|
|
 هل تصاب بالاحباط عندما لايوجد تعليق على بوستك
|
قل بامانه انا غايتو ايوه احيانا
ولكن ايضا احس باننى قلت مابنفسى
بس احيانا احس انو و الله رفع البوست قسم
واحاينا يجينى احساس اصحاب اصحاب
و احيانا ياخى و الله الموضوع ما لازم يفوت الصفحه الاولى
بس شوفو العداد دا هنا كيف
[B]الردود ------------- قراءة
5987 --------------- 166462
1234 ---------------- 58335
4658 --------------- 70373
4533 -------------- 78610
2061 --------------- 55751
1216 -------------- 166770
ولكن السؤال لماذا اكتب
|
|
 
|
|
|
|
|
|
|
|
Re: هل تصاب بالاحباط عندما لايوجد تعليق على بوستك (Re: ممدوح أبارو)
|
| Quote: عبدالرازق الطيب يس |
اول حاجة انت اخو سيادتو حسين الطيب يس وسيادتو حسن الطيب يس والا اسم على اسم ؟
تاني حاجة ما تحبط واكبر نجوم المنبر ده مرات بفتحوا بوستات مافي زول بشتغل بيها الشغلة ومرات الزول يفتح ليهو بوست
ضنب ككو ساكت فجأة تلقي البوست بقي ليهو شنة ورنة خليك عااااادي اكتب كل ماتشعر بانك محتاج تكتب ومتنتظر ردود الافعال
| |
|
|
|
|
|
|
|
|
|
Re: هل تصاب بالاحباط عندما لايوجد تعليق على بوستك (Re: omer osman)
|
جنابو عمر
| Quote: اول حاجة انت اخو سيادتو حسين الطيب يس وسيادتو حسن الطيب يس والا اسم على اسم |
حسن الطيب يس اخوى بس ما جنابو (محامى)
لكن جنابو اخوى عثمان الطيب يس
كدى قصرت معاك و احد طلع اخوى وماجنابو و برضو طلع عندى اخو جنابو
هامش
اقراء لك كثيرا و احترم ماتكتب
و احس انك زول حاره
| |
|
|
|
|
|
|
|
|
|
Re: هل تصاب بالاحباط عندما لايوجد تعليق على بوستك (Re: عبدالرازق الطيب يس)
|
تحية طيبه
وسلام لك ولبراكه وحسن
تعرف يكون همك القاري \ه لان الذي ليس له باص وورد هو المقصود
مرات المداخلات المجليه تضيع البوست
اكتب ونصب عينك قضايا للاخر القريب وبعيد
وركز علي من لا يستطع التعبير والافصاح لك عن القراية
لو مر واحد من الرجال او النساء وقرا ما تريده مرات افضل من نقر الاصابع علي بوست لمعرفة الشمار والخبار
تحياتي الطيبه
| |
|
|
|
|
|
|
|
|
|
Re: هل تصاب بالاحباط عندما لايوجد تعليق على بوستك (Re: Sabri Elshareef)
|
| Quote: قول رائك هسع البوست دا محتاج ردود و الله لا |
أبو رزقة
طبعاً البوست بتاعك دة فيهو طرح لي موضوع محتاج لي ردود ومناقشات وآراء
أحياناً ممكن البوست موضوعو إرسال رسالة محددة زي الكاراكاتيرست لما يرسم كاراكاتير ويكتب عليهو (بدون تعليق)
ومرات بيكون في بوست عبارة عن (شتارة) تخلي المؤيد والمخالف لي رأيك ما يقدر يرد، لأنو بيكون
متوقع رد أكتر شتارة من البوست المفتوح زاتو
--------------------------------------------------------------
...... فكان الصمت أبلغ من كلامي
| |
|
|
|
|
|
|
|
|
|
Re: هل تصاب بالاحباط عندما لايوجد تعليق على بوستك (Re: Mubarak Eltayeb)
|
Quote: حسن الطيب يس اخوى بس ما جنابو (محامى)
لكن جنابو اخوى عثمان الطيب يس
كدى قصرت معاك و احد طلع اخوى وماجنابو
و برضو طلع عندى اخو جنابو
|
ذكرتني، عندي خالتي جات من كريمة
جدييييييييدة وحايمة مع بتها في الخرطوم،
وعاملة فيها تفتيحة وتشيل وتقرأ في أسماء المحلات،
اها لاحظت عبارة (...... سنتر) في كتير منها
قالت لبتها: والله سنتر ده شغلو ماشي مشي،
محل ما أمشي ألقاله فرع..
