|
|
 زمن القحط وشح العواطف
|
ممكن نعطي السعاده ونكون نحن بيها اسعد
لما نضيف بسمة على ملامح كل الوجود من حولينا
الحياة عبارة عن تروس كل ترس يدفع القدامه عشان
العجلة تستمر في الحركة والدوران
متزودة بوقود ابتسامة وكلمه حلوة تشيع موجه من السلام الداخلي
تجتاح دواخلنا و توجد حاله من السكون والفرحه تجبر
مخاوفنا وهمومنا على الابتعاد والتواري ولو للحظات نستمتع فيها بوجودنا
ممكن نزرع في ارض المحبة و نحصد وتعالو نبتدي من اللحظة دي
ندي السعاده كل اللي بنطوف عليه بمداعبة طفل صغير وبكلمة حب لام رؤوم ,بفعل امتنان لابوك
ولمسة حانية لزوجه حنونه وابتسامة في وجه كل اللي بيلاقينا
وما نصعب الحياة على الحوالينا عشان ما تصعب علينا نحن كمان
حاجتنا للحب والرحمه بيننا حاجه غريزية موجوده في نفس البني ادم مننا بالضبط زي حاجة الحياة للموية
|
|
 
|
|
|
|
|
|
|
|
Re: زمن القحط وشح العواطف (Re: اسعد الريفى)
|
Quote: العجلة تستمر في الحركة والدوران
متزودة بوقود ابتسامة وكلمه حلوة تشيع موجه من السلام الداخلي
تجتاح دواخلنا |
بركة العودة والعود أحمد يا عفاف
التحايا لك والابناء وأبو أحمد، هذا موضوع رايق في زمان
الزلزله ..
أحفظ أبياتا أظنها مترجمة تقول:
كن صارما
ولكن لا تتجبر
كن إلها
ولكن أذكر دائما أنك إنسان
قد الدود في كسرة الخبز فلا تحفل
وقد تجد السم في شربة الماء فلا تجفل
هذه هي الحياة
استوقفني عنوانك الصارخ لكني وجدت مضمونه
دعوة لطيفة للمحبة والسلام في (زمن القحط
وشح العواطف) ..
نشر ثقافة الحب والتسامح أمر نبيل ولكن
السلام والحب والابتسامة التي تسير في الطرقات
ربما يكون موعدنا بها الجنة
موضوع حيوي ودعوة كريمة في عز الصيف
تحياتي
| |
|
|
|
|
|
|
|
|
|
Re: زمن القحط وشح العواطف (Re: Mohamed Abdelgaleel)
|
عفاف ابو حريرة
سلامات يا انسانة و كتر الله منك .... بوست جميل دعوة للمحبة و دعوة للحياة تسلمي و عليك الله واصلي و صدقيني حتواصلي لو عرفت ان كلماتك دي عملت فيني شنو
محمد عبدالجليل سلامات .... انا متابعك كتابتك قبل ما اكون عضو في سودانيز اون لاين و خاصة مشاركاتك في بوست الانتفاضة الفتحتوا شيراز عشان اقرب ليك اكتر انا حافظ بتاع السمبر
Quote: نشر ثقافة الحب والتسامح أمر نبيل ولكن
السلام والحب والابتسامة التي تسير في الطرقات
ربما يكون موعدنا بها الجنة
|
لكن صدقني يا منعم الليله اذا قلت ليك اصيبت بشوية احباط من مداخلتك دي حتصدق ....ليه السلام و الحب و الابتسامة التي تسير في الطرقات قد يكون موعدنا بها في الجنة ..... و ليه الجنة البعيييييييييييييييييييدة ديك , ليه ما تكون في هذه الحياة اقلها ان هذه الحياة بين ايادينا و نحاول ان نتعلم كيف نعيش ان نتعلم كيف نلعق جراحنا و نسير
| |
|
|
|
|
|
|
|
|
|
Re: زمن القحط وشح العواطف (Re: حافظ حسن ابراهيم)
|
حافظ ياخي كيف حالك .. والله تستحق أول اجازة أقوم
اجيك في القضارف والله في الشوك والله محل ما تبقى
ف
(ما بيني وقضروف سعد لا ينتهي بعام
طويلة حرب التحرير كالصيام)
كنت متمنياً أن تواصل الحكي عن الانتفاضة
من قلب الريف و (البروليتاريه الرثة)
جراحنا نلعق فيها مما قمنا وفائدة مافي
وقلعة شنقل لهسع البحر ماجاها (هذه قصة
طويلة أخرى) ولا زال صديقي محمد أحمد يعيش
برومانسيته السرمدية ويقول:
يا سلالالالالام كل يوم أصبح متفائل أكثر
نان تتفائل على شنو يا الضو!!!
