|
|
|
 Re: و لاقـيييييييت لـيـكـم ابـــراهـيـم كـوجـان (Re: heba Elmahi)
|
د. كوجان حكاية تانية برااااها ، زول من أول كلمتين يقولهم قدامك
يجيك إحساس إنك بتعرفه مية في المية ، و هو ما بتردد ابدا في انه
يأكد ليك الاحساس دا بتصرفاته و أسترساله في القص و الرص وسرد الحكايات
و إطلاق الضحكات العفوية بصوت عالي ، و الونسة تأخدك شئ ذكريات من السودان
و شئ حكاوي الغربة و شئ حكاوي شقاوة الشباب ( ما تحمر لي يا كوجان انا عارفة
إنك لسة في السوق و كدا بس شباب دي قاصدين بيها ايام الصبا طيب )
و فجاءة تسأل نفسك سؤال خفي ( الزول دا منو ؟ يا ربي لاقيته وين انا قبل كدا ؟ )
و لما السؤال يطلع غصبا" عنك و تجئ الاجابة ياخي دا ما كوجان البكتب في سودانيزاونلاين
بالله ؟ طيب انا ما بعرفو كوووويس ، يلا من جديد إزيك الله يبارك فيك إزيك الله يبارك فيك
حمدالله علي السلامة واشنطن نورت والله !
| |
 
|
|
|
|
|
|
|
|
Re: و لاقـيييييييت لـيـكـم ابـــراهـيـم كـوجـان (Re: heba Elmahi)
|
يلا يا بورداب واشنطن ورونا همتكم للاحتفال بالزول دا و لانه هو ما قاعد
كتير لازم نتحرك سريع جدا" و نطلع لينا بي برنامج و لو بسيط خلال ايام
الاسبوع لانه راجع في الويك إند الجاي !
و إعتبروا البوست دا بمثابة دعوة لكل بورداب واشنطن و الحلال المجاورة
عشان ما يطلع لينا واحد بكرة بي عنوان بوست ( إنقسامات بورداب واشنطن ) !
و يا كوجان فضًي لينا نفسك بالله نص يوم بس خلال اليومين الجايات
ديل بالله ، و تحياتي للجميع
| |
|
|
|
|
|
|
|
|
|
Re: و لاقـيييييييت لـيـكـم ابـــراهـيـم كـوجـان (Re: heba Elmahi)
|
مرحب بكوجان في عاصمة العم سام ..
وبختكم الشوفتهو او حاتشوفهو عيان بيان ..
واجازة سعيدة
ــــ
قلت لي حكاوي من زمن الشباب ...يعني طلعتَ العم كوجان هههههههه
ــــ
| Quote: عشان ما يطلع لينا واحد بكرة بي عنوان بوست ( إنقسامات بورداب واشنطن ) |
يازولة انتي من زمن جِنس ده ... ناس بورداب الخرطوم صنعو الحل الناجع للحاجات الزي دي
اسئليهم بوروك كان حَلهم شنو ؟!
والسلام للجميع
| |
|
|
|
|
|
|
|
|
|
Re: و لاقـيييييييت لـيـكـم ابـــراهـيـم كـوجـان (Re: محمد الجزولي)
|
مرحب ود الجزولي و حباب مرورك الكريم علي البوست
| Quote: قلت لي حكاوي من زمن الشباب ...يعني طلعتَ العم كوجان هههههههه |
يا زول ما تجيب لي الهوا مع الدكتور دا انا وضحًت قصدي بين
قوسين ما شفته يعني ؟ ( وش كيف كيف كدا )
Quote: يازولة انتي من زمن جِنس ده ... ناس بورداب الخرطوم صنعو الحل الناجع للحاجات الزي دي
اسئليهم بوروك كان حَلهم شنو ؟! |
شايفاهم بورداب الخرطوم ماشاءالله عليهم قدروا يستقطبوا كل التيم الكان نافر و شارد
ربنا يديم عليهم لمتهم و اجتماعياتهم الحلوة دي .
و الجميع بردوا ليك السلام
| |
|
|
|
|
|
|
|
|
|
Re: و لاقـيييييييت لـيـكـم ابـــراهـيـم كـوجـان (Re: heba Elmahi)
|
| Quote: ( عنوان البوست من بنات افكار إنعام حيمورة في بوست سابق ) |
والله يا هبة جيت من العنوان بس قلت اطالبك بي حقي فيهو ..
لكن طالما رجعتي الحقوق لاصاحبها فعافية ليك شديد هههههههههه
ياخ شفتي الدكتور دا لذيذ كيف وود ناس وانسان وراقي واي كلمة حلوة في الدنيا دي تتقال في حقوا
تحياتي ليهو واتمنى ليكم الفرح دائما
| |
|
|
|
|
|
|
|
|
|
Re: و لاقـيييييييت لـيـكـم ابـــراهـيـم كـوجـان (Re: انعام حيمورة)
|
يا هبة ياخي بختكم ..
ودوهو حتات شعبية الزول ده ..
هناك بس ممكن يبتق و تمرق ليهو صفيقات ( بتعرفي يبتق يعني شنو ؟ ) و تشوفي ابراهيم الأصلي ..
عندكم حتات شعبية في بلاد عمكم سام دي ؟
جيبو ليهو راس نيفة مثلا .. كوارع .. أم فتفت .. مديدة العريس ..
أي شي كويس كده و عندو طعم بيسلك معاهو .
كمان كان دايرينو يطفش أعملو حركات الخواجات ديك :
جاطوووووه و تورتة و شوك و ملاعق و قصص ميته .
......
كوجان ياخي الوصية في الذمة ..
جيب لي معاك البتاعة القلتها ليك ..
تكون هناية أمريكي أصلية بالله .. طيب ؟
| |
|
|
|
|
|
|
|
|
 Re: و لاقـيييييييت لـيـكـم ابـــراهـيـم كـوجـان (Re: محمد الجزولي)
|
نعم كوجان ذلك الكم من الود والبساطة ..يجعلك تستمع اليه ..وتصغي الي حد الدهشة..التقينا..به ...فكان هو المرحب بنا..جلسنا معه نستمع ..لم تكن الكلمات ...صوتا...بل كانت تتجول في الذاكرة..ابعد من المكان ...وتاتي بازمنة الالتقاء ..مدارس الوجد والحنين الي الوطن
والي الاصدقاء كانت تفتح النوافذ الي القدوم من مرافئ الرحيل بالكم من الود سباقا ..مع البقية من ضوء الشمس...وفرح الاطفال...التحيه ليك يا هبه ...
| |
|
|
|
|
|
|
|
|
|
Re: و لاقـيييييييت لـيـكـم ابـــراهـيـم كـوجـان (Re: salah ismail)
|
ماشاء الله..