(وين طارق جبريل يجي يحكيها باللكنة الشايقية اللذيذة)
اهاااااااااااا
الشاهد هنا، دايره أقول
أنه عمنا (الطيب يس) والله ما شاء الله،
مالي البلد نجباء..
وتصوم إنت (ويفطر ولدك)،
على ألف خير..
| |
|
|
|
|
|
|
|
|
|
Re: هل تصاب بالاحباط عندما لايوجد تعليق على بوستك (Re: Mubarak Eltayeb)
|
ود الطيب
| Quote: ...... فكان الصمت أبلغ من كلامي |
والله انا براى مرات بقول كدى
و الله اقولك انا ذاته فى ناس فى البورد دا ما بردعليهم و ما فارق معاهم و الله معاى
بس فى ناس يغلبنى ارد عليهم
يعنى زى عبد الغنى و د كرم الله دا هو الواحد تانى يكتب وراهو شنو
و الله يعلق عليهو بي اشنو
بس الواحد يقرأ و يستمتع وبس
| |
|
|
|
|
|
|
|
|
|
Re: هل تصاب بالاحباط عندما لايوجد تعليق على بوستك (Re: عبدالرازق الطيب يس)
|
الضفادع تسير في مجموعة وتتونس قاغ قاغ قوغ غيق دربشكن اتنين وقعن في حفرة غريقة تلب تلب ما في طريقة تلب لي فوق تلب لي فوق مافي طريقة نطط نطط لي فوق مافي طريقة بقية الضفادع يتفرجو ويضحكو قرقر قر قر غييق غيق غيق موتن موتكن مافي طريقة ولا تتعبن في الفاضي ساي الحفرة دي غريقة ومافي طريقة ويييييي موتن يا شالقات يامسنوحات واحدة من الضفادع اصابها اليأس نطت نطتين تلاتة ووقعت ماتت اما التانية فهي تحاول وتحاول وتنط وتنط حتى خرجت ثم دار هذا الحوار بينها والضفادع :
الضفادع : كيف طلعت رغم اننا قلنا لك من المستحيل الخروج من هذه الحفرة .
الضفدعة : من حسن حظي انا اضاني تقيلة وكنت فاكراكم بتشجعوا فينا لنخرج من الحفرة وعشان كدا كنت مصرة على الخروج بفضل تشجيعكم الساخن فوق فوق سودانا فوق لفوق
اها البس المركوب البريح كراعك وما تسمع كلام ناس قدرك قدرك ( اصحاب سيد الدكان )
| |
|
|
|
|
|
|
|
|
|
Re: هل تصاب بالاحباط عندما لايوجد تعليق على بوستك (Re: عبدالله ود البوش)
|
سلامات ورمضان كريم
عليك بالعداد وولا تنظر الى الردود لانها فوق راي
يعني زول انت داعس ليه على طرف شلتو كلها ما بتخش
بعداك ممكن جدا يراسلوك سرا..والله بوستك في السك
يعني تعليق ابو غمتي..
احسن حاجة بس تعاين للعداد تنزل بوست اليوم بكرة يعمل 500
كدا انت زول مقروء وهذا هو المطلوب..
مرة كتبت الكلام دا
من فترة لاحظت شئ فى هذا البورد..
تخص الصداقات والعلاقات الانسانية..
وتكشفت لى حقائق جديدة..
حول العلاقات الانسانية...
كل يوم تتم اضافتى من قبل اخوات واخوان فى البورد..
على استعداد للجلوس والتحدث معى لزمن طويل.. ولكن هؤلاء الاصدقاء
والصديقات.. لا اراهم ابدا فى بوستاتى...ولا يريدون ان يعرف احد
اننى اعرفهم او هناك علاقة بيننا...
