|
|
 حيدر الزين .. ممكن لو سمحتَ
|
الحبيب حيدر الزين
لديّ رغبة لمعرفة منطلقات الفكرية والسياسية ومناقشتها، فهل يُمكن أن توضح لنا هذه المنطلقات؟ ما هو منطلقك الفكري وما هو توجّهك السياسي (هذه بداية) وأتمنى أن يكون الحوار جاداً ومفيداً بعيداً عن أسلوب الاستعلاء والاستهتار
تحياتي
|
|
 
|
|
|
|
|
|
|
|
Re: حيدر الزين .. ممكن لو سمحتَ (Re: هشام آدم)
|
اعتقد انه عندي بعض النقاشات هنا الممكن تستخلصها منها موقفي عموماً ..
عندك راي فيها شفت فيها حاجة ما فاهمها جيبها وقول النقطة الكيت وكيت وكيت ما واقعة لي
او متناقضة او متسقة حسب فهم ..
لكن مسالة احكي لي عن نفسي وموقفي من .. ما اظن لاني للآن ما بعتبر نفسي انسان يستحق يوجه ليهو مثل السؤال دا بصورة انه ذااات كبيرة كدة لمن في زول يهتم يعرف موقفو ( الفكري / السياسي ) بمصطلحو المطاطي دا والواقع في دائرة واسعة من الكلام الممكن يتقال ..
بعدين انت الدين دا هو مش برضو موقف بيدخل في الدائرة الفكرية دي والا بيختلف ؟!
| |
|
|
|
|
|
|
|
|
|
Re: حيدر الزين .. ممكن لو سمحتَ (Re: HAIDER ALZAIN)
|
الحبيب حيدر الزين
كُلنا لنا آراؤنا ومواقفنا المنثورة هنا في هذا المنبر، ولكن تُصبح الفرصة مُؤاتية لنا لترتيب هذه الأفكار وتوضيحها للجميع عندما يكون الموضوع مُحدداً، وربما كان ذلك دافعك -أيضاً- لإفراد بوست مُشابه لمناقشة الأخ صبري الشريف في أفكاره رغم أنها منثورة في المنبر في المقابل. أعتقد أن أفكارنا المنثورة في "البوستات" المختلفة قد تبدو للبعض متناقضة وغير متسقة، وأعتقد أنها فرصة جيّدة لي أن أتعرّف على الأفكار التي تحملها بصورة مُركزّة ومُحددة أكثر.
| |
|
|
|
|
|
|
|
|
|
Re: حيدر الزين .. ممكن لو سمحتَ (Re: هشام آدم)
|
يا عزيزي هشام آدم ..
صبري الشريف عندما فتحت بوست لأناقشه في افكاره لم اقل له كلمني عن منطلقاتك الفكرية وموقفك من الدين وقلت كلام عائم ... انا جيت قلت ليهو أراءه المحددة الهو كاتبها محل ما منثورة وجيت ناقشتو حولها ..
انت هنا بتجي تقول لي ما هي اراءك ومنطلقاتك .. يعني عاوز تتعرف على يا دوب وليس بتعرفني وهذا فرق البوست عن بوست صبري الشريف فأنا فتحته منطلقاً من معرفته ..!
| |
|
|
|
|
|
|
|
|
|
Re: حيدر الزين .. ممكن لو سمحتَ (Re: HAIDER ALZAIN)
|
الحبيب حيدر الزين
تحيّة وبعد
لا أحلول أن يكون هذا البوست استنساخاً لبوستك الذي أفردتَه للأخ صبري الشريف، وبالتالي فإنه لا يُلزمني اتباع طريقة طرحك لذلك البوست، ولكن الفكرة متقاربة، فالمقصود ليس التعرّف على أفكارك بقدر مناقشتك فيها بعد أن تفردها بصيغة ترتضيها أنت بشكل مُرتّب، أعني حتى لا أكون مُطالباً بجلب اقتباسات والبحث في البوستات القديمة، أو أُواجه بجُمل تحد من فاعلية النقاش على سبيل (الكلام ده إنتا جايبو من وين) أو (جيب لي اقتباس أنا قلتَ فيهو كدا)، وكما يقول المثل الشعبي (سمح الغنا من خشم سيدو) فإنني أريد أن تفرد لي قناعاتك الفكرية والسياسية وموقفك الشخصي من الدين ليبدأ النقاش بعدها حول إمكانية اتساق الفهم الفكري مع التوجه الفردي؛ لاسيما فيما يتعلق بالدين، وربما لا تكون هذه البداية بعيدة عن بداية مع الأخ صبري الشريف بسؤالك له "ما هو فهمك للدين الإسلامي؟" وسواء تشابه أو اختلف هذا البوست مع ذلك البوست فإن الغرض –كما قلتُ- ليست استنساخ ذلك البوست وإنما مناقشة أفكار التي يُستحسن أن تطرحها هنا بنفسك لتكون مسئولاً عنها بصرف النظر عن معرفتي أو عدم معرفتي لأفكارك ومنطلقاتك.
تحياتي
| |
|
|
|
|
|
|
|
|
|
Re: حيدر الزين .. ممكن لو سمحتَ (Re: هشام آدم)
|
| Quote: ولكن الفكرة متقاربة، فالمقصود ليس التعرّف على أفكارك بقدر مناقشتك فيها بعد أن تفردها بصيغة ترتضيها أنت بشكل مُرتّب، |
اظن دا خلاصة كل ما تحاول انت قوله هنا .. ليس التعرف على الافكار بقدر مناقشتي فيها .. ؟؟؟؟
اذن لم يستجد شئ على القول انه انا شخصياً لا اعتقد بانه الافكار المرء على اطلاقها القلتها انت هذه يمكن ان تحصر ببوست ومداخلة حتي تناقش ..! وللآن يا سيدي بعتبر نفسي لم اصل مرحلة انه اضخم ذاتي لأقول أن هنالك من يمهمه ان يعرف افكاري فاجلس لأحكي له ان رؤيتي في الدين هكذا .. والسياسية ..
ولا اعتقد انه في نقاش في العالم بيبتدر بمثل ما تسعي له انت .. اذا كنت لا تملك الوقت او السن حكمك فلا تستطيع متابعة ما يكتبه الاخر لتتعرف علي قوله فمن باب اولي ان لا تسعي اليه ليعرفك بنفسه انطلاقاً من الصفر .. هذا يسمي استدعاء لبيت الامارة يا حبيب .. وقع ليك ؟!
** بالنسبة لتناسخ البوست او اختلافه مع البوست الموجه لصبري الشريف اعد قرأة مداخلتك السابقة بنفسك وانظر كم مرة ذكرت البوست ومعني كل جملة وستجد ان ردي عليك في الاول لم يجاوزه قيد انملة ..
ـــــــ...
| |
|
|
|
|
|
|
|
|
|
Re: حيدر الزين .. ممكن لو سمحتَ (Re: هشام آدم)
|
الحبيب هشام آدّم سلام
Quote: 1) ما هو موقف الفكري (السياسي)؟
2) وما هو موقفك من الدين؟ |
الموقف الفكري -السياسي- أظنه يشمّل موقفه من الدين..
السؤال ده يا هشام ممكن يسألو زول ما عندو خلفيَّة عن الشخص الموجّه له السؤال، هب إنّك إلتقيت شخص لأول مرة، وتريد أن تعرف منطلقاته الفكريَّة والسياسية لتدخل معه في حوار؛ معقولة لهذا الحد لا تعرف حيدر الزين؟ من ما قرأته له في هذا المنبر كوّن لي خلفيَّة كافيَّة عن منطلقات حيدر الفكريَّة والسياسية، بدون الدخلول معه في حوار مباشر..