التفاؤل مو دايرلو جكه
نتواصل أيها الصديق .. وواصل تدفق الحكي
| |
|
|
|
|
|
|
|
|
|
Re: زمن القحط وشح العواطف (Re: حافظ حسن ابراهيم)
|
اهلين عبد الجليل
مالقيت كلام ابلغ من كلام الاخ حافظ
| Quote: لكن صدقني يا منعم الليله اذا قلت ليك اصيبت بشوية احباط من مداخلتك دي حتصدق ....ليه السلام و الحب و الابتسامة التي تسير في الطرقات قد يكون موعدنا بها في الجنة ..... و ليه الجنة البعيييييييييييييييييييدة ديك , ليه ما تكون في هذه الحياة اقلها ان هذه الحياة بين ايادينا و نحاول ان نتعلم كيف نعيش ان نتعلم كيف نلعق جراحنا و نسير |
محمد مافي شي صعب بس نحن نبسط الامور ونحس اننا فعلا محتاجين لي الكلمه الحلوة بيننا
لانه بقيناالواحد لوضحك في وجهك اول شي يجي علي بالك هو عاوز مني حاجه
وده هو الوصلنا لي الحال الانت بتقول عليه
كدي جرب مثال البنقالي البجيب ليك الشاي في المكتب
لما تقول ليه شكرا وتبتسم في وجهه
صدقني بكره طعم الشاي ح يختلف
عشان شعوره ناحيتك ح يكون مختلف
| |
|
|
|
|
|
|
|
|
|
Re: زمن القحط وشح العواطف (Re: حافظ حسن ابراهيم)
|
| Quote: سلامات يا انسانة و كتر الله منك .... بوست جميل دعوة للمحبة و دعوة للحياة تسلمي و عليك الله واصلي و صدقيني حتواصلي لو عرفت ان كلماتك دي عملت فيني شنو |
عزيزي حافظ انت الكلماتك عنت عندي اكثر
نحن ياحافظ الواحد بقي يرحم حال اولاده ويخاف عليهم من العالم اللي هم ماشين عليه
اكبر شي مرعب في الفكره ياحافظ انه الناس ماشه وماحاسه بي الحوليها
ممكن الواحد الكلام ده يكون ماثر فيه وهو نفسه ما عارف الناقص في جواه
شنو والشاهد في الامر ممكن الواحد فينا يكون شكله مبسوط لكن لو وقف مع
نفسه شويه يلقي نفسه غريب حتي عن نفسه
الكل عايش حاله توحد حتي نفسه مايلم فيها
دمج النسيج الاجتماعي اكيد ينتج عنه هاله ضوء وحقل طاقه
نستمد منه الزاد لكي نمارس حياتنا اليوميه
لك خالص الود والتقدير
| |
|
|
|
|
|
|
|
|
|
Re: زمن القحط وشح العواطف (Re: عفاف أبو حريرة)
|
الأخت العزيزة/ أم أحمد تحياتى
ياخى حمد الله على السلامة والله سعيدين بشوفتكم انت و أبو أحمد
Quote: حاجتنا للحب والرحمه بيننا حاجه غريزية موجوده
في نفس البني ادم مننا بالضبط زي حاجة الحياة للموية |
صدقتى والله
بالله ما تنقطعوا
أحمد العمار
| |
|
|
|
|
|
|
|
|
|
Re: زمن القحط وشح العواطف (Re: احمد العمار)
|
ام احمد لك التحايا النواضر 00وكل الود
عودا حميدا 000 وعقبال ابو احمد
قالوا 000
الكلمة الطيبة جواز سفر
والابتسامة تأشيرة مرور000
ومن يزرع ورد يحصد ورد
ومن يزرع شوك يحصد شوك000
وتفائلوا خيرا تجدوه000
تتسرب منا لحظات التسامح والصفاء والحب والفرح
كما يتسرب الماء من قبضة اليد 000
لكن ما زلنا متفائلين انو مازالت الدنيا مليئة بالحب000
تحياتي لكل افراد الاسرة
| |
|
|
|
|
|
|
|
|
|
Re: زمن القحط وشح العواطف (Re: احمد العمار)
|
الاخ الفاضل العمار الله يعمر قلبك بالتقوي والايمان
| Quote: ياخى حمد الله على السلامة والله سعيدين بشوفتكم انت و أبو أحمد |
كل السعاده بمعرفةناس اصيلين زيك انت وام محمد
عبرك تحياتي ليها هي والاولاد
لك كل الاحترام والتقدير
| |
|
|
|
|
|
|
|
|
|
Re: زمن القحط وشح العواطف (Re: عفاف أبو حريرة)
|
لما نستغنى عن الحولينا دي بداية دوامة الضياع
لانه رسولنا الكريم ادانا رسم بياني لي تكوينا
كبشر(اننا كالجسد الواحد اذا اشتكي له عضو تداعى
له باقي الجسد بالسهر والحمه
كل ما نبعد عن بعض كل ما زادت مشاكلنا
وضعنا في خارطه ربانيه اساسها التوادد
والرحمه
وهنايبدا الضياع والضياع هنا شكله مختلف
مازي انك تضيع من بيتكم ولا بيت صاحبك او اخوك
لا هنا نبد نفتش لي الالم الجوانا وقدر ما نقدر نزيد تعقيد السبب
مرة واقرب شي الدين تاني الاهل
طبعا شماعة كل الفشل والاحباط السياسه واحوال البلد
وبعدين الجندرة
والرجال والحريم
وكل يوم نزيد ضياع عن نفسنا وكل ثانيه نزيد الم
| |
|
|
|
|
|
|
|
|
|
Re: زمن القحط وشح العواطف (Re: عفاف أبو حريرة)
|
يا عفاف وحافظ والجميع سلام عليكن
أنا بهظر ساكت أنا كان ما متفائل كان متا زمااااان
بس لما يكون الدنيا صيف والكفيل زعلان والعربية
تصلب بلا سابق إنذار والصادق ولدي رافض يمشي
الروضة ولما أقول ليه ما عاوز تمشي الروضة
يرد علي:
أبوي إنتا ما عارف؟ .. غنمايتنا ما ولدت!
