|
|
 طيارة ميد ان سودانMade in Saudan
|
ماقادر افهم كيف صنع السودانيين طيارة؟؟
سبب واحد يخلي هذا الشعب بهذا الجوع وهذا الضنك وهذا البلاء المتلاحق يسوي طيارة مافي..
ارجو ان يتكرم احد الاخوان بشرح فكرة هذا الاعلان..
هل المكنة بتاعة الطيارة ولفة الموتور والسلك صناعة من خامات سودانية وايدي سودانية؟؟
هل الاندكيترات (المؤشرات) داخل الكابينة شوكتها مخروطة في مخرط سوداني ؟؟
هل الفيوزات بتاعة اللمبات الحمر وقزاز اللمبات مصنوعة فيالسودان
هل دي طيارة سودانية رسما وتصميما وخامة ولا ساي عدة ولموها وتمو الباقي كواريك وغنا واعلام كالعادة..
هل انحنا اتطورنا وبلغنا اطراف المجد..
ام اننا وصلنا حد الكضب وبلغنا ثريا الوهم ؟؟
|
|
 
|
|
|
|
|
|
|
|
Re: طيارة ميد ان سودانMade in Saudan (Re: DKEEN)
|
دكين سلام ،،
Quote: هل انحنا اتطورنا وبلغنا اطراف المجد..
ام اننا وصلنا حد الكضب وبلغنا ثريا الوهم ؟؟ |
كضب ووهم بس ،،
بس دي ما المشكله...
المشكله في العالم البتصدق الوهم دا!!
ـــــــــ
أصنعوا إبره ياخ،
قال طيارة قال .
| |
|
|
|
|
|
|
|
|
|
Re: طيارة ميد ان سودانMade in Saudan (Re: نادية عثمان)
|
نادية
انبانسي برو.. إر سى ؟؟
خارجية انتي ياحبة.. دي قالو طيارة تدريب..
مسالة مشرفة انو يكون في شغل زي ده ..بس هل هذه واحدنة من حقايق الانقاذ ام ان الامر حقيقة؟؟
حقو تعملي لينا لقاء مع بتاع الصافات ده ..
عسى تسقط اوراق التوت عند وجهك الجميل..
| |
|
|
|
|
|
|
|
|
|
Re: طيارة ميد ان سودانMade in Saudan (Re: doma)
|
Quote: لا حولا دي الطيار ؟؟؟!!
اسمعك ولا اراك البقولوها |
غايتو قالو سفريات مباشرة بالصافات الخرطوم بكينج .. اها لما تجي مارة حاقيف انا فوق في برجنا الاعلي في العالم وحانزلك ...انتي بس تاوقي من الدريشة (الشباك يعني ! ) وحتشوفيني بترياكي ....
| |
|
|
|
|
|
|
|
|
|
Re: طيارة ميد ان سودانMade in Saudan (Re: بشير حسـن بشـير)
|
بشير ازيك ..
انجهونا انجهونا..
ـــــــــــــــــــــــــــ
من دواعي سرورنا ان ندخل هذا العالم..
على الاقل نكتفي من طيارات رش المحاصيل..
بس السؤال ..اهو دجل جديد وخم اعلامي ام ان ثمة محرك (ميد ان سودان) مربوط داخل هذه الصافات الابابيل..
| |
|
|
|
|
|
|
|
|
|
Re: طيارة ميد ان سودانMade in Saudan (Re: awad okasha)
|
اود اكاشا..
لاحظ معاك بلاي لي سلك الفرملة ..
رقشة بعيد عنك..
الاتوجد جهة محددة في هذا العالم تحدد معيار للحديد الذي يطير في سماوات الانسانية؟؟
تعرف قناعة راسخة انو السوداني ماعندو اخلاق لي قصة طويلة زي طيارة وبتاع دي..
