|
|
 ود الباوقة ... يلعق في الدماء
|
اعرف ان يكون الانسان مؤتمر وطني
واعرف ان يصخر كافة امكانياته من اجل خدمة تنظيمة ولكن ان يساهم في تعليق ابناء جلدته من اعناقهم في حبال المشانق من اجل تنظيمه واي تنظيم هذا
المؤتمر الوطني ...
هذا ما فعله ود الباوقه عضو المنبر . ...
تبدأ الحكاية :
الوالي قام منذ اكثر من شهر بزيارة الى الشريك للتبشير باحد
السدود المشؤومة والتي من المفترض ان يسيل فيها الماء يسيل فيها في مجاري هذه السدود دماء ابناء مناطقها . واصبحت لعنة السدود تطارد ابناء النوبين في كجبار ... فيسقط الشهداء صغار وكبار في سبيل الارض
واهلنا في الحمداب سقطوا وروت الحكومة بدمائهم ارض السد فبدل ان تذبح الحكومة الخراف والبقر كرامة للسدود تذبح ابناء المنطقة بدمائهم تيتم التكريم للسدود ...
سدود اللعنة او لعنة السدود التي لا تفتي الا وتقتلنا ...
ولكن ان نقتل بعضنا هذا هو السؤ بعينه
وننقض على بعضا البعض من اجل اقامة السدود هذا هو السؤ .
وهذا السؤ يتمثل في الاسواء بيننا ... او السئيين بيننا ..
هذا ما حدث في الشريك اخر سدود الشؤوم
فقد برز في السودان فئاتان متحالفتان مع الشيطان اثناء حكم الانقاذ
وهم
تجار الحرب
وتجار السدود وهم اثراء اثرياء السودان
والاثنان يلعقان في دمائنا
|
|
 
|
|
|
|
|
|
|
|
Re: ود الباوقة ... يلعق في الدماء (Re: عمار نجم الدين)
|
تم قتل العمدة حمزة ابراهيم عمر
بسرعة البرق قامت الحكومة ممثلة في جهاز الامن بالقبض على كل المعارضين لسد الشريك ... وهم انفسهم من طرد الوالي دفاعا عن ارضه وطينه ووطاته ... وتاريخه ... وهويته ... ومقابراجداده ... وطفولته وشبابه ...
تم القبض على الشباب بتعليمات واضحة من والي نهر النيل احد ساقطي الانقاذ تم القبض على هولاء بصفتهم متهمين وما هم بالمتهمين وانما هم مناضلين من اجل ارضهم وعرضهم ووطنهم ...
وايضا بسرعة البرق اخذ ود الباوقة الخبر وجرى به الى سودانيزاونلاين بتعليمات من الوالي وجهاز الامن ليلبس ابناء الشريك الجريمة ويلف حبل المشنقة حول رقابهم وود الباوقه مع سبق الاصرار والترصد كتب
القبض على قتلة العمده حمزه ابراهيم عمر
| |
|
|
|
|
|
|
|
|
|
Re: ود الباوقة ... يلعق في الدماء (Re: عمار نجم الدين)
|
هذا القبض الذي تم على القتلة والذي ادعاه ود الباوقه تم في اقل من 12 ساعة
في ال12 ساعة
تمت تحقيقات المباحث
وتمت التحريات
وتم تعليق المتهمين من ايديهم وارجلهم على سقوف مكاتب البوليس كما يحدث عادة
وتم الاعتراف
وتم تحويلهم الى النيابة
وتمت الادانة اما القاضي
كل هذا تم خلال 12 ساعة
حسب ود الباوقه
انها محاكم العدالة الناجزة يكررها الاسلاميون منذ العام 83 موحتى الان 2009
| |
|
|
|
|
|
|
|
|
|
Re: ود الباوقة ... يلعق في الدماء (Re: عمار نجم الدين)
|
عبر الدول ووصل الى الباوقة والشريك وعطبرة والخرطوم والسودان
انه تم القبض على القتلة وصدقوا او لا تصدقوا قتل للعمده حمزة
وهكذا وبواسطة هذه الاشاعة تمتلئ الصدور بالغل والكراهية والمشاكل في البيت الواحد وتشحذ السكاكين والسواطير داخل البيوت وتمتلئ خزانات الطبنجات بالذخيرة بعد ان تخرج من مخابئها وتشتعل النار في الشريك..
