|
|
 باقي اسبوعين
|
وتنطلق مباريات دوري التمانية
في بطولة افريقيا الكبري للاندية
|
|
 
|
|
|
|
|
|
|
|
Re: باقي اسبوعين (Re: khaleel)
|
نتائج المريخ في دوري التمانية كالاتي
سيفوز بكل المياريات في استاده
وله تعادل مع كانو بيلارس خارج الديار
وسيجمع عشرة نقاط ويتصدر المجموعة
| |
|
|
|
|
|
|
|
|
|
Re: باقي اسبوعين (Re: haroon diyab)
|
Quote: haroon diyab
تاريخ التسجيل: 20-06-2007
مجموع المشاركات: 10034
Re: باقي اسبوعين (Re: khaleel)
ياود ياخطير انت....!!!!
اصحيح بسيييييييييييييط
المريخ سيجمع 13 نقطة
|
للحفظ والتوثيق.. والحساب..
| |
|
|
|
|
|
|
|
|
|
Re: باقي اسبوعين (Re: khaleel)
|
بعد المستوي المتواضع
لدفاع المريخ في مباراة الامس امام ماثاري
متوقع جدا ان يحرز هجوم الهلال اهدافا في مرمي المريخ في البطولة الكبري
| |
|
|
|
|
|
|
|
|
|
Re: باقي اسبوعين (Re: ناجية مصطفى)
|
هلا بالست ناجية مصطفي
التشكيلة المثالية للهلال لمباريات الخارج
معز
مساوي ديمبا اسامة النعاون سامي عبد الله كابوندي للدفاع
اربعة في الوسط
حمودة علاء عمر بخيت هيثم مصطفي
مهاجم واحد امبيلي
| |
|
|
|
|
|
|
|
|
|
Re: باقي اسبوعين (Re: khaleel)
|
خمسة اربعة واحد للخارج وللداخل 442
التشكيلة
مساوي التعاون ديمبا كابوندي
وسط مهند هيثم علاء عمر
امبيلي كاريكا هجوما
| |
|
|
|
|
|
|
|
|
|
Re: باقي اسبوعين (Re: khaleel)
|
والله يا خليل اخوي ..
بعد ما شفنا قسطنطين بتاعك مع المنتخب الوطني
تأكد لنا بأن توقعاتك كلها (فشنك) !!
نتمناه نهائي أفريقي بطعم سوداني خالص
| |
|
|
|
|
|
|
|
|
|
Re: باقي اسبوعين (Re: haroon diyab)
|
Quote: ياخليل كدي نقي لي اي حداشر من هنا
وبل راسك وتعال....الحلاقة السنة دي
بالموس السنيييييييييييييييييين
|
هارون
ان اراد المريخ الفوز علي الهلال في المباراة الاولي
عليه اشراك الشغيل في الوسط لمراقبة هيثم مصطفي مع لاسانا
وعليه اللعب بهيثم طمبل في الهجوم لانه مرزق في مباريات الهلال مع كليتشي بدلا عن ايداهور
| |
|
|
|
|
|
|
|
|
|
Re: باقي اسبوعين (Re: عبود عبد الرحيم)
|
Quote: بعد ما شفنا قسطنطين بتاعك مع المنتخب الوطني
تأكد لنا بأن توقعاتك كلها (فشنك) !! |
عبود صاحبي
وحاة الله امبارح حضرت مباراة مصر ورواندا وكانها مسجلة
وتنبات بفوز مصر تلاتة صفر
النهائي سوداني فقط في خيالنا
ولكن الكاس شكلها تونسية
| |
|
|
|
|
|
|
|
|
|
Re: باقي اسبوعين (Re: khaleel)
|
شوفو البرنس
اختير كابتن منتخبنا القومي و لاعب الهلال هيثم مصطفي ضمن أفضل خمسة لاعبي وسط في الوطن العربي و ذلك في استفتاءاجراه موقع (قول)
العالمي المتخصص في كرة القدم و الذى يصدر بعدة لغات حيث طرحت النسخه العربيه استفتاءً علي القراء باختيار أفضل لاعب و سط عربي عن طريق الترشيح و شارك في الاستفتاء الذى اعلنت نتائجه أمس الجمعه 7325 شخصا وجاء الأردني رأفت علي لاعب فريق الوحدات في المركز الاول بنسبة 30٪ تلاه السعودي محمد نور لاعب فريق الاتحاد بنسبة 29٪ و حل المصري محمد أبوتريكه ثالثا بنسبه 27٪ ثم جاء هيثم مصطفي في المركز الرابع بنسبة 5٪ و اخيرا الجزائري كريم زياني لاعب فولسبورغ بطل الدوري الألماني في المركز الخامس بنسبة 4٪. فيما توزعت النسبه الباقيه علي العديد من اللاعبين ووضع الموقع ضوابط مشدده لعملية التصويت أهمها عدم احتساب الصوت في حال التصويت اكثر من مره من جهاز واحد وفي حال تكرار الصوت خلال نفس اليوم .و ذكر الموقع أنه بصدد تنظيم حملات تصويت جديده لاختيار أفضل اللاعبين في جميع المراكز في الوطن العربي.
| |
|
|
|
|
|
|
|
|
|
Re: باقي اسبوعين (Re: khaleel)
|
خطف نجم وسط الهلال سيف مساوي نجومية مباراة فريقه امام المقاولون العرب امس وقدم مستوي فنيا رفيعا ولفت الانظار .. وكانت حركته في الملعب نشطة الامر الذي جعل الجمهور يصفق له طويلا عند خروجه من الملعب ..
اشتباك جماهيري بسبب البرنس
شهدت تجربة الهلال امام المقاولون العرب العديد من الاشكالات والمشادات الجماهيرية حيث قام بعض المشجعين بالهتاف ضد هيثم مصطفي الشئ الذي اغضب اللاعب وعدد كبير من جماهير الهلال التي حاولت ان ترد بعنف علي هذه الفئة التي ظلت تترصد اللاعب بالخرطوم وخارج الخرطوم
| |
|
|
|
|
|
|
|
|
|
Re: باقي اسبوعين (Re: khaleel)
|
يعود الهلال للبلاد اليوم لمعانقة جماهيره عن قرب بعد طول غياب ومعسكر ناجح في مدينة الانتاج الاعلامي، اختتمه بالامس بالتعادل الايجابي ١/١ مع المقاولين العرب.. تقدم المقاولين مع بداية الشوط الثاني وعادل الهلال عن طريق كاريكا.. وحسب الرسالة المباشرة لموفدنا كبوتش فان الهلال لعب مباراة كبيرة وحتى يقف جمهور الهلال على الموقف فان المدرب وضح بانه وصل لتشكيلة اقرب للنهائية وتتكون من المعز محجوب، ديمبا وسامي وسط دفاع، خليفة وكابوندي اطراف ورباعي وسط عمر بخيت، مساوي، مهند وهيثم مصطفى وفي الهجوم امبيلي وكاريكا.. وهي التشكيلة التي بدأت المباراة حتى التعادل ١/١، وكان مهند سجل هدفاً نقضه حكم المباراة، وبعدها تم ادخال سادومبا واحمد عادل بديلين لمهند الطاهر وكاريكا وبعد توالي التبديلات حتى تم استبدال جميع اللاعبين بما فيهم حارس المرمى المعز وتأثر الاداء بهذه التبديلات.
