|
|
 ياخسارة : هؤلاء فقدوا بريقهم بالمنبر !!!
|
فقدان البريق هنا ليس شيئاً مشينا حتى لا يزعل البعض:
فقد يؤثر المرء النأي بنفسه والإنزواء، وفي ذلك منفعة
له إن كان خيراً ومنفعة للآخرين إن كان (شرير)،،
البعض ، وهم كثير هذه الأيام ، يعمدون إلى تشويه صورتهم بكتاباتهم،
ومحاولاتهم رد الإهانة وإثبات الذات،، وهم بذلك يشوهون صورتهم الجميلة
بتهورهم وإنجرافهم الصارخ نحو تدمير الخصوم بإستخدام أي أسلوب ، لا يهم!!
البعض فقد بوصلة النجاعة وأصبحت بوستاته خاوية على
عروشها فأصبح يقلب كفيه على ما يهدره فيها من جهد وحبر!!
|
|
 
|
|
|
|
|
|
|
 Re: ياخسارة : هؤلاء فقدوا بريقهم بالمنبر !!! (Re: عبد اللطيف بكري أحمد)
|
Quote: فقدان البريق هنا ليس شيئاً مشينا حتى لا يزعل البعض:
فقد يؤثر المرء النأي بنفسه والإنزواء، وفي ذلك منفعة
له إن كان خيراً ومنفعة للآخرين إن كان (شرير)،، |
...Quote: البعض ، وهم كثير هذه الأيام ، يعمدون إلى تشويه صورتهم بكتاباتهم،
ومحاولاتهم رد الإهانة وإثبات الذات،، وهم بذلك يشوهون صورتهم الجميلة
بتهورهم وإنجرافهم الصارخ نحو تدمير الخصوم بإستخدام أي أسلوب ، لا يهم!! |
.. لطفــايا عبد اللطيف .. وقبل أن تواصل .. فمثل هذا البوست .. حتماً سيفقدك بريقك من حيث لا تدري ..
وجهة نظر خاصة جدا .. من زاوية بعيدة جدا
| |
|
|
|
|
|
|
|
|
|
Re: ياخسارة : هؤلاء فقدوا بريقهم بالمنبر !!! (Re: tmbis)
|
سلامات يا عبد اللطيف
اسمح لي اختلف معاك
اغلب الأعضاء هنا هواة وليسوا كتاب محترفين عشان موضوع البريق او الإقبال دا يفرق معاهم
الناس هنا بتكتب لتمتع نفسها في المقام الاول
قد يكون من ضمن المتعة دي رد الإهانة او اثبات الذات
بل وحتى الكاتب المحترف الذي يسعى لتقديم انتاجه للناس و يهمه الفيد باك لا اعتقد ان سودانيز اون لاين هو ساحة اهتمامه بتقييم انتاجه
بعدين الكتابة حالة كونها هواية بتخضع للحالة المزاجية لصاحبها في المقام الأول
لو مزاجو رايق ح تطلع رايقة ولو عكران اكيد ح تكون معولفة
و السلام
| |
|
|
|
|
|
|
|
|
|
Re: ياخسارة : هؤلاء فقدوا بريقهم بالمنبر !!! (Re: عبد اللطيف بكري أحمد)
|
سأضرب أمثلة مهما يحدث:
إن جاءت ملاحظاتي صادقة وصادفت هوىً لدى الكثير من الناس
يكون عداني العيب،،
أما إن جاءت مغالطة للحقائق فسأفقد بريقي وأنزوي : وأكون
بذلك قد إرتحت وأرحت الناس،،
المتطوعون بإبداء الملاحظات يراعون أن النتيجة إن كانت سلبية
فعليهم حزم أمتتهم ومغادة هذا الفسيح إلى موقع آخر،،
سأبدأ ، وأمري لله،،
| |
|
|
|
|
|
|
|
|
|
Re: ياخسارة : هؤلاء فقدوا بريقهم بالمنبر !!! (Re: عبد اللطيف بكري أحمد)
|
Quote: .. لطفــايا عبد اللطيف .. وقبل أن تواصل .. فمثل هذا البوست .. حتماً سيفقدك بريقك من حيث لا تدري ..
وجهة نظر خاصة جدا .. من زاوية بعيدة جدا |
العزيز علاء،،
هذه ميزة أن تكون بلا بريق،، (أقصد نفسي)،،
عشت هنا 5 سنوات (تقريبا) تأثيري محدود وقولي ضنين أخاف ردات الفعل والتشنج
وأخاف أن تلحقني الإساءة إن قلت رأيي بواحا،،
لا تهتم ياصديقي ، فرصيدي في هذا المقام غير محزن ذهابه ، لذا سأواصل ،،
وطالما جئت بشحمك ولحمك هنا : فسأبدأ بك:
علاء تمبس من الذين فقدوا بريقهم:
أتذكر يوم كنت طريح الفراش بمستشفى عبيد؟؟؟ أتذكر يوم قلتها لك أن سودانيزأونلاين
هي من يرقد على الفراش الأبيض؟؟
كنت حقاً أعنيها : فقد كان حينها علاء الدين منصور يرفد المنبر بكل ما يجذب خياله
الفنان من روائع لا أخفيك أنها كانت عنصر جذباً للمشاهدين وتكاثر طلبات الإنضمام
لعضوية المنبر،،
كان علاء الدين فتى الشباك الأول بالمنبر !!!
الآن : علاء الدين آثر الإنزواء وترك كثير جمائله على البورد وأحجم عن نثر (أفراح) الناس
بما يخنزن من فرح ونفس تتوهج ،،
علاء الدين أصبح الآن (بعد الأسر) يمشي جنب الحيط وغير معني بحالة الإحباط العام التي
تنتاب الرواد من الأعضاء ومن خارجه،،
علاء الدين : أظن صاحب الأمجاد الذي كتب على ظهر مركبته (تمبس) قد بدأ يفكر الآن في
بطل جديد وإسم جديد يتماشى مع روح المرحلة،،
هل إحجام علاء عن الصورة والنغم والحرف الجميل هو عقاب لنا ، أم هو عناد ومسايرة للموجة
الغاضبة بالمنبر أم نضب معينك ياعلاء؟؟
(مثال واحد)!!!
| |
|
|
|
|
|
|
|
|
|
Re: ياخسارة : هؤلاء فقدوا بريقهم بالمنبر !!! (Re: عبد اللطيف بكري أحمد)
|
Quote: .. صدقني يا عبد اللطيف انسى الموضوع دا ..