أما السؤال الثاني، موقفه من الدين! هل تقصد رأيه حول الدين والدولة او رأيه حول الدين كمعتقد؟
| |
|
|
|
|
|
|
|
|
|
Re: حيدر الزين .. ممكن لو سمحتَ (Re: معاوية عوض الكريم)
|
ولد يا معاوية .. انت حركات تانية ابتدائي دي ما عاوز تخليها وتكبر تتجاوز فرقة الوان الطيف وجنة الاطفال ؟؟!
شوف البوست دا فيهو زول قدرك هسع بتتحشر مع الكبار ؟!
والا فيهو زول بيفتح بوست ويقوم جاري يقول والله انا فتحتو وما فاهم السبب شنو ؟
والا فيهو زول بيجي يقول لمرأة في سجمها ورمادا ..!!
والا فيهو زول حائم طيرة ومباري السيرة ؟1
يا ولا اتلم وامشي شوف ليك سر مكتوم كدة غني ليهو ..!
قال عاجبني ..
بالله يا ضب انت فاهم في البوست دا شئ هسع سببه شنو والا هو لشنو لامن يعجبك !!
كدي وريني
| |
|
|
|
|
|
|
|
|
 Re: حيدر الزين .. ممكن لو سمحتَ (Re: HAIDER ALZAIN)
|
يا عبد الله عثمان .. همبريب شنو البيعرفو معاوية
يآخي دا تور الله في برسيمو لا بيعرف هبوبو لا بيعرف نسيمو ..
صدقني صاحبك الطيرة دا بيكون هسع قرا الاسم في العوان وما فاهم هدف هشام ادم شنو زااتو
ولا عارفنا انا وهشام دا بننضم في شنو
بس جايي يتحشر ويدخل لسانو فيما لا يفقه ..!
وانا طبعا ما مؤاخذنو عشان الوليد صغير وكدة ولسع عائيش في جاكة السر مكتوم
وهزيم الرعد وما عارف ايه تمساح النينجا ...
| |
|
|
|
|
|
|
|
|
|
Re: حيدر الزين .. ممكن لو سمحتَ (Re: HAIDER ALZAIN)
|
Quote: طالما عاجبّك يا معاويَّة جيب صورة البروفايل "المــــــــــــاكنّة" ديك وتعال..
|
اب تفه
سلامات
كونو الواحد يكون معجب بي بوست فيها حاجه ؟
على الطلاق انا ما قلت اكتر من كدا
انا ما عارف حيدر دا زعلان مالو ..
لكن يحتمل تكون دي حركة للمخارجة
عموما تحياتي
| |
|
|
|
|
|
|
|
|
 Re: حيدر الزين .. ممكن لو سمحتَ (Re: معاوية عوض الكريم)
|
معاوية عوض الكريم ..
نصيحة ليك لله تعالي ..
أمشي اقرا كتاب الايام بتاع طه حسين وتعال اكتب هنا ..
يآخي انت وامثالك ازمة عديل في البورد دا ومفروض نطبق بموجبها اللائحة على بكري ابوبكر ..
يا حبيب اسمع ما تكتب لينا هي زي ناس منتدي القلوب الحائرة ..
اكبر بنفسك وطور شخصيتك شوية
| |
|
|
|
|
|
|
|
|
|
Re: حيدر الزين .. ممكن لو سمحتَ (Re: HAIDER ALZAIN)
|
الحبيب ود الزين
تقول:| Quote: اظن دا خلاصة كل ما تحاول انت قوله هنا .. ليس التعرف على الافكار بقدر مناقشتي فيها .. ؟؟؟؟ |
هل يا تُرى "مناقشة" الأفكار والمنطلقات الفكرية تُعد جريمة أو تقليل من شأن أحد؟ لستُ منطلقاً في إفرادي لهذا البوست من واقع تناقضات مُحددة حتى أُراجع المنبر بحثاً عن استشهادات، ولكنني أعلم تماماً أنّ الإنسان كائن مُتجدد على الدوام، وأفكارنا خاضعة للتغيّر والتطوّر في كل لحظة، كل ما أردتُه منك أن تُحدد لي الأفكار التي تؤمن بها (حالياً) حتى أناقشها، ولم تك تلك نوايا غير معلنة فقد قلتُ بالحرف الواحد منذ البداية:| Quote: لديّ رغبة لمعرفة منطلقات الفكرية والسياسية ومناقشتها |
وتقول: | Quote: انا شخصياً لا اعتقد بانه الافكار المرء على اطلاقها القلتها انت هذه يمكن ان تحصر ببوست ومداخلة حتي تناقش |
أنا حددتُ هذه الأفكار في نقطتين واضحتين هما:(1) التوجه السياسي (الفكري)(2) رأيك وموقفك من الدين، ولا يهمني أيّ شأن آخر إلا أن يرد في سياق الحوار، ولا أقصد الأفكار (على إطلاقها)
تقول: | Quote: وللآن يا سيدي بعتبر نفسي لم اصل مرحلة انه اضخم ذاتي لأقول أن هنالك من يمهمه ان يعرف افكاري فاجلس لأحكي له ان رؤيتي في الدين هكذا .. والسياسية |
لم أُفكر بهذه الطريقة على الإطلاق، وربما لك أن تعرف أنه يهمني أنا كصديق أن أعرف أفكارك وأناقشك فيها كضرورة طبيعية للوجود الإنساني، فأيّ إنسان في هذه الدنيا يحمل أفكاراً ومعتقدات، وبصرف النظر عن كون ذلك مرتبطاً بتضخم الذات أو اعتباره نتاجاً لتفاعل طبيعي مع المجتمع فإن الأمر لا يُمكن تصنيفه في خانة interview ليكون الكلام "حكي" بل هي دعوة للحوار حول أفكارك التي تُؤمن به، وهذا الإيمان بالضرورة لا يستلزم افتراض تضخم ذات أو خلافه.
| Quote: اعد قرأة مداخلتك السابقة بنفسك وانظر كم مرة ذكرت البوست ومعني كل جملة وستجد ان ردي عليك في الاول لم يجاوزه قيد انملة |
فعلاً أعد قراءة مداخلاتي التي احتوت على إشارة للبوست المعني ووقفت على الآتي:
1) الذكر الأول للبوست المعني كان في هذا الرابط (Re: حيدر الزين .. ممكن لو سمحتَ) وكان يتناول محاولة مني لتقريب الدوافع بين فتحي أنا لهذا البوست، وفتحكَ أنتَ بوست لمناقشة أفكار الأخ صبري الشريف وقلتُ حرفياً: "و(ربما) كان ذلك دافعك –أيضاً- لإفراد بوست مُشابه لمناقشة الأخ صبري الشريف في أفكاره" والربما هنا كانت ضرورية كي لا أقع في تُهمة النبوة ومعرفة ما في السرائر التي أوشكت أن تلتصق بي من كثرة تكرارك لها في كل مناسبة. وكانت هذه الجُملة رداً على كلامك بأن أفكارك منثورة في نقاشاتك العامة التي يُمكنني بالبحث عنها استخلاصها، في الوقت الذي كان بوسعكَ أن تقوم بذات الشيء.
