|
|
 ايام وليالي في حضرة اهلي البطاحين
|
شاءت الاقدار ان التقي انا وصديقي خالد المحرب
في رحلة واحدة من الرياض الى الخرطوم
ومنذ وصولنا الى الخرطوم وجدنا في استقبالنا الاخ العزيز مصطفى ابوحريرة بالمطار
وحلفوا علي كعادة اهلنا البطاحين (حرامات 00وطلاقات) ان اذهب معهم الحاج يوسف المايقوما
وقد كان وعندما وصلنا منزل مصطفى وجدنا الاستقبال الحافي والزبيحة والشية والمرارة واشياء اخرى
وكنا مرهقين جدا فذهبنا لنأخذ قسط من الراحة في صالون عماد نسيب خالد المحرب واخو عفاف ابوحريرة وهو منزل الاسره
وعندما افقنا من التعسيلة جراء ارهاق السفر وجدنا عماد وعلاء الدين ويوسف قد حضروا من العمل بعد ان تفاجئوا بحضورنا وايضا وجدنا الشية والمراره والغداء هلمجرا 000
وفي المساء كان البرنامج مع العزيز احمد يوسف ابوحريرة وفضل ان يكون بمزرعة الاخ عوض لنأخذ راحتنا اكثر وان هناك حوافز اخري تستوجب المزرعة والهواء الطلق000
استمر هذا البرنامج اسبوع كامل وكل الامسيات بالمزرعة
وتعرفت خلال هذا الاسبوع على رجال اقل ما يوصوفوا به الكرم والشهامة البشاشه و اصالة اهل السودان الطيبين
كا اهل وقبائل السودان كريمين وشهمين ومرحابين ومضيافين 0000
واذا حدث هذا البرنامج من اهلي البطاحين في عيد بابكر ولا ابودليك كان الموضوع عادي000
لكن ان يحدث هذا في الحاج يوسف المايقوما فذلك شيء مدهش000
في احدى الليالي التقيت بجزء من البورداب في المزرعه منهم العزيز حافظ ابراهيم
تلك الايام تنبئك ان السودان مازال بخير والايام حبلى
شكرا اهلي البطاحين
وسوف اعود بتفاصيل اكثر
|
|
 
|
|
|
|
|
|
|
|
Re: ايام وليالي في حضرة اهلي البطاحين (Re: حافظ حسن ابراهيم)
|
طارق نقد مرحب بيك وعودا حميدا ......
يعني اسبوع تمام عوازيم .......
اذا اتحاد البطاحين راح في حق الله والعوازيم ....
الريس وعدنا خيرا بهذه السفرة العاجلة ونحن في انتظار النتائج .... اوعي تكون مرارة وشية فقط .... تحياتنا والف حمد لله علي سلامتكم مرة اخري
| |
|
|
|
|
|
|
|
|
|
Re: ايام وليالي في حضرة اهلي البطاحين (Re: مهدى الصادق السيد)
|
(والله يا شباب كنت مفكر افتح بوست بقصة البطاحين دي لكن الود اللفيف دا سبقني و قلت ما في داعي لتشتيت الكور عشان كدا كل الكلام بقولوا هنا ....)
انتو عارفين أول ما السيد ابو شنب (المحرب) ضرب لي تلفون و قال جاي يوم الخميس و معاهو كمان طارق نقد ,,, قلت يا مان دي مناسبة بتستحق إجازة و علي أسوا الفروض اورنيك مرضي ... المهم نجرت لي اجازة 5 يوم دا بعد نقاش و دهنسة مع ربة العمل الحجرية .... في النهاية وافقت علي الاجازة لكن ردمتني بشغل مبالغة اشتغلوا في الاجازة ....و دي إجازة بخيت علي وزن راحة بخيت .... بعدين بخيت دا قدروا ان يولد قبال هبوب رياح الثورة المناهضة للرق في بلدنا .... اتولد في ازمنة الظلام ..... بخيت دا شغلوا الاساسي راعي .... بسرح طيلة ايام الشهر ,,, بعدين عندو يوم واحد في الشهر راحة , و في يوم الراحة بجيب الشوك عشان يذرب الزريبة .... المهم انا بقت علي أجازة بخيت ....دا كلو ساهل انتو عارفين بعد ما اخدت الإجازة بساعتين ضرب لي المدعو خالد المحرب ....المدعو دي جميلة صح؟ المهم اتصل علي و قال انهم اجلوا البرنامج لحد الخميس الجاي .... و بعدين الخميس الجاي دا انا ما عندي سكة ادفن ابوي لو مات ......
