|
|
|
 Re: ركن ابداع بس لغير الكيزان و الاشياء المشابهة (Re: Mustafa Mahmoud)
|
يا طير يا طاير:
يا طَير يا طاير
مِن بعيد فُوُق الغَمام
من رِبُوعي أحمِل الشُوق
يا حمام
إن شالله تَمشي
وتشمي يا طير لي تَعُود
لي حبيبي تحمل الحُب والوروُد
احكي عني
وقُلُو يا طير هل يعُود؟
من فُؤادي لِيهو ليك ألفين سلام
يا طير
يا طاير
خُوفي بَس تَنسى الكلام
يُوم تَشوُفو هَالّي زي بدر التَمام
في جَبينو نُور يشِع
يضوي الظلام
في عِيُونو يَرقِد الشُوق والغرام
حُِبِّي عارف إنو في صمتك كلام
ياطير يا طاير
لي حبيب زي اليَمام
هادي طبعو زي صغير قبل الفِطام
ديمة ضاحك ثَغرهُ يعلُوه ابتِسام
من فُؤادي لِيهُو لَيك ألفين سَلام
(اسماعين حسن)
| |
 
|
|
|
|
|
|
|
 Re: ركن ابداع بس لغير الكيزان و الاشياء المشابهة (Re: Mustafa Mahmoud)
|
واحدة سمينة دايره صاحبنا يحبها بالقوة وكتب فيها..
ريدى ليك يا أم شداق
يقلب اللورى فى الدقاق
ولما أغلط وأقول مشتاق
عيونك جب تكرب جوه فى عيونى
تبهدلنى وتبشتنى
وتجقمت فى مصارينى
وأتوكل وأقول آآآآآآآآى بريدك
بريدك ياسجم خشمى
يا أم إيدا قدر جسمى
يا أم ريدا بعج بطنى
=====
أريدك كيف
وكيف يا ناس أريد فيل
يحلنى الله يالبرميل
| |
|
|
|
|
|
|
|
|
|
Re: ركن ابداع بس لغير الكيزان و الاشياء المشابهة (Re: Mustafa Mahmoud)
|
إنشـــــاء الله يا سيد اللبن ما تنفعك!!
إنشاء الله يا سيد اللبن ما تنفعك..
تاريك تجيهم كل صبــاح والسمحة تلمس أصبعك
إنشاء الله يا سيد اللبن ما تنفعك..
سيد اللبن حتي الحمار شاف الجمال وقف إحترام!
شافك بدون إحساس تقيف..لو نضم ..كان قال حرام!
دفق اللبن..مرق اللبد..قطع اللجام
إحتج عــار ولا حتي فكر يودعك..
إنشاء الله يا سيد اللبن ..ما تنفعك..
سيد اللبن..
خليني يوم لبــان أكون..
شان بس أشوف الزول ..
في سحره وأغرق في العيون..
الزول جميل وسمح شديد..
شايل محاسن الكون فنون..
وبديك أضعاف مكسبك..
ولو كان أبيت..
.
.
.
.
.
.
.
إنشـــــاء الله يا سيد اللبن ما تنفعك!!
| |
|
|
|
|
|
|
|
|
|
Re: ركن ابداع بس لغير الكيزان و الاشياء المشابهة (Re: Mustafa Mahmoud)
|
قصيدة حلمنشية صاغها الشاعرالدكتور / ع. م. خ
عندما رسبت احدى جميلات امدر فى الجامعة وتم فصلها من الجامعة
يا سيدة لا
يا سيدة لا
فايتانا وين مستعجلة
الجامعة بعدك كوم رماد
لا فيها طب لا صيدلة
غلطات كتيره الكمبيوتر بعملها
يمكن نسي ويمكن سهي وجاط النمر من أوله
ما قالو بعرف كل شئ
ليه ما عرف ست الحلاه
فايتانا وين مستعجله
القمره وكتين أختفت
روحنا ليها بنسأله
قلنالها ليه يعني الغياب؟
ساعة الضلام أيه طولها
قالت خلاص بأرضكم مالي صله
وفي شان سيده
كت بجي للديار وأجملها
فايتانا وين مستعجله
| |
|
|
|
|
|
|
|
|
|
Re: ركن ابداع بس لغير الكيزان و الاشياء المشابهة (Re: ود الباوقة)
|
قالو زهجانه واظنك
ما عرفتي سؤالي عنك
يا اللِذّيْذَه الكلكي جنك
عايز اكون انا ابقى منك
اي حاجه قريبه منك
تبقي طربيزه ابقى كرسي
تبقي راكب ابقى تكسي
بيكي اسافر لام دقرسي
وتبقي حافله ابقى بوكسي
وياسلام لو ابقى ببسي
تشربيني