مسالة انو يصبر عشان يقفل ليهو فجة مربعة او مستطيلة او يعمل ليها فنشنق ظابت ..دي مستحيلة على فني سوداني
حسب قراءات بن خلدون ومسائل الشمس وخط الاستواء وعلاقات الابداع وسرعةالريح ..
قصة الابداع في خط الطول والعرض الذي تقع الخرطوم فيه دي مسالة ليست بالامكان
زد على ذلك من عندي انا وليس بن خلدون ..
الشعب الذي يشخصن المسائل مع اول نهرة في ملف..
يستحيل ينجز عمل خالي من لمسات شخصية غير موضوعية..
انا اؤمن بانو هذا الشعب خلق للزراعة والعمل المكتبي والغناء واعمال مكافحة الشغب..
دمتا رايق يا عكش
| |
|
|
|
|
|
|
|
|
|
Re: طيارة ميد ان سودانMade in Saudan (Re: doma)
|
دومة
هي من ناحية جروبها جربوها وطارت..
بس نفسي اعرف هل المحرك الذي ارتفع بهذه الطائرة من الارض منجور في السودان؟؟
ام ان مفهوم الصناعة في السودان هو الصندقة الكانت بتتعمل في ورشة رجب مرسال في بورسودان؟؟
| |
|
|
|
|
|
|
|
|
|
Re: طيارة ميد ان سودانMade in Saudan (Re: DKEEN)
|
Quote: ارجو ان يتكرم احد الاخوان بشرح فكرة هذا الاعلان..
|
غايتو قبيل شايفنها بتجري وبتقوم سداري واي حاجة..
لغاية ما انتهي العرض قلوبنا في ايدينا من صواتتا فوق روسينا
غايتو الحمدلله ..بلا وانجلا موقتا..
| |
|
|
|
|
|
|
|
|
|
Re: طيارة ميد ان سودانMade in Saudan (Re: DKEEN)
|
*
*
دكين ســــــلام كتير ليك من الرياض ،،،،،
شوف يا رطاني ..... الطيارة الأولي دهـ (العينة) الدقو ليها الدلوكة الحارة الإنتي شايفها اليومين ديل ..... دهـ جابوها جاهزة مشحونة داخل طيارة شحن كبيرة من دولة الإستكبار التي دنا عذابها (روسيا) . أما الباقي والذي سيصنع مستقبلا فهو سيكون تجميع .... كماهو حاصل في سيارات جياد . عندك كلام تاني فقد (صنع في السودان) .
لك ودي ،،،،،،
| |
|
|
|
|
|
|
|
|
|
Re: طيارة ميد ان سودانMade in Saudan (Re: السيد المسلمي)
|
المسلمي
مساء الخير
طبعا كتابة مساء الخير في عالم مامعروف بتقل وبتفتح متين مجرد تجميل..
المهم
اعتقدانو انحنا صنعنا فعلا ابرة ..
بعض الصناعات نجحت في السودان ..
صناعة الاسلحة الخفيفة في اليرموك وصناعة الفخار في جهات ابروف وصناعة الخيش ودباغة الجلود..
انا في الطيارة الطارت دي..
| |
|
|
|
|
|
|
|
|
|
Re: طيارة ميد ان سودانMade in Saudan (Re: DKEEN)
|
Quote: عبد اللطيف
هي طارت وركت ..لله الحمد على ذلك..
بس ياخي سؤالي هل هي فعلا عدة من انجاز اولاد البلد ولا خمة ورص حديد؟؟ |
تفتكر يا دكين ، نحن عندنا ، مصانع لانتاج وسائل الانتاج ؟!
ولو عندنا ، جبناها من وين ؟!
دا سعال تعسفي ساكت !
| |
|
|
|
|
|
|
|
|
|
Re: طيارة ميد ان سودانMade in Saudan (Re: DKEEN)
|
تعرف قناعة راسخة انو السوداني ماعندو اخلاق لي قصة طويلة زي طيارة وبتاع دي..