المهم جاي مواصل
| |
|
|
|
|
|
|
|
|
|
Re: ايام وليالي في حضرة اهلي البطاحين (Re: مهدى الصادق السيد)
|
الحبيب مهدي الصادق
الله يسلمك
| Quote: الريس وعدنا خيرا بهذه السفرة العاجلة ونحن في انتظار النتائج .... اوعي تكون مرارة وشية فقط .... تحياتنا والف حمد لله علي سلامتكم مرة اخري |
والله انا الضمنتوا ليك الشيه والمرارة
بس الباقي علي الله وعلي زمة المسئولين
تحياتي
| |
|
|
|
|
|
|
|
|
|
Re: ايام وليالي في حضرة اهلي البطاحين (Re: حافظ حسن ابراهيم)
|
زي ما قلت ليكم الاجازة جات و خالد و طارق ما جوا .... يعني طلعت اجازة فالسو ....الشباب وصلوا بعد اليوم المحدد باسبوع ... و الاسبوع دا قدر ما حاولت اطلع لي منو بيوم غلبني ... يعني شئ مسفرنك الجزيرة ...و شئ خبير اجنبي واقف في رأسك ...جهنم بس داير داير ... قدر ما تديهو يقول لك هل من مزيد ....المهم يوم طلعت الساعة 6 قلت والله انا واصل الشباب ديل واصلهم .... عندي صحبي وصلني حتة ابعد من مد البصر ....يعني ماشين ماشين في النهاية نلقي ليك خالد ابو شنب المتجهم و عكسه طارق الضاحك .....
بعد السلام و الاسئلة الما عندها أي اجابة ... اسئلة زي ....
أها عاملين كيف مع الخرطوم؟
والله الحمد لله الامور ماشة؟
بالله كيف الوليدات و كيف الناس في الرياض؟
والله اهو الحال ماشي
و تتوالي الاسئلة leading question تتوالي الاسئلة ذات الاجابات المنتظره التي لا تسمن و لا تغني عن جوع ....لحد ما وصلنا المزرعة ...لكن قبل الوصول للمزرعة انا قلت ليكم صحبي وصلني لحد تقاطع الالتقاء و رجع ... بعدين للامانة كدا خالد و طارق عزموهو لكن كانت عزومة مراكبية ... يا خي ما تتفضل معانا...و كان رده
شكراً والله لاحق لي ناس....
غايتو لو كان وصل االمزرعة هذا الصديق التعيس (علي الطلاق ما كان طلع)...
يلا بجيكم لقصة المزرعة و عمي عوض (يسلم لي عوض لمن اجي راجع بموافقة الشباب ديل)
| |
|
|
|
|
|
|
|
|
|
Re: ايام وليالي في حضرة اهلي البطاحين (Re: حافظ حسن ابراهيم)
|
تعرف يا حافظ
Quote: بعدين للامانة كدا خالد و طارق عزموهو لكن كانت عزومة مراكبية ... يا خي ما تتفضل معانا...و كان رده
شكراً والله لاحق لي ناس....
غايتو لو كان وصل االمزرعة هذا الصديق التعيس (علي الطلاق ما كان طلع)... |
ما كانت عزومة مراكبيه لكن نحن قدرنا ظرفوا
وصاحبوا الكان معاهو مستعجلين وعندهم مهمه انسانية عاوزين ينجزوها
بعدين مار رسلنا ليهو نصيبوا معاك من الطيبات
ولا نمته بيهو
وبرضوا منتظيرن
| |
|
|
|
|
|
|
|
|
|
Re: ايام وليالي في حضرة اهلي البطاحين (Re: طارق عبد اللطيف نقد)
|
Quote: نسأل الله السلامة من هكذا فت ..!!
