|
Re: رسالة من الماضي عبر اغنية جميلة...اتحدوا ايها النوبيون...حمزة علاء الدين{تسجيل صوتي} (Re: Medhat Osman)
|
يا سلام يا مدحت
مرة و انا في المستشفي واحد من الزملاء اليونانيين قابلتو لاول مرة سألني انت من وين
قلت ليه من السودان ... فقام سألني وين في السودان فاستغربت من سؤالو
لانو عادة الجماعة ديل بيعرفو الخرطوم بس في السودان
فقلت ليهو من قرية صغيرة في منطقة اسمها المحس
فقام قال لي يعني نوبي
قلت ليهو ايوة
قال لي عندكم فنان اسمو حمزة علاء الدين بحب اسمع ليهو كتير
و طلب مني شرايط كاسيت او سيديهات
فبخجل قلت ليهو ما عندي ولكن بفتش ليك
عاين لي باستغراب شديد و سكت
اها يا مدحت عندي سؤال
و السؤال موجهه ايضا لجميع النوبيين و النوبيات بالمنبر
و خاصة الاخ الباشمهندس ابوبكر سيداحمد
ليه حمزة علاء الدين اشتهر و اكتسب معجبين بين الاجانب اكتر من النوبيين ؟
حاجة غريبة
عافيلقو
| |
|
|
|
|