فيفرح الشيطان شيطان الجن والانس
وهكذا اصبح الخبر يتناقل عبر التلفونات والاتصالات تتطاقش
| |
|
|
|
|
|
|
|
|
|
Re: ود الباوقة ... يلعق في الدماء (Re: عمار نجم الدين)
|
جاء العنوان الذي كتبه ود الباوقه ارضاء لنفسه
وللمؤتمر الوطني
وللوالي
ولرفع اسهمه ليكون في لجان الوزير اسامة وزير السدود وكبير تجار الحرب والسدود في السودان ا
تم القبض على قتلة العمده حمزه ابراهيم عمر قبل قليل
هذه اسماء القتلة الذين اشار اليهم ود الباوقه
الكامل حاج الامين احد المعارضين لقيام السد
2/ احمد ابراهيم احمد عمر ... اخ القتيل واحد المعارضين لقيامك السدّ
3/ عبدو الامين ... احد المعارضين لقيام السد
وهولاء من قاموا بتحريض المواطنين لايقاف مشروع السد وطرد الوالي من الشريك
| |
|
|
|
|
|
|
|
|
|
Re: ود الباوقة ... يلعق في الدماء (Re: حاتم الياس)
|
هكذا بدأءت الفتنة في كجبار
تبشير بالسد
اعتقال مناهضي السد
تحريض عليهم من قبل اعضاء المؤتمر الوطني
تعذيب
ثم تسيل الدماء النوبية على النيل
يفرح ويسعد تجار السدود لان النوبين الذين تم تقتيلهم هم عربون سد كجبار وهي التي سوف تكمم افواه المعارضين للسد
ولكن هيهات ان ينتصر المؤتمر الوطني وشياطينه على اهالي المناطق النوبية وكذلك اهالي الشريك
راينا السدود في حلفا وماذا دفعنا ثمن لها
تشريد وموت
وهجرة
وفقدان تاريخ
وحضارة
والم وبلعنا المرّ
| |
|
|
|
|
|
|
|
|
|
Re: ود الباوقة ... يلعق في الدماء (Re: عمار نجم الدين)
|
"أراك تحاول أن تلبس الزول بجريرة أنتماءه للمؤتمر الوطنى تهمة التحريض لقتل أهله ومعارضى السد..وده كلام ماصاح وماحقيقى مواقف ود الباوقة كمؤتمر وطنى نستطيع تدبرها فى أطار الصراع السياسى والفكرى والأخلاقى "
....
بالفعل هذا مايسعي اليه صاحب البوست وبوعي تام
تأويل كل شيئ خارج اطار الصراع السياسي ممكن يعد استهداف ايضا
| |
|
|
|
|
|
|
|
|
|
Re: ود الباوقة ... يلعق في الدماء (Re: حيدر حسن ميرغني)
|
أراك تحاول أن تلبس الزول بجريرة أنتماءه للمؤتمر الوطنى تهمة التحريض لقتل أهله ومعارضى السد..وده كلام ماصاح
اخي حيدر..
مسيلمة الكشري دا ادعى وبعاجل ان هناك
مواجهات بالباوقة وقد كذب . ثم ادعى اني اوردت
اسماء المتهمين وقد كذب مرة اخرى .
ثم ذكر ان وفدا من حركة المساواة قد التقى
باهل الباوقة وقد كذب ثالثا ومازال يتحرى
الكذب حتى يكتب عند الله كذابا ..
فارجو الاتهتم بامره فربما يريد ان يلحق
بمن سبقوه الى دولة اخرى ويريد لن يستوفي الشروط
| |
|
|
|
|
|
|
|
|
|
Re: ود الباوقة ... يلعق في الدماء (Re: السيد المسلمي)
|
اخي عمار...
ســـلامـ...
نشكر لك اهتمامك بموضوع السد النابع من حسك الوطني, واحساسك
بالام جراح الوطن...
اخي, تلقيت الان مكالمة من السودان مفادها, ان الموضوع ليس له
علاقة بالسد, وهذا حسب ما ورد في وصية المرحوم ذات نفسه, رغم
ان الحكومة من جانبها ما زالت معتقلة بعضا من مناهضي السد
من باب التحفظ...