الحمد لله مافي صور ولا كان في كاميرا حايمة
كلو كتامي إنحفر وإندفن قبلو |
ناذر برااااك جيت حايم جابت كرعينا يا اخوي القال ليك تخش البوست دا منو ...علي فكرة يا شباب ناذر دا كان الفنان و لو في اي حد عندو مناسبة انا مدير مكتبه ممكن يتصل علي في اي وقت ... و رقمي 999
لكن يا ناذر جاييك ما تقول ناسيك....كدا يا طارق ضمنا موافقة واحد فضلو الاتنين الباقين ...و لا افت ليكم ناذر لمين الباقي يوافقوا
Quote: ما كانت عزومة مراكبيه لكن نحن قدرنا ظرفوا
وصاحبوا الكان معاهو مستعجلين وعندهم مهمه انسانية عاوزين ينجزوها
بعدين مار رسلنا ليهو نصيبوا معاك من الطيبات
ولا نمته بيهو
وبرضوا منتظيرن |
وليه ما قدرتو ظرفي انا؟ المهم دا كلو جاي لقدام ...و لعلمكم اي حد يرسل لي رسالة خاصة بخصوص البوست دا بختها هنا...
خلتيكم بعافية
| |
|
|
|
|
|
|
|
|
|
Re: ايام وليالي في حضرة اهلي البطاحين (Re: حافظ حسن ابراهيم)
|
اخى العزيز طارق بعيدا عن المراره والشيه طبعا اهلنا ديل عندهم حسابات ودا دين علينا عارفين خالد المحرب دا الزول البجيبو معاهو طيور على اشكالها تقع عشان كدى بحاولو يفرو لهذه الطيور واصحابها الشى البرضى الطرفين .
تخريمه سعدت جدا بلقاء بعض البورداب منهم حافظ والطيب شيقوق ومحى الدين جبريل وطبعا ناذر صديق قديم وكنت اتمنى ان الاقى كل بورداب الخرطوم والخارج الموجدين بالخرطوم ولكن ..............
| |
|
|
|
|
|
|
|
|
|
Re: ايام وليالي في حضرة اهلي البطاحين (Re: خالد المحرب)
|
العزيز ابو احمد
| Quote: عارفين خالد المحرب دا الزول البجيبو معاهو طيور على اشكالها تقع عشان كدى بحاولو يفرو لهذه الطيور واصحابها الشى البرضى الطرفين . |
والله عرفوها عرفه وجيهونا جيه تمام
اوفوا وكفوا 000ويوم شكرهم ما يجي والدين تقيل علينا
الله يقدرنا
| |
|
|
|
|
|
|
|
|
|
Re: ايام وليالي في حضرة اهلي البطاحين (Re: طارق عبد اللطيف نقد)
|
حبيبنا طارق نحياتى
والله يا طارق الناس ديل مشهود لهم بانهم أهل كرم ربنا يحفظهم
ويوسع عليهم من كل خير ، رجال بمعنى الكلمة هذا الكلام بقولوا
لانى عشت وسطهم و جاورتهم و الجيرة ما زالت مستمرة ، ومن رأى ليس كمن سمع
وانت يا طارق والله تستاهل كل هذا واكتر و ربنا يديم المعروف بين الناس
أحمد العمار
| |
|
|
|
|
|
|
|
|
|
Re: ايام وليالي في حضرة اهلي البطاحين (Re: احمد العمار)
|
بيبنا احمد العمار
الشوق كميات
Quote: والله يا طارق الناس ديل مشهود لهم بانهم أهل كرم ربنا يحفظهم
ويوسع عليهم من كل خير ، رجال بمعنى الكلمة هذا الكلام بقولوا
لانى عشت وسطهم و جاورتهم و الجيرة ما زالت مستمرة ، ومن رأى ليس كمن سمع |
باضبط ليس من رأى كمن سمع
والتجربه خير دليل وبرهان
وانت تستاهل الخير كله
| |
|
|
|
|
|
|
|
|
 Re: ايام وليالي في حضرة اهلي البطاحين (Re: طارق عبد اللطيف نقد)
|