المؤتمر لسه ما بدا ولا شنو؟؟
سلام يا هبه..
ليك حق تندهشي من ابراهيم وونسته اللطيفه ومعرفته الكبيره بكل ما يطرق من مواضيع..
ابراهيم هايكون اخوكي وصديقك طوال العمر باذن الله ما دمتي راغبة في ذلك..
لانه زول اصيل في تعامله مع الناس..
اسه انا بعرف ابراهيم ده من 21 سنه وأصله ما اتغير..
يا بختكم بلمتكم كلكم ويا بختنا باقامة ابراهيم بلندن..
سلامي ليك ولكل البورداب بطرفك..
| |
|
|
|
|
|
|
|
|
|
Re: و لاقـيييييييت لـيـكـم ابـــراهـيـم كـوجـان (Re: Muna Khugali)
|
أووووه الملكة شخصيا" منورنا ! بركاتك يا شيخ كوجان
Quote: ماشاء الله..
المؤتمر لسه ما بدا ولا شنو؟؟ |
والله غايتو نحنا بنشدو بي جاي و المؤتمر يشدو بي هناك
و هو بي طريقته يتصرف هههههه !
Quote: سلام يا هبه..
ليك حق تندهشي من ابراهيم وونسته اللطيفه ومعرفته الكبيره بكل ما يطرق من مواضيع..
ابراهيم هايكون اخوكي وصديقك طوال العمر باذن الله ما دمتي راغبة في ذلك..
لانه زول اصيل في تعامله مع الناس..
اسه انا بعرف ابراهيم ده من 21 سنه وأصله ما اتغير.. |
حباب سلامك يا بت شيخ خوجلي
بالجد د. ابراهيم يستحق الثناء و الاطراء و معرفته و صداقته إضافة
حقيقية ليً ، و انا من امبارح كلمته إني لن اقبل بعد كدة بي مرتبة
أقل من صديقة و أخت طول العمر علي قولك ، و ربنا يديم المحبة و التوادد
بين الناس يارب ..
| Quote: سلامي ليك ولكل البورداب بطرفك.. |
سلامك يوصل للجميع بأذن الله
ولك وافر التحايا و مرفق ودي
| |
|
|
|
|
|
|
|
|
|
Re: و لاقـيييييييت لـيـكـم ابـــراهـيـم كـوجـان (Re: salah ismail)
|
Quote: نعم كوجان ذلك الكم من الود والبساطة ..يجعلك تستمع اليه ..وتصغي الي حد الدهشة..التقينا..به ...فكان هو المرحب بنا..جلسنا معه نستمع ..لم تكن الكلمات ...صوتا...بل كانت تتجول في الذاكرة..ابعد من المكان ...وتاتي بازمنة الالتقاء ..مدارس الوجد والحنين الي الوطن
والي الاصدقاء كانت تفتح النوافذ الي القدوم من مرافئ الرحيل بالكم من الود سباقا ..مع البقية من ضوء الشمس...وفرح الاطفال...التحيه ليك يا هبه ... |
مرحب بيك يا أستاذ صلاح و حقيقة واحدة من إشراقات د. كوجان علينا
أني إتعرفت عليك و إطلعت علي الكتاب بتاعك ( رغم انه د. ابراهيم
إتغاتت علًي و رفض يديني نسخة من عنده ) و عليه ممكن تعتبر البوست
دا طلب نسخة عدييييل كدة لو أمكن !
سعيدة جدا" بالتعرف عليك و لو من علي البعد و أتمني تمتد أواصر
المعرفة الي مساحات أرحب إن شاءالله
وافر التحايا و مرفق ودي
| |
|
|
|
|
|
|
|
|
|
Re: و لاقـيييييييت لـيـكـم ابـــراهـيـم كـوجـان (Re: انعام حيمورة)
|
| Quote: والله يا هبة جيت من العنوان بس قلت اطالبك بي حقي فيهو .. |
معقولة بس يا نعومة تقيفي لي في حلقي كدا !
| Quote: لكن طالما رجعتي الحقوق لاصاحبها فعافية ليك شديد هههههههههه |
ما بين الخيرين حساب يا نعومة ياخي !
Quote: ياخ شفتي الدكتور دا لذيذ كيف وود ناس وانسان وراقي واي كلمة
حلوة في الدنيا دي تتقال في حقوا |
والله يا انعام د. ابراهيم دا زول لذيييذ و وناااااس و كاااااوي
بالجد وجوده في واشنطن عمل إضافة في البلد !
| Quote: تحياتي ليهو واتمنى ليكم الفرح دائما |
تحيتك وصلت بأذن الله و الفرح لينا و ليكم جميعا"
| |
|
|
|
|
|
|
|
|
|
Re: و لاقـيييييييت لـيـكـم ابـــراهـيـم كـوجـان (Re: نوفل عبد الرحيم حسن)
|
Quote: بختكم
وان شاء الله دائما مبسوطين وملمومين في الخير |
تشكر يا نوفل علي زيارة البوست و الطلة الحلوة و شكرا" علي
الدعوات الطيبة و جمعا" يا رب .
| Quote: ارشحك لعمودية بورداب واشطن يا هبه |
شرف كبير يا نوفل ، معقولة بس انا ابقي في مقام ناس العوض المسلمي
و الناس الكُمل ديل ! يديك العافية علي حُسن ظنك ..
Quote: بعدين ياخ ما تنسي قريبي نزار كروم من الدعوه
شايفو يظهر علي مرآة الاحداث مره ويختفي اكثرها |
ياخي نزار كروم دا عشان بس نتكلم معاهو في التلفون ساي عاوزين
لينا حجز مسبق و تأكيد للحجز قبل اسبوع ! طبيعة شغله حارمنا منه
و حارمهو من البرامج كلها و زيادة علي مشغوليته دي كمان اليومين
ديل طالع ليهو في برنامج بتاع تجديد خلايا و إستعادة حيوية هههههه
يعني الاجازة بتاعة اخر الاسبوع دي بمشي فيها التمرين و يلعب كرة
و ما عنده لينا زمن بتاتا" ! لكن رغم كل ذلك اكيد ح نبلغه ولو عشان
خاطرك انت بس ..
دام فضلك و الدوام لله يا ولدي !
