|
|
|
 Re: اللهم اعز الاسلام بالحزب الشيوعى السودانى (Re: عبداللطيف حسن علي)
|
الشيخ محمد عبد الكريم اول ما جاء الى الحى الذى اسكنه وكان وقتها عائدا لتوه من السعودية وكان صغير السن نسبيا وتحدث فى مسجد الرحمة بعد صلاة المغرب وكانت تبدو عليه اثار النعمة لكونه عائدا من السعودية وعلمت انه قد ابعد لانه رفض دخول القوات الامريكية الى السعودية وهو كما علمت سودانى ولكنه ولد وتربى فى السعودية .
| |
 
|
|
|
|
|
|
|
|
Re: اللهم اعز الاسلام بالحزب الشيوعى السودانى (Re: عمار محمد ادم)
|
المحطات
والمسافات
والقطر
والمبادى البين ضلوعى
النقابات والنضالات والسفر
دا البحدد ليا نوعى
دا البحقق لياذاتى
ودا البيروى ليل ظماى
ودا البيشبع ليا جوعى
قالوا ثورى
قلت ايوا كمان شيوعى
يانضالات ردى روحى
وبى حقيقة امرى بوحى
ابقى بلسم لى جروحى
ولى الشفيع المات معلق
دام حزنى وطال نوحى
يبقى ملهم فى الجنوب
ويبقى معلم فى الشمال
وفاطنة فاقت كم رجال
فاطنة يا ام النضال
السترة والعيشة الحلال
والمشاوير الطوال
واروى ياقطر الشرق
زول يناضل وينشنق
الشفيع جوزيف قرنق
يحيا فينا وما انشنق
انت مامشنوق وحيد
انت يا اروع شهيد
انت يا جبل الحديد
والله ماهزتك ريح
انت يا انبل مسيح
ابقى ارقد واستريح
وابقى فى الشوق والحنين
لى الرجال قاسم امين
يوسف حسين
انتو يااشجع رجال
تملوها عزا الف عين
صوتها صفارة القطر
صنٌُ اضنى صن
انا دمعى جارى
وقلبى حن
للمبادى وللوطن
وابقى غارق فى الحزن
فى متاهات الزمن
قاصدوا كهفك ياحراء
ليها قاصد عطبرة
اقوى كلمة معبرة
ولى ابوى المعذرة
الجسد فى المقبرة
والروح تحلق فى الذرى
والمناضل مابيموت
يحيا فى كل القلوب
ويبقى فى كل البيوت
وسط الورش مليان زيوت
ونحنا النضال فيناانغرس
صوت النضال فينا انحبس
حب النضال داسنو دس
داير النضال راجلا كلس
ــــــــــــــــــــــ
عمار محمد ادم
| |
|
|
|
|
|
|
|
|
|
Re: اللهم اعز الاسلام بالحزب الشيوعى السودانى (Re: عمار محمد ادم)
|
عاش نضال الطبقة العاملة..
.وعاش كفاح السكة حديد..
.وصوت القطر الصفَر ودوَر.
..والكمسارى بيرفع بيرق
مرات اصفر ومرات احمر..
.ومرَ قطرنا ادوه التابليت...
بالشباك اتجلى المنظر...
وجه مزارع جارى مغبَر..
.والواسوق جاريهو تركتر..
.مصنع غزل ومصنع سكر...
ونهتف من اعماقنا بدمع تحدر..
.عاش كفاح الطبقة العاملة
وعاش نضال افريقيا الحرة..
.لن تحكمنا الراسمالية
والافات الجات من بره
...وصوت الديزل الهادر وماشى ومابيتوقف ..
.واصل الفكر الثورى مبادى وما بتتحرف..
.والحرية طريق الثورة العمالية..
.والمنفستو اشتراكية...
ودم الشهداء بيكتب ويروى...
ثورة قوية وصوتها بيدوى..
.ولن يحكمنا البنك الدولى..
.وعاش كفاح المحرومين
وعاش نضال الفلاحين..
.والابرول لون الاصطبة
.فى المصفاة وكل طرمبة..
.فيها الطبقة العاملة قوية..
.ليها هوية وليها قضية...
طريق الزحف والحرية..
.مدارس تمحو للامية..
.فيها المنهج دايلكتيك..
.فيها الثورة الفينى وفيك...
عمار
| |
|
|
|
|
|
|
|
|
|
Re: اللهم اعز الاسلام بالحزب الشيوعى السودانى (Re: عمار محمد ادم)
|
نحن الثورة الدايمة طريقنا..
ومابنتغير.
والتاريخ لابد يعيدنا
..شان نتحرر.
ما بنتراجع عن مبدئنا من الطفل ولى الحبوبة
...والثورية بتلبس توبها..
.عاش جيفارا وعاشت كوبا..
.وست الشاى الفى الراكوبة.
.تهتف عاش كفاح الطبقة العامله .
اشتراكية تنمية شامله..
وكلنا نهتف ضد الجهل والرجعية.
اكتب دوَن نحن طلائع للشيوعية..
.حزب الطبقة العاملة والثورية..
