|
|
 شــــــــوقـــا وقــــــــد
|
شوقا وقد
قايد ازايم نار مهربدة جوفي
شوقا برق
عز العتايم
والركام ضلل على نجمات
سما النيل الفقد قمريهو
قبال الخريف
يبدا
ندهتك وانت في جواي
يا بنية بتبدد خوفي
شلتيني في جنبك غنا ودوبيت
شلتك معاني العزة
شلتك زوادة سير
مونة خريفي وصيفي
ما جيتك مودر رسمك
ولا جيتك ضهب
فاقد ملامح قلبي من شوفتك
جيتك عشان
ياهجعة الغربة
براكي تشوفي
في عيني بتجقلب خيول الريدة
تنثر من عصب مكمن حشايش الروح
غبار حسا مشبع بيكي
مليان بالقصيد الحي
بس راجيكي انت تقيفي
تسمعي للنغم مارق حنين وانين
يا جوهر حسن
وصفك غلب وصاف
عباقر الجن
وشال منه القمرلؤلؤ
عكس نورك
وكان الليل مغتغت في
في عباية الصيف
لا كليت تعب غربة وسنين فاتو
لا مليت درب ريدك
وفي عينيك
مكامن روعة العاشقين
بخت رحل السفر واهجع
وانم مسادير الوله
واسجع
وابري خيال جمال طيفك
يصل
نجم السعود
وارجع
الاقيك حداي زولا
ملك قلبي وشغل فيني الوريد
نبحت شرايين الغنا المدسوس
صدحت
عناديل الحشا الممسوس
قدحت
شرارات الجوى المحسوس
سبحت
غمامات الغرام بينا ،
هتنت
مطيرات الحنين،
نزفت
كلام قلناه في ليلة خريف ناعمة
وآه
ثم آهٍ
ثم
صارت كلمة في جواى
لادايرة في عز النهار تطلع
ولاسكنت
تبرد جوفي
|
|
 
|
|
|
|
|
|
|
|
Re: شــــــــوقـــا وقــــــــد (Re: د.محمد حسن)
|
احكي لي
كيف بيتعبني الغياب
وكييف بتبقى انت جواي
اصطخاب
وكيب بيتبدل سكون الليل
ضخب
وكيف بشوفك
سابحة بين طيات سحاب
اجمل الملكات وحاتك
ضاوية زي برق الشهاب
ريدي ليك
حاجة ما عرفوها ناس
او قروها في كتاب
| |
|
|
|
|
|
|
| |
د.محمد حسن
Safa Fagiri
humida
فيس بوك
تويتر
انستقرام
يوتيوب
بنتيريست