وافــر الـتـحـايـا
| |
|
|
|
|
|
|
|
|
|
Re: و لاقـيييييييت لـيـكـم ابـــراهـيـم كـوجـان (Re: heba Elmahi)
|
Quote: يلا يا بورداب واشنطن ورونا همتكم للاحتفال بالزول دا و لانه هو ما قاعد
كتير لازم نتحرك سريع جدا" |
والله يا هبه يا اختى ان شاء الله يتحركو ويعملو ليهم
شويه همه بكسر الهاء
واتمنى انهم يطلعو من حكاية فوره اللبن دين
حنعمل وحنعمل وحنعمل
انشاء الله يعملو
| |
|
|
|
|
|
|
|
|
|
Re: و لاقـيييييييت لـيـكـم ابـــراهـيـم كـوجـان (Re: سامى عتبانى)
|
مرحب بالسيد العريس النفض الكيس ، البوست زارته البركة والله
قالوا فيك الملائكة اليومين ديل ، حبابك
Quote: والله يا هبه يا اختى ان شاء الله يتحركو ويعملو ليهم
شويه همه بكسر الهاء
واتمنى انهم يطلعو من حكاية فوره اللبن دين
حنعمل وحنعمل وحنعمل
انشاء الله يعملو |
شنو ياخي شابكنا يتحركوا و يعملوا و مطلًع نفسك من المجموعة
الاخ أصبح من بورداب بنسلفانيا ولا شنو قرقرقرقر !
وافر التحايا يا ود العتباني
| |
|
|
|
|
|
|
|
|
|
Re: و لاقـيييييييت لـيـكـم ابـــراهـيـم كـوجـان (Re: heba Elmahi)
|
أخيرآ إبراهيم كوجان في بلاد العم سام....ألف حمدآ لله علي السلامة يا حبيب....وشكرآ هبه الماحي علي الترحاب والتكريم وإشراكنا في كل هذا الجمال.....إبراهيم كوجان....ياخي جننت بنات البورد جن.... شايل معاك عروق محبة وله شنو...نحن غايتو لينا الله....مافي زول مهببو لينا كلو كلو.....عليك الله أدينا شوية من عروقك القوية دي....ودي وحبي يا جميل
راشد
| |
|
|
|
|
|
|
|
|
|
Re: و لاقـيييييييت لـيـكـم ابـــراهـيـم كـوجـان (Re: Rashid Elhag)
|
مرحب بيك يا أستاذ راشد في محضر تكريم د. أبراهيم كوجان
Quote: إبراهيم كوجان....ياخي جننت بنات البورد جن.... شايل معاك عروق
محبة وله شنو...نحن غايتو لينا الله |
كمان أولاد الغرب ديل بسألهم من العروق ما طوااااالي في جيبهم هههههه
( مافي زول يقول علًي عنصرية دا مجرد هزار بين اصحاب )
حبابك يا أستاذ راشد و ياريت لو في طريقة تشرفنا في برنامجنا المقام علي شرف
د. كوجان صديق الجميع
| |
|
|
|
|
|
|
|
|
|
Re: و لاقـيييييييت لـيـكـم ابـــراهـيـم كـوجـان (Re: Rashid Elhag)
|
| Quote: يجازي محنك يا هبة....مالك عايزة تجيبي لي الهوا مع صاحبي كوجان دا.... |
ياخي كوجان دا ما بزعل من زول يا راشد ما تشيل هم ..
______________
السؤال الفارض نفسه الان : أين هو المحتفي به ؟
فاااااتح لينا تماما" الدكتور دا و فاتح للمنبر كله و داخل
في برامج فنية مع تاج السر الملك !
الله يهديه و يجئ يرد لينا هنا عشان ننسق معاهو برنامج الاحتفال ..
ماذا و إلا ما ح نشتغل كتير بي ظروفك مع المؤتمر ولا مع ناس ريشموند
و بنحدد زمان و مكان الاحتفال علي كيفنا ! رأيك شنو يا دكتور ؟
| |
|
|
|
|
|
|
|
|
|
Re: و لاقـيييييييت لـيـكـم ابـــراهـيـم كـوجـان (Re: Emad Abdulla)
|
Quote: شنو ؟؟؟
أها كان كده .. الترابة دي في خشم واشنطن .
|
و الليييييلة ! هو في شنو ؟
Quote: إبراهيم .. ياخي المجاسفة لزوما شنو ؟؟؟
خليك عاقل و زح مِنو . |
يا عمدة ياخي وقعًت قلبي انا قلت حصلت مصيبة ! تاج السر
الملك دا أجمل و أروع زول ممكن تتعامل معاهو في منطقة
واشنطن الكبري كلها ، بس شكله كدا ما ناوي يفًك لينا
الدكتور دا إلا نمشي نقالعو فيهو .. و قالوا الكترة
غلبت الشجاعة و نحنا حاليا" كمجموعة بورداب واشنطن
العاوزين يحتفلوا بهذا الكوجان اكثر عددا" من تاج
السر الملك و أصحابه .
وافر التحايا ليك يا استاذ تاج السر و عليك الله باصي
لينا الزول دا قبل ما أيامه تكمل في البلد دي
| |
|
|
|
|
|
|
|
|
|
Re: و لاقـيييييييت لـيـكـم ابـــراهـيـم كـوجـان (Re: عوض حمزة)
|
Quote: احم احم ... احم تانى
قلتو كوجان ؟ |
شخصيا" تصدق ؟
Quote: يا طير يا ماشى لى اهلنا اقيف واحمل رسااااااااااااااااااااايلنا
والشووووووووووووووووووق ما تنسى يا كوجان ... لكل البسئلك عنا..
سلام دوحاااابى اصيل ...
