|
|
|
 Re: المريخ يخرج ويصدر معه تاشيرة الخروج للهلال (Re: khaleel)
|
لانه لم يتعود ان يفوز علي مر التاريخ خارج السودان
لا يا خليل
الهلال تعادل وفاز خارج الارض
الهلال فاز على الاهلي المصري بهدف ريتشارد
وتعادل في تونس
وتعادل ما مازيمبي
في بطولة الابطال
وبفريق اقل من هذا الفريق اعدادا
اول فريق يهزم كانو هو الهلال في هذه البطولة
| |
 
|
|
|
|
|
|
|
|
Re: المريخ يخرج ويصدر معه تاشيرة الخروج للهلال (Re: khaleel)
|
خليل ...
الإحتمالات كثيرة..
أولاها زيسكو يفاجئ كانو في عقر دارهم...
ثانيها المريخ يتجلي في أي كورة برة....و نحن نرش المريخ لمن الله يغفر ليهو
من العوامل المساعدة كورة الهلال القادمة في كانو في رمضان و الفلاته بيكونو صايمين و مع البعدها مع المريخ....كورتنا مع زيسكو بعد رمضان....
| |
|
|
|
|
|
|
|
|
|
Re: المريخ يخرج ويصدر معه تاشيرة الخروج للهلال (Re: أمين محمد سليمان)
|
سلامات
وعوافي
ياخلي ..
الهلال دا لو ختاك انت تاني عوجة ما بتجيهو..
شفتا خوووووووووفك الكتير دا ياهو المطير النوم من عيونا..
يازول الهلال دا قهر الاهلي القاهري في ارضو تقول لي ما بيغلب برة ارضو ..والهلال السعودي في القاهرة .. والوكرة القطري في قطر ..والاسماعيلي في الاسماعيلية ..ولسة القائمة كبيرة ياحبة..
انت نسيت 87 وتمنين واهداف صبحي وكندورة ووليد طاشين رايح جاي ..
والله عادي جدا قاعدين نغلب برة ..
بس انت اديني خاطرك "امسكو ليك" وقفل كمبيوترك دا وما تقرب الهلال دا "غالب او مغلوب"..
لانو صدقني لما اقرا ليك بوست قبل المباراة بي يومين بتجيني حمى ما بتفك الا بعد المباراة بي يومين..
وانت عارف نحن ناس ورانا اشغال وعندنا عيال بنربي فيهم ومحتاجين لي صحتنا لنيل هذه الاغراض الشريفة.
اها يا حبة نتلاقا في دور الاربعة انشاء الله..
وعليك الله يا خليل بطل تشاؤم..
| |
|
|
|
|
|
|
|
|
|
Re: المريخ يخرج ويصدر معه تاشيرة الخروج للهلال (Re: ودرملية)
|
| Quote: لانو صدقني لما اقرا ليك بوست قبل المباراة بي يومين بتجيني حمى ما بتفك الا بعد المباراة بي يومين.. |
والله يا ودرملية ياخوي ياهو حالنا كلنا ما براك..عشان كدة عليك الله خلونا بس توووش المباراة طوالي..مش كفاية مروق الروح بتاع التسعين دقيقة..الله ينصر الهلال وينصرو وينصرو ويبرد بطنا.
| |
|
|
|
|
|
|
|
|
|
Re: المريخ يخرج ويصدر معه تاشيرة الخروج للهلال (Re: محمد الطيب يوسف)
|
يا خليلي .. تاشيرة شنو .. ؟؟؟؟ اجماعه براااااااااااااااهم ركبو التونسيه ..
ممكن يتعكلتو معانا في المقبرة ولكن حتي لو اتعكلتو نقطتنا مابخليها ليهم ..
وزي ما قال طلحه امبارح الهلال داير ليهو نقطتين بس .. ونكون في الربع النهائي يا قريبك ..
شيل وهمه خروج الهلال دي من راسك ...
