|
|
 سادومبا عااااااااااادي وخليفه مكســــــــــــب
|
انتهت قبل قليل مباره الهلال والخرطوم بفوز الهلال بهدفي هيثم ومهند
شهدت المباره مشاركه اللاعب الجديد سادومبا واللاعب المنتقل من المورده خليفه كاساسين من بدايه المباره
دي المره الاولي التي اشاهد فيها سادومبا واشاهد فيها خليف في مباره (شاهدت خليفه في تمارين معسكر الدوحه)
الانطباع الطلعت بيهو وهو انطباع اولي علي كل حال انو سادومبا مهاجم عادي ولا يستحق الضجه التي اقامها له الاعلام
وممكن يكون في زيو كتير لا عبين محليين خاصه انو طريقه لعبو تشبه هيثم طمبل الي حد كبير
قد يكون هو لاعب سريع وقناص و يمكن الحاجات دي صعب الحكم عليها من مباره واحده لكن المؤكد انو لايملك مهارات عاليه كامبيلي مثلا او حتي كلتشي
في الجانب الاخر اعتقد انو خليفه مكسب كبير جدا فهو لاعب بيذل مجهود كبير وينتقل في الملعب شرقا وغربا ةيملك مهارات واضحه وطريقه لعبو تشبه لاعبي الارتكاز بقليل من التركيز والخبره والانسجام اظن انو ممكن يبقي مشروع طرف يمين عصري بكل المقاييس
|
|
 
|
|
|
|
|
|
|
|
Re: سادومبا عااااااااااادي وخليفه مكســــــــــــب (Re: Omar Bob)
|
عمر بوب سلامات
اتفق معك تماما فى ماذهبت فيه بخصوص خليفه و حموده
بخصوص سادومبا هى عدم الانسجام تقريبا نفس الطريقه
التى بدأ بيها قودوين وكليتشى و امبيلى من قبل
وننتظر مزيد من المشاركات بعد داك ممكن نحكم
اهم حاجه طلعت بيها من هذه المباراة عودة اللياقه البدنيه و الذهنيه لهيثم مصطفى
فهيثم قدم واحده من اروع مبارياته الاخيره ولم يتوقف طيلة ال 90 دقيقه وقدم
لمحات وتمريرات ودافع وهاجم بمستوى رائع من ما اهله بنجومية المباراه بدون منافس
ده غير الهدف الاسطورى الذى احرزه ... وبعودة هيثم لسابق عهوده ومع العوده القويه
لعلاء يوسف والمستوى الراقى لامير امبده و تحركات امبيلى المزعجه بعد الدخول
ممكن نقول مبروك كاس افريقيا خصوصا المدرب رائع وبعرف يسد ثغرات الدفاع
و بعرف متين يهاجم و متين يدافع ومتين يغير ومتين يغير مراكز الاعبين
| |
|
|
|
|
|
|
|
|
|
Re: سادومبا عااااااااااادي وخليفه مكســــــــــــب (Re: طارق الكوتش)
|
سلامات يا كوتش:
| Quote: نفس الطريقهالتى بدأ بيها قودوين وكليتشى و امبيلى من قبل |
ممكن تكون زي بدايه قوديين لكن اطلاقا ما زي بدايه كلتشي وامبيلي
كلتشي في اول كوره ليهو سجل هدف اسطوري في الوداد المغربي علي ما اذكر ووضح انو لاعب ذو مهاره عاليه
وكذلك امبيلي انا حكمت عليهو من ناحيه مهاريه وفي دي انا شايفو لاعب عادي
Quote: خصوصا المدرب رائع وبعرف يسد ثغرات الدفاع
و بعرف متين يهاجم و متين يدافع ومتين يغير ومتين يغير مراكز الاعبين |
تعرف يا طارق انا عندي بعض التحفظات حول المدرب بس منتظر اول مباره يلعبها الهلال خارجيا وبعد داك نشوف
المباريات الداخليه خاصة في الدوري اي مدرب ممكن بقود الهلال للفوز فيها
المباريتين الافريقيتين الهلال لم يقدم في اي منهم عروض قويه سوي جزء من الشوط الاول قدام المريخ
| |
|
|
|
|
|
|
|
|
|
Re: سادومبا عااااااااااادي وخليفه مكســــــــــــب (Re: ضحيه ابراهيم)
|
سلام يا محمد عبد الرحمن
والله اناشفت انو سرعته عاديه وما شفتو يسبق اي من مدافعي الخرطوم
وتحكمو في الكوره عادي وما عندو مهارات عاليه دي الواحد ممكن يحكم عليها من اول لمسه للكره وما داير ليها انسجام ولا داير ليهافتره من الزمن
المشكله انو الهلال سجل الزول ده معار لمدة 6 اشهر ومفروض يساعد الهلال في اللحظه.