2) وقفتُ كذلك على قولك في هذا الرابط (Re: حيدر الزين .. ممكن لو سمحتَ ) : "صبري الشريف عندما فتحت بوست لأناقشه في افكاره لم اقل له كلمني عن منطلقاتك الفكرية وموقفك من الدين وقلت كلام عائم ... انا جيت قلت ليهو أراءه المحددة الهو كاتبها محل ما منثورة وجيت ناقشتو حولها" في حين أنك لم تفعل ذلك في الحقيقة بل أحببتَ أن تستفسر منه عن آراءه ومواقفه من أشياء محددة منها الدين، ولك أن تراجع البوست وتقف على سؤالك الآتي الموجه إليه: "ما هو فهمك للدين الإسلامي؟" في المداخلة الثانية (تقريباً) من البوست المعني. وهو ما يتسق تماماً مع سؤالي لك عن "موقفك من الدين"
3) الذكر الثاني للبوست المعني كان على هذا الرابط (Re: حيدر الزين .. ممكن لو سمحتَ ) وكان رداً على مداخلتك السابقة التي حاولت فيها المقارنة بين بوستي هذا وبوستك المفرود للأخ صبري الشريف، وكان من الطبيعي أن يرد ذكر البوست للمرة الثانية في معرض الحديث، لأن الكلام كان عنه. حاولتُ في هذه المداخلة أن أدخل مباشرة في صُلب الموضوع بأن أُحدد محاور عشوائية للنقاش طالما أنك لا تحب الخوض في النقاشات "العائمة" فقلتُ لك حرفياً: " أريد أن تفرد لي قناعاتك الفكرية والسياسية وموقفك الشخصي من الدين ليبدأ النقاش بعدها حول إمكانية اتساق الفهم الفكري مع التوجه الفردي؛ لاسيما فيما يتعلق بالدين" ورغم ذلك فإنك لم تشأ أن نبدأ النقاش على هذا الأساس.
هل يُمكن الآن أن نبدأ النقاش بناءً على هذا المحور؟
| |
|
|
|
|
|
|
|
|
|
Re: حيدر الزين .. ممكن لو سمحتَ (Re: هشام آدم)
|
| Quote: هل يُمكن الآن أن نبدأ النقاش بناءً على هذا المحور؟ |
لننظر لهذه المحاور أولاً قبل ان تطالبني ببدء النقاش .. هل يمكنني ذلك ..!
تقول يلا سيدي :
| Quote: هل يا تُرى "مناقشة" الأفكار والمنطلقات الفكرية تُعد جريمة أو تقليل من شأن أحد؟ لستُ منطلقاً في إفرادي لهذا البوست من واقع تناقضات مُحددة حتى أُراجع المنبر بحثاً عن استشهادات، ولكنني أعلم تماماً أنّ الإنسان كائن مُتجدد على الدوام، وأفكارنا خاضعة للتغيّر والتطوّر في كل لحظة، كل ما أردتُه منك أن تُحدد لي الأفكار التي تؤمن بها (حالياً) حتى أناقشها، ولم تك تلك نوايا غير معلنة فقد قلتُ بالحرف الواحد منذ البداية: |
وهل جرمتك انا او قلت ما يدفعك للتساءل هذا التساؤل ؟!
أنا قلت لك ومازلت مستغرب من طلب انسان يقول لي ماهي افكارك ورؤيتك حتي اناقشك واحاورك فيها؟!
يعني الرغبة الاولي المثبتة هنا هي النقاش بغض النظر عن رؤيتي وفكري وتوجهاتي .. فسواء كنت يسار ام يمين اشتراكي ام راسمالي متدين ام لا سوف نتناقش ونتناقش .. اليس كذلك ؟!
وهذا مبدأ اعتراضي لاني لا آتي لانسان واقول له تعال قل لي ماهي افكارك لكي اناقشك فيها بل الذي اعرفه انا من موضوعية الحوار والنقاش ان تاتي للشخص وانت تمتلك عنه خلفية معرفة تعرف له رأي في قضية معينة ثم تبسط رأيه وتعليقه الذي تعتمد عليه ثم تاتي لتتحاور معه ولا تستدعيه بمثل طلب هذا التعارف الغريب العجيب الذي تفترعه اليوم ..!
| |
|
|
|
|
|
|
|
|
|
Re: حيدر الزين .. ممكن لو سمحتَ (Re: HAIDER ALZAIN)
|
Quote: أنا حددتُ هذه الأفكار في نقطتين واضحتين هما:(1) التوجه السياسي (الفكري)(2) رأيك وموقفك من الدين، ولا يهمني أيّ شأن آخر إلا أن يرد في سياق الحوار، ولا أقصد الأفكار (على إطلاقها)
|
طيب انا ما فهمتك النقاط الانت حددتهم دي محصورة بدليل سألتك الدين دا ممكن نعتبرو افكار والا حاجة قائمة بذاته عشان اكتر ادخل معاك في الخط ..
فما هو موقع الدين من الفكر ؟؟!
| Quote: لم أُفكر بهذه الطريقة على الإطلاق، وربما لك أن تعرف أنه يهمني أنا كصديق أن أعرف أفكارك وأناقشك فيها كضرورة طبيعية للوجود الإنساني، فأيّ إنسان في هذه الدنيا يحمل أفكاراً ومعتقدات، وبصرف النظر عن كون ذلك مرتبطاً بتضخم الذات أو اعتباره نتاجاً لتفاعل طبيعي مع المجتمع فإن الأمر لا يُمكن تصنيفه في خانة interview ليكون الكلام "حكي" بل هي دعوة للحوار حول أفكارك التي تُؤمن به، وهذا الإيمان بالضرورة لا يستلزم افتراض تضخم ذات أو خلافه. |
نعم سنتفق على قولك هذا وعلى حرصك في معرفتي لو اجهدت نفسك بعض الشئ لتعرف في اتجاه بشوت انا او اناقش الاخرين - واعتقدك من اكثر من ناقشتهم - لتتعرف علي اما ان تتوقع مني ان آتي وانا احمل لك ملخصاً لحياتي ومسيرتي الفكرية والايمانية فبعتبرها دعوة للجدال اكثر منها دعوة للنقاش والحوار ..!
| |
|
|
|
|
|
|
|
|
|
Re: حيدر الزين .. ممكن لو سمحتَ (Re: هشام آدم)
|
| Quote: I am having my vacation |
اجازة سعيدة يا حبيبي ..
واتمني انك تستفيد منها وتستمع بيها لاقصي ما تستطيع ..
وكمان كما نصحت معاوية عوض الكريم فإذا كان فهمك من مجمل ما قلته لك بالاعلي :
Quote: أشكرك جزيل الشكر على قبول الدعوة للنقاش
بإبداء التعجّب من رغبتي في النقاش!! |
فبنصحك وانت طالع الرياض تمر على مكتبة جرير وتاخد كتاب
( التخلف الاجتماعي ) مدخل الي سيكلوجية الانسان المقهور .. لدكتور مصطفي حجازي .
بيمتعك في الاجازة واكيد بتطلع بشئ مفيد ..
تحياتي
| |
|
|
|
|
|
|
|
|
|
Re: حيدر الزين .. ممكن لو سمحتَ (Re: هشام آدم)
|
يا هشو يا حبيب ..
دي مشكلتك هنا ما عارف نفسك عاوز تقول شنو !
يآخي مداخلتي وااضحة جداً ايه اللي هروب وكلامك المات بيجيب نص تمنه دا ..
إنت زول جاي تناقش زول وتقول ليهو تعال وريني افكارك شنو ولخصها لي عشان اناقشك فيها ..؟
يازول انت من صحك؟!
كلامي معاك لو بتفهم صاح وتقرا بتركيز كان كالتالي انه رغبتك الاساسية هي النقاش وليس التعرف على الافكار
فبمال انك ما عارف فكرتي وعاوز تفهمها ثم تناقشني بقولك يبقي رغبتك الاولي هي النقاش مع سعادتي انا بغض النظر اني يمين او يسار ( ما مريت على الجملة دي في مداخلتي )؟
يعني انت مهما مثلت وادعيت الموضعية والمثالية بتاعتك دي البيفضحنها مداتخلتينك الاخيرات ديل لكن انت جيت ومتحزم من هناك ولسان حالك يقول :
الليلة انا بس ماشي اناقش حيدر الزين دا ..
اها حيدر الزين قال ليك تناقشني في شنو .. قلت ليهو في فكر وسياستك ودينك !
طيب يا هشام ادم فكري وسياستي وديني مالهم بتناقشني فيهن ..