وشوق اهوج يااااا عمدة |
حباب الدوحاب جميعا" و تشكر علي المرور الكريم نورتا البوست
| Quote: هبوية هبشيك سمح .. |
شكرا" علي الاطراء
حــاضـر
وافر التحايا
| |
|
|
|
|
|
|
|
|
|
Re: و لاقـيييييييت لـيـكـم ابـــراهـيـم كـوجـان (Re: Tagelsir Elmelik)
|
مش كوجان ده
هسسسسة تعالو شيلوهو، من يوم جا الحر ضرب البلد و الصواقع، تقولي مشاريع فنية؟؟
نحنا من يوم جا نصلح في السباليق، و نشق في الخيران،
بعدين انت داير شنو من امريكا يا عماد؟؟ اسبير؟؟
هسة قلبنا يضرب رب رب رب ، ما يكون ادوك تأشيرة ، نلقاك بكرة بعد بكرة بى جاى
لا بالجد ياعماد، داير شنو انت من هنا؟؟
| |
|
|
|
|
|
|
|
|
|
Re: و لاقـيييييييت لـيـكـم ابـــراهـيـم كـوجـان (Re: Tagelsir Elmelik)
|
Quote: مش كوجان ده
هسسسسة تعالو شيلوهو، من يوم جا الحر ضرب البلد و الصواقع، تقولي مشاريع فنية؟؟
نحنا من يوم جا نصلح في السباليق، و نشق في الخيران، |
هههههه مش كدا بالله ! كوجان دا طلع كراعو حارة فعلا" ّ!
| Quote: بعدين انت داير شنو من امريكا يا عماد؟؟ اسبير؟؟ |
شمار شديد ! ( وش شمشار )
Quote: هسة قلبنا يضرب رب رب رب ، ما يكون ادوك تأشيرة ، نلقاك بكرة بعد بكرة بى جاى
|
ياااااريت والله دا يكون يوم المني
| Quote: لا بالجد ياعماد، داير شنو انت من هنا؟؟ |
تااااااني !!
| |
|
|
|
|
|
|
|
|
|
Re: و لاقـيييييييت لـيـكـم ابـــراهـيـم كـوجـان (Re: heba Elmahi)
|
الولد سغير و جاهل ..
بس .. دي كل الحكاية . و كمان صاحبي ..
أها .. ( أجاسف ) يعني و أعاين ليهو يضيع قدام عيني و أسكت ؟؟؟
.....
إنت زاتك ود قبايل و زول كويس برضو ..
كوجان ده ما أخوك ؟؟؟ يعلم الله أخوك .. و عارفك ما بتدور ليهو الكعب ، طيب ليه ياخ ؟؟؟
شيطانك اب قرينات زحو من الزول ( البريء ) ده الله يرضى عليك ..
و سألتك بجاه النبي كان خليتو لاقى منعم الجزولي .. أرجوك لأأأأأ .
.....
و إنتي ... أقعدي إتضاحكي كده .
| |
|
|
|
|
|
|
|
|
|
Re: و لاقـيييييييت لـيـكـم ابـــراهـيـم كـوجـان (Re: heba Elmahi)
|
بنت الماحي ازيك,,,,
سلامات و عوافي
الاخبار و كيف انت عاملة؟؟
وين من ديك و عيـــــــــــــــــــك؟
اها و الله كان مفروض نكون معاكم في الويك اند الفات(حفلة شرحبيل و..وكده)
بس ربنا ما سهل!!
معاي ضيوف ..
وناس الشغل ما ادوني يوم اجازة..
لكن نحاول نجيكم فريب ان شاء الله
وتقولي برضو قابلته ليكم هواري!!
ههههههههههههههه
| |
|
|
|
|
|
|
|
|
|
Re: و لاقـيييييييت لـيـكـم ابـــراهـيـم كـوجـان (Re: esam gabralla)
|
اقري المعوذتين وآية الكرسي
يا ياهبوية واعملي ساتر
كوجان شنو كماااان محمد
معانا ما تغشانا ولا تمحنا
ولا تبلنا .
هسي كان زولاً اسمو عديل كان
شفتي ود التوم مع اصاحبو
ناس عماد وود جبر الله ديل
ياخ اقلاها كان اسماً بتشكر
كان جاب دكين أو خضر حسين
بس انتو الغشاوه في عيونكم
أنسينا منو بالاهي .
Quote: الناس دى طفشت مالا ...
انا طبزت ولا شترت - اكثر من المعتاد -
هبه معليش ياخ لكن كوجان ده بينى و بينو في تارات بايته
|
أنت يا خينا بل رأسك سااااااي
التسنامي ده قالو واصلك واصلك
سمع أضاني دي .
| |
|
|
|
|
|
|
|
|
|
Re: و لاقـيييييييت لـيـكـم ابـــراهـيـم كـوجـان (Re: سفيان بشير نابرى)
|
سفيان نابري يا فردة كيف حالك و حمدلله علي السلامة و بركة الشوفنك
حايم طيب بي حاي .. و حشتنا بالجد
Quote: اقري المعوذتين وآية الكرسي
يا ياهبوية واعملي ساتر
كوجان شنو كماااان محمد
معانا ما تغشانا ولا تمحنا
ولا تبلنا . |
ليه كدا يا سفيان ياخي والله كوجان دا زول كويس
أي نعم بلاويهو كتيرة و شكلو كدا جايب لي هوا
لكن برضو صاحبنا و مجبورين عليهو ..
تحياتي شديد و أخبار الجهاز شنو لو سلك أدينا خبر
| |
|
|
|
|
|
|
|
|
|
Re: و لاقـيييييييت لـيـكـم ابـــراهـيـم كـوجـان (Re: esam gabralla)
|
أووووه مرحب بي ود جبرالله أخو البنات ( الانا واحدة منهم مش كدة ؟ )
نورتا البوست و مرورك أسعدني جدا"
Quote: لاقيتى شنو ?
عليهو العوض و منو العوض
بت و ضاعت |
ياخي ما تخوفوني منه كوجان دا هههههه انت تقول عليه مصيبة و راشد
يقول عروق و ما عروق الحكاية شنو ؟ يعني نعمل انسحاب تكتيكي
ولا شنو ؟
خليك قريب يا عصام عشان نشوف حل سوا !
| |
|
|
|
|
|
|
|
|
|
Re: و لاقـيييييييت لـيـكـم ابـــراهـيـم كـوجـان (Re: هواري نمر)
|
Quote: بنت الماحي ازيك,,,,
سلامات و عوافي
الاخبار و كيف انت عاملة؟؟
وين من ديك و عيـــــــــــــــــــك؟ |
هواري يا صديقي كيف حالك والله مشتااااااقون
انا موجودة في دنيا اللخمة دي و بيني و بينك كدة
مزنوقة زنقة كلب في طاحونة في القراية ام دق دي
دعواتك بس يا صاحب ...
Quote: لكن نحاول نجيكم فريب ان شاء الله
وتقولي برضو قابلته ليكم هواري!! |
ياااااريت والله تنور فريجينيا و الحلال المجاورة
و بدل البوست نفتح ليك عشرة بس انت تعال !
تحياتي كميات
| |
|
|
|
|
|
|
|
|
|
Re: و لاقـيييييييت لـيـكـم ابـــراهـيـم كـوجـان (Re: heba Elmahi)
|
| Quote: لكن بيني و بينك كدا ما بنوديهو لي عمك كوستاوي عشان ما يطفش مننا ههههه |
هوووووي يا بت الماحي
كمان عملتيني عم?
