|
|
 بيت البكا المريخابي
|
أحسن الله عزائنا ..
إنهزمنا و ( طرنا ) ..
و جينا الطيش عدييل كدة ..
لكنها ليس نهاية الدنيا ..
فأجمل ما في الأمر أننا مريخاب ..
مبروك للهلال فقد إستغل فرصه و حقق ما يطمح إليه ..
و هاردلك للزعيم فقد بذل لاعبوه جهداً مقدراً و لكنها ( أبت ) ..
|
|
 
|
|
|
|
|
|
|
|
Re: بيت البكا المريخابي (Re: محمد عيد)
|
الصفوي النبيل / محمد عيد ..
هاردلك شديد ياخي ..
| Quote: والحقيقة انو التيم ما كان ممكن يمشى لى قدام |
ليالي العيد تبان من عصاريها يا أبو حميد ..
Quote: التيم كلو مهارات لكنو عاوز توظيف جيد ومدرب فاهم
معليش حنبتدى تانى من الاول |
حارة يا محمد لكن برضو نهواهو في كل الظروف ..
| Quote: ومن يضحك اخيرا يضحك كثيرا |
لكن نحنا الضحك شرطنا..
معليش ..
| |
|
|
|
|
|
|
|
|
|
Re: بيت البكا المريخابي (Re: عصام دهب)
|
حارة هي الهزيمة حااارة ..
و أنا لا أحتمل هزيمة المريخ إطلاقاً ..
فما بالك بالثلاثة ..
و مع ذلك ..
الحب هو الحب ..
والعشق هو العشق ..
و الزعيم هو الزعيم ..
و الجايات أكتر ..
| |
|
|
|
|
|
|
|
|
|
Re: بيت البكا المريخابي (Re: سيف الدولة كامل)
|
وقود لك يا سيف ..
| Quote: والجايات كتتتتتتار,,, وده حال المدورة ما مجنونة |
ياخي جنها دة طواااااالي قايم علينا نحنا بس ؟؟
الله في ..
أشكرك و ما نجيكم في شماتة إن شاء الله ..
| |
|
|
|
|
|
|
|
|
|
Re: بيت البكا المريخابي (Re: عصام دهب)
|
هي المشيئة ..
و هي ( المجنونة ) ..
و اليوم لم يكن يومنا ..
لكن ..
( أجمل الأيام لم تأت بعد ) ..
حق ( للجماعة ) أن يفرحوا ..
و مع عظم ( الفاجعة ) ..
حق لنا أن نحزن ..
الفوز على الزعيم هو في حد ذاته بطولة ..
و ستبقى هي ـ و بس ـ البطولة .
| |
|
|
|
|
|
|
|
|
|
Re: بيت البكا المريخابي (Re: عصام دهب)
|
أمس كنت في الطريق من مكة إلى جدة ..
أتصل بي إبن شقيقتي ( الهلالابي ) ..
و هو ( رجافة ) كبير ( طالع لخوالو ) ..
و ( خوالو ) الذين هم أشقائي كلهم ( زيو ) ..
طمأنته ـ و الله ـ و أكدت له بأن ( دافع ) الهلال أقوى ..
و قلت له بالحرف ( ياخي أسمع كلامي إنتو فايزين )
إنبسط الولد و ربما زالت ( رجفته ) ..
و اليوم في ( بني مالك ) قابلت الصفوي ( البلولة )..
البلولة مريخابي لمن يعجبك ..
لكني قلت له ( الله يستر ) ..
لكن ربنا ما أدانا..
و على كل حال الحمد لله ..
| |
|
|
|
|
|
|
|
|
|
Re: بيت البكا المريخابي (Re: جلال عثمان)
|
شقيقي الأكبر أزهري ( هلالابي ) لمن ( غلط ) ..
و حين يلعب المريخ مع الهلال غالباً ما يقاطعني قبلها بأيام ..
و يوم المباراة يقاطع حتى أولاده الهلالاب و زوجته التي هي صفوية فاضلة ..
حتى يتبين ( الحظ ) الأزرق من ( النحس ) الأحمر ..
و حينا ينهزم الهلال يتعامل معي بحكم أنه ( عسكري ) و ( لواء ) كمان ..
و في مثل هذا اليوم ( يتعاور ) إسماعيل ـ و هذا إسم البيت ـ و ( يكاوي ) ..
حتى تحسبه و كأنه قد عرف ( يا دوب ) طعم الفرح ..
تعمدت أن لا أرد على إتصالاته بعد المباراة ..
