|
نعى اليم ...... سودانيز اون لاين دوت كم تحتسب الزميل فتحي البحيري فى رحمه الله
وداعاً فتحي البحيري
|
|
 Re: خديجة وقعت من البلكونة! (Re: هشام آدم)
|
يا هشام الجماعة ببالغوا عديل فى دعاياتهم دى
هسى برنامج الأتكيت القلت عليهو ده يسمو شنو؟
ياخ طيب ما الدولة تدخل البرنامج ده ضمن مناهج التعليم فى مدارس الأساس!! بدل البشتنة البسو فيها الجماعة!
القنوات التلفزيونية فى السودان عالم عجييييييييب بما يحمل الكلمة من معنى.
تسلم عل المرور يا مان
أخوك/ شول أشوانق
| |
 
|
|
|
|
|
|
|
 Re: خديجة وقعت من البلكونة! (Re: هشام آدم)
|
Quote: اعتذاراتي يا مان .. بالجد Sorry
أظن دي ضريبة الانفتاح! |
ولا يهمك يا باشا ... عادى جداً
ناس بوهيات المهندس ديل ما لاقين دعاية احسن من البشتنة ده؟؟!!
| |
|
|
|
|
|
|
|
|
|
Re: خديجة وقعت من البلكونة! (Re: شول اشوانق دينق)
|
شركة بوهية سودانية
قناة فضائية سودانية
الإتنين يتلموا ويجيبوا مصريين يعملوا دعاية للشركة ويعرضوا فى القناة بكل ما فيها من تفاهة وتقليل من السودان والسودانيين؟؟!!
سؤال للقائمين بأمر الشركة مع صورة إلى القائمين بأمر القناة الفضائية:
حب الوطن بزرعوا زرع ولّ بقوم برا؟؟!!
| |
|
|
|
|
|
|
|
|
|
Re: خديجة وقعت من البلكونة! (Re: هشام آدم)
|
| Quote: يا شول هي خديجة وقعت من بلكونة هارموني كمان انا شايفا واقعة من شبابيك النيل الازرق ؟؟ .. والله دييل وقعونا معاهم |
كمان!!!
خلاس القنوات قامت على السودانيين فى البشتنة والفنجطة الفارغة.
إدارات القنوات الفضائية السودانية عليهم مراعاة شعور السودانيين
تكرم يا ابوبكر على مرور وكل سنة وإنت طيب كما السودان
Quote: دي عاملة زي دعاية سرامس الموية ذات الصناعة السودانية
وبنات الدعايات السوريات والمصريات !!
التحيّة لهيفاء وهبي :) |
ديل ما فضّل إلا يجيبوا مصريين لدعاية تسالى
سؤال:
هل عشان الدعاية يكون مية المية لازم يكون العامل الدعاية لونو فااااااااتح وبيتكلم غير اللهجة السودانية؟
ده كلام ده!
| |
|
|
|
|
|
|
|
|
|
Re: خديجة وقعت من البلكونة! (Re: MOHAMMED ELSHEIKH)
|
| Quote: مش عيب يا شول تبص ع القيران |
شفت ده يا بوبا من الخستكة الفى الدعاية فى حد ذاته!!!
السودانيين معروفين ما ببصوا فى بيوت جيرانهم
Quote: __
سجارتك قصبة قالوا لي! |
اهااااااااا ... رمضان ده دساك دس شديد يا مان التقول إنت براك الصايم
Quote: حليل ناس "
اسبرو .....احسن صديق
اسبرو.......أحسن رفيق
اسبرو....يزيل الأوجاع...و الصداع... والآلام..
اسبر..اسبرو...أسبرو .....اسبرو..... تنق
شرحبيل احمد في شبابه |
يا حليلهم يا محمد أخوى هسى شوف بقينا فى جنس شنو؟
بوبا ومحمد شاكر ليكم مروركم هنا
| |
|
|
|
|
|
|
|
|
|
Re: خديجة وقعت من البلكونة! (Re: شول اشوانق دينق)
|
سلامات اخي شول ...
| Quote: خديجة تقع من البلكونة فى شان شنو؟ |
والله كيفتني كيف في الكلام القلتو دا ... اصلا الدعايه دي غايزاني وهاريه كبدتي من زمن ....
