|
الآن هرجلة شديدة على قناة هارموني في برنامج ( مواجهة )..
|
برنامج ( مواجهة ) الان على قناة هارموني يناقش الاغاني الهابطة تقدمه مذيعة ( مهرجلة ) وشخص ثاني اكثر هرجلة وثالث يهرجل حيث تقتضي الضرورة. رغم ان مناقشة موضوع الاغاني الهابطة يمكن ان يكون اكثر موضوعية لو تم استبدال مقدمة البرنامج وضيوفها المهرجلين
البرنامج دا طوالي ذكرني حراج السيارات في صناعية الشفا...
|
|
|
|
|
|
|
|
Re: الآن هرجلة شديدة على قناة هارموني في برنامج ( مواجهة ).. (Re: ناذر محمد الخليفة)
|
ياخي الناس بقولو
انت جعفر بشير القريت معاي حنتوب قبل 20 سنة ..
انت جعفر بشير القريت معاي كلية الهندسة الخرطوم قبل 15 سنين ...
لكن ما ممكن واحد يجي يقول ليك ياخي انت جعفر بشير القبل 6 شهور كنا كل يوم بنجي في بيتكم ... والكنت بعرك حق المعرفة باسم ابو امنة الغيرتو ليك خمس سنين ......
وانا اقول ود الباوقة ده متغابي فيني العرفة مالو .... ياهو زاتو بس كان اسمو ابو امنة ... لكن انت فاضي لي من المكاجرات ... --------- كل سنة وانت طيب
| |
|
|
|
|
|
|
Re: الآن هرجلة شديدة على قناة هارموني في برنامج ( مواجهة ).. (Re: مصطفى توفيق)
|
Quote: برنامج ( مواجهة ) الان على قناة هارموني يناقش الاغاني الهابطة تقدمه مذيعة ( مهرجلة ) وشخص ثاني اكثر هرجلة وثالث يهرجل حيث تقتضي الضرورة. رغم ان مناقشة موضوع الاغاني الهابطة يمكن ان يكون اكثر موضوعية لو تم استبدال مقدمة البرنامج وضيوفها المهرجلين |
ود الباوقة.
رمضان كريم.
صدقت في وصفك لهذا البرنامج السخيف. مقدمة البرنامج تمثل بدور سخيف وفي نفس الوقت يرد عليها ضيوفها بطريقة أسخف. لم أستطيع متابعة أي موضوع من المواضيع التي يناقشونها. هذا البرنامج يشبه ذلك البرنامج الفاشل الذي كان يقمده هيثم كابو وبنفس طريقة تقديم هذا البرنامج؟ ولماذا إعادة وتكرير الفشل يا هارموني ؟
لكن بيني وبينك يا ود الباوقة قناة هارموني دي أرحم بكثير من قناة المؤتمر الوطني (السودان)
تصوم وتفطر على خير .
| |
|
|
|
|
|
|
Re: الآن هرجلة شديدة على قناة هارموني في برنامج ( مواجهة ).. (Re: Deng)
|
Quote: البرنامج دا طوالي ذكرني حراج السيارات في صناعية الشفا... |
وكلامك ده طوالي ذكرني في جهاز المغتربين .. يقوم واحد يقول ليك الأخ عامل (خروج وعودة)؟ طبعاً المصطلح ده ما موجود في بلاد الدنيا كلها غير البلد المغترب فيها هو .. وبيفترض إنو الناس حتفهمها زي ما فاهما هو وكفيلو.
| |
|
|
|
|
|
|
Re: الآن هرجلة شديدة على قناة هارموني في برنامج ( مواجهة ).. (Re: عزام حسن فرح)
|
رمضان كريم يا ودالباوقة .. تصوم وتفطر على خير ..