اهلنا البطاحين بحكم اني اعيش بينهم اكثر من ثلاثين عاما كانو دوما اصحاب الحار اهل الخير والكرم برقم اني لست بطحاني ولكن تربطني بهم علاقة صداقة وعشرة من زمن بعيد اذكر منهم الاخ حسن عبد الوهاب والطيب البزيو ابنا ابو المعالي وعائلة الحادو ابنا الزين وكان والدى اول من كون جمعية تعاونية في منطقة المايقومة معي ابنا الدردري وخيرة ابنا البطاحين هم حقنا اهل كرم واصحاب نار لاتموت لهم الشكر منا الشكر من علي البعد
| |
|
|
|
|
|
|
|
|
|
Re: ايام وليالي في حضرة اهلي البطاحين (Re: حمزه بابكر الكوبي)
|
اهلنا البطاحين بحكم اني اعيش بينهم اكثر من ثلاثين عاما كانو دوما اصحاب الحار اهل الخير والكرم برقم اني لست بطحاني ولكن تربطني بهم علاقة صداقة وعشرة من زمن بعيد اذكر منهم الاخ حسن عبد الوهاب والطيب البزيو ابنا ابو المعالي وعائلة الحادو ابنا الزين وكان والدى اول من كون جمعية تعاونية في منطقة المايقومة معي ابنا الدردري وخيرة ابنا البطاحين هم حقنا اهل كرم واصحاب نار لاتموت لهم الشكر منا الشكر من علي البعد
| |
|
|
|
|
|
|
|
|
|
Re: ايام وليالي في حضرة اهلي البطاحين (Re: طارق عبد اللطيف نقد)
|
اهلنا البطاحين بحكم اني اعيش بينهم اكثر من ثلاثين عاما كانو دوما اصحاب الحار اهل الخير والكرم برقم اني لست بطحاني ولكن تربطني بهم علاقة صداقة وعشرة من زمن بعيد اذكر منهم الاخ حسن عبد الوهاب والطيب البزيو ابنا ابو المعالي وعائلة الحادو ابنا الزين وكان والدى اول من كون جمعية تعاونية في منطقة المايقومة معي ابنا الدردري وخيرة ابنا البطاحين هم حقنا اهل كرم واصحاب نار لاتموت لهم الشكر منا الشكر من علي البعد
| |
|
|
|
|
|
|
|
|
|
Re: ايام وليالي في حضرة اهلي البطاحين (Re: Hatim Elmaki)
|
الاخ حاتم المكي
مرحب حبابك الف
| Quote: اهلنا البطاحين بحكم اني اعيش بينهم اكثر من ثلاثين عاما كانو دوما اصحاب الحار اهل الخير والكرم برقم اني لست بطحاني ولكن تربطني بهم علاقة صداقة وعشرة |
لا يمكن ان تعرف اي شخص
الا بعد ان تعيش معاه وتعاشرة
وهي التي تظهر معادن الرجال
دمت دوما اخا حبيبا للبطاحين
| |
|
|
|
|
|
|
|
|
|
Re: ايام وليالي في حضرة اهلي البطاحين (Re: طارق عبد اللطيف نقد)
|
طبعا اخي وصديقي
احمد يوسف ابوحريرة
اعرفه من ايام الدوحة
والتقينا عندما زارنا بالرياض
في رحلته للخرطوم 000وكنا نلتقي عبر الهاتف
قبل هذه الرحلة وبعد ان استقر بالخرطوم000
رجل هادي رزين يحب الاجواء الفرايحيه000كريم وشهم ويحب الاخوان
وانتهز هزه الفرصه واهنئه بالمولودة الجديدة وربنا يجعلها0000
من بنات الوطن الصالحات وبارتا بوادليها00000
و ربنا يجمعنا في لحظات فرح وسرور في القريب العاجل000
| |
|
|
|
|
|
|
|
|
|
Re: ايام وليالي في حضرة اهلي البطاحين (Re: طارق عبد اللطيف نقد)
|
من الناس الرائعين جدا الذين تعرفت بهم بالاجازة
المهندس عماد ابو حريرة
واخوانه علاء الدين ويوسف
نسايب خالد المحرب 00اخوان عفاف ابوحريرة000
كنامستقرين في بيتهم تقريبا منتهى الكرم والشهامة 000
والهدوء 00وخدمة خمس نجوم000
عشان كده انا عرفت عفاف دي كريمة ومرحابه وبشوشه قدر ده ليه؟؟؟
تسلموا ويوم شكركم ما يجي0000
بس عيبهم الوحيد000ما كان بيجوا المزرعة!!!