لانو بوستات تقييم الاشخاص أو الإشارة إلى حالة محددة في ظروف محددة .. ما بتخدم غرض ..
اكتب ليك في الكلام دا وفي بالي .. مراعاة الظروف المحددة للبعض هنا .. وما تعرضوا له.. |
أقدر مخاوفك أخي علاء ،،
ولذا جاء العنوان مثيراً (فن كتابة العنوان)، مستغلاً تسونامي الغليان الذي ينتاب المنبر وأعضاءه،،
بس تأكد تلك الناحية ليس هي ماعنيت ، وإن كان بعض أبطالها قد تجرجر رجولهم هنا ، ولكنها من زاوية
أكثر إشراقا،،
ساعدني ببريقك القديم : عساني أنجح،،
| |
|
|
|
|
|
|
|
|
|
Re: ياخسارة : هؤلاء فقدوا بريقهم بالمنبر !!! (Re: عبد اللطيف بكري أحمد)
|
..
.
كدا كويس يا تامبا
اها تيفا بد بيكـ انت ..
اول زول فقد بريقه ..
حليل زمن الزمن ..
يا تيفا..
واصل يا زول ..
اساسا ناس كتار ما عندها بريق
بس الصدفة وحدها تجعل منها كذلك ..
__________
كذلك يضرب الله الحق والباطل فأما الزبد فيذهب جفاء
وأما ما ينفع الناس فيمكث في الأرض كذلك يضرب الله الأمثال
| |
|
|
|
|
|
|
|
|
|
Re: ياخسارة : هؤلاء فقدوا بريقهم بالمنبر !!! (Re: Tabaldina)
|
Quote: سلامات يا عبد اللطيف
اسمح لي اختلف معاك
اغلب الأعضاء هنا هواة وليسوا كتاب محترفين عشان موضوع البريق او الإقبال دا يفرق معاهم
الناس هنا بتكتب لتمتع نفسها في المقام الاول
قد يكون من ضمن المتعة دي رد الإهانة او اثبات الذات
بل وحتى الكاتب المحترف الذي يسعى لتقديم انتاجه للناس و يهمه الفيد باك لا اعتقد ان سودانيز اون لاين هو ساحة اهتمامه بتقييم انتاجه
بعدين الكتابة حالة كونها هواية بتخضع للحالة المزاجية لصاحبها في المقام الأول
لو مزاجو رايق ح تطلع رايقة ولو عكران اكيد ح تكون معولفة
و السلام |
العزيز محمد البشرى لك مني السلام وللحلوين في البروفايل،،
ولتسمح لي أيضاً أن أتفق معك في جزيئة مما قلت وأختلف معك في ماتبقى:
طالما أن أغلب الاعضاء هواة فهذا يعني أن البعض منهم محترفين،،
وكتير إتفاقي معك أن الكتابة تخضع للحالة المزاجية لصاحبها : وهذا مكمن
الخطر الذي يتهدد الجميع : علماء النفس يقولون : إن الحالة الذهنية للإنسان
تؤثر كثيراً على إدراكه ،، لذا يأتينا الدر أو الدراب من هذه الحالة الذهنية!!
فتريث البعض في الكتابة عند لحظة أن يكون الذهن (خربان) هي المفقودة لدى الكثيرين
وهي لحظة نزول الدراب ،، وبعد نزوله يعم العجاج وتكثر الفوضى والكل يدعي الإصابة،،
ونبدأ ب: ما تكتح يازول!!
| Quote: قد يكون من ضمن المتعة دي رد الإهانة |
هذه مرحلة الحرابة التي يعقبها وضع (البريق) على المحك!!
أتمنى وجودك هنا أخي محمد ،، هي محالة عسانا نتعشم في بناء أسوار مدينة فاضلة!!
| |
|
|
|
|
|
|
|
|
|
Re: ياخسارة : هؤلاء فقدوا بريقهم بالمنبر !!! (Re: Tabaldina)
|
Quote: .
كذلك يضرب الله الحق والباطل فأما الزبد فيذهب جفاء
وأما ما ينفع الناس فيمكث في الأرض كذلك يضرب الله الأمثال |
العزيز صالح ،،
أشكر لك مداخلتك ونعم القول الحق ،،
جعلنا الله من يستمعون القول ويتبعون أحسنه،،
جوزيت خيراً ، وبل رأسك!!
| |
|
|
|
|
|
|
|
|
|
Re: ياخسارة : هؤلاء فقدوا بريقهم بالمنبر !!! (Re: Tabaldina)
|
Quote: كدا كويس يا تامبا
اها تيفا بد بيكـ انت ..
اول زول فقد بريقه ..
حليل زمن الزمن .. |
.. والله يا تنقـا .. نحن جينا من غير بريق .. ولو البريق دا في البورد بتاع سودانيز .. اها .. الواحد يشوف ليهو طريقة لمبات .. ياخ هو حتة ( هكيير ) بيجي ياخد ليهو صوطة بتاعت كودين تلاتة يجهجه ليك سلوك بكري كلها ويقطع الكهربة شهرين .. تقول لي بريق ..؟
حليل زمن زمان والله ... والله زمان جنس نجومية .. الواحد يجيبه بي ضراعو .. حسع تجي تكتب ليك عنوان بي فوق .. في خواجه سايق ليهو بطة .. وتدخل جوه تخت ليك نقطـة وشولة وتكتب لي عودة .. والله تاني يوم يجيبوك في الديلي تلجراف .. مع صبري الشريف في صفحة واحدة ..
والله انا يا تقنا ابرق ليك هنـا .. احتمال كبير اعمل ليك رمد ربيعي .. 
| |
|
|
|
|
|
|
|
|
|
Re: ياخسارة : هؤلاء فقدوا بريقهم بالمنبر !!! (Re: عبد اللطيف بكري أحمد)
|
| Quote: كان علاء الدين فتى الشباك الأول بالمنبر !!! |
.. Quote: علاء تمبس من الذين فقدوا بريقهم:
|
..| Quote: وطالما جئت بشحمك ولحمك هنا : فسأبدأ بك: |
تمام يا عبد اللطيف .. ان أكون أحد النماذج التشريحية ..
طالما الكلام دا كتبتو معناته هووجهة نظرك الخاصة ..
زي ما قال ود البشرى .. في ردو الفوق دا ..
اضيف ليك ..
أنا يا صديقي ليس من ضمن الذين يسعون غلى مساحات الشهرة من خلال طيف .. ما اكتبه هنا قادر على اني اكتبه واقوله على الواقع .. لا يهمني أن يمدحني فلان أو ينتقدني فلان .. يهمني فقط أن تصل فكرتي .. والحمد لله نجحت كثيرا في ذلك ..