أنا حضرت جزء كبير من البرنامج وهو مواجهة يعني لازم يكون فيها شد وجذب .. وزي ما قال كيكي هو شبيه ببرنامج الإتجاه المعاكس وشاهدنا صراعات كثيرة تدور في هذا البرنامج بين المتحاورين لدرجة الخروج منه ولا أحد إنتقده .. نحن للأسف برامجنا كلها عبارة عن ونسة ومزيعينا لا يتجرأون لفتح ملفات تهم الناس ومعظم الأسئلة تكون معروفة مسبقاً إن لم يكن متفق عليها .. قد يكون هنالك خروج عن المألوف لأننا لم نتعود على ذلك والمواجهة في مجملها مصادمة كل واحد عايز يدافع عن حقه ونحن فعلاً محتاجين لمثل هذه الحوارات والنقاشات عل الضجيج يخرج لنا طحناً .. طبعاً أنا لسه ما جيتك لموضوع الحلقة ذات نفسها لأنه دا موضوع طويل وعايز نقاش بشكل أعمق ..
تحياتي ..
| |
|
|
|
|
|
|
Re: الآن هرجلة شديدة على قناة هارموني في برنامج ( مواجهة ).. (Re: عزام حسن فرح)
|
Quote: ودالباوقة البرامِج الفوقا مغنى على العموم ، والهابِطة أو الخفيفة أو الشبابِية على الخصوص البخليك تصنقِر ليها شنو .. |
يعني يا عزام ( الصنقرة ) حقتكم انتو براكم ..
Quote: ما فضل عِلا حتو تحضر ليك فيلم لكاترينا زيتا جونس |
اها يا اخوي دي الشيء الوحيد الما قاعد احضروا وصدقني في حياتي لم احضر فيلم او مسلسل اجنبي ..
قال كاترينا زيتا جونس .. يا اخووي والله نحن ود الفادني براه يوزن كاترينا وزيتا وجونس ..
انت يا اللخو الظاهر عليك قاعد في بلاد الفرنجة ..
| |
|
|
|
|
|
|
Re: الآن هرجلة شديدة على قناة هارموني في برنامج ( مواجهة ).. (Re: عبدالكريم الامين احمد)
|
Quote: الاخت فاطمة الصادق حاولت في برنامجها ليلة امس محاكاة برنامج الاتجاه المعاكس بتاع فيصل القاسم في الجزيرة.. وداك طبعا برضو جوطة وقومة نفس وكواريك |
فيصل القاسم برضو انسان مهرج .. لكن مع ذلك بتطلع من ضيوفه بالمفيد . اما برنامج واجهة فقد طلعنا منه بون حمص ..
Quote: فاطمة الصادق حاولت استفزاز الضيوف قامو الضيوف زعلوها وغلغلوها هي في روحها خشت الدور بطريقة ظهرت فيها عصبية زائدة من اللزوم.. |
فاطمة بت الصادق استفزتنا نحن قبل ان تستفز الضيوف . وهي والضيوف سيستفزون الاغنية الهابطة وستخرج من مكامنها مزعورة في القريب العاجل ..
حمادة بابو جنب بابنا..
كلو منك يا تش تش ..
شوفو الولد دا.. جنب طرمية شل ....
سمح انت وبسكويت..
دا البامبي عاين لي ..
ود الزمزمي عليك النبي تجي..
الحقني يا بوليس ...
الشغل بالجاز ...
حتما ستعود هذه الاغاني الهابطة ان كانت دي طريقة
معالجتها ..
رحم الله.. احمد المصطفى .. بادي محمد الطيب .. حسن عطية..
عثمان حسين .. سيد خليفة .. ابوداؤود..خوجلي عثمان .. وجميع عمالقة الفن ..
والتحية لوردي . علي ابراهيم اللحو .. ابو عركي .. زيدان .. عبد القادر سالم
مبارك حسن بركات .. ياسر تمتام .. وكثيرون ممن اثروا وجداننا بروائع
الفن والطرب الراقي...
| |
|
|
|
|
|
|
Re: الآن هرجلة شديدة على قناة هارموني في برنامج ( مواجهة ).. (Re: Deng)
|
Quote: ود الباوقة.
رمضان كريم. |
الله اكرم ..اخي دينق ..
