|
أربعتاشر ونص طريقة عشان تكون معاط ( منها كونك معاط بوردابى )
|
لمن تمشي تدفع الكهرباء قول مثلا أديتو 40 جنيه حيسألك (بي 40 جنيه؟) قوليهو لأ بي 45 جنيه حيقوليك دي ناقصة 5 جنيه قوليهو خلاص بي 40
دكتور وانت عيان ويفحصك ويدك الروشتة قوليهو طيب يا دكتور ممكن أخوي يشرب معاي من الأدوية دي حيقوليك هو أخوك عندو نفس الأعراض ؟؟ قوليهو ما عارف انت الدكتور !!ا خش ليك مطعم وقول لي الجرسون عندكم صحن كباب؟ حيقوليك أيوا قوليهو كويس حيقوليك أجيب ليك صحن كباب؟ قوليهو لا الحمدلله ماكل . أضرب ليك نمرة غلط وقوليهو محمد ابراهيم ؟ حيقوليك لا والله النمرة غلط قوليهو ولا فاطمة!!ا خش ليك استديو وقليهو بتاخدو صور حيقوليك أيوا قوليهو ملونة ولا ما ملونة حيقوليك عندنا الاتنين ملونة وما ملونة قوليهو آآه ملونة براها ما عندكم لكين !!ا خش ليك استديو وقليهو داير صورة شخصية حيقوليك صورة للجواز قوليهو لا لي أنا!!ا تاني خش استديو قول ليهو داير لي صورة فورية بعد يصورك ويخلص وانت مارق قوليهو ممكن أشيل الصور معاي البيت!!ا خلي بتاع حرك يخالفك لمن يقول ليك رخصتك قوليهو أسة بترضا كان زول سب ليك أبوك حيقوليك ياخوي أنا قتا ليك رخصتك قوليهو كويس دا ما نفس الشي !!ا خش صيدلية وقوليهو داير 2 بامبرز و 3 ديتول و 3 علبة بندول و2 اموكسيلين وختهم لي في كيس هدايا عليك الله. يوم عيد ميلادك صحبك لمن يجيب ليك هدية افتحا وقيهو دي جبتها بي كم حيقول ليك 40 جنيه طلع 35 جنيه وقوليهو يكون باقي ليك عندي 5 جنيه عاملين معاك لقاء في التلفزيون طبعا بختو ليك بروتوكوليا كباية عصير قدامك .. وانت بتتكلم أمسك الكباية كرطعا كلها وعاين ليك لي أي جنبة وانت مادي الكباية للجهة البتعاين فوقا وقول عليك الله أملا لي تاني وارجع واصل كلامك. يوم عرسك بعد يخلص العرس وانت مارق مع مرتك من الصالة قوليها أها بكرة بقدر أشوفك ؟!!! أقطع ليك إشارة ولمن يوقفك بتاع الحركة حيقوليك ما شايف الإشارة الحمرا قوليهو شايفة لكن إنت ما شايفك!! الاخيره دى من عندى لا قاك واحد فى مناسبه ثقافيه قال ليك مشترك فى سودانيز اون لاين قلت ليه اىىىىىىى قال ليك باسم منو قول ليهو قصدك انا ولا انت شوف رد الفعل بتاعه شنو أنشر وحتسمع أخبار حلوة خلال تلاتة أيام
شكرى حبيبنا هشام
|
|
|
|
|
|
|
|
Re: أربعتاشر ونص طريقة عشان تكون معاط ( منها كونك معاط بوردابى ) (Re: فرح)
|
Quote: عاملين معاك لقاء في التلفزيون طبعا بختو ليك بروتوكوليا كباية عصير قدامك .. وانت بتتكلم أمسك الكباية كرطعا كلها وعاين ليك لي أي جنبة وانت مادي الكباية للجهة البتعاين فوقا وقول عليك الله أملا لي تاني وارجع واصل كلامك. |
دى قوية يا فرح
بينى وبينك والأيام ههههههههه عارف واحد ممكن يعمل الحركة القردية دى
| |
|
|
|
|
|
|
Re: أربعتاشر ونص طريقة عشان تكون معاط ( منها كونك معاط بوردابى ) (Re: احمد محمد بشير)
|
Quote: الاخيره دى من عندى لا قاك واحد فى مناسبه ثقافيه قال ليك مشترك فى سودانيز اون لاين قلت ليه اىىىىىىى قال ليك باسم منو قول ليهو قصدك انا ولا انت شوف رد الفعل بتاعه شنو |
طبعاً انت ما محتاج تقول إنها من عندك عارفين ياخ عارفين
طبعاً أختك حصلت ليها مره في زول بعرفو مفروض أمر عليهو عشان أنسق لموضوع شغل كدا وللأسف لما إتصلت عليهو لقيتو في واحده من مواقع التثاقف الشديد داك كان معاهو شاب (على قولك) اول مره اقابلو لما الزول المعاهو قال ليهو إسمي بيعرف فيهو طوالي سألني قال لي دي انتي الفي سودانيز اون لاين؟ عملت فيه رايحه طبعاً وقلت في سري الله يجازي الكفيل بتاعي
ـــــ نزل القزاز شوية بس
| |
|
|
|
|
|
|
|