|
|
|
 Re: كعضو في سودانيز اون لاين .. جريده سودانيز اون لاين لا تعبر عني ولا تمثلني (Re: وليد محمد المبارك)
|
سلامات يا وليد ـ كلامك صحيح .. صاحب الجريدة مفروض يسميها "مقتباساتي من سودانيز اون لاين" ـ وممكن تكون "كوتاتي من سودانيز اون لاين"
وكل واحد برضو ممكن يعمل صحيفة طفيلية براهو مبنية من عرق ومجهودات الآخرين ويسميها: مقتطفات، أو اقتباسات أو قضمات أو أي حاجة ، من سودانيز اون لاين أو سودان جيم أو الجزيرة أو أي شئ .. ثم بعد داك ينشرها وممكن يطبعها ويبيعها ويكسب منها قروش .. يعني تكسبك رزقك وإنت قاعد في بيتكم وكل مجهودك يكون كثرة القراءة والإطلاع والمطالعة 
فكرة والله !!
| |
 
|
|
|
|
|
|
|
 Re: كعضو في سودانيز اون لاين .. جريده سودانيز اون لاين لا تعبر عني ولا تمثلني (Re: طارق الكوتش)
|
سلامات...
أتفق معك يا وليد...
فما معنى أن ينشر موضوع في جريدة سودانيزأونلاين...وهو في الأصل
منقول من جريدة "عربية" ولا مجلة "عربية" أخرى؟!!!!
أعتقد أن الجريدة تمثل ما يريده الأخ عماد بلاكة لسودانيزأونلاين أن تكون،
لا ما هو كائن في سودانيزأونلاين...
أعتقد أن هناك الكثير الكثير من الموضوعات الأهم...والأهم جداً لم تجد حظها
من النشر، بسبب اللغة التي يكتب بها صاحب الموضوع...واللغة التي نكتب بها هنا...
هي De Facto الإنترنت يا عماد...يا إمّا نرضى بها...أو تكون الجريدة تعبّر عن سودانيزأونلاين أخرى!!!!
شكراً وليد
___
أنور
| |
|
|
|
|
|
|
|
|
|
Re: كعضو في سودانيز اون لاين .. جريده سودانيز اون لاين لا تعبر عني ولا تمثلني (Re: كمال عباس)
|
Quote: وكعضو بالمنبر أري فيهامحاولة جادة لكسر المألوف وفيها نفس إبداعي
ولمسة جمالية...وفيها عصارة مكثفة لأهم مايكتب....
أنها تجربة رائدة تستحق الدعم,,,,,
والدعم في رأي يتمثل في النقد وتقديم بدائل " للمنقود" وبسط مقترحات
وتصورات لما يجب أن يبرز ويتصدر المجلة....
...
.. الجماعية مطلوبة حتي علي مستوي إدارة المنبر ولكن إدراك أن المنبر ملكية خاصة يجعلنا نكفكف بعض الأماني... |
مرحب كمال عباس
كلامك الفوق ده باصمين عليه
لكن انا اتوقعت بعد الاحتفال بسته شهور يكون في تغير وشي من الاحترافية
الناس دعمت وهللت وما قصرنا
للفكره وكت كانت في بدايتها
آن اون النقد
الجريده عاوزه ليها تغيير وهيئة تحريرية مافيها انحياز عشان تعبر عن اون لاين كلها
كل الود
| |
|
|
|
|
|
|
|
|
 Re: كعضو في سودانيز اون لاين .. جريده سودانيز اون لاين لا تعبر عني ولا تمثلني (Re: حيدر حسن ميرغني)
|
حلوة قوم فحط دي يا مان .... !!!
أنا ما عارف يعني ...لماذا أي عمل جديد لازم يواجه بالنقد الحاد والغير بناء ، يا أخوانا ، مسعولين من الخير ..!!! هذا المنبر ..هل يعبر عن آراء جميع المشتركين فيه ، والسعال الديكي الآخر ، هل الأخ المحترم صاحب البوست أرسل مقالاً لجريدة سودانيز أون لاين ورفض نشره ..؟؟؟
هذه تجربة في بداياتها ، لا يمكن أن تكون مبرأة من السلبيات ، لماذا لا نتقدم بمقترحات وملاحظات بناءة ... وندلو بدلونا بصورة ودية حتى نكون شركاء فيها ، وخاصة إن الذين قاموا بها هم الذين يهيئون لنا هذه الفسحة لنقول كل الكلام اللي ما بتقال في أي حتة تانية ... واللا شنو يا مان ...!!! حلوة يا مان دي والله !!