تقول ليهو والله يا حيدر الزين انا ماني عارفن ولا عارف سياستك وفكرك ودينك شنو لكن كدي تعال قولن لي وبعدين ولا يهمك بنتناقش بنتناقش وبنتحاور بنتحاور ..!
ياخي معقولة يا هشام ادم الموضوعي يكون دا اسلوبك للحوار والنقاش والمعرفة كدة ؟
وكمان جاي تضرب لي مثال ببوستي مع صبري الشريف والانا جبت فيهو الكلام البالضبط عاوز اناقش فيهو صبري الشريف .. لا وكمان جايني بعقلية ..زي ما انت فتحت بوست لصبري انا بفتح ليك البوست ..
اها يا هشام المستهتر بالله منو والما بيقدر يدير حوار عقلاني دون ما يستفز فهم التاني !!!
| |
|
|
|
|
|
|
|
|
|
Re: حيدر الزين .. ممكن لو سمحتَ (Re: معاوية عوض الكريم)
|
ها يا بتاع عمك تنقو - رغم انه اكيد معرفتك بيهو سماعية - فما بتكون حضرت زمن الصبيان -
هسع اسم الكتاب الغلبك حتي تشيلو في الاقتباس دا بتفهم منه شنو ؟!
ياولا انت بس خليك مع فرقة الوان الطيف ورجالة الرجال ..
وكلام الطير حقك بتاع - اسحق فضل الله دا ارجل راجل حي وميت -
وفلانة ديك يخرب سجمها ورمادها ..
قوم لف يا ولا وكلمتك امشي العب بعيد من هنا ،،،
| |
|
|
|
|
|
|
|
|
|
Re: حيدر الزين .. ممكن لو سمحتَ (Re: وليد محمد المبارك)
|
تامل يا عزيزي وليد المبارك في ردي الذي اعتبره هشام ادم هروب :
Quote: أنا قلت لك ومازلت مستغرب من طلب انسان يقول لي ماهي افكارك ورؤيتك حتي اناقشك واحاورك فيها؟!
يعني الرغبة الاولي المثبتة هنا هي النقاش بغض النظر عن رؤيتي وفكري وتوجهاتي .. فسواء كنت يسار ام يمين اشتراكي ام راسمالي متدين ام لا سوف نتناقش ونتناقش .. اليس كذلك ؟!
وهذا مبدأ اعتراضي لاني لا آتي لانسان واقول له تعال قل لي ماهي افكارك لكي اناقشك فيها بل الذي اعرفه انا من موضوعية الحوار والنقاش ان تاتي للشخص وانت تمتلك عنه خلفية معرفة تعرف له رأي في قضية معينة ثم تبسط رأيه وتعليقه الذي تعتمد عليه ثم تاتي لتتحاور معه ولا تستدعيه بمثل طلب هذا التعارف الغريب العجيب الذي تفترعه اليوم ..! |
يآخي معقولة الناس دي بتتعامل لسع بمافهيم نتقابل اخر الحصص وفي السحة ..
ولو راجل طالعني الخلا ..!!
دا نقاشك يا هشام ادم انه فلان جري مني وخلاي وهرب وما عارف ايه شغل الشفع داك ..
وإنت اساسا ما عارف نفسك جاي تناقش الزول على اي خليفة تختارها ..!!
عاد معقول دا
| |
|
|
|
|
|
|
|
|
|
Re: حيدر الزين .. ممكن لو سمحتَ (Re: HAIDER ALZAIN)
|
يا حبيبي اكتر من عادي قياسا على شخصية هشام
هشام ده زول نرجسي
شكله كان اشطر زول في حلتهم ولا في بيتهم
ومن ديك صدق انه متميز من باقي الناس
الزول ده نرجسيته مبالغة
ما عنده قناعة رائي صواب يحتمل الخطأ
دايما هو على صاح
شوفهم هسع مهابش كم نفر في المنبر ده وعامل معاهم شمطة
واول ما تزنقو يقعد يستهتر
تستهر بيه
يقعد ينبز
تنبزو
يقعد يكورك
| |
|
|
|
|
|
|
|
|
|
Re: حيدر الزين .. ممكن لو سمحتَ (Re: وليد محمد المبارك)
|
والله يا وليد المبارك هشام دا صديق وحبيب الي القلب ..
ورغم كدة بقول ليهو اي شئ عاوزها في عينو وقدامه
ويمكن الراي دا هو المزعلوا عشان يفتح بوست المطالعة ورجالة رجالة دا ..
غايتو رايي انت جبتو من قصيرو في قولك :
Quote: واول ما تزنقو يقعد يستهتر
تستهر بيه
يقعد ينبز
تنبزو
يقعد يكورك |
| |
|
|
|
|
|
|
|
|
|
Re: حيدر الزين .. ممكن لو سمحتَ (Re: معاوية عوض الكريم)
|
رمضان كريم يا هشام ..
أنا شايف إنت الما داير نقاش موضوعي .. ليه مصِر يجي حيدر
ويربع ايديهو ويحكي عن أفكارو ومعتقداتو وإنت تعمل مداخلاتك
ويرجع هو يعاود سردو .. إنت خسران شنو؟ الزول ده عمل معاك
مداخلات كتيرة في بوستات سابقة يعني متوقع يكون عندك فكرة عن
فكرو ومعتقداتو.. المانع شنو تطرح تساؤلاتك عشان البوست يكون
ممتع ومفيد بدل ينتهي بالطريقة الغريبة دي!!؟؟
| |
|
|
|
|
|
|
|
|
|
Re: حيدر الزين .. ممكن لو سمحتَ (Re: معاوية عوض الكريم)
|
Author: معاوية عوض الكريم
يلا خلاص الحد الائتماني في الرد عليك خلص خلاص في البوست دا ..
ودي اخر رسالة رد عليك فابقي متفكك من هنا ما تحاول تتظارف وتعمل فيها الحالة واحدة معاى ..
فانقلع لمن نلاقيك نديك فيها النصيب في يوم تاني ،،،
| |
|
|
|
|
|
|
|
|
|
Re: حيدر الزين .. ممكن لو سمحتَ (Re: HAIDER ALZAIN)
|
Quote: شكراً ع النصيحة يا ود الزين
ولكن يبدو أن هذا الكتاب غير مفيد
وإلا لكنتَ استفدتَ منه أنت
على العموم سعدتُ بهروبك المفضوح |
هشام
رمضان كريم
البوست دا انا من بدايتو اتوقعت نهايتو المحزنة
وعرفت صاحبنا دا بجي يتهرب من اسئلتكـ وفي ال
نهاية ينبذكـ ويمشى ، وهذا ما حدث فعلا !
وانت لو ملاحظ من بداية البوست بدأ ينصرف عن المضمون
الى مناوشات جانبية وغيرها ..
ظنى اصلو ما خاب والله ..
| |
|
|
|
|
|
|
|
|
|
Re: حيدر الزين .. ممكن لو سمحتَ (Re: وليد محمد المبارك)
|
Quote: طيب لو هو حبيبك وصحبك وبتتعارفوا
البوست ده لزوموا شنو؟
ما يسالك الاسئلة دي مباشرة
البوست ده وراه غرض خبيث |
ايوااااة يا وليد اذن انا بعيد ليك النضم تاني القلتو لي في بوست الجهاد ..
ركز معاي ياخ سمح !!
