|
نعى اليم ...... سودانيز اون لاين دوت كم تحتسب الزميل فتحي البحيري فى رحمه الله
وداعاً فتحي البحيري
|
|
 Re: مهزلة ( المريخ ) اليوم (Re: فيصل نوبي)
|
امير دامر اعتدي على حكم المباراة
ودخل أبو جريشة واعتدي على حكم المباراة (لخشمو) عديل كدا ..
ودخل تاني واحد كدا شعر راسو ابيض واظنه من اعضاء الجهاز الفني للمريخ
ووقف للحكم بطريقة استفزازية جدا ..
أنه سوء سلوك يستحق الاقصاء من المريخ ..
جرد سيف الحسم والحزم يا جمال الوالي ..
لكن يا نوبي انت ما بتبالغ ياخQuote: إعتدي مرة أخري لفظياً
|
غايتو الا تكون موصل ليك سماعة مع امير دامر دا .
| |
 
|
|
|
|
|
|
|
|
Re: مهزلة ( المريخ ) اليوم (Re: طلحة عبدالله)
|
بأمانة كدا المريخ صار اشبه بالاسد العجّز
وين هيبة المريخ الزمان
من متين الحكم يحسب بلنتي مضروب على المريخ و ينذر و يطرد كمان
ضلّنا حالتو تحنن
و كالعادة بعد طرد دامر أخد الباشا خانتو
هدي و رضي احمد الباشا دا اريتو ولدي محل ما يطردوا واحد يمسك محلو
__________________________________________________
نوبي عدّلت شنو ؟
| |
|
|
|
|
|
|
|
|
|
Re: مهزلة ( المريخ ) اليوم (Re: طلحة عبدالله)
|
اعجبني خالد المصطفي وتعليقه بين الشوطين وفعلا الكبير كبير
هدف كلتشي يا نوبي اعتقد انه صحيح ، لكن تأخرت عندما اصطدمت بلاعب الموردة
لهذا ظهر كلتشي كأنه سابق للكورة ، لكن ارجع ولاحظ موقع كلتشي عندمالعب الكورة
الواضنح جدا ان المريخ يعاني من ازمة ثقة ، لان الاحتجاج علي بلنتي -قد يعادل - الكورة
وفي الربع الاول من المباراة غير منطقي ....
هناك بلنتي للموردة في بداية المباراة لم يحتسب ( لا اجزم )
ما يحدث من اللاعبين في هذا المباراة يجعل طرد اللاعبين في المباريات الافريقية سهلا
المريخ سنتصر ، لكن الموردة لو فازت ح تكون النتيجة 3 اهداف (لان ماذدا هو المدرب)
كيف لاداري ان يدخل الميدان ، ويتكلم مع الحكم بهذه الطريقة .....
| |
|
|
|
|
|
|
|
|
 Re: مهزلة ( المريخ ) اليوم (Re: محمد الطيب يوسف)
|
نتمنى ان يحافظ جمال الوالى على اخلاق و موروثات المريخ
والتاريخ لا يرحم... فالذى فعله دامر و ابوجريشه وآخر من الجهاز الفنى وصمة
عار جديده فى جبين المريخ .... وكنا ذكرنا هنا من قبل ابان احداث قلق المؤسفه
فى بوست آخر ان يكون لجمال الوالى دور رئيسى لحسم هذه الاشياء الدخيله على الوسط الرياضى
ولكنه ذهب يتحدث عن العقوبات التربويه و عدم تدمير اللاعب و الذى منه ... وسؤالنا للعزيز
جمال الوالى هل هو يعرف الفرق بين هذا وذاك ؟
| |
|
|
|
|
|
|
|
|
|
Re: مهزلة ( المريخ ) اليوم (Re: طارق الكوتش)
|
Quote: نتمنى ان يحافظ جمال الوالى على اخلاق و موروثات المريخ
والتاريخ لا يرحم... فالذى فعله دامر و ابوجريشه وآخر من الجهاز الفنى وصمة
عار جديده فى جبين المريخ |
انتو العار خليتو ليهو شنو ؟
1. في جنوب أفريقيا (مباراة أورلاندو) قذف هيثم بالشعار وداس عليه عند استبداله
2. طرد علاء جبريل في الكاميرون وأعتدي علي الحكم .. أفريقيا كلها شافتو
3. مباراة المريخ أقصد طمبل والهلال الموسم الماضي في الدورة الأولي ركل (البرنس) قارورة المياه في وجه ريكاردو عند استبداله
أتمني أن يحافظ صلاح ادريس علي اخلاق وموروثات الهلال والتاريخ لا يرحم . (كلنا بنعرف نقول كلام ذي ده)
--------------
ياخ البوست ده كلو افتراء وتلفيق ، لا في ضربة جزاء أساسا" ولا دامر ضرب المدرب ولا شتم المدرب ...