* وفي النهاية فان طريقة المدرب وفهمه التدريبي قد احدث تحولاً كبيراً في طريقة اللعب الهلالي.. والاهم من كل ذلك البدائل العديدة الموجودة في كشف الفريق سواء في الدفاع او الوسط او الهجوم.
* وقد بشر بالامس رئيس الهلال باكمال كل التفاصيل الدقيقة وانهاء كل الاشكالات المتعلقة بعدم وصول كرت اللاعب سادومبا مؤكداً بان اللاعب لن يسافر وسيصل الكرت خلال الـ ٨٤ ساعة القادمة ويتم
| |
|
|
|
|
|
|
|
|
|
Re: باقي اسبوعين (Re: khaleel)
|
في كل يوم تثبت لنا بطولة سيكافا بانها مفصلة علي المريخ، وفي كل يوم يتاكد لنا مليون سبب وسبب لعدم مشاركة الهلال.
* لا يهم المريخاب العرض او الاداء وانما الاهم في النهاية الوصول للنهائى والفوز بالكاس، ولا ادري لماذا لم يقدم الكاس للمريخ بعد مهزلة الامس، والتي كان ابطالها اللاعبين، الحكام، اللجنة المنظمة والجمهور!!!
* والحق يقال انني لم اجد افضل من كلمات في رسالة الاخ عبد الخالق عمر الامين من جامعة الخرطوم لتكون مدخلا لحديثي والتي يقول فيها:
ناس يطيروهم بالترجيحية وناس يطيروهم بالاشواط الاضافية وده دافوري مية المية.
* والحق يقال انه ومهما كانت المبررات فانه لا يعقل ان يكون لكل مرحلة شروطها وقواعدها الخاصة، امس الاول حسمت احدي مباراتي ربع النهائي بالركلات من نقطة الجزاء مباشرة وبالامس في نصف النهائى تم حسم لقاء المريخ ومازيمبي بشوطين اضافيين!
* نعود للمباراة ونقول ان كرة مابوتو التي ارتدت من العارضة كانت بمثابة جرس الانذار للمريخاب، ولكنها لم تحرك في اللاعبين فكان التوهان وكانت السيطرة لمازيمبي وكان الهدف المبكر في ربع الساعة الاولي والفريق يحرق اعصاب الجماهير حتي انهي الحكم هذا الشوط ولا ندري ماذا حدث بين الشوطين. فجاء مغايرا من حيث تحرك لاعبي المريخ وضغطهم.
* او من ناحية التحكيم فبعد هدف تعادل المريخ قام بطرد حارس المرمي ليلعب الفريق ناقصا وهكذا حتي نهاية المباراة اكثر من ٥٧ دقيقة تقريبا ورغم ذلك عذب المريخ جماهيره، فكانت صيحات الاستنكار وكان قذف الملعب بالقوارير واصيب مساعد الحكم وحتي بعد المباراة كان حكم الجماهير وعدم رضائها بالاداء والفوز الخالي من اي طعم وكذلك اللاعبين والبعض يحاول الاعتداء علي لاعبي مازيمبي.
* الدورة خدمت مازيمبي واعدته اعدادا طيبا واهلته ليتعامل مع كل الظروف والجماهير والضغط والتحكيم في البطولة الافريقية ولا اعتقد بان المريخ نال فائدة فنية سوي انه خسر قائده العجب وان البطولة كشفته ولا اعتقد بان هناك مجالا للتصحيح ويكفي انه اشرك الطرف الايمن بله جابر مضطرا وهو الذي لن يلعب اولي مباريات المريخ الافريقية. في مواجهة الهلال.
* اعتقد ان سيكافا انتهت بلقاء الامس لان النهائى لن يعدو كونه كلاكيت تاني مرة بحكم ان الفريقين واجههما المريخ في (التمهيدي).
سييء كافأ:
* عثمان حسن صديق من اللاماب ناصر يقول سمعنا بانه لا اشواط اضافية في بطولة الارانب فماذا حدث؟؟!
* سيد البلد سرقوها،
الزعيم استلموها
الوصيف لاكوها
باي باي ترجي كمان حرفوها
* ويتفق د سلمان الكوارتي مع ذلك الراي وترديد هتاف خاص بالاهلة.
* الاخ محمد ابراهيم احمد.. جبرة الشيخ يرسل اشادته بالصحفي الاحمر الاستاذ علم الدين هاشم لما تمتاز به كتاباته من نقد بناء وهادف بعيدا عن الانتماءات الضيقة والتعصب الاعمي.
* سيف من الحلة الجديدة يتحدث عن دورة سيكافا المتأرجحة ويقول:
كان يسموها (مريخافا)!!
* محمد الجيلاني من العيلفون يقول: عرفنا كاس القارات، لكن اول مرة نسمع بكاس الفارات. بطولة كل يوم بلوائح جديدة.
* احمد ابراهيم من جياد يقول:
اصلو ذبح القانون
عندهم من زمن سيمبا
كيف تحسم امس الاول بالترجيحية وتحسم امس بالاشواط الاضافية.
* حسنا فعل الهلال ولم يشارك في المهزلة.
* خالد السماني الشريف من القضارف يقول الكورة دي لو ما المريخ غلب كان الي الان شغالة.
لحن الختام
* الرعب الهلالي قبل لقاء ٨١ يوليو سيطر علي المريخاب ولم يبثوا لقاء سيكافا المريخ مازيمبي خاصة بعد ان قلنا بان كامبوس سيصطاد عصفورين بحجر واحد!!
* المريخ ما محتاج لاي نبلة!!!!
* حسنا الغيت تجربة الهلال مع جونة، خاصة بعد ان علمنا ان كامبوس كان سيخوضها بالصف الثاني.
* وما فائدة التجربة ونحن علي مرمي حجر من لقاء القمة، وماذا كان الشعور والموقف والهلال يواجه فريقا شرسا وصاعدا حديثا للممتاز ويضم نجوما ومشاهير من الممتاز المصري، ماذا كان سيحدث لو تكررت نتيجة النسور، جماهير الهلال تعرف طريقا واحدا ... الانتصارات ولا شيء غيرها.
وهذا المدرب كلموه، فهموه.
* لا ادري ماذا يزعج الهلالاب وتاخر وصول كرت سادومبا فآخر يوم لارسال الاسماء واعتمادها بالكاف يوم 10 اغسطس القادم وحتي لو تاخر الكرت ولم يرسله الاتحاد الجنوب افريقي في المدة المحددة فالاتحاد السوداني سيعتمد اللاعب ويرفع اوراقه للكاف!!؟؟ فما هي المشكلة؟؟
* وكما قال الارباب من خلال تصريحاته المنشورة بالداخل فان سادومبا سيشارك في لقاء القمة!!!!
* بالمناسبة امبيلي سبق وان مزق شباك المريخ، وسبق ان وصل لشباك خصومه من الافارقة من داخل استاد المريخ!!!
* لماذا هرب رادان من المؤتمر الصحفي ولم يواجه الصحفيين!!؟؟
* بالمناسبة مدرب مازيمبي رفض المؤتمر الصحفي وقال بان هذه ليست كرة قدم!