لااقدح في مهاراتم ..بس شكل المناخ وطبيعة الجو في خط الطول والعرض الفيهو الخرطوم ضد
اي مجهود غير مجهود Just to be above the water
مسائل التفكير الابداعي والجلوس طويلا امام هكيل حديدي لوضع تصورات جمالية لمنحنياته وقراءات سرعة احتكاك الريح
بزوايا الاجنحة..
او مسالة عمل حساب لاصطدام الحدي والحمام والكلاب الطائرة بي سلك فرملة معروض في الهواءالطلق..
دي كلها مسائل ثانوية تقع عند السوداني بعد السخانة وكهربةالبيت والوفيات المارفع الفاتحة فيها وعيش العيال..
نحنا شعب طبيعتنا الاجتماعية ضد اي انجاز غير انجاز القبيلة..
حسب قراءات بن خلدون ومسائل الشمس وخط الاستواء وعلاقات الابداع وسرعةالريح ..
قصة الابداع في خط الطول والعرض الذي تقع الخرطوم فيه دي مسالة ليست بالامكان
زد على ذلك من عندي انا وليس بن خلدون ..
ان امة غالب شعبها ُيشخصن المسائل مع اول نهرة في ملف..
يستحيل ان تنجز عمل خالي من لمسات شخصية غير موضوعية..
انا اؤمن بانو هذا الشعب خلق
للزراعة والعمل المكتبي والرقص واعمال مكافحة الشغب واحترام النساء..
| |
|
|
|
|
|
|
|
|
|
Re: طيارة ميد ان سودانMade in Saudan (Re: DKEEN)
|
| Quote: لوووووووول غايتوا طيارتهم دي الا اول شئ يجربها عمر البشير وجماعته |
من سؤ حظنا ياماما دومة اننا محاصرين في مناطقنا السكنيه بكل المناطق العسكريه الموجوده في السودان
ومن اكثر المناطق لينا قربا الكليه الحربيه السودانيه والقاعده الجويه السودانيه
حتي مصنع صافات الجديد دا عملوهو قريب لينا - والحمد لله علي كل شي
طبعا اي تدريب وتجريب للطائرات الحربيه بكون فوق بيوتنا ورؤوسنا مباشره
اها الليله العصر قاااعد في البيت وبتغداء في امانة الله .. عليك امان الله الغداء طار لي في راسي
اسمع ليك دوووو شوووو والطيارات جات تطاقش من فوق لي ... يا النبي نوح
شلت لي كرسي وقعدت برا وقلت لناس البيت خليكم استان باي .. المره دي فيها حديد سوداني
دكين سلامات
بعد جربوها وطارت ... وما وقعت ... قطع شك ما سودانيه خالصه
مجمعه من برا حديد وخبراء
| |
|
|
|
|
|
|
|
|
 Re: طيارة ميد ان سودانMade in Saudan (Re: DKEEN)
|
القارئي الكريم
لعنايةالسيد دكين
الإحترام والسلام
شكراً جزيلاً لهمك بتجويد وعلو الصناعة في السودان وللوقت والجهد الذي بذلته في طرح هذا الموضوع في هذا البوست وغيره
أسمح لي بإختلاف قليل مع بعض النقاط في إنتقادك وآخرين لكثير من الأخطاء في هذا المشروع:
أولاً : أؤكد على حقيقة ما أشرتم إليه في أهمية تخطيط الإقتصاد والتنمية ككل في السودان فلا نجاح لصناعةأو زراعة في بلد خراب .
ثانياًً: الشكل الدعائي السياسي للمشروع شكل موجب دون سب أو قذف أو قمع بل بيان بالعمل وفي ذلك فليتنافس المتنافسون.
ثالثاً: رغم كل آليات الإستغلال والتهميش والفوضى الضاربة في الدولة فلا شك إن إقلاع هذه الصناعة يسهم في تخفيف قيمة الواردات
وتصنيع ما أمكن منها في داخل السودان .