ليه أنا عماد ولا ود الجزولي ولا تاج
خلاص
جيبي كوجان دا نعمل ليه interview
نشوف الفيه و العليه
لأنو تزكيتك مشكوك فيها
و كمان بقيتي تشيلي لافتات المناضلين....ليه الحصل شنو?
| |
|
|
|
|
|
|
|
|
|
Re: و لاقـيييييييت لـيـكـم ابـــراهـيـم كـوجـان (Re: Kostawi)
|
Quote: هوووووي يا بت الماحي
كمان عملتيني عم?
|
هههههه ضحكتني والله يا خردة ياخي
مش كويس ما قلنا جدو ؟
Quote: خلاص
جيبي كوجان دا نعمل ليه interview
نشوف الفيه و العليه
لأنو تزكيتك مشكوك فيها ? |
بالجد أتصل عشان نتفق معاك علي موعد
و نخليك تقابل هذا الكوجان و تورينا
رأيك رغم حيكون رأي خردة لكن مضطرين
نعمل ليهو إعتبار برضو في النهاية
أسمك كبيرنا ( قرقرقرقر ) وش مدردق
| Quote: و كمان بقيتي تشيلي لافتات المناضلين....ليه الحصل شنو? |
انا من زمااااان مناضلة بس ساي انتو فاهميني غلط هههههه
وافر التحايا يا خــــردة
| |
|
|
|
|
|
|
|
|
|
Re: و لاقـيييييييت لـيـكـم ابـــراهـيـم كـوجـان (Re: Emad Abdulla)
|
| Quote: سفيان و كوستاوي و ود الموج ؟؟؟؟؟!!! |
أتكالبوا علينا آل قريش ( لا سمح الله ولا حاجة ) ؟
Quote: -: ( كلباً كَلَبَكْ , ربّاً خَلَقَك , دَنقِر راسك و ارفع ضَنَبَك ) .
|
طبعا" بس بدون تعليق ههههههه لانه الجيران فتحوا ابوابهم عشان يشوفوا
دا منو الجاتو هستيريا الضحك في الحلة دا ( الله يديك العافية ياخي انا
لي سنتين بالضبط ما ضحكتا بالطريقة دي )
Quote: ح توديهو لمنعم الجزولي يا هبة ؟؟ .. حليل كوجان .
صاحب الوداعة أخد وداعتو . |
منعم الجزولي دا بعًضي ولا شنو يا جماعة ؟ ما تتصلح معانا شوية يا عمدة
ياخي ..
خليك قريب عشان تشوف النتيجة أول بي أول
| |
|
|
|
|
|
|
|
|
|
Re: و لاقـيييييييت لـيـكـم ابـــراهـيـم كـوجـان (Re: صديق الموج)
|
Quote: ياهبه والله شهتينا نشوف الزول ده ونلاقيه
لكن كان بشبه عمده يكون الرماد كال حماد |
مرحب مرحب بي الناس القيافة ، نورت البوست ، مرورك علينا
أسعدني جدا" و صدقني كوجان دا لو شفته أكيد ح تحبه !
وبعدين عماد دا مالو يا ود الموج ياخي ما لذيذ برضو
| Quote: لانو عماد ده مواطن عادى ياكل الطعام ويمشى فى الاسواق،،، |
و بقول كلبا" كلبك ههههههه والله عمدة دا ما نصيح كتلني بالضحك
| |
|
|
|
|
|
|
|
|
|
Re: و لاقـيييييييت لـيـكـم ابـــراهـيـم كـوجـان (Re: esam gabralla)
|
أها يا هبة....كلامي وقع ليك وله لسه....شوفي كمية الحبايب الدخلوا البوست بتاعك دا عشان ينصحوك يا هبوية ....وده حالتو البطل لسه ما ظهر....وحات الله الشغل دا ما شغل نصاح....غايتو زي ما قلت ليك ...يا عروق يا كجور يا كتابة ....كدي المرة الجاية أهبشي جيوبو ديل ..شوفي فيهن شنو...يا زولة... الله دا شافوهو بالعين وله عرفوهو بالعقل!!!أرقدي عافية...بس عين مغمضة وعين مفتحة...
راشد
| |
|
|
|
|
|
|
|
|
|
Re: و لاقـيييييييت لـيـكـم ابـــراهـيـم كـوجـان (Re: Rashid Elhag)
|
راشد كيفنك ؟ و مالك طوًلت علينا الغيبة
| Quote: أها يا هبة....كلامي وقع ليك وله لسه |
برًي والله يطرشني !
| Quote: شوفي كمية الحبايب الدخلوا البوست بتاعك دا عشان ينصحوك يا هبوية |
دي بركات شيخ كوجان لانه البوست دا جاب لي ناس كدا من زمان نفسي اتونس معاهم
| Quote: غايتو زي ما قلت ليك ...يا عروق يا كجور يا كتابة |
ما قلت ليك عرووووق و انا متاكدة منهم !
| Quote: أرقدي عافية...بس عين مغمضة وعين مفتحة... |
صااااحية انا لي اللون و كوجان دا الحبة ما بتجيني منه صدقني
و خليك متابع ...
| |
|
|
|
|
|
|
|
|
|
Re: و لاقـيييييييت لـيـكـم ابـــراهـيـم كـوجـان (Re: Rashid Elhag)
|
وهذا ما بعث به عبد المنعم الجزولي في شأن زيارة كوجان
Quote: صاحبك هذا قابلته فى حفلة شرحبيل
تأملته ( قـَلَبـَة ) ثم ( عَدَلَة ) فلم أجد فيه شيئا يستاهل التصوير سوى هذى!!!؟
والأدهى والأمر اننى صادفت بالقرب منه وليفا له يقال له خطاب ...وكان يتلبسه ( كبك ) فنظرت فيهما ساعة متأملا افضل المخارج لتـِصْواراتى فلم أخرج منهما معا الا بهذى!!!؟
ابعدوا كوجانكم عنى
انا ماناقص ياولد عبد الله ... كفاية على تى إم
كوجانين فى الراس بيعملو ( قـُوْبَة ) آه |
| |
|
|
|
|
|
|
|
|
|
Re: و لاقـيييييييت لـيـكـم ابـــراهـيـم كـوجـان (Re: esam gabralla)
|
يا جماعة الخير ...سلام يغشاكم جميعآ....عندي طلب صغير والله....عايز واحد من أولاد الحلال وله بنات الحلال ديل يفتح ليهو بوست بإسمي....بالسمح طبعآ.....ماهي المواصفات المطلوبة.?....أكان علي الشاعر محمود درويش....بحبو والله ومن بكرة دي حألقط ليكم كتبو من المكتبات....مظفر النواب ما بناباهو....ومن هسع يا جماعة الخير أعلن إنضمامي لحركة حق...وكان عايزني أبقي شيوعي تب ما بنختلف...أعمامي الإتنين شيوعيين....أها تاني في شنو....ياخي لي خمسة سنوات في البورد دا مافي زول إضطراني كلو كلو وله فتح بوست بإسمي....الحكاية شنو يا جماعة....الناس دي نست العشرة وله شنو....منتظرين عروق المحبة يا كوجان..الحقنا وأنجدنا....