تقرطعيني
تدفقيني
وما مهم
هي قرطعيني
بس مهم شوفت عيونك ابقى منك اي حاجة قريبه منك
| |
|
|
|
|
|
|
|
|
|
Re: ركن ابداع بس لغير الكيزان و الاشياء المشابهة (Re: Mustafa Mahmoud)
|
سيد بشبش .. سيد بشبش
عامل حاج ونضيف وبيرقش
أمرو بيمشي وكفو بيطرش
وعينو الحارة في يوم ما بترمش
عند المكتب رسمي بيغضب
جوة البيت يرفس ويضرب
وسط أصحابه بيرقص ويلعب
راجل نكتة وصاحب مقلب
وآخر الليل يقابض بشبش
*****
وسيد بشبش راجل دين وراجل دولة
صاحب سطوة وصاحب وخطوة وصاحب صولة
وبيني وبينكم
سيد بشبش واعي وفاهم .. فاهم .. فاهم
وعارف إنه الواحد .. برضو .. ويعني .. ولازم
وبالمفتوح بس ده كلام سر مافيش واحد يمشي يسمع
سيد بشبش راجل دغري
لكن بالليل هجيجو يولع
زي ما تقول بيحب المنقة والحاجات النايس ونص نص
| |
|
|
|
|
|
|
|
|
|
Re: ركن ابداع بس لغير الكيزان و الاشياء المشابهة (Re: ود الباوقة)
|
*****
وسيد بشبش راجل دين وراجل دولة
صاحب سطوة وصاحب وخطوة وصاحب صولة
وبيني وبينكم
سيد بشبش واعي وفاهم .. فاهم .. فاهم
وعارف إنه الواحد .. برضو .. ويعني .. ولازم
وبالمفتوح بس ده كلام سر مافيش واحد يمشي يسمع
سيد بشبش راجل دغري
لكن بالليل هجيجو يولع
زي ما تقول بيحب المنقة والحاجات النايس ونص نص
وقبل ما ندخل ديب آند ديب
أحسن نعرف صورة بشبش
أسمر .. أصلع
وشو بيلمع
بادية عليه علامة النعمة
عالي ومكرش
وعرجة خفيفة في حادث حركة
شكل سيادتو عموماً مدهش
ودايماً يحمل سبحة تسبح وحدها دون تسبيح
أتوماتيك .. حكمة ربك ونعمة صحيح
| |
|
|
|
|
|
|
|
|
|
Re: ركن ابداع بس لغير الكيزان و الاشياء المشابهة (Re: ASHRAF MUSTAFA)
|
يد بشبش راجل أرقد
ريتش إنتلجنت
إسموث آند إليقانت
بت سمتايمس آند دستدريندق
أبريس وييك آند دسلايكلي .. سيمكالت
في عصرية وكانت جمعة
سيد بشبش .. حكحك دقنو وهذب شنبو
ووشو بينضح نضرة ولمعة
خت عبايتو، وطق عصايتو
وخبت الباب من خلفه برزعة
خلى البيت يتراجف كله
حاجة نفيسة بناتها تلاتة
وبالأولاد بيكملوا سبعة
في المرسيدس أخد القعدة
كدوسو البني يهبهب نارو
مد صباعو .. وهز دماغو
يعني سيادتو بيحي في جارو
وعاد البينز قال يا ليل
وسط الشارع يلوي غبارو
وأثناء ما سايق وماش في السكة
كان بيدندن.. يعني بيمدح
دشكة .. دشكة .. أووو دشكا
دشكة .. دشكة .. أووو دشكا
نحن ما صعاليك .. أووو ديشكا
نتاوق بالشبابيك أووو ديشكا
دشكة .. دشكة .. أووو دشكا
وأثناء ما سايق يغني ويمدح
عينو الزايغة بتجمع وتطرح
| |
|
|
|
|
|
|
|
|
|
Re: ركن ابداع بس لغير الكيزان و الاشياء المشابهة (Re: Mustafa Mahmoud)
|
>> نزار قباني >> فم
فم
في وجهها يدور .. كالبرعم
بمثله الأحلام لم تحلم
كلوحة ناجحة .. لونها
أثار حتى حائط المرسم
كفكرة .. جناحها أحمر
كجملة قيلت ولم تفهم
كنجمة قد ضعيت دربها
في خصلات الأسود المعتم
زجاجة للطيب مختومة
ليت أواني الطيب لم تختم
من أين يا ربي عصرت الجنى؟
وكيف فكرت بهذا الفم
وكيف بالغت بتدويره؟
وكيف وزعت نقاط الدم؟
وكيف بالتوليب سورته
بالورد، بالعناب، بالعندم؟
وكيف ركزت إلى جنبه
غمارة .. تهزأ بالأنجم..