فقمت بعمل نقد ذاتى( اموت فى النقد الذاتى)
لماذا يتجبنبى هؤلاء الاصدقاء/ات امام الناس...
!!ولكن على استعداد ان يصادقوننى سرا..
بعد ان تكررت الظاهرة وتحولت الى حقيقة قائمة..
عرفت ان مسألة الكيمان هذه سلوك عميق فى العقلية البوردية
فهذا الصديق/ ة الخفى.. يريد مسك العصا من النصف
يريد ان يكون صديقى ويخشى ان يفقد كومه...
ولذلك يفضل ان تكون العلاقة سرية..
بما اننى الضلامية رقم واحد
فلا احد يريد ان يربط اسمه بى.. خاصة المستنيرين
ولكن هؤلاء المستنيرين يريدون.. ايضا ان يكونوا
اصدقائى..لماذا لا ادرى؟
فتكونت لى طبقة من الاصدقاء/ات الخفين..و المعجبين الخفين..
فتلبسنى شعور العشيقة..(تشبيه مجازى)
يريدون ان يكونوا اصدقائى وصديقاتى... ولكن ان يكون هذا سرهم الباتع
فلكل اصدقائى وصديقاتى الذين صادقوننى علنا( لا يتعدوا اصابع اليد الواحدة).. ودفعوا الثمن بالحصار
وبالتعقب وبالابتزاز.. والاهانات.. انا احبكم واقدركم واحملكم فى حدق العين ..
اما البقية اثرت السلامة خاصة فى مسائل مبدئية .. رفضوا ان يدلوا بارائهم رغم
انهم يقولون لى انهم يتعاطفون معى ويرون ان هناك ظلم فادح واقع على
ولكن يرفضون الجهر بارائهم هذه حين يجد الجد.. هذا منبر عام يجب ان نؤمن بما نكتبه والا.. الطوفان.. ستكبلنا القيود الاجتماعية و النفسية
والمجاملات فلا نسطيع ان نحق حق
او نوضح ما نراه
اذا لم تكن الحكومة يكون الكوم..
وللاصدقاء/ت الخفين.. لا تلزموننى
كنت قد اخبرت احد الاصدقاء بهذا
وقال اننى يجب ان اتعلم ان اجد العذر للاخرين
ربما هذا الجبن هو طبيعة.. وأن الله لا يكلف نفسا الا وسعها
ولكن من الامس يتملكنى هذا الشعور البغيض
شعور العشيقة.. التى يفعل من تحب المستحيل
حتى لا يعرفها شخص آخر
حماية له قبل ان تكون لها..
ولكن ارى ان هناك مواقف مبدئية
انا لا اريد ان يقف معى احد بالباطل
ولكن ....
يستحيل يا اعزائى ان يكون لديكم مواقف متناقضة فى قضية واحدة
واحد فى الماسنجر وواحد فى البورد
ولا كيف؟
كتابة الجندر دى صعبة..
الاصدقاء/يقات الخفين.. وشعور العشيقة....
عرج على البوست دا
كومى... وكومو.... وكومك
| |
|
|
|
|
|
|
|
|
|
Re: هل تصاب بالاحباط عندما لايوجد تعليق على بوستك (Re: MOHAMMED ELSHEIKH)
|
الغريبة البوست المحبط ده جاب ليك كمية من الردود .... اكتب اللى انتى حاسى بيهو ياعبد الرازق واعرف انو فى كمية من الناس قاعدة تقراهو حتى لو من وراء ستار ... طبعا اخوك زول جديد هنا ولسة قاعد يستكشف فى البلد دى ... لكن موضوعك ده عبر عن ناس كتار وبوستات اكتر .... ورمضان كريم وتصوم وتفطر على خير
| |
|
|
|
|
|
|
|
|
|
Re: هل تصاب بالاحباط عندما لايوجد تعليق على بوستك (Re: عبدالرازق الطيب يس)
|
حبيبنا ابو احمد
رمضان كريم وتصوم وتفطر على خير
شخصيا لا اصاب باي نوع من الاحباط عندما لا يوجد اي تعليق ولكن يمكن وجود بعض الاحباط اذا كانت بعض الردود مشاترة عن الموضوع .