لا ادري ما هو البريق الذي تتحدث عنه ..؟ وما هو الشباك .. إنت قاعد تتكلم ليك عن سيناريوهات عجيبة .. لو اساسا نحن جايين هنا علشان نحقق امجاد وشهرة شباك .. والله يا عبد اللطيف كان وقفنا حيث ابتدا الناس .. من سنوات .. وخلينا الناس تقول يا سلالالام ياخ حليل تمبس بطل الشباك ..
ما عارف فقدان البريق دا كيف وبي ياتو معيار اهتديت ..
خليني افصل ليك يللا ولو في حاجة خاصة بتتعلق بي وجهة نظرك دي طبعا بترجع ليك ..
اولا .. تم ايقافي من هذا المكان لمدة تلاتة شهور تقريباً وهي فترة كافية انو الناس تنسى فيها اسماء كتيرة .. فالحمد لله رب العالمين .. بالرغم من اني مافيش .. كانت صوري على بروفايلات العديد من الاصدقاء ودا في حد زاتو بيعني لي اشياء كتيرة جدا وجميل لا انساهـ
ثانياً.. والشهادة لله طيلة فترة وقوفي وإلى هذه اللحظة ما انقطعت عني هواتف العديد من الاصدقاء (حول العالم) ما اختلفت معهم وما اتفق معهم .. وهذا في حد زاتو رصيد انساني بالنسبة وفضل من رب العباد .. أنو حبب فيك الناس ..
ثالثاً.. تقريبا ... الناس نست الناس.. هذا ما كتبته في أول لحظة عدة فيها إلى هذا المكان بعد فترة توقيف تلاتة اشهر وزي ما شايف الحمد لله رب العالمين يبادلني من اختلف ومن اتفق معهم في الرأي المحبة فما نكتبه هنا من اختلاف وجهات نظر .. لا يعني اطلاقا فقدنا لنعمة الأخوة والود التي بيننا هذا في عرفي الخاص جدا فهذه المساحة ليست لان نختلف ونتعادى .. بل أن نعرض وأن نأخذ ومن يبحث في غير ذلك .. اعتقد هو من يبادل بحسابات الشهرة ، والشباك ، والكمبارس .
رابعاً .. (ودي نقطة حساسة) .. والكلام فيها عايز تفهم .. بأمكانك كتابة اسم تمبس في محرك البحث الخاص بالموقع وشوف كم مرة تردد اسم تمبس حين تم ابعادي من هنا .. دا غير البوستات الشاله بكري .. وليك ايضا ان تلاحظ كمية البوستات التي تحمل اسمي بعد أن رجعت من أخوة افاضل جمعتني بهم المساحة هنا .. ويعشقون أن اكون بينهم ويكونوا بداخلي .. واتمنى من الله انو كل لحظة انا اكبر جواهم داخل وخارج هذه المساحة .. لانو حب الناس دا في حد زاتو نعمة من الخالق ما بتتوفر كتير ..
ح ارجع ليك يا عبد اللطيف .. لكن بس اوريك انك فتحت على نفسك طاقة صعب أنك تقفله ..
تقييم الشخوص في المكان دا .. عادة سيئة جدا .. اكتب ما يعجبك ودع الناس تكتب ما يروق لها .. ودعك من تصنيف فلان .. وكتابة علان .. نحن هنا ليس من اجل ان ننتصر لذواتنا.. ولو نشدنا الشهرة لطرقنا ابواب أخرى تسعنا وتحتملنا في الواقع ..
عندك فرصة يا عبد اللطيف .. تكتفي بي النموذج حقي دا .. انا رضيان .. لكن بالله الكريم .. ما تهبش ليك زول تاني ..
| |
|
|
|
|
|
|
|
|
|
Re: ياخسارة : هؤلاء فقدوا بريقهم بالمنبر !!! (Re: tmbis)
|
..
.
Quote: عندك فرصة يا عبد اللطيف .. تكتفي بي النموذج حقي دا ..
انا رضيان .. لكن بالله الكريم .. ما تهبش ليك زول تاني .. |
يا زول انت ملاوز من شنو ؟؟
تيفا دا ما بخافو عليهو
انت بتعرفو وانا بعرفو عموم اهل الجزيرة العربية
ملمون ..
_________
ازيك يا حنين ..
وينو البريق الضواى دا ؟؟
جابت ليها مشاغلات كمان 
| |
|
|
|
|
|
|
|
|
|
Re: ياخسارة : هؤلاء فقدوا بريقهم بالمنبر !!! (Re: فتحي الصديق)
|
Quote: تثنية لكلام الجميل علاء...
الأمر ليس كما تتصور يا عزيزي عبداللطيف . |
العزيز فتحي الصديق ..
الحمد لله شوفنا طلع واحد وقرايتنا نفس قراية بعض .. والحمد لله انو اتناقشنا كتير انا وإنت في احوال مشابهة زي دي ..
نطرح حاجاتنا وما يفيد بيفيد وما يضر برضو بيفيد .. لكن مرحلة انو نشير للشخوص .. دي صعبة شوية.
| |
|
|
|
|
|
|
|
|
|
Re: ياخسارة : هؤلاء فقدوا بريقهم بالمنبر !!! (Re: Tabaldina)
|
Quote: يا زول انت ملاوز من شنو ؟؟
تيفا دا ما بخافو عليهو انت بتعرفو وانا بعرفو عموم اهل الجزيرة العربية
ملمون .. |
.. أنا خايف ليهو من عدم التخصصية يا منقــا .. البوستات دي في ناس متخصصين فيها بتاعين علم نفس .. وبتاعين تحليل نظم ومكنيكية .. وسياسيين وخريجين .. يللا ديل الواحد بيجي من الصباح خاتي ليهو قلم في اضانو وشايل معاهو دفترين .. دفتر .. (ودفتر) ويقعد يلف ويدور .. لا عارف الناس دي بتكتب في ياتو مود ولا عارف حرارته وصلت كم درجة .. تحت الصفر .. تسالو يقول ليك انت بتعرف شنو..؟ يللا بعداك يحللك ويقفل الجهاز ويمشي ينوم ..