| |
|
|
|
|
|
|
|
|
 Re: مهزلة ( المريخ ) اليوم (Re: محمد البشرى الخضر)
|
Quote: و كالعادة بعد طرد دامر أخد الباشا خانتو
هدي و رضي احمد الباشا دا اريتو ولدي محل ما يطردوا واحد يمسك محلو |
و جمهور أطفال الحجارة ده يسوو ليهم شنو ؟
غايتو حيطة استاد الخرطوم الليلة بتكون نقصت (مدماكين)
_
ود البشري القون الاول ده صحيح ولا تسلل ؟
| |
|
|
|
|
|
|
|
|
|
Re: مهزلة ( المريخ ) اليوم (Re: فيصل نوبي)
|
Quote: _
ود البشري القون الاول ده صحيح ولا تسلل ؟ |
ود البشرى ممكن اجاوب لى نوبى !ممكن؟
جيب
الكورة لا صحيح لا تسلل
ما تسلل لان كلتشى جاى جارى قدام المدافع، بس الكورة بعد غيرت اتجاها بسبب المدافع لمست فى يد كلتشى
ولاحظ لى كلتشى مجرد ما الكورة هبشت فى يدو رفع يدو بى طريقة سريعة كده وبعد جاب القون كان عارفو انو هاند بول عشان كده قام جارى خجلان
| |
|
|
|
|
|
|
|
|
|
Re: مهزلة ( المريخ ) اليوم (Re: طلحة عبدالله)
|
Quote: امير دامر اعتدي على حكم المباراة
ودخل أبو جريشة واعتدي على حكم المباراة (لخشمو) عديل كدا ..
ودخل تاني واحد كدا شعر راسو ابيض واظنه من اعضاء الجهاز الفني للمريخ
ووقف للحكم بطريقة استفزازية جدا ..
أنه سوء سلوك يستحق الاقصاء من المريخ ..
جرد سيف الحسم والحزم يا جمال الوالي .. |
أيوه كده يا طلوح سجل إعترافاتكـ و خليكـ بعيد من مزمل و كذبه
_
أمير دامر ده ركبنا ليهو بلوتووز عشان نسمع ياخ 
| |
|
|
|
|
|
|
|
|
|
Re: مهزلة ( المريخ ) اليوم (Re: هيثم درار)
|
القون الاول صحيح زي ما وضح رقم صفر
لكن لزوم الغلاط وكدا ممكن نقول فيه ريحة
طلحة تنظير بملاك جرجير بس التنظير انت مدي زول معاك فرقة فيه
_______________________________________
يا عمك عدلت شنو؟ ( ما هنا .. هناك )
| |
|
|
|
|
|
|
|
|
|
Re: مهزلة ( المريخ ) اليوم (Re: هيثم درار)
|
طبعا يا هيثم درار اخوي اظنك متفق معاي في تصوري انه أحيانا بعض المفردات
تحتاج لتفصيل وتشريح مع الشرح الممل ..
