|
هترشات قبل مذبحة السبت ...
|
والمذبحة للطرفين .. فالمريخ إن كانت له النتيجة .. نشوف لينا بلد نرحل ليها .. ومرحلة غياب من الحوش .. لا قراءة ولا كتابة .. فسهام " متطرفي أقصى اليسار " ما بنقدر عليها .. وإن كانت الغلبة للأزرق .. وأتمنى حدوث ذلكـ .. عندئذ : شوف ليكـ بلد يا محمد عمر الفكي غير الموجودات في الكرة الأرضية الحالية ..
|
|
|
|
|
|
|
|
Re: هترشات قبل مذبحة السبت ... (Re: عمران حسن صالح)
|
كنا كثيراً ما ننتظر " الباسطة " في ذلكـ اليوم الذي سيسطع فيه هلال البلد وسيده .. الأعمام أو الأخوال أو الوالد .. تعودنا على النصر كثيراً .. نادراً ما ذهبنا إلى " عناقريبنا " بدري .. في ذلكـ اليوم وحسب النتيجة فإما سهرة " بالباسطة " .. غاية أحلام الفقراء الغذائية ، وإما تحضن مرتبتكـ من بدري خوفاً من (وجه) الوالد وهو يدخل إلى البيت .. الحساب لكل غلطات الأٍسبوع يكون في ذلك اليوم .. والحافز الجيد ( شلن كامل ) حتى ولو كانت درجتكـ في آخر اختبار للرياضيات 40 من 100 أما إن تم توزيع النتائج في ذلك اليوم وكنت الأول على فصلكـ المملوء بأكثر من 80 طالب فما لك إلا الدعاء أن تأتي النتيجة بما تشتهي ..
| |
|
|
|
|
|
|
Re: هترشات قبل مذبحة السبت ... (Re: عمران حسن صالح)
|
سيطرت نتائج الفريقين على ما عداها من أخبار تخص الفرق السودانية .. هلال مريخ أنشودة الكل بطول وعرض الوطن .. " ونسة " ساحات أبو جنزير و(باقي) مقاهي العاصمة .. ممكن جداً تلقى ليكـ شكلة كااااااااربة ونبذ وإساءات وأعصاب " تلفانة " بس لأنو فلان " المريخابي " تكلم عن وزير الدفـــاع " طارق أحمد آدم " في ذلكـ الزمان ** بطريقة لم ترضي الهلالابي المتعصب جداً لطارق خاصة والهلال عامةً .. هنالكـ أسماء ظلت مقدسة لا يمكن الاقتراب منها بسوء الحديث .. وإلا فمصير بيتكـ الحرق كما حدث لميرغني أبو شنب .
. . . . ** " الحكي " هنا يخص ما كنا نعيشه قبل 15 عاماً " أو أكثر " من الآن ....!!!
| |
|
|
|
|
|
|
Re: هترشات قبل مذبحة السبت ... (Re: عمران حسن صالح)
|
أحياناً أحدث نفسي طالما الأمر صار تجارة والبلد كلها صارت " بقَالة " تصب إيراداتها في جيوب الموالين فقط .. لما لا تستثمر الدولة في الرياضة .. لماذا لا تعطي إستاد البلد الجديد لمستثمر يدفع هذه الــ 200 مليون دولار المتبقية لإكمال العمل ويأخذ ربع الدخل لمدة عام أو عامين .. في الأخبار أن مباراة الهلال الأخيرة حققت 325 مليون جنية " . نصف الحضور للمباراة الغد لن يدخلها لأن دور الرياضة سعتها قليلة .. قاعات الأفراح أو دور الأحزاب في بعض الأحيان سعتها أكبر
| |
|
|
|
|
|
|
Re: هترشات قبل مذبحة السبت ... (Re: ادريس خليفة علم الهدي)
|
Quote: تضامني الكامل مع حمودي وأبيه في محنتهم يعني الا واحد فيكم يخلي البيت للتاني |
الحكاية طبعاً يا إدريس تمت وأنا في وادي آخر .. ومسلِم بأن الواد لأبيه وفات عليا خيانة المريخاب .. الولد أخوالوا مريخاب شارع الدومة .. استغلوا يوم وجودو بينهم وهو في سنته الثانية والمريخ كان غلب في مباراة أفريقية مهمة .. اتصل أحد أخواله من هنا وسأل عليه وين محمد ؟؟ قالوا ليهو نايم .. نايم ؟؟؟؟ صحوهو وودوهو الشارع يشوف الأعلام .. ولقى ليكـ عيال ونسوان ودنوباوي في الشوارع .. والزغاريد شغالة والحلاوة " والباسطة " مالية الشوارع .. ومن ديكـ وشبكـ ليكـ في المريخ .. بقيت أنا الهلالابي الوحيد في البيت والواد وأمو عاملين عليا عصابة ... أشكر تضامنكـ ..
