|
|
|
 Re: اغنية عيوني عيونك .. اسباب لوعتي طلب من ناس الطرب (Re: Rawia)
|
بت القبائل رمضان كريم ،تصومى وتفطرى بالف خير..
غالية والطلب رحيص
مقدرين حالتك وجنس الزرة دى ضايقنها
لكن بكرى موقف لنكات رفع الاغانى ،مكتوبه تنفع معاك؟؟
غايتو قزقزى بيها داخله ومارقه حا يعجبك صوتك فيها لما بكرى يحن علينا
باقى الراجل سيد الشى زاتو وخاتى فوقنا حبل لووووول
الكلمات لاحمد ابراهيم فلاح...الحان وغناء التجانى السيوفى واخيرا غناها الخير عثمان
عيونى وعيونك اسباب لوعتى
************
اسباب تشوقى نظرتك واسباب نفورك نظرتك
هواى يعجز فكرتك وجمالك يعجز فكرتى
فى الصد تزيد من خبرتك فى الحب ازيد من خبرتى
دايما اردد زكرتك هل مرة فهت بذكرتى
*************
انت الذى اتعبتنى وانت الذى بك راحتى
لو آن هلاكى ولى دنيت احيا وتحل بى فرحتى
كم استغثت وكم شكيت من سقمى واتلاف صحتى
كم رددت اهاتى كم دوى فى الافق صدى صيحتى
**************
سندس وعسجد حلتك اما انا الهوى حلتى
ماذا جنيت يا معبدى ماذا جنيت يا قبلتى
ماضر يا محبوبى لو تنظر لحالى بالتى
هى احسن النظرات ثم ترين فيك اهلتى
********************
هلا تركت تصددك هلا حببت مودتى
هلا رضيت نماذج الحب بيننا لافادتى
رفقا بمن يهواك يا من انت صفوة سادتى
رحماك بى ضاق الفضاء رحماك طالت وحدتى
*********************
جيوش اشتاقى هزمتنى ذادت انتى
لو كنت قربى لاسرها اجعل لحاظك اسنتى
يا نورى يا يانارى يا جنتى
اهوى الهلاك فى هواك ليتخذ العوازل سنتى
| |
 
|
|
|
|
|
|
|
|
Re: اغنية عيوني عيونك .. اسباب لوعتي طلب من ناس الطرب (Re: صديق الموج)
|
سلام يا راوية.. والله حالتي تحنن الكافر
عارفه ياراوية زمان لما كنت ساكنة في عطبرة والحوش كبير وسريرك في نص الحوش
والسما ملين نجوم
ويجيك صوت حفلة بالليل ومعاهو هبة نسيم ..زيتك بطلع ( معليش للغة لكن ده كان الحاصل)
اها بعد داك اتحداك لو قدرتي تنومي
اها اختك من الزمن داك شايلاها حالات شجن وانفعالات كده ما عارفاها بتجي من وين.!!!
يا الصديق الصديق
شكرا على كلمات الاغنية مع اني ما حا اقدر اغنيها بصوتي الا في اماكن خاصة
وبكري ابوصلعة ده نحن مابنقدر عليه
التقول قلب انصار سنة في مسألة لنكات الغنا دي
لكم محبتي
| |
|
|
|
|
|
|
|
|
|
Re: اغنية عيوني عيونك .. اسباب لوعتي طلب من ناس الطرب (Re: Manal Mohamed Ali)
|
Quote: ويجيك صوت حفلة بالليل ومعاهو هبة نسيم ..زيتك بطلع ( معليش للغة لكن ده كان الحاصل)
اها بعد داك اتحداك لو قدرتي تنومي |
منال والله ما داير اثير لواعجك ساكت
لكن عندى بصوت ابراهيم خوجلى بالعود وحات الله تقطع نياط
القلب..
وبعدين معليش للغه فى شنو؟؟ انت مهذبه ساكت
لكن بالجد الكلمة الصحيحة ديــ......بطلع..
اللهم انى صائم،،،
| |
|
|
|
|
|
|
|
|
|
Re: اغنية عيوني عيونك .. اسباب لوعتي طلب من ناس الطرب (Re: Ali Sirelkhatim)
|
شكرا ليكم شديد على الغنا السمح ده
ويا الصحافة كتر خيرك شديد
ويا ابوالريش الاغنية دي وقعت لي في جرح برضوا
______
جنابو على سر الختم
انا عندي ام بي 3 مليان 500 اغنية من زمن سرور مرورا بمهلا العبادية والكاشف
وفوفور
وودلوكة تقول ياليل
اها اختك في المترو ما يفضل ليها الا الدارة والشبال وركزة العيال في البطان
لك التحية ولقد تشرفت بمعرفتك
_______
منال
| |
|
|
|
|
|
|
| |
Rawia
صديق الموج
د.محمد حسن
Adil Osman
Alsa7afa_30
ماضي ابو العزائم
Ali Sirelkhatim
محمد أبوالعزائم أبوالريش
حيدر امين
فيس بوك
تويتر
انستقرام
يوتيوب
بنتيريست