اخي عمار, اكرر لك الشكر واسالك التريث في الموضوع
مع خالص مودتي...
| |
|
|
|
|
|
|
|
|
|
Re: ود الباوقة ... يلعق في الدماء (Re: حاتم الياس)
|
ها احد المتهمين اخو القتيل ام لا
من المستفيد من القبض على مناهضي السدّ في الشريك
ود الباوقه له من الخبره في سودانيزاونلاين بحيث لا يكتب شئ لا يعرف ابعاده
لقد قال تم القبض على القتلة وهولاء القتلة هم اقرباء المرحوم
سؤال هل تم القبض على القتلة
Quote: هكذا بدأءت الفتنة في كجبار
تبشير بالسد
اعتقال مناهضي السد
تحريض عليهم من قبل اعضاء المؤتمر الوطني
تعذيب
ثم تسيل الدماء النوبية على النيل
يفرح ويسعد تجار السدود لان النوبين الذين تم تقتيلهم هم عربون سد كجبار وهي التي سوف تكمم افواه المعارضين للسد
ولكن هيهات
|
من هو المستفيد من القبض على مناهضي السد
لماذا كتب ود الباوقه هذا البوست السريع جدا يوضح فيه انهم قتلة
ما الوقع النفسي للعنوان على القارئي
هل يوجد فرق
بين القاء القبض على متهمين
وعنوان القبض على قتلة
| Quote: وبكل صراحة أراك تحاول أن تلبس الزول بجريرة أنتماءه للمؤتمر الوطنى تهمة التحريض لقتل أهله ومعارضى السد..وده كلام ماصاح وماحقيقى |
انتماءه للمؤتمر الوطني جريرة مافي اتنين تلاته
لان المؤتمر الوطني هو الذي قتل المناصير بسبب السدّ
والمؤتمر الوطني هو الذي قتل النوبيين في كجبار بسبب السد
المؤتمر الوطني هو من قتل النوير بحجة تفريغ مناطق البترول من السكان
والمؤتمر الوطني هو الذي اشعل الفتنة في الشريك وجعل القريب مقتول وقريبه في السجن في انتظار السجن
اعتقد ان المؤتمر الوطني ليس لافته ولا شئ معنوي
المؤتمر الوطني ينفذ اجندته في البلاد وخارج البلاد عبر اعضاء
فمن يقوما بتعذيب الناس في المعتقلات هم اعضاء المؤتمر الوطني
ويزرع الفتنة بين سكان المناطق المستهدفة هم اعضاء المؤتمر الوطني
| Quote: وربما ونتحول الى لاجئيين وخيم وضحايا وأغتصابات وربما أبادة عرقية فى تلك المرحلة والتى أراها أحدى أمانيك العزيزة (تعال أدين لينا ود الباوقة)..لكن الأن أعتقد أن الكلام مبكر جداً لأدانة ود الباوقة |
سؤال من الذي حول لاجئ ونازحي دارفور الى هذا الوضع اليس هم زارعي الفتنة وحارقي البخور من سدنة الحرب وتجارها
من الذي ادان ود الباوقه بزرع الفتنة في المنطقة
اليس هو من اختط
بيديه في هذا المنبر
القبض على قتلة العمده حمزه وما هم بقتله
المستفيد الوحيد مما يحدث في الشريك هو المؤتمر الوطني وليس بيني وبين ود الباوقه اي عداء شخصي
ود الباوقه هو من وجه هذا الاتهام والدانة لنفسه خدمة لمصالح المؤتمر الوطني والوالي وجهاز الامن
| |
|
|
|
|
|
|
|
|
|
Re: ود الباوقة ... يلعق في الدماء (Re: حاتم الياس)
|
يا ود الياس عمر عبد القادر اخطأ في ذلك البوست مهما كانت دوافعه فالخطا خطا نهاية الامر لانه خطا ممكن يودي ناس بريئين في ستين داهية وافة الاخبار رواتها .. كان حري بود الباوقة ان يبادر بالاعتذار عن تسرعه 0 لو افترضنا حسن النية - لكنه رفض ذلك بعناد لا يحسد عليه .. في فرق بين متهمين - وكمان في حالة التوجس والترقب وتصفية الحسابات خاصة من قبل المرجوم احمد مجذوب ود المكيلاب وبين مجرمين وقتلة الكلام دا صعب جدا ولازم عمر عبد القادر يعتذر عنو ..
