|
Re: مخارز: شمار أفندي و الإنتخابات (Re: Kabar)
|
(تقايضون)..
هجرة سيدي الإمام الصادق المهدي ، عليه السلام ، الى جوبا (تقايضون): في جوبا صرح السيد الصادق المهدي أن لا مساومة أو تلاعب في حق تقرير المصير بالنسبة لجنوب السودان!!.. كلام سمح تب..! الفكرة : يا ناس الحركة هوي ، خلوا لي دوايري في كردفان و درافور ، أهو بصمت ليكم على حق تقرير المصير..!
كبر
| |
|
|
|
|
|
|
Re: مخارز: شمار أفندي و الإنتخابات (Re: Kabar)
|
الشريعة جلدة سريعة :
السيد على عثمان محمد طه (نائب الرئيس شخصيا) صرح بأن تطبيق الشريعة الإسلامية في السودان لا مساومة فيه (دي قصاد لا مساومة بتاعة سيدي الإمام)..ياراااااااجل..! طبعا السيد نائب الرئيس هو أكثر من يعلم أن السودان في خلال العشرين سنة ماضية لا فيه تطبيق شريعة ولا يحزنون..! الفكرة: عشان الشيوخ الواصلين (بتاعين النقاطة و كده ) يكون عندهم مبرر للكلام في الإنتخابات ، يعني حاجة يتونسوا بيها مع الناس..!
كبر
| |
|
|
|
|
|
|
Re: مخارز: شمار أفندي و الإنتخابات (Re: Kabar)
|
نزع السلاح من المدنيين:
السيد سلفا كير (النائب الأول لرئيس الجمهورية) ، أخذ يتحدث في الآونة الأخيرة عن ضرورة نزع السلاح من المدنيين و المليشيات..! يكون السيد النائب الأول قلبو ماكلو على فكرة أنو مليشيات الدفاع الشعبي ح تعبث بصناديق الإنتخابات ؟..اٍحتمال..!
كبر
| |
|
|
|
|
|
|
Re: مخارز: شمار أفندي و الإنتخابات (Re: Kabar)
|
نقطة نظام: الأستاذ محمد الحسن الأمين (صاحب نقطة نظام) ، محتارا : 450 دايرة ، منها 112 دواير نسوان ..! هسع الواحد كن داير يسوي ليهو نقطة نظام ساكت ، يسويها كيف؟ يعني الواحد يسويها في حوش الرجال ، وتاني يمشي بي غادي يسويها في حوش النسوان ، دي محنة شنو دي ..نقطة نظام يا مفوضية الإنتخابات هوي..!
كبر
| |
|
|
|
|
|
|
Re: مخارز: شمار أفندي و الإنتخابات (Re: Kabar)
|
المؤتمر الشعبي و الدوائر الإنتخابية: احداهن دامعة (بصدق ما بعده صدق) : وا اٍســلاماه..! اٍن الإسلام اليوم في خطر حقيقي ، الأ ترون خبثهم و ظلمهم للشريعة الإسلامية بالغاء دوائر الخريجين..! دكتور حسن الترابي (باسما طبعا) : عليكم بدوائر التمثيل النسبي و و اقتلاع دوائر الشيوعيين و البعثيين ، و في ذلك فيلتنافس المتنافسون..!
كبر
| |
|
|
|
|
|
|
Re: مخارز: شمار أفندي و الإنتخابات (Re: Kabar)
|
غرفة عمليات البعث العربي الإشتراكي (قطر السودان):
الأول: يا رفيق متطلبات المرحلة محتاجة نحشر لينا فاصل تهميش كسندوتش..! الثاني : بسيطة ، أمة سودانية واحدة ذات تهميشة خالدة..!!
كبر
| |
|
|
|
|
|
|
Re: مخارز: شمار أفندي و الإنتخابات (Re: Kabar)
|
دوائر المرأة و الحملة الإنتخابية:
الأولي: يا اختي طابخين شنو، قصدي شعاركن شنو للإنتخابات..؟ الثانية: عيييييييييك..كتير خلاص : معا من اجل مجتمع تكون فيه العصمة بيد المرأة ، و تاني : انتخبونا من أجل أن تكون في كل كورنر محكمة طلاق و تسهيل اجراءات الطلاق ، و تالت : معا عشان بنطلون الجينزي ما يعرف الهزيمة..! الأولى: حييييييي ، النبي كن ما اديتني شعار معاكي..!
كبر
| |
|
|
|
|
|
|
|