| |
|
|
|
|
|
|
Re: هترشات قبل مذبحة السبت ... (Re: حبيب نورة)
|
حبيب نورة .. وحبيبنـــــــــــا.. أيوه كده يا حبيب .. خلي روحكـ زي ما بنعرفه .. روح طاعمة زي الحروف البتكتبة هنــا .. ويمكن هناكـ ... " ما تسألني وين ؟؟" بس أديتني إحساسا إنو هترشاتي دي تصالحية .. معاكم يعني ..!! طبعاً ده بُعدكـ .....
| |
|
|
|
|
|
|
Re: هترشات قبل مذبحة السبت ... (Re: عمران حسن صالح)
|
ياحبيب لو ربنا سهل لى بدعو للهلال بالنصر يوم السبت بأذن الله فى الحرم صلاة الجمعة...وبدعو للجميع بالصحة والعافيه إن شاء الله.....
هترشات ما قبل الذبح اصعب من الذبح ذاتو.......ربك يسهل يارب.........مودتى...إسماعيل محمد احمد عباس.....
| |
|
|
|
|
|
|
Re: هترشات قبل مذبحة السبت ... (Re: ismeil abbas)
|
يا أبو السبـــــــــــــاع ...
Quote: ياحبيب لو ربنا سهل لى بدعو للهلال بالنصر يوم السبت بأذن الله فى الحرم صلاة الجمعة... |
ياعمكـ ذكرتني الزول الجاء عُمرة لأول مرة وضرب ليكـ كمية خيالية من موية زمزم ... كل كباية معاها رغبة جواهو في شفاء حاجة من البلاوي العندو ...لامن الموية قلبت ليكـ بطن الراجل وفتحت بطنو ماسورة ثلاثة أيام ... الزول قرب يتلحس .... لفت الأيام وجاء عُمرة تانية " بئر زمزم كانت جزء من الصحن قبل أن يتم قفلها " .. أها زولكـ مع كل لفة يجي قريب للبير ويقول ليها ( عاد يا زمزم .......) ... أها يا آخوي ركز على الدعاء للجميع بالصحة والعافية وخليكـ من الكورة ما تجي بعدين ..................
| |
|
|
|
|
|
|
Re: هترشات قبل مذبحة السبت ... (Re: عمران حسن صالح)
|
معركة السبت لها ما بعدهـا في المعسكرين ... معارضي الأرباب والوالي من الجانبين سيحدون ضالتهم .... الأرباب بدأ في الإعداد بذكاء لمرحلة ما بعد مباراة السبت .............................
