|
الحمــام رقاص ..
|
جاني مزاج ( شكلاً ) كده أسمع الأغنية دي ما عارف ليه ( http://www.youtube.com/watch?v=nysWFlroYcQ ) .. بعدين عاجباني كلمة ( شكلاً ) دي قلت أدخله في الموضوع .. مزاج في عينك .. هسي دا وكت يسمعو فيهو في المطر دا .. أصلو نحن ما بتحلى لينا الحاجات دي إلا نكون رايقين .. هسي الروقه الدخله شنو هنا .. لا ما كده ويعني .. يعني شنو انت مالك بقيت تتمتم كده .. زي الزول الفي المحطة الوسطى وما عارف الوصف بي وين .. ياخي خلينا في موضوعنا .. هو موضوعنا كان شنو .. الحمام .. الحمام مالو .. الحمام حقنا ولا الحمام الفي الأغنية .. الفي الأغنية .. ياخي دي أغنية بتاعت جبجبة والفنانين دائماً قاعدين يوزنو بيها الحفلة .. الحفلات تطير عيشته .. والحمام زاتو إن شاء الله طائر .. طائر وين نحن عندنا موضوع معاهو لسه ما خلص .. إنت شكلاً دي قايله جات ساي .. شكلاً دي نحن حدنا معاها نيجريا .. أنت نيجريا فيها مطر ..
|
|
|
|
|
|
|
|
Re: الحمــام رقاص .. (Re: معتصم دفع الله)
|
انت يا معتصم أنا اليحلني من الحصار المريخي ( البيتي ) ده شنو ...!! ياخي جنس خرخرة عندي في البيت .. خرخرة في البرد ده ؟؟ هي منو الجاب سيرة البرد حسي .. بقول ليكـ خرخرة وجرس عجيبة .. ياخي محمد ده التقول وارغو قريبو .. وارغو في البرد ده .. ؟؟ أنا مالي خستكت كده زي الراكب فيل ..ما قادر أركِز ياخي !! تركِز في البرد ده ...
| |
|
|
|
|
|
|
Re: الحمــام رقاص .. (Re: معتصم دفع الله)
|
أها نرجع لي موضوعنا .. هسي المطر زاتو إطور .. زمان كان سبعة مطرات تجي دفعة واحدة .. أها هسي بقى تلاتة مطرات بس .. يعني نحن المطر دا نشتكيهو للكاف .. بس ناس الكاف ديل ( شكلاً ) كده برفضو لينا .. يعني نحن نمشي وين .. نقع في رقبتنا دي نكسره .. نطير ليكم يعني .. تطير تمش وين ..
| |
|
|
|
|
|
|
Re: الحمــام رقاص .. (Re: khaleel)
|
اخدوا راحتكم علي الاخر ... فرحانين بي حمامكم ..... في الحقيقة انتوا ما غالبين امس ... اه من كوفي كودجا.... اه من اللعب خارج الميدان ... اخد راحتك شديد يا معتصم وما تنسي الضرب سداد
| |
|
|
|
|
|
|
Re: الحمــام رقاص .. (Re: مهدى الصادق السيد)
|
أبوالصادق إزيك .. ياخي خلي روحك رياضية .. الموضوع لا يعدو كونه مداعبات .. ولا نحن زي ناس مزمل أبوالقاسم قاعدين نمشي نبحت ليها في نيجيريا . ولا عندنا وراها مصالح .. نحن قاعدين نشجع كورة .. والكورة غالب ومغلوب .. والمكاواة بينا ما ح تنتهي ..
مكاواة في البرد دا .. نحن هسي موضوعنا عن الحمام الفي الأغنية دي ..
| |
|
|
|
|
|
|
Re: الحمــام رقاص .. (Re: معتصم دفع الله)
|
انا يا حمام يا زاجل عندى ليك رسائل رسائلك ايه ... لابسف صعوط لا بسجر لا بجيب اقوان لا بنقط يعمل ايه
يتعلم رمى التماس ... بعدين يشرب و يسفسف
انا يا حمام يا زاجل عندى ليك رسائل رسائلك ايه
فى القون واقف يرجف لا بسد الشبكه لا بلقط يعمل ايه
فى المطره يبعد من التكاسى و بالرجلين يلفلف
طيش الدورى منو ؟
| |
|
|
|
|
|
|
Re: الحمــام رقاص .. (Re: معتصم دفع الله)
|
معتصم....السلام عليكم..
يا اخى أنا بطلب اغنية والله ما رضيتاها ليك......
هو فى شنو؟؟؟؟
الحمام رقص...رقصة القرد..
القرد مالو؟؟
أكل التسالى...
معتعصم دفع الله إسمك ده ماغريب..على.. وعمران زى السمعت بيهو...إنتو مش المريخاب الضهبانين المناكفين..فى الفاضى ديلك...
مالكم ..النتيجة كم؟؟؟وين هى..مع الفريق النيجرى الكان حايجيب فيها وارغو خمسة اهداف..مضمونة
إشتروهوا بدون اهدافو.......
