ياخليل خليهو كاس العالم لماذا لم يفوز النيجيرين دائما ببطولات افريقيا سوي على مستوي الاندية او المنتخبات طالما انو عندهم سحر نافذ لدرجة انو يجيب الكورة من المدرجات ويدخلا قون زي ما قلت فوق . اظنك والله اعلم انت عامل البوست دا لزوم طق الحنك ساي يا خوي
08-31-2009, 10:43 PM
khaleel
khaleel
تاريخ التسجيل: 02-16-2002
مجموع المشاركات: 30134
Quote: الكورة لمن دقت في العراضة كانت في حالة Spinning ولما نزلت الارض دقت ولسة في حالة Spinning حاجة كدا اشبه بحالة القوة الكامنة او ما شاكل ذلك (ما قادر اعبّر) فلفت ودخلت عادي يعني
وهبة يا صديقي
نفس الكلام قالو عمر بوب ولكن من المفترض ان تكون فقدت جزء من طاقة الوضع
وتتحرك قليلا وتثبت
بعدين يا وهبة الكرة ضربت في القائم من الخارج
08-31-2009, 11:42 PM
عبدالوهاب علي الحاج
عبدالوهاب علي الحاج
تاريخ التسجيل: 07-03-2008
مجموع المشاركات: 10548
Quote: المفترض ان تكون فقدت جزء من طاقة الوضع وتتحرك قليلا وتثبت بعدين يا وهبة الكرة ضربت في القائم من الخارج
ياجماعة انا كان عندي مداخلتين مكررات مسحت واحدة والتانية مشت وين ؟ يكونوا النيجيريين لحسوها هسه دا كان واحد من المناضلين كان فتح بيها بوست لووووووووووووول يا خليل الكورة كانت سريعة والضربة قوية عشان كدا طاقة الوضع ما بتقدر تعتمد عليها الا تقيس : 1- قوة الضربة 2- رد الفعل عند ملاقاة العراضة 3- رد الفعل لحظة ضرب الكرة للارض وقياس قوة الاحتكاك 4- قياس شدة الرياح دي كلها عوامل منطقية جدا بتخلي انو الموضوع ممكن الحدوث وليس مستحيل وان كان نادر انت قايل سموها مستديرة لشنو ؟
08-31-2009, 11:28 PM
طلحة عبدالله
طلحة عبدالله
تاريخ التسجيل: 09-14-2007
مجموع المشاركات: 18040
خليل ما ح اذهب بعيدا انت فقط جاوبني اذا كان النيجيريين ديل فازوا بالسحر زي ما قلت 1- لشنو ما فازوا علي الهلال في امدرمان ... 2- لشنو ما فازوا تلاتة او اربعة او خمسة وكيف الهلال جاب فيهم قون من الاول ..؟؟ والاهم: لشنو ما قاعدين يشيلو البطولات الافريقية ..؟؟؟؟؟ لوجاوبتني على الاسئلة دي اوعد انو ما ح اذهب بعيدا
08-31-2009, 11:31 PM
khaleel
khaleel
تاريخ التسجيل: 02-16-2002
مجموع المشاركات: 30134
Quote: الكرة لما ضربت القائم مشت في اتجاه قطري وفي منطقة معينة رجعت عشان تخش مش كان مفروض تمشي اسرع من كدة وبعد ان تتجاوز القائم الثاني تتخارج اوت مثلا
انت عارف يا خليل انا مشكلتي ما قادر اعبر ليك يعني اغلب المصطلحات طارت من الراس شوف اقول ليك بالدارجي كدا : الكورة طلعت من راس المهاجم لافة او مدورة .. كويس معاك خبطت العراضة وهي لسه مدورة سبننق يعني ونزلت الواطه وبطاقة الوضع او القوة الكامنة ما عارف احتكت بالارض ومشت في الاتجاه المعاكس ودخلت الضربة لو كانت اقوى من كدا كان الكورة طلعت آوت قدر بس نقول شنو ؟ لكن ما سحر يمكن تفسيرها وكدي استنى للصباح نشوف راي عمر بوب وود البشرى شنو ؟ وتصبح على خير
08-31-2009, 11:55 PM
khaleel
khaleel
تاريخ التسجيل: 02-16-2002
مجموع المشاركات: 30134
اها طيب يا خليل الهلال جاب في كانو القون الاول فهل افسد السحر ..؟ واذا افسد السحر فكيف اذا جاب كانو قونين بعد كدا ..؟ واللا الهلال كان شايل ليهو فساد سحر قدر البجيب بيهو قون واحد بس ؟؟ يا خليل يا خوي غير الموضوع دا ما جايب حقو
08-31-2009, 11:53 PM
khaleel
khaleel
تاريخ التسجيل: 02-16-2002
مجموع المشاركات: 30134
خليل اخوي انا ما بحلف وانت ما تغير الموضوع بس تعال وريني السحر القلتو دا كان وين لما الهلال جاب القون الاول ولشنو كانو ما جاب تاني قون او اتنين خاصة وانو كان مزنوق والهلال كان ممكن يجيب التعادل في اية لحظة والاهم من كدا نتيحة 2-1 ما في صالح كانو لانو الهلال فايز في ام درمان 2-0 . وين السحر دا في المعمعة دي كلها .
