|
|
 أضبط.....مزمل أبو القاسم في مكاتب الاتحاد الافريقي بالقاهرة يسأل عن شكوى كانو ضد الهلال
|
| Quote: أجرت الإذاعة الرياضية نهار أمس لقاءً عبر الهاتف مع الكابتن قرن شطة العضو البارز باللجنة التنفيذية بالإتحاد الأفريقي لكرة القدم حيث وجه نقداً قاسياً لفريق المريخ، وأشار إلى أن المنطق يؤكد بأن المريخ خارج دائرة المنافسة للوصول للمربع الذهبي لأنه فقد ثمانية نقاط من مجموع تسعة نقاط منها مباراتين على أرضه إذا حسبنا تعادله أمام الهلال وفقدانه لنقطتين بالإضافة لهزيمته الخارجية أمام كانو والداخلية أمام زيسكو.. وأبان الكابتن قرن شطة أن فريق المريخ ظهر أمام زيسكو بلا أي ملامح وكان "مهلهل" الخطوط، وأشاد الكابتن قرن شطة بالنتيجة التي حققها الهلال بالفوز على كانو وقال: الهلال على بعد خطوة من المربع الذهبي.. ورداً على سؤال من الإذاعة الرياضية حول ما أثير عن شكوى نادي كانو النيجيري ضد الهلال في مشاركة اللاعب سادومبا، نفى الكابتن قرن شطة نفياً قاطعاً أن يكون الكاف قد تسلم أي شكوى من نادي كانو بيلارز النيجيري، وفي مفاجأة من العيار الثقيل كشف الكابتن قرن شطة أنه علم شفاهة بأمر هذه الشكوى المزعومة فقط بعد أن حضر إلى مكاتب الكاف الصحفي السوداني مزمل أبو القاسم، وقال: حضر الصحفي السوداني مزمل أبو القاسم يوم السبت ليسأل عن شكوى كانو النيجيري ضد نادي الهلال السوداني فأكدت له أن الكاف لم يتسلم أي شكوى في هذا الصدد.. وأضاف الكابتن قرن شطة في حديثه للإذاعة الرياضية: بعدها ذهبت في اليوم التالي "الأحد" أمس لأتحقق من وصول شكوى من نادي كانو ضد الهلال وفقاً لما ذكر لي الصحفي السوداني مزمل أبو القاسم فلم أجد أي أثر لهذه الشكوى.. وأبدى إستغرابه للعصبية الزائدة في السودان بين الناديين الكبيرين للدرجة التي جعلت صحفي سوداني يبحث عن شكوى نادي أجنبي ضد نادي وطني. |
سيد الرايحة بفتح خشم البقرة
|
|
 
|
|
|
|
|
|
|
|
Re: أضبط.....مزمل أبو القاسم في مكاتب الاتحاد الافريقي بالقاهرة يسأل عن شكوى كانو ضد الهلال (Re: ALGARADABI)
|
الـ ALGARADABI أخوي
مسكاقمي
قرن شطة دا محلل رياضي ولا عضو الاتحاد الافريقي ، كان في داعي ان يحقد على المريخ بهذه الطريقة مصيبتنا ان السوداني لو حصل على منصب ما بيحترم منصبه ولا بيتعامل مع المنصب بمهنية
| Quote: حضر الصحفي السوداني مزمل أبو القاسم يوم السبت ليسأل عن شكوى كانو النيجيري ضد نادي الهلال السوداني |
كضباً كاضب
الاستاذ مزمل ابوالقاسم يوم السبت موجود في الخرطوم وحاضر مباراة المريخ وزيسكو
يا مزمل انت عندك براق ونحن ما عارفين
وأبدى إستغرابه للعصبية الزائدة في السودان بين الناديين الكبيرين
بالله
دي معلومة كانت خافية عنا يا قرن شطة
نورت المحكمة
| |
|
|
|
|
|
|
|
|
|
Re: أضبط.....مزمل أبو القاسم في مكاتب الاتحاد الافريقي بالقاهرة يسأل عن شكوى كانو ضد الهلال (Re: حمزاوي)
|
| Quote: قرن شطة دا محلل رياضي ولا عضو الاتحاد الافريقي ، كان في داعي ان يحقد على المريخ بهذه الطريقة مصيبتنا ان السوداني لو حصل على منصب ما بيحترم منصبه ولا بيتعامل مع المنصب بمهنية |
يا حمزاوي
مصيبتكم انتم المريخاب ما عارقين الحقيقة وين
وبتدافعوا عن مزمل كأنه هو منزه
كره مزمل لنا ولهلانا سيد البلد (رضيتم أم أبيتم) واضحة ومعروفة
لكن تأكدوا أن الهلال ورئيس الهلال صلاح ادريس أكبر بكثير من أن يخطأوا
خطأ مثل هذا ويعرضوا فريهم لمثل هذه الحالة.