لكنه باغتني كهدف أيفوسا ..
أتصل على هاتف زوجتي و ( تآمر ) معها ضدي ..
حتى أنني ـ لحظتها ـ قررربت أديها في ( حنانها ) ..
حتى ( نططت ) عيونها ..
و حينها كتمت ضحكة في ( حناني ) ..
تذكرت نكتة واحد ـ زينا كدة ـ مغلوب ..
المدام : وي وي وي غلبناكم ..
المغلوب : وي وي وي طلقناكم ..
فأسقط في ( حنانا ) ..
| |
|
|
|
|
|
|
|
|
|
Re: بيت البكا المريخابي (Re: جلال عثمان)
|
أبو الجل ..
تحياتي ياخي ..
| Quote: لأنك صفوة بنقول ليك هاردلك |
و لأنك تستاهل كل خير بنقول ليك مبروك ..
| Quote: ولانك دهب الجايات احلي |
و لأنك جلال و ود حلال بقول ليك اللله يستر عليكم الغريق قدام ..
| Quote: ولانك صاحبي .... ايفوسا كيف |
بيني و بينك شطة بس ..
| |
|
|
|
|
|
|
|
|
|
Re: بيت البكا المريخابي (Re: عمر التوم)
|
زوج صغرى شقيقاتي ( ضحوي ) زول رائع ..
و مشكلته الوحيدة ( ما صفوة ) ..
ضحوي الزول الوحيد الذي ( أزوغ ) منه ..
غالباً أو مغلوباً ..
في الحالتين أنا ضايع ..
ما أن ( صفر الحكم ) حتى رن جوالي ..
يوم مباراة زيسكو ( زغت ) منو ..
عملت ( ناسي ) الجوال في ( الشاحن ) ..
لكن الليلة وين ؟؟
بادرته قبل أن ( يكاويني ) .. مبروك ياخي ما ( عجبنا ) لينا ..
ضحك حتى أغلق الخط ..
و أغلقت أنا نفسي على حزني ..
| |
|
|
|
|
|
|
|
|
|
Re: بيت البكا المريخابي (Re: عصام دهب)
|
مروة ( زوجتي ) لأنها من مكة فهي تشجع ( الوحدة ) و بس ..
تجاملني و تفرح معي حينما يفوز المريخ ..
و تشارك معي في فواصل ( المكاواة ) ضد أشقائي ..
لكني في مثل هذا اليوم أعرف حقيقتها جيداً ..
فقط حينما تسألني بخبث ( عايز عشا ) !!
| |
|
|
|
|
|
|
|
|
|
Re: بيت البكا المريخابي (Re: عبد اللطيف بكري أحمد)
|
أخوي عبد اللطيف ..
hard Luck Issam; and best wishes in future games.
و مبروك ليكم يا عبد اللطيف و إن شاء تواصلوا و ما تبقى دي بطولتكم بس ..
Please pass salami to Abu Alzouhoor.
إن شاء الله يوصل بس بعد ام فريحانة الماسكاهو دي تهجد شوية ..
تحياتي لك و للعيال و ترجع بالسلامة ..
ـ
بمناسبة السفر .. عشة و العريس المرتقب أسامة مسافرين نهاية رمضان ..
| |
|
|
|
|
|
|
|
|
|
Re: بيت البكا المريخابي (Re: عبدالحافظ عثمان)
|
عبدالحافظ
تحياتي و رمضان كريم جداً ياخي
Quote: هاردلك ياالمريخ
المهم التعلم من الدروس..والاخطاء... |
هاردلك .. بس ما تبقى كترة تكرار ..
Quote: ومبروك للهلال والى الامام..
فهو يمثل السودان... |
غايتو جنس مبروك ..
| |
|
|
|
|
|
|
|
|
|
Re: بيت البكا المريخابي (Re: عصام دهب)
|
عوض عمر ..
صاحبي وزوج بنت خالتي ..
عوض و أولاده و أبوهو ـ الله يرحمه ـ و كل أخوانو و أخواتو صفوة ..
عوض كابت سابق لمريخ أم روابة و سكرتير رابطة مشجعي المريخ بجدة ..
ليس من أحد مهموم بالمريخ مثل عوض ..
و لأن أولاده في السودان فقد أعتدنا أن نفطر معظم رمضان سوياً ..
من يوم الثلاثاء و هو غائب عني بسبب عوازيم أصحابه ..
اليوم كان لديهم دعوة مع رابطة أبناء كسلا بجدة ..
كانت الدعوة في ( قاعة المها ) على بعد خطوات من منزلي ..