كلامي دا ما ليهو اي علاقة بانتماء عمر السياسي وبعدين هو عمر دا ذااااااتو مؤتمريتو دي بقت متين ؟؟!!
بعد ما شاب دخلو الكتاب ...
| |
|
|
|
|
|
|
|
|
|
Re: ود الباوقة ... يلعق في الدماء (Re: حاتم الياس)
|
Quote: ود العمدة..تقاليد الأعتذار دى انت عاصر عليها شديد من مرجعية (بورد) وخلافاته ولا من أدراك لتفاصيل أخرى فى القضية الماثلة أمامنا ياخى فى معارضين وفى حكومة وكلهم دايرين يبرجوا فى الداره بتاعتنا دى ودايرين يتداققو ويتفالقوا وعليك أمان الله وأنت عارف وانا بقولو ليك صراحة (ناسنا هوج) ومابقعدو الكلام زيى وزيك.. كده ناس ببفتكر وبعتقد والمفروض...(لب) طوالى وكمان ماعندها زاتو مقدمات (لفخ)..فيأخى أنت سويت مع ودالباوقة زى قصة الزول الساق ولدو الهباش الجامع..لقى الزول القدامه فى الصف جلابيتو (.......)..طلعه..أبوهو حدر ليهو (رجعه)
ماقال حاجة عشان يعتذر..ماقال
(عدل بواسطة حاتم الياس on 19-07-2009, 09:55 ص) |
كان كدي الاعتذار خليتو تب
| |
|
|
|
|
|
|
|
|
|
Re: ود الباوقة ... يلعق في الدماء (Re: محمد حسن العمدة)
|
[U]هذه اسماء القتلة الذين اشار اليهم ود الباوقه..
الكامل حاج الامين احد المعارضين لقيام السد
2/ احمد ابراهيم احمد عمر ... اخ القتيل واحد المعارضين لقيامك السدّ
3/ عبدو الامين ... احد المعارضين لقيام السد
وهولاء من قاموا بتحريض المواطنين لايقاف مشروع السد وطرد الوالي من الشريك
ايها الكذاب الاشر ..
اولا انا لم اشر الى اي كائن كان
عندما اوردت الخبر ..
ولقد عقبت على كلامك في ان عنوان
البوست خطأ .. ولكن بداخل الخبر اوردت
الفبض على ثلاثة متهمين وليس ( قتلة ) قاتلك الله ..
ثم انني ام اورد اي من الاسماء التى اتيت بها
زورا وبهتانا وكذبا ..
سجم خشم المعارضة التي تعتمد في اخبارها
وتحليلاتها على من هم على شاكلتك ..
بعدين سا غشيم الباوقة كلها ما فيها واحد
اسمو الكامل حاج الامين.
عبدو الامين يا جهول متوفي قبل اكثر من
اربعين سنة ...
فعلا انت معارض ( كشراوي )
وبالاصح معارض ( فتت ) ناس تاكل ترقد ...
U]هذه اسماء القتلة الذين اشار اليهم ود الباوقه
جيب الرابط الذي اشرت اليه بان هؤلاء قتلة ايها الكذاب الاشر..
