لينا سنين فاقدين النكهة الاجتماعية لرمضان.. اللمة البتخفف حرارة جوة رمضان الزاحف نحو الصيف بمهل.. هنا مافي سخانة يقولوا عليها لكن النهار نهار يومين في فصل الشتاء لو ما عتشت و لا جعت بتمل و تتصور الشمس سوت معاك سواتها مع العربي الاولاده جبروهوا يصوم لاول مرة في حياته.. قام قابل الشمس من الصباح و يقوليها الليلة ما بتغيبي ما عدوك صام.. فكرت امشي اصوم في استرالية ناس خالد العبيد ضاربين الشتاء اب نهارا قصير دا براهم.. الشمس عندهم زي الكنقارو تنط من الشرق تنزل في الغرب و يحسبوهم معانا صايمين.. السودان حار وسد مروي رسلوهوا لاوكامبو رد بعلم الوصول ختاه في بحر الشمال يكندش بيه زنزانات المحكمة و لا يبالي.. اها يا ناس نجي نتلم هنا البشكي من الحر نلطف ليه الجو، الزي كدا شايل هم طول اليوم يتونس لمان يآمن، البشكي من البرد يلقي دفئ اجتماعي، و نعمل تبادل خبرات في فنيات الصيام (حلوة دي) و الاطعمة و المطايب..
08-18-2009, 11:17 AM
نصار نصار
تاريخ التسجيل: 09-17-2002
مجموع المشاركات: 11660
يا جماعة مافي شيرنق ايوة ميز لكن ملح ساكت لا يكلفكم شرو نقير زي حكاية الزول البخيل الغرق تلبوا جماعة ينقذوهوا ابي يقبل مساعدتهم مشوا حكوا لبته قالت ليهم انتوا قولتوا ليهوا شنو قالوا ليها قلنا ليهوا ادين يدك عشان نطلعك قالت ليهم انت الكتلتوهوا لانه ما بحب حكاية اديني ديل كان تقولوا ليهوا هاك ادين
و بعدين هو ميز اسفيري ياخي كلمة و صورة و نكته و نهار رمضان بجاي بتاع تلاتة يوم
ابو حنيفة ساكت سخر من الزول القال ليهو و اذا لم تغب في ناس سنتين تلاتة و يجيهم رمضان في الايام الما بتغيب فيها الشمس يعني ديل يمسكوا لمان يسمعوا انه الدول الاسلامية اثبتت دخول رمضان و ما يفطروا الا يوم العيد؟
08-23-2009, 10:19 PM
نصار نصار
تاريخ التسجيل: 09-17-2002
مجموع المشاركات: 11660
الصفحة دي http://www.mesdar.com/forum/index.php لميت فيها بالصدفة قلت اجيب ليكم منها حاجة لكن لقيتها كلها جميلة جبتها ليكم تتسحروا بيها بالذات عشاق المسادير يحدروا طواقيهم و يدوبوا للصباح
08-24-2009, 08:41 AM
الامين جبارة الله التوم الامين جبارة الله التوم
تاريخ التسجيل: 04-30-2009
مجموع المشاركات: 314
علاء الدين تحياتي ..... اخبرك بالميز الصاح في سنة 1998 في مدراس على ما اعتقد اكان في بيت ناس عماد البشترى الدولارات جوار بيت ناس رمضان واكان يتكون من ما يزيد عن 30 واحد والمجموعة اكان فيها ثلاثه اشخاص ويومك اجيك بعد عشرة ايام وكده لمن تمل .... واكان اخوك مخصصنه للشائ بس .... وصلاة التراويح رمضان وكبارة اكانوا يشدوا فينا بالركعات الطوال وجرستك ديك عندما يقراء رمضان سورة يوسف.... والمسابقة بتاعت رمضان الدينية نذكرها ايضا..
اها قلت شنو
تصوم وتفطر على خير يا نصار
اخوك
امين
08-24-2009, 06:15 PM
نصار نصار
تاريخ التسجيل: 09-17-2002
مجموع المشاركات: 11660
الامين جبارة الله ان شاء الله من عواده تصدق و تامن بالله البوست دا انت مصدر الهامه الاول.. لووول.. ابيت اجيب سيرتك الا بعد ظهورك لكن بعد دا بنفتو قرض ههههههههههههههههههههههههههههههههههههههههههههههههههه انت نساي خالص قدر اسأل صديق عن الميز و تعال تاني ههههههههههههههههههههههههههههههههههههههههههههههههههه ياخي غلبتني الكتابة من شدة الضحك
08-27-2009, 01:30 AM
نصار نصار
تاريخ التسجيل: 09-17-2002
مجموع المشاركات: 11660
طيب يا الامين الميز كان في منزل الاخوين ياسر و محمد يوسف.. فعلا قريب من بيت شيخ رمضان و عماد بانقا علي شاطئ خليج البنقال مباشر.. انا و جمال عباس كنا نسكن حينها في الغرفة المشهورة باسم اوضة الحمام و الاسم دا جاها لانه مجموعة من الطلاب الكانوا ببحثوا عن قبول لكلية الصيدلة كانوا ساكنين في بيت ارضي كامل اهله جوا راجعين من الخليج اخدوا منهم البيت و قسموا ليهم غرفة سكنوا فيها كلهم.. ديل هم الطلاب الفتحوا الطريق لمدينة مودري المشيتوا ليها انتوا و ناس جلال حامد بعد داك.. اذكر منهم حافظ ابو ضفيرة و مامون الطيب و شيخ علي الكنت عاوز تدقه في مركز الشرطة ايام بيان اباحة الدم الطلعوهوا الكيزان البلعوهوا ناشف زي ما قال رئيسهم البشير عن امر اعتقاله.. انت و حسن الجعلي كنتوا من نجوم الميز.. تتذكر سؤالك لواصل اثناء الصلاة لمان قلت ليهوا دي صلاة العشاء و لا التراويح؟ و هو جاوبك بكل اريحية؟؟.. رمضان نفع مع دمك و العضة نضيفة يوم ثبتوا العيد اصابك حزن شديد و ما كان المخرج الا في تذكيرك بصيام الستوت.. في غير رمضان كنا بنتمها شاي لبن في القهوة الما فيها باب ديك و البوليس ما مريحنا تقول بنشتري بنقو..
08-27-2009, 09:04 AM
الامين جبارة الله التوم الامين جبارة الله التوم
تاريخ التسجيل: 04-30-2009
مجموع المشاركات: 314
Quote: طيب يا الامين الميز كان في منزل الاخوين ياسر و محمد يوسف.. فعلا قريب من بيت شيخ رمضان و عماد بانقا علي شاطئ خليج البنقال مباشر.. انا و جمال عباس كنا نسكن حينها في الغرفة المشهورة باسم اوضة الحمام و الاسم دا جاها لانه مجموعة من الطلاب الكانوا ببحثوا عن قبول لكلية الصيدلة كانوا ساكنين في بيت ارضي كامل اهله جوا راجعين من الخليج اخدوا منهم البيت و قسموا ليهم غرفة سكنوا فيها كلهم.. ديل هم الطلاب الفتحوا الطريق لمدينة مودري المشيتوا ليها انتوا و ناس جلال حامد بعد داك.. اذكر منهم حافظ ابو ضفيرة و مامون الطيب و شيخ علي الكنت عاوز تدقه في مركز الشرطة ايام بيان اباحة الدم الطلعوهوا الكيزان البلعوهوا ناشف زي ما قال رئيسهم البشير عن امر اعتقاله.. انت و حسن الجعلي كنتوا من نجوم الميز.. تتذكر سؤالك لواصل اثناء الصلاة لمان قلت ليهوا دي صلاة العشاء و لا التراويح؟ و هو جاوبك بكل اريحية؟؟.. رمضان نفع مع دمك و العضة نضيفة يوم ثبتوا العيد اصابك حزن شديد و ما كان المخرج الا في تذكيرك بصيام الستوت.. في غير رمضان كنا بنتمها شاي لبن في القهوة الما فيها باب ديك و البوليس ما مريحنا تقول بنشتري بنقو..
والله يا علاء الدين ماشاء الله عليك ياخي انت بتذكر ده كلوا والله اذكر هذه الايام كانها بكرة ومنحوته في ذاكرتنا وخاصة هذا الميز الرهيب ... ياخي واصل عندما سالته عن الصلاة دي العشاء ولى الطراويح وقام لولح لي راسو وهو بصلي والله الضحك كتلنى .... ياخي والله ايام لاتنسى ..... ميز فيه مسابقة بعد الافطار وكبارة يسال بارقام الصور وتاني ياسر كسلا اقول لازم يا الامين المرة دي تقنن لينا الشائي الاحمر ده ..... انت عارف السنة البعدها طوالي الميز اتحول الى بيت ناس اسعد وعبدالله العربي ..... عبد الله ده لسع قالوا في الهند... وتنظيرات الشريف منتصر وزعل ياسر كسلا زي ابو الدقيق كلها اكانت لها معنى ............. ياخي والله نسال الله ان يلمنا ثانيا ونعيد زكرياتنا... المرحوم على الامين الله يرحمه ويتقبله قبولا حسنا اصبح من الاصدقاء بالرغم من اختلافاتنا ... كان محل احترام والله من بعد ذلك ..... لكن بسالك عن الترابي البجي مدري ومن وقتها داك تصير المشاكل وين الزول ده انشاء ربنا يكون هدائه؟ مامون الطيب كما اعلم متواجد لسع في هولنده تحياتي اليه اذا متواصل معه... بينى وبينك رمضان داك الواحد اكان ضامن العضة ومكربه لكن سخينة وعدس منتصر وود خضر والبصلة تقبض الفار كانت تشجع الى رمضان يكون شهرين... شرعنا في الستوت وانا اول مرة كنت اعرف رمضان عنده رقعة وحاولت ان الستوت ده كل مجموعة من ستة اشخاص يصوموا الستة من الشهر ومجموعة ثانية تصوم الستة التانية من الشهر حتى نقدر ناخذ اكبر مدة من شهر شوال لكن جماعتك قالوا احسن نصومن كلهن مرة واحدة المهم ما فرقت وقتها داك اكانت احسن من ما اقول ليك اي واحد اصوم براهو... ومنها مرقنا لينا بي يوم في مطعم البغدادي من الاخ رمضان .....
تحياتي واشواقي الحارة الى الاسرة الكريمة
الامين
08-27-2009, 01:04 PM
نصار نصار
تاريخ التسجيل: 09-17-2002
مجموع المشاركات: 11660
رحم الله الاخ علي الامين هو حقيقة كان زول احسن من ناسه المعاه الترابي بتاع بنقلور ما عندي خبره يمكن يعرفه الاخ ناذر الخليفة لانه درس في بنقلور حامد علي من الناس العايشوا المرحلة دي لكن ما قاعد يظهر في المنبر خاصة بعد ما جابو ليه بنية الظاهر حاسي انه بقي محمول و شايل هم عرس البت يكون ياربي ناس المسعودية بدفعوا اهل العروس المهر زي دوري الهنود؟ لوووول
08-28-2009, 09:36 AM
ناذر محمد الخليفة ناذر محمد الخليفة
تاريخ التسجيل: 01-28-2005
مجموع المشاركات: 29251
Quote: الترابي بتاع بنقلور ما عندي خبره يمكن يعرفه الاخ ناذر الخليفة لانه درس في بنقلور
الترابي طبع أنا ما عاصرتو في بنقلور .. لكن قبل فترة في الخرطوم إتلمينا أنا وراشد موسى وحمد النيل والحارث أخو حمد النيل وساقوني معاهم مشوار لي الثورة قالوا لي دايرينك تقابل واحد من الفطاحلة بتاعين بنقلور . فعلا قابلنا الترابي في عيادتو هناك .. الترابي طبعا طبيب أسنان ..
عبد الله عربي قابلتو قبل سنتين أو تلاتة في الخرطوم لكن كان مسافر راجع الهند مرة تانية وأعتقد هو موجود هناك أحدي هسي ..!
09-01-2009, 03:09 PM
نصار نصار
تاريخ التسجيل: 09-17-2002
مجموع المشاركات: 11660
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
نصار
الامين جبارة الله التوم
ناذر محمد الخليفة
فيس بوك
تويتر
انستقرام
يوتيوب
بنتيريست