.ثورة قوية وعمالية..
.فيها المصنع يدوى هتافو..
عاملوينال الحق القط ما شافو .
..شافو وشافو شاف شافييز..
.وفى القضبان عجلاتنا تدور..
.والسواق نفخ البابور..
.والتاريخ يكتب ويسطر..
.والافكار النابضة تحرر..
.عاش نضال السكة حديد .
..والتاريخ لى نفسو يعيد.
..ماضى الثورة والعمال..
.العمال اعظم ابطال.
..قاسم امين وراهو رجال.
..كل العالم فينا احتار
...يبقى يمينا الرجعى يسار..
.نهتف عالى يسقط يسقط الاستعمار.
عمار محمد ادم
| |
|
|
|
|
|
|
|
|
|
Re: اللهم اعز الاسلام بالحزب الشيوعى السودانى (Re: عمار محمد ادم)
|
(كنت اصحبه فى عربة الفرمله بالقطارحيث كان يعمل)
انا لسه راكب فى القطر قاعد هناك فى الفرمله
من كسلا والسكة الحديد ابدا الحديث بالبسمله
واسقيهو من شوق القرير يروى البلد بى اكملها
دى رساله من عمق الفؤاد تبلغ ابوى مستعجله
انا من ابوى وابوى انا.. يبقى الوجود زى الفناء
والعزه فينا مؤصله
وابويا فى الفردوس ملك ثلة ملوك متسلسله
التاكا والبركل سوا..العزة والسكة الحديد
انا من ابوى وابوى انا ..يبقى الوجود زى الفناء
وابوى مش انسان وبس..دا ابوى مد مليون سنه
كل النفوس مطمنه كونك هناك انك هنا..فرق الزمان والامكنه
وانا لسه راكب فى القطر قاعد هناك فى الفرمله
| |
|
|
|
|
|
|
|
|
|
Re: اللهم اعز الاسلام بالحزب الشيوعى السودانى (Re: عمار محمد ادم)
|
يا كسلا يا امى الحرم
ضجت مدن والقاش هدم
خالط فرحنا مع الالم
جفت صحف رفع القلم
وابويا واقف كالهرم
ما هز يوم عصف الرياح
ما فت عضدو وما انهزم
والقاش علا..غرق ملا
ادروب يعزى كاسلا
شيخا يرتل فى الفجر
يسعى ويفتش فى الاجر
يقرا ويقدم للدروس
للخير يكوس..فى كل ناحية او شبر
ابكيك انا تبكيك جبال تبكيك بحور
يازول قوى ويا زول صبور
يا شيخ وقور..فى وجهو نور
تبكى التراويح والسحور
تهفو الجنان مليانه حور..وتستقبلك
| |
|
|
|
|
|
|
|
|
|
Re: اللهم اعز الاسلام بالحزب الشيوعى السودانى (Re: عمار محمد ادم)
|
تبكيك طيبات الوشوش..يا زول بشوش
تبكى المأذن والسحب
تبكى المنابر والكتب
تبكى الميامين النجب
تبكى القلوب مليانه حب
ياسر مخبأ جوه جب
يبكى القطر..يبكى الصيام والدنيا حر
يبكى السجود وكت السحر
يبكى الدعاء يوم السماء جاد بالمطر
وتبكى هداليا وتندلاى..وتبكى المصاحف آى وآى
وابكيك انا واحزن عليك واحس فراغ من غير حدود
وارتد لى اصل الجدود
يرجاك ابوك ادم هناك..يلقاك عمر ولدا اغر
وانعم جوار وادى البشير واخوك حسن
ويبكى الوطن
وينزل مبادئك فى جناك..فى يومنا داك..فى عطبره
وانا لسه راكب فى القطر قاعد هناك فى الفرمله
| |
|
|
|
|
|
|
|
|
|
Re: اللهم اعز الاسلام بالحزب الشيوعى السودانى (Re: مزمل خيرى)
|
تعليق احدى الزميلات ( سجم خشمي عمار بقى شيوعي)
_______________________________________________
ليهاحق يازميل :
سجمكن بالحيل سجمكن
وسجمان انا الساكن بلدكن
سجمان انا الحزنى المركن
زى وحشا طلع طلَ وخلعكن
وزى اسدا نهر بالليل فزعكن
غالبنى الكلام ما عقلى شركن
لكن تمام بالحيل سجمكن
| |
|
|
|
|
|
|
|
|
|
Re: اللهم اعز الاسلام بالحزب الشيوعى السودانى (Re: osman righeem)
|
أغنى شيوعى
بيركب عجلة وياكل فول
ويمشى الجامع يوم العيد
ونادر جدا تظهر جزمة ولبس جديد
وانتو بتركبو فى العربات
وانتو بتاكلو فى البسطات
بنات سمحات وناس نايرين
والكورال
وغايتو بتهتفو عاش كفاح الطبقة العاملة
وينا الطبقة العاملة وسطكم ياحلوين
شيوعى مصلح نام وادمدم
شيوعى مدغلب...شيوعى مهندم
واخر موضة ..وشعرو مسمسم
وعاش كفاح الطبقه العامله
عامل راسطه وشعرو مبرم
لا طلقت ولا حرَم
كلى انا حسرة وكلى ندم
اى شيوعى بيبقى مقرم
داكا شيوعى وجاك من لندن
وداكا مقرش ودقنو محنن..