راشد
| |
|
|
|
|
|
|
|
|
|
Re: و لاقـيييييييت لـيـكـم ابـــراهـيـم كـوجـان (Re: Rashid Elhag)
|
| Quote: اشتغلت في الصورة بي فوتوشوب ? لأنو الزول ده شكلو اتصلح كتير جدآ .... سبحان الله |
أنت يا عصام جبر الله يا حاقد انتظر لمن ينزل بوست ( لاقيت ليكم شذى بلة)
و الصور ما ح يشوف زول الا نرسل ليه نضارات ( الثري دي) بتاعة جورج لوكاس
و للبيع كمان ‘ نضارة واحدة لكل أكاونت
قريبا
| |
|
|
|
|
|
|
|
|
|
Re: و لاقـيييييييت لـيـكـم ابـــراهـيـم كـوجـان (Re: Tagelsir Elmelik)
|
| Quote: عندكم حتات شعبية في بلاد عمكم سام دي ؟ |
عماد عبد الله ياخي
انت ما بتشوف افلام؟؟
ياخي ( الغيتو) هنا‘ ما يعادل ( فريق بردب بردب)‘ الناس ببلعو فيه الرصاص عديل
ياخي ما بتتذكر ناس ( شافت) و ناس ( جيم براون)‘ قاعدين عجااااايز‘ ما فيهن زول
تاب ولا حج‘ يتموها نبز
تقولي يبتق؟؟
يجيهن بأصبعو ده يفتكروه شارد من حراسة‘ نبقا في ( باك قراوند تشيك)‘ ياخي
ده من جا‘ في سيرة( درمة) و ابو الكيلك‘ لمن جاني اكتئاب‘ لمن جاب سيرتك‘ تلاتة يوم أنا في الأنعاش
خلينا نتم قعدتو دي زى ما قال ( المسل) ..بالفي و بالمافي نفديك يا قذافي
هبة ياخي خليها في سرك
شرحبيل زاتو طنطن قال متخارج
| |
|
|
|
|
|
|
|
|
|
Re: و لاقـيييييييت لـيـكـم ابـــراهـيـم كـوجـان (Re: Rashid Elhag)
|
| Quote: يا جماعة الخير ...سلام يغشاكم جميعآ....عندي طلب صغير والله....عايز واحد من أولاد الحلال وله بنات الحلال ديل يفتح ليهو بوست بإسمي....بالسمح طبعآ.....ماهي المواصفات المطلوبة.?....أكان علي الشاعر محمود درويش....بحبو والله ومن بكرة دي حألقط ليكم كتبو من المكتبات....مظفر النواب ما بناباهو....ومن هسع يا جماعة الخير أعلن إنضمامي لحركة حق...وكان عايزني أبقي شيوعي تب ما بنختلف...أعمامي الإتنين شيوعيين....أها تاني في شنو....ياخي لي خمسة سنوات في البورد دا مافي زول إضطراني كلو كلو وله فتح بوست بإسمي....الحكاية شنو يا جماعة....الناس دي نست العشرة وله شنو....منتظرين عروق المحبة يا كوجان..الحقنا وأنجدنا.... |
و الله حننتني يا راشد
مواصفاتك ناقصة ياخي
داير التمومة اتصل بى نديك شوية وصايا
البرغوتي مالك ما نزلتو؟؟ و غارسيا ماركيز؟؟ و عبد الرحمن منيف؟؟ علا ( الا) درويش ده الصباح الصباح‘ تقل فيه على الريق
بعدين شوف ليك اغنية اغنيتين منيحااات‘ او مليحات‘ ادقش موريتانيا كده و الحتات ديك
جيب ليك حاجة اصلو ما في زول شافا‘ أحمد مطر ياخي‘ و علاء الدين الفرحوطي‘ و سعد الدين لبش
راغب زغبي‘ وسيم طبارة‘ ميشيل شلهوب و هكذا
هممتنا ياخي‘ يعني احتمال نمشي حتة و البورداب ما يقولو لاقونا؟؟
عموما خليك انت الكبير برضو
و ما يغرك الحصل لعصام و كوجان‘ ديل دافعين‘ تدفع فيلمك بمشي
و السلام
| |
|
|
|
|
|
|
|
|
|
Re: و لاقـيييييييت لـيـكـم ابـــراهـيـم كـوجـان (Re: Tagelsir Elmelik)
|
الحبيب تاج السر ....
Quote: مواصفاتك ناقصة ياخي
داير التمومة اتصل بى نديك شوية وصايا
البرغوتي مالك ما نزلتو؟؟ و غارسيا ماركيز؟؟ و عبد الرحمن منيف؟؟ علا ( الا) درويش ده الصباح الصباح‘ تقل فيه على الريق
بعدين شوف ليك اغنية اغنيتين منيحااات‘ او مليحات‘ ادقش موريتانيا كده و الحتات ديك |
قلت كدي ...?!!...أنا يا زول ما عندي مانع في أي حاجة...بس حقنا ما يروح مع الجماعة ديل......البرغوتي بقدر عليهو....غارسيا ماركيز عايز ليهو سفرة لأمريكا اللاتينية....عبد الرحمن منيف شايف الجماعة بيعملوا داون لوود لكتبو يعني قصتو منتهية.....درويش ده خليهو علي أنا ما بتوصي بيهو ...دا أهم زول في اللعبة وكان المفروض تختو أول حاجة....قلت لي درويش دا حبة بالصباح علي الريق وحبة بالمساء قبل النوم...وقع لي تب....
