|
|
 تجاني حاج موسى.. اشهد لك بالذوق الرفيع والفهم العميق ..
|
تابعت كما تابع اخرون غيري برنامج ( بالدليل القاطع )
الذي تقدمه الاعلامية اللامعة الاستاذة نادية عثمان
كانت حلقت اليوم مع استاذنا الشاعر تجاني حاج موسى
كانت حلقة ولا اروع برهنت بما لا يدع مجالا للشك .
الاخلاق الرفيعة التي يتحلى بها الاستاذ تجاني وكذلك
الفهم العميق والرد المهذب بالنسبة للمستطلعين من خارج
الاستديو .
التحية لك اخي تجاني والتحية للاستاذة نادية
عثمان التي كانت عشرة على عشرة في التقديم والمحاورة ..
|
|
 
|
|
|
|
|
|
|
|
Re: تجاني حاج موسى.. اشهد لك بالذوق الرفيع والفهم العميق .. (Re: ود الباوقة)
|
ياود الباوقة انت مصاقر التلفزيون زي حالتي دي .
انا عندي عذر اولادي في السودان وقاعد براي التلفزيون من امامي و اللابتوب من من جانبي والمخدة العالية من خلفي انت مالك ياخي ما تمرق تفسح الوليدات ديل شوية.
نبارك لك رمضان ومستعد اسمع ليك برامج القنوات كلها و مستعد ارص ليك لستة بالمتداخلين في سودانيز اونلاين كل يوم.
و ياها الفاقة
| |
|
|
|
|
|
|
|
|
|
Re: تجاني حاج موسى.. اشهد لك بالذوق الرفيع والفهم العميق .. (Re: Mustafa Mahmoud)
|
Quote: اياه شبهك ولد حاج موسي الدقو ناس دارفور في انجلترا
و من شابه اخاة بقي من اعلام الخارج
انتي الخارج دي من خرج يخرج اخراجا؟....... |
يا دكتور ..
قلنا بعد الغيبة الطويلة دي ترجع
وانت اكثر توازنا واقل كثافة لكن يبدو
ان الزيت والمواد العالقة لا بد من ان تطفو فوق الماء
على مبدأ ينبرش الطرورة ويظهر الصنديد
شايف المرة دي بضاعتك ( حمير ومنقة )
| |
|
|
|
|
|
|
|
|
|
Re: تجاني حاج موسى.. اشهد لك بالذوق الرفيع والفهم العميق .. (Re: ود الباوقة)
|
ودالباوقة
سلام ورمضان كريم عليك وعلى أولادك
أعتقد أنو دي أول مرة أتفق معاك فيها في زول!
زول عزيز عليا بالحيل... أخ فاضل وأديب موهوب
عفيف ومتواضع وذي ما قلتا كلامه عسل
مع الأسف ما عندنا طريقة لمشاهدة البرنامج ده هنا في أمربكا
ولكن أتخيل معاك لقاء يجمع التجاني بنادية حايكون كله ((منضمة)) ممتعة
وياريت يا أخوي تعيشنا في الجو الرمضاني ده وتلخص لينا الحاجات الحلوة دي أول بأول
بدل ما يبقى علينا صيام طويل في حر ذي ده ومعاهو مؤتمر وطني
قريت بوستي: أرضا سلاح....؟ تصومو وتفطرو على خير!
وتسلم...
| |
|
|
|
|
|
|
|
|
|
Re: تجاني حاج موسى.. اشهد لك بالذوق الرفيع والفهم العميق .. (Re: Mohamed Yassin Khalifa)
|
Quote:
كانت حلقة ولا اروع برهنت بما لا يدع مجالا للشك .
الاخلاق الرفيعة التي يتحلى بها الاستاذ تجاني وكذلك
الفهم العميق والرد المهذب بالنسبة للمستطلعين من خارج
الاستديو .
|
أحييك أخي ود الباوقة وإشادة بالغة بتعليقك
ولتجاني حاج موسى الإنسان، إطلالة شوق
وبقوليهو: ده الجانا منك ومن تباريح الهوى وصفو بصعب يا جميل
وبعدنا عنك ولما طال بينا النوى بقى أن نسيبك مستحيل وتبقى سيرتك هى الكلام
وتبقى سيرتك هي الكلام، فأنت بحق المدرسة، ولـ ست نفيسة (بت الضو) التي تخرجت على يديها كل الأجيال، ألف رحمة من الله تغشاها ومن خلالك أسمح لي أن أزجي بتحية شوق وإنحناءة غالية لأمنا دار السلام يديها لينا طول العمر ونسأل الله في هذا الشهر الكريم أن يمتعها بالصحة والعافية ويصبرها علينا ويطمئنا عليها.. فهي إن كان إطار رسمته لنفسك هي لنا العنوان ولها منا ابناؤها وبناتها في كل مكان وعبر كل الأجيال ألف مرسال شوق وتحية تغمرها وكل من حولها وكل رمضان وهي بخير.
وتحية للأخت نادية التي لم تكن موفقة أبداً ابداً في الأراء الإستطلاعية التي أختارتها وصاغتها للجمهور خاصة المداخلة الأخيرة حول الأغنية التي أخترتموها إطار وستظل في نفوسنا عنوان..
الطيب عبدالرحيم
| |
|
|
|
|
|
|
|
|
|
Re: تجاني حاج موسى.. اشهد لك بالذوق الرفيع والفهم العميق .. (Re: Mohamed Yassin Khalifa)
|
Quote: زول عزيز عليا بالحيل... أخ فاضل وأديب موهوب
عفيف ومتواضع وذي ما قلتا كلامه عسل |
اخي محمد ياسين ..
رمضان كريم وكل عام وانت بالف خير ..
دعنا نتحدث عن تجاني الانسان ..
هذا الرجل يشهد له الجميع بالتعامل الراق
مع الكل . الرجل مدرسة متفردة في الانسانية
وفي الشعر وفي النثر .
ولو لم يكن يحمل هكذا مواصفات لما تغنى له عمالقة
الطرب السوداني ..
التحية له مثنى وثلاث ورباع ...
| |
|
|
|
|
|
|
| |
MOHAMMED ELSHEIKH
معاوية عوض الكريم
Mustafa Mahmoud
فيصل نوبي
العوض المسلمي
Mohamed Yassin Khalifa
الطيب عبد الرحيم خلف الله
دينا خالد
فيس بوك
تويتر
انستقرام
يوتيوب
بنتيريست