يعني مثلا أمسك مفردة عقده اعلاه ..
هل تقصد :
عقدة بحرية
أم
عقدة حبل سعف
أم
عقدة خيط شبك صيد
أم
عقدة والسلام .
مع كل احتراماتي وتقديري
أخوك البطيخابي اللحمر علي السكين طلحة عبدالله
| |
|
|
|
|
|
|
|
|
|
Re: مهزلة ( المريخ ) اليوم (Re: فيصل نوبي)
|
اها السؤال الآن
المباراة دي ملتفزة و شافها العالم و العالمين ( يا قول حبوبة)
و الاتحاد الافريقي بيكون شاااااااايف و قاعد يسجل
و الاتحاد السوداني ( برضو شاااايف و قاعد يسجل )
و الصحافة برضو شاااااااايفة و قاعدة تسجل ؟
يا ربي الناس ديل ح يخلوهم كده سااااااااكت ؟
_
يا رقم صفر
سؤالكـ الفوق ده مفروض يجاوبو الاتحاد في الايام القلائل القادمة ..
| |
|
|
|
|
|
|
|
|
|
Re: مهزلة ( المريخ ) اليوم (Re: طلحة عبدالله)
|
يا طلوح
يعني دايرني أقول ليكـ أو كريشة ؟| Quote: يقول ليهو البوست دا اتبرع بيهو صدقة |
البوست ده صدقة جارية لجمهور السفوة
صدقة جارية لإتحاد شداد
صدقة جارية لمزمل
صدقة جارية للإتحاد الافريقي
_
المريخ يدخل الملاكمة في كرة القدم ليفترع لعبة جديدة
| |
|
|
|
|
|
|
|
|
|
Re: مهزلة ( المريخ ) اليوم (Re: على محمد على بشير)
|
يا علي
القراقير ليسو بمستواهم المعهود و ده واضح في مباراة اليوم و مباريات الدوري الممتاز الفاتت
من متين الموردة قاعد تتملطش من اتحاد مدني و تدرن مع هلال كادوقلي
Quote: والهزاهو منو يا نوبى ؟
اتهز براهو كدا والا يمكن كان فى عواصف هزتو !! |
طبعاً إتهز براهو ولا عندكـ رأي تاني ؟
دفاع الموردة إفتقد ركيزته الأساسية ( اللاعب المصاب) و اللي إتبدل في بداية الشوط التاني ..
و للأسف ما عندهم بديل يحل مكانه
_
كان مفروض يشوفو الباشا يبدل ليهم مكانه بالمريلة الفراء بتاعت الحارس في مباراة زيسكو ديكـ
| |
|
|
|
|
|
|
|
|
|
Re: مهزلة ( المريخ ) اليوم (Re: حمزاوي)
|
طبعاً كما توقعت تماماً
لم يعطي مزمل أي أهمية لموضوع التعدي الواضح علي الحكم غير إدانة صغيرة و طفق يدافع عن ( وارقو ) الماسورة
_
وارقو ماسورة و سيظل ماسورة .. ولا يوجد وجه شبه بين العجب ووارقو يا مزمل و بطل تخدير لجمهوركـ.
| |
|
|
|
|
|
|
|
|
|
Re: مهزلة ( المريخ ) اليوم (Re: حمزاوي)
|
يا معاوية :
إنت موسى الزومة ده عوير ولا بيتعاور ولا اصلو كده ؟؟
اظنو ما فاهم حركة اليدين البي ورا دي بيعلموها كيف ولي شنو ؟؟
زول اوول ما جا لز الحكم عديييل وبعد داك خت يدينو بي ورا !!!
