|
Re: عبدالكريم الامين احمد/ عبدالكريم أحمد الامين.......حيرتونا معاكم! (Re: Kostawi)
|
Quote: وياخي الفيلم ده انتهي زمااااااان وخلاص فك الاشتباك حصل مالك ياخي عاوز تعمل لينا كركبة تاني وتخلينا نقوم نمشي نشوت في بوستات بعض .. |
** الاستاذ كوستاوى.. ** صباحك خير بتوقيتكم ,, ومساءك خير بتوقيتنا.. ** ياخوى القوات الامميه الفضت الإشتباك دا هى ذاتا اتفرتقت ,, يعنى إلا نعمل ليك مُلحق زى ملاحق إتفاقيات ناس الإنقاذ مع البشر البيتفقوا معاهم بالليل ويسلموهم الكاش البيقلل النقاش ,, وبعد داك يظهر الحردان والزعل .. ** للناس الماحضرت فك الإرتباط وعشان مااورط صديقى الباشمهندس كيكي :- بتلقى فى نهاية إى مُداخله :- (ابو محمد فؤاد) - وكيكى فى نهاية المُداخلات بتلقى الوشوش الضاحكه والمبتئسه على حسب وضع المُداخله والشخص العايز يرد عليهو ..
## صدر تحت توقيعنا وبشهادة قوات فك الإرتباط الدوليه الإسفيريه ## عبدالكريم الامين أحمد (كيكى) - الدوحه.. ## عبدالكريم أحمد الامين (ابو محمد فؤاد) - دُبى..
| |
|
|
|
|
|
|
Re: عبدالكريم الامين احمد/ عبدالكريم أحمد الامين.......حيرتونا معاكم! (Re: عبدالكريم أحمد الامين)
|
Quote: ## صدر تحت توقيعنا وبشهادة قوات فك الإرتباط الدوليه الإسفيريه ## عبدالكريم الامين أحمد (كيكى) - الدوحه.. ## عبدالكريم أحمد الامين (ابو محمد فؤاد) - دُبى |
ايوووووه اتحاد قووووووووة يا ابومحمد وكوستاوي ده اصبر لي عليهو حنمرقو بحمد ونطلعو بسوق مركيتو نايم ليهو سنتين ونص وجاي يقول لينا فض اشتباك وما فض اشتباك
واصلا الراجل بعيد عنك مزغلل واها الليلة تعال نزغللو زيادة
الوش ده لزوم الختم وكده
| |
|
|
|
|
|
|
Re: عبدالكريم الامين احمد/ عبدالكريم أحمد الامين.......حيرتونا معاكم! (Re: Zakaria Joseph)
|
حوار خاص واستثنائي مع حبيبته ( لارا ) فى ( سوليتير )
لارا - كريم والله بالطريقه دى ما حأقدر اتعامل معاك .. انت عارف هانى ده زى اخوى وبابا وعمو معتصم اصحاب من زمان ..
كريم - ده ما سبب يخليك اليوم كلو راكبه معاهو الهمر بتاعو .. اصحابى يقولو شنو ؟..
لارا - كريم انت بقيت صعب جدا .. وجد انا غلطانه اتعامل مع واحد رجعى زيك
وانصرفت غاضبه لا تلوى على شئ صوب الهمر و .. هانى
..
سلامات يا كيكى ورمضان .. كريم
| |
|
|
|
|
|
|
Re: عبدالكريم الامين احمد/ عبدالكريم أحمد الامين.......حيرتونا معاكم! (Re: حيدر حسن ميرغني)
|
Quote: احلى ما في الفيلم ده ياكيكي كم مرة كده تداخل نفر قليل مع اخونا عبد الكريم الاخر صاحبنا بعد يرد عليهم يقول ليهم ياخي انا ما كيكي خوفت يقوم يوم يقلع عمتو دي ويخت الكدوس رمضانكم كريم وسلام للكرمبا العمل كويس بفتح البوست ده عشان يجنب الناس حوادث البورد |
والله يا حيدر ابو محمد تعبانه معانا وبقي عليهو عب اضافي من الشباب البخشو لفت..