ياخي انت غيرت اسمك وماضبحت للاسم الجديد عشان كده الناس مابتعرفك
بعدين اسمك مصادف لي اسم واحد اسمو عبد الرازق الطالب بس داك بالانجليزي وشايف واحد فوق رادي ليك على اساس انك عبد الرازق الطالب ولقبه ابو رزقه كااااااااااااااااااك
على العموم تظل موجودا دائما في دواخلنا حتى لو طنشنا ليك بوستاتك
ارقد وبطنك مليانة موية لانو اليومين ديل رطوبتنا تلحم
زاتوووو
| |
|
|
|
|
|
|
|
|
|
Re: هل تصاب بالاحباط عندما لايوجد تعليق على بوستك (Re: ALZOLZATOO)
|
زاتو رمضان كريم
| Quote: ياخي انت غيرت اسمك وماضبحت للاسم الجديد عشان كده الناس مابتعرفك |
ياخى ضبحنا و عزمناك بس انت
Quote: بعدين اسمك مصادف لي اسم واحد اسمو عبد الرازق الطالب بس داك بالانجليزي وشايف واحد فوق رادي ليك على اساس انك عبد الرازق الطالب ولقبه ابو رزقه كااااااااااااااااااك
|
شفت الاسم دا و طنشت
راجع بوستاتك ياخى شوف داقى طناش كيف
لك ودى
| |
|
|
|
|
|
|
|
|
|
Re: هل تصاب بالاحباط عندما لايوجد تعليق على بوستك (Re: Abdlaziz Eisa)
|
و الله ياعبد العزيز انا مرات زاتو بقول كدا يعنى الحكايه ماردود
و اضرب مثل بالكتابه فى الجرائد برغم من عدم وجود ردود على ما يكتبون تكون كتاباتهم لها اثر و اضح و بين كما انها صنعت منهم نجوم و مفكرين و خبراءو لك فى الاستاذ هيكل نموذجا
و لكن عزيزى نحن الان فى زمن التفاعل حتى النسخ الالكترونيه من هذه الجرائد بها امكانية التعليق
و مهما كانت نوع كتاباتك او اهميتها ان لم تجد من يتفاعل معها فانه هنالك خلل ما
و هذا الخلل قد يكون فى من تخاطب
او وسيلة المخاطبه
او طريقة الكتابه نفسها
و لكن فى حال كما هو المنبر قد يظهر شئ جديد العلاقات الثنائيه ان كانت عقائديه او فكريه او حتى اجتماعيه تمثل دور ما لتبنى خط ما لتوصيل رسالة ما و هذا بدوره قد يؤثر على كثير من هم خارج هذا النطاق
| |
|
|
|
|
|
|
|
|
|
Re: هل تصاب بالاحباط عندما لايوجد تعليق على بوستك (Re: عبدالرازق الطيب يس)
|
شوف يا حبيب
في المنبر دة احسن حاجة تجي شايت ضفاري
اهم شي تكتب شي انت حاسيبو
لا تحوقص كتير شي
الشي الفي نفيستك رشو هني وخلو براهو بيمشي
وكتين الشي يكون مارق من الفشافيش بيكون سمح
واقعد كوجن ساااكت في بوستيك
الجاك حبابو
والما جاك برضو حبابو
Quote: (وين طارق جبريل يجي يحكيها باللكنة الشايقية اللذيذة)
|
بت فاروق كيفنك ورمضان كريم
| |
|
|
|
|
|
|
|
|
|
Re: هل تصاب بالاحباط عندما لايوجد تعليق على بوستك (Re: طارق جبريل)
|
Quote: عـــــــادي جـــــــــــداً
مرات بيكون البوست ما محتاج لي ردود |
كلامك صاح
في بعض الناس تجدها مُقلة جداً في عدد البوستات لضيق زمنها
وتتخذ استراتيجية البوست المقفول عند كتابة البوستات
والبوست المقفول هو الذي لا يشجع على الرد
وعكسو البوست المبهول وهو الذي يستجدي الردود
كما يوجد البوست المرزول وهو الذي يستفذ الإجابات
مثل بوستات الإستهزاء بالآخرين والتقليل من شأنهم والبوستات الشخصية، ونماذجها كثيرة في هذا المنبر وشخصياتها معروفة وتكاد تكون على رأسها "علم".