بالجد ما فهمت حركتو دي معناها شنو ؟
يعني يا حكم انا لزيتك يلا انقر بي ياتو يد؟
| |
|
|
|
|
|
|
|
|
|
Re: مهزلة ( المريخ ) اليوم (Re: عمر الفاروق)
|
مفروض الزومه ينطرد مع دامر وبالمناسبه الحكم ماطرد دامر بعد عشان الدفره ..لاحظ انو الحكم طرد دامر بعد ما لاعب المورده داير يشوت البلنتي معناها دامر اتلفظ بي الفاظ سيئه علي الحكم والغريبه هو كابتن الفريق ..والملاحظ دايما اغلب مباريات المريخ الاخيره المريخ بيكمل المباراة بي 3 كباتن !!!
| |
|
|
|
|
|
|
|
|
|
Re: مهزلة ( المريخ ) اليوم (Re: عمر الفاروق)
|
الأعزاء فيصل ورفاقه، بقصد فيصل نوبي مش العجب
قرأت مقال مزمل، ومقال هنا مجازاً، فلنقل نقاطه، وما لفت نظري، أنه اشهر الكرت الأحمر في وجه، إثنين من لاعبي المريخ، معترفاً بسوء سلوكهم، وذلك في معرض حديثه عن أن الحكم كان تحت ضغط الشعور بالذنب، وعدم الثقة في قراراته،
وأنا لست مهموماً بهذا الجانب، وانما في "المزمل" اللي بعضمة قلمه، بيضيف لقائمة سوء السلوك، إثنين من لعيبة المريخ.....عجبي!!!
(نقطة)| Quote: لوكان الحكم واثقاً من صحة قراره لطرد اثنين من لاعبي المريخ! |
| |
|
|
|
|
|
|
|
|
 Re: مهزلة ( المريخ ) اليوم (Re: nadus2000)
|
يا معاوية
الكلام ده قلناهو فوق من أمس
كان واضح جداً إنه الحكم أخد شتيمة من أمها غير المافرة و البُنية ..
_
يا عبجليل
الزول الاسمو مزمل ده لو هو أصلاً قلبو علي المريخ
مفروض العمود ولا المقال ولا أي كان إسمه يتحدث عن تصرف اللاعبين
لكن للأسف بيغطي عليهم كما لو لم يكن هناكـ شيء حدث و كأنه حادث بسيط ..
البرنس لما شات القارورة معترضاً علي قرار الادارة بتبديله قامت الدنيا و لم تقعد .ز
فما بالكم بطرد ( كابتن الفريق ) لسوء سلوكـ سواء كان لفظي أو بدني !!!
| |
|
|
|
|
|
|
|
|
|
Re: مهزلة ( المريخ ) اليوم (Re: فيصل نوبي)
|
و تاااااااااااااني جاب سيره البحر .
نوبي رمضان كريم ياخي ما ترحم الجماعة الفيهم مكفيهم الايام دي غلب و نقطة و٣ كروت حمراء و صيام معقوله بس كتيره عليهم.
انت وين فى الدور التالت غايتو اول مرة اشوف لي عمارة تلاته طوابق بنقطة واحدة بس.
| |
|
|
|
|
|
|
|
|
|
Re: مهزلة ( المريخ ) اليوم (Re: مهدى الصادق السيد)
|
مهدي الصادق
مالي أراكـ تتحدث بتعجرف و كأنكـ ممسكـ بزمام الإتحاد أسفل أصبع قدميكـ ؟
أخطاء الحكام كثيرة سواء كانت مقصودة أم غير مقصودة
و الدوري لم و لن يقف بسبب الحكام ..
_
و ربنا يدي شداد طولة العمر و يقعد كده علي رقابهم حد السيف.
| |
|
|
|
|
|
|
|
|
|
Re: مهزلة ( المريخ ) اليوم (Re: Sayed Bekab)
|
اولا اسف علي الاخطاء الاملائية والنحوية في المداخلة السابقة ، لكن عندي لاب توب عامل مجنون الايام دي
المهم ......