مرة اتصل بي واحد وكلمني عن بوست انا اساسا ما شفتو وقال لي انت كتبت كيت كيت ووقلت ليهو لا..وانهجمت شديد لاني ما كنت متابع البوست زااتو الراجل حلف بدينو وقال لي يا كيكي بالله ما تنكرو واها لمن قراء لي البوست بالتلفون ومداخلة ابو محمد حتن عرف الحاصل
| |
|
|
|
|
|
|
Re: عبدالكريم الامين احمد/ عبدالكريم أحمد الامين.......حيرتونا معاكم! (Re: Zakaria Joseph)
|
Quote: (ابو محمد فؤاد - دبى) ____________________________________ هسع دا حلكم مع الناس راجلين كبار و عراض تجوا تقولوا لينا دا حلكم واحد باصم بختم من دبي و واحد بقرقر |
** الاستاذ كستاوى ** كيكى كان واضح وقال ليك :- لجنة الامم المُتحده الاسقيريه فضت الإشتباك قبل سنه والإتوصلت ليهو دا أخف الضررين ,, لكن مافارقا مُمكن واحد يخش شايت على مرمى كيكى ومفروض الشوت يكون على مرمى ابو محمد فؤاد وكيكى يتصدى للقذيفه ولى زُغبير فى زمانو ,, والعكس أحياناً بيحصل للقذايف الموجهه لكيكى والواحد بيتصدى ليها وهكذا دواليك .. ** غايتو لو كيكى غير صورة البروفايل حااضطر اشوف لى كدوس وأختو فى البروفايل عشان الشوت الضفارى ومسنجرات الضهارى...
Quote: و الله ليها حق تراجي تنضم لحلف تل لابيب |
## والله دا أحسن حلف على أقل تقدير يجد الإحترام من كل الدول .. (ودام الود بين الجميع) (ابو محمد فؤاد)
| |
|
|
|
|
|
|
Re: عبدالكريم الامين احمد/ عبدالكريم أحمد الامين.......حيرتونا معاكم! (Re: Rawia)
|
Quote: غايتو أظرف حاجة كانت رد الاستاذ عبدالكريم أحمد على ماسينجري لي كيكي (وهو مخلوع) |
** بت العباسى.. ** مساءك خير.. ** زى مابقولو ناس لكوره لمن تكون ما مُشارك فى اللعبه ,, وفجأةً يجيك باص ثرو وإنت فى شبه إنفراد بالمرمى هنا بتحصل الخُلعه ,, وتبدأ تسأل يالله الباص ملعوب لى ,, ولى أنا فى حالة تسلل ,, بتاخد ليك صنه لو الحكم ماصّفر بتحاول تمشى على القون ,, ولو صّفر بتخلى الكوره فى محلها .. ## أها الباص الجانى عرفتو أنو مضروب لصديقى الباشمهندس ,, إستلمت الباص وسلمتو تسليم CIF .. (ودام الود والاحترام بين الجميع) (ابو محمد فؤاد) - الماكيكى...
| |
|
|
|
|
|
|
Re: عبدالكريم الامين احمد/ عبدالكريم أحمد الامين.......حيرتونا معاكم! (Re: Kostawi)
|
الاستاذ كوستاوي تحية طيبة معبقة باحلاس مودتي ومعفرة بالياسمين
حبيت بس احيي الاستاذين الكريمين واقول لهم كل سنة وانتوا طيبين ورمضان كريم. الاستاذين كتاباتهم موضوعية ونقدهم في الصميمورغم عدم مداخلاتي معهمافي كثير من البوستات الا انه متابع حريص لما يكتبانه. عموماًانا الزول من ما اعرفه بكره الانقاذ لو فيه الموبقات السبعة بيبقى زولي خليك من ناس افاضل زيهم.
