|
|
 لــو في اجــــمل من عـــيــونـك قـولي لــي
|
لو في اجمل من عيونك
قولي لي !!
خلي في قلبي البريدك
مرة تهجع
ارتعاشات السؤال
اصلي واثق
بيقين عاشق
موشح بي جمالك
ان عينيك هي المثال
وانو اجمل من عيونك
ده المحال
اصلي في سفري الطويل
في المسافة البين ظنوني
وبين معاني الاكتمال
شفت في الكل المجرات
أجمل ثريات الكواكب
شايله من إشعاع
عينيك بعض الجمال
ورجعت بيك
حاجة بتهد جبل التوحش
تديني قوة احتمال
ورجعت ليك
شايل بدايات القصيد
الفيه من حسنك ظلال
منظومة بي عقد الحروف
الفيها كم ماج انفعال
روعة عيونك،
زي جمال النيل دغش
حين يغازل
في السحر
نخل الضفاف
ويتقاطر السمبر يخت
عنده الرحال .
زي
قمرية بتقوقي وتحن
لمن تهب نسمة دعاش
الفال .
زي عاشق بجر النم
ويغزل الليل
يباري نجومو
لو تنتطال.
ولو في اجمل من عيونك !!
قولي لي
وبرضو ما تقولي احتمال
لانو في كل المدارات
والاساطير الحكايات
وجوة في بطن الخيال
زي عيونك اصلو ما اتوجدت
عيون
تهت فيها
واشتهيت فيها الدلال
|
|
 
|
|
|
|
|
| |
د.محمد حسن
ابو جهينة
بكري الخير
فيس بوك
تويتر
انستقرام
يوتيوب
بنتيريست