وكلام الناس كلو قتوه إلا كلامي أنا الما سمعتوه ... !!!
تحياتي وتشكراتي واحتراماتي
أبوفواز
| |
|
|
|
|
|
|
|
|
|
Re: كعضو في سودانيز اون لاين .. جريده سودانيز اون لاين لا تعبر عني ولا تمثلني (Re: صديق عبد الجبار)
|
بدايتها !!!
ياخ الجريده العدد الفات محتفلة بسته شهور
هي جريده ولا كبري ؟
الكباري يفتتحوها في سته شهور
| Quote: هل الأخ المحترم صاحب البوست أرسل مقالاً لجريدة سودانيز أون لاين ورفض نشره ..؟؟؟ |
هو بالله الجريده دي قاعده تنشر الاخبار القاعدين يرسلوها ليها ؟؟
اول معرة اعرف ده!!!
واستغرب جدا للكلام ده
طيب لو رسلو 500 نفر من الـ 4000 نفر الموجودين هنا
بتختاروا منو
اكتر واحد نبز البشير ويختوه
بعدين انت منو القال ليك دي اول مرة ينفتح الكلام ده
والاقتراح بتاع انو تتكون هيئة منتخبة تحرر الجريده ده مالك جليتو
اها برضو الجريده دي ما بتمثلني
| |
|
|
|
|
|
|
|
|
 Re: كعضو في سودانيز اون لاين .. جريده سودانيز اون لاين لا تعبر عني ولا تمثلني (Re: وليد محمد المبارك)
|
| Quote: والاقتراح بتاع انو تتكون هيئة منتخبة تحرر الجريده ده مالك جليتو |
أخي وليد المبارك .. لك التحية والاحترام ..
والله إقتراح هيئة منتخبة لم أجليه عن قصد .. فقط سهوت عنه .. ولك العتبى حتى رضى .. وأنا أؤيده مائة في المائة .. وهو إقتراح ممتاز جداً جداً ...
أنا فقط لفت نظري عنوان البوست وكنت مركز فيه أكثر مما يجب .. فهو عنوان بيجر شكل زي ما بقولوا ... ليس عنوان لنقد هادف وبناء .. !!
لك مني كل الود والاحترام والتحايا العطرة
"أبوفواز"
| |
|
|
|
|
|
|
|
|
|
Re: كعضو في سودانيز اون لاين .. جريده سودانيز اون لاين لا تعبر عني ولا تمثلني (Re: وليد محمد المبارك)
|
سلامات يا وليد،
للأخ عماد جهد مقدر و له الشكر على المبادرة و رأيك ايضا محل تقدير
ومهم جدا عكس التنوع في الآراء سواء لاقت صدى في انفسنا او العكس
اقترح طرح حلول فعلية عوض الانتقاد لما يورث من إحن ...
والأهم طرح مسألة حقوق الملكية الفكرية وهل يفضل الكتاب هنا تدوير
ما كتبو بشكل اوسع أم لا وهل تتم استشارتهم مسبقا أم لا ...
العمل الجماعي دائما ثري لتنوع الافكار و تكامل الرؤى، وفيكم
من يقدر على تطوير العمل الجميل الذي بدأه الاخ عماد ...
ولقدام ...
| |
|
|
|
|
|
|
|
|
|
Re: كعضو في سودانيز اون لاين .. جريده سودانيز اون لاين لا تعبر عني ولا تمثلني (Re: ناذر محمد الخليفة)
|
انا غايتو ما قاعد اقرا لى "عماد بليك" ... (هو أصلاً ما بكتب)
لاكين لو نشر لى أى موضوع (من مواضيعى الما بتتنشر أصلاً) يشيل شيلتو ...
لأنو انا حأدخلو محكمة حأدخلو محكممة ... مافى اتنين تلاتة ..
_________________________
ننشر فى سودانيزاونلاين مجانى ... تانى نجى ننشر فى جريدة سودانيزاونلاين مجانى؟ ليه اصلو؟
مش لو عملو ليها هيئة تحرير ...