* من غير مسار جائزة نجم المباراة بعد اعلانها من قبل اللجنة المختصة في لقاء الامس؟؟
* اليوم اتراكو في مواجهة ماثاري، بالمناسبة المريخ فاز علي اتراكو بالستة!! وتغلب علي ماثاري بصعوبة من راس القائد الغائب العجب!! هل طريق الفوز ممهد اليوم امام ماثاري الذي تراس بعثته باتريسا المراة التي اطاحت بحامل اللقب!! تري وماذا سيفعل المريخ معه من جديد في النهائى اذا تاهل!!! ؟؟ فقط الجديد في فريق اتراكو انضمام رباعي المنتخب بعد لقاء مصر حيث لم يشاركوا في مهزلة الافتتاح بالستة!!
| |
|
|
|
|
|
|
|
|
|
Re: باقي اسبوعين (Re: khaleel)
|
غياب بلة جابر سيجعل هناك فراغا كبيرا
في دفاع المريخ ووسطه
اذا رجع قلق للطرف الايمن مشكلة واذا لعب الباشا في الطرف الايمن مشكلتين
| |
|
|
|
|
|
|
|
|
|
Re: باقي اسبوعين (Re: khaleel)
|
خليل ، فرحتني الله يفرحك ، قلتي لي الهلال مهزوم ، الله
يفرحك انت وشياطينك ،،
اللهم اجعل شياطين خليل تتنبأ بكل مباريات الهلال علي هذا الشكل يارب
| |
|
|
|
|
|
|
|
|
|
Re: باقي اسبوعين (Re: رقم صفر)
|
رقم صفر
اركب معنا
دفاع الهلال غير جيد علي الاطلاق
التعاون وسامي وديمبا بهم خروقات كثيرة وكذلك الطرف الايمن
لذا اغلب الظن المريخ يفوز لقوة خط وسطه وهجومه واستفادته القصوي من مباريات سيكافا
الا هل بلغت
| |
|
|
|
|
|
|
|
|
|
Re: باقي اسبوعين (Re: عبد اللطيف السيدح)
|
ياخليل ..
كشف فيهو تلاتين لاعب مايلقو الا خليفه طرف يمين ..
قالوا والعهده على الرواى انو سيف مساوى (حلف بالتكسرو)
مايلعب تانى طرف يمين ..والمدرب لم يجد خيار مناسب غير
خليفه لاعب الحوارى محدود المهارات ...عموما بخليفه وبدون خليفه
الهلال غالب بأذن الله ...لو شاورونى اجنح بايفوسا كطرف يمين
واشرك اسامه التعاون بجانب سيف مساوى فى الارتكاز ...يبقى عندنا
دفاعين بدل دفاع واحد حيث سيلعب سامى بجانب ديمبا فى وسط الدفاع
وكابوندى طرف شمال ... .. بعداك مشكلة واحده مافى ..وسط
زى السم هيثم ومهند ..وهجوم (صاقعه) امبيلى وكاريكا ...
بأذن الله هارون دياب يوم السبت ابقن عليهو اتنين (عذابى) و(مغلوب ) ..
| |
|
|
|
|
|
|
|
|
|
Re: باقي اسبوعين (Re: khaleel)
|
• محمد عبد الماجد
نحن نعترف ان الزخم الاعلامي الكثير يفسد ولا يصلح ..ونعرف ان طالحه قد يكون اكثر من صالحه... ونقر ان هذه الكتابات الكثيرة والسخرية من المريخ في سيكافا قد تنعكس سلبا علي الهلال.لكن مع ذلك لا نستطيع ان نمنع انفسنا ...فقد بدأ اعلام المريخ ..والبادي اظلم.
سخروا من الهلال عندما رفض المشاركة ..وحاولوا ان يجعلوا من بطولة لا قيمة لها ولا لائحة قيمة وسمعة ..فاتجهوا الي ذلك واهملوا فريقهم الذي عرض للهلال ومدربه البرازيلي وعرف كل كبيرة وصغيرة فيه.
المريخ الان قابل من اي وقت للخسارة من الهلال ..فقد وضح ان المريخ اضعف مما كنا نتصور.
هذه حقيقة ....العجب خارج القائمة وطمبل علي الدكة ..وكلتشي في اسوأ حالاته ..ووارغو فقد حتي السند الجماهيري ..ولاسانا بطء يتحرك علي قدمين ..فقد عاد من مالي (خالي كورة) ..ولولا تسديداته الجيدة امام اتراكو لقلنا كان هناك لاعب في المريخ اسمه (لاسانا).
كريم الدافي محترف المريخ الجديد ..شوفتو تسير العين ..طبعا بالنسبة للهلالاب ..لا ادري ما هو السبب الذي جعل كريم الدافي يلعب في المريخ.
دفاع المريخ ايضا يعاني من شرود كبير ...وسفاري والباشا بينهما مساحات تكفي لزراعة غابات من شجر السنط.
هجوم المريخ ..ليس فيه غير (ايداهور) ..الذي يغيب تألقا عن بعض المباريات ..ويأتي في مباريات اخري ويتألق.
السعودي ..لا يمكن الحكم عليه ..إلا اذا اردنا ان نقيمه في الكنبة ..من حيث الجلوس علي الكنبة ..والتسخينة.
وسط المريخ ..اعتقد هو الخط الاضعف ..ولولا (قلق) لقلنا افضل للمريخ ان يلعب بدون خط وسط.
ما يقوم به الشغيل ...لا يقوم به افضل صانع العاب للفريق الذي يباري المريخ.
الثابت ان وسط المريخ يتعرض الي تبديل عناصره بصورة مستمرة ..تارة يلعب فيه الباشا وتارة سعيد السعودي ..ومرة يأتوا بالدافي ومرة وارغو ..وقلق ولاسانا ..كل عناصره غير ثابتة..لذا فهو اضعف حلقات المريخ.
ربما كان فيصل العجب بامكانياته الكبيرة هو الذي يعطي وسط المريخ قوة ...لكن في ابتعاد العجب ..لا شيء يذكر فيه غير (قلق).
حتي لاسانا ما لاسانا.
حراسة المرمي في المريخ ...تعاني هي الاخري ...وما نقوله عن الوسط نقوله عن حراسة المرمي ..مرة محمد كمال ..ومرة حافظ ..ومرة اكرم يزعل يقوموا يشيلوا حافظ ويجيبوا اكرم.
لو وقف الحراس الثلاثة يوم 18 يوليو امام امبيلي وكاريكا ومهند فان لا عاصم ان شاءالله من اهداف الهلال.
اما المشكلة الكبري التي يعاني منها المريخ فهي (مشكلة) الجهاز الفني اذ نعتبر رادان اضعف مدرب يمر علي الجهاز الفني للمريخ في السنوات الاخيرة.
غير ذلك فان بطولة سيكافا افقدت الفريق دعمه الجماهيري ومن دون شك ان مجلس الادارة نفسه صدم في اللاعبين.