انا كنت بتمناها ( 7 / صفر )
| |
|
|
|
|
|
|
|
|
|
Re: المريخ يخرج ويصدر معه تاشيرة الخروج للهلال (Re: عبدالله كع)
|
احيييك ياخليل على الحقيقة
يعني بالمعنى الواضح كدا الهلال (ضنــب ) المريخ
ودي حقيقة لانو الناس مابتعرف الهلال لصفره الدولي الذي يعلمه كل سوداني
اما مريخ مانديلا فهو معروف فبقولوا الهلال المنافس لمريخ مانديلا في السودان
وضنبنا دا حنقطعـوا نخلي يفرفــر معانا
قال صعود قال السبعة دي محطة في الكلاكلة تقريبا
| |
|
|
|
|
|
|
|
|
|
Re: المريخ يخرج ويصدر معه تاشيرة الخروج للهلال (Re: محمد مصطفى)
|
Quote: يعني بالمعنى الواضح كدا الهلال (ضنــب ) المريخ
ودي حقيقة لانو الناس مابتعرف الهلال لصفره الدولي الذي يعلمه كل سوداني
اما مريخ مانديلا فهو معروف فبقولوا الهلال المنافس لمريخ مانديلا في السودان
وضنبنا دا حنقطعـوا نخلي يفرفــر معانا
قال صعود قال السبعة دي محطة في الكلاكلة تقريبا
|
إنت يا دكتور وهبه ما قلت حصرت الحالات كلها و خاتيهم عندك في الكرنتينه ! ده جا من وين ؟!
| |
|
|
|
|
|
|
|
|
|
Re: المريخ يخرج ويصدر معه تاشيرة الخروج للهلال (Re: محمد مصطفى)
|
يا خليل لا نريد بطولات على طريقة الوصيفاب
وتأكيد الجدارة يكون بانتزاع نقاط من خارج الأرض وقد فعلها
سيد البلد في 2007م بالتعادل مع الترجي بأرضه وفعلها في 2008م بالتعادل مع مازيمبي في كنشاسا..
الفرق يا خليلي هذا العام يكمن في وجود بدائل وخيارات متعددة ومدرب كبيرررر..
ولا عزاء للمزملاب..
| |
|
|
|
|
|
|
|
|
|
Re: المريخ يخرج ويصدر معه تاشيرة الخروج للهلال (Re: نيازي مصطفى)
|
| Quote: يعني بالمعنى الواضح كدا الهلال (ضنــب ) المريخ |
عليك الله شوف المصاب بداء الصمرقع دا
ياخى من امس انا قلت ليك اسكت انت ما بتفهم فى الكورة
كيف ضنب ,,يعنى,,,فريق حتى اللحظة له نقطة واحدة
الفرق 6 فى الابطال و6 فى الدورى
ياخى توارى واخجل وامشى اغسل وجهك
وتعال تانى
كلام خليل تحليل ,,,يجانبه الصواب
لان المريخ هو الذى اعطى زيسكو تاشيرة الدخول
الاحتمالات واردة
بس الهلال يملك اقوى دفاع فى دورى الثمانية
| |
|
|
|
|
|
|
|
|
|
Re: المريخ يخرج ويصدر معه تاشيرة الخروج للهلال (Re: khaleel)
|
كرة القدم في السودان عافيتها في قوة المنافسة الداخلية
نظرة بسيطة الي موقف الدوري عندها معاني كثيرة
الهلال ... 16 مباراة .... 46 نقطة
المريخ... 16 مباراة .... 40 نقطة
و الثالث
الخرطوم ... 18 مباراة ... 26 نقطة
يعني منافسة داخلية مافي عشان تصقل اللعيبة و تطور مهاراتهم
انا هلالابي و اعشق الهلال و هزيمة المريخ هي هزيمة للهلال لانهم
داخلياً يتنافسون علي بطولة واحدة و اعتقد ان مستوي الاربعة فرق
الاولي علي الاقل يكون متقارب عشان تنجب الملاعب دحيش و قاقرين و ماجد
و كمال عبد الوهاب و الصياد و بشير عباس .
غير كدة بيكون رحم الملاعب عاقر و انتو بتنفخوا في الهواء
و القضية بدل ابداع و مهارات بتبقي قروش و امكانيات و شراء و بيع
لي عودة يا خليل و ضيوفه
| |
|
|
|
|
|
|
|
|
 Re: المريخ يخرج ويصدر معه تاشيرة الخروج للهلال (Re: khaleel)
|
| Quote: والان ينافس فريقان |
وهو لها ... انشاء الله
وياخليل قلت ليك الواقع ده
ونبهتك لمستوى الهلال القادم
على حسب تجربتنا المتواضعه
فى دنيا كرة القدم .....
وممكن ترجع لبوستاتك السابقه
بتاعة الهضربه و الرجفه
عشان تتأكد .......
وغير كده يا خليل عندما ذكرت
الهلال طول عمرو ما حقق نقاط
خارج ارضو استفذيتنى وغير الذى
ذكره المتداخلين ما تنسى
تاهل الهلال 87 للنهائى كان
بتعادل و انتصارات خارج الارض
وبرضو 82 عندما تعادل مع بطل
افريقيا آنذاك جيت الجزائرى
والاسماعيلى المصرى 92 وووو حرام
عليك يا فشنك ................