ألى أن نلتقي - قسم خالد الخميس-16-يوليو-2009م
كرت سادومبا جا..!! عندما فكر مجلس ادارة نادي الهلال وتحديدا الاخ صلاح ادريس في إعمال القواعد العامة حيز التنفيذ كان اهل المريخ يغطون في نوم عميق.. كانوا يتباهون بفريقهم القوي ونجومهم الكبار الذين يستطيعون هزيمة اي فريق بأقل مجهود.. وعندما قدم الارباب طعن مجلسه للمحكمة الدستورية كان اهل المريخ يستمتعون بعلاقتهم الممتازة بقادة الاتحاد وهم يتبادلون الضحكات ويخططون للنيل من الهلال.. وعندما كان مجلس الهلال يحارب في كل الجبهات المعارضة كان اهل المريخ يتحدثون عن قدرة الوالي العجيبة في جمع كل اهل المريخ حوله.. وعندما رفض الهلال المشاركة في دورة القرية التي رعاها المريخ تحدثوا عن خوف الهلال من هذه الدورة ثم تحدثوا عن فشل دائم للهلال في سيكافا وما علموا ان الهلال عندما رفض المشاركة في هذه الدورة كان علي علم تام بأن الفرق المشاركة لن يستفيد منها شيئا لذلك فكر قادته في الذهاب بالفريق الي أم الدنيا..! جاء الهلال من ام الدنيا الى عاصمة الصمود الخرطوم ليكمل باقي تحضيراته وأدى تجربة قوية امام المقاولون العرب الشقيق وبالأمس خاض تجربة أخرى أمام فريق الخرطوم احد اندية الدرجة الممتازة..! خمس تجارب قوية حسب طلب الاطار الفني للفريق، هذه التجارب القوية التي خاضها الهلال خلال الايام الماضية رفعت من مردود اللياقة عند اللاعبين وجعلتهم علي اهبة الاستعداد للسير قدما في ربع النهائي الافريقي حتى الوصول لمحطة البطولة التي بات الهلال هو الاقرب لتحقيق ذهبها..! كرت سادومبا جا ..! ولأن الإعلام الأحمر ينتظر ما يكتبه مزمل ها هم كل كتاب المريخ بلا استثناء يكتبون ما يكتبه مزمل.. والغريبة ان ما يكتبه مزمل عندهم عبارة عن كتاب منزل يصدقونه حتى وان كان على خطأ..! كرت سادومبا جا..! تعالوا انظروا الى كل الأعمدة الحمراء بالامس لتروا رجع الصدى الذي يحدثه مزمل: كتب اسماعيل حسن ما يلي: أورد الزميل المصيبه مزمل في زاويته بالشقيقة الصدى معلومات خطيرة حول اعارة كواريزما وأمولادي..! وتبعه بدر الدين الفاتح بقوله: الخطاب الذي نشرته الصدى تحت اسم الحبيب مزمل..! وتبعهما ابراهيم عبد الرحيم عندما قال: بنشره لخطاب نادي أوكبي يكون الزميل مزمل قد كشف بالدليل القاطع التجاوزات في قضية الاعارة الوهمية..! وتبع هؤلاء جميعا ابراهيم عبدالله الذي كتب: أخيرا كشف الصديق مزمل عن المفاجأة التي طالما اعلن عنها وتتعلق بالتجاوزات الخطيرة في ملف اعارة اللاعب البرازيلي كواريزما..! كل هؤلاء قالوا مزمل ولم يقل واحد منهم (أنا).. هو يكتب والبقية تنقل ما يكتبه بالكربون..! كرت سادومبا جا..! ماذا لو غاب مزمل عن الكتابه لمدة اسبوع كامل؟ ماذا سيكتب هؤلاء؟ هل يغيبون كما غاب أم أنهم ينتظرون حضوره ليكونوا رجعا للصدى؟..! كرت سادومبا جا..! أما رئيس تحرير المريخ فقد كتب: ما ذكره الاخ مزمل يشير الي وجود شبهة..! طيب اذا كان مزمل هو الذي يقول وانت رئيس تحرير الصحيفة الناطقة باسم المجلس ـ ولا اقول باسم المريخ ـ انت قاعد تسوي شنو يعني؟..!! كرت سادومبا جا..! قلت مرات واكرر مرات ومرات ان اعلام الوالي يجيد فن التخدير والتضليل والضحك علي الجماهير بصورة مدهشة للحد البعيد..! كلهم تناسوا مباراة الفريق امام اتراكو.. كلهم انصرفوا لمتابعة قضية لا دخل للهلال بها.. كلهم تعمدوا أن لا يتحدثوا عن الخسارة الفاجعة التي تعرض لها الفريق والتي خسر بها بطولة دورة القرية..! كرت سادومبا جا..! كان عليهم أن يقفوا على الأسباب التي أدت الى خسارة اللقب على ارضهم..! كرت سادومبا جا..! كلهم ولمزيد من تضليل جماهيرهم المسكينة وبمن فيهم رئيس النادي تحدثوا عن ان المريخ لم يهدف من رعايته لهذه الدورة الضعيفة للفوز ببطولتها.. قالوا بصوت كورالي موحد تدربوا عليه او صدرت اليهم التعليمات بأن يكتبوا إن الدورة الغرض منها هو الاعداد لكن هؤلاء العباقرة لم يوضحوا لنا اي اعداد يعنون؟ هل هو اعداد لربع النهائي الافريقي وتحديدا مباراة القمة السبت المقبل؟ فان كان الامر كذلك فلماذا اصر السيد رادان علي اشراك بلة جابر الموقوف افريقيا في كل مباريات دورة القرية وخاصة في مباراة النهائي التي خسرها الفريق وفقد البطولة..! كرت سادومبا جا..! كان الاولى لهؤلاء العباقرة ان ينتقدوا معسكر الفريق التحضيري الذي اقامه بالاسماعلية.. هذا المعسكر من وجهة نظري الخاصة هو سبب الكارثة التي حلت بالفريق..! معسكر كان فيه مجموع اللاعبين 9 فقط بينما كان عدد أفراد الاطارين الفني والاداري يفوق الـ12 فردا فكيف يكون معسكرا ناجحا..! كرت سادومبا جا ..! أخيراً.. أخيراً..!! المعروف ان المباريات الدولية في كل انحاء العالم تشرف عليها الاتحادات الوطنية التي تكون لجانها ولكن الذي حدث بالامس يدعو للحيرة والريبة في آن واحد.. بالامس وصل طاقم التحكيم المغربي المكلف بإدارة مباراة الهلال والمريخ السبت المقبل وكان في استقبالهم ممثل نادي المريخ الذي اصطحبهم الى مقر اقامتهم بفندق السلام روتانا في تصرف وجد الاستهجان التام من قبل اهل الهلال..! ما قام به المسؤول المريخي يضع اكثر من علامة استفهام حول الطاقم التحكيمي المغربي فوجودهم مع المسؤول المريخي يجعل الشبهات تحوم حولهم وكما هو معروف ان مباراة السبت المقبل لا تقبل اي انحياز سافر من قبل التحكيم الذي اتضح انه تحت حماية المريخ..! أهل الهلال لا يرضون تلك المهازل.. لن يصمتوا أبدا.. سيكافحون وينافحون تلك التدخلات المريخية التي تؤثر بشكل مباشر على نتيجة قمة السبت المقبل ووقتها لن يسلم أحد..! مجلس الهلال مطالب بالتحرك الفوري واطلاع الاتحاد الافريقي على ما حدث حتى يضع الاتحاد الافريقي هذا الطاقم تحت المراقبة المستمرة خوفا من حدوث كارثة بملعب الحكومة السبت المقبل..! بوضياف الذي تم طرده من معسكر الهلال بتهمة التجسس علمنا انه لعب دورا كبيرا مع مواطنيه طاقم التحكيم المغربي.. بوضياف يسعى ويجتهد للنيل من الهلال.. كانت البداية بقودوين مرورا بيوسف محمد ثم كلتشي واخيرا طاقم التحكيم المغربي..! أخيراً جداً..! اكتفي بدلاء الهلال بهدف وحيد في شباك الخرطوم عن طريق المرعب سا..سا دومبا.. التجربة كانت في اطار تجهيز البدلاء بشكل افضل لما ينتظرهم من استحقاقات محلية وافريقية.. والآن يمكننا ان نؤكد ان الهلال بات فريقا جيدا على مستوى الفرقة الاساسية او البدلاء واصبحت امام كامبوس عدد من الخيارات في كافة انواع التنافس المحلي والافريقي..! كرت سادومبا شغل كل اهل الوسط الرياضي وخاصة اهل الهلال.. وعندما اعلن عبر الاذاعة وصول كرت اللاعب عم الشارع الهلالي فرح هستيري ولكن تلك الحشود البشرية اصيبت بالصدمة عندما اعلن المسؤولون بالاتحاد انهم لم يستلموا شهادة النقل الدولية للاعب..! ومن هذا المنبر نؤكد أن شهادة النقل الدولية للاعب الضجة سادومبا وصلت مكاتب الاتحاد ولكن خوفا من الاعلام الاحمر اخفى الاتحاد هذه المعلومة حتى لا يقول اهل المريخ ان الاتحاد يعمل لمصلحة الهلال خاصة وأن المباراة ضد الهلال..! نكرر: الكرت وصل..!
