|
|
|
 Re: كاميرا من جوار العريس خضر حسين خليل ... ويا قمر بوبا إستلم المايك (Re: طارق جبريل)
|
Quote: قمر يااخ اثبت حتى لو مرة احدة فى حياتك.....للعدسات... اسود وابيض( قبلانين)..
وبعدين دا وقت عرس??مش كان تمطو شوية كدا عسي ولعل...
شلبى ياخ ازيك ومبروك ومعليش وعقبالك........ |
قلتي ليا بوبا قال شنو ؟ نحن ناس صور ... بالغتي هو ما قاصد كدهـ (وش ضاحك)
لو مطيناهـ يقوم العريس يسافر لأمريكا نقول لبتنا شنو ؟
ويا اميرة معليش دي وقعت هنا كيف ؟ ياخي نحن غير الناطقين بها وعرفناها
| |
 
|
|
|
|
|
|
|
|
Re: كاميرا من جوار العريس خضر حسين خليل ... ويا قمر بوبا إستلم المايك (Re: الفاتح شلبي)
|
| Quote: زواج الوجيه خضر حسين |
عزيزنا شلبي الوجيه دي ما واسعة شوية
صديقنا المشاكس خضر حسين خليل او كما قال عندما جا من قرية ابوراقة في مطلع السبعينات مجاوباً على سؤال الاستاذ شوقي وهو يسألة عن اسمة فاجاب في خوف لم يستطيع ان يخفيه من هذا العالم المليئ بكل هذه الضوضاء ( انا هدر هيسين هليل ) مبروك ياوغد واخيراً لقيت ليك زولة تقابل شناتك دي لي ابد الدهر اخيراً ياخدر .
مناسبة تحتاج لي بكتة زغاريد
واهو العالم موعود بي ثلة من الرائعين .
قمر بوبا الحجج كملت ياخوي انشاءاللة المانع خير
شكرا الفاتح اخوي
اهو ناس تعرس وتمبسط
| |
|
|
|
|
|
|
|
|
|
Re: كاميرا من جوار العريس خضر حسين خليل ... ويا قمر بوبا إستلم المايك (Re: الفاتح شلبي)
|
يا بدر الدين
انت العربي ابو نضارة بتاع الكمبيوتر ج السودان؟ من الفين وتمنية انت هنا؟؟؟ انت لسة غتيت كدة؟؟ ياخي كيف الوليدات والطائف - ده كان انت-
الفاتح
ياخي انا ما زغت ولا اتفقت معاك ...انت براك رفعت بوست تعسفي جدا... لكن خليني أرشها ليك بالواضح
ياخي انا مالي خضر يعرس ولا ما يعرس
ثم اصلا خضر يعرس ليه يعني...ذنبها شنو البت الصغيرة دي ياخ
مش كفاية رجع البلد وملخبط برامجنا
أميرة الشيخ؟؟؟
ياخي مشتاقين عديل كدة،،،صوري العندك بلاهي رجعيهم سريع...اصلوا معارك الاسفير الشايفنها دي بقي فيها ابتزازات واضحة وكدة
أو ربنا يسلط علي جهازك فايروس ما يخلي فيه غير الوصلات قادر يا كريم بحق جاه النبي وبركة سيدي ابوالعباس (ما بتاع الفول)
الشفيع ابورمزي؟
انت وغد كبير جدا
_____
عموما يا اخوان واخوات الدعوة موجهة رسميا لعقد القران الجمعة القادمة وحنرفع بوست منفصل لتوصيف الجخنون الاسمه كلاكلة قطعية والدعوة عامة وما معانا كمرات وحركات بلدية ...علي الايمان تهف معانا ننقل العقد جامع الركيني الساعة تمنية مسا كان مرقتو مننا كويس
| |
|
|
|
|
|
|
|
|
|
Re: كاميرا من جوار العريس خضر حسين خليل ... ويا قمر بوبا إستلم المايك (Re: Yassir Tayfour)
|
| Quote: ياخي انا ما زغت ولا اتفقت معاك |
قمر بوبا
وكمان تقول لبدر الدين البرئ دهـ " إنت لسع غتيت" ؟
سلوى صيام
تهانيكم وصلت ... رسلت الورد لخضر ذاته يمكن يستخدمها فى جملة مناسبة قصدي فى حتة مناسبة لانه فى أشد الحوجة لمثل هذهـ الورود.