بس انت بطل رجفى و قول بسم الله
الحبه ده ما بتجينا ولا وهبه
يصرف ليك حبوب الصمرقع
| |
|
|
|
|
|
|
|
|
|
Re: المريخ يخرج ويصدر معه تاشيرة الخروج للهلال (Re: khaleel)
|
خليل
| Quote: فوز الهلال خارج الديار صدف وليس منهج مدروس كالاهلي القاهري سابقا والصفاقصي |
كامبوس مدرب محترم و يتفوق على ريكاردوا بالتنويع فى طرق العب و تجهيز البدلاء
ولايعرف الا العطاء داخل الملعب و الدليل وضع افضل مهاجمى السودان على دكة البدلاء عندما قل مجهوده ( امبيلى )
ضف الى ذلك الخبره الكبيره للهلال ...جمهور ... لاعبين ... ادارين
وبرضو بقول ليك بطل جقلبه و امشى نوم والكلام ده على مسئوليتى
و للتاريخ
عندما وصل الهلال فى 87 للنهائى كان اساسى الهلال 13 لاعب
عندما وصل الهلال فى 92 للنهائى كان اساسى الهلال 11 لاعب
عندما وصل لدور الاربعه 2007 كان اساسى الهلال 12 لاعب
عندما وصل لدور الثمانيه 2008 كان الاساسى 9 لاعبين
اليوم 2009 اساسى الهلال 25 لاعب بالتمام و الكمال
بعد كل هذا يا خليل لاتصنف فريق الهلال الحالى بفريق البطولات
طيب فريق البطولات ده يكون كيف يا خليل ؟؟؟؟؟؟؟؟؟؟؟؟؟؟؟؟
| |
|
|
|
|
|
|
|
|
|
Re: المريخ يخرج ويصدر معه تاشيرة الخروج للهلال (Re: khaleel)
|
محطة سبعة اخر محطة ما فى مشى لى قدام
-------------------------------------------
كانو الحكم ما من زيمباوى احتمال بلنتى طاير اقل من صفر فى المية
الحاجة التانية حجاح كانو عندهم باتريوت لصواريخ مايرنو
لوساكا بعد النقاط الاربعة نيم و قرض و لا حبة ما متوقعة
فى الزريبة الضباح قاعد
| |
|
|
|
|
|
|
|
|
|
Re: المريخ يخرج ويصدر معه تاشيرة الخروج للهلال (Re: mwahib idriss)
|
سلامات
وعوافي
يا خليل صحصح معانا شوية
| Quote: اولها رمضان والتحكيم والارض والتنظيم الجيد لفريق كانو |
اول حاجة ولاية كانو في نيجيريا ولاية اسلامية يعني المباراة ستلعب ليلا وربما يكون في الفريق النيجيري اكثر من لاعب مسلم يعني صايمين زينا ما اعتبار اللاعبين غير المسلمين في تشكيلة الهلال..
يعني الشغلان بتكون متوازنة ..
بعدين تنظيم شنو الجيد لكانو بيلارز .. انا في نظري فريق عادي جدا جدا بعد مشاهدتي لي مباراة زيسكو وبيلارز ومباراته مع المريخ في كانو ..ياخي المريخ في كانو الشوط الاول كان مفروض يغلبو فيها اربعة صفر لولا رعونة وارغو في ختم الهجمة .. المريخ في المباراة الخسرا 3/1 كان مفروض يغلب فيها تلاتة صفر علي اسواء فرض اذا ترجمت الفرص الفي الشوط الاول ..
يا خليل ابرد شوية وعوجة ما بتجينا ..
انت زول كبكابة ساي .. خوفك دا ياهو المورطنا في الطين.. ياخي اتفاءل حبة شوية كدة ..بعدين ارتحنا من قسطنتين جيتنا ناطي بنتائج الهلال الخارجية .. يازول والله مافي فريق سوداني حقق نتائج الهلال الخارجية وانت عارف كدة لكن عشان تدعم تشاؤمك بتقوم تحرف الحقايق دي ..
يا عويس ..
عمر الفاروق زماااااااان قال خليل دا هو كج الهلال الاوحد ..
وبي صراحة بديت اصدقوا ..