هاتفني قبل الإفطار و طلب مني أن نتقابل في القاعة ..
أعتذرت له لأني ( مضيوف ) ..
تحدثنا عن المباراة و أسررت له بخوفي ..
قال لي الليلة حنطلع ( ميتينهم ) في المقبرة ..
ذهبت له قبل العشاء و قابلت على الباب عضو المنبر الصديق ( شحوتاي ) ..
شحوتاي أنت معانا و لا مع الخيانة ؟؟
علمت أن عوض ذهب مع الإعلامي / كمال حامد لمشاهدة المباراة مع ( الصهفوة ) ..
حمدت الله أن عوض لم يشاهد المباراة معي ..
عندي تلفزيون واحد و التاني حق البنات ..
عوض حينما ينهزم المريخ يكسر كل شيئ قدامو و يسب كل شيئ ..
بعد المباراة لم يتصل عوض علي و لم أفعل ..
ربما شاهد في المقبرة ( بعاعيت ) ..
و أصابته هاء ( الهناي ) فسكت ..
الله لا سكتو ..
| |
|
|
|
|
|
|
|
|
|
Re: بيت البكا المريخابي (Re: عصام دهب)
|
شاهدت المباراة مع إبنة السابعة ( يارا ) بنتي ..
و بين الشوطين شاهدت مع يارا طيور الجنة ..
يارا المريخابية ( طبعاً ) كانت واجمة مثلي ..
و في لحظة ما ألتقت إليها و وجدتها تتمتم في سرها ..
قلت لها : بتقولي في شنو ..
قالت : بقول يا رب المريخ يفوز ..
قلت لها : يارب يفوز حبيبتي ..
حينما جاء هدف التعادل نططت يارا و أحتضنتي و أنا مستلقي على ظهري و تدحرجنا و حملتها في كتفي و خرجنا إلى أمها في الصالة و رقصنا رقصة ( ميلا ) ثم عدنا لغرفتها ..
و يا فرحة ما تمت ..
جاء الثاني ..
و جاء الثالث ..
و خرجت يارا صوب أمها ..
و جاءتني بعد المباراة و بنبرة حزينة همست لي ..
( بابا الليلة ما حنمشي ( الأندلس مول ) صاح ؟؟ طيب نمشي بكرة ) ..
| |
|
|
|
|
|
|
|
|
|
Re: بيت البكا المريخابي (Re: عصام دهب)
|
ياعصام يادهب رمضان كريم اولا
كنا نود ان نحضر لبيت المأتم ولكننا سمعنا بانتهاء العزاء مع الدفن عن المقبره.....وحدوووووووووووووه والله ياعصام صحى المرحوم قريبك وانا عارف مكانتو عندك لكن كمان زودها شويه شى شكاوى وتنسيق مع الاعداء يعنى بصراحه كده وانت زول اخوووى وصاحبى منذ الابيض الثانويه مرورا بمصر المرحوم كان شليق خلاص والحمدلله ربنا ريحنا منو يعنى بالعربى الميته دى بتساهلا وربنا كده يرزق والديه بابن صالح عسى ان يجيب كاس الكبار
ورمضان كريييم يازول ياظريف
| |
|
|
|
|
|
|
|
|
|
Re: بيت البكا المريخابي (Re: سيف الدولة كامل)
|
| Quote: يا سلالالالالالالالالالام يا عصام,, كمان طلعت اخو حبيبنا الخلوق ازهري دهب |
و يا سللللللام يا سيف إنك تطلع صاحب أخوى الأكبر .. بس المؤسف أنكم تكونوا الإتنين رشاشات ..
يبلغ يا حبيب بس لما أرد عليهو قريب إن شاء الله في العيد ( زايغ منو من يوم الكورة ) ..
| Quote: اخر مره شفته كان مدير شرطة الدويم,, |
و انا زرته هناك في إجازة لي و كنا نجلس مساءا أمام دكان وهبة المصور ـ إن لم تخني الذاكرة ـ ناس حلوين جداً و رائعين من كنت أجالسهم .. أزهري حالياً قائد ثان الإحتياطي المركزي ..
بتاع مكاواة شديد ..