اعتقد انو ما زالت هناك مساحات لي انو الواحد يكتب عن اهتماماتو ويكون فاعل دون أن يتعدى خطوط الزملاء الحمراء .. ما كل الناس دي يا تنقـا بتهضم بسرعة .. عبد اللطيف مننا وفينا كل القلتو ليهو .. ياخ المسالة دي صعبة شوية .. ولو بالمثل انا عملت كدا وجاء قال لي نفس كلامي دا .. كان اكلتها وعملت بي نصيحتو كشخص بيعرفني .. ما كان حلقت ليهو أول زول ..
يعني حسع إنت عاجباك الحلاقة دي ..؟
اها حسع استفدته شنو طلعته ما نجم ولا حاجة
| |
|
|
|
|
|
|
|
|
|
Re: ياخسارة : هؤلاء فقدوا بريقهم بالمنبر !!! (Re: tmbis)
|
Quote: الآن : علاء الدين آثر الإنزواء وترك كثير جمائله على البورد وأحجم عن نثر (أفراح) الناس
بما يخنزن من فرح ونفس تتوهج ،، |
.. ما زلت امارس نشاطي في مساعدة من يحتاجني .. بقدر ما تييسر لي من معرفة .. لا تقتصر فقط على الكمبيوتر - فأنا هواياتي ألمفضلة أن احاول بقدر الامكان اسعاد غيري ومساعدتهم ..
أما
إذا كان الأمر يتعلق بما كنت اقوم به من اعمال موسيقية اعيد نشرها هنا .. فكما ترى امكانيات المكان لا تسمح منذ فترة طويلة بالاضافة إلى أن هناك العديد من الذين ينثرون الفرح في هذا المكان .. بمساهماتهم واهتماماتهم .. لماذا وقفت المسالة عندي ...؟ من ناحية أخرى العديد من الأخوة الذين يمارسون الهواية نفسها هنا .. لا غرور استفادوا كثيرا مما سبق وأن قدمناه هنـا .. بنفس الطريقة التي استفدت ممن كانوا قبلي وادين لهم بفضل عظيم في مقدمتهم الأخ العزيز نزار الخواض .. الذي انزوى وترك المنبر إلا من مشاركات بسيطة .. يعني يا عبد اللطيف يا الواحد يغني الموسم كلوو .. يا كمان ما يبقى تووم كروز ..؟ ياخ في ناس هنا قالو لي جنك مزيكا وبتاع حفلات .. يللا ديل بطلت ليهم المزيكا لي فترة مؤقته .. يعني يا عبد اللطيف .. نرضيهم ونبطل مزيكا لفترة مؤقته ووب .. وكمان بكري يوقف الاكواد بتاعتو .. وووب بي هناك عندك ..؟ معقولة بس ..؟
Quote: علاء الدين أصبح الآن (بعد الأسر) يمشي جنب الحيط وغير معني بحالة الإحباط العام التي
تنتاب الرواد من الأعضاء ومن خارجه،، |
ما عارف دي معناته شنو والله .. لكن خليني ارد ليك حسب فهمي .. لو تقصد انو جمب الحيط دي ليها علاقة بي انو مشاركاتي موجهة في تجاه مححدد لا اعتقد .. انا زول الفي راسي قاعد اكبو البيعجبو يعجبو والما بيعجبو ما يعجبو .. في النهاية مسؤول منو انا دا بياثر علي انا دا .. ما تعودت امشي تحت حيطة يا فوقه .. ولا تعودت في يوم اني اخاف من اني اجاهر بي رائي ومعتقدي ووجهة نظري لو حسيت اني بيني وبين نفسي محتاج اني اقوله .. من هم الرواد وما علاقتي بي احباطاتهم ..؟ المحبط يا عبد اللطيف محبط لنفسو .. والسعيد ايضا ليها .. زي ما انا معني بي احباطاتي وبي اذماتي النفسية .. واللا كيف ..؟ Quote: علاء الدين : أظن صاحب الأمجاد الذي كتب على ظهر مركبته (تمبس) قد بدأ يفكر الآن في
بطل جديد وإسم جديد يتماشى مع روح المرحلة،، |
عفوا يا سيدي .. حالما انتابتني هذه الفكرة .. وقسما بالذي لا إله إلا هو .. ستجدني حالا خارج هذه المساحة .. إنت ماخد موضوع البورد دا بي فهم بعيييد جدا يا عبد اللطيف .. أرجو انك تقعد مع نفسك بهدوء .. وتعيد تقييمك لي حاجة اسمها المنبر العام لسودانيزاونلاين .. المسالة دي ما بالضخامة دي ..
Quote: هل إحجام علاء عن الصورة والنغم والحرف الجميل هو عقاب لنا ، أم هو عناد ومسايرة للموجة
الغاضبة بالمنبر أم نضب معينك ياعلاء؟؟
(مثال واحد)!!! |
دي خليني ارجع ليها بعد شوية
| |
|
|
|
|
|
|
|
|
|
Re: ياخسارة : هؤلاء فقدوا بريقهم بالمنبر !!! (Re: tmbis)
|
أخي علاء،،
حتى لا يصير الأمر سجال بيني وبينك :
أنت تعرف أنني من الذين طالبوا بعودتك،،
أنت تعرف أنني من الذين يشهدون لك بمواقفك الجميلة في كل ملماتنا،،
أنت تعرف أنني أتصل بك كلما عن لي أمر في هذا البورد وأعتبرك أحد مراجعه،،
أنت تعرف أنني افرد لك معزة خاصة ، وبدايتي بك في هذا البوست إنما هي محض الصدفة
البوست ليس بهذه الحدة أخي العزيز :
حين قلت إنك فقدت بريقك : فأنا أفتقد مشاركاتك الجميلة وبوستاتك التي جذبت الكثيرين
للإنضمام ، ليس في هذا تقليل لشأنك ، بل العكس إشادة بعضويتك المميزة وأمنية غالية
أن تعود مشاركاتك ، كما أتمناها ،،
هون على نفسك أخي العزيز : الأمر ليس ضدك،،
| |
|
|
|
|
|
|
|
|
|
Re: ياخسارة : هؤلاء فقدوا بريقهم بالمنبر !!! (Re: عبد اللطيف بكري أحمد)
|
| Quote: البوست ليس بهذه الحدة أخي العزيز : |
.. لا يا عبد اللطيف .. صدقني انا لا ارد لك بي اي نوع من الحدة .. ومن حسنات المنبر دا انو عودني انو ابعد عن الحدة تماما ..
انا لا ارد عليك بحدة مطلقاً انا فقط افند فيما كتبت بشكل عقلاني .. طالما انا ارتضيت بإني اكون نموذج تشريحي .. خلينا نواصل..