انا زي ما قلت في كلامي ممكن يكون لاعب قناص ودي بتظهر مع التفاهم والانسجام
لكن مهاريا هو لاعب اكتر من عادي
| |
|
|
|
|
|
|
|
|
|
Re: سادومبا عااااااااااادي وخليفه مكســــــــــــب (Re: haroon diyab)
|
سلام يا هارون
تعرف سادومبا دا لو طلع ماسوره والهلال سجل معاها تاني تسع مواسير ما حيساوو ماسورتكم الواحده الاسمها وارغو
بالله يا هارون دوره تضم كميه من الحمام الميت احرزت فبها قرابة الميه هدف زول مسجلينو باكتر من 3 مليون دولار ما يجيب ولا هدف ياخي معقوله بس
سادومبا ولدنا نقيمه كيف نشاء اصلو قروشو كلها ما تامه 200 الف دولار لكن انتو حقو لمن يجيبو سيرة المواسير حقو تخجلو
| |
|
|
|
|
|
|
|
|
|
Re: سادومبا عااااااااااادي وخليفه مكســــــــــــب (Re: haroon diyab)
|
يا بوب : سادومبا خطيييير والهلال سيستفيد مه كثراً وفي هذ البطولة تحديداً
يمتاز بالسرعة والقدرة على الاتحام وتخزين الكرة هذا بالإضافة لتهيئة الكرة لزملائة القادمين من الخلف ولكن طريقة اللعب في الجزء الذي لعب فيه لم تساعده كثيراً، والطريقة التي أعقبت نزول أمبيلي هي التي ستظهرة أكثر وأكثر..
وعلي ضمانتي ستشاهده في مبارة كانو القادم كما تحب..
وبكده نكون ضمنا البدائل والتنوع بين مهارة أمبيلي وكاريكا وانطلاقات سادومبا ورواشة أحمد عادل الملطوبة في بعض الأوقات يمكن تنويع شكل مهاجمي الهلال حسب الحال..
نوموا عافية..
خليل وينو؟؟؟
| |
|
|
|
|
|
|
|
|
|
Re: سادومبا عااااااااااادي وخليفه مكســــــــــــب (Re: عثمان جلال الدين)
|
عمر سلامات
عارف انا بعيدا عن هذا الموضوع ، اتمني ان يقوم مدرب الهلالاب بتغيير
خانة امبيلي ليلعب في الوسط ويصبح لاعب وسط متقدم (زي كاكا) ، وبالتالي نرتاح
من المساحة الخالية -الواضحة في كل مباريات الهلال- بين الوسط والهجوم ، ولو لاحظت مباراة الهلال
الاخيرة تحس ان مهاجمي الهلال اكثر اللاعبين (جريا) في الميدان ، لانو مهمتهم اصبحت استلام الكورة من
وسط الميدان والتقدم الي المرمي ،،،
| |
|
|
|
|
|
|
|
|
|
Re: سادومبا عااااااااااادي وخليفه مكســــــــــــب (Re: رقم صفر)
|
تحياتي يا عمر ..
لاعب الكورة بتعرفه من لمسته ليها وسادومبا بلا شك سوف يكون مكسب كبير للهلال ..
إصابة أحمد الفاضل وخروجه مع تبديل خليفة من خانته هي الشلت أطراف الفريق لذلك لم يكن هنالك تمويل للمهاجمين مما أدى لعدم ظهور سادومبا لخطورته ..