| |
|
|
|
|
|
|
Re: هترشات قبل مذبحة السبت ... (Re: عمران حسن صالح)
|
نصائح أخوية وجهتها لحبيب نورة في بوسته المفتوح تأهباً للمذبحة ولا مانع أن نعممها لكل البطيخاب مع الإضافة : ............... اتعشى بدري عشان ما تبيت (القوى) ... أبعد كل المعدات الزجاجية والقابلة للكسر من أمامكـ .. أقفل الجوال عشان رسائل ناس أبله ظاظا.. ما تنسى تضبط المنبه على مواعيد صحيتكـ البدري عشان حا تنسى الموضوع ده .. أكتب جدول أعمالكـ بتاعة يوم الأحد عشان الذاكرة من الصباح حا تكون مشوشة ... أبعد أيِ مواد خطرة أو أدوية تستخدمها عند الحاجة عشان ما يتلخبط عليكـ إختصاص كل حاجة قدامكـ لا تغامر بحضور المبارة على الهواء مباشرةً إن كنت تحس ببعض الآلام التي تنتابكـ أحياناً على شقكـ الأيسر قد تكون مصاباً بالقلب وأنت لا تدري .. أم العيال وديها بيت أهله تمسي معاهم أو تبيت ( حسب المقادير ) .. حاول ما تطلع بره البيت بعد المباراة لأنكـ ممكن تفضي غضبكـ بدون سبب في أقرب خلق الله الما بتحبهم والممكن تقابلهم بعد المباراة .. للمغتربين في الخليج ، ممكن تأخذ إذن غياب ليوم الأحد لأنكـ ممكن تخسر عملكـ إذا تصرفت مع الكفيل بطريقة ما حضارية بإعتبار الحالة النفسية الإنت فيها
| |
|
|
|
|
|
|
Re: هترشات قبل مذبحة السبت ... (Re: khaleel)
|
Quote: ولو امبيلي عملها نغني امبيلي يا ويلي |
إمبيلي (أطرش) يا الخليل .. بس قول الله يعينو بكرة وتطلع منو شوته واحدة قوية تجاه المرمى .. تخلينا نجي معاكـ نغني : أمبيلي يا ويلي ...
| |
|
|
|
|
|
|
Re: هترشات قبل مذبحة السبت ... (Re: ديامي)
|
Quote: يا عمران يا اخوي والله هترشتك دي طلقت فينا الرجفة |
يا ديامي شوف الهترشة الما خمج هنــا عمود بتاع الصدى لعدد اليوم الجمعة 17 يوليو 2009م http://www.alsadda.net/cols.php?dep=38&on=1
Quote: سادومبا كبس
* ما أن فرغت جماهير الهلال من حضور إجراءات تسجيل سادومبا حتى توجهت إلى مكاتب الصدى وهي تلوح بالأعلام وصور لاعبيها.. ولم تنس أن تحمل معها صورة تاكسي يقف بجواره رئيس المريخ الوالي!
* هتف محبو الهلال (طبل طبل يا مزمل) رداً على هتاف جماهير المريخ لشخصي الضعيف (كمّل كمّل يا مزمل) كما هتفوا (سادومبا كبس.. والوالي دقس) في مداعبة لطيفة لرئيس المريخ جمال الوالي.
* شخصياً أتشرف بأنني صرت من زمرة الصحافيين الذين هتفت لهم الجماهير إما مدحاً أو مداعبة.. مثلما هتفت جماهير المريخ في السبعينات ضد الأستاذ المخضرم ميرغني أبو شنب (يا أبو شنب مريخنا غلب)! |
| |
|
|
|
|
|
|
Re: هترشات قبل مذبحة السبت ... (Re: ياسر بيناوي)
|
مرحبا ياسر .. كيف تقدر تعاين لي صورة بروفايلكـ دي .. ؟؟ وزير دفاع الوطن والهلال .. طارق أحمد آدم .. الأخلاق والحرفنة والذكاء والاحترام .. والمرحوم الوالي ..... حبيب شبكات الأعداء .. . . مناكفــــــــــــــــــة : أين الصهيوني الوهم محمد عمر الفكي ؟؟؟
| |
|
|
|
|
|
|
Re: هترشات قبل مذبحة السبت ... (Re: عمران حسن صالح)
|
يا ايتها الرشاشة ارجعي الي زريبتك مهزومة مقهورة وبطلي الهترشات وهضربة الحمى النهارية دي وارجي الراجيك. اسماعيل عباس قول له لو لفيت من الصباح لحدى مواعيد الكورة طريقة مافي ولو جريت في السعي جرى بولت مهزوم مهزوم. يا عمران يا اخي والله ماسورتكم الجديدة دي نحن في اشد الحوجة اليها عندنا توصيلة موية ناقصة في الفندق عاملة لينا وجع راس ما تدونا ليها نلتق بيها.