عشان يزوغ من الموضوع
ومحمد إبن اختي امتحن الشهادة السودانية وقبل
النتيجة ما تطلع قال ماشي يعيد في مدني لانو
في الحلة دي أصلو ما حينجح وكلمتني والدته
ووالده لأحاول إقناعه بالعدول عن رأيه فاتصلت
عليه وقلت:
يا محمد يا ابني عرفت انك ماشي تعيد في مدني،
يعني إشارة أنو نتيجتك رسوب، وأريد أن أسألك
سؤالا محددا: هل رأيك بالاعادة في مدني نهائي
(رفعت أقلامه وجفت صحفه).
قال: رفعت لكين لهسع ماجفت
ياخوانا الابتسامة عاوزه ليها كرعين تقيف فوقن
ما ساكت فالنجهز ارجل الابتسام ونصلح العربية
ونرضي الكفيل ونقنع الصادق بالعدول عن إستبداله
للروضه باللعب البلا صالح ونطور فلسفة تعيد محمد
إلى صوابه ليحقق نتيجة تعيده لصف خط المستقبل
وأخيرا وليس آخرا نرمي الحكومة بحجر حتى تستقيم
على الجادة ومن ثم نبتسم لاخر ضرس وتزغرد الجارات
ترقص والصغار.
| |
|
|
|
|
|
|
|
|
|
Re: زمن القحط وشح العواطف (Re: Mohamed Abdelgaleel)
|
Quote: .ياخوانا الابتسامة عاوزه ليها كرعين تقيف فوقن
ما ساكت فالنجهز ارجل الابتسام ونصلح العربية
ونرضي الكفيل ونقنع الصادق بالعدول عن إستبداله
للروضه باللعب البلا صالح ونطور فلسفة تعيد محمد
إلى صوابه ليحقق نتيجة تعيده لصف خط المستقبل
وأخيرا وليس آخرا نرمي الحكومة بحجر حتى تستقيم
على الجادة ومن ثم نبتسم لاخر ضرس وتزغرد الجارات
ترقص والصغار. |
والله ياامحمد كلامك منطقى0000 صاح الزول كان ماكان تلات ارباع الحياة
مبتسمه ليه اكيد مابكون مبسزط لانو فى النهايه هوبشر يتاثر بالحواليه
--------------------------
نجى لى ست البوست انازاتى قت ياجماعه ام احمد دى مالها فتحت البوست دا ياربى
قاصدنى انا بى شح العواطف دى سالتها قالت لى ات ماسيد العواطف 00 حتين اطمانيت
انا عارف رقبتى بعد مشاكل الدنيادى كلها برضو محافظ على حتة العواطف دى 00
| |
|
|
|
|
|
|
|
|
|
Re: زمن القحط وشح العواطف (Re: عفاف أبو حريرة)
|
يا ابو احمد ازيك كيفك انت والاولاد
ياادريس انا قلت ليك راجينك ما قلت ليك جيب ليك قنبله
تمسح بيها كل البوست
كن بخير
وابقي قريب
وبلاها الكركتيرات
البتجيب الدلجه دي
سلاااااااااااااااااااااااااااااااااااااااااااااااااااااااااام كبير لي حمودي
| |
|
|
|
|
|
|
|
|
|
Re: زمن القحط وشح العواطف (Re: عفاف أبو حريرة)
|
الاخت عفاف ابوحريرة
الف مرحب بيك وانت تعودي لاستئناف الكتابة على المنبر العام ومرحب بك وانت تطرحي على طاولة النقاش هذا الموضوع الحيوي والهام
صحيح زمن القحط وشح العواطف الذي لا يشبه الزمن الاخضر زمن الحنان والود والطيبة والتواصل بين الاهل .
معذرة للتاخير فقط شاهدت البوست بالصدفة بعد ان نبهني اليه احد الاصدقاء
تحياتي للاخ اب احمد وجميع افراد الاسرة الميامين
| |
|
|
|
|
|
|
|
|
|
Re: زمن القحط وشح العواطف (Re: عفاف أبو حريرة)
|
الاخت عفاف ابوحريرة
الف مرحب بيك وانت تعودي لاستئناف الكتابة على المنبر العام ومرحب بك وانت تطرحي على طاولة النقاش هذا الموضوع الحيوي والهام
صحيح زمن القحط وشح العواطف الذي لا يشبه الزمن الاخضر زمن الحنان والود والطيبة والتواصل بين الاهل .