وبعد نزول حمودة ومهند زادت فعالية خط المقدمة وكنت أتمنى أن يكمل سادومبا المباراة لأن الشوط الثاني كان أفضل وفيه تمويل جيد للمهاجمين وكان أكثر حيوية من كاريكا ..
| |
|
|
|
|
|
|
|
|
|
Re: سادومبا عااااااااااادي وخليفه مكســــــــــــب (Re: معتصم دفع الله)
|
| Quote: لاعب الكورة بتعرفه من لمسته ليها |
الكلام ده متفقين عليه ميه في الميه وانا لاعب كوره سابق - اسأل نادر كنت مجهجو كيف-
عشان كده بعرف الاعب حريف ولا ما حريف من اول لمسه للكره
| Quote: وسادومبا بلا شك سوف يكون مكسب كبير للهلال |
هي برضو ممكن اتفق معاك انو مستقبلا ممكن يكون مكسب لانو في حاجات كتيره بتدخل تخلي الحكم علي مجمل عطاء الللاعب صعب من مباره او مباريتين
لكن تقيمميالاولي ليهووالهو ممكن تعرفو من خلال اول لمسه للكره انو مهارتو و تحكمو في الكره عاديه
في الحقيقه هو نسخه من هيثم طمبل كما رايته امس
| |
|
|
|
|
|
|
|
|
|
Re: سادومبا عااااااااااادي وخليفه مكســــــــــــب (Re: رقم صفر)
|
| Quote: من المساحة الخالية -الواضحة في كل مباريات الهلال- بين الوسط والهجوم ، |
سلام يا معتصم
تعرف دي عله الهلال الاساسيه في وجود لاعب وسط متقدم يشق الملعب طوليا
الهلال اطلاقا ما عندو لاعب زي ده ومهند مفروض يكون هو هذا اللاعب لكن مهند مشكلتو ضعف الالتحام وبطء الحركه
لامن تضيف عيوب مهند الي عيوب هيثم والهي نفس العيوب يظهر ليك الفراغ الكبير في مقدمة الهلال ويزيد الطين بله ضعف مشاركة اطراف الهلال ولاعبي الارتكاز في الجانب الهجومي
الهلال في الخمس مباريات الرسميه احرز فيها 7 اهداف . المهاجميين احرزو منها هدف واحد فقط بالاضافه لكده تقريبا ثلاث اهداف اتو من كور ثابته (فاول او كورنر) وهدفين علي ما اذكر فقط جو نتيجه جمله تكيكيه واضحه
في تقديري امبيلي ليس الحل لملئ هذا الفراغ فهو لاعب يجنح للعب بالاطراف اكثر من اللعب وسط الملعب
| |
|
|
|
|
|
|
|
|
|
Re: سادومبا عااااااااااادي وخليفه مكســــــــــــب (Re: عثمان جلال الدين)
|
الأخ/ عمر بوب
أولا أتفق معك في اللاعب خليفة فهو الطرف اليمين الوحيد في الهلال الآن
وهو قد حاز على إعجاب المدرب كامبوس بس المدرب عندو فلسفة
في أن يقوى عود خليفة شوية وبعد كده سوف يعطيه الفرصة كاملة في
كل المباريات القادمة .
ثانيا: سادومبا من أخطر اللاعبين وهو في سرعة إمبيلي وحقيقة أن سادومبا
سيكون إضافة حقيقة لهجوم الهلال وإذا لعب مع إمبيلي سترون العجب
في هذا الثنائي الخطير وأعتقد أن كاريكا بدأ مستواه في هبوط
مستمر ربما كثرة المشاركات أدت لإرهاقة .
ثالثا : كامبوس مدرب قدير لا يشق له غبار فسوف تراه في مباراة كانو بيلارز
في نيجريا .. وأنا من وجهة نظري الشخصية بأن الهلال هذا العام
سوف يصل للنعائي وعندها لكل حادثة حديث ..
مع أمنياتي لهلالنا العظيم
| |
|
|
|
|
|
|
|
|
|
Re: سادومبا عااااااااااادي وخليفه مكســــــــــــب (Re: سيف الدين علي محمد الفاضل)
|
سلامات يا سيف
Quote: سادومبا من أخطر اللاعبين وهو في سرعة إمبيلي وحقيقة أن سادومبا
سيكون إضافة حقيقة لهجوم الهلال |
الحكم ده جاء من المشاركه بتاعت امس ولا من تقييمك ليهو من مشاركات سابقه
لانو انا حكمي ده فقط من خلال مشاهدتي ليهو امس
Quote: وأعتقد أن كاريكا بدأ مستواه في هبوط
مستمر ربما كثرة المشاركات أدت لإرهاقة .