طالما بتنشر بدون ما تدفع ... فهى لا تستطيع ان تعبّر عنى ...
(وكان نشروا لى ما حاعرفم ... هو انا تلاتة ارباع المنبر ما بقراو ... امشى اقرا جريدة؟)
... المهم ....
| |
|
|
|
|
|
|
|
|
|
Re: كعضو في سودانيز اون لاين .. جريده سودانيز اون لاين لا تعبر عني ولا تمثلني (Re: HAIDER ALZAIN)
|
تحية طيبة للجميع
و تحية كبيرة و مخصوصة للاخ عماد على هذا المجهود الخرافى الذى يقوم به
اول حاجة يا وليد دى فكرة الزول ده ، و هو اختار الاسم اول شئ و الاسم ليس حكرا على احد
فمن حقو يعمل الدايرو ، و ينقل المواضيع الهو شايفها ناجحة او مهمة من وجهة نظرو ، هو المدير و هو حر
طالما انو ملتزم بالقاعدة المكتوبة فى المنبر تحت
Quote:
يمكنك نقل أو اقتباس اى مواد أعلامية من هذا الموقع بشرط وضع "نقلا عن سودانيز اون لاين"و الاشارة الى عنواننا
|
اى كلمة تكتب هنا من حق اى شخص نقلها و تداولها شرط الاشارة لمصدرها
=============================
اتنين ، موضوع السودانيين المفضل و الهو انو نعمل لجنة و ننتخب ناس و و و ، ده ممكن تعملهو بعيد عن عماد
اعملو لجنتكم و انتخبو ناسكم ، و اعملو جريدة تانية مع الاحتفاظ بهذا الحق
يمكنك نقل أو اقتباس اى مواد أعلامية من هذا الموقع بشرط وضع "نقلا عن سودانيز اون لاين"و الاشارة الى عنواننا
و الحشاش يملا شبكتو
*** صراحة انا زعلت لـ عماد ، بعد المجهود ده كلو و يجى يلقى نقد بدل شكر !!!
| |
|
|
|
|
|
|
|
|
|
Re: كعضو في سودانيز اون لاين .. جريده سودانيز اون لاين لا تعبر عني ولا تمثلني (Re: محمد الامين احمد)
|
محمد الامين
تحياتي
كتبت
فمن حقو يعمل الدايرو ، و ينقل المواضيع الهو شايفها ناجحة او مهمة من وجهة نظرو ، هو المدير و هو حر
كلامك كله صحيح
وما مختلفين
وده سبب البوست
عشان كده فتحت البوست ده وقلت في عنوانه
كعضو في سودانيز اون لاين .. جريده سودانيز اون لاين لا تعبر عني ولا تمثلني
وبتخيل لي ده من حقي وانا حر برضو .. الجريده البحررها عماد اسمها بشبه اسم الموقع ده
ولانها جريده عماد وبتعبر عن رايئه فانا عاوز اقول انها ما بتعبر عني ولا بتمثلني
ولا ده ما حقي
ولا اكون كمان ما حر في الحته دي
ولا مفروض استاذن عماد بليك قبل ما اعمل كده
وقلت كذلك
صراحة انا زعلت لـ عماد ، بعد المجهود ده كلو و يجى يلقى نقد بدل شكر !!!
يلقى شكر ليه ؟
ما هو الجريده حقتو وبكتب فيها الحاجات العلي مزاجه
يشكروه على شنو ؟
على الحاجات العلى مزاجو ...
مافي حاجة شكروها عليها لو كانت فكرة عماد نفس فكرتك الوضحتها فوق عن الجريده
| |
|
|
|
|
|
|
|
|
|
Re: كعضو في سودانيز اون لاين .. جريده سودانيز اون لاين لا تعبر عني ولا تمثلني (Re: وليد محمد المبارك)
|
وليد ، مراحب كتير
Quote:
كلامك كله صحيح
وما مختلفين
وده سبب البوست
|
طيب مكسب لحدى هنا
Quote:
وبتخيل لي ده من حقي وانا حر برضو .. الجريده البحررها عماد اسمها بشبه اسم الموقع ده
ولانها جريده عماد وبتعبر عن رايئه فانا عاوز اقول انها ما بتعبر عني ولا بتمثلني
|
من حقك جدا، و الانا قلتو ما مختلف من ده ، لانو مستحيل عماد يعبر عن وجهة نظر كل المشاركين
هنا !!! عشان كده قلت اعملو جريدة تانية و عبرو فيها عن وجهو نظركم !!!