معذرة للتاخير فقط شاهدت البوست بالصدفة بعد ان نبهني اليه احد الاصدقاء
تحياتي للاخ اب احمد وجميع افراد الاسرة الميامين
| |
|
|
|
|
|
|
|
|
|
Re: زمن القحط وشح العواطف (Re: الطيب شيقوق)
|
مرحبتين حبابك يا ابو عبدالله عارف يالطيب انت ومحمد عبد الجليل اقرب مثال علي الكلام الانا بقول فيه
انت ومحمدتربية الحله والبكون كل النساء الفيها امهات لي الواحد من تطلع من البيت ماتمر علي كاين حي الا ويديك نصيبك من الحب والقبل
والكلام الحلو
انت يا بوي تكبر
تعال ياعشاي
ياجني حشاي
كل انسان يقتحم مدى رويتك يحسسك بالانتماء اليه ومن هنا جيلكم كله عطاء لي الاخرين
انا حسب معرفتي بيك انت ومحمدعبد الجليل بتعولوا كثير من الاسر الحوليكم في اهلكم
كن دايما بخير
وابقي قريب
| |
|
|
|
|
|
|
|
|
|
Re: زمن القحط وشح العواطف (Re: الطيب شيقوق)
|
Quote: يا عفاف وحافظ والجميع سلام عليكن
أنا بهظر ساكت أنا كان ما متفائل كان متا زمااااان
بس لما يكون الدنيا صيف والكفيل زعلان والعربية
تصلب بلا سابق إنذار والصادق ولدي رافض يمشي
الروضة ولما أقول ليه ما عاوز تمشي الروضة
يرد علي:
أبوي إنتا ما عارف؟ .. غنمايتنا ما ولدت!
عشان يزوغ من الموضوع
ومحمد إبن اختي امتحن الشهادة السودانية وقبل
النتيجة ما تطلع قال ماشي يعيد في مدني لانو
في الحلة دي أصلو ما حينجح وكلمتني والدته
ووالده لأحاول إقناعه بالعدول عن رأيه فاتصلت
عليه وقلت:
يا محمد يا ابني عرفت انك ماشي تعيد في مدني،
يعني إشارة أنو نتيجتك رسوب، وأريد أن أسألك
سؤالا محددا: هل رأيك بالاعادة في مدني نهائي
(رفعت أقلامه وجفت صحفه).
قال: رفعت لكين لهسع ماجفت
ياخوانا الابتسامة عاوزه ليها كرعين تقيف فوقن
ما ساكت فالنجهز ارجل الابتسام ونصلح العربية
ونرضي الكفيل ونقنع الصادق بالعدول عن إستبداله
للروضه باللعب البلا صالح ونطور فلسفة تعيد محمد
إلى صوابه ليحقق نتيجة تعيده لصف خط المستقبل
وأخيرا وليس آخرا نرمي الحكومة بحجر حتى تستقيم
على الجادة ومن ثم نبتسم لاخر ضرس وتزغرد الجارات
ترقص والصغار. |
محمد عبدالجليل ...والله صعبتها شوية ...و انا عارف دا كتير عليك لكن في ناس عليهم اكتر من دا .....لكن نحاول نعيش بسعادة قدر الامكان فالحياة كما تعلم يا ابن امي هبة يجب ان لا نضيعها مع جلافة الكفلاء (دي جمع كفيل ...بس عربي تعبان شوية), و كل يغني علي كفيله ...و القال ليك هنا ما عندنا كفلاء يا محمد منو؟ لكن ما بنسمح ليهم يضيعوا لحظاتنا الجميلة و دايماً رافعين شعار لما تفوتنا لحظة جميلة اجمل لحظة تستنانا
محمد عبدالجليل ...عزمت نفسك براك عندنا و قلت في اول اجازة حتجيني زيارة بس انت ياما اتورطت و لك ان تتحمل المسئولية ... علي العموم يا صديقي الاسفيري لو ما شالتك وطاتنا الخربانة دي حتشيلك عيونا ... وعشان ازرزك اكثر لي من طلب صغير لو امكن ترسل لي اميلك في رسالة خاصة لاني بالجد داير معاك
عفاف يا جميلة ادفقي منتظرين.....
| |
|
|
|
|
|
|
|
|
|
Re: زمن القحط وشح العواطف (Re: حافظ حسن ابراهيم)
|
| Quote: عفاف يا جميلة ادفقي منتظرين..... |
اخوي حافظ
اناالمنتظراك تديني من العندك واكيد عندك كتير
احساسي بيك انك انسان جميل
زي جمال البساطه والعفويه والالفه في
ملامح زول سوداني وانت في غربه
وانت في كربه واول ماتتكحل عينك فيه
لسان حالك يقول انا ما براي كل اهلي قدامي
تشوف فيه الاخوو الابو والولد وتشوف كل اهلك معاك
والفزعه قدامك
ابقي قريب ممكن تكون ولدي وممكن تكون اخوي
في كل الحالتين
البوست
انت ترس مهم فيه عشان يمشي لي قدام
ام احمد
| |
|
|
|
|
|
|
|
|
|
Re: زمن القحط وشح العواطف (Re: حافظ حسن ابراهيم)
|