لو فيكم واحد فاهم الحقيقة دي فلن يجري لاهثاً وراء ما يكتبه مزمز.
وسوف يأتي كاس افريقيا للهلال ولن يذهب الهلال إليه ليتشرف الكأس بأنه
في يوماً من الأيام كان في نادي الهلال.
| |
|
|
|
|
|
|
|
|
|
Re: أضبط.....مزمل أبو القاسم في مكاتب الاتحاد الافريقي بالقاهرة يسأل عن شكوى كانو ضد الهلال (Re: الصادق صديق سلمان)
|
نعم اخي الصادق صديق
والسلام عليكم
| Quote: مصيبتكم انتم المريخاب ما عارقين الحقيقة وين |
اين المصيبة واين عدم معرفتنا للحقيقة وما علاقة المصيبة وعدم معرفتنا بما اقتبسته من كلامي عن قرن شطة
| Quote: وبتدافعوا عن مزمل كأنه هو منزه |
سبحان الله وحده المنزه ، ونتعامل مع مزمل بانه صحفي يمكن يقول صح او غلط وأي قارئ يفسر كتاباته حسب ميوله
| Quote: كره مزمل لنا ولهلانا سيد البلد (رضيتم أم أبيتم) واضحة ومعروفة |
ليست هناك كره بل منافسة وتشجيع لفريق اخر
Quote: لكن تأكدوا أن الهلال ورئيس الهلال صلاح ادريس أكبر بكثير من أن يخطأوا
خطأ مثل هذا ويعرضوا فريهم لمثل هذه الحالة. |
وماذا تقول في إعارة كوارزما وامولادي
| Quote: لو فيكم واحد فاهم الحقيقة دي فلن يجري لاهثاً وراء ما يكتبه مزمز. |
الحقيقة واضحة
Quote: وسوف يأتي كاس افريقيا للهلال ولن يذهب الهلال إليه ليتشرف الكأس بأنه
في يوماً من الأيام كان في نادي الهلال. |
سأقول لكم في ذلك اليوم مبروك
| |
|
|
|
|
|
|
|
|
|
Re: أضبط.....مزمل أبو القاسم في مكاتب الاتحاد الافريقي بالقاهرة يسأل عن شكوى كانو ضد الهلال (Re: الصادق صديق سلمان)
|
Quote: الاستاذ مزمل ابوالقاسم يوم السبت موجود في الخرطوم وحاضر مباراة المريخ وزيسكو
. |
يا أستاذ حمزاوي ، هل شاهدت مزمل في المباراة أم عرفت أنه لم يسافر للقاهرة من خلال وصفه للمباراة وهجومه على لاعبي المريخ أو الدلاقين (كما وصفهم سابقاً)
إذا معتمد على دي تكون معتمد ليك على حيطة مائلة..
مزمل ده كان مغترب في الإمارات وكان حينها يوصف ويحلل مبارة للمريخ لعبت بعطبرة وينتقد آداء الحكم وسوء أرضية الملعب ويطالب باقالة المدرب ويقول أن الحكم نقض هدف للمريخ وتغاضى عن ضربة جزاء، علماً بان المباراة لم تكن منقولة تلفزيونياً..
والغريبة إدارة المريخ تطبق ما يقوله بالحرف الواحد، وكذا مشجعي المريخ..
عشان كده بنقول:
لاعزاء للمزملاب..
| |
|
|
|
|
|
|
|
|
|
Re: أضبط.....مزمل أبو القاسم في مكاتب الاتحاد الافريقي بالقاهرة يسأل عن شكوى كانو ضد الهلال (Re: الفاتح خليل الفكي)
|
Quote: أنا لست غراً لأعتقد أن الكاف يمكن أن يبت في شكوى كانوبيلارز بعد 24 ساعة من لحظة نهاية المباراة!
* زرت الكاف وجلست مع الكابتن قرن شطة وسألته عن أمرين اثنين.. أولهما: موقف الكاف من المذكرة التي رفعها له المريخ رداً على قرار رفض شكواه شكلاً.
* وثانيهما: معرفة توقيت مباراة المريخ كانوبيلارز التي تردد أنها ستلعب في تمام الثانية ظهراً في رمضان.
* لو حدث ما زعموه لما أنكرته لأنني لا أخشى إلا المولى عز وجل!