حال المريخ امس لا يسر ، رغم اداءه الجيد نسبيا امام الموردة في الشوط الثاني ، الا ان هناك
نقاط كثيرة يجب ان يقف امامها جميع المريخاب .....
- عدم الانصياع لقرار الحكم بهذا الشكل المقزز
- ما فعله كابتن المريخ من دفع الحكم يوضح بما لا مجال للشك ان هناك مشكلة ادارية في وسط الجهاز الكروي في المريخ
فعقوبة اكرم ليست ببعيدة ، فكيف لكابتنه بعد اقل من اسبوع ان يقوم بهذا السلوك ///
- جمال الوالي صرح في برنامج قصة هدف (او قريب من هذا الاسم ) بانهم في المريخ يعاقبون من ينال كرت باستثناء من ينال هذا الكرت نتيجة للحماس او الغيرة ، هذا الكلام غير منطقي ، فمن ينال كرت يجب ان يعاقب ،فهؤلاء اللاعبين محترفين
يصبح منطقيا ان يكون للكرت عقابه ، بعدين قصة الحماس او الغيرة هذه اصبحت لا تلعب دورا في الكرة الحديثة (هل شاهد احدكم ميسي يلعب بحماس او لا ) ، اللاعب يؤدي دوره الموكل له ، والآخرين كذلك ...
- ان يقوم ادارى بالمريخ بالدخول للملعب والتهجم للحكم مثل ما فعل الزول ابوكرشة ، فهذا دليل للاعب المريخ ان دامر سلوكه صحيح ، بل كيف لهذا الاداري ان يحاكم اللاعب المطرود اذا كان هذا فعله ...
- بحكم وظيفتي لاحظت ان اللاعبين المحترفين تتغير راوتبهم هنا ، وعندما سألت علمت بان هناك خصومات علي الراتب وفقا لعدد الانذارات التي ينالها ، ويتم تقييم الانذار بمبلغ معين اعتقد انه 5% من الراتب او مبلغ مقطوع ، وبالتالي يتم خصم مبالغ وفقا لما ناله من انذارات خلال الشهر .. لماذا لا تطبق الاندية هذا....
- اعتقد بان لاعبي الهلال والمريخ يحسون بان لديهم حصانة ضد الانذارات او الطرد لهذا سلوكهم (قليل الادب ) مع الحكام ، ارجعو الي المبارتين بتاعات الهلال ، واسألوا هل الانذارات التي نالها هيثم مصطفي ، سينالها لو الهلال لاعب محليا ...
- هل سيوقف الاتحاد كابتن المريخ مبارتين ام سيكون هناك عقاب اضافي ....
| |
|
|
|
|
|
|
|
|
|
Re: مهزلة ( المريخ ) اليوم (Re: Sayed Bekab)
|
بيكاب
كل عام و انت بالف خير يا حبيب
قريت ألذ تعليق في جريدة الصدي الليلة
واحد كاتب ( المريخ يقلص الفارق الي ثلاث نقاط)
الزول ده ما بيعرف يحسب ؟ و لا فاكر النقاط دي ساااي كده !!
غايتو الصحافة الرياضية في خطر كبير
_
بخصوص الطوابق
اليوم تم تخصيص مبلغ (5) مليار لبناء الطابق الثاني من إستاد الهلال بإذن الله .
| |
|
|
|
|
|
|
|
|
|
Re: مهزلة ( المريخ ) اليوم (Re: فيصل نوبي)
|
Quote: انتو العار خليتو ليهو شنو ؟
3. مباراة المريخ أقصد طمبل والهلال الموسم الماضي في الدورة الأولي ركل (البرنس) قارورة المياه في وجه ريكاردو عند استبداله
--------------
ياخ البوست ده كلو افتراء وتلفيق ، لا في ضربة جزاء أساسا" ولا دامر ضرب المدرب ولا شتم المدرب ... |
الشاب دا جادي ولا مهكور !!