Quote: محمد عبدالجليل ...والله صعبتها شوية ...و انا عارف دا كتير عليك لكن في ناس عليهم اكتر من دا .....لكن نحاول نعيش بسعادة قدر الامكان فالحياة كما تعلم يا ابن امي هبة يجب ان لا نضيعها مع جلافة الكفلاء (دي جمع كفيل ...بس عربي تعبان شوية), و كل يغني علي كفيله ...و القال ليك هنا ما عندنا كفلاء يا محمد منو؟ لكن ما بنسمح ليهم يضيعوا لحظاتنا الجميلة و دايماً رافعين شعار لما تفوتنا لحظة جميلة اجمل لحظة تستنانا
محمد عبدالجليل ...عزمت نفسك براك عندنا و قلت في اول اجازة حتجيني زيارة بس انت ياما اتورطت و لك ان تتحمل المسئولية ... علي العموم يا صديقي الاسفيري لو ما شالتك وطاتنا الخربانة دي حتشيلك عيونا ... وعشان ازرزك اكثر لي من طلب صغير لو امكن ترسل لي اميلك في رسالة خاصة لاني بالجد داير معاك
عفاف يا جميلة ادفقي منتظرين..... |
الاخ العزيز حافظ تحياتي لك والمعاك
أمس مساءا كنت مع أصدقائي خالد المحرب وعفاف أبوحريرة واتونسنا
عن (السودان ومصر وكوبا والجزائر والآه في الموال وبترول الشعوب العربية
باختصار تحدثنا مساءا كاملا عن كل شيء وضحكنا وبكينا...) وكان حافظ
حاضرا في ونستنا من بوست الانتفاضة والسمبر لحدي بوست عفاف زمن القحط
وشح العواطف ولو كان معانا تلفونك كان ضربنا ليك .. راجع الماسنجر
تلقى التلفون والإيميل والعنوان هنا وفي السودان واسمح لي بتعديل بسيط
في مشروع (الزيارة) في الاجازة يا زرتك يا عزمتك تزورني عشان يمكن يكون
عندنا بوش ( والبوش هو احتفال بعرس أو طهور مش الرئيس الأمريكي السابق)
وأطمأنك أني مبسوط (رغم النار .. رغم قساوة التيار) نتعزى بـ (حملي ثقيل ولكني له
فأنا خلقت من عنصر الفولاذ كي أحمل).. والطيب صالح صدق عندما قال أن
أهل السودان متل (شجر السيار لا يسرفون في الحياة) وقد كنت مستأجر للعمل
مع عمي حامد في الزراعة وهو الذي يواصل العمل حتى في نهار رمضان ويفطر
على موية الجدول ويواصل ولا يتشكى ولا يتضجر ويحمد الله في الضحى والضلام
ويحمده على الفقر ويتوكأ على نفس غنية وقلب شديد التماسك .. حتى عندما
ضربه النحل حتى أغمي عليه لم يعد يتذكر من تلك المحنة إلا جانبها المشرق
حيث يقول والله مما ضربني النحل تاني لا ضهري لا كرعي ما وجعني .. وعمي
حامد مثلك يا حافظ (شعاره لما تفوتنا لحظة جميلة اجمل لحظة تستنانا)
فكلما حرق له خضار أو لم يصادف خضاره سوقاً ينساهو ويشتت خضارا جديداً ويزرع
أملا جديداً.
وعندما تضيق مواعين صبرنا وتحاصرنا الاحداث نلوذ بالاصدقاء فنجد عندهم
الحل أو العزاء والى اللقاء في مداخلة قريبة قادمة تحياتي لك ولعفاف
التي منحتنا بوستا نفضفض فيهو عفو الخاطر
| |
|
|
|
|
|
|
|
|
|
Re: زمن القحط وشح العواطف (Re: Mohamed Abdelgaleel)
|
| Quote: والبوش هو احتفال بعرس أو طهور مش الرئيس الأمريكي السابق |
عفاف تصدقي انتي كنتي المائدة ومحمد عبدالجليل دا المحدقات فاتح الشهية في هذا البوست .... عفواً لثقافة الجوع) .... و يا ريت الواحد كان معاكم امس في الجلسة دي يا محمد و عفاف لكن ما مشكلة لما تفوتنا لحظة جميلة اجمل لحظة تستنانا ....
يا محمد ود النوبة والله بتنكت عبارات يا الله ...عبارات من زمن سحيق جميل بجمال جلستكم بالامس ...انا كل يوم بسمع الرئيس بوش بوش,,,بوش الابن اما بوش الضبع ما فارق ...كم هو اسوأ رئيس امريكي, قد ضرب العراق دون سبب (و دا ما قاعد يهمني كتير)...تسبب في الازمة المالية اوكان نذير شؤوم ... لكن علي الاطلاق ما هزاني الاسم دا او ذكرني باي حاجة رغم اني بسمعوا كل يوم .... انت عارف يا جميل لكن ما مدلل رجعتني رأساً ودون مقدمات لقريتنا التي في طور التلاشي ... رجعتني فوراً الي بنسو...بنسو دي اسم قريتنا و هي في النيل الازرق قريب من الدمازين ...يعني ما عندنا علاقة بالقضارف يا محمد ....رجعتني لتلكم القرية و انا بملابس النوم تنظر الي امي في لوم و اخواتي في حياء ينظرن .... بوووووووووش.... رجعتني هنالك لجلسات الودع دا من ست الودع يا ابو احمد و أم احمد ...(بوشة حريم) ..يعي لمة نساء ...
البوش دا عندكم يا منارة ... هكذا تقول ست الودع ...