الغريب أن هناك شخصيات كلبية على شاكلة "الكلب بريد خناقو" تعجبها هذه البوستات وتفك خرمتها. وهي شخصيات نتاج عقلية القهر.
ورمضان كريم من أجل التسامح والتصالح مع الذات أولاً قبل الآخرين.
| |
|
|
|
|
|
|
|
|
|
Re: هل تصاب بالاحباط عندما لايوجد تعليق على بوستك (Re: Elawad Eltayeb)
|
ود الطيب رمضان كريم
Quote: وتتخذ استراتيجية البوست المقفول عند كتابة البوستات
والبوست المقفول هو الذي لا يشجع على الرد
وعكسو البوست المبهول وهو الذي يستجدي الردود
كما يوجد البوست المرزول وهو الذي يستفذ الإجابات |
اخطر تصنيف
بس منو البحدد ياتو مع ياتو
Quote: الغريب أن هناك شخصيات كلبية على شاكلة "الكلب بريد خناقو" تعجبها هذه البوستات وتفك خرمتها. وهي شخصيات نتاج عقلية القهر.
ورمضان كريم من أجل التسامح والتصالح مع الذات أولاً قبل الآخرين.
|
| |
|
|
|
|
|
|
|
|
|
Re: هل تصاب بالاحباط عندما لايوجد تعليق على بوستك (Re: طارق جبريل)
|
الأخ عبد الرازق و زواره والقراء الكرام
رمضان كريم
ظاهرة الشللية فى التداخل أو المقاطعة واضحه فى هذا البورد . هنالك أيضاً المجاملات دا ما بخش بوستاتى ما بدخل بوستاته. فى ناس همها كترة النقرات بجذب القراء بعناوين جذابة و مغرية و حسية أحياناً.
أعضاء البورد فى رأيى تختلف رؤويتهم و هدفهم من البورد:
فالبعض غرضه طرح أراء أو قضايا أو أعمال أدبية يتخذ البورد وسيلة نشر مثله مثل أى صحيفة، فإن كان هنالك مشاركات أو آراء متفقة أو مخالفة فهو زيادة خير ..
هنالك من بفتح موضوعات من أجل الحوار والنقاش، التجاوب معه تحكمه عوامل كثيرة، تطرق لها المتداخلون
هنالك من يهتم يالتوثيق ، ولا تعنيه المداخلات الكثيرة ولكن أكيد المداخلات القليه تكون مؤشر طيب له، و إرتفاع عدد نقرات القراء
هناك من يهتم بالمعلومة الخبرية والسبق الصحفى ..
البعض يقرأوا كثيراً و يكتبوا قليلاً و قد تكون لهم عده أسباب، ولكنهم يتفقون فى إهتمامهم بالإحتفاظ بحقهم بالإدلاء برأيهم إن دعت الضرورة
البعض غرضهم تواصل إسفيرى إجتماعى وتقضية وقت .. و تجدهم شلليات
و الشلليات أيضاً تمتد لمقاطعه أو إستعداء و أحياناً قتل الشخصية لمن يخالفك الرأى أو اللون السياسى و أحياناً فى مجالات أخرى.
تزايد أعداد العضوية و الزخم الضخم فى عدد البوستات، يجعل من الصعب قراءة كل البوستات دعك من التداخل بالتعليق أو الراى فى بعضها.