لو جادي ممكن تجيب لينا قارورة المياة الاتركلت في وش ريكاردو دي ..وانا بدوري بجيب ليك ضرب وشتم امير دامر للحكم ..ولا مهكور بنقول ليك رمضان كريم
| |
|
|
|
|
|
|
|
|
|
Re: مهزلة ( المريخ ) اليوم (Re: Maawya Hussein)
|
يا استاذ طلال حلفا ..ما رأيك في ما كتبه صحفي المريخ اليوم عن صحة ضربه الجزاء وسوء سلوك كابتن المريخ
كتب اسماعيل حسن في السوبر
| Quote: ( وأمس بدأالحكم المباراه بدايه جيده .. ولم نلمه عندما إحتسب ضربة جزاء صحيحه على سعيد السعودى لأنها صحيحه ) |
وكتب عبد المجيد عبد الرازق في الصدي
رأيك يهمنا
| |
|
|
|
|
|
|
|
|
|
Re: مهزلة ( المريخ ) اليوم (Re: Maawya Hussein)
|
Quote: يا استاذ طلال حلفا ..ما رأيك في ما كتبه صحفي المريخ اليوم عن صحة ضربه الجزاء وسوء سلوك كابتن المريخ
كتب اسماعيل حسن في السوبر
وكتب عبد المجيد عبد الرازق في الصدي |
الأتنين ديل بقوا بغردوا بره الزفة وعاملين فيها حقانيين وكدا .. مع احترامي التام ليهم .
اسماعيل حسن .. جزء من بلاوي اليومين ديل لأنو هو وحسن محجوب السبب الرئيسي في اقالة كروجر !
ولو لاحظت ليهم لابديييييين .. واحد فيهم اتكلم عن خطأ تغيير الأجهزة الفنية مافي .. عشان كده أنا أسقطوا من حساباتي .. ورأيه أصبح لا يهمني .. ان شاء الله يقول كان المفروض الموردة تغلب !
وعبدالمجيد عامل فيها وطني وبتمني الهلال يفوز وبقيف مع الهلال .. شكلو ما بدخل سودانيزأونلاين !!
نعم كلنا بنقيف مع الهلال لما يكون لاعب مباراة خارجية بس بشرط المريخ مايكون طرف في المباريات دي .. وكمان ما بنجاهر بكده عشان نكسب الناس .. خشمنا عندنا
___________
يا معاوية .. أنا ما مهكور .. لكن ممكن تقول اليومين ديل معصور .. لك الود
| |
|
|
|
|
|
|
|
|
|
Re: مهزلة ( المريخ ) اليوم (Re: Talal Halfa)
|
| Quote: نعم كلنا بنقيف مع الهلال لما يكون لاعب مباراة خارجية بس بشرط المريخ مايكون طرف في المباريات دي |
أنتو المريخاب ديل جنو و لا شنو ؟؟
الزول يسألو من ضربة جزاء في مباراة المريخ و الموردة يقول ليك أنا ما بشجع الهلال كلو كلو ؟؟
أسه الهلال دخلو شنو هنا ؟؟
| |
|
|
|
|
|
|
|
|
|
Re: مهزلة ( المريخ ) اليوم (Re: Talal Halfa)
|
طيب يا استاذ طلال خليك من صحفيي المريخ البقوا يغردوا خارج السرب ..رأيك شنو في اللقطه دي
ولاحظ هنا الحكم رفع الكرت الاصفر وبس (في حاله تستحق الطرد والايقاف) ...فما بالك في ما تلفظ به امير دامر بعد ذلك ليجبر الحكم علي طرده !!!!
أتمني الا يعميك التعصب عن قول الحقيقة وادانه لاعبي واداري وجمهور المريخ عن سوء السلوك الاصبح ملازم لجميع مباريات المريخ في الفتره الاخيره وابتداءا من دورة سيكافا عندما ضرب جمهور المريخ رجل الرايه لاحتسابه حالة ضد المريخ ..مرورا بسلوك الزومه في نيجيريا و اكرم وجمهور المريخ في مباراة النيل وابراهومه واكرم وجمهور المريخ في مباراة زيسكو وختاما جمهور المريخ وكابتنه دامر ورئيس القطاع الرياضي في مباراة المورده !!!!