البوست بهذه الحدة لانو من أول قلت ليك يا عبد اللطيف معليش اخطى الدرب دا .. وخلي الناس تكتب ولا تضع نفسك مكان تقييم أحد .. دي من الحاجات البتنفر الناس في الناس وفي المكان دا .. وما كل الناس بتحتمل المسالة دي .. وقولي ليك كان عشما في الاشياء الجميلة البيناتنا القلتها فوق دي ..
كررت ليك المسالة مرتين من عشمي فيك .. ليس إلا
البوست دا ح استلمو ليك يا عبد اللطيف .. وح يكون سجال شديد جدا كمان .. يا اقنعتني يا اقنعتك وانا مصر تماما اني اطلع نجم شباك من خلال البوست دا ..
بتقدر تساعدني في المسالة دي ..؟
| |
|
|
|
|
|
|
|
|
|
Re: ياخسارة : هؤلاء فقدوا بريقهم بالمنبر !!! (Re: tmbis)
|
Quote: ازيك يا حنين ..
وينو البريق الضواى دا ؟؟
جابت ليها مشاغلات كمان |
حاشاغل منو بالله غيرك في المنبر اللغم ده
ياخي انت لمبة كبيرة*
---
* هندي متعود يسمع كفيلو يقول لاي ضيف يجيهو في المكتب
"نوِرت" المكان ياشيخ
يوم جاء ضيف والكفيل مافي
الهندي عاوز يركب الموجة ويتشرشح .. طارت ليه كلمة نوِرت"
قال للضيف فضَل "إنت لمبة كبير"
| |
|
|
|
|
|
|
|
|
|
Re: ياخسارة : هؤلاء فقدوا بريقهم بالمنبر !!! (Re: ALZOLZATOO)
|
| Quote: تاني عايز حاجة اكتر من كده |
لا والله يا دكتور .. دي النجيضة زاته
والحمد لله الواحد لقى ليهو سنير يتكي عليهو .. يكككه.
الملاحظ يا زووول لي البورد اختلف من الفترة الكانت زمان .. البورد دا ما اتبنى على فكرة انو يكون بورد تنافسي خدمة الظروف البورد .. وصاحب الموقع استغل ما اتيحت من فرص .. اصبح الموقع موجه بعد أن نجح البعض في توجيهو حسب مساراتهم .. سواء أن كان مهاجمة البعض وتوجيهم حسب رؤيتم الشخصية أو الاستعداء الصريح أو الاستفزاز لحد السباب .. السمين وقع وفات خلى المكان دا .. والضعيف اهو ما زال واقف وبيعمل في حاجاتو .. والبورد كل يوم بيتشكل وبيتلون .. الهكر بيجي ياخد راحتو .. السياسي الفي بيجي يتسيس .. الكورنجي الفي بيجي يشلته هنا .. الضحكونجي بيمتع نفسو .. في واحدين بيجو طاشمين في واحدين مصقعين .. في نشالين عديل كدا .. مش الاتو انو الموقع دا وطن ما لا وطن له ..؟ طييب خلاص الناس مفترض تبرق كل حسب البطارية بتاعتو .. الناس تاخد راحته .. طالما انو كل زول بي باصص ووردو لكن تقييم النجومية من عدمه صعب حبتين وبيحجم وبيخلق نوع من الحساسية الضد.
| Quote: you are my shining star and that's what you are |
yeeeeeeeeeeess
you 2
| |
|
|
|
|
|
|
|
|
|
Re: ياخسارة : هؤلاء فقدوا بريقهم بالمنبر !!! (Re: محمد عبد الماجد الصايم)
|
Quote: البوست دا ح استلمو ليك يا عبد اللطيف .. وح يكون سجال شديد جدا كمان ..
يا اقنعتني يا اقنعتك وانا مصر تماما اني اطلع نجم شباك من خلال البوست دا ..
|
أوكي ياعلاء ،، أنت تشرف ، ومرحب بسجالك فيما يفيد،، وطالما الغاية أن تكون
نجم الشباك فهذا غاية ما أتمنى،،
| Quote: بتقدر تساعدني في المسالة دي ..؟ |
سل ما بدا لك، عساني أستطيع،،
| |
|
|
|
|
|
|
|
|
|
Re: ياخسارة : هؤلاء فقدوا بريقهم بالمنبر !!! (Re: عبد اللطيف بكري أحمد)
|
ياود الصايم تيفا دا حبيب أنت عارفه،،
ضحكة جنان والله ،،
=
سأوقف جميع المداخلات لغاية أقنع علاء الدين تمبس دا أو يقنعني كما طلب،،
لأن إن أقنعني علاء فسأحزم حقائبي وأغادر البورد إلى غير رجعة مع حفظ
كل الحقوق والخطوط وعلاقاتي بالشخوص في مقاماتها دون تأثير بما تؤول
إليه نتيجة هذا السجال،،
أكتب شوية شوية ياتمبس ،، عشان أرد عليك ، إن شاء الله كلو سؤال في مداخلة،،
هيا ،، توكل على الله،،
| |
|
|
|
|
|
|
|
|
 Re: ياخسارة : هؤلاء فقدوا بريقهم بالمنبر !!! (Re: عبد اللطيف بكري أحمد)
|
Quote: سأوقف جميع المداخلات لغاية أقنع علاء الدين تمبس دا أو يقنعني كما طلب،،
لأن إن أقنعني علاء فسأحزم حقائبي وأغادر البورد إلى غير رجعة مع حفظ
كل الحقوق والخطوط وعلاقاتي بالشخوص في مقاماتها دون تأثير بما تؤول
إليه نتيجة هذا السجال،، |
أها يا عمكـ
في الحتة دي ما عندي إلا كلام تمبس
Quote: إنت ماخد موضوع البورد دا بي فهم بعيييد جدا يا عبد اللطيف .. أرجو انك تقعد مع نفسك بهدوء .. وتعيد تقييمك لي حاجة اسمها المنبر العام لسودانيزاونلاين .. المسالة دي ما بالضخامة دي ..
|
_________
تيفا = عبد اللطيف
تنقا = تبلديكم!
| |
|
|
|
|
|
|
|
|
|
Re: ياخسارة : هؤلاء فقدوا بريقهم بالمنبر !!! (Re: عبد اللطيف بكري أحمد)
|
Quote: فسأحزم حقائبي وأغادر البورد إلى غير رجعة مع حفظ
كل الحقوق والخطوط وعلاقاتي بالشخوص في مقاماتها دون تأثير بما تؤول
إليه نتيجة هذا السجال،، |
.. لا يا عبد اللطيف .. طالما المسالة جابت ليها مغادرة .. واصل مشروعك وكلامي اعتبرو خارم بارم..
