|
|
 الهلال 5 الشرطة المصري 1
|
في ثاني مبارياته التجريبية بقاهرة المعز فاز الهلال علي الشرطة المصري بالخمسة مقابل هدف وحيد تقدم به الفريق المصري من ضربة جزاء أثر عرقلة اللاعب ديمبا لمهاجم الشرطة وبعدها توالت الأهداف الهلالية ..حيث عادل أمبيلي للهلال وأحرز هيثم مصطفي الهدف الثاني وعززه كاريكا بالهدف الثالث وأردفه هيثم مصطفي "ما شاء الله" بالرابع وأختتم غلة الأهداف اللاعب احمد عادل بالهدف الخامس
قدم الهلال مباراة طيبة وضحت فيها معالم التدريب الكامبوسي لللمسة الواحدة المصحوبة باللعب الممرحل السريع ومن أيجابيات المباراة المستوي الرفيع الذي قدمه خليفة في الطرف الأيمن وكابوندي في الطرف الأيسر ..
|
|
 
|
|
|
|
|
|
|
 Re: الهلال 5 الشرطة المصري 1 (Re: abas)
|
الفاروق سلام ..
حسب الأخبار التي وردتناالهلال قدم مباراة كبيرة ويسير إلى الأفضل ..
اللاعبون قدموا مباراة كبيرة أكدت علو كعب الفريق وجميل أن يحرزوا هذا العدد الكبير من الاهداق فتح شهية ..
اللهم أنصر الهلال ..
| |
|
|
|
|
|
|
|
|
|
Re: الهلال 5 الواالشرطة المصري 1 (Re: معتصم دفع الله)
|
يعني فاز على (اللخــويــا) المصـرية
على وزن (اللخـويا) القطرية
حكايتكم شنو انتو معسكراتكم كلها مع فرق الشرطه
اها المره دي الحكم تم المباراه ولا المعز طردوا
اقعدوا العبو لينا مع الحمام الميت دا ويوم 18 السداسيات محمداكم باذن الله
| |
|
|
|
|
|
|
|
|
|
Re: الهلال 5 الشرطة المصري 1 (Re: جمال السنوسي)
|
العزيز عمر الفاروق سلااااااااام
شكل الفريق كان ممتاذ...في الحركة...روح الجماعة...الرغبة في غزو الشباك
مع التركيز الجيد...اما سادوبما دا كتاب تاني خالص...
....معليش اخي الفاروق نصحيح فقط...الذي ارتكب ضربة الجزاء كابوندي وليس دامبا
مع خالص شكري
| |
|
|
|
|
|
|
|
|
 Re: الهلال 5 الشرطة المصري 1 (Re: حمزاوي)
|
Quote: من اللخويا إلى الشرطة المصرية
يا قلبي لا تحزن
قال فزنا قال |
يا خالم .. ما تهتم لي كلام الرشاشات ديل .. بيني وبينك كدا .. ناس الشرطة ديل يكونو فاتحين لي الهلال زي جماعتك بتاعين الخرطوم تلاتة في الدوري الممتاز .. مش برضو اخدو ليهم ستة واللا سبعة ما عارف ومع الرأفة برضو .. وبعداك جيت الصباح قلت الجماعة فاتحين ..؟
يللا ناس الشرطة زاتم فاتحين .. بس انتو اليوم داك سدوها بي ضبه ومفتاح واعملو رايحين
ما تكتبونه هنا في هذا البوست ..سيدينكم في مقبل الأيام .. مع ناس ديمبا .. والبرنس الحساب ولد.. وجهزو شوالاتكم والسواي ما حداث ..
والتقيل جاي قدام ..
منصور دائما يا هلال الملايين
| |
|
|
|
|
|
|
|
|
 Re: الهلال 5 الشرطة المصري 1 (Re: برير احمد إبراهيم)
|
يا عمر الفاروق ..
الله يرضى عليك أخبار مزعجة زي دي ما تنزله من الصباح كدا... في ناس الفطور ح يروح ليهم دربو
اقترح انك تنزله بالليل خالص .. منها والنوم.
