
الصادق ده مفروض يمشي لي قدام بدري
بس هو الما كان حابيها
خخصوصا وكت كان في الزهرة
الصادق مرق من تحته مالك مالك المرحوم في الزهرة
وفي الرابطة مرق من تحته هيثم
وهو كان احق منهم الاتنين
عبود قونكم زول لعاب لكن مجنون وبتاع جلكسات 
لو كان لعب كورته ساكت كان مشى لي قدام كتير
هاهاهاهاهاهاهاهاهاهاها
لكن بخوف الاداريين منو
| |
|
|
|
|
|
|
|
|
|
Re: يا هلالاب مبروك الحكم الجديد..!! (Re: وليد محمد المبارك)
|
كابتن وليد
طبعا الصادق المجنون الان عازف اورغ
بصراحه حارس عجيب
هالك الجدعه دي
في لاعبين سلاح المظلات ضد المريخ باستاده
عشان يشوفوا هيثم شوشه وكان معنا في المظلات
الكورة بدت والاداري ماهل ابوجنه في المقصوره
صاحبك الصادق طلع بره خط 18 واتضربت له الكره بسرعه
ياخي مسكها بطريقة وداخ خط 18 بيده
حتى قام ماهل ابوجنه من المقصوره وصفق له
ياولّي ديل الحراس ولا بلاش .
الحارس ياوليد بيثبت كل اللاعبين داخل الملعب بثقته
| |
|
|
|
|
|
|
| |
وليد محمد المبارك
Yassir Tayfour
saif massad ali
فيصل نوبي
Maawya Hussein
حيدر حسن ميرغني
كمال عباس
معتصم دفع الله
سفيان بشير نابرى
محمد عبد الماجد الصايم
معاوية المدير
عبدالوهاب علي الحاج
abuguta
tmbis
moaz elsir
محمد البشرى الخضر
Alfarwq
وليد عبد اللطيف
doma
nazar hussien
داليا حافظ
فيس بوك
تويتر
انستقرام
يوتيوب
بنتيريست