والمزعلني زياده , انهم جايبين اسمها (خديجه) ؟؟؟؟؟ .. يعني زوله شمشاره , وحشريه وممكن تتبع الخبر لدرجه انها ممكن تكسر رقبتها وراهو .. دي سودانيه ...!!!
والناس المتحضرين اللي عارفين البوهيه , و مستعملينها اساسا في بيتهم .. ديل الصفر , ناس البشره البيضاء , المصريين ؟؟؟
وتضطر ربه البيت المصريه في نهايه الاعلان الى تبخير بيتها , من عيون خديجه , السودانيه الحشريه ..!!!!
عجبا .... هي الحشريه فايته المصريين وين ؟؟؟؟؟ شي عجييييييب ....
عافاك اخي شول .... تحياتي
| |
|
|
|
|
|
|
|
|
 Re: خديجة وقعت من البلكونة! (Re: داليا الكباشى)
|
شول سلام
إنت ما شفت برضو واحدة خطفوها و أخدوها رهينة لغاية ما يجيبوا بوهية
ناس الدعاية و الإعلان في الدول الراقية بيستعينوا بناس مختصين في جس نبض السوق و الذوق العام لتتم ترجمة كل هذا و ذاك إلى دعاية ذكية تصب في خانة التأثير
لكن وقعة خديجة دي ما أظن تجيب ليها زباين
دمتم
| |
|
|
|
|
|
|
|
|
|
Re: خديجة وقعت من البلكونة! (Re: عبد الرحيم حسب الرسول)
|
يا شول لو ما ناس خديجة ديل القنوات دى حتقييف وحتقفل
والبنيات الشغاليين فى القنوات دى وشوشم المصنوعة والمجلبطة دى
حتعمل لاهلم فضايح
خلو خديجة تقع هى واقعة من بلكوناتنا
امس كنت جوه الاوضة.. جا ولدى جارى
قال لى يا بابا خديجة وقعت من البلكونة
طير قلبى لكن اتذكرت انو فى البيت ما عندنا الاسم دا
ء
| |
|
|
|
|
|
|
|
|
 Re: خديجة وقعت من البلكونة! (Re: حسن سنوسى)
|
Quote: يا شول لو ما ناس خديجة ديل القنوات دى حتقييف وحتقفل
والبنيات الشغاليين فى القنوات دى وشوشم المصنوعة والمجلبطة دى
حتعمل لاهلم فضايح
خلو خديجة تقع هى واقعة من بلكوناتنا
امس كنت جوه الاوضة.. جا ولدى جارى
قال لى يا بابا خديجة وقعت من البلكونة
طير قلبى لكن اتذكرت انو فى البيت ما عندنا الاسم دا
ء |
يا حسن الجماعة اليتكسبو بس ما على حساب سمعتنا وسمعة نساء السودان.
عموماً يديك العافية والحمدلله كلام الولد طلع كلام فى الدعاية ما شئ حاصل جوا البيت
كل سنة وإنت طيب يا ود السنوسى
| |
|
|
|
|
|
|
|
|
|
Re: خديجة وقعت من البلكونة! (Re: عبد الرحيم حسب الرسول)
|
Quote: شول يا حلو
انشاء الله تكسر رقبتها كش
قول آمين |
لا لا يا عبد الرحيم أصلو ما بنخليها يكسرو رقبتها كده ...
ياخ إذا كانت قنواتنا السودانية بتعرض حاجات بتهين السودانيين زى ده ... طيب خلو شنو لبقية القنوات العربية البتندرو فى السودان والسودانيين؟؟!!
| |
|
|
|
|
|
|
|
|
|
Re: خديجة وقعت من البلكونة! (Re: شول اشوانق دينق)
|
شكرا شول لهذا البوست الرائع، وأزيد عليه المبالغة فى الدعايات زى النقاش المغمض عينيه بعصابة قماش ويدخل يده فى علب البوهية ويقول أحمر واسود وتطلع مظبوط يعنى الحكاية واسعةشوية، وبعدين ليه الدعايات التجارية تكون كلهامن ممثلين غير سودانيين فى الوقت الذى يشكو الممثلون والممثلات العطالة ، عتلى الأقل تكون مقبولة وعلى الطبيعة .
| |
|
|
|
|
|
|
|
|
|
Re: خديجة وقعت من البلكونة! (Re: Omayma Alfargony)
|
Quote: شول تحياتي ورمضان كريم
:)
خديجة ماممكن تلبس بنطلون
لكن ممكن تتاوق على الجيـــــــــــــــــــــران.
