|
انا والسيده لبنى!!!
|
-- افكر جديا فى زيارة الخرطوم (الأراضى الطيبه) بعد غياب السنين واكيد الشوق مطر والونسات والسهرات مطر !!لكن بالشايفو معاكم ناس النظام العام ديل ممكن يصادفونى ان شاءالله (بالبرمودا) والسيجار (الكوهيمى) !!ياخدش بالزى ياريحة (بنقو)!!! كبنى ادم على اشوف محامى !!!ده من حقى!!!وناس الأعلام ممكن يعملوها موضوع وده (شغلهم) ويمكن ناس منظمات المجتمع المدنى ( يتبنونى) وده واجبهم !!!والسياسين يشتغلوا بالقضيه ودى (فرصتهم)!!! لكنى بصراحة حا اخد (علقتى) وامشى انوم (دقة تفوت ولا حد يموت)!! لية !!!؟ناس الفضيله والصيد فى المياه السنة حيقعدو ليك ده يمكن كان (عريان)!! لا ماكان فى الشارع !!! لا قبضوهم فى كفتيرية كذا!!طيب ليه ما قفلتوا (الكافتريا )دى!!! والزول ده كان ( شيوعى )قيل 40 سنه!!!وده عميل امريكى عديل!!!وده ود خالتو شنو!!! والكويس خالص حيقول ليك استنى المحكمة!!مع انو كلهم (واحد) كالمستجير بالرمضاء بالنار!!! على ايه!!! ياحسرة قلبى عليك ياkofi
|
|
|
|
|
|
|
|
Re: انا والسيده لبنى!!! (Re: سيف النصر محي الدين محمد أحمد)
|
سلام يعنى حتى النقه (ممنوعة) الواحد يتجلد وما يقول (أح)!!!؟ على فكرة الجلد الشرعى كيف؟ بالسوط ولا العصى!!!؟ الجلاد (يتمغى) ويجلد ؟ ولا يخت ليهو مسواك تحت اباطو؟ ممكن (كتيمى) ولا لازم يكون فى ميدان؟ والبعد منو الجلاد ولا فى عداد؟ الجلد على الملابس ولا (ميطى)؟ طيب لو الزول (مردف) ؟بطلعوا ليهو هدومو ولا كيف!!! اهو كلو (بيثوابو)؟؟ ممكن اجيب مشجعات عشان (يزغردن )؟؟واخليه يجلد لامن يفتر!!! غايتو!!!
| |
|
|
|
|
|
|
Re: انا والسيده لبنى!!! (Re: احمد خليل)
|
Quote: يعنى حتى النقه (ممنوعة) الواحد يتجلد وما يقول (أح)!!!؟ على فكرة الجلد الشرعى كيف؟ بالسوط ولا العصى!!!؟ الجلاد (يتمغى) ويجلد ؟ ولا يخت ليهو مسواك تحت اباطو؟ الخ..الخ.. |
المقصود من الجلد ليس هو الايلام الجسدي في ظني..بل المقصود هو المهانة و الاذلال.. الالم الجسدي عابر و يمكن احتماله و الآثار التي يخلفها تزول في الغالب مع الزمن لكن الالم النفسي و الخدوش التي تصيب الروح بسبب عقوبة الجلد المهينة ستبقى عصية على الشفاء و الاندمال.. الخلاصة..لا للجلد و مثله من العقوبات التي تحط من كرامة الانسان.
| |
|
|
|
|
|
|
Re: انا والسيده لبنى!!! (Re: سيف النصر محي الدين محمد أحمد)
|
يا سلام اهو جبت انت برضو النجيضة (الأذلال) وقهر الرجال مقصد اهل (الحكم)!!!والجلد محرم تماما فى التربية!! وفى الجانب الأخر مايقومون به من تحريك (الاتهم) الاعلامية والأمنية بالاشاعة و(تلتيق) وتلفيق المعلومات التى تخصك وتخص من حولك الا يشكل ذلك (اذلالا ) لك وكذلك (قهر) لمن حولك ولمن تحبهم!!! موضوع ( لبنى ) تروجها اجهزة الحكومه باكبر قدر من السطوة لحقيق( مآارب)كثر !!ومنها (قهر) النساء فى مجتمع ابوى..ألخ
| |
|
|
|
|
|
|
Re: انا والسيده لبنى!!! (Re: احمد خليل)
|
السيده لبنى مشكلتها فى اثارتها الراى العام فى اهم قانون واهم جهة تحفظ الوجه الأيدولوجى للنظام تماما مثل نجاح هيئة الامر بالمعروف والنهى عن المنكر) فى الخليج هذه الهيئات وبشرعيتها تمارس عمليات الضبط والرقابة على الشارع بل ويمكن لرجالاتها تجاوز كل شىء فالمرجعية لديهم (مفتوحة) الكتاب والسنة والسلف الصالح!! وهى ترمى ( بالفزع ) المنظم فى قلوب الناس !! وتحفظ بذلك هيبة الدوله وجبروتها !!!!السيده لبنى (هبشت) عش الدبور!!!
| |
|
|
|
|
|
|
|