ومنارة الله يرحمها فهي فعلاً كانت منارة ...منارة تختار من الثياب اجملها و ربما جمال الثياب اخذ هذه الصفة من جمال منارة الداخلي...منارة تهتم بذاتها لدرجة مرضية .... لا يحد ضحكتها الا حبالها الصوتية... في المناسبات السعيده لم تبخل علي احد بشبال ... تغني الجراري و تشرب المريسة كما انها تصلي العشاء متقطع... وفي الختام تعلق ضاحكة (اخرها كوم تراب)... فمن هذه المنارة احاول ان اتعلم معني الجمال ... احاول ان اعيش رغم الاحزان ...رغم السلطان ....رغم ثقب الاوزن .... منارة رحلت في عمر مبكر و تركتها كانت عصافير الحياة التي لم تزل تغرد ....
و مين علمك تهوي الجراح عفوا تهوي الجمال.
| |
|
|
|
|
|
|
|
|
|
Re: زمن القحط وشح العواطف (Re: حافظ حسن ابراهيم)
|
Quote: ومنارة الله يرحمها فهي فعلاً كانت منارة ...منارة تختار من الثياب اجملها و ربما جمال الثياب اخذ هذه الصفة من جمال منارة الداخلي...منارة تهتم بذاتها لدرجة مرضية .... لا يحد ضحكتها الا حبالها الصوتية... في المناسبات السعيده لم تبخل علي احد بشبال ... تغني الجراري و تشرب المريسة كما انها تصلي العشاء متقطع... وفي الختام تعلق ضاحكة (اخرها كوم تراب)... فمن هذه المنارة احاول ان اتعلم معني الجمال ... احاول ان اعيش رغم الاحزان ...رغم السلطان ....رغم ثقب الاوزن .... منارة رحلت في عمر مبكر و تركتها كانت عصافير الحياة التي لم تزل تغرد ....
و مين علمك تهوي الجراح عفوا تهوي الجمال. |
حافظ وزوار الخيط الاعزاء ومبتدرته عفاف أبوحريرة .. سلام تالت
الله يرحم منارة فقد عاشت بالحب والفرح (تغني بلسان وتصلى بلسان)
وتشرب المريسة وتغني الجراري ولا تمنح خلق الله إلا الشبالات والفرح
تعلم أنه بالحب يستطيع الانسان أن يخلق وهو في الجحيم جنة.
ما عارف ليه انا متخيلك من ضهاري القضارف .. يمكن عشان (حشاشة
قصوب) كما أوردت في بوست الانتفاضة .. ولكن لا ضير فضهاري القضارف
وبنسو والنوبة كلهن بنات حفرة
و(الناس في بلادي جارحون كالصقور
غناؤهم كرجفة الشتاء في ذوابة المطر
وضحكم يئز كاللهيب في الحطب
صلاح عبدالصبور)
كلهم يصلون ويحتسون ما تيسر من الاشياء ويحمدون الله على المسغبة
ويعبرون عن فرحهم بجلد السوط أو بالرقص في أزيم النوبات دل دل
قوم يا جربان
البصري عندو القطرن
دل دل
ويبكون في المديح عندما يقترب موسم الحج
ويأتي (المداح) بعمائهم المقصبة وأصواتهم
التريانة ويرددون (الحجاج سافروا مننا
حجو وطافو بعرفه ومنى) فينهض الرجال عجالى
يرقصون (رقبه)
كل شيء يدهشهم ويبعث فيهم النشاط .. يستمتعون
بكل لحظة في الحياة ولا يعرف القلق طريقا إلى قلوبهم
| |
|
|
|
|
|
|
|
|
|
Re: زمن القحط وشح العواطف (Re: حبيب نورة)
|
حبيب نوره حبيب امك حبيب حالد
وانت بتعني عند خالد الكثير
وهنا انت حبيبي مرتين لاني دائما بشعر انه خالد ولدي
قبل ان يكون ابو اولادي
اينعت واورقت بي مرورك ياربيع
الله يمتعك بي شبابك ياابني كما امتعتني
بهذه الرائعه ايها الرائع
| Quote: أسمعوا معاي الغنية دي |
| |
|
|
|
|
|
|
|
|
|
Re: زمن القحط وشح العواطف (Re: عفاف أبو حريرة)
|
| Quote: حاجتنا للحب والرحمه بيننا حاجه غريزية موجوده في نفس البني ادم مننا بالضبط زي حاجة الحياة للموية |
ياها دى القطية المشتاقين ليها تروينا .. خيمة مكيفة فى عز الهجير
يا أم أحمد العود أحمد .. نورتى يومى أنتى خالد أخوى ..
ياهاسكنة
محبتى من أمى حواء وأبوى آدم
| |
|
|
|
|
|
|
|
|
|
Re: زمن القحط وشح العواطف (Re: الطيب شيقوق)
|
| Quote: حاجتنا للحب والرحمه بيننا حاجه غريزية موجوده في نفس البني ادم مننا بالضبط زي حاجة الحياة للموية |
اولا مليون مرحب ثانيا الساعة فقط لاحظت الموضوع والحقيقة العنوان اخافني وكمان لما تكوني انتي ام احمد الكاتبة .. صح زمن القحط وشح العواطف ليس لان الانسان ما ياهو الانسان لكن عوائق كثيرة تعييق مسارب وقنوات انسياب العاطفة .. عوائق تجعل الفكر مشغولا حتي ونحن نيام وتضعف الذاكرة وتزاحم العواطف وتاخذ مقاعده وتجعل اجسادنا عليلة وضعيفة وتعييق راحة بال نحتاج اليها لنتواصل بكلام وحديث يريح لا بشكوي تزيد الاوجاع فنسكت وتاخدنا دوامة مشغوليات دنيا تاخذ منا اكثر مما تعطينا .. والله اتلومنا معاكي يام احمد تب ( دي اتعلمتها جديد من كلام العرريب ودشيقوق وكمات كلمات زي دحين ومسنوح وعييك وطب ولكن نضم كتير تاني بيقولو ما اظن هو ظاتووو فاهمو اهو بس بيغشني لاني ما بعرف نضم العرريب )...