|
متفقين حول الكلام ده كاريكا قبل توقف الدوري يختلف عنه في الدوره الثانيه ولا اعتقد انو الحمل الزائد هو السبب
فالهلال بعد عودته للمنافاسات لم يلعب اكثر من عشر مباريات نصفها مباريات تجريبيه والبكون فيها الحمل اقل بكثير من المباريات التافسيه والكلام ده بعد توقف اكتر من شهريين تخلله معسكر اعدادي
Quote: كامبوس مدرب قدير لا يشق له غبار فسوف تراه في مباراة كانو بيلارز
في نيجريا |
كامبوس ما بنغالط في سيرتو الذاتيه بالنسبه لي اي زول اشتغل مع ريال مدريد ان شاء الله كان بجيب الكوره من ورا القون براها كافيه جدا بالنسبه لي
بس انا عندي مشكله كبيره مع اي مدرب يجرب لاعبيه في المباريات الرسميه. طيب التمارين دي عملوها ليه؟
| |
|
|
|
|
|
|
|
|
|
Re: سادومبا عااااااااااادي وخليفه مكســــــــــــب (Re: عثمان جلال الدين)
|
سلامات يا عثمان
| Quote: يمتاز بالسرعة والقدرة على الاتحام وتخزين الكرة هذا بالإضافة لتهيئة الكرة لزملائة القادمين من الخلف ولكن طريقة اللعب في الجزء الذي لعب فيه لم تساعده كثيراً، |
الفهمتو انا من كلامك انو ده تقيمك من خلال مشاهدتك ليهوفي مباريات اخري واتمني ان يكون تقيمك ده صحيح ميهفي الميه لانو حقيقه الهلال محتاج لمهاجم بهذه الصفات والتي افتقدها منذ مغادره قودين
قودين واحد من اخطر المهاجميين المرو علي الهلال لو قيمناهو بس في موسم 2007 لانو لاعب قناص يحرز هدف من نصف فرصه(القون الاول الجابو في اسيك في دوري الابطال والله كان في اقل من نص فرصه) وهو قوي يجيد الالتحام واستلام الكره تحت ضغط الخصم والاهم من كده كان بيتحرك باستمرار وسط المدافعين مما يؤدي لخلخله الدفاع لكن مع كل هذا فمهارات قودين في التحكم و المراوغه كانت عاديهعشان كده اخد زمن طويل عشان ينسجم مع اللاعبين ويبقي مفيد
وده الانا خايف انو يتكرر مع سادومبا لانو حقيقة الهلال ما عندو زمن كتير عشان هو ينسجم ان كان طموحنا هو الفوز بهذه البطوله
| |
|
|
|
|
|
|
|
|
|
Re: سادومبا عااااااااااادي وخليفه مكســــــــــــب (Re: Omar Bob)
|
انت ياعمر داير تطمن الجماعه عشان ما يشتكونا لووووووول ..ياخي شفت النغمه اتغيرت سريع كيف !! من عدم قانونيه الي مستوي اللاعب !وين الشكاوي وموضوع التزوير وانو الهلال ما حايقدر يستفيد من اللاعبين حتي شهر 12 !! وفي حاجه تانيه فاتت علي الناس انو سادومبا شارك مع الهلال ضمن كشف الـ 18 لاعب في مباراة زيسكو وقانونيا لو في شكوي بيتعامل سادومبا كانو لاعب حتي لو ماشارك في المباراة ..شفت الاعلام ببيع للناس الوهم كيف !! مزمل كتب الليله انو اشراك سادومبا غير قانوني لانو اللجنه ما حسمت موضوع الاعاره (دا غير التزوير) وشداد قال سادومبا لاعب قانوني حتي تري اللجنه غير ذلك والقانون ما بيكون بي اثر رجعي كلام واضح وصريح بس الناس دايره تعيش !
نرجع لي مستوي سادومبا ..ونقارن شويه بي اشادتك بي خليفه ..انت عارف خليفه دا لو ما قوانين شداد كان بيكون حاليا خارج كشف الهلال ..في اول ظهور لي خليفه مع الهلال حكمت عليهو الجماهير والصحافه بانو لاعب فاشل ومافي قامة الهلال والاداره تحت ضغط الاعلام حاولت تتخارج من اللاعب مع زرياب وصالح عبدالله لكن الحمد لله انو شداد حدد الشطب في الموسم بي 7 لاعبين ونشكر كامبوس انو انصف خليفه واداهو الفرصه للظهور وتثبيت اقدامو في الهلال ..سادومبا لاعب حريف وسريع ولو ملاحظ ما طلعت منو كوره خطأ طوال الفتره الشارك فيها ماعدا كوره واحده اتعثر فيها ..دا غير انو اللاعب عائد من اصابه واول مباراة رسميه يلعبا مع الهلال ...
