|
|
 Re: يا أهل السودان , لبنى تناديكم ... دعوه للاعتصام من أجل تعديل القوانيين القمعيه (Re: وليد محمد المبارك)
|
Quote: والله يا مجدي حزنت جدا للخبر البقول انو ياسر عرمان متمترس خلف الحصانة
في حين انو لبنى نفضتها واما المحكمة
ياخ هذه السيده قدمت درس بليغ للجميع معارضة وحكومة ، ظلمة ومظلومين |
وليد اللذيذ
ازيك يا شاب يا جذاب , انا يا اخوي ما بتفق معاك في الحته دي قضيه ياسر عرمان وقضيه لبنى بينهم اختلاف كبير .
في قضيه لبنى هناك قانون معيب غير موافق للدستور أسمو قانون النظام العام وعلى اساسه قبض على لبنى ربما لعدم فهم في تحديد الملابس الفاضحه وقام عسكري بسوء تقدير أن ما ترتديه مخالف لقانونه , و قد يكون هناك استهداف للبنى بسبب ما فأنت عارف أنو لو الواحد اختلف مع زول ممكن يسلط غليهو بتاعين نظام عام أو بتاعين مباحث يجهجهو ليك وفي الحالتين الجماعه ظلو الطريق ووقعوا في شر أعمالهموبقت فضيحتهم بجلاجل وكسبت لبنى وبنات جنسها .
أما في قضيه ياسر عرمان دي فالأمر مختلف أولا لأنه ليس هناك جريمه من أساسه حتى ولو بسوء تقدير أو فهم خاطئ أو تسير خاطئ لقانون معيب .
فالرجل سياسي وقيادي في الدوله ويحاول البعض أن يجرم أنتقاده للدوله , وهذا اسموا استهداف لأغراض سياسيه .
في كل الدنيا السياسين بينتقدوا ممارسات اجهزه الدوله وما ذكره ياسر عرمان صحيح 100 بالمائه , بل هو سلوك مطلوب من كل السياسيين حتى لا يتفرعن القاده ويعتقدون أنهم لا يأتيهم الباطل من بين أيديهم ولا من خلفهم .
----------------------------------------------
في بدايات قناه الجزيره أنتقدوها بشده وفي ناس قالت ديل صهاينه عديل , واخرين قالوا ما بتتعرض للأسره الحاكمه في قطر واتخصصت سعوديين ومصريين وخلافه , سمعت تعليق جميل من هيكل على ذلك قال : وأيه المشكله لو الجزيره أنتقدت النظام المصري والسعودي ولم تنتقد النظام القطري , ليه ما مصر والسعوديه وجميع الدول العربيه ما تعمل قناه زي الجزيره وبمهنيتها وكفأتها وتنتقد الجميع الا الدوله اللي هي فيها , أنا كمواطن حأكون مبسوط لأنه حينها لو عايز أعرف أخبار مصر الحقيقيه أروح الجزيره ولو عاوز أعرف أخبار دوله قطر أروح القناه المصريه الزي الجزيره .
يا عزيزي مسأله أنك ما تنتقد الحكومه فقط لأنك مشارك فيها هذا كلام غير سليم ويؤسس لتكميم الأفواه والغتغته التي نحن غارقين فيها أصلا .
مودتي
| |
 
|
|
|
|
مجدى محمد مصطفى
وليد محمد المبارك
فيس بوك
تويتر
انستقرام
يوتيوب
بنتيريست