والله يا عمران لما قريت اسمه قايله نوع بوهية، سادولين سادولاك سادوماستك.
| |
|
|
|
|
|
|
Re: هترشات قبل مذبحة السبت ... (Re: عمران حسن صالح)
|
واحد مريخابي كتب التالي وباللون الأزرق في منتدى مجتور :
Quote: بعد تصريحات كامبوس الاخيره وماجرى فى تمارين الهلال وكذلك ماجرى فى تمارين المريخ اتضح مجرى المباراه كما يلى سيلعب الهلال بخطه دفاعيه واضحه وتقفيل مفاتيح اللعب فى المريخ ومحاولة اللعب الضاغط والاعتماد على الهجمات المرتده واتوقع ان ينجح فى ذلك حوالى عشره دقائق الى ربع ساعه مستفيدا من تجربة اتراكو امام المريخ ولكن فى مثل هذا الاسلوب اتوقع ان تشكل اللياقه البدنيه العاليه والقوه والسرعه للاعبى المريخ الفرق وان ينجح المريخ فى التسجيل خلال ربع الساعه الاولى وبعدها سيحاول الهلال ان يتخلص من اسلوبه الدفاعى محاولا معادلة النتيجه مما سيتيح لهجوم المريخ احراز اهداف اضافيه ولذلك اتوقع ان تنتهى المباراه بفوز المريخ 3-0 والله اعلم |
رد عليهو واحد هلالي وقالو ( غير اللون بعدين تعال أحلم ) ...
| |
|
|
|
|
|
|
Re: هترشات قبل مذبحة السبت ... (Re: محمد عمر الفكي)
|
Quote: اتعشى بدري عشان ما تبيت (القوى) ... أبعد كل المعدات الزجاجية والقابلة للكسر من أمامكـ .. أقفل الجوال عشان رسائل ناس أبله ظاظا.. ما تنسى تضبط المنبه على مواعيد صحيتكـ البدري عشان حا تنسى الموضوع ده .. أكتب جدول أعمالكـ بتاعة يوم الأحد عشان الذاكرة من الصباح حا تكون مشوشة ... أبعد أيِ مواد خطرة أو أدوية تستخدمها عند الحاجة عشان ما يتلخبط عليكـ إختصاص كل حاجة قدامكـ لا تغامر بحضور المبارة على الهواء مباشرةً إن كنت تحس ببعض الآلام التي تنتابكـ أحياناً على شقكـ الأيسر قد تكون مصاباً بالقلب وأنت لا تدري .. أم العيال وديها بيت أهله تمسي معاهم أو تبيت ( حسب المقادير ) .. حاول ما تطلع بره البيت بعد المباراة لأنكـ ممكن تفضي غضبكـ بدون سبب في أقرب خلق الله الما بتحبهم والممكن تقابلهم بعد المباراة .. للمغتربين في الخليج ، ممكن تأخذ إذن غياب ليوم الأحد لأنكـ ممكن تخسر عملكـ إذا تصرفت مع الكفيل بطريقة ما حضارية بإعتبار الحالة النفسية الإنت فيها |
ياخي متعتني بالنصائح دي .. خسوساً رسائل ناس آبله ظاظا .. في ناس من هسي قافلين تلفوناتهم حتى أسألوا أساسي إنتو تمبس ما جاء ماري بي هنا
| |
|
|
|
|
|
|
Re: هترشات قبل مذبحة السبت ... (Re: معتصم دفع الله)
|
من المتوقع أن يكون دخل مباراة اليوم خيالياً وقد يفوق المليار .. وهذه فرصة ذهبية للوصيفاب لتعويض خسائر سيكافا الراحت للتــــــــاكسي """ كلمة تاكسي مكتوبة باللون الأصفر الافق مع خلفية سوداء بس ما ظهرت بسبب أكواد بكري ... خخخخخخخخخخخخخخخ """
| |
|
|
|
|
|
|
Re: هترشات قبل مذبحة السبت ... (Re: عمران حسن صالح)
|