رابعاً: في القرن الواحدوعشرين مع توفر الموارد البشرية والمادية المناسبة صار بإمكان السودان الدخول إلى صناعة الطائرات التي بدأت في العالم في القرن التاسع عشر. وفي التاريخ كان النوبيين وأهرامتهم وحسابهم أضلاعها وزواياهاالحادة والقائمة بمواقع النجوم وميل المياه هم رواد الحساب الذي أسرع حركة الإنسان ورفع شأنه.
خامساً: بعض إصلاحات وعمرات الطائرات كانت تتم بقدرات سودانية تتطور خبراتها وليس من الحكمة إهمالها أو إهدارها رغم الإجحاف والظلم والفصل العسفي الذي أحاقته سلطة الجبهة الإسلامية بكثير من كفاءات الطيران وحرفه ومهنه في السودان.
سادساً: الكوادر السودانية ذات التعليم الهندسي الروسي واليوغسلافي والبريطاني والعراقي والهندي والأمريكي يمكنها التعاون مع مؤسسات هندسة وصناعة الطائرات في أنحاء العالم للرقي بأعمالها.
خلاصة قولي: إن دعم هذا المشروع بالإنتقاد والإجتهاد في تنميته مسألة مفيدة في تقدم صناعة الطائرات داخل السودان.
ولك التقدير
والسلام
| |
|
|
|
|
|
|
|
|
|
Re: طيارة ميد ان سودانMade in Saudan (Re: Al-Mansour Jaafar)
|
غايتو الضرب الطيارة دى بوهية أكيد نقاش!
مفروض يسموها التونسية!
والفاينال ديستينيشن امات طه!
غا يتو الا يبيعوها سيميوليتر للتدريب
او يقطعوها سواطير وسكاكين وطشاتة واباريق لزوم الضحية!
والعجيب انها طيارة عسكرية يعنى الطياركابتن بدرجة شهيد شارته مقص (عظمين وجمجمة) وشعاره بيدى لا بيد عمرو!
ايتو الباب حقها تلقاهو مقفول بى طبلة وجنزير ويمكن طوق عجلة!
وما حتاتاج لى مدرج لانها حتعرج بى لستك واحد والعرجا لى مراحها!
لكن السمسار دا باع ليهم الترام!
غايتو كان فى زول قدم للكلية الحربية السنة دى لومونى!
غايتو الطيارة دى الا يختوها فى الملاهى بتاعة المقرن او يعملوها جوائز فى برنامج جراب الحاوى
والله دى مسخرة حقوا يجربوها بى ود الباوقة والزوادة على حنوط وتلاتة امتار دبلان!
جنى
| |
|
|
|
|
|
|
|
|
|
Re: طيارة ميد ان سودانMade in Saudan (Re: سيف اليزل جعفر عبد الرحمن)
|
Quote: خارجية ... للخروج من الدنيا
و
داخلية ... لــداخل القبر |
الاخ سيف اليزل..
قطعت مصاريني بالضحك...
فعلا من شر البلية مايضحك.
الاخ دكين...
عندما تتكلم هكذا يعتقد الكيزان أنك تبخس بضاعتهم..وكأننا لا ندانيهم وطنية..
لن تدع الجبهة"" الفلهمة العورة""..حتي تلحس بها عقول الغافلين..
تنمية ""الوجاهات"" و"" الاسطح""..وفي النهاية وباقتراب الانتخابات""المزورة مسبقا"" جابت
ليها""هوائيات""...وملصقات ..قال..Made in Sudan
وتقدر تفتح خشمك بكلمة ولا سؤال تبقى حاقد وحاسد..