لك ولاسرتك الجميلة وشيخ العرب المودة
| |
|
|
|
|
|
|
|
|
|
Re: زمن القحط وشح العواطف (Re: abubakr)
|
Quote: ياها دى القطية المشتاقين ليها تروينا .. خيمة مكيفة فى عز الهجير
يا أم أحمد العود أحمد .. نورتى يومى أنتى خالد أخوى ..
ياهاسكنة
محبتى من أمى حواء وأبوى آدم |
كلماتك حلوة احلي من الشهد واعذب من مياه النيل
اخوي رافت ميلاد
تعال نعمر قطيتنا دي بالالفه والمحبه وخليها شجره وريفه
وكل يوم نجي نقيل فيها
ابوبكر مرورك ملاني قبطه وفرح يلا تعال انت والعرريب شيقوق
وعليكم ترشو الشجره مويه عشان تبرد لي ناس ربنا لما خلق الجمال خصاهم بيه
خالد
ابوبكر
شيقوق
رافت
حافظ
طارق
ادريس
نجوان
اسعد
يلا ابدو الونسه انا بمشي اظبط ليكم الشاي وبجي
| |
|
|
|
|
|
|
|
|
|
Re: زمن القحط وشح العواطف (Re: عفاف أبو حريرة)
|
احمد العمار ابقي قريب شجرتنا بارده ابوبكر
ح يخلي الطيب يجيب المويه عشان يرشو بيها الواطه من النهر الجاف
حبيب نوره حبيب الناس كلهم طبعا انت ح تكون متفن في النص
يلا ورينا محنك
| |
|
|
|
|
|
|
|
|
|
Re: زمن القحط وشح العواطف (Re: عفاف أبو حريرة)
|
| Quote: يلا ابدو الونسه انا بمشي اظبط ليكم الشاي وبجي |
العرريب اليوميين دييل بقي زي السيارة ام تنكيي تنك بترول وتنك ايثانول ودحين بقي ما بيقعد في بكانا واحد لحد مالتنكيين يفضن ..
| |
|
|
|
|
|
|
|
|
|
Re: زمن القحط وشح العواطف (Re: عفاف أبو حريرة)
|
| Quote: وعليكم ترشو الشجره مويه عشان تبرد لي ناس ربنا لما خلق الجمال خصاهم بيه |
بدوبى ليكم رمية بى ريحة الجروف
بت الحسن تتم النضم وتلضم ديك الحروف
العريريب يعرض ينقز تب ما منو خوف
وحبيب نورة مع الرطانى شوقآ ولوف
أمرقى الشاى المنعنع وودالمحرب عليه الدفوف
| |
|
|
|
|
|
|
|
|
|
Re: زمن القحط وشح العواطف (Re: عفاف أبو حريرة)
|
أم احمد تحياتى
Quote: احمد العمار ابقي قريب شجرتنا بارده ابوبكر
ح يخلي الطيب يجيب المويه عشان يرشو بيها الواطه من النهر الجاف |
والله يا أم أحمد شجرتكم ما بتتفات وريفة وجميلة وضلها بارد
متابعين معاكم ومستمتعين كمان ، طبعا بمجرد الموضوع يكون فيه
ناس زى محمد عبدالجليل والمحرب أبواحمد بيكون ممتع وعفوى جدا
بالله فى عفوى اكتر من حديث اخونا محمد عبدالجليل
عن وليدنا الصادق القال ليهو غنمايتنا ولدت ..
بالمناسبة ( أم وضاح ) بتبلغ التحايا
أحمد العمار
| |
|
|
|
|
|
|
|
|
|
Re: زمن القحط وشح العواطف (Re: احمد العمار)
|
العرريب اليوميين دييل بقي زي السيارة ام تنكيي تنك بترول وتنك ايثانول ودحين بقي ما بيقعد في بكانا واحد لحد مالتنكيين يفضن ..
جابك بجاى شنو ؟ مش قلت ليك لازم تجتاز امتحان مفردات البطانة عشان تحوم بجاي :-
الامتحان التمهيدي يتكون من الاسئلةالاتية :
ماهي الارض البادوبة ؟ اذكر نوعين اخرين من عينات الاراضي ؟
هل بتعرف العنكوليب السقداوي ؟ واين يعلق او يخزن تيراب العنكوليب ؟ وهل يخزن قنقر ( قناديل يعني) ام يكون معبأ في تليس ( التليس هو الشوال)؟
هل بتعرف الموليتة؟ ولتسهيل الاجابة هي حاجة بمزوا بيها بالليل .
هل تعرف البقنية ؟
راجع ليك
| |
|
|
|
|
|
|
|
|
|
Re: زمن القحط وشح العواطف (Re: الطيب شيقوق)
|
حباب الأربابة أم أحمد ..
نعم ياأختي العزيزة إنه زمن القحط وشح العواطف ..