صديق الموج
حنعمل بالوصية مع الشكر
السمؤل بدر الدين
آيي فى السودان وتحديداً فى الكلالكة القطعية
تيسير النوراني
التلفون اكيد وصلك فى الماسنجر
الكلاكلة قصتها قصة ... نعمل شنو الجماعة اخدوا المناطق الناعمة ومهمشيننا حتى فى العاصمة ... فيها شنو لو جرو لينا الكلاكلات دي ودوها لينا جنب المنشية
معتصم دفع الله
العجب مع الدعوات وصلت طرف خضر (انت مريخابي؟)
الشفيع محمد صادق
خضر صاحبك دهـ من كعوج لسانه وبقى ما يكسر العربي ولا يؤنث المذكر زينا كدهـ ... مشى البلد مرة واحدة أريتو لو ما مشى ... رسلوهـ يحش البلح ... نسى البلح ورجع الخرطوم سفروهـ تاني قعد 6 شهور أكل البلح وجاء فاضي (وانا شاكي فى انه أكله بيكون عمل شنو؟).
الشفيع عوض شوشتا
التلفون اكيد وصلك فى الماسنجر
وبعدين ما تقول ليه كدهـ ... خليه يتورط
معز السر
تهانيكم وصلت لغاية خضر
يا ربي أعذار قمر بوبا عندها علاقة بـ " وين هتهرب منو وين" ؟
حمزاوي
أرملة شهيد ؟
بالغت ... لكن ما قالوا اللى بياخدوا أرامل ... مواصفات غير (على غرار جدة غير)
عبد اللطيف حسن علي
تهانيكم أيضاً وصلت طرف خضر
الكلاكلة القطعية
أبو ساندرا
أسر ديمقراطية ومناضلة كمان ؟
خوفتني عديل ... نحن نظامنا أصغر واحد بيتحكم فى الكبار بالرموت كنترول ... الله ينعم علينا بديمقراطية
محمد صلاح
تحياتكم وتهانيكم وصلت مع الشكر
ياسر طيفور
تهانيكم وصلت نعم بس الحب والمودة والرحمة ديل غايتو أنا أقدر أمرر الاولانية لكن التانية والتالتة ما ظنيت ... دهـ مجرم حرب انت ما بتعرفه كويس.
| |
|
|
|
|
|
|
|
|
|
Re: كاميرا من جوار العريس خضر حسين خليل ... ويا قمر بوبا إستلم المايك (Re: ياسر بيناوي)
|
هند محمد
الامنيات الطيبة بزواج مبارك وميمون وسعادة وصلت خضر بي ضبانتها
بيناوي
| Quote: وافضيحتنا لو باركنا لي خضر في البورد |
الفضايح ذاتها ما انواع دي من الفضائح اللذيذة يا بيناوي
| Quote: لو الرطانة ديل ادونا فرصة |
يا زول إتوكل على الله وتعال استلم الرئاسة ذاتها ... عليك ان تحفظ الجملة دي بس بالرطانة:
ووا خضر إكا منا إيقنا = woo Khidir ikka mina eigina
| |
|
|
|
|
|
|
|
|
|
Re: كاميرا من جوار العريس خضر حسين خليل ... ويا قمر بوبا إستلم المايك (Re: رأفت حسن عباس)
|
Quote: الف مبروك ياخضر وبيت مال وعيال وربنا يتمم على خير انشاءالله
شكرا شلبى وعقبالك |
ناهد بشير الطيب
تهانيكم وصلت بسرعة طبعاً مع الدعوات الصادقات
وبعدين خليتيني منتشي والله الظاهر شكلي لسع صغير فى الصورة ... وشوفو غتاتة بعلولتي تقعد تقول لي إني كبرت ... انا علي بكلام ناهد وأقول أمين وبس
رأفت حسن عباس
| Quote: ياخى خضر دة ( أوسم ) من مشى على الارض |
دي الواسعة بقى يا رأفت
مشكلة الشفيع رمزي أنه معاهـ صورة لخضر وهو صاحي من النوم مباشرة
تهانيكم وصلت دون ان أذكر ما ذكرته عن وسامته ... لأني ما بعرف أكذب
| |
|
|
|
|
|
|
| |
الفاتح شلبي
GamarBoBa
الرفاعي عبدالعاطي حجر
Siham Elmugammar
mayada kamal
Abdlaziz Eisa
محمد الشيخ أرباب
شول اشوانق دينق
طارق جبريل
khaleel
Badr elhaj
صديق الموج
السمؤال بدرالدين
معتصم دفع الله
moaz elsir
عبداللطيف حسن علي
أبو ساندرا
Yassir Tayfour
هند محمد
ياسر بيناوي
ناهد بشير الطيب
Zomrawi Alweli
رأفت حسن عباس
SHIBKA
بدر الدين اسحاق احمد
محمد عبد الماجد الصايم
نوفل عبد الرحيم حسن
Amin Mohamed Suliman
نبيل عبد الرحيم
فيس بوك
تويتر
انستقرام
يوتيوب
بنتيريست