والله كنت عايز الكورة دى تعادل..لكن الله ما اراد..والمريخ خسارة ينهزم فى هذه المباراة........هاردلك..
إسماعيل محمد احمد عباس....
| |
|
|
|
|
|
|
Re: الحمــام رقاص .. (Re: ismeil abbas)
|
قرد في البرد دا .. شكلاً كده ممكن نضم القرد دا للحمام والحفلة تبقى تمام ..
Quote: معتصم دفع الله إسمك ده ماغريب..على.. وعمران زى السمعت بيهو...إنتو مش المريخاب الضهبانين المناكفين..فى الفاضى ديلك ... |
أنا زاتو اقول شفتك وين ..
Quote: مالكم ..النتيجة كم؟؟؟وين هى..مع الفريق النيجرى الكان حايجيب فيها وارغو خمسة اهداف..مضمونة |
نيجيريا في البرد دا .. خلينا مع الحمام دا ..
أبقى طيب يا اسماعيل ..
| |
|
|
|
|
|
|
Re: الحمــام رقاص .. (Re: معتصم دفع الله)
|
غايتو شفيف دي أنا ح أعيد فيها النظر!!!
تفرح يوم ذبح الحمام؟؟
أما جال بخاطر أخوك هارون؟؟
أما بلغك ياليل؟؟ ؟؟
الليل ماحينومو،،
وين غابت نجومو؟؟
آل شفيف آل،،
| |
|
|
|
|
|
|
Re: الحمــام رقاص .. (Re: معتصم دفع الله)
|
معتصم ... يا حبيب ... أغنية الحمام رقاص دي من وجهة نظري الشخصية غنية هابطة شوية !!! ممكن أطلب غنية لي مين أنا أشكي ؟؟؟ س س س س س سسسسسادومبا ... ك ك ك ك ك ككككابوندي ... الشكوى على منو المرة دي ؟؟؟
| |
|
|
|
|
|
|
Re: الحمــام رقاص .. (Re: عادل جبارة)
|
ياااااااااه .. عادل جبارة هنا .. ياخي دي براها بالدنيا .. كيفك يا حبيب وين الحي بيك ..
Quote: ممكن أطلب غنية لي مين أنا أشكي ؟؟؟ |
المره دي الشكوى في البرد والمطره .. دي بنجيبه ليك بتسجيل جديد .. غناء ثنائي النغم كا كابوندي وسا سادومبا ..
| |
|
|
|
|
|
|
Re: الحمــام رقاص .. (Re: معتصم دفع الله)
|
Quote: المره دي الشكوى في البرد والمطره .. |
لا لا يا معتصم ... برد مافي ... ومطره برضو كانت ما في .. بس دي نجيلة والا موكيت ؟؟؟ الموضوع دا لازم مزمل أبو القاسم يشوفوا وما يخليهو يعدي ساكت ... ليه يلعبوهم في موكيت ؟ ياخي معليش نسينا برضو السلام والتحايا ومشتاقين يا رجل
| |
|
|
|
|
|
|
Re: الحمــام رقاص .. (Re: إسماعيل وراق)
|
أبومحمد إسماعيل .. إزيك يا حبيب ..
ياخي نحن أصلو ما بننسى .. الوصيفاب ديل كل ما ننهزم بجوا يكشفوا حالنا .. ولما نزنقهم يجوا يقولو ليك الوطنية وشنو شنو ما عارف .. هسي القريبة دي كبيرهم المشجع مزمل أبوالقاسم .. شابكنا ليك الشريط مدسوس مني والأول من أغسطس .. وألف منها أغاني وأشعار وكل يوم كتابة بشكل جديد .. أها أول أغسطس دا كان غطاس حجرهم والغريق قدام ..
يا حبيب أستمتع مع طه سليمان دا صدر الحمام رقاص يااا ..
وديلك جن تلاتة ..