والله دعاية مؤسفة جــــــــــد.
دعاية"الدولة الاسلامية" المامنظور مثيلها.
على فكرة بتشبه بعض دعايات المصريين شديييييييد...دايما مخلوعين كده. |
أميمة الفرجونى سلامات وككل سنة وإنتى طيبة
لو تتذكرى فى بداية حكم الجماعة ... وقعوا ليك فى المنهج التعليمى بالذات كتب المطالعة العربية وشبكونا ما عارف كيف عثمان يكون تاجر طماع وعثمان إسم خليفة راشد وكيف سليمة تكون بائعة اللبن وكيف محمود يكون كذاب و و و إلخ!
اها خديجة البتتاوق وبتقع بردلب دى من البلكونة ما عندها وجيع عندهم ولّ الفهم شنو؟
على العموم الدعاية على الطريقة المصرية الحايم فى قنواتنا الفضائية دى ما راكبة عدلها كلو كلو
شكراً على المرور والمشاركة ورمضان كريم
| |
|
|
|
|
|
|
|
|
 Re: خديجة وقعت من البلكونة! (Re: ابو جهينة)
|
Quote: شول سلام
إنت ما شفت برضو واحدة خطفوها و أخدوها رهينة لغاية ما يجيبوا بوهية
ناس الدعاية و الإعلان في الدول الراقية بيستعينوا بناس مختصين في جس نبض السوق و الذوق العام لتتم ترجمة كل هذا و ذاك إلى دعاية ذكية تصب في خانة التأثير
لكن وقعة خديجة دي ما أظن تجيب ليها زباين
دمتم |
سلام يا ريس
فعلاً الدعاية المفروض تكون محببة للعملاء الحيشتروا البضاعة موضوع الدعاية ... بس ناس المهندس الظاهر عندم راى غير كده
تسلم كتير على المرور والمشاركة
| |
|
|
|
|
|
|
|
|
 Re: خديجة وقعت من البلكونة! (Re: داليا الكباشى)
|
Quote: سلامات اخي شول ...
Quote: خديجة تقع من البلكونة فى شان شنو؟
والله كيفتني كيف في الكلام القلتو دا ... اصلا الدعايه دي غايزاني وهاريه كبدتي من زمن ....
والمزعلني زياده , انهم جايبين اسمها (خديجه) ؟؟؟؟؟ .. يعني زوله شمشاره , وحشريه وممكن تتبع الخبر لدرجه انها ممكن تكسر رقبتها وراهو .. دي سودانيه ...!!!
والناس المتحضرين اللي عارفين البوهيه , و مستعملينها اساسا في بيتهم .. ديل الصفر , ناس البشره البيضاء , المصريين ؟؟؟
وتضطر ربه البيت المصريه في نهايه الاعلان الى تبخير بيتها , من عيون خديجه , السودانيه الحشريه ..!!!!
عجبا .... هي الحشريه فايته المصريين وين ؟؟؟؟؟ شي عجييييييب ....
عافاك اخي شول .... تحياتي |
الف تحية يا دكتورة
ناس بوهيات المهندس بالغوا شديد فى الدعاية المهبب ده ياخ
كل سنة وإنتى طيبة
| |
|
|
|
|
|
|
|
|
|
Re: خديجة وقعت من البلكونة! (Re: شول اشوانق دينق)
|
عارف ياعم شول
الدعاية دي بالذات انا قاعد أضحك فيها جنس ضحك
بتزكرني صاحبتي
كانت بتحلف ما تسوي الشاي
عشان دعاية خديجة ما تفوتها
اها من الزمن داك
بقيت أحبها عشان بتزكرني بيها
ــــــ
تضامناً مع خديجة حتي لا تقع من بلكونة شول أشوانق الآيلة للسقوط!!
| |
|
|
|
|
|
|
|
|
|
Re: خديجة وقعت من البلكونة! (Re: حبيب نورة)
|
Quote: عارف ياعم شول
الدعاية دي بالذات انا قاعد أضحك فيها جنس ضحك
بتزكرني صاحبتي
كانت بتحلف ما تسوي الشاي
عشان دعاية خديجة ما تفوتها
اها من الزمن داك
بقيت أحبها عشان بتزكرني بيها |
اهااااااا يا حبيبها ياخ!