09-01-2009, 00:31 AM
منزر احمد بابكر
منزر احمد بابكر
تاريخ التسجيل: 07-30-2007
مجموع المشاركات: 348
علقت أمس أثناء المباراة لمن كان معي بأن ملامسة الكرة للارض كانت داخل الملعب وليست علي خط المرمي حتي فيبقي من الطبيعي الا تدخل ولكن يبدو عدم استواء سطح الملعب (بفعل النجيل الصناعي ربما) هو من تسبب في إعادة الكرة للشباك ...يعني لو الملعب عادي كان ممكن نقول ضربت في حجر او حفرة
قدر بس
عموما كنا بنقول دائما عايزين نتائج بس ما ضروري اداء اها الان لقينا الاداء بس مالقينا النتيجة
فأيهما أفضل؟؟؟؟
هاردلك
والقادم احلي
بأذن الله
09-01-2009, 06:33 AM
محمد عبدالرحمن
محمد عبدالرحمن
تاريخ التسجيل: 03-15-2004
مجموع المشاركات: 9059
اعتقد أن الكورة (اتشاتت) (لافة) فعندما ضربت رجعت مرة اخرى للمرمى ..عموما صعب (جدا) قبول تاويل استخدام السحر فى هذه الكورة ...لكن (غايتو) قوون اوانطه وحظ (ساكت )
09-01-2009, 08:54 AM
نادر الفضلى
نادر الفضلى
تاريخ التسجيل: 09-19-2006
مجموع المشاركات: 7022
يا خليل .. الهدف دا طبيعى فقط بمفهوم قد تجد تفسير علمى فيزيائى لمسار الكرة من حيث قوتها وسرعتها و ضربتها فى القائم و دورانها حول نفسها .. ووا .. وشغل البلياردو .. لكن برضو فيها إننه!
ضربتها الأخيرة فى الأرض و تحولها داخل المرمى فهى بفعل فاعل .. و بمهارة شديدة .. وإذا سلمنا بهذا .. فيمتد التأويل ان هنالك صراع غير مرئى بين طرفين. وإحتمال من الأول تسبب فى ضربة الرأس بدل ما تتوجه للمرمى ضربت فى الأرض ثم القائم و لم تدخل و رجعت، فإضطر الطرف الأخر بالتدخل بطريقة إجتهد فى إخفائها فلم يستطع .. واالباص العالى الضرب فى الأرض و تعدى العملاق دمبا .. يعنى فى تمريرات ( ساحرة) .. تغلب فيها الساحر النيجيرى على الساحر السودانى .. اللاعبين الما مرئيين محتاجين تدريب! .. خاصة فى غياب اللاعبين المرئيين الإضافيين (الحكام)
أما كرة وارقو الما دخلت المسكين تجمع عليه السحر النيجيرى والسودانى!
مع تحياتى
والسحر حرام .. والخدام ديل رمضان ما بكتفهم .. !
09-01-2009, 09:30 AM
البدري عبد الله
البدري عبد الله
تاريخ التسجيل: 07-30-2009
مجموع المشاركات: 1911
Quote: اعتقد أن الكورة (اتشاتت) (لافة) فعندما ضربت رجعت مرة اخرى للمرمى ..عموما صعب (جدا) قبول تاويل استخدام السحر فى هذه الكورة ...لكن (غايتو) قوون اوانطه وحظ (ساكت )
طيب يا محمد
هل رايت بعض الجماهير النيجرية وهي تقوم بحركات غريبة
وكان هناك دخان طالعا في المدرجات
09-01-2009, 11:22 AM
khaleel
khaleel
تاريخ التسجيل: 02-16-2002
مجموع المشاركات: 30134
Quote: خليل ما ح اذهب بعيدا انت فقط جاوبني اذا كان النيجيريين ديل فازوا بالسحر زي ما قلت 1- لشنو ما فازوا علي الهلال في امدرمان ... 2- لشنو ما فازوا تلاتة او اربعة او خمسة وكيف الهلال جاب فيهم قون من الاول ..؟؟ والاهم: لشنو ما قاعدين يشيلو البطولات الافريقية ..؟؟؟؟؟ لوجاوبتني على الاسئلة دي اوعد انو ما ح اذهب بعيدا
طلحة أخوي ...