** هسع يجي هشام يقول بتطاعني مالك .. 
| |
|
|
|
|
|
|
|
|
|
Re: حيدر الزين .. ممكن لو سمحتَ (Re: معاوية عوض الكريم)
|
الاعزاء جدا حيدر وهشام
رمضان كريم
احوالكم ومشتاقين
جانى احساس من اول كلمة فى البوست دة انه ردة فعل لموقف محدد حصل بينكم ربما احتداد فى نقاش سابق
اعزرونى لانى كنت بعيد الايام الفاتت وما متابع .. وكنت بتمنى النقاش يستمر وما اتداخل فيه بس استمتع
والحوار بين قلمين كاقلام حيدر وهشام باستنادهما على الخلفية الفكرية والوعى لدى كليهما يمكن ان يثمر بالمفيد
وما دعانى للدخول هو النهاية الدراماتيكية التى قرر بها هشام انهاء الامر وهى ضد روح التناقش التى ابتدرها
ويا هشام تامل كلمات رد حيدر ادناه والتى اتفق معها لصوابها ولا اراها مبررا لغضبتك المضرية تلك :
Quote: أنا قلت لك ومازلت مستغرب من طلب انسان يقول لي ماهي افكارك ورؤيتك حتي اناقشك واحاورك فيها؟!
يعني الرغبة الاولي المثبتة هنا هي النقاش بغض النظر عن رؤيتي وفكري وتوجهاتي .. فسواء كنت يسار ام يمين اشتراكي ام راسمالي متدين ام لا سوف نتناقش ونتناقش .. اليس كذلك ؟!
وهذا مبدأ اعتراضي لاني لا آتي لانسان واقول له تعال قل لي ماهي افكارك لكي اناقشك فيها بل الذي اعرفه انا من موضوعية الحوار والنقاش ان تاتي للشخص وانت تمتلك عنه خلفية معرفة تعرف له رأي في قضية معينة ثم تبسط رأيه وتعليقه الذي تعتمد عليه ثم تاتي لتتحاور معه ولا تستدعيه بمثل طلب هذا التعارف الغريب العجيب الذي تفترعه اليوم ..! |
وهذا لا يفهم يا هشام انحيازى لحيدر فكما اسلفت كلاكما يستوى عندى فى سمو المكانة والتقدير والاحترام
وان وجودكما من محاسن هذا المكان قليل المحاسن .. لذا اتمنى عودة الصفاء بينكما وتجاوز ما حدث
هذا ان حدث شيئا يستحق ما حدث .. تقابلا خارجا وعودا لمواصلة النقاش ... وسنكون خير المشاهدين
ولكما محبتى وتقديرى
| |
|
|
|
|
|
|
|
|
 Re: حيدر الزين .. ممكن لو سمحتَ (Re: معاوية عوض الكريم)
|
[QUOTE[U]].. اذا كنت لا تملك الوقت او السن حكمك فلا تستطيع متابعة ما يكتبه الاخر لتتعرف علي قوله فمن باب اولي ان لا تسعي اليه ليعرفك بنفسه انطلاقاً من الصفر .. هذا يسمي استدعاء لبيت الامارة يا حبيب .. وقع ليك ؟!
|
*** كملت الكلام ... يا استاذ حيدر ... بس حلمك خدعك . معليش .
*** شـايف الود( كلب عبد الجليل ) كمان كايس معاك نضم ... الظاهر نفسو تفتح بوست بى إسمو .
................ حلوه ( كلب عبد الجليل دى ) إيه رأيك يا حيدر نخليها ماشـه كده طوالى . ولو داير ليه بوست
بالاسم ده ما عندنا مانع . عشان يعجبو أكتر شايفو قال ده عاجبو .
| |
|
|
|
|
|
|
|
|
|
Re: حيدر الزين .. ممكن لو سمحتَ (Re: وليد محمد المبارك)
|
Quote: وهذا لا يفهم يا هشام انحيازى لحيدر فكما اسلفت كلاكما يستوى عندى فى سمو المكانة والتقدير والاحترام
وان وجودكما من محاسن هذا المكان قليل المحاسن .. لذا اتمنى عودة الصفاء بينكما وتجاوز ما حدث
هذا ان حدث شيئا يستحق ما حدث .. تقابلا خارجا وعودا لمواصلة النقاش ... وسنكون خير المشاهدين
ولكما محبتى وتقديرى |
معك فى ما قلته اخى سمير والاخوان هشام وحيدر يعرفان بعضهم البعض كثيرا وقد دار هنا وفى المنبر نقاشات بينهما تؤكد عمق المعرفة الا وانى احسب ان الاخ هشام اراد ان يفتح حوارا لشى فى نفسه ولا اريده ان يفهمنى خطا اذ انى اعنى شى ما يريده هو اى يقود الحوار كيفما خطط له والا لماذا طلب من حيدر ان يحدد له فكره السياسى والدينى ليتسنى له بدء الحوار وهذا ما لم يروق لحيدر لاسباب ذكرهاواعتبرها الاخ هشام هروبا.
هشام...اجازة سعيدة وعودة لبدء حوار جديد
حيدر الزين ..رمضان كريم وكن بخير
| |
|
|
|
|
|
|
|
|
|
Re: حيدر الزين .. ممكن لو سمحتَ (Re: حامد محمد حامد)
|
| Quote: أريد أن تفرد لي قناعاتك الفكرية والسياسية وموقفك الشخصي من الدين ليبدأ النقاش بعدها حول إمكانية اتساق الفهم الفكري مع التوجه الفردي؛ |
ده يا هشام شرطك التعسفي الذي أودى بالبوست..يعني كان ممكن
تعمل ستة سبعة أسئلة من مضمون الطلب الواسع الفسيح اعلاه.
Quote: ورغم ذلك فإنك لم تشأ أن نبدأ النقاش على هذا الأساس.
|
أساس مضمونو تعال يا زول وريني فكرك السياسي ورأيك في الدين.
| Quote: هل يُمكن الآن أن نبدأ النقاش بناءً على هذا المحور؟ |
عزيزنا هشام..هل يمكن تبدأ النقاش بطرح تساؤلات فيها شئ من التفصيل؟
مودتي..
| |
|
|
|
|
|
|
|
|
|
Re: حيدر الزين .. ممكن لو سمحتَ (Re: معاوية عوض الكريم)
|
الأخ حيدر الزين ممكن ينافس على لقب (العضو الأكثر مشاركة في المنبر العام)!
فما من قضيةٍ إلا وله فيها مساهمة! أو موقف!
وفي كلّ هذه المشاركات كان يصرف من رصيده الفكري والثقافي الزاخر!
وفي هذا البوست أراد الأخ هشام آدم أن يلمس بيده الكيس الذي يشتمل على ذلك الرصيد!
وكل صاحب قضية أو موقف يسعده أن يعبر عن موقفه ومنطلقاته الفكرية!
فكان مفروض حيدر يعتذر بأنه ليس على استعداد لمثل هذا السؤال في هذا الظرف الراهن بالنسبة له!
لأن هذا السؤال يحتاج في إجابته لنوع من الاستعداد، وتجميع العدة والعتاد!
وأن يتم الاتفاق على تأجيله إلى موعد لاحق!
وفي رأيي مهما تكن الخلفيات التي ذكرها الإخوة المشاركون، مبررين بها موقف حيدر، فإنّ موضوع الحوار
ببنوده المهمة التي طرحها هشام كان ينبغي أن يطغى على كلّ شيء!
على أيٍّ هذه من المرات القلائل التي وجدت فيها سيف حيدر الزين الصقيل ينبو!
| |
|
|
|
|
|
|
|
|
|
Re: حيدر الزين .. ممكن لو سمحتَ (Re: هشام آدم)
|
هشام آدم سلام يا صاحب!
