|
|
 بلادى التى لا أحبها - دعوة للجوء الاجتماعى
|
التلفزيون :
تفتح التلفزيون تلقى مزيعين معسمين وما بيعرف يقدموا برامج وينطوا طوالى فى حلق المستضافين
مزيعات وشهم مجلبط بالبوهية وبينصبوا الفاعل وبيرفعوا المفعول به والغريبة برضوا معسمات قدام الكاميرا
المسرح : بلد المسرحيين فيهو ما بيفرقوا بين العوارة والفكاهة
الازاعة: واحدة اتملت بالتلفونات وخط مفتوح لناس بتمرض وتعرض فى لا موضوع وشابكننا أمدرمان زمان وكلام قديم لدرجة انهم (المستمعين) بقوا يعرفوا المتداخلين من (اسواطهم) واحد اسمو فلان وحاجة كبيرة البتقول (ريدة الحمامة لوليدها- يا بت شادية خليفة)
الرئيس: تحس بيهو اهبل أهبل وبيقولوا (قرارهم دا بموصوهو ويشربوه) والصحيح يبلوهو ويشربوا موتو يعنى حتى دى ما قادر تقولا صاح
الكورة: قروش كتيرة وزوبعة كبيرة واللاعبين كرعينهم رقاق وضعاف زى خرفان (القرج) والصحفيين بيكتبوا بأسلوب (زوووووووط) لمن ينتصر فريقهم والغريبة ما فى فريق بينصر كتير
تمشى سوق الطماطم سعرها 11 جنيه يعنى تقريبا 5 دولارات للكيلو
الشارع: تقول ما فيهو زول كدا سمع صابحنى دايما مبتسم وكل واحد عامل فيها جادى شديد ومحافظ على كيانو
المنابر : هى الحتة الوحيدة البتشعر فيها بوجود المعارضة لكن هى الحتة الوحيدة البتعرف فيها انو الحكومة انشا الله تستمر مليون سنة
يوم الجمعة تشاور نفسك 200 مرة يا الله امشى الجامع اتبرى بالخطبة ولا اتكل فى البيت لحدى الصلاة ما تبدأ ؟؟
يا جماعة والله الأسباب كتيرة لكراهيتى لى بلدكم دى وما طالبنى حليفة
كدى لو فى زول بينتابو نفس الاحساس يورينى وعليكم الله خليكم صادقين
|
|
 
|
|
|
|
|
|
|
|
Re: بلادى التى لا أحبها - دعوة للجوء الاجتماعى (Re: ود العجمى)
|
يوم الجمعه القبل الفاتت الامام قال الرسم حرام
والتصوير حرام وان كان لا بد يمكن رسم وتصوير الاشياء الما فيها روح !!!
سألت نفسى يا ربى الرسمة زاتها فيها روح ؟
بغض النظر عن الشى المرسوم زول ولا شجرة ولا جن أحمر ؟؟
اقترح انو يكون فى مداخلات بعد كل صلاة جمعة على الاقل كنا عرفنا مبادىء احترام عقول الاخرين
البوست دا بايخ لكن انا فاضى ليهو
| |
|
|
|
|
|
|
|
|
|
Re: بلادى التى لا أحبها - دعوة للجوء الاجتماعى (Re: ود العجمى)
|
ود العجمي
لكن زهجتك عينه !!!عارف السبب الرئيس بكون من الفلس !!
عارف انا عكسك ( يمكن لاننا قاعدين بره البلد ) ومصاقر ليك تلفزيون النيل الأزرق ( انت الناس ديل بيجيبوا المذيعات السمحات من وين ) وبشوف ليك السودان ده سمح سماحة نار منقد بس ..
وبعدين انت الجابرك علي تلفزيون السودان شنو وبرامجه التي في قمة العباطه والهبل !!
اقول ليك سوي ليك ركشة وامشي كل جمعه الدلاله ... يمكن تفرج !!!
| |
|
|
|
|
|
|
|
|
|
Re: بلادى التى لا أحبها - دعوة للجوء الاجتماعى (Re: ابو عثمان)
|
يا حبيب ..
