|
|
 اللى من عندينا واللى مش من عندينا
|
اللى من عندينا واللى مش من عندينا
يا جماعه راح نكتب فى البوست دى بالكلام اللى نتكلم فى البلد,ممكن نيدحك وممكن نيفرفش ونغنى كمان..بس مش عاوزين حد يجى علشان يتريق علينا,لأنو مابنرضاش..لو قابلتك موقف وعاوز تحكيها أهلا وسهلا والباب تدخل جمل(الجمل عندينا يبقى كم..cam أو( cum) ..أصلا ماكنتش ح أكتبها علشان خاطر ما يودش دماغهم لبعيد...
بعد كده أظن وضحنا الفكره بتاع الإسميده البوست..
|
|
 
|
|
|
|
|
|
|
 Re: اللى من عندينا واللى مش من عندينا (Re: محمد مكى محمد)
|
ميمد مكى
مسكاقمى..ارسى
حأحكى ليك عن شاب حلفاوى ظريف لاقيتو قبل كم سنة فى الخرطوم
كان شغال فى كافتيريا و على ما اظن الكافتيريا بتاع والدو الكان قاعد برة الكافتيريا فى كرسى وبيشرب فى سجاير.. رجل نحيف وقسمات وجهه حادة وكان لابس جلابية وبدون اى عمة او طاقية فى راسو وكان بيدخن بشراهة..
واليوم داك كنت راجع من الشغل والدنيا حر وسخانة ومكهرب وماشى
لامن عرفنى بلكنتى (العروبومحسية) يعنى بالصريح عربى مكسر..طوالى خش فينى وسلم عليك ..وقال ..(اووه اوونى سكرفى ويافيينا)..قلت كيف انشاءالله مبسوط قال لى وهو بيضحك وفى نفس الوقت كان بيشير باصبعو لوالده القاعد برة الكافتيريا..قلت ليهومالك ..قال لى تعرف الراجل القاعد برة دا ابوى
قلت ليهو مالو( طبعا الحلفاويين معروفيين بالصراحة وخفة الدم والنكتة الحاضرة)
قال لى ان الليلة صارحتو وقلت ليهو يا ابوى انا داير اكمل نص دينى(يعرس يعنى)..
قال لى الوالد عاين ليهو بسخرية وقال ليهو .. امش جيب النص الاول وتعال...
لوووول....لحد ما وصلت البيت بضحك
| |
|
|
|
|
|
|
|
|
|
Re: اللى من عندينا واللى مش من عندينا (Re: قرشى محمد عبدون)
|
لو إنت كمان من أندينا ... نحن ممكن كيان أسفيري أقوى من أي كيان آخر
اندينا فى جماعة كانوا منتظرين الأذان عشان يفطروا فى رمضان ... فقام واحد فيهم قال لشاب معروف انه أروش شوية " قوم أذن لينا" أخينا بدأ الأذان بي حي على الصلاة وتلاهـ بتكبيرة المهم جاط ليك الأذان جوطة غير عادية ... واحد من الجماعة بيحتج ويقول " دهـ أذان وين دهـ ... وأقيفوا ما تاكلوا" واحد من اللى البياكلوا قال ليه ... (ألين جلا ؟ كبا لقمه ويكا كن قولدننمي)
حقوق الترجمة محفوظة للناطقين بها ... أهو برضو طريقة ح نعرف بيها محس تايوان
تخريمة:
الولياب قالوا كان عامل حصر للأعضاء من أندينا ... ما تشوفوا لينا البوست دهـ وين ؟
| |
|
|
|
|
|
|
|
|
|
Re: اللى من عندينا واللى مش من عندينا (Re: الشفيع محمد صادق)
|
Quote: ولياب ..ويافينا
ونص وخمسه كمان...بس قولى إنت من الولياب بتوع فركه ولا حد تانى?
يمكن نطلع نسايب ياقريبى.. |
أهلييييييييييييينا مهمد إر كودي نا ويافينا
نحن ولياب تبع دبيرة ، بس حلى بالك بتوعين فركي (ناس الأستاذ محمد عثمان فركاوي ، الف الف رحمه عليه)
وسركمتو ودغيم كولهم واحد.
والأقرب لينا ناس كارا في سركمتو وطبعاً( كارا) رأس الولياب وجدهم .
| |
|
|
|
|
|
|
|
|
|
Re: اللى من عندينا واللى مش من عندينا (Re: ولياب)
|
واحد حلفاوي قريبنا اسمو خليل
صحبو لاقهو قال ليهو وينك يا خليل
لينا الف سنة ما شوفناك
ايش اخبارك?
خليل قال ليهو والله عرست واحد
مراة
صحبو قال ليهو ما كل الناس بتعرس نسوان
خليل قال ليهو
ابدآ
اختي فاطمة عرست واحد راجل
| |
|
|
|
|
|
|
|
|
|
Re: اللى من عندينا واللى مش من عندينا (Re: ولياب)
|
صاحبي حلفاوي جاء من حلفا كرت للجامعة ...
قاديني قد بحكاية إنو كان أشطر زول في مدارس حلفا و بحكي لي القصة دي كل يوم ..