الحاجه المميزه حاليا في فريق الهلال بقي يمتلك بدائل جاهزه في جميع الخانات فالمدرب اشرك 10 لاعبين في خط الدفاع في اخر 9 مباريات ولم تهتز شبالك الهلال بل شارك الدفاع في احراز الاهداف ..واشرك 8 لاعبين في خط الوسط و7 في الهجوم ...وزي ماقال الديبه الهلال ما محتاج لي تسجيلات 10 سنه قدام
| |
|
|
|
|
|
|
|
|
|
Re: سادومبا عااااااااااادي وخليفه مكســــــــــــب (Re: Maawya Hussein)
|
سلامات عمر بوب
المكسب الكبير للهلال انه استعاد دفاعه المتماسك
احمد الفاضل - منير امبدة- سيف مساوى - سامى عبد الله - خليفة كلها عناصر وطنية شابة سوف يكتب لها مستقبل كبير مع دفاع الهلال و المنتخب السودانى.
المعز ما شاء الله عليه رجع لمستواه و خفض وزنه واصبح اكثر رشاقة من ذى قبل
منير امبدة الذى كان يضحك عليه الصحفى العجيب مزمل ابو القاسم اصبح صمام امان للدفاع و مستواه فى تطور مستمر ولا يمكن مقارنته ابدا بمستوى منتصف دفاع المريخ المهزوز جدا.
امام هذا الدفاع يقف كل من علاء الدين يوسف لا عب الارتكاز الاول فى السودان يسانده عمر بخيت الذى يقوم بمهته الدفاعية جيدا لكن ما يزال يحتاج لتلركيز التسديد من بعيد عند الهجوم.
حمودة لاعب حريف و ينتظر منه الكثير اما مهند فانه اكثر لاعب مهارى فى السودان الآن و لو لعب بتركيز و مسئولية فى كل المباريات لا أظن ان هناك فريق سوف يستعصى على الهلال
هيثم هو القائد واللاعب الفنان
مدثر كاريكا لاعب خطر جدا لو وجد المساندة وتحركاته قوية و مزعجة لدفاع الخصم ودائما يوجد فى مناطق خطيرة وهو يجيد ايضا اللعب بالاطراف و عكس الكرات الخطيرة امام المرمى.
امبيلى من افضل المحترفين الذين لعبو للهلال لاعب خطير و محضر ممتاز للاهداف يصنع دائما فراغات كبيرة فى دفاع الخصم وله اهداف كبيرة نذكر منها هدف التأهل لدورى المجموعات الذى جرى فيه بالكرة من وسط الملعب فى و غمزها بسن الحذاء فى الزواية البعيدة عند خروج الحارس لملاقاته وهو من احلى الاهداف و اغلاها.
لاحظ هنا يا بوب اننا نتحدث عن فريق كبير جل لاعبيه المتألقين لاعبين سودانيين و اغلبهم من الشباب خاصة فى خط الدفاع وهذا ما يجعلنى سعيدا
ملحوظة
الهلال لعب مبارتين فى دورى المجوعات وثلاثة بالدورى ولم يلج مرماه هدف
المريخ لعب مباريتين فى الدورى و اثنين فى دورى ابطال افريقيا وولج مرماه 5 اهداف وبوجود سفارى و امير دامر فى منتصف الدفاع سوف تلج مزيد من الاهداف وامسكوا الخشب.