ناس قناة النيل الازرق ديل بيعجبوك لأنك فى بلد ما مسموح فيه بمشاهدة الانثى على الهواء مباشرة
الا من وراء شاشة بلورية يعنى عشان كدا انت شهادتك محروجة
وبعدين هن زاتن ما بيعرفن يتكلمن يعنى الواحدة تحس بيها بت لعاب بت لعاب
وعشان ما نكون جندريين المذيعين زاتم كدا .. برضهم كتلة من المسوح والمكاييج
والراس فاضى
نعمل شنو ؟؟
| |
|
|
|
|
|
|
|
|
|
Re: بلادى التى لا أحبها - دعوة للجوء الاجتماعى (Re: سلمى الشيخ سلامة)
|
خلاص بدينا نكاوش ؟؟؟؟؟؟؟؟
لكن هى لازم تتشر يا ( سُُليم يعود) عشان تتلم تانى وتبقى شرعية ونبدا ننفق منها
ما قلتى لى رايك فى المذيعين والمزيعات الجدد البيطلبطوا ويجونا بلا فهم ديل
انتوا زمنكم الواحدة تسرح شعرات وشيها سريع سريع وتجوا تمتعونا بالاعداد والاخراج والصوت الجيد
والبصيرة النافذة والرؤى الخلابة والخلاقة ولا نامت اعين الجبناء
على ذكر عمنا نميرى برضو
| |
|
|
|
|
|
|
|
|
|
Re: بلادى التى لا أحبها - دعوة للجوء الاجتماعى (Re: Manal Mohamed Ali)
|
Quote: انت الوداك تشوف تلفزيونات السودان شنو؟
|
يا منال يا اختى يا ريت الحكاية على التلفزيون بس كنت قفلتو أو كسرتو عديل
تقيف فى الصيدلية عشان تمد الروشتة للصيدلى يجى واحد وراك ويمد رشتتو قدامك ويشيل الدواء قدامك
وبعد دا يبرى ليك الصيدلى فى محاضرة عن الادوية ويمشى كانك مافى
تبركن عربية فى قلب الخرطوم النابض قبل الفطور يجى واحد يقفلك ويمشى تتضطر لإنتظارو لحدى الساعة تلاتة وربع
تزهج يغلبك النوم تشيل الشيشة الساعة اتنين صباح وتمرق تقعد فى المصطبة بتاعة البيت
يجوك ناس الدورية يقولوا ليك دى انت خاطلها ببنقو ؟؟
هو البنقو نحنا لاقنو ؟؟؟
نسوى شنو ؟؟ تانى
| |
|
|
|
|
|
|
|
|
|
Re: بلادى التى لا أحبها - دعوة للجوء الاجتماعى (Re: اسعد الريفى)
|
| Quote: أحمد ربك العندكم فى بيتكم مصطبة ...و تقعد فيها بدون ما يجوك ناس المحلية ! |
ههههههههههه
اها يا والعجمي .. اسعد الريفي طلع ممكون اكثر منك وصابر !!!
عشان اكد اسمع صابر الرباعي ممكن تفك !!!
بالمناسبة انت الوداك الصيدلية شنو !!! عيب لي القرض مالو !!!
| |
|
|
|
|
|
|
|
|
|
Re: بلادى التى لا أحبها - دعوة للجوء الاجتماعى (Re: ابو عثمان)
|
| Quote: من الحتة الوحيدة البتعرف فيها انو الحكومة انشا الله تستمر مليون سنة |
عارف يا اسعد .. نحنا كالمستجير من الرمضاء بالنار
ناس الحكومة اسجامهم لدنه وصدورهم عريضة وعناقرهم كبيرة ووشهم سمح .. لكن ما بترادوا
وناس المعارضة الله يطيب ثراها زى الزول النزلوه معاش ضعاااف وشعرهم مشيب وكلامهم قدييييم
وفى اقل شى شين يقولوا ليك حكومة الخرطوم هى السبب .. طيب ما نحنا متفقين يلا نعمل شنو ؟؟
الغريبة لسع بيحلقوا شنوبهم بالجنبات زى موظفى الستينات .. مش قلت ليك قدااااام ؟؟
| Quote: بالمناسبة انت الوداك الصيدلية شنو !!! |
حتى دى يا حاج زى تلفزيون السودان ؟؟
| Quote: [عشان اكد اسمع صابر الرباعي ممكن تفك !!! |
حدد يا حاج الحكاية فيها جلد ... وأخوك طبعا ما زى لبنى أخوك بيركز
| |
|
|
|
|
|
|
|
|
|
Re: بلادى التى لا أحبها - دعوة للجوء الاجتماعى (Re: ود العجمى)
|
ود العجمى كمان هاك ديل
شينين
زرق
نخرين كبار ماليه الوشى
ما فى تشابه كل واحد من بلد
شتر (بضم الشين)
مابنعرف نلبس
مافينا شى مميز
بلد وسخانه
حر
مافى خضره والعجيبه يقولو ليك وادى النيل
مطر مافى
لا يوجد فصل فى البلاد الاخرى يسمى الربيع
غبار طوالى
عرق ريحته باقه (بتشديد القاف)
بلد فى افقر قاره
وبلاد تانيه
خضراء
جميلة
راقيه
ناس حلوين
لون ابيض
اخ يا انا
جمله ايمانيه
لا اعتراض على حكمك يارب
| |
|
|
|
|
|
|
|
|
|
Re: بلادى التى لا أحبها - دعوة للجوء الاجتماعى (Re: عبدالرازق الطيب يس)
|
Quote: مافى خضره والعجيبه يقولو ليك وادى النيل
|
عبد الرازق .. تعرف بمناسبة الخضرة دى
مرة قاعدين بالليل والمطرة صبت معاى صاحبى قال لى تعرف فى الخريف دا البنات بيفرهدن
والرجال بيبقوا خضر (لونهم اخضر) تعرف لما الدنيا اصبحت لقيت ليك بنات السودان مفرهدااات تقول شجر
والرجال صررر شفتهم خضر خضر (بضم الخاء والضاد)
حكاية وادى البيل دى ما واقع لى
نحنا مع السودان الجديد
يعنى نسوى لينا سودان تانى خارج حدود الوطن القديم
| |
|
|
|
|
|
|
|
|
|
Re: بلادى التى لا أحبها - دعوة للجوء الاجتماعى (Re: نجلاء سيد أحمد)
|
ود العجمى سلامات
و برضو تقول لى مصطبة !!