شيء مؤسف ومزعِج جداً أن يكون مستوى حوارك مع (صديق) كما حيدّر بهذا المستوى، وكيف أن يكون مستوى حوارّك مع آخر ليس بصديق؟ أنت طلبت الحوار ده، ولم تأتي بنقاط خلافّك مع حيدّر حتى تحاوره حولها، تقول: 1) ما هو موقف الفكري (السياسي)؟ ده سؤال ده؟ الأفكار والقضايا السياسيِّة لا تحصى ولا تُعّد، لماذا لم تُحدِد قضايا وأفكار بعينها؟ ما المانع؟ وحينما سألته عن الدين أيضاً لم تحدد، هل تريد أن تناقشه عن علاقة الدين والفرد؟ أو علاقة الدين والدولة؟ أو علاقة الدين والعلوم؟ يا هشام يا صديقي من يضع الحوار عليه أن يضّع المضابط والنقاط التي يريد أن يسوق الشخص المحاوّر إليها، تركيزاً النقاش، حتى يصل النقاش للقيمة المرجوّة؛ صراحة يا صاحب إنت من قتّل الحوار، وإنت من تهرّب من وضع أسس ومضابط حواريَّة تقود لحوار غير مغروض ومعافى، هدفه الأوّل والأخير المعرفة لا التباهي بها..
__
من خلال متابعتي لكما -حيدّر وهشام-، وخاصة فيما يخص الدين والدولة أنكما متفقين حول هذا المعضلة، بفصلهما عن البعض، وهذا ما يهمني من رأي حول الدين في كل القضايا الدينيَّة التي تتعلق بالفرد، دون المجتمّع، من سلوك ومعتقدات وعبادات؛ فما يحيرني يا هشام الآن ماهو خلافّك مع حيدّر عن الدين؟؟
| |
|
|
|
|
|
|
|
|
|
Re: حيدر الزين .. ممكن لو سمحتَ (Re: Yassir Tayfour)
|
الحبيب ياسر طيفور
في إحدى مداخلاتك قلتَ:
| Quote: الموقف الفكري -السياسي- أظنه يشمّل موقفه من الدين.. |
وهذه -في الحقيقة- مغالطة خاطئة، فالمواقف الفكرية تختلف تماماً عن المواقف العقدية، وهذا ما حاولت إيضاحه من خلال طرقي لسؤال (خاص) عن تديّن حيدر الزين، فلا يحق لأحد أن يتدخل في أسئلة متعلقة بالدين فيما يختص بعقيدته وعلاقته بربه، فهذه أشياء خاصة، أما الموضوعات الفكرية والسياسية فهي موضوعات عامة قابلة للنقاش والنقد والتعاطي الحواري. هذا من ناحية
من ناحية أخرى، الحوارات العامة تبدأ دائماً بمجموعة من الأسئلة والخطوط العريضة ثم تبدأ -خلال النقاش- بالتقلّص والتحديد بناءً على المواقف الحوارية العامة والخاصة أثناء الحوار، ولقد حاولتُ -أيضاً- تحديد هذا الأمر منذ البداية عندما قلتُ: | Quote: أريد أن تفرد لي قناعاتك الفكرية والسياسية وموقفك الشخصي من الدين ليبدأ النقاش بعدها حول إمكانية اتساق الفهم الفكري مع التوجه الفردي؛ لاسيما فيما يتعلق بالدين |
كان هذا مُجرّد مدخل للحوار ليس إلاّ عن عن معرفتي الشخصية بحيدر فأنا أعلم توجهه الليبرالي كخيار سياسي فكري، وأعرف أنه شخص مُتديّن ولكن ثمّة تناقضات بين رؤاه العقدية ورؤاه الفكرية، وهذا بالتحديد ما أردتُ مناقشته فيها.
تحياتي
| |
|
|
|
|
|
|
|
|
|
Re: حيدر الزين .. ممكن لو سمحتَ (Re: هشام آدم)
|
Quote: حيدر الزين ...
هذا البورد مليء بالعفن الفكري والعبثية، تعبيراً عن أزمة حقيقية تعيشها الشخصية السودانية في ظل الظرف السياسي والاقتصادي الحالي وغياب الحريّات التي لا تقتصر على السودان والسودانيين فحسب، وربما يكون هذا الشيء تفسيراً منطقياً لغلبة هذا التيار الذي لا تُجيد السحابة إلا عبره وداخله، ولكن صدقني هذا الأمر لا يخدمك على الإطلاق، ولن يجعل منك ذلك الشخص الذي تُريد.
أنتَ تعلم جيداً لماذا قمتُ بفتح هذا البوست، ولهذا أنتَ تراوغ. وأنا أعلم أنك سوف لن تصمد أمام نقاش جاد أياً كان نوعه، تُريد أن تفترض طريقة مُحددة للنقاش رغم أنني صاحب الدعوة والمفترض أن أكون مُحدد محاورها، ولكن!
نسق الردود والمناقشات السائد في هذا المنبر أن تبني أفكارك النقدية بناءً على جُمل موجودة تلجأ إلى الاستفادة منها في بناء دفوعاتك بصرف النظر عن أيديولوجيتك التي تنطلق منها؛ لذا فأنتَ ومجموعة مقدّرة من محاوري هذا المنبر تتبعون ذات الأسلوب. ولو أنك ترغب في النقاش الموضوعي فعلاً لاستنتجتَ من المحورين الذين طرحتُهما اتجاه النقاش ومحاوره بكل سهولة.
على العموم؛ دعني أقول أنك إنسان متناقض مع نفسك، ولا تحمل أيّ فكر راسخ متسق يُمكنك من خوض نقاش للدفاع عنه وتبنيه بصورة متسلسلة ومُرتبة. وإلا فدعني أسألك: ما الذي يجعلك مدعياً للإسلام وأنتَ لا تُصلّي إلا في شهر رمضان فقط كغيرك من مُدعي الإسلام وهو في الحقيقة ليسوا سوا Periodical Muslims أو مسلمي مناسبات، فهل توجهك الإسلامي توجه متسق على ما تعتقد؟ هل تعتبر نفسك مُسلماً حقاً بهذه الطريقة؟
|
عارف يا فردة ... ما في ابلغ من مداخلتك الهزيلة دي تنحفظ ليك هنا.. البتوري تماما مقدار سقوطك
في توهم الانتصار للذات الرخيصة .. ولسع انا عارف جرابك فيهو الكتير من عينة الوهم دا ..
فارمي بكنانتك يا بطل منتظرك* ولا شئ يستحق الرد على توهمك ...
ــــــ
* بالمناسبة منتظرك وتعال محتفظ بتحياتك لنفسك .. بلاش مراوغة فارغة للموزانة بين الخاص والعام ،،،
| |
|
|
|
|
|
|
|
|
|
Re: حيدر الزين .. ممكن لو سمحتَ (Re: صلاح عباس فقير)
|
الاخ صلاح عباس فقير ...
تحياتي ...
Quote: الأخ حيدر الزين ممكن ينافس على لقب (العضو الأكثر مشاركة في المنبر العام)!
فما من قضيةٍ إلا وله فيها مساهمة! أو موقف!
وفي كلّ هذه المشاركات كان يصرف من رصيده الفكري والثقافي الزاخر!
وفي هذا البوست أراد الأخ هشام آدم أن يلمس بيده الكيس الذي يشتمل على ذلك الرصيد!
وكل صاحب قضية أو موقف يسعده أن يعبر عن موقفه ومنطلقاته الفكرية!
فكان مفروض حيدر يعتذر بأنه ليس على استعداد لمثل هذا السؤال في هذا الظرف الراهن بالنسبة له!
لأن هذا السؤال يحتاج في إجابته لنوع من الاستعداد، وتجميع العدة والعتاد!
وأن يتم الاتفاق على تأجيله إلى موعد لاحق!
وفي رأيي مهما تكن الخلفيات التي ذكرها الإخوة المشاركون، مبررين بها موقف حيدر، فإنّ موضوع الحوار
ببنوده المهمة التي طرحها هشام كان ينبغي أن يطغى على كلّ شيء!
على أيٍّ هذه من المرات القلائل التي وجدت فيها سيف حيدر الزين الصقيل ينبو! |
اهدي لك مشاركة هشام ادم الاخيرة .. حتي تعلم تماماً كيفية تلمس الافكار عند (التنويريين ) امثال هشام ادم..