| |
|
|
|
|
|
|
|
|
|
Re: سادومبا عااااااااااادي وخليفه مكســــــــــــب (Re: Maawya Hussein)
|
سلامات يا معاويه
| Quote: انت ياعمر داير تطمن الجماعه عشان ما يشتكونا لووووووول ..ياخي شفت النغمه اتغيرت سريع كيف !! من عدم قانونيه الي مستوي اللاعب !وين الشكاوي وموضوع التزوير وانو الهلال ما حايقدر يستفيد من اللاعبين حتي شهر 12 !! وفي حاجه تانيه فاتت علي الناس انو سادومبا شارك مع الهلال ضمن كشف الـ 18 لاعب في مباراة زيسكو وقانونيا لو في شكوي بيتعامل سادومبا كانو لاعب حتي لو ماشارك في المباراة ..شفت الاعلام ببيع للناس الوهم كيف !! مزمل كتب الليله انو اشراك سادومبا غير قانوني لانو اللجنه ما حسمت موضوع الاعاره (دا غير التزوير) وشداد قال سادومبا لاعب قانوني حتي تري اللجنه غير ذلك والقانون ما بيكون بي اثر رجعي كلام واضح وصريح بس الناس دايره تعيش ! |
انت يا زول اظنك نايم
في بوست مفتوح بيتكلم عن انو مزمل ابو القاسم اشتكي الهلال لاشراكه سادومبا امس
والله الكلام ده لو طلع صح يكون ما سبقو عليها زول وبما انك زول بتاع توثيق فانا باسم الهلالاب في المنبر ده بخولك انك تعمل شكوي ضد المريخ لو القائمه في مباره اليوم احتوت اسم سعيد السعودي
بخصوص مستوي خليفه والله بصراحه انا اتفاجأت بيهو امس لانو في التمارين الاعداديه في الدوحه لم يقدم اي شئ وكان اسوأ لاعبي الهلال مناصفه مع عمار مرق
اذكر مره في تقسيمه في نص الملعب المطلوب من اللاعبين تمرير عدد من الباصات علي ان ينتهي الباص الاخير عند واحد من الاطراف والذي بدوره يقوم بعكس الكره داخل الصندوق
خليفه كان احد الاطراف ولم يستطع عكس ولا كوره بصوره سليمه من مجموع 15 كوره وصلتوا مما جعل الديبه يفقد اعصابه ويصيح في وجهه
نرجع لسادومبا والمشاركه امبارح دي كانت المشاركه رقم 3 ليهو مع الهلال (المقاوليين-ناسارو-الخرطوم) ولم احسب كوره المريخ
مستواه في مبارة امس كان عادي يا معاويه حسب تقيمي ده لا يعني انو ممكن يكون لاعب خطير وقناص بس محتاج وقت للانسجام
بس المشكله الاساسيه انو الهلال ماعندو وقت
بخصوص تسجيلات الهلال فانا اعتقد انو الهلال محتاج لاعب وسط مهاجم فقط
| |
|
|
|
|
|
|
|
|
|
Re: سادومبا عااااااااااادي وخليفه مكســــــــــــب (Re: Omar Bob)
|
Quote: في بوست مفتوح بيتكلم عن انو مزمل ابو القاسم اشتكي الهلال لاشراكه سادومبا امس
والله الكلام ده لو طلع صح يكون ما سبقو عليها زول وبما انك زول بتاع توثيق فانا باسم الهلالاب في المنبر ده بخولك انك تعمل شكوي ضد المريخ لو القائمه في مباره اليوم احتوت اسم سعيد السعودي |
ياخ موضوع الاعاره دا فيهو نوع من السزاجه واللعب بي عقول الناس تخليك انك تضحك براك
معقول ياخ الصحافه تكون وصلت المستوي دا !! شوف موضوع الايميل الممسوح دا كيف !! دي ما قادر استوعبا نهائي انا !! كيف اتحاد يمسح ليهو ايميل مرسل ليهو وليه والهدف شنو ..!!لو ما بخاف من اتحاد نيجيريا حا اخاف من الكاف والفيفا ..الموضوع مافاكي للدرجه دي ياخ انا لو عملت جريمه بحاول اعالجا بي ذكاء ..كيف انا امسح ايميل عشان اخفي الفضيحه واصلا الموضوع مكتوب في الصحف واي زول عارفو !! كيف الاتحاد النيجيري عرف انو الاتحاد السوداني مسح الايميل ورسل ليهو ايميل تاني وتالت ورابع وفي النهايه زهج رسل ليهو بي الدي اتش ال !! كيف انك تجزم انك رسلت ايميل لي زول ومسحو !! وكيف الاتحاد النيجيري عرف انو الاتحاد السوداني ما استلم الايميل عشان يرسل ليهو 8 مرات واخرا 3 مرات بي الدي اتش ال !!!