| |
|
|
|
|
|
|
|
|
|
Re: ود الباوقة ... يلعق في الدماء (Re: ود الباوقة)
|
عمار انت زول سيئ جدا
حقيقي دايما تاكدون ان لا فرق بينكم وبين الكيزان
بالعكس
هنا في البوست ده اتضح انو الكيزان افضل منكم 100 مره
ود الباوقة اخير منك
انت زول مغرض
وهو زول صافي نية
وده ظاهر في كتاباتكم الاتنين
| |
|
|
|
|
|
|
|
|
|
Re: ود الباوقة ... يلعق في الدماء (Re: وليد محمد المبارك)
|
| Quote: عمار انت زول سيئ جدا |
كفاه.. كفاه.. كفاه
قال الرووووووووووووووووب
الراجل مرمي في القاهرة يا اخوانا كايس ليه لقمة يرميها في بطنو دي
عشان كده معذور لازم يقوم بالدور الخبيث ده مكرها اخاك لابطل
الكشري زاتو يبجيبو كيف يا ود الباوقة لو ما عمل كده؟؟
| |
|
|
|
|
|
|
|
|
|
Re: ود الباوقة ... يلعق في الدماء (Re: عبد اللطيف السيدح)
|
الأخ عبد اللطيف
Quote: كفاه.. كفاه.. كفاه
قال الرووووووووووووووووب
الراجل مرمي في القاهرة يا اخوانا كايس ليه لقمة يرميها في بطنو دي
عشان كده معذور لازم يقوم بالدور الخبيث ده مكرها اخاك لابطل
الكشري زاتو يبجيبو كيف يا ود الباوقة لو ما عمل كده؟؟ |
أقول لك قول الملك عبدالله للقذاقى
" ما تتحدث فى أشياء ماليك فيها حظ أو نصيب "
أتوقع أن تسحب حديثك .
والفتنة نائمة لعن الله من أيقظها ..
أم العمدة فله الرحمة والمغفرة والراحت فى القيزان ما بتروح فى الميزان.
| |
|
|
|
|
|
|
|
|
|
Re: ود الباوقة ... يلعق في الدماء (Re: Nazar Yousif)
|
عمار يا اخوى
فى صنفين من الناس
ناس يقولو الحق من اجل الحق
وناس يكذبون وينافقون من اجل (مال وسلطة) دنيوية
الفئة الثانية تستطيع ان تفعل اى شئ من اجل ارضاء السلطان
نترحم على روح العمدة
والباقى خليها فى سرك
ديل .........
| |
|
|
|
|
|
|
|
|
|
Re: ود الباوقة ... يلعق في الدماء (Re: دوت مجاك)
|
| Quote: ياخى فى معارضين وفى حكومة وكلهم دايرين يبرجوا فى الداره بتاعتنا دى ودايرين يتداققو ويتفالقوا وعليك أمان الله وأنت عارف وانا بقولو ليك صراحة (ناسنا هوج) ومابقعدو الكلام زيى وزيك. |
الاخ عمار قضية الباوقة ليست للمتاجرة السياسية وكفانا فتن
فرجاء سحب هذا البوست الممتلئ بالبنزين لإشعال الفتنة
ود الباوقة رغم خلافى معه لم يورد اخبار تشعل الفتنة
وهو من اهالي المقتول والمتهمين فكيف يلعق دماء اهله .
اتقي الله فينا وفي اهلنا ياهذا ,
| |
|
|
|
|
|
|
|
|
|
Re: ود الباوقة ... يلعق في الدماء (Re: وليد شريف)
|
Quote: [الاخ عمار قضية الباوقة ليست للمتاجرة السياسية وكفانا فتن
فرجاء سحب هذا البوست الممتلئ بالبنزين لإشعال الفتنة
ود الباوقة رغم خلافى معه لم يورد اخبار تشعل الفتنة
وهو من اهالي المقتول والمتهمين فكيف يلعق دماء اهله .
اتقي الله فينا وفي اهلنا ياهذا , |
الفاضل عمار
كما ذكر لك الاخ وليد المقتول والمتهمين اهل لود الباوقة
عندما سارع بكتابة البوست حتى يمنع فتنة كانت تلوح في الافق
حيث ان خبر القبض على المتهمين من شانه تهدئة النفوس
هذا عكس ما تفعله انت
| |
|
|
|
|
|
|
|
|
|
Re: ود الباوقة ... يلعق في الدماء (Re: محمد حسن العمدة)
|
Quote: الراجل مرمي في القاهرة يا اخوانا كايس ليه لقمة يرميها في بطنو دي
|
روح خذ ليك كورس كويس في اغتيال الشخصية الناس ديل بقولو عليهم معارضين في الخمس نجوم
وضاربين الكندشة....مش كايسين ليهم لقمة ياكلوها.....