عليه فان الهلال باذن الله وتوفيقه هو جاهز ان شاءالله للانتصار علي المريخ ولتحقيق انتصار كبير علي (الوصيف).
| |
|
|
|
|
|
|
|
|
|
Re: باقي اسبوعين (Re: khaleel)
|
كتب : ابراهيم الجيلي
امتدح البرازيلي باولو كامبوس المدير الفني للهلال التجربة الدولية القوية التي خاضها فريقه امام ضيفه المقاولون العرب المصري والتي حسمها الهلال
بثلاثة اهداف نظيفة في الشوط الثاني وقال كامبوس انه فخور بالاداء القتالي والرجولي الذي ادى به نجوم الهلال المباراة التي وصفها بالتجربة الحقيقية مشيراً بانها تختلف شكلاً ومضموناً عن سابقتها مؤكداً ان الهلال بدأ المباراة بانضباط تكتيكي وادى 25دقيقة بمستوى متوازن خالي من الاخطاء ونفذ اللاعبون كل التوجيهات وكان بامكان الهلال حسم المباراة لولا اعتماد الضيوف على الدفاع الكامل رغم التنظيم العالي الذي ادى به الهلال الشوط والذي مكنه من السيطرة والاستحواذ واستطاع ان يضغط بقوة ولكن لم نفلح في التسجيل لصلابة الخصم الذي كان جريئاً في المرتدات ..
وتابع كامبوس انا سعيد للمظهر الرائع للهلال الذي ساهم في النتيجة بثلاثية في شباك المقاولون مؤكدا ان اداء الهلال اصبح في تصاعد من مباراة لاخرى بعد ان تعرف اللاعبون على طريقته وتنفيذ فكره داخل الملعب مشيراً بأنهم اصبحوا يجيدون الوصول باسرع ما يكون لمرمى الخصم وهي فائدة فنية يسعى لها اي مدرب ..
وقال كامبوس ان الفريق لعب 18 يوماً على النجيل الطبيعي وادى مباراة الامس على النجيل الصناعي الذي لا يساعد على الأداء المريح وقال ان الفوز بالاهداف الثلاثة كنا نحتاجه لرفع الروح المعنوية ولكننا لم نصل للمستوى الذي نريده ولكنني متفائل جداً بعد الروح القتالية ورغبة اللاعبين في التطور واسعاد الجماهير والتي استقبلت الهلال بأروع ما يكون في مشهد رائع وبديع في لقاء الأمس ولم يخذلهم اللاعبون الابطال الذين قدموا ثلاثة اهداف ملعوبة هدية للجماهير الزرقاء التي شجعت الكرة الحلوة وتجاوبت مع الاهداف الرائعة طوال الـ 90دقيقة مؤكداً ان الجماهير الزرقاء هي لاعبه رقم واحد ويحتاج لدعواتها ومؤازراتها لتحقيق الانتصار في لقاء القمة القادم مؤكداً ان خصمه فريق قوي وشرس ولا تخدعه الخسارة التي تعرض لها المريخ بملعبه في سيكافا التي تعتبر جزءاً من اعداده للمباراة القادمة .
وقال كامبوس بانه اصبح يملك خيارات في خط الهجوم بعد الظهور الرائع لسادومبا الذي قال انه لاعب خبرة وسريع ومشاكس استطاع ان يتأقلم مع المجموعة سريعاً بقراءته الجيدة لحركة زملائه في الملعب وتمكن من دخول قلوب الجماهير بالهدفين اللذين احرزهما في شباك المقاولون .
| |
|
|
|
|
|
|
|
|
|
Re: باقي اسبوعين (Re: khaleel)
|
الاندية الافريقية الابطال.. ولعب الهلال بتشكيلة ضمت عدد كبير من لاعبي الصف الثاني او الرديف.. وبالتحديد المجموعة التي لم تشارك في المباراة الودية امام المقاولون العرب.. حيث دفع البرازيلي كامبوس بالدعيع في حراسة المرمي (اليجا) - منير امبده - صدام ابوطالب - خليفة - احمد الفاضل - حمودة بشير - احمد بركية - سولي شريف - ايفوسا - النعيم وسادومبا.
وقدم الهلال مباراة قوية في شوطها الاول حقق من خلالها العديد من المكاسب والفوائد في البروفة الاخيرة لمباراة القمة..
وفرض الفريق سيطرته علي الملعب بهجمات متنوعة طوال زمن الشوط الاول.. لكن في بعض الاحيان مال لنجوم الفريقين للعب الكرات العرضية وسرعان ماتغيرت الامور في نهاية الشوط وعاد الايقاع القوي وحاول الهلال بكل قوة فتح ثغرات في خط دفاع الخرطوم المتماسك . ووجد اكثر من فرصة للتسجيل ضاعت للتسرع وعدم التركيز وبالمقابل اعتمد الخرطوم علي الهجمات المرتدة ووجد فرصة للوصول الي شباك الحارس الدعيع بعد انفراد اللاعب حسون الا ان تسديدته اصطدمت بالحارس الدعيع وضلت طريقها للشباك
وفي شوط المباراة الثاني لعب الهلال بقوة وتابع الجمهور مشاهد مثيرة ومحاولات متتالية للوصول الي الشباك اطلق خلالها سولي شريف اكثر من تسديدة لم تجد طريقها للشباك.. لتنتهي المباراة بفوز الهلال بهدف دون مقابل
وشهدت المباراة ثنائية رائعة بين النعيم وايفوسا وكانا يتبادلان الكرة برشاقة الامر الذي اطرب الجمهور وانتزع اعجابه وتالق كذلك اللاعب بركية في وظيفة المحور.. وادي مباراة كبيرة .
ولاحظت قوون بين شوطي المباراة حوارا هامساً بين البرازيلي كامبوس واللاعب سادومبا امتدت لعشر دقائق تقريبا كان يتحدث خلاله معه عن بعض الامور.
وعقب المباراة توجهت جماهير الهلال من الاستاد الي مكاتب الاتحاد لمتابعة اخر اخبار كرت سادومبا.
جماهير الهلال سيرت مواكب تلقائية من استاد الخرطوم واحتلت شارع البلدية
سيرت جماهير الهلال مسيرات فرح هادرة مساء امس مشياً على الاقدام والسيارات من استاد الخرطوم الى مكاتب الاتحاد العام لكرة القدم بشارع البلدية عقب نهاية مباراة فريقها الودية امس امام فريق الخرطوم والتي كسبها الهلال بهدف محترفه الجديد سادومبا وقد احتلت الجماهير الزرقاء شارع البلدية وهي تعيش نشوة كبرى وفرحة طاغية بعد سماعها بخبر وصول شهادة النقل الدولية للمحترف الزيمبابوي سادومبا وتدافعت من كل الاتجاهات لحضور توقيع اللاعب في كشوفات الاتحاد .
| |
|
|
|
|
|
|
|
|
|
Re: باقي اسبوعين (Re: khaleel)
|
• كامبوس يخفي تشكيلته الاساسية للقمة
اجرى الهلال بروفته الرئيسية في الثامنة من مساء امس باستاد الخرطوم وسط حضور جماهيري كبير يقدر بـ20 ألف متفرج استعدادا للقاء القمة غدا في انطلاقة دوري المجموعة للاندية ابطال افريقيا امام نده التقليدي المريخ ، واستمر المران الذي اشرف عليه البرازيلي باولو كامبوس المدير الفني للفريق وطاقمه المعاون لمدة ساعتين بمشاركة جميع اللاعبين والذي اشتمل على تدريبات الاحماء بالكرة وبدونها وتجاوز العلامات وتنفيذ الجمل التكتيكية. وقد اشرف كامبوس على المران بنفسه من داخل الملعب وعمل على تصحيح الاخطاء اولا باول ونفذ اسلوب اللعب الذي سيؤدي به مباراته امام المريخ غدا.