كم سنة .. ضيعت في نحته ؟
قل لي .. ألم تتعب .. ألم تسأم؟
منضمة الشفاه .. لا تفصحي
أريدُ أن أبقى بوهمِ الفمٍ
| |
|
|
|
|
|
|
|
|
|
Re: ركن ابداع بس لغير الكيزان و الاشياء المشابهة (Re: Mustafa Mahmoud)
|
بناديها -- عمر الطيب الدوش
بناديها
وبعْزِم كُلّ زول يرتاح
على ضحكَة عيون فيهَا
وأحْلم اني في أكوان
بتْرحَل من مراسيها
عصافير
نبّتَت جِنْحات
وطارت
للغيوم بيهَا
مسافرِ من فرح لس شوق
ونازِل
في حنان ليهاَ
أغنّي مع مراكب جات
وراها بلاد حتمْشيهَا
واحزَن لي سُفُن جايات
وما بْتلقَى البِلاقيه
بنادِيــــــهَا
ولمّا تغيب عن الميعاد
بفتِّش ليهَا في التاريخ
واسأل عنَّها الاجداد
واسأل عنّها المستقبل
اللسّع سنينو بُعاد
بفتِّش ليها في اللوحات
مَحَل الخاطر الما عاد
في شهقَة لون وتكيَة خط
وفي أحزان عيون الناس
وفي الضُّل الوقَف ما زاد
بناديــــــهَـا
والاقيـــــهَــا
واحِس بالُلقيا زي أحلام
حتصْدِق يوم
والاقيــــــهَــا
واحْلًم في ليالي الصيف
بَسَاهر الليل
واحجِّيـــهَــا
ادوبي ليهَا ماضيهَا
واطنْبِر ليها جاييــهَا
وارسِّل ليها غنوَة شوق
واقيف مرات واْلُوليهَا
بنادِيـــــــــهَــا
وبناديــــــــهــا
وبناديـــــهــا
| |
|
|
|
|
|
|
|
|
|
Re: ركن ابداع بس لغير الكيزان و الاشياء المشابهة (Re: Mustafa Mahmoud)
|
ين في الدّنيا ديَّ أجمل من بناتنا
الليهن قلوبنا والفيهن صفاتنا
الكامنات بروحنا والعايشات في ذاتنا
*****
بنحب من بلدنا ما برّا البلد
سودانيّة تهوَى عاشق ود بلد
في عيونها المفاتن شئ ما ليهُ حد
*****
في حلفا البداية أحلامي وهنايَ
أنا عايش لحبّي المخضر برايَ
النّافرة الأليفة ست روحي وهنايَ
*****
أنا ليْ في كريمي شايقيي بشلوخها
نعتز بي صفاتها ما نجهل تاريخها
وماها المابية ريدتي مو ياها المسيخة
| |
|
|
|
|
|
|
|
|
|
Re: ركن ابداع بس لغير الكيزان و الاشياء المشابهة (Re: Mustafa Mahmoud)
|
نزار قباني >> في مدينتنا
في مدينتنا
اليوميات
- - -
(17)
لماذا .. في مدينتنا؟
نعيشُ الحبَّ تهريباً .. وتزويراً ؟
ونسرقُ من شقوقِ الباب موعدنا ..
ونستعطي الرسائل ..
والمشاويرا ..
لماذا في مدينتنا؟
يصيدون العواطفَ والعصافيرا ...
لماذا نحن قصدير ؟
وما يبقى من الانسان ..
حين يصيرُ قصديرا ؟
لماذا نحن مزدوجونَ
إحساساً .. وتفكيرا ؟
لماذا نحن أرضيُّونَ ..
تَحْتيّونَ ..
نخشى الشمسَ والنورا ؟
لماذا أهل بلدتنا ؟.
يمزّقهم تناقُضُهُمْ ..
ففي ساعاتِ يقظتهمْ
يسبّونَ الضفائرَ والتنانيرا ..
وحين الليلُ يطويهمْ
يضمّونَ التصاويرا ...
| |
|
|
|
|
|
|
| |
Mustafa Mahmoud
عشة بت فاطنة
Abdlaziz Eisa
فيصل محمد خليل
وليد محمد المبارك
ASHRAF MUSTAFA
عبدالوهاب علي الحاج
khaleel
Haydar Badawi Sadig
Rashid Elhag
فيس بوك
تويتر
انستقرام
يوتيوب
بنتيريست