| |
|
|
|
|
|
|
|
|
|
Re: اللهم اعز الاسلام بالحزب الشيوعى السودانى (Re: عمار محمد ادم)
|
وين الطبقة العامله كفاحها
ناس بتنضف فى الكتاحه
وناس بتقاوم وما مرتاحه
وانت شيوعى ومالى الساحه
وانت شيوعى فى المنشيه عشرين جنز فى الشماعة
احسن ماركه واغلى بضاعه
شيوعى وثورى فى الراحات
ولسه الخاتم حى ما مات
وشوف الكارثه الجابه وجات
منظمة..مدنى ..مجتمعات
ناس تتفرج وكيف محنانه
لا بيتقلب فى الزنزانه
ولا هو العامل فى السلخانه
يقولى تعال وابقى معانا
انت شيوعى ونحن شنو
نحنا الوين ونحنا منو
شيوعى معلم ودار تتشالق
يا نتعايش اونطالق
| |
|
|
|
|
|
|
|
|
|
Re: اللهم اعز الاسلام بالحزب الشيوعى السودانى (Re: عمار محمد ادم)
|
شيوعى زمان راجلا اغبش
زيت المكنة فى ابرولو
ياكل وجبةيصلح فولو
اشتراكية حالو وقولو
ينظم دورة
ويشعل ثورة
يوعى الطبقة العامله يثقف
كادر سرى مابيتخفف
مناضل وثورى ما بترجف
عطبرة ماجت بالعمال
وانتو تفتشوا دايرين مال
ونحن الطبقة العامله ولادها
من اباءنا من اجدادها
تقولى تعال وابقى معانا
انتو منو
يا القاشرين بالشيوعية
دى الشيوعية الجات بالنية
انت تقدمى ماك شيوعى
الشيوعية تعنى مناضل
ولاَنقابى سيوعى وكامل
كيف تغتربوا تخلو العامل
وتهتفوا عاش كفاح الطبقة العاملة
| |
|
|
|
|
|
|
|
|
|
Re: اللهم اعز الاسلام بالحزب الشيوعى السودانى (Re: عمار محمد ادم)
|
انتو تتاجروا باسم الطبقة العامله
اصلها ضعفت وصارت هامله
اصلوا الحنكشة ماشيوعية
انتو فلول الانتهازية
نحن اساس الحقد الطبقى
اصلو الحقد الطبقى نضال
لابسو سديرى او سروال
ديكتاتورية للبلوتريا
البلوتريا ياخى الرثة
ناس التومة وناس كلتومة
والبوليس الطارد عشة
وينها حقوقنا وما بنتغشها
وجات الكشة
وكادر سرى وصل بالركشة
والبوليس السرى عامل نايم
اصلو شيوعى من سنار
وبيها سيجارتو اداها تشة
نطت عشة وركبت ركشة
وعامل ليا انت شيوعى
لاسجنوكا ولادقوكا ولا رفدوكا
قاعد عاطل
ات ماك عامل
ولاَ مناضل
| |
|
|
|
|
|
|
|
|
|
Re: اللهم اعز الاسلام بالحزب الشيوعى السودانى (Re: عمار محمد ادم)
|
انت شيوعى وعامل دوشة
الحق عاشه الراكبه الركشه..ست الشاى
والبوليس بيفتش فيها ..وماهاميها
وجانا قرار الحزب الثورى
(عشه تنزل تحت الارض)
قبلنا العرض
وجانا شيوعى راكب كامرى
وما هاميهو الموت فى أمرى
وقام اتغابى فينا العرفه
دار يتخفى
مشينا وراهو كان متوجه نحو المول
من كافتريا شالو فطائر
نضالك طائر
وقمنا ظهرنا عشان هو يجينا
وتانى اتغابى فينا العرفه..وخليناهو
| |
|
|
|
|
|
|
|
|
|
Re: اللهم اعز الاسلام بالحزب الشيوعى السودانى (Re: عمار محمد ادم)
|
ابقى شيوعى ورجعى كمان
وامجد كامل يبقى يسارى
اريت الحزب بالسم الهارى
احسن حاجة
امجد يرجع تانى انصارى
امجد وراشد
وايضا كوثر بت الصافية
الانصار دى نفوسهم صافية
ماحاقدين زينا نحنا..البلىتاريا
يا ناس ماجد وياناس كوثر
خلو الحزب وارجعوا تانى
فى المؤتمر السادس تأتوا
التجديد من فوقو وتحتو
ونحن نغنى ومليانين
الشعب يدين تجار الدين
| |
|
|
|
|
|
|
| |
عمار محمد ادم
خدر
عبداللطيف حسن علي
BAKTASH
Nasir Ahmed Elmustafa
مزمل خيرى
osman righeem
محمد صباحى
فيس بوك
تويتر
انستقرام
يوتيوب
بنتيريست