| |
|
|
|
|
|
|
Re: عبدالكريم الامين احمد/ عبدالكريم أحمد الامين.......حيرتونا معاكم! (Re: khaleel)
|
Quote: يا كيكي جليت مداخلتي واتعاملت معاي كشخص عابر في حياتك |
هلا ياخلي وياخي انا مقرصن البوست ده وسارق اللعب من خالك الكرمبا كوستاوي علي طريقة تنقا الشهيرة وانت معقول تتفات يا عراب الاركلوجيا الاسفيرية.. وبعدين ياخي انا زااتي خليت ناس (موغل ودهشة ومدارات) دي عشان كده ماعرفتني انت وضخيت لغة جديدة علي شاكلة ديمومة وديلمة وكده
| |
|
|
|
|
|
|
Re: عبدالكريم الامين احمد/ عبدالكريم أحمد الامين.......حيرتونا معاكم! (Re: محمد عمر الفكي)
|
Quote: عموماًانا الزول من ما اعرفه بكره الانقاذ لو فيه الموبقات السبعة بيبقى زولي خليك من ناس افاضل زيهم. |
** ود عمر الفكى.. ** جُمعتك مُباركه.. ** ياخوى الجماعه المعا الإنقاذ هسه بتضايرو وعاملين أزمه فى العمله الصعبه من مال الشعب الفضل الذى تم نهبه تحت العديد من المُسميات والتى الاسلام منها برأ.. ** مُحبين الإنقاد على حسب آخر تصنيف :-
## اللاعبين الهباشين المكويشين على الجداده وبيضا وهؤلاء نخب اول (لاتوجد تسجيلات للاعبين جُدد وكذلك لايوجد فك تسجيلات).. ## اللاعبين فئة (م.ن)(المغفلون النافعون) - وهؤلاء اللاعبين غـشيميين بحيث يتأثرون بإى عبارات دينيه تُقال لهم ومن ُثّم يُمكن إستغلالهم لتنفيذ المآرب والسياسات النتنه - وفئة (م.ن) هى فئه ذات قوة دفعه هائله تساهم فى إبقاء الانظمه القمعيه لفترةِ مُحدده ثم يتقلبون مع إى تيار قادم جديد.. (ودام الود بيننا) (ابو محمد فؤاد)
| |
|
|
|
|
|
|
Re: عبدالكريم الامين احمد/ عبدالكريم أحمد الامين.......حيرتونا معاكم! (Re: محمد عبد الماجد الصايم)
|
Quote: تعرف عمكـ عبد الكريم أحمد الأمين دا تعب معانا جنس تعب في بداية تسجيلو .. ياخ كل مرة نلاقيهو ليكـ في حتة نرشو .. نلف ونجي راشينو تاني لمن يوم لقيت ليكـ صحبكـ ما يااهو ياخ دخلت في أضافريني .. إن شاء الله يعفي لينا بس كيكي لو لقيناو في أي حتة بنرشو .. ولا يعفي لينا زاتو! |
** ود الصايم.. ** جُمعتك مُباركه ومساءك خير.. ** ياخوى نحنا عافيين ليك لله ورسوله وكمان عافيين ليك عفو خاص لانك من بحرى ست الهوى والطراوه.. ** الشارقه تم تجهيز التشريفات لإستقبالك .. (ودام الود بين الجميع) (ابو محمد فؤاد)
| |
|
|
|
|
|
|
Re: عبدالكريم الامين احمد/ عبدالكريم أحمد الامين.......حيرتونا معاكم! (Re: سمير شيخ ادريس)
|
احمد الامين احمد محمد الامين محمد محمد الامين احمد احمد الامين محمد
Quote: أول ما لفت إنتباهى بالمنبر هو هذا التناغم الجميل بين الأسماء ودائما أسم الأمين فى الوسط مع تغيير محمد وأحمد بين الأول والأخير فعلا عاشت الأسامى |
مع ملاحطة اشتراك اسمى الامين و احمد ايضا مع اسمى الكريمين عبد الكريم الامين احمد وعبد الكريم احمد الامين
عاشت الاسامى والتحايا للجميع
| |
|
|
|
|
|
|
Re: عبدالكريم الامين احمد/ عبدالكريم أحمد الامين.......حيرتونا معاكم! (Re: سمير شيخ ادريس)
|
Quote: كوستاوى وضيوفه الكرام-خاصة (الكريمين)- رمضان كريم بعد ما تحل الاشتباك بين الكريمين أرجو الانتقال لمرحلة متقدمة ومساعدتى واخى الفنان ابراهيم عبد الحليم فى فك حيرة الاشتباك الاتى : احمد الامين احمد محمد الامين محمد محمد الامين احمد احمد الامين محمد |
Quote: مع ملاحطة اشتراك اسمى الامين و احمد ايضا مع اسمى الكريمين عبد الكريم الامين احمد وعبد الكريم احمد الامين |
## ود شيخ إدريس.. ## مساءك خير.. ** غايتو أنا وكيكى مُمكن تكوجن الاسمين مابتفرق كتير والامور بتظبط ,, والاسم الذى أستعمله أنا هو عبدالكريم الامين بإعتبار الامين (إسم العائله) لكن لحفظ الحقوق الادبيه للباشمهندس كتبت اسمى كاملاً. ## بس المشكله حتكون فى التوافيق والتباديل للاسماء الاربعه :- محمد ,,, أحمد ,,, الامين ... ## ياكيكى:- دا موضوع بتاع رياضيات ودى ماتخصصى :- بالله من الاسماء الثلاثه شوف مُمكن تتطلع كم إسم ثلاثى... (ودام الود بيننا) (ابو محمد فؤاد) - الماكيكى...
| |
|
|
|
|
|
|
|