أنا حأجاوبك وبعد الإجابة حأحكي ليك موقف مرّ بي شخصياً حيخلي راسك قايم شوك شوك ...
بالنسبة لأسئلتك يا غالي أسأل سؤال: هل تعتقد أن الكجور في هذه الحالة استخدمه كانو فقط فلماذا لا يكون الهلال أيضاً قد استخدمه ...
بمعنى الغلبة في الميدان لصاحب الكجور الأقوى والسحر يستخدم حتى في البرازيل وغيرها أما وجوده من عدمه فالدين قد بيّن ذلك وأكد وجوده ...
بالنسبة للحكاية الخاصة بي: كنت ألعب في أحد الأندية وكانت لنا مباراة مصيرية لا بد من الفوز فيها فقال لي صديقي وزميلي في نفس الفريق رأيك شنو نمشي نعمل ليها كجور
قلت له: ياخي قوم لف بلا كجور بلا فول سادة !!!
قال لي: بس إنت تعال معاي وشوف بكرة الكورة حتكون كيف ؟!
أها مشيت معه لزوم الشمار وبس ؟!
صديقي قال لشيخ الكجور: الزول دة قال ما بقتنع بكجورك وقال كلام فاضي ...
ابتسم شيخ الكجور ونظر لي وقال: غداً ستفوزون 2 مقابل 1 وستحرز هدفاً وسترتكب معك ضربة جزاء ...
وهذا ما حصل بالكربون ...
السؤال: إذا كان إحرازي للهدف بدافع نفسي وهو أنني لا بد أن أحرز هذا الهدف ... فكيف ارتكبت معي ضربة الجزاء ؟!
Quote: هل تعتقد أن الكجور في هذه الحالة استخدمه كانو فقط فلماذا لا يكون الهلال أيضاً قد استخدمه ...
بمعنى الغلبة في الميدان لصاحب الكجور الأقوى والسحر يستخدم حتى في البرازيل وغيرها أما وجوده من عدمه فالدين قد بيّن ذلك وأكد وجوده ...
طيب اذا كان الهلال برضو استخدم السحر وكان سحرو اقوي فلماذا لم ينتصر في المباراة او يطلع متعادل على الاقل ثم اذا كان اصلا استخدام السحر دا فعال في الكورة فالغلبة دائما بتكون للناس الاكثر معرفة للسحر بحيث انهم يكوشوا دائما على البطولات . الواقع ان البطولات الافريقية تحديدا ظلت متداولة بين الاندية والمنتخبات بما ينفي ان يكون هناك استخدام للسحر في المباريات . بالنسبة لقصتك فعندي برضو واحدة في هذا المقام : قالوا رئيس نادي قمة احتار جدا في الهزيمة التى ظل يتعرض لها فريقه من الفريق الند، وقد اشار له احدهم باللجوء لفكي كارب يفيم بنواحي سنار فذهب له هذا الرئيس في الصباح الباكر وجابو معاهو وجاء وفي المغرب دعي اعضاء مجلس الادارة وعزمهم شاي بي لبن وخلال الجلسة طلب الرئيس من الفكي الكارب انو يقنع ليهو اعضاء المجلس بحركة من حركاتو السحرية اها قالوا ليك الفكي دا شال كباية الشاي وزيييييييييظ جر اللبن وخلي الشاي احمر سادة اها في واحد من الجماعة قاعد جنبو فتح خشمو مترين وقعد يعاين ليهو مستغرب الفكي قال ليهو : وه مالو تعايني لي كدا والله هسع دا كان ما مصدقاني ناكلي كوباية دا ونخلي شاي واقف براهو الله ورخبتو ( رقبتو) .
09-01-2009, 06:23 PM
عبد الحميد عوض
عبد الحميد عوض
تاريخ التسجيل: 01-13-2005
مجموع المشاركات: 214
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة