|
|
 حين عثرت لقاء علي صديقة
|
لا تتصوروا مدي سعادتي وانا اري (لقاء) و قد حصلت علي صديقة اخيراَ بعد تلتلة و نقنقة و خراج روح
- فلانة ديكـ ما بتعرف
- علانة ديكـ بتتكلم كتير
- فلانة ديكـ ما بتسمع الكلام
- علانة ديكـ عندهم كلب 
.. الخ الخ
إذن قد آن لي الان ان استريح من عناء اني (صديقتها) الوحيدة , لن امارس بعد الان الالعاب التي تجعلي
ابدو عبيطا و انا العبها معها علي شاكلة اتزحلق في الزحلقانية وسط إستهجان بعض النسوة كبار
السن من الهولنديات و الجنسيات الاخري في الراجل العوير البتهابل ده , وهن لا يعلمن اني اؤدي
وظيفتي بإخلاص كامل كـ (صديقة) للقاء
الان اطلقها الي رحاب صداقتها مع (سارة) الطفلة من اصول مغربية , تكبرها بـ 3 اعوام و نصف لكنها
لطيفة , حازت علي إعجابنا و سعادتنا بعلاقتهن الوليدة .
___
تلجي و بتي , اكسرهم الاتين , علي كيفي 
|
|
 
|
|
|
|
|
|
|
|
Re: حين عثرت لقاء علي صديقة (Re: خدر)
|
Quote: إذن قد آن لي الان ان استريح من عناء اني (صديقتها) الوحيدة , لن امارس بعد الان الالعاب التي تجعلي
ابدو عبيطا و انا العبها معها علي شاكلة اتزحلق في الزحلقان |
الاخ خدر
رد الله غربتكم وغربة بتنا الجميلة لقاء وربنا يحفظا ليكم
..
| |
|
|
|
|
|
|
|
|
|
Re: حين عثرت لقاء علي صديقة (Re: Emad Abdulla)
|
الولادة تأديب و إصلاح يا حكمدار
وابو الهول إجازة مؤقته , انا خايفهم بكرة يختلفو
و ترجعني للعباطات تاني يا عماد يا اخوي
شفت الكيشة ده لاصق فيهم كيف ؟
و كمان عامل كُم آه و كُم لا
| |
|
|
|
|
|
|
|
|
|
Re: حين عثرت لقاء علي صديقة (Re: حمور زيادة)
|
Quote: ابهات اخر زمن الكيشة ديل.
ياخ انا عشان ما عندي اخوان يلعبوا معاي ابوي علمني الطاولة .. انت بتك ترجعك الزحلقانية ؟
يا زول براك عاوز تتزحلق ما تعملا في لقاء. |
اسه فاضحني مالكـ يا حمور
| |
|
|
|
|
|
|
|
|
|
Re: حين عثرت لقاء علي صديقة (Re: esam gabralla)
|
خدر
البت مشطو ليها شعرها
نرسل ليكم رباطات,,,
والله ياخدر متعات خلاص من صغار
وبكرة يجيك واحد زى وعصام جبر الله دا
يقولك ياعمو انا بحبها,,,
لعبت بكم ,لبست بكم,,وقرت بكم
هو مش دارى
الله يكبرها ويعلمها ,,وتم باقى الدعوة على كيفك
| |
|
|
|
|
|
|
|
|
|
Re: حين عثرت لقاء علي صديقة (Re: abuguta)
|
العزيز حدر
تحياتي ،
مبروك الصاحبة الجديدة للقاء .
بس أوعكم تعلموها الحجلة وفتحي يا وردة
وخلوا لقاء تتعلم منها لعبات جديدة غير
الزحلقانية والمرجيحة ، وسوف أنتهز فرصة
وجودي هذه الأيام في الدوحة وأسأل ليكم
آمنة بت أسامة الجيلي عن آخر اللعبات
الجديدة في الدوحة عشان ترسلها ليكم.
مع تحياتي لأم لقاء (بارعة) .
ألف حمدلله على المخارجة من عالم (الهبالة) !!
مودتي ،
( ليمو )
| |
|
|
|
|
|
|
|
|
|
Re: حين عثرت لقاء علي صديقة (Re: abuguta)
|
| Quote: ما عاوزة ليها صاحب ... عندنا صاروخين هنا .. شيلهم الاتنين و أنا بدفع ليكم |
يا زول دفعت ليكـ خالد مع جوز اللوز العندكـ ده
النبي فوقي جني و جن الضكور
خالد عصام ده بالذات حا اخلص منو الدفعتو فيها + عمايل ابوهو فيني
ارقد قفا يا ابقوتة
ربنا يخلي ليكـ وليداتكـ و شكرا يا فنان
| |
|
|
|
|
|
|
|
|
|
Re: حين عثرت لقاء علي صديقة (Re: خدر)
|
.
الحبيب طارق ...
(صديقة) نعم.
(أصدقاء) لا. "وإحذر الأوغاد منهم من الآن وحتى قيام الساعة".
سديم الله يهديها كلما نقول ليها: ياسدومة ياخي يزن ده ما أخوك الصغير
خلي يلعب معاك، بت اللزينا تديهو في راسو بأي مصيبة جنبها،
عندها(صديقة) سودانية جارتناإسمها(سماح) وهي أيضا تكبرها بسنوات،
توفر لهاقدرا كبيرا من الدعم الفني واللوجستي .. وبينهم محبة كبيرة،
يعافر (يزن) أبو راس كبير أن يجد مكانه بينهن، ويبذل محاولات جادة
ومستميته لفركشة هذه الصداقة المدمرة ..لكن "هيهاتنّ"،إن كيدهن جميل!
الاستاذة سديم عندها كيس كبير مليان ألعاب وحاجات بتاعة بنات صغار ..
كلما همت بالنزول لبيت صديقتها(سماح) كلفتني أن أساعدها في التوصيل
ذهاب وإياب .. بينما أخوها الهمام ( يزن) يلاوي بألف حيلة وكمين مشاغبات
للحيلولة دون خروجنا من الشقة .. لكنه لم يعرف بعد أن ظلم النساء أشد مضاضة،
وأظنه لن يعرف إلا بعد أن يقع "الفأس" ويقطع الراس.
يازول ( لقاء) تعيش وتسر بصديقاتها وصويحباتها،
بس زي ما قلنا(الأصدقاء) من الأوغاد .. كو! بلا لمة.
كل سنة والبنات طيبات
سيف اليزل
.
| |
|
|
|
|
|
|
|
|
|
Re: حين عثرت لقاء علي صديقة (Re: سيف اليزل الماحي)
|
الله يعلم يا خدر رقبتي اتكسرت من شيل حلا
ومشوار التلاتة ميل اللازم نعملو كل يوم داخل شقة ضيقة
انت وعصام لو عندكم صديقة زائدة رسلوها لينا بسرعة
لأنو حلا قدت اضانا بقولتها المكرورة " انا ما عندي فريندز" و " از نوت فير"
| |
|
|
|
|
|
|
|
|
|
Re: حين عثرت لقاء علي صديقة (Re: ابراهيم على ابراهيم المحامى)
|
والله يا عديل ربنا يعيننا علي ما اصابنا
ليقو اول مره تقول لي (ليه) قلبي وقف عديل و إحترت اشرح ليها كيف
في الاخر قررت انو اتعامل معاها كصديقة فعلا زي ما هي عاوزة
و بقيت احكي و اشرح .. شي تفهمو و شي ما تفهمو و الله غالب
ضحكتني الصور و متخيل منظركـ
و اسه بضحكـ لانو البوست ده حا يعمل مشكلة كبيرة عندكم في البيت
كيف لقاء عندها فريند و حلا ما عندها فريد و غالبا حا تكون في شتائم من نوع بت خالتي الخاينة و كده
| |
|
|
|
|
|
|
|
|
|
Re: حين عثرت لقاء علي صديقة (Re: سيف اليزل الماحي)
|
.
| Quote: وكت هي عثارة كدا وصيها تشوف لعمها حاجة |
| Quote: ابوها زاتو كان عثرتوا ليهو معاكم يكون في السلك |
الأعزاء حسين وطارق
أقال الله عثراتكم.
لو عندكم نية "عترة" تاني شوفوها غادي غادي، بس أختو البنات الصغار ديل!!
إنتو بعد ده مليون " عترة " ما بتصلح مشيكم، أكلوا ناركم ساي.
سيف اليزل
.
| |
|
|
|
|
|
|
|
|
|
Re: حين عثرت لقاء علي صديقة (Re: معتصم الطاهر)
|
سيف اليزل
والله يا اخوي نحن فايتكـ بالفصاحة ساي لكن سرجنا وااااحد
يا باشمهندس والله إشتهينا شوفتكـ يعلم الله
العزل بيد من بيده الامر يا صديقي
طمنا عليكـ يا صاحب و ما تغيب
| |
|
|
|
|
|
|
|
|
|
Re: حين عثرت لقاء علي صديقة (Re: ابراهيم على ابراهيم المحامى)
|
Quote: فلانة ديكـ ما بتعرف
- علانة ديكـ بتتكلم كتير
- فلانة ديكـ ما بتسمع الكلام
- علانة ديكـ عندهم كلب
.. الخ الخ |
زمااااااااااااان كلمناك لما كانت صغيرة ما تقعدها في كرعينك وتقرا بورد السجم دا...
اها دي اخرتها لا يعجبها العجب لا الصيام في رجب..
والله ياخي متعة كبيرة حكاية الطفل يلقى ليه صاحب وبفلقك بيه..
يا ابراهيم حلا دي قوليها تعمل اماجنري فريند والله ترتاح راحة..
الاماجنري فريندز ديل حلو مشكلة بت اصحابنا في امريكا..
اليوم كلو قاعدة في الركن تلعب مع الاماجنيري فريندز ديل ذي العجب..
مرلاة تصالح ومرة تخاصم ومرة تشاكل ومرة تغني بالله بورد بس..
مودتي لكم جميعا
يو ميد ماي دي
| |
|
|
|
|
|
|
|
|
|
Re: حين عثرت لقاء علي صديقة (Re: سيف اليزل الماحي)
|
يا فنان
بالله كدي سحبة في اخينا سيف اليزل ده
صدّق عرفتك بسديم والله
بالله انت قاعد في المخروبة دي
انت يا عريبي لسة غتيت وما بتتكلم ..مع انك زول اركان كنت
يا طارق سيف ده نحات ابن لزينا كان الدفعات القبلينا في الجامعة وكان صوته واطي في الاركان..فكان بجي زول صوته عالي زي انيس او بحر بشتغل ليه كولنق وهو يستلم الجماعة نقة براحة كدة زي البتكلم مع حبيبته ما بخاطب في ركن نقاش
ومرة صالب الشهادات العربية السمحات ديك ركن من تسعة صباحا لحدي خمسة مساء...غايتو بعد كبروا بكونوا اتغابوا فيه العرفة
وعنده اشهر تمثال في ساحة الكلية ان لم تخني الذاكرة رجل واقف مهدود حيله بحاول يرمي في البوت كرمز للعسكريات الحكمت البلد وتعب الناس معاهاوسبدرات جقلب في افتتاح المعرض في القاعة
غايتو الكان شغال تسويات معانا جيبوا لي ايميل منو عشان نديكم ايميل منو ايام الهوت ميل في السعودية كان مخرج طالع من شارع الملك فهد لو فوتته بتلف شهر عشان تلقي وحدة رايحة منك .
ياخي سلم لي علي ابو أسيل ياخي حليل زمان وهلتون جدة وسكن سامر
يا طارق
ليقو دي عشان تعمل مخالصة منها ادي روحك تاني كمتاشر عام مؤنة صبر...مغاربة ما بحلوك اعمل ليها جبهة بوليساريو عديل
تسلموا كلكم
| |
|
|
|
|
|
|
|
|
|
Re: حين عثرت لقاء علي صديقة (Re: GamarBoBa)
|
يا نجاة ضحكتني العلاقة بين البورد و نقة لقاء
ربنا يخلي ليكـ عيالكـ يا ستي
قمرنا
لله درها تلكـ الايام يا صديقي , الجنا ده انت قايلو بنضم براحة كدي ليه
اتاريهو قاعدلو فوق راي لكن عجبني ليهو سديم قطعتا ليهو في راسو
| |
|
|
|
|
|
|
|
|
|
Re: حين عثرت لقاء علي صديقة (Re: سيف اليزل الماحي)
|
جدو (ليمو)
ليقو قالت ليكـ في الانتظار نحن
و بيني و بينكـ انا ذاتي في الانتظار عشان القي طريقة في كمبيوترات البيت المحروم منها دي
الحقونا بآخر ما انتجته ادمغة بنات السودان من اللعبات المحلية
هيييع هلا هلا الجعليين وصلوا
يا سيف و الله لقاء عجبها صعب .. بت الكلب دي انا عارفها
ياخي انا الليلة جد فرحان انو إبتسامتها كبيرة قدر ده
كنا فين و بقينا فين يا صاحب
التحية لي بتنا و الوغد المعاها و ابقي طيب و اظهر ياخي
| |
|
|
|
|
|
|
|
|
|
Re: حين عثرت لقاء علي صديقة (Re: Ibrahim Algrefwi)
|
بهدي البوست ده إلى نادر
الفاكر انه هو الاب الوحيد المعذبة ولده...