انا ما جيت داخل هنا إلا محاولة لعدم تشويه صورة شخص اكن له الكثير من التقدير ..
واصل مشروعك ومدنا بقية النماذج .. حتى لا تغادر المساحة ..
أما
عن نموذجي .. فسأعمل بكل جهدي في محاولة الدخول لعالم النجومية .. إذا ملاحظ انا ما طلبت اني اوجه ليك اسئلة وتجاوبني .. انت كتبت كلام يا عبد اللطيف وانا اشبه بي متهم بيدافع عن التهمة الاتوجهت ليهو بي نفسو من دون مساعد وحسب الامكانيات المتوفرة ليهو ..
واصل ردودك لي ضيوفك وانا قاعد افند في الكلام القلتو لي دا ..
| |
|
|
|
|
|
|
|
|
|
Re: ياخسارة : هؤلاء فقدوا بريقهم بالمنبر !!! (Re: Fadl Karrar)
|
عزيزي علاء أسألك أنا إذن :
لماذ إعتبرت أن هذا الموضوع سيقود لتشويه صورتي؟؟
ثانيا مغادرتي ليست مبنية على مداخلاتك ، إنما قولي هذا:
Quote: إن جاءت ملاحظاتي صادقة وصادفت هوىً لدى الكثير من الناس
يكون عداني العيب،،
أما إن جاءت مغالطة للحقائق فسأفقد بريقي وأنزوي : وأكون
بذلك قد إرتحت وأرحت الناس،، |
| |
|
|
|
|
|
|
|
|
|
Re: ياخسارة : هؤلاء فقدوا بريقهم بالمنبر !!! (Re: عبد اللطيف بكري أحمد)
|
متابعة للموضوع:
Quote: فقد يؤثر المرء النأي بنفسه والإنزواء، وفي ذلك منفعة
له إن كان خيراً ومنفعة للآخرين إن كان (شرير)،،
==
البعض ، وهم كثير هذه الأيام ، يعمدون إلى تشويه صورتهم بكتاباتهم،
ومحاولاتهم رد الإهانة وإثبات الذات،، وهم بذلك يشوهون صورتهم الجميلة
بتهورهم وإنجرافهم الصارخ نحو تدمير الخصوم بإستخدام أي أسلوب ، لا يهم!!
==
البعض فقد بوصلة النجاعة وأصبحت بوستاته خاوية على
عروشها فأصبح يقلب كفيه على ما يهدره فيها من جهد وحبر!! |
إذن هي نماذج ثلاث هي ماعنيتها:
1) أعضاء وكتاب في المنبر مؤثرون فيه : غابوا عن المنبر وخبا صوتهم : فهي خسارة للمنبر / أو مكسب له،،
2) أعضاء وكتاب في المنبر مؤثرون فيه : بكتاباتهم تسببوا في زعزعة صورتهم الجميلة وخبا بريقهم،،
3) أعضاء وكتاب في المنبر مؤثرون فيه : فقدت بوستاتهم الجاذبية المعهودة فأصبحت المداخلات صفرية فيها،،
==
| |
|
|
|
|
|
|
|
|
|
Re: ياخسارة : هؤلاء فقدوا بريقهم بالمنبر !!! (Re: عبد اللطيف بكري أحمد)
|
Quote: عزيزي علاء أسألك أنا إذن :
لماذ إعتبرت أن هذا الموضوع سيقود لتشويه صورتي؟؟ |
... أنا جاهز يا عبد اللطيف ..
انا ما قلت ليك ح يشوه صورتك علشان نكون دقيقين شوية ..
انا قلت ليك ح يفقدك بريقك ردا بالمثل لما جاء في عنوانك ..
في فرق بين تشويه الصورة .. وبين البريق.
وقلت ليك الكلام دا علشان عارف نوعية البوستات دي نهايته الحتمية بتكون وين .. قبل كم يوم كان في بوست مدور من أحد الآخوان بينتقد مشاركات شخص محدد تفوقت عليهو إنت بي انك بديت بي لاني جيت داخل أول شخص .. ولحدت الآن انا بتمنى انك تواصل وتضيف من النماذج العندك .. لاشخاص محددين وشوف رد الفعل ..
وقلت ليك الكلام دا لانو البوستات البيتم فيها تقييم الشخوص سلباً كان ام ايجابا غير مستحبة ولو ما قال ليك زول الكلام دا .. فتأكد تماما انهم بيسجلو عنك راي وبيحتفظوا بيهو .. ودا في الحتة دي بيهز صورتك وبيكون سبب اساسي لي انو تصنف .. الشئ البعرفو عنك عندك خط محدد متبعو .. مساهماتك متعددة فيها تنوع .. ما حصل قريت ليك بوست ليهو علاقة بي نجومية احد ما او احداهن .. لانو البوستات دي عندها ناس محددين وعن شخصي اقراها فقط واتابع السجالات الفيها والتعامل معاها الخلاني ادخل اكرر للمرة التانية من منطلق علاقتي بيك .. وكنت ناصحا .. يا عبد اللطيف لو تابعت الدرب دا .. بتخلق ليك عداوة من ماف ..
| Quote: ثانيا مغادرتي ليست مبنية على مداخلاتك ، إنما قولي هذا: |
ممتا دي نقطة بتديني دافع اني اواصل ..
..
لو ردي كافي بالنسبة ليك .. ياريت تديني نموذج تاني .. غير النموذج حقي اللقيتو في البوست حقك .. وغير النماذج بتات المتداخلين ديل .. علشان المسالة تكون عملية..