وماعارفين انه اي فاقد مصداقية مارس ويظل يمارس الكذب على الناس يظل تحت رحمة
التكذيب..
| |
|
|
|
|
|
|
|
|
|
Re: طيارة ميد ان سودانMade in Saudan (Re: Omayma Alfargony)
|
يا دكين ما تحرق دمك ساكت
الطيارة دى تجميع بايدى سودانية باشراف خبراء روس وصينيين يعنى الحكاية بس فى الكاتلوج طيارة شنو البيصنعوها السودانيين
زى مصنع جياد هو عبارة عن مصنع تركيب للعربات ولا يوجد اى تصنيع انا شخصيا قمت بزيارة لمصنع جياد فى السودان ولفيت فيهو كل الهناقر هو عبارة عن مصنع تجميع للأليات فقط باشراف اجنبى والفنيين سودانيين
اعتقد انه الدولة فى الأول تهتم بترقية التعليم والصحة وجيوب المواطنيين بعد داك ممكن يهتفوا
الرد الرد صافات والسد بالرغم من انه ما شفنا من السد اى حاجة الى اليوم حتى تخفيض الكهرباء طلع كلام وهم
| |
|
|
|
|
|
|
|
|
 Re: طيارة ميد ان سودانMade in Saudan (Re: Omayma Alfargony)
|
دكين العريس,,| Quote: بس نفسي اعرف هل المحرك الذي ارتفع بهذه الطائرة من الارض منجور في السودان؟؟ |
يا دكين هل حدث يوما لقيت ليك (عجلة) متدردقة فى شارع قالوا ليك دى مصنوعة فى السودان!!!! عجلة بدون محرك !!
تصنيع هيكل بهذا الشكل البدائى جدا جدا يمكن إنجازه داخل ورشة مبتدئين فى المنطقة الصناعية الخرطوم فذلك ليس صعبا ولكن قصة المحرك دى يا صاحب حا تبقى المعضلة الكبيرة إلا إذا قرروا يعدلو ليها طرمبة ليستر أو مكنة لادا قديمة,,,
تقول لى إنديكاتور!!!!
| |
|
|
|
|
|
|
|
|
|
Re: طيارة ميد ان سودانMade in Saudan (Re: أيمن الطيب)
|
| Quote: واعمال مكافحة الشغب. |
ايوه و الله .. يدقوك لمن تقول شكرا ..
و رغم عملهم المناقض لاتفاقيات حقوق الانسان و اتفاقيات الزول الاسمو سايكس بيكو داك ..
لكن و الله يعجبوك ..
علي الحرام ديل يوم وقعوا ليك بواحد الخور .. طلعوا ليهو الفلايت الفي ضهره كلها .. !!
| |
|
|
|
|
|
|
|
|
|
Re: طيارة ميد ان سودانMade in Saudan (Re: أيمن الطيب)
|
دكين يا حبيب ..
باقيلك سواء إن كانت الطيارة دي محركها جابوهو من بره وركبوه في السودان ,,
واللا نجروه في السودان ..تفرق كتير ؟؟
هي بتفرق بس ما كتير...
واللا شنو؟؟
يا أخوانا نحن حتى وكت قريب ما قادرين نصنع فانوس ..
واللا إبريق ..
واللا طورية ...
يقوموا الناس ديل يصنعوا ليهم طيارة وتطير فرررررررررررررررر كده ..
وعايزين الحكاية دي ما تعجبنا ؟؟
والله لو جابوها جاااااااااااااهزة وركبوا ليهابس المرايات والبوري ...
ونفخوا ليها لساتكها في البنشر الفي لفة الكلاكلة ..
يكونوا ما قصروا ...