Quote:
يلقى شكر ليه ؟
ما هو الجريده حقتو وبكتب فيها الحاجات العلي مزاجه
يشكروه على شنو ؟
على الحاجات العلى مزاجو ...
|
انا واحد من الناس المتابعين الجريدة دى ، و بنتظر اعدادها بفارغ الصبر ، عارف ليه ؟؟؟
لانو فى معظم الاوقات انا ما فاضى ادخل الموقع بصورة يومية ، و حتى فى الدخول اليومى فى
بوستات ممتازة بتضيع فى الزحمة ، جردية سودانييز دى بتورينى المواضيع دى ، و بعدين لو فى
مشكلة مع مواضيع الجريدة تبقى المشكلة من العضوية ما من عماد !!! لانو هو بينقل الهنا بس
ما بيعمل حاجة زيادة غير التنسيق و اخرجها فى شكل جميل
تحياتى تانى و اتمنى صادقا اشوف ليكم جريدة تعبر عن وجهة نظركم عشان نعرف وجهة نظركم برضو
على حسب علمى انت ممكن تعمل حاجة زى دى ، رآيك شنو تخرج عدد واحد على سبيل التحدى !
| |
|
|
|
|
|
|
|
|
|
Re: كعضو في سودانيز اون لاين .. جريده سودانيز اون لاين لا تعبر عني ولا تمثلني (Re: محمد الامين احمد)
|
مرحب محمد الامين
Quote: من حقك جدا، و الانا قلتو ما مختلف من ده ، لانو مستحيل عماد يعبر عن وجهة نظر كل المشاركين
هنا !!! عشان كده قلت اعملو جريدة تانية و عبرو فيها عن وجهو نظركم !!! |
حتى لو ما عملنا جريده
جريده عماد بليك دي لا تمثلني كعضو من سودانيز اون لاين
وفي ناس كتااار هنا قالوا نفس الشي
الاتضح انها بتمثلكم انت وادم موسى وعماد
دي جريدتكم انتو براكم ما جريده سودانيز اون لاين
Quote:
انا واحد من الناس المتابعين الجريدة دى ، و بنتظر اعدادها بفارغ الصبر ، عارف ليه ؟؟؟
لانو فى معظم الاوقات انا ما فاضى ادخل الموقع بصورة يومية ، و حتى فى الدخول اليومى فى
بوستات ممتازة بتضيع فى الزحمة ، جردية سودانييز دى بتورينى المواضيع دى ، و بعدين لو فى
مشكلة مع مواضيع الجريدة تبقى المشكلة من العضوية ما من عماد !!! لانو هو بينقل الهنا بس
ما بيعمل حاجة زيادة غير التنسيق و اخرجها فى شكل جميل
تحياتى تانى و اتمنى صادقا اشوف ليكم جريدة تعبر عن وجهة نظركم عشان نعرف وجهة نظركم برضو
على حسب علمى انت ممكن تعمل حاجة زى دى ، رآيك شنو تخرج عدد واحد على سبيل التحدى ! |
عاجباك لانها جات على هواك وتجاوزت بقية الامزجة والاهواء
المشكلة ما في المنبر
المشكلة في انتقائية عماد بليك
وده شي طبيعي طالما انو هو محرر ومدير ومصحح ومراجع لغوي الجريده
| |
|
|
|
|
|
|
|
|
|
Re: كعضو في سودانيز اون لاين .. جريده سودانيز اون لاين لا تعبر عني ولا تمثلني (Re: وليد محمد المبارك)
|
Quote: لو ركزت حا تلقى انو في كل مدالخة لاي عضو في اون لاين
في اخر الماخلة حا تجد لنك لعدد من الجريده
اضغط عليه حا تلقى الجريدة واعدادها الفاتت كلها |
لا يا وليد دا ما القاصدو انا
ما تراها قاعدة لينا زي الزول الماعندو موضوع ( علي قول محمد عبد الماجد )
لكن انا قصدت انو الجريدة يا كافي البلاء لا شاورونا في اختيار هيئة التحرير