يوم بحكي لي عن المدرسة بتاعتهم قال لي مرة الأستاذ سألني متي ولد الرسول ( ص) و أنا ما عرفت؟؟
قلت ليهو ياخ أنت كنت اشطر زول في حلفا و ما عرفت أبلد زول ده حيكون كيف ؟؟
قال لي أبلد زول الرسول ده منو زاتو ما بعرفو ؟؟ 
| |
|
|
|
|
|
|
|
|
 Re: اللى من عندينا واللى مش من عندينا (Re: محمد مكى محمد)
|
مـهـمد ميكي مـهـمد من انـدينا!!!?
واللـه خـبـر اكقون اشـريا،
وانا كنت فاكرك سـوداني.
*** - حلفاوي امام زاوية كانوا كل ناس الحي بيصلوا معه. فـجاءة ظهر واحد مغترب شيد مسجد بطابقين ومكيف. كل الناس مشت تصلي في الجامع الجديد. الحلفاوي اتضايق شديد قام عمل اعلان كتب فيه: لدينا تـخـفيضات هائلة الصبح والظهر ركعتين... والمفاجأة الكبري الفجر الساعة 8.
*** - واحد حلفاوي سافر السعودية بإقامة مؤذن ، بقى كل وقت صلاة يمشى يأذن ويطلع سرعة قبل الصلاة ويحصل الكوتشينة ، الإمام سعودي لاحظ الزول دا بختفي بعد الأذان. طوالى يوم لم فيهو بعد الأذان و قال له كيف تؤذن وما تصلى ؟!!. صاحبنا طوالى طلع ليهو الإقامة وقاليهو شوف هنا مكتوب شنو ؟ مؤذن ولا مُـصلي !
*** - - افيا لوقا!!
| |
|
|
|
|
|
|
|
|
|
Re: اللى من عندينا واللى مش من عندينا (Re: بكري الصايغ)
|
مسكاقجلو
قريبي حسن فجا بقى مولانا ويصلي بالناس في الكلاكلة بالمسجد اولادنا العزابة الساكنين جنبو يوم جاهم واصر انهم يمشوا معاهـ في صلاة المغرب قاموا مشوا معاهـ عشان ما يكسفوه وهو راجل كبير وقفوا في الصف وصلوا لغاية ما انتهى الصلاة ولمن قال السلام عليكم واحد قال اهلين عمنا حسن فجا ما جينا حسع سوا السلام لزمتو ايه
عافيلقو
| |
|
|
|
|
|
|
|
|
 Re: اللى من عندينا واللى مش من عندينا (Re: حمزاوي)
|
اخوتى الكرام
أولا آسف للتأخير وعدم التداخل.البوست فرايحى وعاوزين نبتهج.ولكن مازال الالم يعتصرنا فى وفاة زميلنا د.عماد الأمين المباغته.ويقام اليوم عزاء للفقيد بمنزلنا بمدينة ليتركنى بشمال آيرلنده.
..................................
سأعود للردعلى الجميع فردا فردا..
ولكم أصدق التحايا
| |
|
|
|
|
|
|
|
|
 Re: اللى من عندينا واللى مش من عندينا (Re: سلمى الشيخ سلامة)
|
| Quote: حلفاوي امام زاوية كانوا كل ناس الحي بيصلوا معه. فـجاءة ظهر واحد مغترب شيد مسجد بطابقين ومكيف. كل الناس مشت تصلي في الجامع الجديد. الحلفاوي اتضايق شديد قام عمل اعلان كتب فيه: لدينا تـخـفيضات هائلة الصبح والظهر ركعتين... والمفاجأة الكبري الفجر الساعة 8. |
دى قوية هههههههههه
يديك العافية يا بكرى
شكراً سيد البوست
| |
|
|
|
|
|
|
|
|
|
Re: اللى من عندينا واللى مش من عندينا (Re: شول اشوانق دينق)
|
El entierro de Fidel:
-¿Cual seria el mejor lugar para enterrar a Fidel? pregunta la maestra a sus alumnos.
-En la Plaza Roja, junto a Lenin, - dice Robertico.
-En Francia, cerca de la tumba de Napoleon. - dice Mario.
-En el Santo Sepulcro, junto a Cristo, - dice Juanito.
-No!!! no maestra, por favor, - dice Pepito, - alli si que no, que a lo mejor resucita al tercer dia.
ترجمة:
تشيع فيدل:
ما هو المكان المناسب لدفن فيدل?, سالت معلمة تلاميذها.
فى الميدان الاحمر, الى جانب لينين, اجاب التلميذ روبرتو.
فى فرنسا, بجوار قبر نابليون, يضيف تلميذ اخر اسمه ماريو.
فى الكنيسة القيامة المقدسة, الى جانب يسوع المسيح, said juan.
لا, لا, لا, هناك لا, يقول بيبتو . فى المحل دى لا. لانه صاحبنا دى احتمال يقوم فى اليوم الثالث.
(عدل بواسطة Zakaria Joseph on 06-18-2009, 05:56 PM)
| |
|
|
|
|
|
|
| |
محمد مكى محمد
ولياب
قرشى محمد عبدون
الفاتح شلبي
فيصل محمد خليل
خالد عبد الله محمود
عاطف عبدون
سلمى الشيخ سلامة
شول اشوانق دينق
Zakaria Joseph
فيس بوك
تويتر
انستقرام
يوتيوب
بنتيريست