يا خى قالوا صلاح نقلوهو الجماعه فرحانيين ، اظنو العطا عامل كرامة ..
عالم ما بتفرق بين الملاية و النملية .. بين البطة و السحلية .. بين الحجوة و الغلوتية ..
________________________________
و بالمناسبة ناس الحلة زى الغلوتية
و الغلوتية ديموقراطية
و البص من شمبات للشعبية
الدولار بميه ، و الحنة محلبية
و النمتى بقد النملية
و النص خال من الاخطاء اللغوية !
و ثورة حتى النصر "بالمناسبة النصر ده فريق كورة" و الثورة "بالنص" !
و الفوق ده كلو افكار جهنمية
| |
|
|
|
|
|
|
|
|
|
Re: بلادى التى لا أحبها - دعوة للجوء الاجتماعى (Re: اسعد الريفى)
|
انتوا يا أخواننا اى زول زعلان من اى شى فى اى حتة يجى يكتب لى فى البوست دا ؟؟
قوى يا عميق دخلت بغادى وضحكت مع السنى وبكيت معاك ولأجلك رد الله غربتك بسفرة عاجلة
نجلاء اديها برطوش وهو نحنا ماخدين منها شنو غير وجع القلب .. الله يستر عليك من ناس النظام العام
الريفى
| Quote: يا خى قالوا صلاح نقلوهو الجماعه فرحانيين ، اظنو العطا عامل كرامة .. |
فى ادبيات الشعر العربى ..
وتكبر فى عين الصغير صغارها وتصغر فى عين العظيم العظائم - الله يرحم المتبئ
وجيراننا المصريين بيقولوا تعرف الهايف ازاى ؟؟ (يجى عندالهايفة يتصدر)
يا خوانا قلت ليكم نفوت نخليها .. ولا شنو ؟؟
| |
|
|
|
|
|
|
|
|
|
Re: بلادى التى لا أحبها - دعوة للجوء الاجتماعى (Re: ود العجمى)
|
| Quote: ما قلتى لى رايك فى المذيعين والمذيعات الجدد البيطلبطوا ويجونا بلا فهم ديل |
ود العجمى
صباحك فل
يا الحبيب
التلفزيون دا مسمياهو بينى بينك
"مرمى الله "
يعنى ما ترجا منه امل
نحنا ناس اذاعة
مافى زول شايفنا
لمن رجعت بعد طول غياب
مافهمت ولاحاجة من التلفزيون
ولا الاذاعات الجديدة
حالا ما بيسر
لا عدو لا صليح
| |
|
|
|
|
|
|
|
|
|
Re: بلادى التى لا أحبها - دعوة للجوء الاجتماعى (Re: سلمى الشيخ سلامة)
|
دعوة لحملة شعواء ضد تلفزيون الأنقاذ القمىء!
شكرا ودالعجمي، فقد أضحكتني وأبكيتني!
كل مرة أهم بكتابة خواطر مثل التي أتيت بها
في قالب قشيب، لكنني ألعن الشيطان، زاعما أنني
لوحدي، كالشيطان!
والله أسوأ ما في هذه الحكومة، إعلامها القمىء ومذيعيها
الذين جُلبوا من سقط لقط، ليملأونا بالأمراض الفتّاكة، كالضغط
والسكري والقولون. بالله عليك فقط بالأمس وفي نشرة العاشرة بتلفزيون
السجم والرماد، دلف المذيع في قراءة نشرة الأخبار وكأنما يذيع
منشورات لهذا الحزب الحاكم. ومؤتمر وطني ينعقد بدنقلا ويصرح كمال
عبيد بأنهم منتصرون في الإنتخابات القادمة وأن العشرات في قرى
دنقلا وكرمة والقولد إنضموا لهذا الحزب البار لقناعتهم-بعد عشرون عاما-
من الحكم الرشيد! تخيل هذا الأفّاك الدجّال الكاذب الأشر!