| |
|
|
|
|
|
|
|
|
|
Re: ود الباوقة ... يلعق في الدماء (Re: علاء الدين يوسف علي محمد)
|
الفاضل/ محمد العمدة
اراك تعجبت من قولي ان القبض على المتهمين من
شانه تهدئة النفوس
نعم ياخي الامر كذلك
لقد اتجهت الانظار بالاتهام للمجموعة المعارضة للسد
هذا من البعيدين فمابالك من الاقربين
ونتيجة للشحن والاحتقان في المنطقة يمكن ان يتطور الامر
الى ما لايحمد عقباه لذا فان القبض على المتهمين
يحصر القضية ويخمد نار فتنة اوشكت على الضرام
وهذا ما سعى اليه ودالباوقة وارجو ان يحرص عليه جميع
ابناء المنطقة فالمقام ليس مقام سياسة.
| |
|
|
|
|
|
|
|
|
|
Re: ود الباوقة ... يلعق في الدماء (Re: محمود بكر)
|
الأخ / عمار
تحية طيبة
نعم أخي العزيز الفتنة نائمة
......................
فلماذا تريد أن تؤقظها
لماذا تريد للفتنة أن تصحو يا عمار
جريمة قتل بدم بارد
هل المطلوب ترك الجناة؟؟؟؟؟
هل من أجل نعم / لا للسد أن يترك الناس بعضهم يموت وبعضهم يسرح حرا طليق
مطلوب بصراحة ان نلتزم بالحق والصدق والعدل
واذا كنت يا عمار من معارضي الحكومة وانجازات السدود وغيرها فلا تتخذ من موضوع جريمة القتل مدخل
هذه منتهى الانتهازية
اكشف عن قناعك وتحدث عن موضوعك بصراحة ودون هذه الطرق الملفقة والضحك علي قراء المنتدي الذين هم أكثر ذكاء
....................
التحية لود الباوقه صاحب المواقف الصادقة
صاحب الوجه الواحد
صاحب اللسان العف
الذي لا يلق في الدماء
ولا يخوض في الباطل
وسلمت باوقة حمد والأمين من كل مكروه ومن كل انتهازي ودخيل
| |
|
|
|
|
|
|
|
|
|
Re: ود الباوقة ... يلعق في الدماء (Re: علي الكرار هاشم)
|
الاخ محمود سلام
اختلافي وتعجبي هو ان القبض على متهمين بدون دليل او شبه فقط نتاج لاشاعات يتم تهويلها وتاويلها تماما مثلما سارع وفعل عمر عبد القادر بتجريم المتهمين حتى قبل المحاكمة والتحري .. هذا كله سوف يزيد من الاحتقان ويؤجج النفوس ولن يطفئها وكما قلت الخطا لا يعالج بخطأ آخر قد يفاقم الامر الى ما لا يحمد عقباه ...
انا اتمنى ان يتم القبض على الجناة الان قبل الغد لكن ضد حشر العشرات بدون ادنى ادلة
| |
|
|
|
|
|
|
|
|
|
Re: ود الباوقة ... يلعق في الدماء (Re: وليد شريف)
|
ود الباوقة...
وين البوست بتاعك بتاع القبض علي قتله العمده حمزه..؟؟ ما شايف البوست وكان منتظرين منك الحقائق في الموضوع بس ما شايف البوست.
معليش يا عمار علي هذة المداخله بس حبيت أسال الراجل لانو اكيد بيكون مسجل حضور في البوست في الزحمه التي يشهدها المنبر.
تحياتي.. وكودتي لكم.
| |
|
|
|
|
|
|
|
|
|
Re: ود الباوقة ... يلعق في الدماء (Re: احمد محمد بشير)
|
اخى عمار
بمعرفتى بالاخ ود الباوقه فانه ذو خلق وادبا جم
تمنياتى كانت ان تواسيهم فى مصابهم الجلل وتخفف عليهم بدل المحاوله غير الموفقه منك فى اشعال
نار الفتنه بين الاخوه
جزاك الله عنا خيرا ان تعمل من اجل الخير
لك التحايا
| |
|
|
|
|
|
|
| |
عمار نجم الدين
حاتم الياس
حيدر حسن ميرغني
معاوية المدير
وليد محمد المبارك
عبد اللطيف السيدح
ASHRAF MUSTAFA
Nazar Yousif
دوت مجاك
ibrahim alnimma
علي الكرار هاشم
احمد محمد بشير
Sidgi mattar
فيس بوك
تويتر
انستقرام
يوتيوب
بنتيريست