Quote: شوف ليك اغنية اغنيتين منيحااات‘ او مليحات‘ ادقش موريتانيا كده و الحتات ديك
جيب ليك حاجة اصلو ما في زول شافا‘ أحمد مطر ياخي‘ و علاء الدين الفرحوطي‘ و سعد الدين لبش
راغب زغبي‘ وسيم طبارة‘ ميشيل شلهوب و هكذا |
ياخي إنت موديني حتات بعيدة خلاس.....لكن عشان خاطر الحبايب نستحمل...ناس لبنان ديل بقدر عليهم....إلآ موريتانيا دي صعبة شوية...قالوا البمشي هناك ما بجي راجع...ربك يستر....
| Quote: هممتنا ياخي‘ يعني احتمال نمشي حتة و البورداب ما يقولو لاقونا؟؟ |
دي بقي بتعتمد عليك شكلآ وموضوعآ...إن آند آوووت....وبرضو دايره ليها شوية حظ....خصوصآ إذا كانوا معاهم شيكس....وله رأيك شنو يا تاج.?..
| Quote: عموما خليك انت الكبير برضو |
قلت كدي..?...سمح...لينا الله....نحن بلا الكلام الزي ده الكاتلنا شنو يا تاج السر..?..لكن الله في....ولك الود والمحبة
| |
|
|
|
|
|
|
|
|
|
Re: و لاقـيييييييت لـيـكـم ابـــراهـيـم كـوجـان (Re: Rashid Elhag)
|
بسم الله الرحمن الرحيم..
أخاطبكم من قاعدة التاج ملتي ميديا..
ومعنا الاخ عثمان موسي وفي الطريق المناضله الحسوره( ش ب)
ولان قد تكاثر علي الاوغاد من كل فج وصوب فإنني أترفع عن الرد حاليا ....... ولكم مني رجعه واحدا تلو الاخر والفي السودان يبل راسو .... ( راسو دي ما عايزه شرح)......
عماد لم مني دراب العالم و الازبير شنو والمقاس ... تاج ملتي ميديا يعمل في كل الاشياء وهو مدير الرحله بشقيها الاكاديمي والترفيهي ؟؟؟؟؟؟
اولا شكرا لهبه الماحي رغم عدم سماعها لرئيي وتهديداتي بارسال قاتل ماجور علي وزن دجانجو ابسفه....
راشد يا حاقد لي معك كلام
عصام ابو الحاقدين بلاقيك بالدرب
الجزلوت الخرده البوتاسيوم بتاعو داقي في السما وانقلب لكلوريد البوتاسيوم و بقي يشوف الدنيا مقلوبه والدليل صورة صباعي يا فارات...
ياسر طيفور اللسع عندو قجه بقصها ليك لامن الاقيك وياريت قبل العرس وسنطلب لك ازبير ايضا ... قصرت معاك ..
برجع ليكم كلكم بالصوره الرسميه للرحله والنعام ادم في شبابو يركب نضارات جديده عشان يقدر يشوف .....
الي اللقاء يا جبناء ........
| |
|
|
|
|
|
|
|
|
|
Re: و لاقـيييييييت لـيـكـم ابـــراهـيـم كـوجـان (Re: Emad Abdulla)
|
Quote: إلا الله .
خلاص ؟؟ لحقتو بقيتوهو كده ؟؟؟ |
والله العظيم يا عمدة و ما طالبني حليفة الناس البعرفوهو من زمااااان
كلهم أجمعوا إنه الزول دا ياهووو حاله من سنة شختة و نحنا ما عملنا فيهو
أي شئ زيادة كان كويسة و كان كعبة !!
Quote: ما عافي ليكم تعذيب هذا الفتى الغض النضير و شلهتته بهذه الكيفية مره
في صباعو الكبير و مره في راسو يا زنادقة يا اولاد اللزينا .. يا حطب النار .
وجابت ليها كمان غرودة عوينات و إبتسامة " مبهمة " !!؟ |
يا زول صحبك دا جانا من أهلو معذب و مشلهت ما تعملها فينا !
بعدين كلو كوم و غرودة العيون دي كوم تاني هههههههه بجيك راجعة و أحكي
ليك ولا أقول بحكي ليك بالكروباوي (ماسنجر داخلي وات إيفر ) !
وااااكوجاناه جد جد لكن بالشارع الخلفي ههههه ( ما زي ما انت قاصد )
| |
|
|
|
|
|
|
|
|
|
Re: و لاقـيييييييت لـيـكـم ابـــراهـيـم كـوجـان (Re: ibrahim kojan)
|
| Quote: ياسر طيفور اللسع عندو قجه بقصها ليك لامن الاقيك وياريت قبل العرس وسنطلب لك ازبير ايضا ... قصرت معاك .. |
يا كوجي، محمد المرتضى حامد الأيامات دي معانا في تورونتو، لاقيناهو لسويعات معدودة وعلى أمل أن نلتقيه مرة تانيَّة وتالتة قبل ما يرجع، أها قبل ما ترجع بلاد "الحركة يمين" تعال غاشي وقت أصلك قريب..
___
الأصبع ده ضربتو وين وكيف؟؟؟
| |
|
|
|
|
|
|
|
|
|
Re: و لاقـيييييييت لـيـكـم ابـــراهـيـم كـوجـان (Re: خضر حسين خليل)
|
بطلو الكضب ... الصورة دى ما عندها اى علاقة بالزول الانا شفتو - شاحد الله ما اقابلو تانى - واضح انو تأخير انزالها بسبب محاولات تحسين الخلقة و تقليل الشناة خوفآ على قلوب و أعصاب الجمهور ..
خلقة الله بنعرفا وخلقة الفوتوشوب بنعرفا ... الراس حالتو استعدلوهو شوية
في ميزان حسناتك يا الملك
| |
|
|
|
|
|
|
|
|
|
Re: و لاقـيييييييت لـيـكـم ابـــراهـيـم كـوجـان (Re: Yassir Tayfour)
|
مرحب بالاخ كوجان في بلاد العم سام
شكرا يا نوفل يا بن عمتي اهو هبة الماحي عملت بوصيتك بس كلمتني في الزمن ضائع الضائع
لكن يا نوفل قلت شنو ؟؟ هبة الماحي تبقى عمدة واشنطون !!!!!