| |
|
|
|
|
|
|
|
|
|
Re: ياخسارة : هؤلاء فقدوا بريقهم بالمنبر !!! (Re: tmbis)
|
Quote: وقلت ليك الكلام دا علشان عارف نوعية البوستات دي نهايته الحتمية بتكون وين
.. قبل كم يوم كان في بوست مدور من أحد الآخوان بينتقد مشاركات شخص محدد تفوقت عليهو
إنت بي انك بديت بي لاني جيت داخل أول شخص .. ولحدت الآن انا بتمنى انك تواصل وتضيف من
النماذج العندك .. لاشخاص محددين وشوف رد الفعل .. |
أخي علاء،،
أوافقك في أن بوستات مثل هذا ستقود إلى نتائج كارثية ، وأنا قدمت لهذا الأمر بأنني قد
أغادر المكان إلى غير رجعة ما وصل بي الأمر لنتيجة الكارثة ، وعندها لن يكون عندي ما
أخسره،، وقد فتحت البوست أيضاً لإيمان في نفسي عميق أن النماذج الثلاثة يمور بها البوست،
وأنا شخصياً أعاني كثيرا من نشوء الكثير من الصراعات بيننا في موقع نتلاقى فيها أكثر
من لقاء أهلينا،، أقولها بصدق وغير مواربة أن البعض أفسد وجودنا ،، وقد تداخلت في البوست
الذي عنيته أنت وأتيت بآيات قرآنية هممت كثيرا بسحبها من تلك المداخلة لما آل إليه حال
البوست وما ورد فيه من ألفاظ : في نظري هذه الأمور خصمت الكثير من أصحابها ونحن أيضاً نكن
لهم معزة وتقدير وإحترام،،
تمادي البعض (نموذج 2 ، 3) سينتهي من بريقهم إلى الأبد ، هذا مايعطيني الدافع ألا أتأسى
لأرائهم السالبة فيما سأقول ، بل العكس لا أتأسى على فراقهم مطلقاًَ،،
==
أقسم لك بالله أنك كنت أحد هذه النماذج التي سأتناولها ولسوء حظي كنت أول المتداخلين فقد
كنت أصنفك مع أخي أحمد محمود الشايقي الذي بخل علينا بمخزونه الأدبي الرائع وآثر الدخول فقط
في عوالم السياسة ومناكفاتها ،، الأخ الأصغر / معاذ حسن الذي خسارتي فيه لا تعوض ، فقد كان يمتعني في
كل يوم بلون جيد وفن كتابي ماعهدته حتى عند خالد القشطيني، صلاح شتات وإبداعات الكتابة المحببة،،
تمبس وضحت لك وجهت نظري في أن غياب أشياءك الجميلة أفقدتك البريق بالنسبة لي ، وأنت هنا ذكرت بأنك
أستجبت لبعض الأصوات التي تناديك بتقليل الموسيقى فأعدمتها وساعدك بكري في إخفاء الأكواد،،
=
نماذج أخرى كنت بصدد الحديث عنها بشفافية ودون النظر إلى ردة فعل أصحابها من واجب الزمالة والإخاء
لهم/ن فإن كنت محقاً وأستجابوا لكان خير وإن كنت مخطئاً وجاءت ردة فعلهم بعنف فلن يضيفوا جديد فالبورد
مليان بالعنف اللفظي للدرجة التي أصبح الوجود فيه مشكلة،، تجد بوستات بها أكثر من 1000 زيارة وليس
به سوى مداخلات الفرد نفسه والموضوع إما شتيمة للحكومة أو لمعارض ويحجم الناس من المداخلات إتقاءا
للسان صاحب البوست أو لعدم موضوعيته ، وهؤلاء كانوا في السابق أصحاب رواج ونقاشات جادة ومهمة،،
=
قولك الذي أيدك فيه ود الصايم بأنني ماخد المنبر دا بنظرة مختلفة يمكن يكون هو سبب علتي هنا،،
عموما أخي هذه إحساسي بالخسارة لخفوت (بريق هؤلاء) وإن إختلفت الأسباب،،
لك التقدير،،
| |
|
|
|
|
|
|
|
|
|
Re: ياخسارة : هؤلاء فقدوا بريقهم بالمنبر !!! (Re: tmbis)
|
تامبا ياجميل
سلامات
Quote: .. ما زلت امارس نشاطي في مساعدة من يحتاجني ..
بقدر ما تييسر لي من معرفة .. لا تقتصر فقط على الكمبيوتر
- فأنا هواياتي ألمفضلة أن احاول بقدر الامكان اسعاد غيري ومساعدتهم .. |
وهذه تكفي عن كل شي اخر
شكرا تمبس فقد كنت ومازلت كما اتوقعك .
عبد اللطيف
سلام ياحبيب
| |
|
|
|
|
|
|
|
|
|
Re: ياخسارة : هؤلاء فقدوا بريقهم بالمنبر !!! (Re: haroon diyab)
|
Quote: وهذه تكفي عن كل شي اخر
شكرا تمبس فقد كنت ومازلت كما اتوقعك .
عبد اللطيف
سلام ياحبيب |
الحبيب هارون لك مثل التحية وأكتر،،
فمثلك من يجبرنا على البقاء وإفراد بوست موازي : (هؤلاء سطع نجمهم) ،،
بس لو كانت النجمة سطعت بالأمس لما ترددت،،
أشكر مرورك،،
| |
|
|
|
|
|
|
|
|
|
Re: ياخسارة : هؤلاء فقدوا بريقهم بالمنبر !!! (Re: haroon diyab)
|
Quote: وهذه تكفي عن كل شي اخر
شكرا تمبس فقد كنت ومازلت كما اتوقعك .
عبد اللطيف
سلام ياحبيب |
العزيز هارون ..
كيفنك ..؟
تعرف عبد اللطيف برضو من ضمن الناس الليهم ايقاع اجمل خارج المساحة دي .. زول نجيضة .. وحال البورد دا ما بينعدل بالطريقة دي ..
علاقتنا بالمكان دا وخارجو يا هارون تعدت الحدود وكلنا اصبحنا مكملين لي بعض .. ما تجده في .. حتما ساجده فيك وربنا ما يقطع عشمنا في بعضنا ..
عاين ..
امبارح كيف ..
طارق جبريل .. قالو امبارح اتعشيت اقاشي تقيل
ادوني الفاتحة يا شباب انا ماشي .. نتلاقى بكره يا عبد اللطيف كان الله حيانا ..
| |
|
|
|
|
|
|
|
|
|
Re: ياخسارة : هؤلاء فقدوا بريقهم بالمنبر !!! (Re: tmbis)
|
Quote: تعرف عبد اللطيف برضو من ضمن الناس الليهم ايقاع اجمل خارج المساحة دي .. زول نجيضة .. وحال البورد دا ما بينعدل بالطريقة دي ..
علاقتنا بالمكان دا وخارجو يا هارون تعدت الحدود وكلنا اصبحنا مكملين لي بعض .. ما تجده في .. حتما ساجده فيك وربنا ما يقطع عشمنا في بعضنا |
تمبس،،
أشكرك ، وكن على يقين : سيبقى الود بيننا بلا حدود،،
وعموما نقاش مفيد،،
ومحاولة عدل حال البورد أمنية أرجو أن تتحقق لتزداد رقعة الود وتشمل الجميع ،،
=
الفاتحة،،
| |
|
|
|
|
|
|
|
|
|
Re: ياخسارة : هؤلاء فقدوا بريقهم بالمنبر !!! (Re: ismeil abbas)
|
سمعة الحبيب ،،
Quote: أخى/عبداللطيف.............السلام عليكم...
