|
|
 مشيت لي محل فيهو كيزان وجيت مستمتع (توجد صور)
|
تشرفت قبل يومين بوصول الصدقيين حمدي ابراهيم الموسيقي والصحفي المتعاون في صحيفه
(سوداني)والعزيزالموسيقي الرائع متوكل افتوز وكان لي نصيب الاسد من دون الاصدقاء وسعيد اكثر عندما
لبوا دعوتي ووافقواعلي ان يقضوا اجازتهم البسيطه معي هنا في القاهره
وبعد ساعات من وصولنا الي المنزل رنه تلفوني وكان صوت حنين انثوي خالص وبي كل هدؤ
مرحبا فردت بنفس العباره وزايده شويه (حبتين)بقت مرحبتين قالت الله يديك العافيه
قلته ليها الله يعافيك قالت لي ممكن
اكلم الاستاذ حمدي او افتوز قلت ليها ممكن بالحيل
واديت التلفون لي اغرب شخص منهم قريب مني وبعد شويه جاني الصديق متوكل قال
لي بكره معزومين لينا حفله تابعه لي الموتمر الوطني قلته ليهو ياتو مؤتمر وطني ياخوي؟
قال لي انا ماعارف قالوا في نادي اسمونادي شنو كده مامزكر اسمو قلته ليهو كدي لي بكره
قلت بكره ناس (سفيان نابري ,وفرفور ,وعبد الكريم المليح وقاسم مهداوي,,)
ديل بلقي عندهم الاكيده ديل الشفوت بقصوا (الاتر في الزلط)ومع السهر وتعب (القداره)
سودانير شالتنا النومه وصحينا متاخرين شويه الزمن جاء وقالوا نلبس قلته خلاص ماشي
قلته اضرب لي واحد من الشباب ديل لاكن تاني اتراجعته قلته يمكن تكون مناسبه عاديه
او اسريه ياخوي امشي سااااااااي
بجيكم راجع
|
|
 
|
|
|
|
|
|
|
|
Re: مشيت لي محل فيهو كيزان وجيت مستمتع (توجد صور) (Re: عبدالله حمد العالى)
|
قومته لبسته ولبسته (المخضرم )وبقينا ناس مرقه تب قبل الطلوع بي لحظات قلته
لي الصديق حمدي نضرب لي الزوله دي عشان توصفي لينا قال ضربنا ليها وقالت لي
النادي في حي العباسيه وجاي السفير فيهو!!!! قلته ليهو وين ؟قال لي زي ماسمعته
اخت صنه شويه قلته ليهو مافي حاجه لاكن انت متاكد قالت ليك السفير واعضاء من السفاره
وقالي كمان ناس المؤتمر الوطني مدير مكتب المؤتمر الوطني وفي العباسيه شي عجيب؟
شي رهيب ديل وقت( الناس ماتو في الحته ديك)هم مافي زول جاء المهم مشينا وتوش وصلنا
المكان نادي الظاهر باالعباسيه ودخلنا المكان دوخلت كده وعينك ماتشوف الا النور
الانوار الماخمج انوار تقلب في الزول تعاين في الناس ولا في الصاله ما معروف
المهم في الحضور دي لقيت زول واحد بعرفو داير اعرف المناسبه شنو؟
ولي الناس ديل جوا ووااااااااااااات كثيره
قلته ليهو في شنو هناء
قال لي
ده يوم الابداع
قلته ليهو فعلا يوم الابداع
قال لي دي منظمه اسمها
المنظمه السودانيه المصريه للفنون
عامله يوم اسمو يوم الابداع
وحقيقه كان ابداع في كل الفنون السودانيه وخاصه الموسيقه
تغني عدد من الفنانين بكل انواع الايقاعات السودانيه
شمال جنوب شرق غرب
والكل طربااااااان
ومناسبه جميله جدا لاكن فيها عيب واحد(اعرفوا براكم)
| |
|
|
|
|
|
|
|
|
|
Re: مشيت لي محل فيهو كيزان وجيت مستمتع (توجد صور) (Re: عبدالله حمد العالى)
|
يا العالى
سلاااااااااام وكيف انت .. برضو اين انت
كالعادة .. تبخل علينا بالرسائل الحلوة الزى دى !!!!!
ياخى اشواق كموج البحر
وتحايا بعمق ما بيننا من اشياء
Quote: قلت بكره ناس (سفيان نابري ,وفرفور ,وعبد الكريم المليح وقاسم مهداوي,,)
ديل بلقي عندهم الاكيده ديل الشفوت بقصوا (الاتر في الزلط) |
يا عمك نحنا بنقص الاثر فى الموية ... لكن الاثر ده ضهبانين منو .. بس انتا
جيتنا بالخبر اليقين .. ويا سيدى تشكر على المجهود الجبار والتصاوير ... وناس السفارة
وايضا البنك الوطنى ( اقصد المؤتمر الوطنى ) ناس وليد وجفور ( ابيى)
يا عمك انا مبسوط منك جدا ... والكنقا الكاشفة الساقين (الضراعين ) وهاك يا كنقا... يا اولاد مليجى الكنقا بقت كمنجات ساكت .. وكمان كمنجات بشرية ... وجد نضيفة ...
يا ناس هوى والله بوست فى السلك ... وصور تحكى وتروى وتقول ... وناس السفارة الرابة تغنى
وناس مصطفى محمود لسه يكفكفو فى ما تبقى من احزان وآآآآلام واوجاع ... وهاك يا سفارة
ويا مؤتمر وطنى ( اقصد البنك الوطنى )
قاسم المهداوى
هامش
مؤسسة المهداوى للدعاية والاعلان والطباعة
| |
|
|
|
|
|
|
| |
عبدالله حمد العالى
سمير شيخ ادريس
نوفل عبد الرحيم حسن
قاسم المهداوى
فيس بوك
تويتر
انستقرام
يوتيوب
بنتيريست