والله كلام (( بلدا ما فيهو تمساح بقدل فيهو الورل ))
مره اخرى مرحب بيك يا كوجان ونتمنى ليك اقامة طيبة
شكرا هبة الماحي
| |
|
|
|
|
|
|
|
|
|
Re: و لاقـيييييييت لـيـكـم ابـــراهـيـم كـوجـان (Re: نزار كروم)
|
نزار كروم البركة في الشوفة يا أخوي
Quote: شكرا يا نوفل يا بن عمتي اهو هبة الماحي عملت بوصيتك بس كلمتني في الزمن ضائع الضائع
|
حقيقة والله و تشكر كتير علي إجتهادك في الحضور بالرغم من ضيق الزمن
| Quote: لكن يا نوفل قلت شنو ؟؟ هبة الماحي تبقى عمدة واشنطون !!!!! |
عندك إعتراض ؟ If So ما نشوفك يوم الاحد .. ( وش تحذيري )
| Quote: والله كلام (( بلدا ما فيهو تمساح بقدل فيهو الورل )) |
هسة منو التمساح و منو البتاع التاني دا ؟
حدد لينا عشان نحدد بناء" علي تحديدك نشيل اسمك من علي اللستة بتاعة يوم
الاحد ولا نخليها !
تشكرات علي الحضور
| |
|
|
|
|
|
|
|
|
|
Re: و لاقـيييييييت لـيـكـم ابـــراهـيـم كـوجـان (Re: Rashid Elhag)
|
راشد بالجد أفتقدناك في جلستنا الجميلة هذا المساء
| Quote: أكان علي الشاعر محمود درويش....بحبو والله ومن بكرة دي حألقط ليكم كتبو من المكتبات....مظفر النواب ما بناباهو....ومن هسع يا جماعة الخير أعلن إنضمامي لحركة حق...وكان عايزني أبقي شيوعي تب ما بنختلف...أعمامي الإتنين شيوعيين....أها تاني في شنو |
دا كلو ما مهم و ما بجيب نتيجة تُذكر ...
| Quote: منتظرين عروق المحبة يا كوجان..الحقنا وأنجدنا.... |
بسسس رًكز علي ديل و شوف ليك دال كدة طايرة ختها قدام إسمك أممممم تاني
شنو تاني شنو أيواااا ما تنسي كلمتين تلاتة بالانقليزي وسط الونسة و خلاص
صدقني أمورك بتسلك مية مية و ما بتسأل في أي كوجان تاني !
أها أديناك المفاتيح السحرية قصرنا معاك ؟
سلام شديد
| |
|
|
|
|
|
|
|
|
|
Re: و لاقـيييييييت لـيـكـم ابـــراهـيـم كـوجـان (Re: heba Elmahi)
|
الجميلة هبة...تحياتي وأشواقي....ياخي دايمآ عامرين...لازم تحكي لي عن كل الحصل في هذه الأمسية الرائعة بالله....بعدين ياخ إنتي ما عارفة?...أنا بدل الدال عندي دالين قدام إسمي ...لكن ما بحب الهناي....يعني لازم الواحد يوري?...يا ستي أنا ...MD.MS.PhD وكان ما مصدقة أسألي كوجان ....منتظرين التفاصيل وعروق المحبة... مع الود..
راشد
| |
|
|
|
|
|
|
|
|
|
Re: و لاقـيييييييت لـيـكـم ابـــراهـيـم كـوجـان (Re: Rashid Elhag)
|
| Quote: لازم تحكي لي عن كل الحصل في هذه الأمسية الرائعة بالله |
حيجئ تاج السر الملك بعد شوية و يحكي للجميع عن هذه الامسية حكاوي الصور
أما الشمارات الدقاق دي انا بحكيها ليك بالكروباوي ...
| Quote: بعدين ياخ إنتي ما عارفة?...أنا بدل الدال عندي دالين قدام إسمي |
يطرشني والله ! ما شاءالله بس بعد كدا رًكز لي في البتاعات ( ما بتاعات بورداب الخرطوم
و الرياض ديك ) بتاعات المحبة !
| |
|
|
|
|
|
|
|
|
|
Re: و لاقـيييييييت لـيـكـم ابـــراهـيـم كـوجـان (Re: heba Elmahi)
|
يا سلام يا هبة...والله ما قصرتوا....الوحد كان يتمني يكون معاكم....لكن الرايحات أكتر من الجايات ....
Quote: بس بعد كدا رًكز لي في البتاعات ( ما بتاعات بورداب الخرطوم
و الرياض ديك ) بتاعات المحبة ! |
بتاعات المحبة ديل ما عند كوجان لكن.....ما بتقدري تسرقي لي منو إتنين وله تلاتة?...في إنتظارك
راشد
| |
|
|
|
|
|
|
|
|
|
Re: و لاقـيييييييت لـيـكـم ابـــراهـيـم كـوجـان (Re: Rashid Elhag)
|
| Quote: لكن الرايحات أكتر من الجايات .... |
لاحوووولا انت روحتنا كلو كلو !
الحالة انا من قبيل أوصي فيك رًكز رًكز و انت ما مرًكز نهاااائي !
انا ياااادوب عرفتا انت صاحب كوجان ليه ! أتاري الطششان
وااااحد و صدق من قال المرء علي دين مين كدا مش عارف
غايتو بس الله في ...
| Quote: .....ما بتقدري تسرقي لي منو إتنين وله تلاتة? |
ما كان تقول من بدري ياخي ! ما شفتا صاحباك ساعة الاكل قلع النضارة
و كفكف القميص و كان بس مرًكز في العضة ! خسارة فرصة و راحت
| |
|
|
|
|
|
|
|
|
|
Re: و لاقـيييييييت لـيـكـم ابـــراهـيـم كـوجـان (Re: Rashid Elhag)
|
| Quote: والله ضحكتيني يا هبة |
إن شاءالله دايما" يا رب
| Quote: بعدين أنا اللماني شنو مع كوجان ده |
أي هو كوجاااان و أي شئ لكن كمان ما لي درجة إنك تنكر صحبته !
| Quote: هسع الرحلة الجاية متين عشان نجهز ليكم من بدري...طبعآ بعد رمضان !!! |
لا لا قبل رمضان إن شاءالله نظام خم رماد و كدا !
تعال أحضرها معانا ( وش حنااااس )
انا ماشة انوم أقفل معاك باب البوست و طفًي الانوار و انت طالع !
ســلام
| |
|
|
|
|
|
|
| |
heba Elmahi
محمد الجزولي
انعام حيمورة
Emad Abdulla
salah ismail
Muna Khugali
نوفل عبد الرحيم حسن
سامى عتبانى
Rashid Elhag
عوض حمزة
Tagelsir Elmelik
هواري نمر
Abdlaziz Eisa
شول اشوانق دينق
سفيان بشير نابرى
Kostawi
صديق الموج
Amjed
خضر حسين خليل
Yassir Tayfour
ibrahim kojan
Osman Musa
عبدالوهاب علي الحاج
خدر
Dania Elmaki
فيس بوك
تويتر
انستقرام
يوتيوب
بنتيريست