* كان برفقتي الأخ الدكتور رأفت نبيل وهو شاهد على ما حدث ومستعد للإدلاء بشهادته على اليمين.
* يريدون كسر شوكة قلمي.. هيهات!
* ويريدون استغلال الهزيمة لتدمير المريخ معنوياً.. وهيهات!
|
الاخوة الذين يعتقدون ان مزمل كان بالخرطوم يوم السبت
اعلاه جزء من عمود مزمل اليوم
يحترف فيه بزياىة القاهرة ومكاتب الاتحاد الافريقي و مقابلة شطة
ما هو غرض شطة ليقول كلام لم يساله عنه مزمل؟؟
شطة ظل يسخر كل قدراته و علاقاته لخدمة الهلال و المريخ و السودان
وليس له مصلحة في الافتراء على مزمل
والجقلبة لن تفيد
الفيهو اتعرفت
| |
|
|
|
|
|
|
|
|
|
Re: أضبط.....مزمل أبو القاسم في مكاتب الاتحاد الافريقي بالقاهرة يسأل عن شكوى كانو ضد الهلال (Re: نادر الفضلى)
|
مهما فعل صحفىى الهلال وبورداب الهلال فى المنبر فلن يفلحوا فى ان يوقعوا بين مزمل وجمهور المريخ الذى يعتقد فى مزمزل الصحفى الشاطر والذى يدافع عن مصلحة فريقه بكل الاساليب المشروعة
لعلمكم كل ما اورده مزمل عن الاعارة الوهمية صحيح والهلالاب كلهم يعلمون ذلك ولكن الفساد الكبير الذى يغطى على الحقائق داخل الاتحاد الافريقى والاتحاد السودانى هو الذى يمنع ظهور الحقيقة .
نحن نحترم ونحب مزمل الذى يحب المريخ
ونحن فى المريخ اخوة نعشق النجم ونهوى
لا تحاولو لن تجدو طريقا لضرب الاسفين بيننا
الايام وحدها كفيلة بكشف الحقيقة وساعتها سفرض عليكم الواجب والحق احترام مزمزل الصحفى الذكى والمتطور
| |
|
|
|
|
|
|
|
|
 Re: أضبط.....مزمل أبو القاسم في مكاتب الاتحاد الافريقي بالقاهرة يسأل عن شكوى كانو ضد الهلال (Re: حمد فتح الرحمن)
|
البرلوم جاب لينا اللوم..
وبمثلما للمهام الكبيرة اهلها.. فإن للبطولات الكبيرة اهلها ايضا.. في ناس اختصهم الله بالمسؤوليات الجسام وناس على قدرهم الله اداهم.. في عالم من البشر ناجح جدا في المهام الصغيرة.. ترسلوا الدكان يمشي ويجيك زي الصاروخ.. تقول ليهو جيب رغيف يجيبو ليك سخن من الطابونة.. بس اوع يغرك نجاحه في المهام الصغيرة تقوم ترسلو مشوار مهم..!!
عاين المريخ دا في كأس السودان.. تلقاهو ما شاء الله فائز كتير خلاص.. عاين ليهو في سيكافا.. برضو نجاح رغم مشاكل المواصلات والتاكسي!!
فتشوا في البطولات الصغيرة تلقاهو متميز جدا!!
بس في البطولات الكبيرة الله لا وراك.. نحن في المريخ اخوة نعشق النقطة ونهوى!!
دوري ابطال العرب.. لم ينجح احد..
الدوري الممتاز.. يظهر مرة ويغيب خمس سنين..
دوري ابطال افريقيا.. البرلوم جاب لينا اللوم..
لأول مرة في دوري ابطال افريقيا فريق مصنف اول مجموعة ثلاث مباريات بي نقطة.. والنقطة ذاتها هدية من اخوهو الكبير.. يعني لو نحن مافي كان دلجة سااااكت يا حسن محجوب!!
ولأول مرة في دوري ابطال افريقيا وفي مرحلة المجموعات مباراة تستمر لأكثر من مائة وعشرين دقيقة.. خلوا بالكم.. مافي اشواط اضافية.. الامر متعلق بتصرفات صفوية وحجارة كريمة جابا معاهو الوالي في احدى رحلاته الخارجية!!
ولأول مرة في احداث الشغب في دوري ابطال افريقيا يتعرض الاطفال حاملو الكرات للقذف بالحجارة..
منظمة فلسطينية اعلنت تضامنها مع هؤلاء الاطفال!!