| |
|
|
|
|
|
|
|
|
|
Re: ايام وليالي في حضرة اهلي البطاحين (Re: عفاف أبو حريرة)
|
العزيزة ام احمد
سلام وتحايا
| Quote: بس حكاية المزرعه دي ولا واحد فيهم ما من ناسه |
كتيرين زي ناس علي ابوحريرة
كانوا بجوا ويضربوا معانا الشية والمرارة
والحلة والونسة والغنا000
والله كانت ايام خوالي00000
وناس ذي الورد
ربنا يجمعنا بهم قريبا وربنا يسهل انشاء الله
| |
|
|
|
|
|
|
|
|
|
Re: ايام وليالي في حضرة اهلي البطاحين (Re: طارق عبد اللطيف نقد)
|
Quote: واذا حدث هذا البرنامج من اهلي البطاحين في عيد بابكر ولا ابودليك كان الموضوع عادي000
لكن ان يحدث هذا في الحاج يوسف المايقوما فذلك شيء مدهش000 |
عد بابكر ... وأبودليق ...
قلم ينم عن مفكر نابه وحصيف
البطاحين 11 فرع وأنت تعرفت على أسرة واحدة من فرع واحد
فيالسعد البطاحين بأبنائهم ويالفخر السودان بأبناء بطحان
الأستاذ /طارق نقد
والضيوف الكرام
تحية وأحترام
رمضان كريم
لكم الشكر حيث تعرفت من خلال البوست علي بطحاني الأخ الكوبي
وتعرفت على كتابات الكاتب حافظ حسن إبراهيم التي سمعت عنها
ومولودة أحمد يوسف نبارك لكم يا أبو البنية تربى في عزكم
تحية لأخي مهدي وماتوجع راسك زي ماقال الصديق محمد المبارك
البطاحين مهما أختلفوا بتقفوا في شيء واحد : البيت الكبير
التحية عبركم للأخ خالد المحرب والأخت أم أحمد ... ست البيت
ودمتم للود والمحبة .
| |
|
|
|
|
|
|
|
|
|
Re: ايام وليالي في حضرة اهلي البطاحين (Re: سمية الحسن طلحة)
|
العزيزة / سمية الحسن طلحة
لك كل الود والتقدرير
رمضان كريم وتصوموا وتفطروا على خير
اولا شكرا للتعديل اللغوي| Quote: عد بابكر ... وأبودليق ... |
ثانيا دي معلومة مهمة جدا
Quote: لبطاحين 11 فرع وأنت تعرفت على أسرة واحدة من فرع واحد
فيالسعد البطاحين بأبنائهم ويالفخر السودان بأبناء بطحان |
وانا سعيد جدا للتعرف على اهلي البطاحين واتمنى ان اتعرف على بقية
الفروع وحتما طالما الاصل واحد اكيد سوغ يكون بنفس القدر من الشهامة والكرم والنخوه
ثالثا: اتمنى انه ده يكون خيط رفيع
يتلموا فيه البطاحين بالمنبر000
تحياتي
| |
|
|
|
|
|
|
|
|
|
Re: ايام وليالي في حضرة اهلي البطاحين (Re: طارق عبد اللطيف نقد)
|
هناك اناس رائعين 000
تعرفت عليهم وعاشرتهم000
وسعدت بلقائهم00
عبدالباقي 000وهو اخر من تحدثت معه بالطائرة
واخر ليلة رجع مخصوص لوداعنا والسهر معنا رغم الظروف000
العبيد00اخواخوان ورجل عزيز لكن ما بنسى ليه الحله الاكله براهو اول يوم000
محمدحسن الزين حضور مميز في كل المناسبات وخدمات خمسة نجوم
عمرالزعيم شيخ العرب 00وطبعا ده اهم زول لأنه اداني الختم بتاع البطاحيين بس مشكلته
الحوامه نص اليل)
خير الله اخو الزعيم وطبعا دائما حضوره مميز وبالذات في طريقتحضيرالمرارة والفشاش(مميزة جدا)
بس عيبه الوحيد عاصر علي ناس المؤتمر الوطني000 وتخلى عن الختميه0
| |
|
|
|
|
|
|
| |
طارق عبد اللطيف نقد
حافظ حسن ابراهيم
ناذر محمد الخليفة
خالد المحرب
حمزه بابكر الكوبي
Hatim Elmaki
عفاف أبو حريرة
فيس بوك
تويتر
انستقرام
يوتيوب
بنتيريست