ولا كيفية اختيار المواضيع البتنزل فيها و كيفية معايرتها وايها الاجدي
غاتو بقينا زي الزول البسمع بي عرس اخوحو من الجيران
خالص الود
| |
|
|
|
|
|
|
|
|
|
Re: كعضو في سودانيز اون لاين .. جريده سودانيز اون لاين لا تعبر عني ولا تمثلني (Re: ياسر بيناوي)
|
| Quote: وهي لا تمثلني انا شخصيا ولا تعبر عني |
أها تانى جيت وجبت سيرة الجريده..؟؟؟
طيب يا وليد سودانيزاونلاين زاتها بمنطقك ده بتمثلك ولا بتعبر عنك..؟؟
وهو شنو بالضبط المحاور والمواضيع البتعبر عنك..؟؟؟
وللآخرين البتكلموا عن هيئة تحرير ..هل سودانيز اونلاين عندها هيئة تحرير
وناقشتكم فيها ؟؟وجات بمشورتكم..؟؟!! يا جماعه دى مبادرات زى ما الموقع مبادرة بكرى ابوبكر
برضو الجريده مبادرة عماد البليك.. انت ياوليد ما فى زول جابرك على قراءة الجريده ..
فزى ما قاعد تفط وتفحط من بعض البوستات ,, يا اخى برضو اتجاهلها وما تقراها.. قشه ما تعتر ليك..
وكده نشوف جهدك ومبادرتك الابداعيه انت.وقوم سوى ليك مثلا مجلة سودانيزاونلاين واستعين فيها بكل
الشانئين امثالك ..البقولو عن الجريده ما بتمثلنا وما بتعبر عن راينا ..بالله مثلم وعبر عن رايهم
وكون منهم هيئة تحرير وشوف كان استمرت..شهر مش سته شهور..؟؟
هسع تفتكر لو بكرى برضو عمل ليهو هيئة تحرير كان الموقع ده استمر..؟؟؟
وتانى برضو قوم لف وفحط..!!!
وخلى عماد ده فى ابداعو ومجهوداتو يا مثبط..!!!
| |
|
|
|
|
|
|
|
|
|
Re: كعضو في سودانيز اون لاين .. جريده سودانيز اون لاين لا تعبر عني ولا تمثلني (Re: أسامة خلف الله مصطفى)
|
مرحب اسامه
سودانيز اون لاين يمثلني
لاني ارى فيه خطي وخط من هم معي لم يحجر عليه
هذا لا اراه في الجريده
الجريده تنتخب حسب وجهة نظري تيار معين واعضاء بعينهم دون سواهم
عشان كده الجريد لا تعبر عني ولا تمثلني
مافي مقارة بين الاتنين
في اون لاين نحن نكتب المواضيع ولا احد يصادق على نشرها
في الجريد المواضع المنشورة فيها يدخل في نشرها شخص بعينه
انا ارى انو دي احادية في الرائي محكومة بمزاج من يختار المواضيع
وبرضو الجريد لا تعبر عني ولا تمثلني
| Quote: أخى وليد...هنالك خط رفيع ، غير مرئى مابين المطالبة بالحقوق والتغول على حقوق المالك.... |
وهل قولي انه رائي فلان الفلاني لا يعبر عني ولا يمثلني تغول على حقه ؟
| |
|
|
|
|
|
|
| |
وليد محمد المبارك
عمر صديق
ابراهيم بقال سراج
Emad Abdulla
حيدر حسن ميرغني
Munir
AnwarKing
كمال عباس
صديق عبد الجبار
محمد عبد الماجد الصايم
فيصل نوبي
محمد كابيلا
Frankly
خدر
PLAYER
إيمان أحمد
Raja
طارق جبريل
ياسر بيناوي
مبيوع
ناذر محمد الخليفة
تبارك شيخ الدين جبريل
HAIDER ALZAIN
محمد الامين احمد
Adam Mousa
Amin Mohamed Suliman
Maawya Hussein
أسامة خلف الله مصطفى
أيوب خليل
فوزى عبد الفتاح
فيس بوك
تويتر
انستقرام
يوتيوب
بنتيريست