* وهنالك من لديهم الوقت للمشاركة اليومية و المجاملة، و هنالك من لا وقت لهم
أنا شخصياً أقرأ كثيراً و أعلق قليلاً ، و لا اتواجد بصورة منتظمة .. و فى رأيى أنه هنالك فرض كفاية إذا قام به البعض يكفينى عن التداخل فى بعض البوستات ، و أخرى أرى أنه فرض عين على ان أعلق.وأحياناً روعة الموضوع تدفعنى للتعليق. و أحياناً تهمنى موضوعات (قليلة) أرغب فى المشاركة فيها، و أنوى العودة إليها ولكن لا يسمح زمنى بالعودة. و فى كل هذا لا أتعامل بأن يكون غرضى المجاملة أو شللية أو عقليه دا دخل بوستى أدخل بوسته، ودا ما دخل بوستى ما بدخل بوسته. طبعاً قراءة ما يكتبه الآخرون تجعلنى أقيم ما يكتبون و تلعب دوراً فى ما أختار قراءته.
خلاصة الكلام ليس هنالك مقياساً لجوده البوست، و كما عبر المتداخلون بتعابير مختلفة المهم الإقتناع بما تطرح .. بغض النظر عن كيفية تفعيله بالعنوان الجذاب و رعايته للتواجد بالصفحه الأولى، و تداخل الزملاء و نقرات القراء.
كنت أتمنى تحديد حد أقصى للموضوعات التى يفتحها العضو الواحد سواء يومياً، أسبوعياً أو شهرياً. ذلك يحد من غمر البورد بالموضوعات ويتيج قراءة معظم ما يكتب، و تفعيل الموضوعات بالآراء. ..
مع تقديرى
| |
|
|
|
|
|
|
|
|
 Re: هل تصاب بالاحباط عندما لايوجد تعليق على بوستك (Re: PLAYER)
|
قــلــة زبايــن بعــض البوســتات دليــل على جديتهــا ...
البوســـت رســالــة إعلاميـــة مستهدفـــة اخرين ( بورداب / غيرهم ) ...
موضوع البوســـت يحدد الى درجة مـــا ( التعليق / المشاهدة ) بوستات خبرية / دراسات ...
انـــا اعتبــر الــرد على المتداخل حـــق مستحــق لكل متداخــل ( ولــو كان الــرد نقطة)
البوســـت يحدد روادهــ ( اذا لــم يحضرو قطعا سينتابك الاحساس بالضيق )
| |
|
|
|
|
|
|
|
|
|
Re: هل تصاب بالاحباط عندما لايوجد تعليق على بوستك (Re: بدر الدين اسحاق احمد)
|
عبدالرزاق - كيف حالك يا اخوي
كل سنة وانت طيب
وتصوم وتفطر على خير
تعرف والله موضوعك ده سمح سماحه ..
أها نحكي ليك مقصتي .. طبعاً انا جديده لنج ذي ما بقولوا ..
لكن عندي احساس باني قديمة لاني بعرف كل ناس المنبر اسفيرياً..
ومتابعة بوستاتهم .. عشان كده لما دخلته عندي احساس انه الناس دي كلها بتعرفني ..
اها .. قمت فتحت لي بوست وقلت مع خالص التقدير والاحترام لكم جميعاً...
وفرحانة وقايله الناس بتدخل تقول لي مرحب بيك ...وخاصة الناس البحب بوستاتهم وردودهم ..
وحاتك أنت يا الغالي دخلوا لي بالعدد...
لكن والله أقراء ليهم واستمتع بردودهم ذي الما حاصل شيء .. وانت ذي ما قال ليك ود جبريل
أسكت كب العندك هنا .. والزارك والما زارك برضو زوروا ...
وقالوا الما دارك ما لامك ...
اها من يوم الليل بدخل ليك اي بوست قصرته .. هاهاها
تصوم تفطر على خير أنت وزوارك في البوست ..
بت الصادق
| |
|
|
|
|
|
|
|
|
|
Re: هل تصاب بالاحباط عندما لايوجد تعليق على بوستك (Re: عفاف الصادق بابكر)
|
Quote: لكن والله أقراء ليهم واستمتع بردودهم ذي الما حاصل شيء .. وانت ذي ما قال ليك ود جبريل
أسكت كب العندك هنا .. والزارك والما زارك برضو زوروا ...