صحبتك هسى كان الدعاية بإسمها كان قبلت الكلام ده؟ ما كان كل ما يجيبوا الدعاية تروح عافل (حلوة عافل) التلفزيون
صحبتك دى قول ليها فى واحد قاليكى إنتى ظلامية وناكرة ذاتك (دى كان سودانية وكان مصرية ليها الحق تفرح)
| Quote: تضامناً مع خديجة حتي لا تقع من بلكونة شول أشوانق الآيلة للسقوط!! |
انا كان عندى بلكونة كان حالتى كده يا حبيبها... غايتو للضمان كده اتضامن معاك إنت ده
| |
|
|
|
|
|
|
|
|
|
Re: خديجة وقعت من البلكونة! (Re: شول اشوانق دينق)
|
شول يا حاقد
هم مش قالو خديجه؟
يعنى لا قالو مريم ولا قالو ادوت
مالك ومالم ديل اخواتنا
مش نحن برضو وقعنا من بلكونة حلايب وبرضانا
وقبلها وقعنا من بلكونة حلفا
هم طوالى رامننا على رقبتنا
جنوبى حاقد انت!!!!
تسلم يا حبيب،،،،
| |
|
|
|
|
|
|
|
|
|
Re: خديجة وقعت من البلكونة! (Re: شول اشوانق دينق)
|
يازول ها
بما إننا مغلوبين تلاتة وروحنا محرقانا
ياخ انت مالك ومال خديجة علي قول الموج
ياخي خديجة دي منبثقة معانا في إطار التبادل الثقافي والإستلاب الفلان الفلاني
ياخي رضيانين بالإستلاب دة
انت مالك
حد كلمك!
ياخ إنشاء الله خديجة دي تقع وتكسر رقبتا
طالما أنت شايل حالا
بإذن الله ح تقع
في زول قال ليك وديها مستشفي العظام!!
عالم غريبة يا الموج!
الزول دة نحن قلنا نتبوتق وننبثق ونتكاتف ويستلبونا
أجي يشبكنا نشجب وندين وعبد الزمبار
عالم غريبة ياخ
تضامناً مع خديجة و عشة ونورة ذاتة
عندك مانع!!
| |
|
|
|
|
|
|
|
|
 Re: خديجة وقعت من البلكونة! (Re: حبيب نورة)
|
Quote: يازول ها
بما إننا مغلوبين تلاتة وروحنا محرقانا
ياخ انت مالك ومال خديجة علي قول الموج
ياخي خديجة دي منبثقة معانا في إطار التبادل الثقافي والإستلاب الفلان الفلاني
ياخي رضيانين بالإستلاب دة
انت مالك
حد كلمك!
ياخ إنشاء الله خديجة دي تقع وتكسر رقبتا
طالما أنت شايل حالا
بإذن الله ح تقع
في زول قال ليك وديها مستشفي العظام!!
عالم غريبة يا الموج!
الزول دة نحن قلنا نتبوتق وننبثق ونتكاتف ويستلبونا
أجي يشبكنا نشجب وندين وعبد الزمبار
عالم غريبة ياخ
تضامناً مع خديجة و عشة ونورة ذاتة
عندك مانع!! |
بمناسبة مستشفى العظام ده يا حبيبها ...
هسى المستشفى مليان عجايز من النوع الواقف معاهو ده (صديق الموج)
تعرف ليه؟
اوريهالك يا جنتلمان...
شباب بقو مقرشين فجاة اها شبكو بيوتهم سيراميك وبتاع ... طبعاً العجايز ما متعودين على السيراميك (هو المشمع بالتلتلة)
اها بعد البيوت بقت سيراميك نظام الوضع الإجتماعى والثقافى والكلام الفسيخ الدال على الإستلاب الثقافى والإجتماعى ومحاولة الحاكو حاكو ... العجايز فى البيوت بقو يقعوا زى العمارات الما شادى حيلها فى زمن الزلازل
اها بعد ده كلو يا حبيبها ... عايز توقع خديجة من البلكونة وتوديها مستشفى العظام يا قدع
الله! فى ايه يا جدعان؟
ايه يعنى المريخ إنضرب بالتلاتة عااااااادى جداً ما اصلو متعودة
عليكم بتغيير مازدا تلاتات وتشطبو وارقو الماسورة وجمال الوالى يستقيل وبعداك المريخ ممكن يكون otherwise 
| |
|
|
|
|
|
|
|
|
|
Re: خديجة وقعت من البلكونة! (Re: شول اشوانق دينق)
|
Quote: بمناسبة مستشفى العظام ده يا حبيبها ...