طبعا محمود يعجبك.. اليوم كله انا وهو متفقين ومتفاهمين.. ووشنا في وش بعض..
اول ما يجي نادر... يستلمه ليك... ويقيف ليه في حلقه...
| |
|
|
|
|
|
|
|
|
 Re: حين عثرت لقاء علي صديقة (Re: مريم بنت الحسين)
|
الزول الفنان طارق
تحية طيبة ومعليش مداخلة من برلوم , ربنا يحفظ ليك لقاء وخالد واطفالنا ويرد غربتنا جميعا
اما بالنسبة ل
Quote: اتزحلق في الزحلقانية وسط إستهجان بعض النسوة كبار
السن من الهولنديات و الجنسيات الاخري في الراجل العوير البتهابل ده |
يا اخي ما تتحسس , انت اولا وأخيرا زول هامش سااااااي. أتزحلق زي ما عايز في زول عارف طارق ابوعبيدة في هولندا
وتاني
Quote: وهن لا يعلمن اني اؤدي
وظيفتي بإخلاص كامل كـ (صديقة) للقاء
|
للأمر متعه خاصة
ابقى طيب
| |
|
|
|
|
|
|
|
|
|
Re: حين عثرت لقاء علي صديقة (Re: عمر التوم)
|
معليش يا طارق والبنيات ..
تخريمة مع عمكم قمر بوبا
تحيات يا صديق .. وتلك الأيام
لله درها من أيام ومن سجالات ومعارك .. كل التحايا للشباب الجبابرة
الذين جعلوا وقوفنا بذاك الخط رائعاً ونبيلا كما الأساطير ..
عارف ياقمر .. رغماً عن معاناة تلك الأيام وخلافه .. وخلافه، فقد
منحتني "الشهرة" الكثير من المعارف والأصدقاء والصديقات بشكل يومي
ولو لا "محازيركم" الكتيرة لكان بيدي ألف صديق وألف صديقة ملأ القلب
والفؤاد والخاطر .. الله يخرب محازيركم وتكتيكاتكم، ويحفظ "ج د" من
كل سوء .. فقد جعلتني أميز خطابي في تلك الأيام..
ياخي تحاياك واصلة لأبو أسيل، بس أعمل ليك حركة وزورنا في جدة
فدائما هنالك مشاوير في الإنتظار
شكرا لطارق ولقاء وسارة "المغربية"
بالمناسبة يا طارق .. أنا بحب المغرب من زمان
ياريت لو عملو فيها إغتراب كان مشيتا حافي .. لا أعرف سبب
للحكاية دي .. لكن من الإبتدائية لقيتني أحب المغرب والسويد
يمكن ربنا بعد كده يكتب لينا زيارة أو صداقة ... مين عارف!؟
تحياتي
سيف اليزل
.
| |
|
|
|
|
|
|
|
|
|
Re: حين عثرت لقاء علي صديقة (Re: سيف اليزل الماحي)
|
ماشاء الله تبارك الله يحفظهم الله
ـــــــــ
اسع الشافعة المغربية دي استأذنت اهلها تصورها وتنزل صورتها في شبكة الانترنت ولا ساكت بتصوروا انتو؟
ـــــ
الايام دي انا عندي اهتمامات بثقافة المحاكم والمقاضاة وكدا
| |
|
|
|
|
|
|
|
|
|
Re: حين عثرت لقاء علي صديقة (Re: اساسي)
|
يا طارق معليش سيف ده تاني ده
يا عريبي ما صدقت اندحت طوالي
ياخي تكتيكات شنو ومحاذير شنو و(ج د) شنو
نحن كنا ناس رابطة نوبة ورابطة علوم ساي
يعني للتوضيح انا ما كنت معاكم ..بس العلاقة بحكم عملنا في الروابط كانت قوية بناس التنظيمات ومنهم الاتحادي والامة
وده كان ممكن يكون شرف لي انضمام لـ ج د لكن ما ادعيه
فالتحية للايام القاسية العاشتها مؤسسات الجامعة في الزمن داك.
__
قلت ليك اجيكم جدة؟؟ليه البلد مالها؟؟ثم انو الواحد فيكم بقي بالله مقنطر بشفع وبتخافوا من نسابتكم.