ثم يذهبون لفاصل، ليأتي البشير وهو يبدو (كالساحر والأطفال) يتفوه
بعبارات تندي لها الجبين. ثم تفر بجلدك من هذه المهزلة لتقع في
قناة تسمي نفسها (الشروق) وهي عندي كالغروب، لتجد مذيعات (يلكن) كلاما
ممجوجا بجيوب أنفية تجعلك تتحسس جيوبك. ثم تذهب لقناة اخرى، فإذا الإتجار
بالمدائح على سوق الله أكبر قائما. مادحون بالموسيقى يتكسبون منها دون
أن يستحوا من جلال الموقف وعظمة المديح النبوي، الذي كان حكرا على المتبتلين
الأتقياء الأنقياء، أمثال أولاد حاج الماحي وغيرهم.
أما الظواهر السالبة الأخرى فهي تعزو للحالة التي تمر بها البلاد
من إستقطاب، وعنصرية وجهوية، وفساد وقهر وخوف ويأس. نحن نحتاج
لمعجزة إلهية وقد كتب أحد الزملاء هنا بوستا يتساءل فيه إن كان الله
غاضبا علينا لهذه الدرجة؟ وعزا ذلك لسوء طويتنا وخوار قوانا لكنني
ما زلتُ أصر بأن هذه الفقاعات من المظاهر المحزنة والسالبة ستزول
والى الأبد، حينما نأخذخ بزمام امرنا ونخرج راكلين هذا الصمت وهذا القهر
وهذه النومة العميقة!
| |
|
|
|
|
|
|
|
|
|
Re: بلادى التى لا أحبها - دعوة للجوء الاجتماعى (Re: عبدالأله زمراوي)
|
| Quote: والله أسوأ ما في هذه الحكومة، إعلامها القمىء ومذيعيها! |
زمراوى اتفق معاك تماما لو الكان الكلام عن الاعلام فقط
يعنى امسك عندك
جيش حروبو كلها ضد شعبو
بوليس يطارد فى البنيات انتى لابسة وانتى ما لابسة فى الوقت الفيهو الناس بيسوقوها من بيوتها
ويلقوها مقتولة فى الشارع
وزراء اولادهم بيتعلموا برة البلد من a b c لحدى الدكتوراة - لاحظ انهم وزراء
محليات بتضر فى اقتصاد بلدها بأنها بتطارد اى منتج بدل ما تدعمو وتشجعو
ضرائب - عوائد - رخصة تجارية- رخص صحية - رسوم نفايات - رسوم عرض - رسوم موية - رسوم رسوم ( يعنى رسوم قيمة الايصالات بتاعة الرسوم زاتها) لاحظ البيتعاملوا معاهو دا منتج وبعد يومين ح يسيب الشغلة دى ويمشى يشيل بندقية ويجيهم خليهم ياخدوا منو رسوم طلقة
Quote: فإذا الإتجار
بالمدائح على سوق الله أكبر قائما. مادحون بالموسيقى يتكسبون منها دون
أن يستحوا من جلال الموقف وعظمة المديح النبوي، الذي كان حكرا على المتبتلين
الأتقياء الأنقياء، أمثال أولاد حاج الماحي وغيرهم.
! |
تعرف فى قطاعات كبيرة من الشباب اليوم كفروا بحاجة اسمها دولة ! ناهيك عن الحكومة والمعارضة والاحزاب وأزمة دارفور وغير ذلك واتجهوا للعبث وطبعا ظهر غناء ليس هابط فقد ظهر غناء الانحدار
او غناء الاجزاء الخلفية من الجسد و على الرغم من ذلك يذهب الذبد ويبقى المديح القديم
حكومة يا زمراوى بتوقف اعلان - بعد تلاتة شهور- تقول مخل بالاداب وتوقف آلاف البنات برضو للزوق العام
وبوليسها بيطارد فى اولادها وجيشها بيلم فى الشباب للخدمة الالزامية وكأنهم اعداء..
حكومة زى دى بتفضى متين عشان تمارس مهامها لخدمة شعبها ؟
والله عازرنها ، الله يكون فى عونها ياخى
| |
|
|
|
|
|
|
| |
ود العجمى
ابو عثمان
أبو الحسين
سلمى الشيخ سلامة
اسعد الريفى
عبدالرازق الطيب يس
Giwey
نجلاء سيد أحمد
فيس بوك
تويتر
انستقرام
يوتيوب
بنتيريست