هسى المستشفى مليان عجايز من النوع الواقف معاهو ده (صديق الموج)
تعرف ليه؟
اوريهالك يا جنتلمان...
شباب بقو مقرشين فجاة اها شبكو بيوتهم سيراميك وبتاع ... طبعاً العجايز ما متعودين على السيراميك (هو المشمع بالتلتلة) |
شول ياحبيب بالمناسبه دى عندنا خالتنا مسمياه
سيرميك...سيرميك
وحاتك البيت كله سيراميك ماعدا غرفتها فوق السراميك
فارشا فيها دور رمله وقالت لى اولادها بعد اموت
نضفو الرمله دى،،،
| |
|
|
|
|
|
|
|
|
|
Re: خديجة وقعت من البلكونة! (Re: صديق الموج)
|
Quote: شول ياحبيب بالمناسبه دى عندنا خالتنا مسمياه
سيرميك...سيرميك
وحاتك البيت كله سيراميك ماعدا غرفتها فوق السراميك
فارشا فيها دور رمله وقالت لى اولادها بعد اموت
نضفو الرمله دى،،، |
خالتكم دى يا موج نجيييييييضة وبتعرف حقوقها تماماً وانا احيها من هذا المنبر لوقفتها الباسلة فى وجه الأولاد المشوطنين العايزين يقلبو البيت كلو سيراميك ويجهجهوا باكات العجايز.
هى يا موج.
موضوع السيراميك العامل غاغة الفترة الفاتت بالمناسبة مشكلة إجتماعية الناس ساكت عليهو ساى!
انا بعتبرو شروع فى قتل الجلاكين
| |
|
|
|
|
|
|
|
|
|
Re: خديجة وقعت من البلكونة! (Re: شول اشوانق دينق)
|
خديجة دي اصلآ صاحبة فوزية البرجوازية جارة عنايات
و
تعالوا شوفوا الحوار الدار بين عنايات و فوزية حينما
انحازت خديجة لجانب فوزية البرجوازية و بعدها فنقلو
خديجة من البلكونة.
الأسطى حنفى
ولا كان يعرف أن اللى يشرب كولا يبقى يمينى خائن,واللى يديها فودكا يبقى عميل,,ومن ترحم على مارلين مونرو وحلواتها يبقى أمبريالى متأمر,وكان صحبنا عايش فى راحة بال,,بس أزاى محدش بيسيب حد فى حالة..
ومن يومين جالهم ساكن جديد فى الحارة,,الأخ عبد الواحد,,ومراتة عنيات..
وبعد مرمور أيام طلعت أختنا عنايات من بلكونة الشقة,,تلم الهدمتين من على الحبل,,مالقتشى البانطلون بتاع المحروس جوزهااا..
كان تحتهم بقى مين ؟؟الأخت فوزية...مرات صاحبنا الأسطى حنفى..
ودار حوار على مسمع من البشر,,هو البنطلون بتاع الراجل وقع عدنك ياختى,,,قالتلها مفيش حاجة هناااا,,
والكلام جاب بعضة,,وولعت نار,,
وأطلقت عنايات قزيفة نحو فوزية,,,تقول فيهااا..
أنتى شكلك كدااا برجوازية ملعونة..!!!!
فوزية وشهااا أحمر وحست أنها أتهزقت,,فردت وقالت ,,أنا أشرف منك ومن عيلتك..
دي اصل الحكاية
تصرفنا في النص
البناطلين دي في اي مكان عامله مشاكل ?
(عدل بواسطة فيصل محمد خليل on 09-12-2009, 10:54 AM)
| |
|
|
|
|
|
|
|
|
 Re: خديجة وقعت من البلكونة! (Re: Mayada)
|
| Quote: "خديجة وِئعت ملبلكونة"... |
هى وئعت ساى يا ست البنيات ... دى وئعت مرتين آآ والله مرتين شوف عين البياكلم الدود
شكراً ميادة وكل سنة والجميع بخير
____________
إنتى من سنة اسكت هنا وما سامعين ليكى حس
| |
|
|
|
|
|
|
|
|
|
Re: خديجة وقعت من البلكونة! (Re: شول اشوانق دينق)
|
Quote: سؤال:
هل عشان الدعاية يكون مية المية لازم يكون العامل الدعاية لونو فااااااااتح وبيتكلم غير اللهجة السودانية؟
|
ده إسمو يا شول ......