وبالطبع سوء سلوك احد لاعبي الهلال او جمهوره ليس مبررا ليقتدي به اداري ولاعبي وجمهور المريخ ..
| |
|
|
|
|
|
|
|
|
|
Re: مهزلة ( المريخ ) اليوم (Re: Maawya Hussein)
|
ايضا الصحفي المريخي علم الدين هاشم
Quote: ولكن مع الاسف رافق الانتصار سلوك مرفوض من كابتن الفريق امير دامر الذى يبدو ان العدوى قد انتقلت اليه من زميله اكرم الهادى ،، فمهما كان خطأ القرار الذى اتخذه حكم المباراة باحتساب ضربة جزاء لمصلحة المورده فان هذا لايبرر لكابتن المريخ مثل هذه التصرفات الهمجية التى كان من الممكن ان يدفع ثمنها المريخ مثلما حدث امام زيسكو ،، فالمريخ الذى دخل المباراة بحثا عن انتصار يخرجه من حالة الانكسار والاحباط لم يكن فى حاجة لاساليب البلطجة والفتونة والاحتجاج غير المبرر ضد الحكم بقدر حاجته لجهد كل لاعبيه داخل الملعب ،، واعتقد ان حديث المدرب مازدا للاعبين عقب طرد دامر كان له الاثر الايجابى على تماسك الفريق ونسيان ماحدث مما ساعد على تحقيق هذا الانتصار ،،
مرة اخرى نناشد مجلس المريخ فى ان يواجه مثل هذا السلوك وعدم الانضباط بعقوبات رادعة وليس بتحويل اللاعب للجنة تحقيق مثلما فعل مع اكرم الهادى . |
لا اظن يا طلال ..ان الاتحاد الافريقي والحكام الافارقه والاتحاد العام السوداني وحكامه وبعض صحفيييي المريخ ينصبون العداء للمريخ دون مبرر !!
| |
|
|
|
|
|
|
|
|
|
Re: مهزلة ( المريخ ) اليوم (Re: Maawya Hussein)
|
طلال حلفا
ركلة الجزاء صحيحة والحكم كان على بعد خطوة واحدة من الحدث بل انه
عندما اشار لركلة الجزاء كادت يده ان تلامس السعودي ولاعب الموردة لشدة
قربه من الحالة ..
بالنسبة لامير دامر فقد اساء السلوك بطريقة لا تجدها حتى في دافوري الزقاقات
وعلى مجلس المريخ ان يجرد سيف الحزم والحسم لمواجهة مثل هذه التفلتات التى
أوردت المريخ موارد الغرق .
أمير دامر وعادل ابو جريشة وعضو الجهاز الفني الأشيب ثلاثتهم يستحقون عقاب
مجلس المريخ لأنهم تصرفوا بحماقة ورعونة مع حكم المباراة كما نقلت ذلك شاشة
التلفزيون .
Quote: وعبدالمجيد عامل فيها وطني
|
أوع بس يكون عندك شك في وطنية الزول دا ..؟؟؟؟؟؟؟؟
بالمناسبة ياخ :
انت قنعت من خير فيها بالنسبة للغناء واللا شنو ..؟
| |
|
|
|
|
|
|
| |
فيصل نوبي
طلحة عبدالله
محمد البشرى الخضر
رغيم عثمان رغيم الحسن
رقم صفر
هيثم درار
Talal Halfa
على محمد على بشير
Maawya Hussein
عمر الفاروق
nadus2000
Sayed Bekab
خالد عبد الله محمود
فيس بوك
تويتر
انستقرام
يوتيوب
بنتيريست