ووجه كامبوس صرخات عديدة لنجوم الفريق رافضا الوقوع في الاخطاء خاصة في مناطق الدفاع والوسط ، واصدر توجيهات خاصة لعناصر خط الهجوم بقيادة امبيلي وسادومبا وكاريكا واحمد عادل. وفي ختام المران اجرى تقسيمة ساخنة في مرمى واحد كان طرفاها المنتخبين الازرق والابيض
وسط حشود بشرية هائلة بالقلعة الحمراء:
الفرسان يرفعون التمام لانجاز المهام
متابعة محمد الجيلي
وسط هتافات انصاره بالدفوف والطبول والنحاس اختتم فريق الكرة بنادي المريخ مساء امس تحضيراته لمباراة الغد امام نده التقليدي الهلال في الجولة الاولي من مسابقة الاندية الافريقية الابطال وقد اشرف علي المران الاساسي المدرب الكرواتي رادان ومساعدوه صلاح مشكلة المدرب العام وابراهومة ومعاونه ومدرب اللياقة ميخا بمشاركة كل اللاعبين عدا قائد الفريق فيصل العجب المصاب ومجاهد الذي لم تكتمل لياقته والظهير الايمن بله جابر الموقوف افريقيا واشتمل المران علي الخطة التي سيؤدي بها الفريق مباراته غدا مع الاحماء بانواعه المختلفة وقد قام المدير الفني للمريخ بتطبيق خطة اللعب الضاغط علي حامل الكرة لحظة الفقدان مع اللعب علي الاطراف والتسديد نحو المرمي ومراقبة مفاتيح لعب الخصم وقد اوقف الجهاز الفني للمريخ التدريبات اكثر من مرة بغية التجويد والتركيز في تطبيق المهام وفي نهاية المران اجري رادان تقسيمة بين الاخضر ـ المرشح لمباراة الغد ـ وهم اكرم، دامر، سفاري، الباشا، الزومة، لاسانا، الشغيل، قلق، وارغو، ايداهور، كلتشي فهؤلاء قاموا بتنفيذ توجيهات الجهاز الفني في الضغط علي حامل الكرة وتطبيق بعض الجمل التكتيكية التي توصل الي شباك الهلال عن طريق الاطراف والعمق وقام رادان بتقسيم اللاعبين الي فئتين الاولي المدافعين ونفذت ضدهم الركنيات وقد برع سفاري ودامر في صد الكرات اما المهاجمون ولاعبو الوسط فقد قاموا بتنفيذ الضربات الثابتة والركنيات حيث تولي قلق وايداهور التنفيذ والتسديدات نحو المرمي حيث اظهر قلق تالقا لافتا في احراز الاهداف واوكلت الي وارغو ادوار هجومية بمساعدة قلق وايداهور وقد نفذ وارغو الجملة التكتيكية برشاقة عالية.
وفي نهاية المران قام الجهاز الفني للمريخ بالقاء محاضرة للاعبين طالبا منهم تنفيذ ما جري في المران علي ارض الواقع غدا السبت.
| |
|
|
|
|
|
|
|
|
|
Re: باقي اسبوعين (Re: khaleel)
|
في برنامج البحث عن هدف بقناة النيل الازرق
قال مصطفي النقر
اذا استطاع الهلال اخراج الشوط الاول تعادليا فانه سيفوز بالمباراة
اما كابتن مازدا فقال
ستين في المائة تعادل
واربعين في المائة فوز المريخ
ولم يرشح الهلال
| |
|
|
|
|
|
|
|
|
|
Re: باقي اسبوعين (Re: khaleel)
|
حاج عثمان عندو ازمة حادة ...حالتو صعبة شديد.
* دخل في غيبوبة.
* شالوه وجري علي الحوادث.
* الحوادث طبعا المحطة قبل الاخيرة من (المقابر).
* الجماعة في الحوادث طبعا اول حاجة لقوا الدكتور مافي ..والممرض بحضر ليهو في كورة في الكافتريا.
* وحاج عثمان حالتو متأخرة شديد ..بين الحياة والموت ..اي زول شافو قال :(الزول دا زول موت ساكت ..ما في رجا منو).
* المفارق ظاهر...بتلقي عيونو (متشابحة).
* بعدين حاج عثمان دا من البداية ظاهر عليه ما زول دنيا.
* في ناس طبعا من يشوفوا ليهم زول تعبان ..يقعدوا يترقبوا في نشرة ثلاثة.
* هسع نشرة ثلاثة خلوها.
* بقوا من يسمعوا ليهم بي زول تعبان بقعدوا يترقبوا في التلفون.
* التلفون لو ضرب ساكت ..يقولوا ليك :(حاج عثمان دا بكون مات).
* انا ما عارف الناس دي ضايقة ليه؟.
* لو الباب (كركب) ..يقولوا ليك ):الكركبة دي ما اعتيادية ..اكيد في زول مات).
* طبعا هم قاصدين بالموضوع دا (حاج عثمان).
* حاج عثمان هناك في المستشفي شافوا الدكتور ....قال حالتو متأخرة ..الزول دا كان وين ؟..جايبنو بعد ما حالتو وصلت للحالة المتأخرة دي.
* زولكم دا (ساعاتي) ما بقبلوا ليكم بي حالتو دي.
* الدكتور ما كذب ..طوالي حول ليك حاج عثمان للانعاش..ومنعوا الدخول.
* المستشفي دا يصل ليها لوري..لوري... ويرجع.
* تقول لاعبين فاينل.
* واي لوري يرجع ويصل البلد يشيع بين الناس ان حالة عثمان خطرة شديد..الزول دا في اي لحظة توقعوا يقولوا ليكم مات.
* ناس البلد يعجبوك.
* لو سمعوا ليك زول ساكت عندو (نزلة) يطلعوا ليك بين الحياة والموت.
* في جماعة بجهزوا (العمم) من بدري..يعجبوك في الحالات الزي دي.
* لكن حاج عثمان فعلا حالتو صعبة.
* دخلوه الانعاش (كاضم)... 15يوم لا حركة لا خبر.
* حاج عثمان طبعا كان عمدة من كبارات البلد ..عندو 11 ولد ..كل واحد في بلد.
* بعد الاسبوع الثالث ..حاج عثمان بقي يتحرك...واللواري دي (تتطاقش) ..لوري يقيف ولوري يقوم.
* ناس البلد متكسرين كلهم في المستشفي.
* النسوان ديل كل واحدة فيهن تجي بي عمود...مرات العمود يجي قبل ستو.
* الاعمدة دي ما بتديك الدرب.
* انا ما عارف الاعمدة ام طاسات دي بتجيبوها من وين؟.
* وحاج عثمان ولادو الـ14 بقوا يتوافدوا من بلاد برة...واحد...واحد.
* الفي السعودية وصل..والفي استراليا رجع ...عندو تلاتة اولاد في الولايات المتحدة رجعوا البلد بي جنسيتهم الامريكية.
* الـ14 ولد اترصوا في غرفة الانعاش ..و(اتحولقوا) في السرير الراقد فيه ابوهم.
* الدكتور قال ليهم :عاوز ابوكم دا وقت يفتح ويعود ليهو الوعي ..يلقاكم قدامو عشان روحو المعنوية ترتفع وتساعدنا في العلاج.
* عاوزو يفتح يلقاكم قدامو زي الاسود.
* الاولاد الـ14 صدقوا الكلام دا واترصو في السرير.توزيعة كوتشينة بس.
* حاج عثمان بقي يفتح عين ويغمض عين...زي افتتاحية سيكافا.