تمفصل العرق واللون والطبقة مع تقسيم العمل .!
أكيد عارف الباقى ....!!!
كل الود
محمد كابيلا
| |
|
|
|
|
|
|
|
|
|
Re: خديجة وقعت من البلكونة! (Re: omer osman)
|
شوف يا شول
طالما إنت بتعمل بوست و بتدعي علي خديجة بعد ما وقعت من البلكونة مرتين
وما جاتا حاجة
أنزلقت
لكن ما أنفلقت
وانت شايل حالا بالأسافير
وعموم مناطق الإسفيرات العشوائية
ياخي سيب الحقد الطبقي الدفين دة
الناتج عن درداق مشتهي سيراميك وبوهية مهندس بورجوازي
عالم غريبة جداً
الموج صاحبك دة كلموا
خليه يجلِّي فكرة خديجة
وبلكونتها
ويركِّز في أيي راكوبة ناصية
وفاتحة في شارع أربعين!!!
عالم غريبة ياخ!!
بوست غير موفّق!!
| |
|
|
|
|
|
|
|
|
|
Re: خديجة وقعت من البلكونة! (Re: baha eassa)
|
يا شول...
خديجه (الشمشاره) وجارتها المصريه..
العصير الطاعم والمحجبه الحلبيه..
الاثاث الفاخر والاغاني الشعبيه*..
طيب مايرجعوا للحكم الثنائي اخير
__________________
*الشعبيه : مقصود بها شعب مصر (الشغيغ)..
| |
|
|
|
|
|
|
|
|
|
Re: خديجة وقعت من البلكونة! (Re: معتصم دفع الله)
|
رمضان كريم
طبعاً انا زاتي ما قادر افهم المبرر شنو انو الناس يمشوا مصر وسوريا وغيرها عشان يعملوا دعاية لمنتج سوداني واو محال تجارية، ما هي الفائدة من هذه الممارسة، فشركات الاعلان السودانية يمكنها ان تقوم بهذا العمل، بصراحة باشعر بضيق شديد لما يمشوا يعملوا ليهم دعاية بره ويدي قروش لناس اجانب والاخوة الفنانين في السودان يمكن ان يقوموا بهذه الدعايات وبرضو يسترزقوا ويخشو في سوق الدعاية،
يعني سوال مثلاً ما هي الفائدة والمغزي في استقدام ما يعرف بالفنان الشعبي شعبولا في دعاية هلا::::
غايتو الله يعين
| |
|
|
|
|
|
|
|
|
|
Re: خديجة وقعت من البلكونة! (Re: فادية اليمني)
|
| Quote: بوست موفق |
تعظيم سلام يا جنابو وشكراً لمساندة خديجة فى مهنتها
ابيت
Quote: خديجة
مش كان ممكن تمشي بالباب تشوف حيطة الجيران دي
بدل تنط من الحيطة |
ده الحصل بالضبط ... خديجة السودانية الأصيلة مشت بالباب وباركت لناس البيت البوهية والبوماستك الجديد ... بس منو البيقنع الديك
شبكة كل سنة وإنتى طيبة
Quote: هذا الاعــلان لا علاقــة له بقناة هارمونــــــــي ..
لايبث في هارمون ؟؟؟ |
تشابه علينا البقر يا بهاء ياخ بس إن شاء الله خلينى اصحح نظرى ده واتأكد ولو فعلاً زى ما قلت بجى هنا وأعتذر لقناة هارمونى إعتذار كبير حدادى مدادى ... شكراً للتنبيه والمرور وإن شاء الله بلغت العافية؟
| Quote: طيب مايرجعوا للحكم الثنائي اخير |
الجماعة شكلهم على الدرب سائرون يا مواطن يا صالح
| Quote: شول ... متذكر الموضوع بتاع معلومات الجنوب في ويكيبيديا ؟ |
متذكرو يا هانى وده عاد كلام بتنسى ... غايتو الجماعة شغالين فى السودان شغل شديد ربك يهون بس.
