|
Re: ... أجمل أيامي ... (Re: احمد محمد بشير)
|
طرد شاعر السودان الكبير من شقتة بالقاهره..!! سافر الشاعر الكبير حسين بازرعة لقاهرة المعز طلباً للعلاج واستقبلته جموع السودانيين هناك, والسفارة السودانية وكعادة الكيزان كانت حضوراً فى الاستقبال وتكفلت بتوفير السكن للشاعر ومرافقيه والتقط اعضاء السفارة والملحق الثقافى الصور مع الشاعر والموضوع الى حد الآن جميل ومنسق زى مابقول واحد صاحبنا.
لكن الماجميل والمامنسق توجيه انذار من قبل السفارة للشاعر ومرافقيه باخلاء الشقة والتهديد برمى اغراضهم اذا لم تخلى الشقة خلال ساعات.
حسين بازرعة قدم واثرى وجدان الشعب السودانى بدرر لن يجود الزمان بمثلها, قصتنا, القبلة السكرى, الوكر المهجور, لاوحبك, اجمل ايامى, انا والنجم والمساء, نادانى غرامك, من اجل حبى, لاتسلنى, والقائمة تطول. والمؤلم فى الحكاية هو انتهاء فترة علاج الشاعر وعدم تمكنه من وجود حجز للخرطوم قبل يوم الجمعة القادم, يعنى اسبوع ماقدروا ينتظررو.
*** وحتى لا يقيم شاعرنا فى الشارع وتلقى اغراضه قام بعض افراد الجالية باجراء اتصالات برجال اعمال فى الخرطوم لحل مشكلة السكن وتكفل مشكوراً رجل الاعمال وقطب نادى الهلال عبدالرحمن ابو مرين بتجهيز السكن الذى يليق بشاعر فى قامة حسين بازرعة ولا عزاء لسفارة الانقاذ بالقاهرة. .. .. .. .. بس ما عارف يا صحافة اذا كان الخبر اعلاه صحيح اذا كان صحيح.. يبقي لا في ايام جميلة ولا حاجة.
تحياتي.
| |
|
|
|
|
|
|
Re: ... أجمل أيامي ... (Re: احمد محمد بشير)
|
أ.أحمد
سلامات و تحايا مرة أخرى ..
حقيقة ليس لدي علم بذلك لكني لا أستغرب فيما حدث ،، فكثير من مبدعي بلادي يحتاج لمد يد العون و لكن لا حياة لمن تنادي ..
تحياتي ..
| |
|
|
|
|
|
|
Re: ... أجمل أيامي ... (Re: Alsa7afa_30)
|
إنت زول ذواق يا حسام
تعرف الأغنية دى مافى ناس كتيرين قاعد يسمعوها
يمكن عشان ما متوفرة كتير زى باقى أغنيات عثمان وبازرعة
لكنها واحدة من أشهى وأطعم الشغل العجيب العمله الثنائى الأسطورى ده
شكرا يا حلو
تانى فى أغنية "صبابة" بتاعة بازرعة الغناها أبوداود
عجبا يقول الناس انك هاجرى وأنا الذى ذوبت فيك مشاعرى سبحت باسمك والشجون سوامرى حتى بكى قلبى بدمع محاجرى
طوالى والله يا صحافى بتخيل لو إنه غناها عثمان حسين كان حتطلع كيف ؟
لكين طبعا عبقرية برعى فى الموسقة وصوت وأداء ابوداود ما بدوك مجال حتى للخيال
ندعو الخالق يشفى لينا بازرعة ويمد فى ايامه ويخليها
أجمل ايامه
زى ما هو أدنا أيام جميلة كتيرة
| |
|
|
|
|
|
|
Re: ... أجمل أيامي ... (Re: أبوذر بابكر)
|
أستاذنا المطر..
أسعد الله مساءك
عجيب هذا البازرعة ! شوف الكلام ده
"حاولت أديك من روحي شوية من أدبي و فني و نهار عينيا "
يستخدم كلمات و تعابير له وحده ..
متعه الله بالصحة و العافية و للقامة عثمان حسين الرحمة و المغفرة ..
و لك وافر التحايا و التقدير ..
| |
|
|
|
|
|
|
|