* الدكتور قال ليهو :ابشر بالخير يا حاج ..ديل اولادك وصلوا كلهم من بلاد برة عشان يشوفوك.
* دا عباس من انجلترا ..ودا ايمن من السعودية وديل خالد وعبدالرحمن والامين من الولايات المتحدة ..ودا ....
* حاج عثمان فتح عينو التانية وبقي يعاين في اولادو.
* الطيب قال لي ابوه يا حاج :انا الطيب جيتك من استراليا ..انت ما عرفتني.
* وحاج عثمان يقلب في عينو.
* يا حاج انا هاشم جيت من الهند عشان اشوفك ..ان شاءالله يا حاج تبقي لينا طيب.
* حاج عثمان بعد ما فتح عيونو...بدأ يحرك في ايدو.
* الدكتور قال ليهم دا تطور خطير ...الزول دا شهر كامل نحن نعمل ليهو في الدلك الطبيعي ما اتحرك لينا.
* حاج عثمان واضح عليهو كان عاوز يقول حاجة ..لكن لسانو تقيل.
* اتكلم يا حاج انت عاوز تقول شنو؟.
* كا ...كا....كا...
* اتكلم يا حاج مالك ...كامل ولدك قاعد جاء من سوريا ...
* وحاج عثمان يقول في كا ...كا...
* يا حاج (كا) شنو انت قاصد منو؟.
* كا ..كا...كا... كباية.. كا...كا...كا...
* كوثر يا حاج ..بنتك دي وصلت من القاهرة امس والدكتور طلعها برة عشان ما قدرت تستحمل تشوفك بي حالتك دي.
* وحاج عثمان شغال في كا..كا...كا...كا... كادوقلي.
* كا..كا...كا...
كردفان يا حاج.
* كا.....كا ....كا....
* كلفورنيا!!.
* كا...كا...كا.... كاب الجداد!!.
* كا..كا...كا... كلتوم!!..
* يا حاج في شنو؟.
* الدكتور قال ليهم : الموضوع دا صعب نحن لازم نعرف الزول دا قاصد شنو بي كا...كا....بتاعتو دي ...عشان الموضوع دا بساعدنا في العلاج.
* وحاج عثمان شغال :كا...كا..كا.
* الدكتور قال ليهم جيبوا لي مترجم (مجضم) لغة الهوسا.
* ولاد الحاج ما قصروا ...جابو المترجم لابس نضارتو متل باقي السلطة.
* المترجم نزل وطلع ...ما عرف الزول دا قاصد شنو؟..بي كلمة كا..كا...كا...
* المترجم قال ليهم بي امانة كدا الموضوع دا صعب علي...غلبني تب.
* الدكتور قال ليهم جيبوا لي مترجم فرنسي.
* الاولاد ما قصروا جابوا ليهو المترجم الفرنسي.
* المترجم دخل وطلع ..وبرضو ما فهم حاجة.
* وحاج عثمان شغال :كا..كا...كا..
* الدكتور قال ليهم ما في مشكلة جيبوا لي مترجم هندي.
* الاولاد جابو المترجم الهندي.
* المترجم الهندي برضو ما فهم حاجة.
* وحاج عثمان اليوم كلو ..يقول في كا...كا...كا...
* الدكتور قال ليهم كدا جيبوا ليكم كونسلت بتاع مترجمين..شيء صيني وشيء برتغالي ..وشيء انجليزي ..وشيء روسي...شكلوا لي في الجماعة ديل.
* كلهم ما فهموا حاجة.
* حاج عثمان وقت زهج خالص قال ليهم :الكرت ...الكرت يا عالم...انتوا قايلين من البداية الدخلني للحالة دي شنو ..غير تأخر الكرت دا.
* الجماعة نطوا ...قالوا ليهو كرت شنو يا حاج ..انت الحمي طارت ليك في رأسك يا حاج.
* كرت سادومبا. كرت سادومبا مالو يا حاج؟.
* الكرت وصل؟.
* الاولاد الـ14 ...قلدوا ابوهم وقالوا ليهو...وصل يا حاج...ارقد قفا ساكت...انت من الصباح ما تقول لينا : سا ..سا..سا...سا سادومبا ..شنو شابكنا ..كا ..كا...كا كادومبا.
* يقوم المريخاب يسمعوك بتقول كدا يقوموا يقدموا شكوي في (الكاف)..موش انت بتقول كا...كا...كا...كا...كا..
* حاج عثمان بي مرضو لسانو فصيح...تقول بالع ليه (نوكيا N78).
* حاج عثمان قال لي اولادوا : ان بقي الكرت وصل ..قالوا للمريخاب بلوا رأسكم .
* المريخاب العاقلين ..طوالوا بلوا رأسهم.
* احسن تبلوا رأسكم براكم ...احسن من تبلوا ليكم المطر.
* مطر في عينك.
* ملحوظة: الكرت وصل جهزوا شكوتكم ساكت.
هوامش
* انتوا كريم الدافي وين في الجوطة الحاصلة دي؟.
* زول شغال بيهو مافي.
* كريم الدافي المعار ..مفروض ناس المريخ يعيروا في اغسطس القادم ..الزول دا ما تنتظروا بيهو ديسمبر.
* اكرم الهادي سليم قال لو كرت سادومبا وصل ...انا ما بلعب القمة ..عندي ظروف ...خلوا حافظ ينفعكم.
* ناس المريخ قالوا صبروه ..وقالوا ليهو الزول دا ما بعتمدوا ليهم في الكشف الافريقي..يعني ما بلحق مباراة المريخ.
* سفاري طبعا بعد ما عرف الكرت وصل ..ربط ركبتو.
* عاد الربطة ح تحلك يا سفاري.
* انت مسكين...تلقاها من امبيلي وإلا من سادومبا.
* غايتو المريخاب ديل مهتمين بالهلال اكتر من فريقهم.
* تصوروا الجماعة ديل لي هسع بتكلموا عن دي سوزا.
* دي سوزا مين يا عم؟.
* اعلام المريخ قدم خدمة جليلة للهلال ..وذلك بتخدير جماهير المريخ واحباط همم لاعبي المريخ باعتبار المباراة القادمة سوف يكسبها المريخ بالشكوي.
* يعني لاعبي المريخ سوف يدخلوا المباراة ليس من اجل اللعب ..طالما النتيجة مضمونة ليهم بالشكوي.
* علي اعلام الهلال تثبيت هذا الشعور عند لاعبي المريخ وجماهيرهم.
* تعبانين ليه ..وقت بتكسبوا النتيجة بالشكوي.
* يا اكرم يعني ما تشيل هم (البرد).
* همد قال سوف نحضر امولادي ودي سوزا ونشوف (بصمتهم).
* يا زول شوف ولايتك وين؟.
* هسع البصمة دي الدخلها شنو في الموضوع دا.
* لو استعدادات ولاية الخرطوم للخريف زي تصريحات همد ..يبقي احسن يا ناس الخرطوم تشوفوا ليكم بلد تانية.
* دا شنو البتقول فيه دا يا همد.
* يا زول انت عارف البتقول فيه دا شنو؟.
* الكروان كابوندي قالوا سأل من تلفون بله جابر.
* يا كابوندي مية مرة قلنا ليك ...بله جابر دا لن يشارك في مباراة القمة.
* انت زعلان مالك؟. الزول دا شيلو من رأسك.