دحين إنت بي صحك يا دكين ؟؟؟
بسسسسسسسسم الله
| |
|
|
|
|
|
|
|
|
|
Re: طيارة ميد ان سودانMade in Saudan (Re: محمد حسن العمدة)
|
الاخ دكين
تحياتي
مالك عاوز تحرم نفسك الفرح والسرور
يا دكين دي صناعة
والصناعة تبدأ تجميع ترميم المهم في النهاية تكون عندك بصمة في الانتاج
والان شركة البوينغ تأتي بالمحرك من شركة اخري
وشركات سوني وتويوتا وباناسونك
تجمع خارج اليابان
ونحن نجمع سيارات الهونداي في جياد
هذه بدايات
عليك ان تفرح بها لانها من داخل السودان
وهي دافع قوي للاستمرار والنجاح
تحياتي والف مبروك
| |
|
|
|
|
|
|
|
|
|
Re: طيارة ميد ان سودانMade in Saudan (Re: علي الكرار هاشم)
|
ياكرار
ماتفهمني بصورة جماعية يا اخوي..
اسعد كما سعد ويسعد الكثيرين بنجاح ابناء السودان
واحبط كت احبط ويحبط كثير منا حين يرى خمة الخلايق دي في اعلان غير صادق ولم يتحرى في عرضه سوى مصالح وخم ..
فى المحمول الثقافي السوداني العام مفردة تصنيع تختلف عن تجميع
التصنيع هوتحويل الخامة الى مادة/مواد اولية قابلةللتشكيل ومن ثم استخدامها لاغراض مفيدة..
التركيب لايعدو عن كونه تجميع لمواد مصنعة وهيكلتها..
يعني ابشرك نحنا دخلنا المجال ده في سنة كم وسبعين مع صعود نجم ورشة اخونارجب مرسال في بورسودان..
وكانت جميع صناديق باصات كوستي ودنقلا تشهد ..
والحقيقة الواحد مابزعل من دجل (هؤلاء الناس) الذي استعارو شعارا ليوم طيرانهم عبارة الراحل الطيب صالح فقالو( نحو افق بعيد)..
فانظرو كيف تتسلق اكاذبيهم آفاق الاخرين وتنسخ معاني الكلام..
الزعلة ليست في ماسعو اليه منخم اعلامي فهذا ديندنهم ..
الزعلة في هذا الشعب الذي لايزال ينخم..
الذي ينطط في كل محفلِ تضرب فيه الدلاليك وينقز..
هذا الشعب الراقص البائس الجائع الذي لايدري من امره وحقة سوى الاستسلام في بؤسه وحركات البوليس..
هذا الشعب الذي لايزال فيه من يظن ان الحق يمكن ان يخرج من وراء الباطل..
ان الحقوق التي تنبني على هذه الاباطيل وان نجحت فقد اضاعت حقوقا اخرى مالها من محصي ولا معيد..
ومالو ياخي احب ان يقال عن بلادي انها تجمع طائرات
التجميع برضو مابطال..
ايها الناس
تحرو الصدق وتوسمو فينا بعض الذكاء والفهم..
ياخي صحي معطو ريش افكارنا ..بس كمان نحنا ناس خريجين..
بنفرز..
و
| |
|
|
|
|
|
|
|
|
|
Re: طيارة ميد ان سودانMade in Saudan (Re: DKEEN)
|
| Quote: انا بصراحة زول مقلق ومابقدر اواصل قعاد في حتة واحدة.. |
هذا قلق محمود رغم انه يضر الصحه النفسيه ولكنه يقي الصحه البدنيه من بعض اشكال
اخشي ان يكون عدم جلوسك لفترات طويله نتاج جلسات طويله فيما سبق من عمرك المديد
اوصيك واوصي نفسي بعدم الجلوس طويلا ولنا في واحد اخونا كده عبره وموعظه
| |
|
|
|
|
|
|
| |
doma
awad okasha
بشير حسـن بشـير
abubakr
عبداللطيف حسن علي
نوفل عبد الرحيم حسن
jini
سيف اليزل جعفر عبد الرحمن
Omayma Alfargony
مصطفى توفيق
أيمن الطيب
humida
علي الكرار هاشم
فيس بوك
تويتر
انستقرام
يوتيوب
بنتيريست