لكن باقي ليك كان نزلتها بالليل بقدرو ينوموا ؟؟ اشك في ذلك ..
خلاص اقوليك حاجة؟
نزله ليهم بالعصرية كدا .. ووزع ليهم معاك حبوب نوم ، وكل واحد اديهو عمودو حق العشاء في ايدو
وامانة عليك لو الهلال دا لعب ليهو اي مبارة انتهت خمسة ولي فوووق .. إنت تعال اجبره ليهم هنا
قول ليهم الكورة انتهت ( درون تلاتة اتنين ) 
بالمناسبة:
في ناس هنا ما بتتحمل أخبار زي دي .. حرام عليك ياخ هم يلاقوها من وين ؟
حسع خالك همزاوي دا .. يقوم يطلع ليك ناس البوليص ديل بايعنها.. اصلو متعود علي الدلالة بتاعت الهلال دي. 
| |
|
|
|
|
|
|
|
|
|
Re: الهلال 5 الشرطة المصري 1 (Re: tmbis)
|
كتب محمد عبدالماجد في عموده اليوم الثلاثاء 7/7/2009م بصحيفة قوون ..
Quote: * ناس الهلال ديل ببالغوا عديل كدا.
* هم ما عارفين الدنيا اخر شهر..واكرم رجع يحرس مرمي المريخ.
* الغريبة ما في مطر.
* اخر شهر وين؟ يا ود الناس ... اول مرة اشوف لي اخر شهر في نص الشهر.
* ناس الهلال ديل هم ما عارفننا ..نحن هنا قلنا سيكافا دي بطولة ضعيفة عشان الاندية فيها بتفوز بالثمانية والستة.
* في داعي يعني يحرجونا كدا ... ويمشوا في مصر يغلبوا الشرطة 5/1.
* هسع نحن نقول لي ناس الوصيف...نمشي وين نحن؟.
* نبررها كيف؟...نحن ...دخلتونا في ضفورنا.
* نحن يا هيثم مصطفي كنا عاوزنكم (تلبدوا).
* تتغلبوا ... تتعادلوا ..بالكتير كدا تغلبوا واحد.
* لكن انتوا طبعكم كعب ...في مصر غلبتو خمسة.
* الناس ديل بي طريقتكم دي ما بستنوكم يوم 18.
* واحتمال كدا يفضوا سيكافا .. ويجوا يعسكروا معاكم في مصر.
* قالوا ليك امير دامر وقت عرف امبيلي جاب ليهو قون في الشرطة ..اليوم كلو بقي (سارح).
* طبيب المريخ قال ليهو في شنو يا امير دامر؟.
* امير دامر قال ليهو (الركبة).
* الظاهر كدا.... امير دامر انتقلت ليهو الاصابة من زميلو سفاري.
* غايتو يا سفاري راجيك جنس جري.
* نحن عارفنك الايامات دي نوم ما بتنوم ...طبعا سفاري عامل فيها عندو (ضرس) عشان يلقي ليهو مبرر كافي للسهر.
* مع سادومبا وامبيلي ... دفاع المريخ دا إلا يشوف ليهو (سماعات).
* سماعات يعمل بيها شنو؟.
* يعمل بيها اي حاجة ...بس ما يقعدوا لينا كدا.
* ان شاء الله يعملوا بالسماعات ...منتدي ... ان شاء زالله يعملوا حملة تطعيم ...نحن مالنا.
* دي حاجة ما بتخصنا...ولا بنجامل فيها.
* خلاص يا الهلالاب عاوزين تخلوا سيكافا وتقبلوا علي (السماعات).
* سماعات مين يا عم؟.
* طبعا بلة جابر وقت عرف الهلال غلب فريق (الشرطة) المصري خمسة، بقي يضحك متل الحوش الما فيه باب.
* متل الباب الما فيه سقاطة.
* بضحك طبعا عشان ما ح يشارك في مباراة القمة.
* فرحان ...مرق من (السدمبة).
* الشغيل قالوا قعد مع رادان وقال ليهو : انا خلوا لي (دي سوزا) براقبوا ليكم زي الما حصل حاجة ...كورة ما بخليهو يلمسها.