معزتي للجميع ..
| |
|
|
|
|
|
|
|
|
|
Re: المريخ يخرج ويصدر معه تاشيرة الخروج للهلال (Re: ودرملية)
|
ود الرملية واخرون
لا تشجع الهلال علي طريقة اهل الصحافة الرياضية
علي مر التاريخ الهلال خذلنا في المحكات الكبري
خذلنا في 87 امام الاهلي القاهري (وانفنس ) في امدرمان وخرج بالتعادل السلبي في اسواء مباراة لعبها الهلال
في 87 وبعد ذلك تحجج بلارش
خذلنا في 2007 امام النجم الساحلي حينما استقبلت شباكه هدف في دور الاربعة في امدرمان وهو من المحرمات الكبري
وخذلنا في المغرب بعد ان صمد حتي الدقيقة 87
| |
|
|
|
|
|
|
|
|
|
Re: المريخ يخرج ويصدر معه تاشيرة الخروج للهلال (Re: khaleel)
|
علي العموم
المريخ قد طبع تاشيرة الخروج في جواز الهلال
والهلال الخيار اما ان يخرج اما ان ينتظر
تحت تحت وليس للنشر
الخبير عثمان النعيم يرشح مازيمبي للفوز بكاس افريقيا هذا العام
وانا معه وسحبت ترشيحي للنجم الساحلي لانه يمر بظروف حرجة مثل الوصيف
| |
|
|
|
|
|
|
|
|
|
Re: المريخ يخرج ويصدر معه تاشيرة الخروج للهلال (Re: khaleel)
|
حبيبنا خليل
تعرف في بوستيك ده أحسن حاجه فيهو دي
Quote: الخبير عثمان النعيم يرشح مازيمبي للفوز بكاس افريقيا هذا العام
وانا معه وسحبت ترشيحي للنجم الساحلي لانه يمر بظروف حرجة مثل الوصيف |
يعني إنت وقسطنطينك ما مرشحين الهلال
لأنو لو كنتو رشحتوهو للبطوله
كان يادوب سقطتو حجرو وكان أنا فقدت الأمل في إمكانية إحراز الهلال للبطوله
لكن الحمد لله... الله ستر
| |
|
|
|
|
|
|
|
|
|
Re: المريخ يخرج ويصدر معه تاشيرة الخروج للهلال (Re: khaleel)
|
Quote: ويا خليل أنت زول كرتك فكت خلاص!! تذكر قبل أ سبوعين لمان شديت بوست وقلت
أنو المريخ فريق عالمي وفريق بطولات!!
|
كيمو
المريخ فعلا فريق عالمي وفريق بطولات ولكن لا ادري ماذا حدث له وليس بالضرورة ان تتاهل فرق البطولات
الاهلي خرج والجيش والشبيبة واسيك والقطن وانيمبا كلها خارج دور الثمانية
انها بطولة المفاجات
| |
|
|
|
|
|
|
|
|
|
Re: المريخ يخرج ويصدر معه تاشيرة الخروج للهلال (Re: khaleel)
|
دعوة كثيرة المحلبية
يفوز الهلال علي كانو وزيسكو ويخسر من المريخ اي يجمع 13 نمرة
يفوز المريخ علي زيسكو والهلال وكانو ويجمع عشرة نقاط
يذهب الفريقان لدور الاربعة
يفوز المريخ علي مازيمبي ويفوز الهلال علي النجم الساحلي
ونتقابل في النهائي
وسنفوز بالكاس ونمشسي كاس العالم في ابي ظبي
ونلعب مع برشلونة ونغلبو كيتن علي جوردويلا الشطب ايتو دا
| |
|
|
|
|
|
|
|
|
|
Re: المريخ يخرج ويصدر معه تاشيرة الخروج للهلال (Re: khaleel)
|
Quote: كان يادوب سقطتو حجرو وكان أنا فقدت الأمل في إمكانية إحراز الهلال للبطوله
لكن الحمد لله... الله ستر |
الذي ينحس الهلال هولاء وليس انا
انا زول مبروك
ينحس الهلال
عدم سرعة الهجمة
تقدم السن بهيثم مصطفي
باصات مهند الخاطئة
صداقة علاء الدين يوسف للكروت
وعدم الانتصار خارج الديار
والانفناسة في اللحظات الاخيرة
| |
|
|
|
|
|
|
| |
khaleel
جمال السنوسي
Habib_bldo
Mohamad Shamseldin
كمال عباس
أمين محمد سليمان
ودرملية
معتصم مصطفي الجبلابي
عبدالله كع
محمد مصطفى
محمد عادل
محمد البشرى الخضر
طارق عمر مكاوي
محمد الجيلى
نيازي مصطفى
abuguta
Hamid Elsawi
حمد فتح الرحمن
كمال حسن
فيس بوك
تويتر
انستقرام
يوتيوب
بنتيريست