|
|
 نحت على الشباب بدمع عيني .... فما نفع البكاء ولا النحيب ...
|
يوم الجمعة في السودان يوم عبادة وزيارات وفي بعض الأحيان ركلسة لكن في بريطانيا هو أطول يوم عمل وأكثر يوم نتلقى فيه التعليمات والأوامر من أصحاب العمل وسياد القروش الما خمج. غايتو على بال ما نتفك يكون دمنا فار ستين فورة ....
الناس الما شغالين قاعدين يقولوا لينا والله أنتو عايشين في نعيم. يا أخي نحنا والله كايسين التعليمات دي ما لاقينها ... غايتو يهيجوا فينا هيجه ونحنا المساكين ما نقدر نقول حاجة غير نبلع ريقنا على مضض.
ما علينا نرجع لي موضوع البوست ... مرة بعد الشغل مشيت على قهوة كدا دائماً مليانة (جكس) ... طبعاً الجكس عندنا هنا أشكال وألوان ... تشيل ياتي وتخلي ياتي؟ ما تعرف.
|
|
 
|
|
|
|
|
|
|
|
Re: نحت على الشباب بدمع عيني .... فما نفع البكاء ولا النحيب ... (Re: Mohammed Haroun)
|
لما جيت شايف ليك أربعة حلوات حلا ... القمر قال!!!! قاعدات قريب من واحد صاحبي عجوز ما شغال بيهن الشغلة . قلت ليهو إزيك يا عمي فلان ... أيه الحاجات الحلوة اللي جنبك دي؟؟
قال لي هي فين أنا ما شايف حاجات حلوة ولا حاجات مش حلوة ... هي فين؟؟
قلت ليه لأنك بتعاين في إتجاه واحد وما بتعمل مسح في كل الإتجاهات ...
قال لي يا ود أخوي أنا نسيت المثل بتاع ناس الغرب اللي كان قلت لي المرة ديك ... عليك الله ألحقني بيهو.
قلت ليهو ناس الغرب بيقولو (الباحش كان توا العجال بلحسن قفاهو) ...
قال لي حلوة قفاهو دي ... إنت المرة الفاتت قلت لي كلمة تانية غير قفاهو دي ...
قلت ليهو يا عم أنا خايف الجكس يسمعوا ويطيرو مننا ...
قال لي بطل الحركات بتاعتك دي بالله ... هن ديل عارفات ليك عربي لا من يعرفن كلامكم بتاع دارفور المقلبن دا.
| |
|
|
|
|
|
|
|
|
|
Re: نحت على الشباب بدمع عيني .... فما نفع البكاء ولا النحيب ... (Re: منال)
|
قال لي يا ولد أخوي أنا من قبيل منتظر لي أي زول يجي عشان يحرس لي حاجاتي ديل عشان أمشي أدخن لي سيجارة.
قلت ليهو اشمعنى زول يعني ما عندك (زلمات) كتار أصحابك!!! ولا أنا حميرك القصير؟؟
قال لي عشان إنت ما شاء الله تبارك الله آخر قيافة ... بس قول لي منو بالله العلمك لبس الكرفتة دي؟؟
قلت ليهو غايتو الجكس ديل كان طاروا أنا حا أطير معاهم وحاجاتك الله يعوضك فيهم.
ضحك وذهب خارج المبنى ... الخرم والله حاجة بطالة ...
المهم فكرت القى لي مدخل لي الجكس ... بس فكرة ... قمت قلت ليهم بالله ممكن تخلوا بالكم من الحاجات دي عشان أنا عاوز أجيب لي كباية قهوة؟؟
بعد تردد واحدة قالت لي إتنين مننا حا يراقبوك إنت وإتنين مننا حايراقبو الحاجات دي.
على طول أخوك لقط اللهجة ... قلت ليهم إنتو من أمريكا اللاتينية؟؟
قالوا لي نحن من البرازيل .........
قلت ليهم أموت في البرازيل ... أنا برازيلي على السكين.
| |
|
|
|
|
|
|
|
|
|
Re: نحت على الشباب بدمع عيني .... فما نفع البكاء ولا النحيب ... (Re: Mohammed Haroun)
|
قلت ليهم أجيب ليكم أي حاجة؟؟؟ هوت شوكوليت ... كوفي لاتا... رونالدينو؟
قالوا الله في مشروب اسمو رونالدينو كمان؟؟؟
قلت ليهم آسف دا خظأ غير مقصود ... لأنو حكاية البرازيل دي لخبطتني شوية. حا أجيب ليهم رونالدينو من فين ياعمي؟؟ دا حكومة السودان ما تقدر تجيبو ... وهمة ساكت.
جبت القهوة بتاعتي وشبكتها ليك ونسة معاهم ... قلت ليهم يكفيكم فخراً إنو أي إنسان على وجه الأرض بيعرف بلدكم ... حتى الشافع العمرو خمسة سنة بيعرف لون فنلة فريق البرازيل.
سألوني إنت من وين أصلاً؟؟
قلت ليهم أنا سوداني ... عارفين السودان بيقع وين؟؟؟
قالوا لي لا والله ما سمعنا بالسودان ... واحدة قالت لي السودان دا في البحر الكاريبي؟؟
قلت ليهم ياريت ... كان أنا شفت البرادايس أيلند .... لكن للأسف السودان في أفريقيا.