* هلالابي قال بعد كرت سادومبا وصل ح يضبح ليهو (اسكراتش).
* وهلالابي تاني جابوا ليه ولد...قال ليهو انت جاييني قبل (الكرت) اعمل بيك شنو؟.
* هلالابي اخر ..اتقدم لي بنت عمو ...عمو قال ليه والله انت ما عندنا فيك كلام ...لكن (كرتك) لو ما وصل ما بنعقد ليك.
* واحد رايح قالوا ليهو الكرت وصل.. قال ليهم كرت منو؟.
* قالوا ليهو كرت سادومبا.. قال ليهم سادومبا منو؟.
* قالوا ليهو سادومبا لاعب الهلال.. الهلال ذاتو شنو؟.
* والله كترتها عديل يا ود الناس.
* اتنين اتقابلوا في المقرن ..واحد فيهم قال للتاني ...شايف (كرتك) حائم في الاسواق الحرة.. اسواق حرة في عينك.
* خبر عاجل: غايتو يا سادومبا عندك جنس كرت...زي (الكديس).
| |
|
|
|
|
|
|
|
|
|
Re: باقي اسبوعين (Re: khaleel)
|
جاء في جريدة المريخ
تذاكر محدودة للوصيف: الاولية في دخول لقاء السبت للصفوة
الخميس, 16 يوليو 2009 06:55
اوضح مسؤول كبير في اروقة نادي المريخ بان النادي هو المنظم وصاحب مباراة السبت اداريا مع اتحاد الكرة واوضح المسؤول ان الاولية ستكون لجماهير المريخ في دخول الاستاد وحيازة تذاكر المباراة يوم السبت وقال المسؤول حسب لوائح الكاف ان من حق المريخ منح جمهور الهلال عدد محدود من تذاكر الدخول.
تعليق
وانتو عندكم جمهور كلكم 200 الف والاربعين مليون هلالاب
| |
|
|
|
|
|
|
|
|
|
Re: باقي اسبوعين (Re: khaleel)
|
وجاء ايضا في المريخ
عقد الكرواتي رادان اجتماعا مع الثلاثى هيثم طمبل وكلتشى اوسونو وايداهو بفندق الفاتح امس وناقش المدرب مع الثلاثى مآلات بطولة سيكافا ومواجهة الهلال في دوري ابطال افريقيا وتحدث المدرب بصرامة مع اللاعبين مطالبا اياهم بوضع الاهتمام الاقصى لمباراة السبت والعمل على ترجمة الفرص لاهداف في شباك الهلال وقد سادت الاجتماع روحا طيبة ونقاش صريح.
يلا يا ديمبا كلبش الحمام دا
| |
|
|
|
|
|
|
|
|
|
Re: باقي اسبوعين (Re: khaleel)
|
في مواجهة 11 ماسورة
المريخ العالمي يستعد
لاقتحام دوري المجموعات الافريقية
رائك شنو ياخلي في العنوان ده....؟
جمعة مباركة
| |
|
|
|
|
|
|
|
|
|
Re: باقي اسبوعين (Re: khaleel)
|
أكدّ مجلس إدارة نادي الهلال على لسان أمينه العام الأستاذ عماد الطيب رصد تحركات طاقم التحكيم المغربي المكلّف من قبل الإتحاد الإفريقي لكرة
القدم (كاف) بإدارة مباراة الهلال أمام المريخ في افتتاح مباريات الفريقين في مجموعات بطولةالأندية الإفريقية للأبطال وقال العمدة في تصريحات ل(قوون) : (نحن في الهلال ظللنا نراقب ونرصد ومنذ لحظة وصول الحكام إلى مطار الخرطوم واستقبالهم بواسطة مصطفى توفيق لوحده دون مندوب من الإتحاد العام ونرصد تحركاتهم ونحذّر في هذا الصدد من مغبة اللعب بالنار ومحاولة التلاعب بنتيجة المباراة ونؤكّد على مقدرتنا تماماً على القيام بكل مامن شأنه المساس بنتيجة المباراة أو انتهاك حرمة التنافس الشريف) .
الاجتماع الفني لمباراة القمة
يعقد في الحادية عشرة من صباح اليوم بمقر الاتحاد بالخرطوم ٢ الاجتماع الفني لمباراة القمة الافريقية المقامة في السابعة من مساء غد باستاد المريخ.
بدينا في شراء الحكام من هسع
| |
|
|
|
|
|
|
|
|
|
Re: باقي اسبوعين (Re: khaleel)
|
كل ما تواجه وتنتصر لي نصر تاني يجينا شوق
الله يا شعب يا حبيب
ما احلي الدخلة علي المرقة
وجمهورو يشجع مصحوب
بالنغم الطيب والصفقة
جمهورنا العظيم:
عفوا اذا دخلت عليكم من بابك الخروج فما اروع ان تخاطب الروعة والمبادأة في شعب ابي الا ان يكون معلما للشعوب انتم اهل الهجعة والوجعة والمتلفحون دوما بثوب النصر الازرق فلنؤازر هلال الروعة تقطر الايادي دما يسكت السكون وتقول الحناجر كلمتها وليستبين صبح النصر الاتي تحت اقدام سيدا وصحبه انغام هديركم وزئيركم الذي لا يتوقف ليسطر التاريخ لنا مجدا نحن اهل له.
فلناتي باكرا.. باكرا باكرا نتسابق لنقدم وثيقة الوعد والفجر والنصر الاتي لا محالة.
نمد قلوبنا نشد علي قلب كل ازرق مهنئين بالنفاثة ـ سادومبا ـ كما ننوه جمهورنا الكريم عدم الالتفات للشائعات حول اعارة كواريزما وامولادي.
زعم الفرزدق ان سيقتل مربعا فابشر بطول سلامة يا مربع
لنؤكد للجميع اننا دائما نقود الركب ولا ننقاد وان نواميس الكون لا تتغير.