* صاحبكم ما عارف انو دي سوزا هسع بيلعب في نيجيريا.
* انت يا الشغيل ما عارف ناس الهلال بعملوها.
* ناس الهلال ديل ..اعادوا مباراة النيل ...غالبهم يعني يلعبوا دي سوزا في نيجيريا.
* انتوا عارفين لو وارغو بيلعب في الهلال ...كان هسع لو قريب بكون وين؟.
* كان علي افضل تقدير كدا ...لو جاملوه ناس الهلال كان سوف يلعبوه في جزر القمر.
* لكن وارغو عرفها والله مرقو ...لقي ناس المريخ ديل الي الان بحتفلوا بيهو عشان سجل هدف في الاتحاد.
* هسع دي عاوزة ليها قلع فانلة يا وارغو.
* لكن برضو ناس الهلال ديل بتوع ارهاب ... وبتوع جرجرة وكلام كتير.
* مباراة القمة باقي ليها 11 يوم في داعي يعني في التوقيت البائخ دا ..يغلبوا فريق مصري وفي الدرجة الممتازة خمسة.
* ناس امير دامر وموسي الزومة ديل ثبتوهم بي (سيكافا) ..جابوا ليهم (حمام) لا بنش لا بخربش ..عشان يثبتوا ...تقوموا انتوا يا ناس الهلال تخربوا اي شيء وتغلبوا خمسة.
* هسع الخمسة فرقها شنو من السبعة.
* قول ستة ونص ...برضو بتحرجوا اكرم سبعة.
* انتوا بتحبوا المشاكل ...رادان دا عاوز ليهو سبب.
* الزول دا بكرة او بعد بكرة ..او بعد خمسة ايام بالكتير ح يقولوا عندي ملاريا.
* يقوم يعمل شنو؟.
* يقوم يسافر المانيا ...تقول حبوب ملاريا هنا ما في.
* يقوم شنو تاني ...ذكروني.
* يقوم صلاح مشكلة يستلم الفريق.
* نحن السيناريوهات دي حافظنها حفظ.
* من زمن كروجر ...نحن بنشوف فيها.
* قالوا ليك رادان بعد ان عرف هيثم مصطفي سجل هدفين ..اتصل بي السفارة الالمانية.
* طبعا انتوا عاوزين تعرفوا اتصل بالسفارة ليه؟.
* ما واضحة دي ...ما عاوزة ليها درس عصر.
* اتصل بالسفارة الالمانية ...عشان يشوفوا ليهو حجز سري ... قال لو ما مرقتو الملاريا قبل المباراة ... ح يسافر بعد المباراة مباشرة ...بأول طيارة ماشية علي المانيا.
* قال لي ناس السفارة ...ان شاء الله تشوفوا لي قطر.
* المسكين ...بقي يعاني من حاجة اسمها (الجلجنة).
* الجلجنة دي مرض بتسببه نجيلة الهلال لخصوم الازرق.
* الجلجنة دي حاجة خطيرة شديد ... اكعب من الملاريا.
* طيب اقول ليكم حاجة ..بتعرفوا (السيجنة).
* السيجنة دي حمي بسببها السور...حمي الوادي البلجيكي.
* غايتو ناس الهلال ديل عندهم جنس حاجات.
* قالوا جابوا ليهم (سياج) من بلجيكا ..يضحك براه زي نار القصب.
* وقالوا كمان عندهم نجيلة ..وقت مهند الطاهر يقلب الهوبة بتعمل فرز الوان ...يعني ببقي فيها خمسة الوان.
* انت كمان ما تبالغ.
* نجيلة هي وإلا (الصرفة الاولي).
* خلاص يا الهلالاب ...عاوزين تخلوا اي حاجة وتقبلوا علي (الصرفة الاولي).
* صرفة اولي في البرد دا.
* في واحد قال وقت شاف اكرم الهادي سليم في مباراة المريخ الاخيرة اتذكر (البرد).
* يا اكرم لو ح تحرس شباك المريخ في مباراة القمة القادمة ..نوعدك ندخل المباراة لابسين فنايل السقط ...نعودك ندخل بي البطانيات.