أرهبناكم.. مش كده؟! تعاين ليهم في أي مكان.. تعرف الناس ديل مرعوبين.. في البيت في الشارع في المسرح في الدكان.. من عيونو المريخابي بتعرفوا!! في هلع ظاهر في العيون.. وصكه في السنون.. ورجفة في الدركسون!! أي مريخابي تلقاهو قبل الكورة يقول ليك يا الله درون.. ارعبناهم ليك.. سادومبا بي جاي وكابوندي بي جاي وامولادي باي باي.. الهلال يهزم المقاولين بثلاثية ويستعد لنقابة التاكسي.. الهلال الخطير يبهر الجماهير.. ناسك ديل ما مساكين كلمة كلمتين الخوف دخلهم.. والتاكسي تم الباقي.. يعني نحن التاكسي غلبنا نغلبوا معقول نغلب الهلال.. واعلام الهلال دوَّر.. تعاين للجرائد قلبك ينقطع..! كامبوس في محاضرة طويلة.. البرنس موجود.. المعز متحفز.. والله جماعتك خايفين خوف.. ياخي حسن محجوب كان بكتب العمود من اول الصفحة لآخر الصفحة.. اليومين دي عمودوا خمسة كلمات!! ابوشيبة كتر الدعوات.. كاتب في عمودو امس (اللهم نظف الوسط الرياضي من كل الفاسدين والمفسدين والمزورين.. وبتاعين الحكام) أبو شيبة دا عايز يلجن المريخ ولا شنو؟!! خوفناهم ليك .. الجماعة بلعبوا مدافعين من البداية الليلة.. يعني الهلال لو ما جاب قون الكورة بتنتهي صفر صفر.. اقول ليكم حاجة.. هجوم الهلال دا انا ذاتي خفت منو.. سادومبا.. كاريكا.. امبيلي.. لا سادومبا ما بلعب.. ليييه.. الكرت ما جا؟ تاني جاب سيرة الكرت!! المريخ يطالب بالتحقيق في تسجيل سادومبا!! الزول قبل يسجلوه المريخ عايز يعمل تحقيق.. دي جديدة.. سمعنا باللاعب بشتكو فيهو بعد يلعب عشان تسجيلو غير قانوني.. لكن لاعب قبل يسجلو يشتكوا فيهو.. ما قلت ليكم الجماعة ديل خوفناهم؟!! وقالوا بخوفونا بالاندية النيجيرية.. يعني نحن مساكين لدرجة اننا نخاف من شكوي نادي نيجيري ضد الاتحاد النيجيري!! نحن مالنا؟.. اتحاد نيجيري مزور رسل اوراق مزورة.. الهلال مالو؟! الكاف اخذ علم بالموضوع.. الكاف يعتمد تسجيل كابوندي.. الكاف يهدد الهلال!! الكاف يعتمد تسجيل سادومبا.. شداد يفتح تحقيق في اعارة كواريزما وامولادي.. شداد ينفي عمل أي تحقيق!! اختفاء ايميل الاتحاد النيجيري من الاتحاد السوداني.. وانت يا حووصة ما سحبت الايميل قبل ما يمسحوه ليييه؟!؟ ما عامل شفت وبتعرف أي حاجة!! الايميل مسحوهو.. كده وكده.. وسادومبا سجلوهو.. كده وكده.. والجواب كتبوهو.. كده وكده.. ناس حووصه ما بقروهو كدا وكدا.. طبعا انا سميت الجاسوس دا حووصة.. وقلت انو عايز يخدم المريخ في عملية اكرم الصلوي لكن في النهاية بضر نفسو.. الزول الفي نيجيريا دا برضو عايز يضر الهلال حيضر نفسو! نصحونا قالوا ما تلعبو مع نساروا عشان ضعيف!! شوف الوصيف بتكلم عن الفريق الضعيف.. يعني حيكون اضعف من العباسية؟!! ولا اضعف من كارتيلا الجيبوتي ولا اضعف من تليكوم الصومالي؟.. علي الاقل في آخر الاسم (نيجيري) قلت لي يا عماد عندك فصول تقوية في الاعارة؟.. الزول دا صاحبي خفض ليهو المصاريف! الهلال لن يشرك سادومبا وكابوندي.. خايفين من الشكوي!! شكوي مين يا عم؟.. المريخ دا عايز ليهو سادومبا وكابوندي!! نحن طبعا بنتفاءل بي ملعب الحكومة دا شديد.. خمس سنين فيهو غالبين.. ودوري المجموعات ذاتو طلعناهو من هنا.. كاريكا ولا امبيلي.. امبيلي ولا سادومبا.. سادومبا ولا مهند.. مهند ولا هيثم؟.. أتَكِّسْكُم؟.. يا خوافييين.. اللهم انصر هلال الملايين.. اللهم آمين..