تحياتي يا حبيب
| |
|
|
|
|
|
|
|
|
|
Re: حين عثرت لقاء علي صديقة (Re: اساسي)
|
يا اوغاد , سودانيزاولاين تقيلة الليلة الرد ده جماعي و اعذروني
قلت لي تمشي ليها حافي يا سيف ؟
ما اهو طارق جبريل قاعد فيها ليهو 20 سنة
و لي اسه يبكي و يتنخج
دايرين تبقوا علينا اتنين مالكم
كفانا من الدستة ملعقة
عمكم قمر بوبا شنو كمان ؟
حسب التاريخ البتقولوا فيهو ده , قمر بوبا (جدو) عديييل
موسي قلت لي العريبي ده قطع قلبكـ
داير يسويكـ في مِحن مع جو السودان المكهرب ج د و 10خ
والله سيف ده تباريهو باكر يعرس ليكـ و يقعد يضحكـ فيكـ
| Quote: اسع الشافعة المغربية دي استأذنت اهلها تصورها وتنزل صورتها في شبكة الانترنت ولا ساكت بتصوروا انتو؟ |
موش شغلكـ
| Quote: الايام دي انا عندي اهتمامات بثقافة المحاكم والمقاضاة وكدا |
ايوة ملاحظ ليكـ خاشي في جُلباب حسن زلابية
| |
|
|
|
|
|
|
|
|
|
Re: حين عثرت لقاء علي صديقة (Re: عمر التوم)
|
| Quote: الواحد نسى زاتو أنو مولود فى الدايات أمدرمان |
والله يا حاتم بقيت تجليها ظاهرة
ياخي انت كان قريب تكون مواليد كدباس
تقول لي الدايات ؟
ناس المغرب عشورين والله ربنا يحفظهم و شايفك مسجل غياب
إنشاء الله خير
عمر التوم
يا صاحب , بوستاتي دي مناطق محررة , مافيها برالمة و سناير
ادخل تب علي كيفكـ و بي رجلكـ الشمال كمان
شكرا يا عمر ياخي
| |
|
|
|
|
|
|
|
|
|
Re: حين عثرت لقاء علي صديقة (Re: خدر)
|
Green:
هذا بخصوص الصديقات ..
طمنا عن الأصدقاء ..
تخريمة :
أعثريييلي يا حمامة ...(ثم همس الفاروق في أضان لقاء)
(طلب للإنضمام لحملة المعثرين)
| |
|
|
|
|
|
|
|
|
|
Re: حين عثرت لقاء علي صديقة (Re: عمر الفاروق)
|
.
يا قمر ما قلتو "نوبة" ههههههههههه
يعني نخليك تنقح طارنا برانا في السنة "المحله" دي ..
أنا ذاتي ما كنت معاكم ولا معاهم .. مالي والتعب والكلام الكعب!
والله هسي بقينا الواحد ممكن يسكو بجريدة .. الله هدانا
لا بأس عليك يا صديق أنا بتكلم عن الإتجاه العام في تلك "الحقبة"
من التاريخ البعيد القريب على قول طارق.
لكني والحق .. "حتى لانخرج عن موضوعة البوست" ظفرت بصداقات كثيرة
لا تزال جزءا عزيزا من وجداني .. رغماً عن بحثي المستمر عن الكثير
من الأصدقاء والصديقات الذين أضعت سبيل الإتصال بهم .. فهل من مجيب؟
وهل من مجيبة؟
يا طارق نحنا ما عندنا مشكلة في "إستجلاب" صديقة لسديم، مشكلتنا
في سيكولوجية العناد عند الشباب الصغار ديل!!
عارف .. "يزن" لمن يعبر عن إحتجاجه بمشي أقرب جدار ويضرب راسو
الكبير ده خمسة .. ستة ضربات لمن جبهتو بقت عريضة .. ده علاجو
شنو .. نتصل بـ"صديقة"؟
قال إيه: ياصديقي دعك من "عثرات" قولي
مهداة للأصدقاء حسين وطارق
مع تحياتي
سيف اليزل
.
.
| |
|
|
|
|
|
|
| |
خدر
حذيفه ابراهيم الكباشي
Hussein Mallasi
حمور زيادة
Emad Abdulla
abuguta
abdulhalim altilib
معتصم الطاهر
GamarBoBa
Ibrahim Algrefwi
مريم بنت الحسين
حاتم الياس
عمر التوم
عمر الفاروق
omer osman
فيس بوك
تويتر
انستقرام
يوتيوب
بنتيريست