* الظروف ما معروفة ...يمكن تجيب ليها مطرة.
* مطر في عينك.
* الموضوع دا عاوز ليهو صفحة.
* ننتظر كرت سادومبا يصل ونعمل (من الغلاف للغلاف).
* انتوا يا صلاح ادريس كرت سادومبا دي ح يجيكم بي (نجيلتو).
* النجيلة بقت (شجر) عديل كدا ... والكرت ما وصل.
* ملحوظة: انتظروا الحلو ..اقصد انتظروا الكرت.
هوامش
* هيثم مصطفي قالوا بقي كورة يصنع منها هدف ...وكورة يسجل بيها براه هدف.
* الطريقة دي بتعمل حول في (الركبة).
* اي حاجة نحن عندنا بي نظام.
* اها ياسفاري في مباراة القمة بترقبوا ..منو وإلا منو وإلا منو ..وإلا منو؟.
* سيدا وإلا مهند وإلا ايفوسا وإلا امبيلي وإلا كاريكا وإلا سادومبا.
* عاوزين ليكم لجنة مراقبة عديل.
* الموضوع دا صعب علي ناس امير دامر.
* وبيني وبينكم والكلام دا ما يطلع من العمود دا ...امير دامر بفك المراقبة.
* سفاري بنوم عديل كدا.
* بختكم يا ناس سا سا سا سادومبا.
* كابوندي خلي ليك الطرف الشمال في الهلال متل الفيلم الهندي.
* الباك قالوا يبلع في ريقو متل الزول العربيتو معطلة في نص الكوبري والعربات وراه تضرب في البوري.
* بوري وين في البرد دا.
* خلاص يا الهلالاب عاوزين تخلوا اي حاجة وتقبلوا علي (البوري).
* البوري مالو ..عيبوا لي بس.
* بصمة كامبوس ظهرت.
* بصم ما بصم... بصم ما بصم...بصم ما بصم.
* طبعا ناس المريخ الليلة ح يغالطوكم في بصمة كامبوس.
* بصمة كامبوس انتوا بتعرفوا ليها شنو؟.
* شوفوا كراسيكم كم؟.
* روني وكاريكا ...شافوا امبيلي وسادومبا دوروا زي الترتيب.
* ترتيب شنو كمان.
* المحيرني خليفة..قالوا شغال شغل صاح في الطرف اليمين.
* تلقوا موسي الزومة هسع شايل همّ من خليفة.
* قالوا ناس المريخ قرروا يراقبوا خليفة بي اربعة لاعبين.
* انتوا لو عملتوا كدا مع خليفة مع سادومبا تعملوا شنو؟.
* الامبلة كيف؟.
* سادومبا قالوا ما براقبوه ...عشان النتيجة في الحالتين واحدة ...اخير يراقبوا الزول الممكن يتقفل ليهم.
* بعدين دا منو دا القنعان من روحو دي.
* قلت ليكم سادومبا دا في الكور العالية بنطوا معاه سبعة بنزلوا اربعة.
* نفسي اعرف الثلاثة ديل بروحوا وين؟
* لو في حكم مفتح ..بيلغي المباراة.
* مباراة مين يا عم؟.
* الاخ الاستاذ عبداللطيف ضفاري (فليط) ...السلامة والعافية لوالدته التي نتمنى لها دوام الصحة.ونخصها بالذكر لأنها والدة لنا جميعا.
* ريتشارد الله يصبرو ساكت.
* انتظر ديسمبر.
* خبر عاجل: ديسمبر دا وقت يجي ..يمكن نجيلتنا تشيل (مانقه). |
المصدر .. http://goansport.net/article/id/20600
| |
|
|
|
|
|
|
| |
عمر الفاروق عبد الله الشيخ
abas
معتصم دفع الله
حبيب نورة
سيف الدولة كامل
محمد مصطفى
جمال السنوسي
عبده حماد ابراهيم
tmbis
abuguta
برير احمد إبراهيم
Abdlaziz Eisa
فيس بوك
تويتر
انستقرام
يوتيوب
بنتيريست