وقالوا الما دارك ما لامك ...
|
و الله انت طيبه يابت الصادق
وعشان طيبتك دى انا حا اسجل ليكم زياره فى | Quote: مع خالص التقدير والاحترام لكم جميع |
| |
|
|
|
|
|
|
|
|
|
Re: هل تصاب بالاحباط عندما لايوجد تعليق على بوستك (Re: PLAYER)
|
Quote:
كثرة القراة أفضل في راي من كثرة الردود لان أحيانآ بعض الردود بتهبط أكثر من تشجعك وتكرهك اليوم الخلاك تكتب الموضوع +أحيانآ في ردود بتغير موضوع ومقصد البوست الي اتجاه سلبي...كما ان بعض الردود ليس له طعم ولا رائحة ولا لون....لكن.....سيظل للردود أهميتها في معرفة أراء الأخرين علي طرحك.........................................
حكمة اليوم
أختيارك للمواضيع هو الذي يحدد كثرة القراء والمشاركين او عدمهم
أدخل هناالبخرة المفيدة للناس الجديدة...في البورد للكتابةولن تندم أبدآ |
شكرا بلير للبخره بس نحن غيرنا الاسم بعد ما هكرونا
| |
|
|
|
|
|
|
|
|
|
Re: هل تصاب بالاحباط عندما لايوجد تعليق على بوستك (Re: نادر الفضلى)
|
ود الفضلى شكرا لمرورك و المفيد الذى اتيت به
بس فى ناس تقول قاعده فى المنبر يكتبو و يردو
| Quote: أنا شخصياً أقرأ كثيراً و أعلق قليلاً ، و لا اتواجد بصورة منتظمة |
ولكن فى ناس تكتب و انت نفسك عاوز ترد عليها بس لو اى رد جا يفسد الموضوع
و يبعد الكاتب عن الهدف
انا احيانا بفكر انو تكون فى خاصية انو الواحد يسمح بالرد فى بوسته او يقفله و يكون اتجاه و احد بس
| |
|
|
|
|
|
|
|
|
|
Re: هل تصاب بالاحباط عندما لايوجد تعليق على بوستك (Re: MOHAMMED ELSHEIKH)
|
Quote:
سلام
نجاح البوست ليس في كمية الردود.. لكن الفائدة الكبيرة في المطالعة وخاصة للناس البعيدين عن المنبر أي الغير اعضاء..
أحيانا الردود تكون بتاعة الكيمان والشلليات.. وتكسير تلج..
تحياتي
عبدالعزيز
|
اخـــــــوي عبد الرازق الطيب
داير النصيحة ولا الجنبها؟
أمسك في كــــــلام أخــــــونا عبد العزيز ده
وكن مستعداً لتكسير تلج القطب المتجمد الشمالي أو الجنوبي.
ما تحبط أكتب ما تريد فغير الاعضاء يقرأون
كن بالف خير
| |
|
|
|
|
|
|
|
|
|
Re: هل تصاب بالاحباط عندما لايوجد تعليق على بوستك (Re: عبدالرازق الطيب يس)
|
اخونا عبد الرزاق الاهم كمية الناس الذين يمرون على البوست
وتاكد ان هناك مئات ودهم لو يتداخلون لكنهم مثلا لايملكون العضويه
عارف البصيب الزول بالاحباط شنو ؟زول يفتح بوست ويرد على كل المداخلات
الا مداخلتك و حصلت لى وفقعت مرارتى عديل لكن قلت احتمال نسى البوست
ومارجع ليه تانى المهم خلينا نقول الفى ضميرنا
مودتى
| |
|
|
|
|
|
|
|
|
|
Re: هل تصاب بالاحباط عندما لايوجد تعليق على بوستك (Re: مدثر قرجاج)
|
سلام عبد الرازق ..
عن نفسي شخصيا فقد كتبت في عدة بوستات ادعو فيها الاعضاء بأن ينتبهوا لعددية الزوار عند قياس مدى نجاح البوست وليس عددية التعليقات .. بحكم أن أكثر المتابعين لهذا البورد من الزوار الذين لا يمتلكون كلمات مرور لهذا المنبر ولكنهم قراء جيدون له ..