ـ
تحياتي تاني يا سيف و أهو طلعنا قرايب ..
| |
|
|
|
|
|
|
|
|
|
Re: بيت البكا المريخابي (Re: الامين عباس احمد)
|
نعم انهزمنا يا عصام
والهلال جاب قونين من اروع ما يكون
تيمنا كافراد افضل بكثير من الهلال
بس عندهم مدرب عارف يوظف امكانيات لاعبيه
ونحن عندنا مدرب لا يصلح يدرب حتى الجنادب
مبروك للهلال واتمنى ان يوفقوا في الفوز بالكاس
بس ما يقابلو مازمبي في نصف النهائي
لو قابلوه في النهائي بيعملوا حاجة
بس في نصف النهائي حا يشربوا الزيت
وبعدين قول طارق قال
| |
|
|
|
|
|
|
|
|
|
Re: بيت البكا المريخابي (Re: محمد عبد الماجد الصايم)
|
مولانا عصام هارد لك
قبل لقائنا بقليل وقبل المبارة بساعة كان معي جمال السنوسي وصديق رحمه النور على مائدة رمضانية كسلاوية بقاعة المها كنا نمني النفس أن نري نهاية لعبثكم ولكننا لم نحلم بهذه الصواريخ الثلاثية الجيدة الصنع والاطلاق ...
| |
|
|
|
|
|
|
|
|
|
Re: بيت البكا المريخابي (Re: ادم شحوتاي)
|
يا دهب .. رمضان كريم
لذيذ انت قسما بالله -
يا خي انشالله المريخ يكون خارج التغطيه ومظعمط في اي بطولة عشان تجي تكب لينا الحنك الدسم - صدقني انا مستمتع جدا انا اتابع بوستيك ده , طبعا انا في قمة السعاده الان عشان المريخ المنتهي الخفيف مغلوب تـــــــــــ3ــــــلاته و البوست الرهيب ده
يا عزيز ي هاردلك ( الحمدلله الودعتو ) انشالله السنه جاي تكونو اكثر قوة ومنعة
دهب
| |
|
|
|
|
|
|
|
|
 Re: بيت البكا المريخابي (Re: محمد عبد الماجد الصايم)
|
| Quote: فقط حينما تسألني بخبث ( عايز عشا ) !! |
 والله يا مولانـا لو اتعشيت امس تكون بالغته .. عليك الله المتعشي ليها شنو؟؟
إنتو لو بتتكلمو زي الكلام العقلاني دا من زمااان .. حسع كان الكورة طلعناها ليكم واحد صفر بس .. يعني لحدت سادومبـا ونديكم الفاتحة وتمشو ..
لكنو شابكننا هيثم مصطفى مالو .. وسادومبا عندو شنو.. وامبيلي ماسورة .. وايفوسا دا ولدنا
اها تجو في النهاية تبكو زي بكاكم دا ..
ياخ اساسي صاحبك المسكين دا .. عمل لي نفس حركتك مع نسيبك قبال ما ارقعو ليك بي رسالة من الرسائل اياهم بعد الهدف الأولاني .. قام مرسل لي رسالة جا فيها:
(فاتحين ليكم يا فطايس )
ياخ هو زول فاتحين ليهو بجيبو فوقو اقوان زي دي .؟
يللا بعداك عايز يعمل فيها روحو رياضية .. تخيل يا مولانـا اتصل علي قالي مبروك للهلال والله كنت قاعد اشجع فوقو ..
عليك الله يا مولانـا حسع كان عايز افتح في الزول دا بلاغ ساااكت كدا .. زي كلامو دا ممكن يدونوهو تحت المادة كم كدا يعني تقريبا
| |
|
|
|
|
|
|
|
|
|
Re: بيت البكا المريخابي (Re: tmbis)
|
الأخ عصام دهب
تحياتى
مبروك للهلال .. و هاردلك للمريخ
تتعدد الأسباب و الفوز واحد و الهزيمة واحدة
حلاوة الكورة والرياضة نصر وهزيمة
و لكت رغم عوالمل خارجية كثيرة تكالبت على المريخ
هذا الموسم .. لكن التقصير الأكبر كان من المريخ
و سؤ الطالع مع إخفاق الإدارة فى ملف التدريب
خلال الست أعوام الماضية .. كان قاصمة الظهر
والله يعينك على الطابور الخامس بداخل البيت!
وخيرا فى غيرا .. الكورة .. ما شى تانى
| |
|
|
|
|
|
|
| |
عصام دهب
عبدالوهاب علي الحاج
محمد عيد
سيف الدولة كامل
الشيخ صالح محمد
جلال عثمان
عمر التوم
Mohamed Doudi
طارق جبريل
محمد عبد الماجد الصايم
ادم شحوتاي
عبدالله كع
tmbis
فيس بوك
تويتر
انستقرام
يوتيوب
بنتيريست