الناس دي لو عاوزه توزع ليها جرايد وتسترزق تكتب ليها كلام يدخل عقل الناس ..ياخ دي سزاجه تمرض عدييييييييييييييل كدا
| |
|
|
|
|
|
|
|
|
 Re: سادومبا عااااااااااادي وخليفه مكســــــــــــب (Re: khaleel)
|
Quote: كيف الاتحاد النيجيري عرف انو الاتحاد السوداني مسح الايميل ورسل ليهو ايميل تاني وتالت ورابع وفي النهايه زهج رسل ليهو بي الدي اتش ال !! كيف انك تجزم انك رسلت ايميل لي زول ومسحو !! وكيف الاتحاد النيجيري عرف انو الاتحاد السوداني ما استلم الايميل عشان يرسل ليهو 8 مرات واخرا 3 مرات بي الدي اتش ال !!!
الناس دي لو عاوزه توزع ليها جرايد وتسترزق تكتب ليها كلام يدخل عقل الناس ..ياخ دي سزاجه تمرض عدييييييييييييييل كدا |
____________
خارج النص
خليل ستو ده منو
| |
|
|
|
|
|
|
|
|
|
Re: سادومبا عااااااااااادي وخليفه مكســــــــــــب (Re: خالد عويس)
|
أحبتي
ناس سيد البلد
يا اخوانا ما تستعجلوا
سادومبا ده انا شفتوا مع ديناموز هراري امام الاهلي والزمالك في مصر في دوري المجموعات
لاعب كبير وسريع ومهاري
وسجل اجمل اهدافه في الاهلي المصري
سادومبا محتاج وقت في الملعب للانسجام
ومساندة الجماهير
وبتشوفوا قريبا الهلال ده في الامارات في بطولة أندية العالم
( على مسئولتي سادومبا ده افضل محترف اجنبي في السودان حالياً ... بس الزموا الصبر وحتتاكدوا براكم )
| |
|
|
|
|
|
|
|
|
|
Re: سادومبا عااااااااااادي وخليفه مكســــــــــــب (Re: جمال السنوسي)
|
بوب
| Quote: كلتشي في اول كوره ليهو سجل هدف اسطوري في الوداد المغربي علي ما اذكر ووضح انو لاعب ذو مهاره عاليه |
بنفس المنطق سادومبا سجل هدفين فى نص ساعه مشاركه مع المقاولين العرب مما جعل المصرين يصفقوا له داخل الملعب
وده التى جعلت احدى كتاب الهلال يقول : قونين فى نص ساعه تساوى قونين لاحد المحترفين فى 7 شهور
وده طبعا خلافا للحديث الذى ذكره جمال السنوسى و انا من الصباح بفتش لاقوان سادومبا الكانت موجوده فى اليوتيوب
وللاسف مالقيتها ( لو فى خبير فى اليوتيوب يساعدنا ) اقوان ومستوى يابوب يدل على انه لاعب من طراز فريد ،
وبرضو شهود عيان لمباراة نساروا التانيه والتمرير الذكى ( متعاون لابعد الحدود عكس امبيلى و كاريكا )
لزملائه ومن تمريره ولا احلى من كده احرز خليفه هدف رائع .... ومباراة الخرطوم لو لاحظت فى الشوط الاول
كانت هنالك تمريرات طويله وهذه التمريرات تباعد بين الهجوم و الوسط المتقدم ( لاوجود لكره ممرحله ) وده واحده
من خطط المدرب وهى مطلوبه فى بعض الظروف لان الكره الممرحله مع التحرك نحو الهجوم بصفه مستمره تبدد اللياقه
البدنيه وتترك فراغات فى الوسط و الدفاع ولكن المدرب يكثر فيها فى الفتره الاخيره ليتقنها اللاعبون
ولاحظ بعد خرج سادومبا وتحول الهلال للعب الممرحل بدعم الاطراف ( حموده ) ، كيف للهجوم و الوسط تقارب و تحرك و دخل صندوق
الخصم بكلياته فى اكثر من هجمه ومن احداها سجل مهند احلى اهداف الموسم
ويابوب المدرب بنوع فى لعب الهلال من ممرحل الى طويل ومن اطراف لعمق والكل يساهم فى التهديف و التسجيل
والدليل اهداف الهلال الاخيره وانا عيونى طششت وبرجع ليكم .... خليكم قراب
| |
|
|
|
|
|
|
| |
Omar Bob
ضحيه ابراهيم
haroon diyab
رقم صفر
معتصم دفع الله
Maawya Hussein
هشام المجمر
khaleel
جمال السنوسي
فيس بوك
تويتر
انستقرام
يوتيوب
بنتيريست