Quote: صدقت في وصفك لهذا البرنامج السخيف. مقدمة البرنامج تمثل بدور سخيف وفي نفس الوقت يرد عليها ضيوفها بطريقة أسخف. لم أستطيع متابعة أي موضوع من المواضيع التي يناقشونها. هذا البرنامج يشبه ذلك البرنامج الفاشل الذي كان يقمده هيثم كابو وبنفس طريقة تقديم هذا البرنامج؟ ولماذا إعادة وتكرير الفشل يا هارموني ؟ |
فعلا لم نستطيع الخروج بفائدة وانما ضاع وقتنا حيص بيص ..
Quote: لكن بيني وبينك يا ود الباوقة قناة هارموني دي أرحم بكثير من قناة المؤتمر الوطني (السودان |
سبحان الله يعني لازم ( تخربط )
الفضائية السودانية هي الاصل والقنوات الاخرى هي الفروع . الكلام دا لو قلتو زمان نقول معليش الان نصيبكم حكومة الجنوب اكثر من 28% من حجم البرامج التي تبث.
ويا طيارة طيري ...
| |
|
|
|
|
|
|
Re: الآن هرجلة شديدة على قناة هارموني في برنامج ( مواجهة ).. (Re: مصطفى توفيق)
|
Quote: قناة هارمونى اصلا قناة هرجلة يعنى لا تستحق المشاهدة فما تتعب نفسك |
غير صحيح يا توفيق ..
الهرجلة كانت فقط في برنامج ( مواجهة ) والسبب كانت مقدمة البرنامج وضيوفها الكرام رغم ان الموضوع في غاية الاهمية وكان بالامكان ان نخرج بنتائج حوارية تفيد كل من كان يشاهد البرنامج
لكن حدث العكس ..
اما قناة هارموني فهي قناة رائدة استطاعت خلال فترة وجيزة ان تجعل لها مكانة خاصة وسط مشاهديها ومعجبيها وانا واحد منهم..
| |
|
|
|
|
|
|
Re: الآن هرجلة شديدة على قناة هارموني في برنامج ( مواجهة ).. (Re: ذواليد سليمان مصطفى)
|
Quote: ومن هذا المنطلق لابد ان يكون معادلة فى الحوار
بين الاغاني الهابطة والغير هابطة
وثم يكون الحكم دكتور نفسي
ومن هذا الباب لافرق بين الاغنية الهابطة الغير هابطة
مادام الاغنية بحل مشكلة |
اخي ذواليد ..
موضوع الاغاني الهابطة موجود منذ القدم واغنية
( الله منك يا تش تش ) كانت في ذلك الوقت تمثل قمة الهبوط الفني ) ولكن بجانب هذه الاغاني كانت هناك اغاني ولا اروع لعمالقة من المطربين السودانيين لذا كان تاثير هذه الاغاني الهابطة كان محدودا ومحصورا في قلة من الشباب . اما اليوم فان 70% من سكان السودان هم فنانين وشعراء لذا تجد الحابل قد اختلط بالنابل . فمعالجة هذا الهبوط لا يتم بطريقة هذا البرنامج الذى ارى انه سيعمق الهبوط اكثر وعندئذ ستعود اغنية ( تش تش ) بقوة الى الساحة الفنية .
انا من المتابعين لقناة هارموني باستمرار فهي قناة رائعة وبها الكثير من البرامج المفيدة والمشوقة . اتمنى لها المزيد من التقدم والنجاح ..
وتحية خاصة لربانها الماهر الاستاذ معتصم الجعيلي ولكل العاملين بها.
| |
|
|
|
|
|
|
Re: الآن هرجلة شديدة على قناة هارموني في برنامج ( مواجهة ).. (Re: هاشم محمد الحسن عبدالله)
|
ود الباوقة .... صدقت يا أخوي الموضوع كان هرجلة في هرجلة ... وأنا في رأيي كان يجب إستضافة من له باع في الموضوع ليمثل الرأي الآخر .. وإلا فأين المواجهة ؟؟؟؟ ثانياً لفت نظري ( وسمعي ) أن ( عمك ) ديكور شابكنا ليك ده غنا جيلنا وخالد بيقول ليك نحن بنعبر عن جيلنا ...طمع إنهم ما من الجيل ده ولا حاجة ....! وبعدين الإتنين عاملين ( الفاتح الصباغ )....! يا تمبس أو ناذر تعال ترجم!!!!
| |
|
|
|
|
|
|
|