خالد عز الدين
| |
|
|
|
|
|
|
Re: هترشات قبل مذبحة السبت ... (Re: عمران حسن صالح)
|
عمران .. سلامات ...
من متناقضاتك ياعمران انك زول وجيه وظريف ومن ارض الجمال( كسلا) وفي ذات الوقت هلالابي !!!!..دي تجي كيف ؟!!! ليست دعوة لان تكون مريخابي فنحن لانقبل الترفيع بالواسطة ولانثق فيمن كان من العامه ولكن تسجيل استغراب ..
النتيجة 2/1 لصالح المريخ
هاردلك ومبروك لي وللصفوة
ودالقاضي
| |
|
|
|
|
|
|
Re: هترشات قبل مذبحة السبت ... (Re: فايزودالقاضي)
|
Quote: فنحن لانقبل الترفيع بالواسطة ولانثق فيمن كان من العامه |
أوووووو ماي قود .. فايز صاحبي هنــــــا... .... معليش يا فايز والله مُقدر الحالة النفسية الإنت فيها .. ما بعيب كلامكـ أصلو .. يكفينا إنكـ ولدنا وترباية كسلا .. .. هاكـ البروفايل ده :
.
| |
|
|
|
|
|
|
Re: هترشات قبل مذبحة السبت ... (Re: عمران حسن صالح)
|
غريبين انت ود الصائم وانطبق عليكم المثل (دلاكتها شكارتها) واحد يغني والتاني يشيل انتوا لما ما واثقين من (دلاقينكم) و (مواسيركم)دي (اوعى تحور لي مواسيركم دي يا شايقي انت) فاتحين بوست لشنو؟ صبراً يبل الابري مافي لحدي ما ينجلي الغبار عن (ازيرق) معفن مرمي في الزريبة؟
انت خليت الاعلان واشتغلت جزار في السلخانة؟!!!! سلفني وش (ضاحك)
| |
|
|
|
|
|
|
Re: هترشات قبل مذبحة السبت ... (Re: محمد عمر الفكي)
|
تعرف يا محمد عمر (الفكي ) أنا خايف منكـ عدييييييييييييييل كدة .. بلا يخمكـ بينكـ وبين الحرم 117 متر .. تقوم ترشنا بى دعوة صاااااادقة وتخلي ريحتنا طير .. وكان للوشوش الضاحكـة راجع إيميلكـ برسل ليكـ كمية ..!!!!!!! الله يكفينا شركـ ....
| |
|
|
|
|
|
|
Re: هترشات قبل مذبحة السبت ... (Re: عمران حسن صالح)
|
قوموا لفو بلا يخمكم .. ما كان في أيِ حاجة ليها علاقة بالكورة .. من الفريقين تمريرات خاطئة من الفريقين .. وأداء جنائزي .. أهداف ضائعة خصوصواً من الهلال .. إستسلام تام للهلال في آخر الدقائق .. تحكيم تافه ... ونتيجة مخيبة لأن النقاط ضاعت على الفريقين ..
| |
|
|
|
|
|
|
Re: هترشات قبل مذبحة السبت ... (Re: عمران حسن صالح)
|
اول مرة تصدق في حاجة بس صدقك دا ناتج عن نجاتك من الهزيمة المؤكدة، فعلاً النتيجة خسارة كبيرة للمريخ الذي كان من الممكن ان يريح نفسه من بدري. احسن الله عزاءكم في الماسورة ورحمها واحسن دفنها. ما قلت ليك ادينا ليها نوصل بيها الموية
| |
|
|
|
|
|
|
|