نتمنى من الاخ الاستاذ علي مهدي ان يتدخل لحماية اطفال الكرة من الاعتداءات!!
كما نطالب الاخت عفاف حسن امين بممارسة مهامها كسفيرة للنوايا الحسنة.. خصوصا وان هيثم مصطفى مشغول بالتجهيزات للمباراة النهائية..
ولأول مرة في دوري ابطال افريقيا يهزم فريق مصنف اول على ارضه ووسط جمهوره في دوري المجموعات بثلاثية..
ولأول مرة يقود رئيس نادي فريقه من دكة البدلاء وبالزي القومي.. حي قيوم.. حي قيوم!!
انا قايل روحي ثقيل.. لكن لقيت ليكم مهاجم زيسكو دا اثقل مني.. ياخي دا جاب ليهو قون ولا اثقل زول في الدنيا ما يجيبو.. من هناااااااااااك.. لعب الكورة لا عمل حساب للحارس المسكين دا!! ولا ختّ خاطر للجمهور!! ولا قال الهواء ممكن يغير اتجاه الكورة.. والله انا لو محل كمال دحية كان قطعت الكهرباء قبل الكورة تصل القون!!
يا اخوانا المريخ دا ما فيهو زول مسؤول ولا شنو؟.. كورة ماشا ليها دقيقتين في الهواء ما تلقي زول يتصرف معاها!!
قرصا ليك قرصة.. عقرب ما تقرصها..
انا قلت ناس المريخ يشتكو..
مش الحكم جاء مع زيسكو في نفس الطيارة؟!
وانا اقول المريخ دا مالو اتغلب بدري بدري كدا..
انتو الحكم ما لقيتو طريقة تلاقوهو في الطيارة؟..
كان تكلموا ليهو علاء الدين طيارة..
وصديق ما طار من بدري لييه؟
اهو تلاتة نقاط وطارت..
إيه حكايتكم مع التلاتة؟..
وجن ماشات تلاتة.. البحلف بي حياتا.. وانا دستوري نازل في الخرطوم3
وجمال الوالي قال عديل كدا.. الاتحاد السوداني ظلمنا.. مش حرمنا نستضيف الحكم؟! يا اخوانا القصة دي كدا بتبقى ظاهرة..
يعني مرة واحدة بس الاتحاد السوداني عمل كريم وقام بالضيافة نيابة عنكم تقوموا تزعلوا للدرجة دي!!
تتغلبوا تلاتة؟..
زيسكو الضعيف وينو؟..!
الهلال التعبان وينو؟
يا نزيه اعمل لينا كاريكاتير..
نزل النجمة وارفع الموزة..
رايكم شنو تعملوا الموز ابو نقطة شعاركم؟.. اصلكم طولتوا لا غيرتو اسمكم لا شعاركم..!
ابو شيبة قال الهلال شاطر في الادارة..
لكنو ما قال المريخ غبي في الادارة..
انا خايف ابو شيبة بكرة يقول المريخ (فاشل) في الادارة!!
للمعلومية: النجاح في الابطال ما زي الكونفدرالية.. يعني لو ما جبتوا خمس نقاط ممكن تعيدوا السنة!!
وصدقني ما بقدر اعيد اعذرني ما بقدر اعيد.. والغريبة الوالي بعيد في نفس الكلام كل مرة.. هزيمة عابرة ما بتهزنا.. عابرة قارات؟!!
الهلال ضامن وصولو للنقطة العاشرة.. لكن المشكلة في كانو بيلارز الضامن وصولو للنقطة الحداشر..
اكبر خطأ وقع فيهو الهلال انو اتعادل مع طيش المجموعة..
الما بغلب المريخ تأهلو بكون صعب..
في داعي تحرجنا كدا؟ ما كان اخير ليك البطولات الصغيرة..
قلنا المريخ عندو مشكلة تلاتات طلع عندو مشكلة ستات برضو!!
متخلف في الدوري الممتاز بست نقاط ومتخلف في دوري الابطال بست نقاط برضو!!
لكن الفرق انو في الممتاز وصيف وفي الابطال الطيش..
اجمل حاجة في الابطال انو المريخ بفارق الست نقاط ما قادر يبقي وصيفنا..
يا سلام لو الدوري الممتاز فيهو اندية بتستغل الفارق!!
كان ريحتنا من الوصيف دا!!
وستة وستة جوني من النوم صحوني للبرلوم ودوني.. هنية للشجعوني وكية للاشتكوني.!!
والشكوى الدفع قروشها منو؟
اوع يرفضوها شكلا برضو.. دي تبقي مصيبة!!
