نعى اليم ...... سودانيز اون لاين دوت كم تحتسب الزميل فتحي البحيري فى رحمه الله
وداعاً فتحي البحيري
|
|
 تحية إلى الزعيم الأحمر الوهاج
|
يا بكري اخونا عبد الوهاب حجازي ود الامتداد المريخابي الجميل ما قادر يدخل
كدي شوف الكود بتاعه ماله عليك الله
ولحدي ما يجي زي زمان
هاكم القصيدة حقتو دي
تحية إلى الزعيم الأحمر الوهاج
عبد الوهاب حجازي
يا نجم يا قسم الإله
تهدي الطريق للعقلو تاه
وكتين تبين بنكون صفا
وصفوتنا تعمل انتباه
نغمتنا بترن بالوفاء
و" صداها " فوق غر الجباه (1)
نوزن ندوزن لحننا
والبسمة واضحة على الشفاه
ولما يجوروا عليك كمان
أو يأبى يبتسم الزمان
عثرة وبتطول كل المشاه
****
لا يأس يا عجب العجيب
الفات زمان جرحو اندمل
لا دمع لا بأس لا نحيب
والغيرنا نحنا منو الأمل
الغيرنا نحنا منو البجيب
البرة خاف من الحبل (2)
ولا الجوة ضاق قرص الدبيب
***
يا دافي يا "مزيان" هميم
قلبك مع النجم الئتم
مبروك عليك عشق الزعيم
" بالزاف" عليك كل العشم
ومبروك عليهم "سادونيم"
السكرة بكرة بتبقى غم
ما يلقوا غير حصد الهشيم
***
يا " الباشا" يا السلطان " حميد"
مين شاف خيولنا المدبرة؟
لموا السيوف سنوا الحديد
شان بكرة نفتح " م(غ) برة"
ومن برة بنجيب الجديد
***
يا أكرم الناس كلموك
صفوتنا ديل أولاد ملوك
مش كل زول فينا بيلوك
كان إنت واحد منهم
خليك من هادا السلوك
****
يا والي اليد السخية
أحذر من الفتنة الجلية
الشكوى ما هي القضية
والدقسة في "سعد العطية"
ـــــــــــــــــــــ
(1) صحيفة الصدى الفتية التي اقلقت منام الضلال.
(2) الفلم " العربي" الهروب العظيم أمام وفاق سطيف
|
|
 
|
|
|
|
|
|
|
|
Re: تحية إلى الزعيم الأحمر الوهاج (Re: حمزاوي)
|
Quote: ود جبرين قريبي
مسكاقمي
ان شاء الله يعود ويمتعنا بكتاباته
وهيبة يا المريخ
هيبة يا النجمة
نحن في المريخ اخوة
نعشق النجم ونهوى |
حمزاوي كيفنك ابوي
ود حجازي دة زولا فنجري بالحيل
وكمان مريخابي على السكين
تسلم
| |
|
|
|
|
|
|
|
|
|
Re: تحية إلى الزعيم الأحمر الوهاج (Re: عصام علي أحمد)
|
ياعصام علي أحمدأنت وليدك مطهر ولا أغلف ساااي
علي كلام طارق صحبي ده خوذة مابتمركم مننا والجااااااي أحلي
شوف ود حجازي ده متجلي كيفن يكون برا وود الصايم حايم جوه الجكــ
دي واحده من المفارقااااات الكتيره بين النجوم المغطية السماء والهليل اليادوب بيظهر بالعافية
بكري هووووي جيب الزول ده وزين بيهو السماء الأحمر ده قووووووووام
شكرا لك وهبه حجازي ولك الدكتور طارق وهيبه يالنجمة وهجمه فوق هجمه الرشاشات تحلي.
،،،،أبوقصي،،،،
| |
|
|
|
|
|
|
|
|
|
Re: تحية إلى الزعيم الأحمر الوهاج (Re: ناجى أحمد البشير)
|
اها يا طارق أنا جيت
بهديك انت وباقي البطيخاب
القصيدة الجاية
(مع الاعتذار لاستاذنا الحلنقي والامبراطور وردي)
غضبة جماهير الوصيف
في ليلة السبت اتهروا
هاجت جموعهم مع الحكم
شالو الحجاروبيكسرو
ما همو للناس الضيوف
من نار الغلب اتحسرو
نطيت وفليق يا الوصيف
قاعدين في طيش وتزدروا
ليه يا جماهير الوصيف
عايشين كياشتو خريف وصيف
زي الحمام شايف
مواكب الشمتا اترصت سراع
ليه يا جماهير ليه الاسف
مينا علمك رفس الكراع
وعارفا ده ما أول غلب
في لسه تاني وفي التياع
زي ما بتخافي من الرعاع
بنخاف كمان نحن الرعاع
ليه يا عصافير ليه العنى
وروعة ملاعبك أحسنا
وصيف السنين الليلة
مالو زعل الجماهير حيرو
طراهو اهداف من ضيوف
اداهم كريم و ما قدروا
دخلت شباكو اقوان عديل
بالسبعة وبرضوا بفتروا
الناس بتزعل من غلب
لاضاق نصر لا كملو
بقيتو عالة على الوطن
دفعتوا شي وشويتين تمن
| |
|
|
|
|
|
|
|
|
|
Re: تحية إلى الزعيم الأحمر الوهاج (Re: ياسر بيناوي)
|
.
مشكورين يا شباب
ومشكور يا باشمهندس بكري يا سيد حوش آل أونلاين.
تسلم يا ودعشة المبروكي.
أما رشاشات الحسادة فيومهم في الافق باذن الله
على راي كواريثنا دي ماسورة
فاصوليا.
يا حسرة عليهو الراجل ركبوه القطرية قبل ما يعرف الفرق بين الفول والفاصوليا.
.
| |
|
|
|
|
|
|
| |
طارق جبريل
MOHAMMED ELSHEIKH
عبدالكريم الامين احمد
Yassir Tayfour
محمد عبد الماجد الصايم
omer osman
السمؤال بدرالدين
انعام حيمورة
عبدالله كع
عصام علي أحمد
مجدي عبدالرحيم فضل
ناجى أحمد البشير
جمال السنوسي
ياسر بيناوي
فيس بوك
تويتر
انستقرام
يوتيوب
بنتيريست