التحية لعزاز مفترع الخيط الآخر
| Quote: صدق ما عندي ولا متر في السودان |
يعنى قالو ليك انا عندى حواشة يا طارق ... اخوك عينو طالعة عديييل بس الصير نعمل شنو؟
| Quote: يعني سوال مثلاً ما هي الفائدة والمغزي في استقدام ما يعرف بالفنان الشعبي شعبولا في دعاية هلا:::: |
شعبولا هو من سيهزم إسرائيل بأغنيته الشهيرة انا بكره إسرائيل وهىىىىىىىىىىىىىىىىىىىىىىى انا بكره إسرائيل.
اها ناس هلا عجبم الفكرة وجرى جابو ماسقينو من لياقتو وجارينو جر لغاية عندنا
مرورك جميل يا محمد صالح دفع الله
| Quote: معاً حتي يتوقف الاسفاف وعدم احترام عقلية المشاهد |
نازك يا أختى ديل لو حسو (مجرد إحساس بس) بإنو ما بيحترمو عقلية المشاهد السودانى بكون كتر خيرم والله ... بس يحسو بس والباقى هين.
شاكر مرورك وكل سنة وإنتى طيبة
تتاوق فى بيت ما عاملين ليهو بياض ... غايتو خديجة بعد شوية حتكون احسن منك يا مولانا
| Quote: هى جات طااااايرة عدييل كده |
مرتين يا فادية ... مرتين!
التقول طالبينها مليون دولار يطيروها من البلكونة بالصورة المهينة دى
شكرى للجميع
| |
|
|
|
|
|
|
|
|
|
Re: خديجة وقعت من البلكونة! (Re: شول اشوانق دينق)
|
Quote: تشابه علينا البقر يا بهاء ياخ بس إن شاء الله خلينى اصحح نظرى ده واتأكد ولو فعلاً زى ما قلت بجى هنا وأعتذر لقناة هارمونى إعتذار كبير حدادى مدادى ... شكراً للتنبيه والمرور وإن شاء الله بلغت العافية؟
|
شول .. .. تحياتنا لك ..
الحمد لله بلغنا العافية ولك الشكر الكثير .. بس الحق اتاكد من البلكونة
حقة ياتو قناة .. وخاصة هارموني ماعندهم بلكونة .. والجماعة في هارموني
زعلانين لانهم ماعندهم دخل في الاعلان دة .. وخاصة قائد السفينة الخلوق جدا
الجعيلي .. فكون انك مستعد تقدم اعتذار فهذا اسلوب راقي وجميل .. لك كل
الود .. ..
| |
|
|
|
|
|
|
|
|
|
Re: خديجة وقعت من البلكونة! (Re: سفيان بشير نابرى)
|
وقعت!!!
اللزاها منو يا شول ؟؟
صراحة نحن في الاعلانات
كان في دعاية في تلفزيون السودان تقول ( كدآرات البرير ...) وطبعا مع الفنجطة
طالعة حاجة عبيطة فالدعاية تسببت لاولادي في مشاكل في المدرسة والشارع
كلما يشوفوهم يسخروا منهم وينادوهم كدارات البرير .. ما خلصنا من الممبو
السوداني وكدارات البرير وحسي وقعتنا سودة مع بلكونة خديجة ..
شكرا للاستراحة الجميلة
بت فاطنة
| |
|
|
|
|
|
|
|
|
|
Re: خديجة وقعت من البلكونة! (Re: عشة بت فاطنة)
|
باؤلك ايه يا شووول يا اخويا ..
هي خديقه دي مش خديقه السودانيه اللي كانت بتبص علينا من البلئونه عشن تعرف احنا بوهينا اسمها ايه ؟؟؟ طب والله دي تستاهل اصل اراره وعينها مدروه ..
دي اوله امبارح سامها بتوئق علينا مع قارتنا التانيه ... شوف يا اخويا بئا .. ال على راي النسل : يا ائعدين يكيكوا شر القايين ..مسسسسسسسم... وينا ياشر كفايه ار ...
-------------------------------------------------------
ايقاف الاعلان واجب ... او استبدال العناصر باخرى سودانيه ميه الميه ...