إنه زمن يفسد البسمة الصادقة ويصيبها باليرقان .. زمن يخرج من فوضى الأشياء عواطف ليس لها إتجاه ولا ملامح ..
زمن يتحسس مايؤلم الأرواح من أوجاع .. ويحشر في رئتي الفرح دخان ماء .. ثم يحبس دمع العيون التي تستجير بالبكاء ..
زمناً جبار لايرحم .. زمن كما قال عنه الفيتوري .. وجه يتشدق من شفتيه دم ..
رغم ذلك .. تجدينا نمسك بأيادي من صدق بأخواننا الذين وهبونا رئة نتنفس عبرها هواء نقي ..
نشتاقهم بنبل .. ونجالسهم في خوف .. ونخشى أن تصيبنا أنفلونزا الإنقسامات والتصنيفات ..
تحياتي لك يازولة توزن مليون نفر ..
وتحياتي عبرك للأرباب وأهل الدار الأرابيب وكل من أنار حرفه هذا الخيط الحي ..
كوني بخير،
أخوك/ خالد سعيد
| |
|
|
|
|
|
|
|
|
|
Re: زمن القحط وشح العواطف (Re: Khalid Saeed)
|
Quote: بدوبى ليكم رمية بى ريحة الجروف
بت الحسن تتم النضم وتلضم ديك الحروف
العريريب يعرض ينقز تب ما منو خوف
وحبيب نورة مع الرطانى شوقآ ولوف
أمرقى الشاى المنعنع وودالمحرب عليه الدفوف |
رافت ميلاد مرحب بيك انا بداء ليك بالعكس
ود المحرب ضابح ليكن خروف
والعرييب جايب معاهو الكيوف
والرطانى جاب نضم ناس سيد احمدوف
وحبيب نوره دا قاعد حفيان بضرب دفوف
وبت طلحة عندها وزن الحروف
وام احمد ست الدار والولوف
تحياتى 00000
| |
|
|
|
|
|
|
|
|
|
Re: زمن القحط وشح العواطف (Re: خالد المحرب)
|
العزيزة عفاف ... زحي يا اختي فالحرير بطبق يا بت ابو حريرة ....دا اجمل ما سمعته عن الغزل العفيف حتي اليوم ...وقتها كنا طلاب في الجامعة ومع زميلاتي الاربعة اجمل البنات و دا في نظري انا و لو كنت اؤمن بالتعدد لتزوجت بهم الاربعة لكن الحمد لله .... مره في الجامعة قررنا نركب تاكسي ما عارف المناسبة كانت شنو... المهم وقفنا التاكسي ... انا استخدمت حقي التاريخي و تربعت علي المقعد الامامي دون حياء و علي جمهور النساء الاربعة ان يتدبرن امرهن ...رشا و نون اي واحدة منهم ممكن المقعد الخلفي ما يشيلها ودي صيغة مبالغة شوية طبعاً...الاربعة ما قدروا يقعدن, سيد التكاسي كان حريف شوية قام قال ليهن (زحن يا بناتي ...الحرير بطبق )...يا خي الاربعة ديل اطبقن و التاكسي شالن زي الما حاصلا حاجة ومعاهو كان يوم جميل جدا 4 بنات معنوياتهن في السماء ... هسي داير اقول ليك يا جميلة زحي يا اختي الحرير بطبق و خليني اتغزل الليله فيي محمد عبدالجليل بحر التسامح ...و الوح بيد لمدحت سليل المسيح ...الطيب شيقوق و الشوق من حاصف لقاصف ....و كل محبي الجمال في الكون المثقوب الاوزون ....عفاف يا جميلة انا انتهيت و حاولي تتلمي معانا بس ما تختو فيني رأي لو قريتكم بوست يخصني ...و لو ختيتو راي برضو بحبكم
ليس دفاعاً عن الخمر
محمد عبدالجليل لا التلفون الرسلتو لي شغال و لا الاميل بترد انت وقت رسلتهن كنت مالك؟
| |
|
|
|
|
|
|
|
|
|
Re: زمن القحط وشح العواطف (Re: حافظ حسن ابراهيم)
|
| Quote: محمد عبدالجليل لا التلفون الرسلتو لي شغال و لا الاميل بترد انت وقت رسلتهن كنت مالك؟ |
الاخ حافظ فى فارق الوقت بين خارج السودان وداخل السودان نحنا هنا بنساهر عندنا ظروفنا كلها0000 ناسى القضارف
عايشيين بى ببساطة الحياة فى بلد الليل بفرض حاجاتو00000 لكن نحنا فى بلاد بره بحكمنا تحصيل الرزق رزقنا بى الليل
وبعد داك ماتبقى منه نروح عن انفسنا 00
| |
|
|
|
|
|
|
| |
عفاف أبو حريرة
اسعد الريفى
Mohamed Abdelgaleel
حافظ حسن ابراهيم
طارق عبد اللطيف نقد
نجوان
ادريس خليفة علم الهدي
خالد المحرب
.jpg)
الطيب شيقوق
حبيب نورة
رأفت ميلاد
abubakr
Khalid Saeed
Muna Khugali
خالد علي محجوب المنسي
سلمى الشيخ سلامة
Shiraz Abdelhai
فيس بوك
تويتر
انستقرام
يوتيوب
بنتيريست