ودائما ما أضرب المثل بإحدى بوستاتي القديمة والذي لا يحتوي سوى مداخلة واحدة إبتدرت بها البوست ثم تعليق من أحد الأعضاء ورد من جانبي وإنتهى البوست على ذلك المنوال ولكني اعتبره من انجح البوستات لأنه نال أكثر من 1500 قارئ وزائر ربما لا يمتلك أكثريتهم كلمة مرور للتعليق ولكنهم على أي حال قراوا فكرتي وأستطعت إيصالها لهم ..!!
| |
|
|
|
|
|
|
|
|
|
Re: هل تصاب بالاحباط عندما لايوجد تعليق على بوستك (Re: Elawad Eltayeb)
|
شكرا اخى ود الطيب
Quote: Quote:
Quote: لماذا نكتب؟؟؟
لماذا لا نكتب
عبد المنعم سليمان
شكراً لإثراء الحوار، فبمشاركة الأفكار تتضح الرؤى العميقة
إذا عرفنا لماذا نكتب سيتضح لنا الوقت الملائم لرفع الأقلام وإعادة التأمل لكي تكون أفكارنا أكثر إستيعابا ولا تكرر نفسها
وسيكون كل سطر جديد ميلاد جديد وأمل جديد ورؤيا أكثر تعمقاً وفاعلية وأكثر مبعثة للرفاهية والرضا.
وإذا عرفنا أن إرادة التغيير يجب أن تكون من الداخل ـ الأنا والآخر ـ فستتقلص مساحات العنف.. عنف الحرف واللفظ والجسد. لأن العنف يبدأ بتصور للأنا والآخر وتزداد مساحته كلما زاد الجهل. الجهل بالأنا والجهل بالآخر. ويمكن أن نقتصر الجهل هنا في إطار الثقافة. لنستطيع أن أن نحول "مشاكل" التفرقة والتمييز والأحكام المسبقة إلى "تحديات" ندرك من خلالها أن تميزنا هو في التباين وإحترام الآخر. وأننا حديقة تنتظر أن نزيل عنها الأشواك |
| |
|
|
|
|
|
|
|
|
|
Re: هل تصاب بالاحباط عندما لايوجد تعليق على بوستك (Re: عبدالرازق الطيب يس)
|
الأخ عبدالرزاق ، أنا شخصيا أكتب لأشارك الآخرين فى افكارهم وأشركهم فى خواطرى وأتعلم منهم وأنقل تجربتى الانسانية لهم لأتنور بآرائم وأفكارهم، تسعدنى الردود على بوستاتى سلبا أو ايجابا وأتجاوب معهم، وأحزن حينما لا أجد تجاوبا على ما أكتب لأن الهدف هو المشاركة والمداخلة للنفع العام،والاستفادة الشخصية وتبادل التجارب، ودمتم.
| |
|
|
|
|
|
|
|
|
|
Re: هل تصاب بالاحباط عندما لايوجد تعليق على بوستك (Re: عبدالرازق الطيب يس)
|
عن نفسى ياعبدالرزاق
لاتهمنى المداخلة بقدر ما تهمنى القراءة
وما ضرورى يكون فى رد المهم انا بكتب احساسى وبطلع الجواى
يعنى مثلا بمجرد ما انزل بوست فى الخمسة دقائق الاولى بلاقى القراءة
عدت المائة وده بدينى ثقة كبيرة
وكمان انا بلاقى سعادتى فى الكتابة
وكمان ياعبدالرزاق فى ناس بجاملو بعض وديل ناس الشللية
وماعايزه اتكلم عنهم لانو حيطول الكلام..
| |
|
|
|
|
|
|
| |
عبدالرازق الطيب يس
أميرة فاروق عبد العال
ممدوح أبارو
omer osman
Mubarak Eltayeb
عبدالله ود البوش
MOHAMMED ELSHEIKH
خالد احمد محمد
ALZOLZATOO
Abdlaziz Eisa
طارق جبريل
PLAYER
بدر الدين اسحاق احمد
عفاف الصادق بابكر
الامين موسى البشاري
هاشم محمد الحسن عبدالله
مدثر قرجاج
الرفاعي عبدالعاطي حجر
ناذر محمد الخليفة
الرشيد ابراهيم احمد
فيس بوك
تويتر
انستقرام
يوتيوب
بنتيريست