وسادومبا دا ما قلتوا ما بلعب.. والهلال خايف ما يشركو.. وعامل فيها مصاب..
وسادومبا لعاب.. والله صاروخ بس..
دوري الابطال دا ما زي بطولات (الروضة) يا برلوم.. الشكاوي الكتيرة دي ما بتنفع فيهو..
شال قروشي واكل فطوري.. خليك كبير قدر البطولة الانت فيها دي يا برلوم..
بختكم.. قالوا الاتحاد الافريقي حيمنعكم من اللعب على استادكم..
علي الاقل تقدروا تتعادلوا..
انتوا استاد المريخ دا فيهو شنو بخليكم تتغلبوا طواااااااااالي؟..
كدي راجعو المقصورة ولا راجعو النجيلة.. ولا اقول ليكم: راجعو السراميك..
في حاجة غلط.. تكون التبرعات؟!!
أزَسْكِسْكُمْ؟!!
| |
|
|
|
|
|
|
|
|
|
Re: أضبط.....مزمل أبو القاسم في مكاتب الاتحاد الافريقي بالقاهرة يسأل عن شكوى كانو ضد الهلال (Re: ALGARADABI)
|
Quote:
كونو انو مزمل يمشي يقطع تذكرة الخرطوم القاهرة الخرطوم
ويغادر يوم مباراة المريخ وزيسكو المصيرية للمريخ
عشان يسأل شطة عن شكوى كانو ضد الهلال
والله ما فوكا اييييي حاجة
|
كما أقسمت بالله .. أكيد ما فى أي حاجة
كيف ينفذ الصحفى عمله دا شغلته وميزانيته
و تفييمه للتأكد من المعلومة .. إذا فرضنا جدلاً
أنه سافر لما ذكرته .. و ربما له فى زيارة القاهرة
مصالح أخرى سواء مرتبطة بالعمل أو خاصة ..
وما يهمنا المعلومة التى يوردها فى صحيفته
لماذا لم تستنكر انت أو كاتب المقال الذى نقلته
أن الإذاعة الرياضية إتصلت بقرن شطة
وسألته عن شكوى كانو للهلال؟ هل وسيلة
الإتصال هى المشكلة أم مبدأ توجيه السؤال
زى بوستاتك دى .. و أضبط مزمل فى مكاتب الإتحاد الإفريقى
وكأنها جريمة .. وتنتهى بكونو سافر متين .. والله ما فوكا حاجة
والمقال الفارغ الذى نقلته .. دا يا هو عدم الموضوعية
و المنظور القاصر و خلق البلبلة الفارغة
| |
|
|
|
|
|
|
|
|
|
Re: أضبط.....مزمل أبو القاسم في مكاتب الاتحاد الافريقي بالقاهرة يسأل عن شكوى كانو ضد الهلال (Re: ALGARADABI)
|
كتب ملكى اكثر من الملك
نعم كان في الخرطوم يوم السبت ولم يسافر للقاهرة
ونعم نحن في المريخ اخوة وبنحب مزمل
ومزملاب كمان
بس ايه الحارق رزكم
وكتب سيد الشئ ذاتو
أنا لست غراً لأعتقد أن الكاف يمكن أن يبت في شكوى كانوبيلارز بعد 24 ساعة من لحظة نهاية المباراة!
* زرت الكاف وجلست مع الكابتن قرن شطة وسألته عن أمرين اثنين.. أولهما: موقف الكاف من المذكرة التي رفعها له المريخ رداً على قرار رفض شكواه شكلاً.
* وثانيهما: معرفة توقيت مباراة المريخ كانوبيلارز التي تردد أنها ستلعب في تمام الثانية ظهراً في رمضان.
* لو حدث ما زعموه لما أنكرته لأنني لا أخشى إلا المولى عز وجل!
* كان برفقتي الأخ الدكتور رأفت نبيل وهو شاهد على ما حدث ومستعد للإدلاء بشهادته على اليمين.
* يريدون كسر شوكة قلمي.. هيهات!
* ويريدون استغلال الهزيمة لتدمير المريخ معنوياً.. وهيهات!
الحالة دى يسموها شنو؟
| |
|
|
|
|
|
|
| |
ALGARADABI
الصادق صديق سلمان
الفاتح خليل الفكي
عبداللطيف حسن علي
Azhari Mohamed
نادر الفضلى
عادل عبدالعزيز عبد الرحيم
حمد فتح الرحمن
Maawya Hussein
Abd Alla Elhabib
ضياء الدين ميرغني
فيس بوك
تويتر
انستقرام
يوتيوب
بنتيريست