قال تعالي: (لا الشمس ينبغي لها ان تدرك القمر ولا الليل سابق النهار وكل في فلك يسبحون) صدق الله العظيم
وان ساعة النصر آتية
وعاش الشعب الهلالي الابي
محمد محمد احمد الكعيك
رابطة اهل الهلال المركزية
مائة المائة
| |
|
|
|
|
|
|
|
|
|
Re: باقي اسبوعين (Re: khaleel)
|
اكبر مشكلة تواجه المريخ هي غياب العجب
لذا قد ينعدم الامداد تماما للمهاجمين
وكذلك غياب بلة جابر يضعف الطرف الايمن للمريخ
الهلال بالاضافة لغياب علاء الدين يوسف
الطرف الايمن مختل تماما
| |
|
|
|
|
|
|
|
|
|
Re: باقي اسبوعين (Re: khaleel)
|
تحفظ الخبير عثمان النعيم
علي اشراك هيثم ومهند معا في هذه المباراة
وتحفظ علي ترك عمر بخيت وحيدا في الارتكاز لان مساوي يكثر التقدم كثيرا
ولكن صرح اذا مرت العشرين دقيقة بسلام علي الهلال
حتما الهلال ينتصر
| |
|
|
|
|
|
|
|
|
|
Re: باقي اسبوعين (Re: khaleel)
|
كتب يوسف الطاهر
عقد في الحادية عشرة من ظهر امس وحتي الواحدة والنصف ظهرا بمقر الاتحاد بالخرطوم ٢ الاجتماع الفني التاريخي لمباراة القمة
الافريقية الهلال والمريخ المقامة في السابعة من مساء اليوم باستاد المريخ ضمن البطولة الافريقية وتاتي اهمية الاجتماع باعتبار ان هذه اول مواجهة للقمة في البطولة الافريقية وحضر الاجتماع المنسق العام للمباراة نيكلوس موسوني من كينيا ومراقب الحكام مفبوسا من رواندا واسامة عطا المنان ، سستليو جوبا، المهندس فياض، دكتور حسن ابو جبل من اتحاد الكرة السوداني بالاضافة لممثلي شرطة المرور والامن والعمليات ومثل نادي الهلال صلاح ادريس رئيس النادي وامين عبد الوهاب وشاكر علي الطاهر ومثل نادي المريخ متوكل احمد علي الامين العام وعادل ابو جريشة وصديق علي صالح وطارق تفاحة ومصطفي توفيق ودكتور احمد عزيز وفي بداية الاجتماع رحب اسامة عطا المنان بالحضور وقال المباراة حدث تاريخي يحدث لاول مرة بالسودان واكملنا كافة الاجراءات التنظيمية وتحدث مراقب الحكام مفبوسا الذي هنا الفريقين واتحاد الكرة السوداني بالوصول لهذه المرحلة الكروية وقال تعرفون القوانين واللوائح والامن في هذه المباراة مسئولية المنسق العام للمباراة نيكلوس واعلن عن بداية المباراة في السابعة مساء وحضور الفريقين للاستاد عند الخامسة والنصف وطالب الفريقين بالالتزام بترقيم الفنائل وهذه المباراة ليست محلية سودانية وهي للاتحاد الافريقي وطالب بالالتزام بعدد الاداريين والفنيين المرافقين وعددهم خمسة فقط وطالب بتجهيز عربات اسعاف مجهزة وطالب الفريق الضيف ان يقوم اولا بمصافحة الحكام والفريق المضيف بتكرار العملية بعد الفريق الضيف ثم بعد ذلك التقاط صور المباراة وطالب بتوفير مولد كهربائي و٢١ كرة قدم ماركة واوا.. ابا.
يجب ان نكون عادلين:
منسق المباراة العام نيكلوس قال هذين فريقين يملكهما الهلال والمريخ ونريد مباراة لعب نظيف بالنسبة لنا كمسئولين في الكاف يجب ان نكون عادلين ونحترم القوانين ونكرر ان الامن مهم للفريقين والحكام والجمهور بدرجة واحدة ونريد ان نري نفس التنظيم الذي عهدناه في السودان وسيظل الفريقان سودانيان بعد نهاية المباراة ويجب اظهار الكثير من الانضباط واللعب النظيف وقدم نيكلوس قائمتي الفريقين التي وصلته من الكاف صباح امس ثم تحدث حكم المباراة المغربي وحيا الجميع وتحدث عن الروح الرياضية العادلة بين الفريقين.
اعتراضات من صلاح ادريس:
السيد صلاح ادريس رئىس نادي الهلال اثار نقاطا ساخنة ادت الي توتر اجواء الاجتماع حيث لم يحتمل نادي المريخ اكمال حديثه وتدخل للتوضيح .
وقال صلاح ادريس هذا حدث تاريخي نامل من الجميع ان يكونوا علي قدر الحدث فيه من كل السودانيين ومن خلال اخوتنا الافارقة الكرة تشرف الكرة الافريقية ولكن هناك تحفظات لن تخرج بالمباراة الي بر الامان الا بعد الوقوف عندها اولا هناك مخالفة واضحة للوائح الكاف قام بها نادي المريخ حيث ان فريق المريخ والحكام يقيمون بفندق واحد ولم يسم الفندق وقبل اكمال كلامه اعترضه ابو جريشة وقدم صلاح ادريس اعتذاره لاحقا بعد علمه باقامة الحكام مع المراقبين في فندق السلام روتانا وقدم صلاح ادريس اعتراضه علي غرفة الحكام بنادي المريخ وعدم تمثيل الهلال في اللجنة المنظمة للمباراة.
وطالب الارباب في الاجتماع مراقب المباراة ان يسلم نادي الهلال غرفة لاعبيه بنادي المريخ منذ التاسعة من صباح اليوم وقال والا يعذرنا المراقب ويمنحنا فرصة لاجلاس اللاعبين خارج الغرفة.
واخيرا طالب صلاح ادريس من المراقب والمنسق بان اي منهما او اي جهة لا تستطيع ان تبدي حرصها علي الامن لان هناك اشياء تجعل من هذه المباراة خطيرة من ناحية امنية وهو انه يجب فصل جمهور الفريقين عن بعضهما البعض لمنع حدوث اشتباكات بينهم بصورة امنية احترافية واعترض الارباب علي فئات التذاكر العالية للمباراة.
لن نغير غرفة الحكام ونوافق للهلال في مباراة الرد:
الامين العام لنادي المريخ متوكل احمد علي رحب بكل المشرفين علي المباراة واكد ان المباراة ستخرج بروح رياضية طيبة تعكس وجه السودان المشرق وهي مباراة وضعت السودان في امتحان امام افريقيا والعالم وفيما يتعلق باقامة الحكام قال قدمنا خطابا لاتحاد الكرة السوداني وضحنا فيه كل الجوانب بالاقامة والحكام يقيمون بفندق السلام روتانا اما بخصوص غرفة الحكام فان وضع مبني نادي المريخ يفرض نفسه خصوصا بعد التعديلات التي جرت علي مبانيه ولقد اتفقنا في هذه النقطة ان يكون التعامل بالمثل في مباراة الرد.
وقال نحن لم نغير غرفة الحكام ولو قمنا بتغييرها الان سيفهم ان هناك تاثير علي الحكام اما بخصوص غرفة اللاعبين فهي محكومة بقوانين ولوائح الاتحاد الافريقي وليس لدينا مانع في احكام الكاف ونؤكد التزامنا بقوانينه وبخصوص عدد الاداريين والفنيين نحن ملتزمون اما فيما يتعلق باسعار التذاكر العالية اوضح متوكل المباراة لاول مرة في تاريخ الكرة السودانية وضعنا اسعار التذاكر علي سعة الاستاد ونوافق لنادي الهلال علي وضع التكلفة التي يريدها في مباراة الرد ونتمني ان تخرج المباراة بروح رياضية جميلة.
وفي ختام الاجتماع اوضح مراقب المباراة ان سلوك مقاعد الاحتياطي سيخرج بالمباراة الي اللعب النظيف.
| |
|
|
|
|
|
|
|
|
|
Re: باقي اسبوعين (Re: khaleel)
|
في كاس الاتحاد الافريقي
واصل سانتوس الانغولي تفوقه علي الفرق المصرية وفاز علي انبي بهدف دون مقابل
وفي الابطال
فاز بطل زيمبابوي علي النجم الساحلي بهدفين مقابل هدف
وفاز مازيمبي علي هارتلاند بهدفين دون مقابل
| |
|
|
|
|
|
|
| |
khaleel
Amin Mohamed Suliman
haroon diyab
عبود عبد الرحيم
السمؤال بدرالدين
رقم صفر
عبد اللطيف السيدح
محمد عبدالرحمن
حبيب نورة
سعد مدني
فيس بوك
تويتر
انستقرام
يوتيوب
بنتيريست