ارقد عافية ،،،
| |
|
|
|
|
|
|
|
|
|
Re: حيدر الزين .. ممكن لو سمحتَ (Re: هشام آدم)
|
الدرس الأول:
أصلاً يا ودّ الزين، ما كان من الممكن على الإطلاق يدقّسوك إلا بالطريقة دي، شايف كلامك جنس ده: | Quote: بلاش مراوغة فارغة للموزانة بين الخاص والعام |
ياهو الرد على سؤالك الوارد هنا ده:
| Quote: بعدين انت الدين دا هو مش برضو موقف بيدخل في الدائرة الفكرية دي والا بيختلف ؟! |
والإجابة واضحة وجات على لسان جُملتك الأولى (أكيد في فرق) ومسألة الخاص والعام يا حبيب هي أوّل وأهم فارق بين "المعتقد" و "الفكر" فالمعتقد أمر خاص غير قابل للنقاش والتداول الحواري، بينما الفكر أمر عام قابل للنقاش والنقد والتنفيد، ويبدو أنك لم تكن تعرف هذا الفارق، ولم تكن لتعترف به إلا عبر هذه الوسيلة
عموماً .. هو مدخل جيّد لأُثير مجموعة من القضايا المُربكة التي تُثيرها تناقضات توجهاتك الفكرية السياسية ومعتقداتك الخاص، فكيف لك يا عزيزي وأنت مسلم في المقام الأول (كما تدّعي) وليبرالي في المقام الثاني أن توفق بين مقتضيات الاقتصاد الإسلامي والاقتصاد الليبرالي المُشابه -إلى حدّ التوافق- للاقتصاد الرأسمالي والقائم على سياسية السوق الحر أو الاقتصاد الحُر الذي لا يسمح لسياسات الدولة بالتدخل في تنظيمه؟
| |
|
|
|
|
|
|
|
|
|
Re: حيدر الزين .. ممكن لو سمحتَ (Re: هشام آدم)
|
وكيف –وأنت مسلم في المقام الأول (كما تدعي) وليبرالي في المقام الثاني- توفق بين علمانية الحزب الليبرالي وإسلامية الدولة الدينية؟ أعني أيّ الهدفين تسعى إلى تحقيقه داخل الحزب: دولة دينية أم دولة علمانية؟
| |
|
|
|
|
|
|
|
|
|
Re: حيدر الزين .. ممكن لو سمحتَ (Re: هشام آدم)
|
والله يا هشام ادم تحير الما بتحير !
تفتح بوست تقول لمناقشه منطلقات حيدر الفكرية والسياسية ، و أول مثل تدلل بيه علي تناقض حيدر يكون عن علاقتو بربو ؟! العلاقه شنو بين منطلقات حيدر الفكرية والسياسية و كونو بيصلي ولا ما بصلي ؟! ولا الموضوع زعله من حيدر في عضمتو و جاي تلخبط العام بالخاص بالقمردين ؟!
غايتو مثلك الجبتو ده - في تقديري - من أحط ما كتب في هذا المنبر !
| |
|
|
|
|
|
|
|
|
|
Re: حيدر الزين .. ممكن لو سمحتَ (Re: أمين محمد سليمان)
|
| Quote: بعدين انت الدين دا هو مش برضو موقف بيدخل في الدائرة الفكرية دي والا بيختلف ؟! |
الكلام الفوق ده يا أمين كلام حيدر الزين
وسؤالي عن صلاته كان فقط بغرض توضيح أن هنالك فارق بين "المعتقد" و "الفكر"
والما بيشوف من الغربال يبقى أعمى
| |
|
|
|
|
|
|
|
|
|
Re: حيدر الزين .. ممكن لو سمحتَ (Re: هشام آدم)
|
Quote: ما تزوغ يا حبيب .. أركز وجاوبني على قدر أسئلتي
وما تتمحرك في الآخرين .. أسئلتي واضحة ومحددة
ومنتظرك النشوف الفي راسك ده في شنو |
يا هشام ادم .. صدقني لا تستحق انه الواحد يرد عليك ولا يجاوبك لو كان مستوي اسئلتك وكلامك ...
يآخي الف ومليون مرة كلمتك إنك ما تقرا ما تكتبه انت فقط كدي تواضع يا رحمك الله وشوف مداخلات الناس الجو شاركوك في بوستك دا وشوف كلامهم شنو ؟ والا مُصر انك تثبت لي ما اقوله دائما انك لا يهمك سوى رايك وكلامك وتضع نفسك كمان في موضع من يعطي الدروس !!
سبحانك ربي
استفيد يا هشام من البوست دا عشان تعرف الفرق شنو بيني وبينك وليه انا اصبحت ما قاعد اقراك ولا اهتم بكتابتك زي ما قلت ليك ..!!
السبب ارجع ليهو فوق بتلقاهو مفصل جداً .. وانظر لما جيت تتمحرك بيهو انت ومفتكروا خلاص جبت الديب من ديلو ...
غايتو نقول غاب وجاب ..!! 
| |
|
|
|
|
|
|
|
|
|
Re: حيدر الزين .. ممكن لو سمحتَ (Re: HAIDER ALZAIN)
|
صدقني يا حيدر الكلام ده كلّه ما بيحلّك ..
ولو بيحلّك منبيرياً لأيّ سبب فما بيحلّك قدام نفسك
الأسئلة مطروحة وبكل وضوح ولك أن تُجيب عليها أو أن تتهرّب منها
تحت غطاء أنني لا أستحق عناء الرد أو تحت أيّ غطاء آخر
1) كيف لك -وأنت مسلم في المقام الأول (كما تدّعي) وليبرالي في المقام الثاني- أن توفق بين مقتضيات الاقتصاد الإسلامي والاقتصاد الليبرالي المُشابه -إلى حدّ التوافق- للاقتصاد الرأسمالي والقائم على سياسية السوق الحر أو الاقتصاد الحُر الذي لا يسمح لسياسات الدولة بالتدخل في تنظيمه؟
2) كيف –وأنت مسلم في المقام الأول (كما تدعي) وليبرالي في المقام الثاني- توفق بين علمانية الحزب الليبرالي وإسلامية الدولة الدينية؟ أعني أيّ الهدفين تسعى إلى تحقيقه داخل الحزب: دولة دينية أم دولة علمانية؟
3) كيف –وأنت مسلم في المقام الأول (كما تدعي) وليبرالي في المقام الثاني- توفق بين مطالب الديمقراطية التعددية للدولة العلمانية للحزب الليبرالي وأُحادية وشمولية الدولة الدينية الإسلامية؟
__________
خسارة كبيرة أنك لم تعد تقرأ لي :)
| |
|
|
|
|
|
|
|
|
|
Re: حيدر الزين .. ممكن لو سمحتَ (Re: هشام آدم)
|
منظرك بيبقي بااايخ وانت لسع بتبرر - كعادتك - يا فردة وتحاول تلقي مخرج من بداية بوستك المهبب ..
كدي ارجع فووووق قبل ما تجي تخت اسئلة كان بدايتك ليها بتتكلم عن موضوع مفضفض وغير محصور جاي
ثم الآن تحاول تتخارج عن طريق حاجة خاصة بي أنا حول صلاتي او عدمها ..
دي قدرتك بالله عشان تجيب موضوع تكتبه هنا - تجي تتكلم عن سلوك انسان تقاطع معاك في الخاص - وجاي تسويهو موضوع هنا .. وهو اسلوب ما غريب عليك يا حبيب ...
يآخي انت تحفة بالجد ...
فلم راسماليتك وليبراليتك والكلمتين الحافظهم ديل عليك .. كدي امرق لي من نقطة انك عاوز تناقشني من اجل المناقشة وبس حتي ولو استدعي انك تجي تؤسس للنقاش دا بخاص الخاص للإنسان ودا السقوط البتكلم عنه ولو شايفو انت اسلوب جميل منك يبقي العيب من اهل العيب معتبر عندك والقلم ما بيخلق انسان سوى !!