(ما عندنا مشكله ود عمنا يشيل حالنا .. لكن شيله الحال من الاغراب دي ما بندورها )
مودتي شوووووووووول ..
| |
|
|
|
|
|
|
|
|
|
Re: خديجة وقعت من البلكونة! (Re: شول اشوانق دينق)
|
Quote: دى دعاية عليكم الله!
خديجة تقع من البلكونة فى شان شنو؟
البوهية ولّ البوماستيك الجديد على السودان والسودانيين؟ |
الأخ شول اشوانق
بعد التحية
أولاً ما يعرض في التلفزيون والذي تتناوله اليوم ليست دعاية وإنما إعلان حسب لغة أهل الاعلام
ثانياً من الناحية المهنية للشخص القائم بالاعلان فقد نجح صاحب الفكرة في توصيل ما يريد ويعتبر
هذا الاعلان ناجحاً ما دام قد لفت نظرك وانت تقوم بإنتقاده هنا الآن مما يعني إضافة المزيد من الأضواء
على المادة وبالتالي فالكسبان هو صاحب الشركة.
إن الهدف الأساسي للمعلن هو لفت نظر الزبون وليس نيل إعجابه.
إنه ميدان تجارة وفي التجارة لابد من وضع إعتبار الربح كأولوية ما لم يتسبب في إنتهاك قانون
بالنسبة لناحية الذوق والفكر الذي يحتويه الإعلان فقد يكون مستهجن من قبل المشاهد لكن ما دام
يناقشه وبدي رايه حوله فهذا يعني بأن الإعلان وبالتالي تعرفت على السلعة المعلنة عنها وأنت
بدورك تقوم بالإعلان نيابة عن الشركة المعلنة وكل من تناقشه سيقوم بنفس الدور
..................
تخريمة:إنت الشركة ادتك كم عشان تقوم بالإعلان المجاني دا؟ ما تعمل لينا زول بهاجم الإعلان ساكت
حول لي كم دولار كدا يا عم...
مع تحياتي
قير تور
| |
|
|
|
|
|
|
|
|
|
Re: خديجة وقعت من البلكونة! (Re: Muna Khugali)
|
سلاااام وتحايا
Quote: دى دعاية عليكم الله!
خديجة تقع من البلكونة فى شان شنو؟
البوهية ولّ البوماستيك الجديد على السودان والسودانيين؟
|
الدعاية والاعلان هما فكرة ومضمون يتم تجسيدهم بشكل جاذب بغرض بتجارى تسويقى بحت
اى ان مضمون الفكرة لابد وان تتوافر به عناصر الجذب من خلال المشاهده البصرية باعتبار
ان الرؤية او الصورة هى الاقوى والاسرع فى العملية (التخزينية ) وبالتالى هى الانسب
للعرض بغرض التعريف عن المادة او المواد المراد تسويقها وتعريف المستهلك بها .
وبشكل عام نحن الاضعف فى العملية التسويقية وايضا الحملات الاعلانية والاعلامية فيما يخص
الجانب التجارى لهذا قد تجد ( خديجة طارت من البلكونة او بينسون اند هيدج صنع خصيصا للسودان )
وفكرة اعلان فلانة طفرت من البلكونة هى فى الاساس غير جاذبة اى تصيب المستهلك بالضرر جراء القفز من
الراكوبة ( كسور ورضوض وجروح وورم فى العين ) تصدق هذه هى فكرة الاعلان عند تفكيكه الى اجزاء
اكرر نحن فى بدايات العملية الاعلانية والاعلامية ( كلاسيكيين خالص ) والعترة بتصلح المشيه
قاسم المهداوى
| |
|
|
|
|
|
|
| |
شول اشوانق دينق
هشام آدم
abubakr
GamarBoBa
MOHAMMED ELSHEIKH
داليا الكباشى
ابو جهينة
Omayma Alfargony
عبد الرحيم حسب الرسول
هاشم محمد الحسن عبدالله
حبيب نورة
صديق الموج
فيصل محمد خليل
مزمل خيرى
Mayada
محمد كابيلا
omer osman
SHIBKA
baha eassa
naeem ali
Hani Arabi Mohamed
معتصم دفع الله
طارق جبريل
Nazik Eltayeb
معاوية عوض الكريم
فادية اليمني
سفيان بشير نابرى
عشة بت فاطنة
GeerTor Tong
Muna Khugali
قاسم المهداوى
فيس بوك
تويتر
انستقرام
يوتيوب
بنتيريست