يا أخى..كل ألأشياء تتغير فى هذه الحياة..ودوام الحال من المحال....
هناك من يفقد بريقه وهناك من يلمع بريقه....وهذا حال الحياة...
وتبقى النفوس هى النفوس تحمل الحب والود لبعض... |
قولك رائع كالعهد بك،، وبين هذا وذاك تبقى الخسارة للمنبر
إن فقدنا مشاركات أعزاء يثرون الساحة بروائع الكلم والحكم ويجعلون
تواجدنا هنا مبرراً بدافع الإفادة والإستفادة،، وبالمقابل يطفو على السطح
غث من القول كان لوقت قريب وتطور الأمر لدرجةالفعل ،،
أخي إسماعيل: كثيراً أسأئل نفسي : هل مرورنا مرور الكرام على كثير من المشاركات
التي تتصاعد وتيرة الحدة فيها بين الإخوان لتصل إلى درجة (المطالعة) يعفينا من
المشاركة في تفشي هذه الظاهرة ؟؟ هل إن قلنا النصح لإخواننا فإننا نصغر في أعينهم
إن جاء النصح في غير دعم موقفهم؟؟
Quote:
ما تطرقت إليه..صحيح..هناك من فقد بريقه..ولكن لنسأل لماذا فقد بريقه..؟؟؟هل من تلقاء نفسه أم من المحيط الذى حوله..
ولك الحق ان تعبر بما يدور فى عقلك..لتعكسه هنا..ولكن كما أشرت بأنك ستركب الصعاب من أجل ما تطرح.. |
يكفيني إتفاقك معي بأن البعض فقد بريقه ، وكم كنت أتمنى أن يعود من إلى سابق العهد به متألقاً متأنقاً في كل مايكتب،،
تمام ياسمعة ،أقر بصعوبة الطرح ، وهذا ما جعلني أتردد في مواصلة المسير هنا، لإلتهاب البورد هذه الأيام ، وكان
الطرح ليكون أقل صعوبة في أيامه العادية،،
Quote:
يبقى أعرض عن هذا يا عزيزى......ولا داعى للكوارث.....
أتابع كتاباتك..منطقية وعقلانية..واحس بك ألأن تريد ان توصل رسالة تدعو من خلالها للرجوع للزمن الجميل
من الكتابات السمحة...والتخلى عن ألمشاحنات وألقذف والبوستات والمداخلات التى لاتسمن ولا تغنى من جوع...
ولكن الحياة هذه لولا التنوع لمللناها.....لك خالص ودى وتقديرى اخى..عبداللطيف....
خالص مودتى......إسماعيل محمد احمد عباس.. |
أشكرك إسماعيل ، لك من الود مثله وأكثر ،
وأصدقك القول أن إجابة طلبك بالإعراض عن هذا تجعل في نفسي
شيء من حسرة إذ أنني سأعرض عن شيء جميل وأمنية ودودة وصادقة ،،
أما وأن أرفض لك طلبك فهو الخسران المبين،،
| |
|
|
|
|
|
|
|
|
|
Re: ياخسارة : هؤلاء فقدوا بريقهم بالمنبر !!! (Re: وليد محمد المبارك)
|
Quote:
انا اسمي مكتوب ؟
طيييييييييييييييييييب |
العزيز وليد ،،
تحياتي،،
إسمك غير مكتوب ، قلت لك رأيي أمس في (يحكى أن) وعبرت لك عن زعلي لما كتبت ، وأجبتني بوجهة
نظرك التي أحترمها وأقدر ثورة كل إنسان عند وصول الأمر لمن يعز عليهم،،
عشمي أن يسود الود بيننا ،، هذا كل ما أحتفي به،،،
لك الود، ودم بخير،،
| |
|
|
|
|
|
|
|
|
|
Re: ياخسارة : هؤلاء فقدوا بريقهم بالمنبر !!! (Re: عبد اللطيف بكري أحمد)
|
Quote: فاتحة بكاء ولا فاتحة مشائخ ؟؟؟
سلام |
الحبيب العوض المسلمي،،
سلامان،،
لو كنت يقيناً من صلاحي لقلت لك الثانية،، وأنا في حالتي هذه ستكون الأولى
أقرب للمزاج،، فهي تعني موت البوست وقبر فكرته في دواخلي إلى الأبد ، آملاً
في ذات الوقت أن يعود كل من جعل من هذا المنبر مكانا ساحراً لسابق عهده،،
ضارعاً للمولى كذلك أن يعود كل الذين بذر بينهم الشيطان بذور فرقة فأوغلوا
في الخلاف لدرجة الغلظة وغسل اليد نهائيا من إخاء قد يعود، إلى بعضهم يتنازلون
عن تحقيق إنتصارات لشخوصهم بحسبان أن الخسارة للطرف الثاني هي خسارة لنا أيضا،،
أسفي لمن جال بخاطره أنني قصدته بقولي فله العتبى ،،
وشكري للجميع ،،
==
| |
|
|
|
|
|
|
|
|
|
Re: ياخسارة : هؤلاء فقدوا بريقهم بالمنبر !!! (Re: عبد اللطيف بكري أحمد)
|
اخي عبد اللطيف تحياتي وكل الود
Quote: آملاً
في ذات الوقت أن يعود كل من جعل من هذا المنبر مكانا ساحراً لسابق عهده،،
ضارعاً للمولى كذلك أن يعود كل الذين بذر بينهم الشيطان بذور فرقة فأوغلوا
في الخلاف لدرجة الغلظة وغسل اليد نهائيا من إخاء قد يعود، إلى بعضهم يتنازلون
عن تحقيق إنتصارات لشخوصهم بحسبان أن الخسارة للطرف الثاني هي خسارة لنا أيضا،، |
بوست بهذه الاهداف يستحق لن يرفع عنوانا , لا ان تقول موت البوست ,,
| |
|
|
|
|
|
|
| |
tmbis
محمد البشرى الخضر
حيدر حسن ميرغني
فتحي الصديق
محمد مصطفى
محمد عبد الماجد الصايم
ALZOLZATOO
Fadl Karrar
haroon diyab
طارق جبريل
وليد محمد المبارك
ismeil abbas
العوض المسلمي
mayada kamal
فيس بوك
تويتر
انستقرام
يوتيوب
بنتيريست