قالوا لي ما عندكم فريق كورة؟؟
قلت ليهم عندنا لكن لسه ما بقى فريق عالمي ... يعني ما لحق مستوى الكمرون لسه.
| |
|
|
|
|
|
|
|
|
|
Re: نحت على الشباب بدمع عيني .... فما نفع البكاء ولا النحيب ... (Re: Mohammed Haroun)
|
قالوا لي إنت حصل زرت البرازيل؟؟
قلت ليهم والله أبداً ما حصل لي الشرف ... ازور البرازيل حتة واحدة!!!
قالوا لي الزول المعاك دا من سودان؟؟
قلت ليهم أيوا دا عمي ... يعني عمي من بعيد لي بعيد كدا.
بس هو أبيض وإنت ما بتشبهوا ... يعني لونك ما قريب من لونو.
قلت ليهم انتو عندكم في البرازيل عنصرية؟؟
كلهم قالوا لي بصوت واحد ... نحن شعب أكبر من ذلك...
واحدة متظارفة كدا قالت وأهم هدف عندنا هو كأس العالم.
قلت ليها دا والله هدف نبيل جداً ... نحنا ما عارفين لينا لا هدف ولا مصير.
واحدة قالت لي ليك كم سنة في البلد دي؟؟
طبعاً دا سؤال تقليدي .. قلت ليها حوالي ثمانية سنوات ...
| |
|
|
|
|
|
|
|
|
|
Re: نحت على الشباب بدمع عيني .... فما نفع البكاء ولا النحيب ... (Re: Mohammed Haroun)
|
في اللحظات ديك عمنا جا راجع بعد ما شفط ليهو سجارتين
يا أخي والله الخرم كعب .... وأكعب حاجة خرم الجكس
شافني ليك مدور الونسة مع البنيات الحلوات ....
إبتسم بسمة ثعلبية أنا فهمتها على طول
لا من قعد في الكرسي قال لي يا أخي إنت مما طلعت من بطن أمك صايع
قلت ليهو مالك يا حاج ... هسع حاجاتك كلها تامة ... هو بالله حاجاتك دي لو أديتني ليها مجان أنا بشيلها!!!
قال لي الجكس دول من ممتلكاتي وإنت شلتهم وخليتني قاعد في السهلة
قلت ليهو إنت من زمان كنت قاعد في الصقيعة خلي السهلة الحلوة دي
قمت عرفتهم بي عمي الأبيضاني (احمر أضان) ...
| |
|
|
|
|
|
|
|
|
|
Re: نحت على الشباب بدمع عيني .... فما نفع البكاء ولا النحيب ... (Re: Mohammed Haroun)
|
عمي راجل مثقف جداُ وكان بيعمل مع البي بي سي قبل التقاعد
قال ليهم يا سلام البرازيل دي أروع بلد أنا شفتها في حياتي
قلت ليهو يا عم الحاج إنت الوداك البرازيل شنو ولا دي سلبطة منك
قال لي أنا لا من مشيت (ساو باولو) إنت كنت بترعى بالبهايم بتاعتكم
قال لي البرازيل مساحتها نص مساحة أمريكا اللاتينية كلها
وكانت مستعمرة إسبانية عشان كدة بناتها حلوات زي الإسبانيات
قلت ليهو ياعمي دا وكته هسع الجاب الإستعمار والذكريات الأليمة ايه
قال لي يا أخي إنت بتقاطعني كتير كده مالك ... يا أخي أنا عاوز أثقفك
قلت ليهو لأنك عاوز تطير الجكس البرازيل مني بي كلامك الكتير ده
وقمنا طيرنا الشكلة لا من الجكس إدخلن وهدأننا شوية
بعد شوية لعنت الشيطان وقلت ليه يا أخي سامحني والجكس ديل مبروكات عليك
قال لي إنت مالك عبيط كدا ... أنا أخدت الكوتة بتاعتي زمان ومبروك عليكم إنتو البواقي
ضحكنا ضحكة طويلة ... قال لي يا ود أخوي البنات هنا بقدن الجيب وجيبك أنا عارفه مهلهل.
| |
|
|
|
|
|
|
|
|
|
Re: نحت على الشباب بدمع عيني .... فما نفع البكاء ولا النحيب ... (Re: Mohammed Haroun)
|
قلت ليه الجيب دا الليله كان يعدم التعريفة أنا ما بخليهن
قال لي علي كيفك بس بكرة ما تجي تشكي وتبكي وتقول فلسان
في اللحظة دي ظهرو شبان إتنين حناكيش وسلمو ا وقعدو معاهن
واحدة قامت عرفتهم بي وبعمي الشيباني وقالت ليهم ديل من السودان
عمي راجل خبرة قال لي شقت دي زولتك بس ما تفارقا تب
قلت ليهو ياحاج هسع يطلع ليها واحد حنكوش يخلي خشمي يبقى ملح ملح
قال لي أنا كم مرة كلمتك قلت ليك ما حا تغلب الخبرة مهما كان علمك
خبرتي بتقول لي إنو دي طايرة وعاوز ليها فرع ترك فيهو
| |
|
|
|
|
|
|
| |
Mohammed Haroun
فيس بوك
تويتر
انستقرام
يوتيوب
بنتيريست