فلت لتّك واعجن عجنّك فكل لحظة بتبين اكتر
وتظهر للناس بوجهك الصادق يا صديق ...
قال هشاشة فكرية قال ..
هو في هشاشة ومراهقة اجتماعية اكتر من البتسوي فيهو دا ،،،
| |
|
|
|
|
|
|
|
|
|
Re: حيدر الزين .. ممكن لو سمحتَ (Re: HAIDER ALZAIN)
|
خاص الخاص الإنتا بتتكلّم عنو يا حيدر الزين كان ضرورة لتوضيح نقطة غايبة عليك وهي الفارق الكبير والبسيط بين "المعتقد" و "الفكر" والما كان ممكن تفهمو إلا عبر هذه الطريقة. أبقى سعيد بمجمل المتناقضات الشايلا فوق راسك دي .. ربما تأكل منها الطير فتستريح
_____________
"مراهقة اجتماعية" دي أكان سألتك: معناها شنو؟ :)
| |
|
|
|
|
|
|
|
|
|
Re: حيدر الزين .. ممكن لو سمحتَ (Re: هشام آدم)
|
كلمة أخيرة وتوضيحية قبل الختام
أفردتُ هذا البوست لسبب مُحدد في الحقيقة، وهو إثبات أنّ حيدر الزين لا يُمكن أن يخوض حواراً فكرياً مُعتمداً على أساس فكري بقدر ما يعتمد في حواراته على أسلوب السخرية والاستهزاء بالآخر، وكان ذلك رهاناً تمّ بيننا في (الخاص) وكان يعلمُ قبل أن أفرد هذا البوست أنني سوف أفعل، لأن ذلك كان باتفاق مُسبق بيننا.
لم تكن هنالك محاور مُحددة للنقاش، كل الأمر كان محاولة البحث عن أيّ نقطة حوارية يُمكننا أن نبني عليها هذا الحوار التمثيلي لإثبات أو نفي النظرية الموضحة أعلاه، ولأن حيدر الزين كان يعلم مسبقاً نوايا هذا البوست، فقد لجأ إلى المراوغة بحجة أنه يُريدني أن أحدد محور مُعيّن أو جلب تناقضات أراها في فكره. كلّفنا ذلك وقتاً مُقدراً في هذا البوست وساعد على ذلك وجود شخصيات لم تأتِ إلاّ للفرجة (استثني ياسر طيفور)، علماً بأنني حذرتُ حيدر الزين من ذلك وكنتُ في انتظار أن يُوقف هذا الأمر بعد اتضاحه بصورة جلية، ولكنه تجاهل كل ذلك.
الآن وبعد أن أصبحت الصورة واضحة، وأصبحت الأسئلة مُحددة (كما أراد لها منذ البداية) مازال مُصراً على المراوغة والتحجب بحجاب الورع الإسفيري وارتداء عباءة الحريص على ضبط محاور النقاش والالتزام بها، وكان له أن يفعل الأمر ذاته مع من حاورهم إن كان ما يدعيه صحيحاً.
الآن أقول: أنني كنتُ أسعى لإثبات أمرٍ واحد، ولكنني خرجتُ بأمرين أولهما وهو أن أسلوب السخرية في هذا المنبر يُعد سلاح الضعفاء فكرياً، بحيث يُمكنهم الاعتماد عليه لخوض نقاشات لا يمتلكون أبسط مقوماته، أمّا الأمر الثاني فهو أنّ الهروب قد يُعد شجاعة عند البعض فقط إذا أحسن صناعة المُبررات لذلك.
الود للجميع
| |
|
|
|
|
|
|
|
|
|
Re: حيدر الزين .. ممكن لو سمحتَ (Re: هشام آدم)
|
وإنت يا مولانا شايف انه الواحد مسلم وما بيصلي دا تناقض الواحد شايلو في راسه ..!
صحي شر البلية ما يضحك ...
Great minds discuss ideas
Averge minds discuss events
Small minds discuss people
فافرح يا حبيب بما وصلت ليهو من انحطاط وصلك ليهو هزايمك الفكرية على كل المستويات هنا وجاي تصفيها عبر خستكتك دي ومفتكرني ممكن اجاريك فيها بكلام فارغ حول حاجة بعتبرها خاصة بما انت نفسك كنت بتصر عليها وتكورك وقت يجي يزول يحاكمك بيها .. فامسك جزء من تناقضك من هنا وامشي قص اترك بالمنبر ونضف نفسك وقلبك عسي تلقي القبول المفقدك مصداقيتك ومعيشك في جزيرة انت ونفسك ...
فاهنأ يا حبيب بما تحاول تصوره انتصار فكري وهو انحطاط ومراهقة اجتماعية زي ما قلت ليك ...
وعيش الهنأ ...
| |
|
|
|
|
|
|
|
|
|
Re: حيدر الزين .. ممكن لو سمحتَ (Re: HAIDER ALZAIN)
|
| Quote: وإنت يا مولانا شايف انه الواحد مسلم وما بيصلي دا تناقض الواحد شايلو في راسه ..! |
| Quote: خاص الخاص الإنتا بتتكلّم عنو يا حيدر الزين كان ضرورة لتوضيح نقطة غايبة عليك وهي الفارق الكبير والبسيط بين "المعتقد" و "الفكر" والما كان ممكن تفهمو إلا عبر هذه الطريقة. |
حسي الما بيقرا كلام التاني منو يا ود كنّور؟
بالجد شر البلية ما يُضحك
أرقد عافية
| |
|
|
|
|
|
|
|
|
|
Re: حيدر الزين .. ممكن لو سمحتَ (Re: قيقراوي)
|
سلام يا قيقراوي ...
تم تعديل المداخلة بناءاً على رجاءك وطلبك وهي رسالة اعتقدها وصلت لمن عنيته بها حتي لا نلجأ للولولة بعدينً والتباكي باسم علاقات كانت بيش و مهترئة ..
ما يهم عندي ان لي عودة كما قلت هنا لشغل كتير بالبوست دا عشان أفهم عقليات زي المدعى هشام ادم ونشوف - غباء ما يسوقه بهذا البوست - من قصة انه الولد خلاص ابو المعرفة والفكر والاخرين يا إما يوافقوه على ترهاته وخرابيطه يا كمان بيبقوا ما عارفين شئ ..
فاستحملنا يا قيقراوي بدون اندهاش لما سياتي قادماً فسيكون آخر العلاج ..وسيكون كي بكل المقاييس ..
| |
|
|
|
|
|
|
|
|
|
Re: حيدر الزين .. ممكن لو سمحتَ (Re: HAIDER ALZAIN)
|
رمضان كريم يا شباب ...
عارفين البوست ده ذكرني نكتة ...
بتقول في واحد حقار وداير ليهو سبب شكلة مع واحد ...
قام لاقاهو في الدرب ...
قال ليهو :
إنت عيونك ديل حمر كده مالن ؟؟؟ حقارة يعني ولا شنو؟؟؟؟؟؟
الراجل المسالم الفي حالو ده رد عليهو :
لا والله ما حقارة .... مريسة ساااااكت ....!
أسي زول يلم فيني في درب الله ده وفتحة خشمو يقول لي ممكن أعرف منطلقاتك الفكرية والسياسية وموقفك من الدين ؟؟؟؟
ببساطة بقول ليهو ما ممكن ...!
أها ح يقول لي ما ممكن لييييه ....!
يبقى زول شبكة ساااكت ...
هشام آدم
HAIDER ALZAIN
وليد محمد المبارك
معاوية عوض الكريم
Yassir Tayfour
omer osman
humida
abdalla osman
سمير شيخ ادريس
الطيب عثمان يوسف
أمين محمد سليمان
قيقراوي
فيس بوك
تويتر
انستقرام
يوتيوب
بنتيريست