| |
|
|
|
|
|
|
Re: الحمــام رقاص .. (Re: عمران حسن صالح)
|
تولوتونا ( يعني جابو فينا تلاتة ) محمد عبد الماجد - صحيفة قووووووووووون
Quote: يا جماعة ساعدونا بالموية الباردة. * ملحوظة: هي وين الموية؟. هوامش * عفارم عليك يا مازدا في تقدم ملحوظ في مستواك..مازدا كان بخسر 0/3 هسع بقي يخسر 1/3. * يعني التلاتة جابت ليها واحد. * ماركة الموبايل تلاتين عشرة ...وماركة المريخ في الخسائر تلاتين مازدا. * برضو افضل من السبعة. * انتوا فاضين لي من الشكاوي. * اها قلتوا لي اعارة دي سوزا كيف؟. * المريخ لاعب في نيجيريا ..والمريخاب بترقبوا في وصول امولادي. * انتوا امولادي مالكم ومالو. * خلوا العجب وقعدوا يتابعوا في امولادي في ناساروا. * كلتشي دا واضح عليه ان السنة القادمة سوف ينتقل ليلعب في فريق كانو. * وارغو في (الطين) بضيع. * انت يا وارغو نعمل ليك شنو اكتر من كدا. * قال (البرد)...ناس المريخ جابوا ليهو (الدافي). * قال (الطين) ...المطرة ما قصرت معاه في مدني. * قال ما قادر يتأقلم علي الاجواء في السودان ...ساقوه ولعبوا بيه في بلدو امام كانو. * قال مرق ..بضرب ..مرق بكسر. * ناس الهلال شطبوا ليهو (مرق). * تاني يا وارغو نعمل ليك شنو؟. * بعد كدا إلا نجيب ليك (حكم راية وحكم نص) يساعدوك بالدفرة. * المريخ ..طيش مجموعة الهلال. * الغريبة الاتحاد الافريقي كان مصنف المريخ علي رأس المجموعة. * نحن من البداية قلنا مجموعتنا دي ما فيها رأس. * انتوا قعدتوا تغالطوا....السنة كلها تغالطوا. * سمعنا بالموز ابو نقطة ...اول مرة نسمع بالطيش ابو نقطة. * او الوصيف ابو نقطة. * لكن انتوا معذورين ...ما فاضيين من الشكاوي. * اهداف كانو الثلاثة قالوا ح تصل بي الـ DHL. * انتظروا (البريد السريع). * اكرم لو كان لاعب ..قالوا كان (بمسح) الهدف الثاني. * مازدا الذي صبرنا عليه في المنتخب 5 سنوات...هل سيصبروا عليه في المريخ 5 شهور. * بي تلاتاتو دي ...اسبوع ما بتصبروا عليه. * زيسكو طمع في نتيجة المباراة التي سوف يلعبها امام المريخ في الرد كاسل. * الظاهر كدا في البطولة الافريقية ح تسوكفوا. * انتوا قايلينها دي الكونفدرالية. * خبر عاجل: بكرة ان شاءالله نلتقي في صفحة (من الغلاف للغلاف). |
http://goansport.net/article/id/21575
| |
|
|
|
|
|
|
Re: الحمــام رقاص .. (Re: ممدوح عثمان)
|
ممدوح يا حبيب كيفك ..
Quote: حمام العرضة ياراقص مع المطرة الفرايحية وحمام الوالي ياداقس تجيب مازدا وعاوز تنافس |
مبالغة لكن .. ممكن نلحن ؟
أهدي يا الحبيب .. وكان أغنية يا حمامة مع السلامة .. دي خليها في الآخر ..
يديك العافية ..
| |
|
|
|
|
|
|
Re: الحمــام رقاص .. (Re: عمران حسن صالح)
|
Quote: يا سيف الدولة يبدو انو حبيبنا معتصم مشغول وخفنا المحشي يتأخر عليكـ |
يا أبومحمد .. في توصيلات للمنازل
ياخي فيك الخير وأنت شغال ضيافة مع ناس الحفلة .. والله تب ما قصرت ..
بعدين محمد عبدالماجد قوون دا ياخي ألذ زول .. أنا هسي قاعد أجاريهو في كتاباته ..
تسلم يا الحبيب .. وعايزين لينا طلب مستعجل ..
| |
|
|
|
|
|
|
Re: الحمــام رقاص .. (Re: عادل جبارة)
|
Quote: الموضوع دا لازم مزمل أبو القاسم يشوفوا وما يخليهو يعدي ساكت ... ليه يلعبوهم في موكيت ؟ |
يا عادل .. حوووصة دا هسي بكون حايم في نيجيريا بي هناك .. هو فاضي من الشكاوي المرفوضه ( شكلاً ) ..
ولا يهمك يا حبيب .. سائلين منك كتير ..
| |
|
|
|
|
|
|
Re: الحمــام رقاص .. (Re: معتصم دفع الله)
|
Quote: المايك معاك ممكن تهدي .. ولو ممكن تطلب لينا معاك أغنية .. يا حمامة مع السلامة ..
|
ممكن أهدي
" حم حم تعال يا حمام "
يا مو الجامعة ديل عصرة عليهم شوية
سلااااااااام للجميع
| |
|
|
|
|
|
|
Re: الحمــام رقاص .. (Re: سيف بخيت موسي)
|
العصرة دي كانت هناك في نيجيريا يا سيف .. دي عصرة ولا دي إتش إلـ ..
قالوا الحمام مزنوق يا .. في كانو أبا يروق يا .. غلبني تلاتة يا .. شال نوم عيني زاتا يا ..
تسلم يا سيف بخيت ..
| |
|
|
|
|
|
|
Re: الحمــام رقاص .. (Re: إسماعيل حميم)
|
Quote: التحايا وكدا وأشواق كتيرة وكدا |
يعلم الله أني أشتاقك يا صاحب .. كيفك يا حميم والأولاد .. الجماعة بخير تقبل تحياتهم ..
لك محبتي التي تعلم ..
| |
|
|
|
|
|
|
|