نعى اليم ...... سودانيز اون لاين دوت كم تحتسب الزميل فتحي البحيري فى رحمه الله
وداعاً فتحي البحيري
|
Re: الى بعض ادعياء المعارضة وغيرهم من حثالات الانقاذ ... ارفعوا اياديكم القذرة عن قبيلة الشايقي (Re: خالد احمد محمد)
|
Quote: محاولة الصاق بعض الصراعات الداخلية داخل مجموعات الانقاذ بقبيلة الشايقية من قبل بعض مطبلى هذه المجموعات او محاولة الزج باسم القبيلة وربطها بسيئات الانقاذ وعودة نغمة الجلابة من جديد على يد بعض الموتورين من المعارضين مرفوض تماما ... وحديث مقزز ونتن يجب بتره تماما .... |
استاذ خالد للأسف الشديد ولفترة طويلة ظللت اتابع تلك السخافات وكنت غالبا ما اتركها واقول انما تعبر عن جهل قائلها ومطلقها ولكن في الفترة الأخيرة بدأت تكثر هذه السخافات كثيرا من بعض المعارضين وهنا وجب الالفتات لمثل هذه السخافات وايقافها عند حدها
اختلفوا مع الانقاذ والانقاذيون فهذا امر نتفق معكم فيه ولكن ان نشتم ونسب بهذ النغمات المتكررة فهذا ما لن نقبل به مرة أخرى
| |
|
|
|
|
|
|
Re: الى بعض ادعياء المعارضة وغيرهم من حثالات الانقاذ ... ارفعوا اياديكم القذرة عن قبيلة الشايقي (Re: abdalla osman)
|
سلام أخ خالد أحمد محمد وهذه شهادة شاهد من أهلها القطب الإنقاذي الجميعابي: Quote: الانقاذ رسخت بعمق لهاتين (عنصرية جهوية)الرذيلتين.. وما قضية دارفور الا نتاجاًطبيعياً لهذاالسلوك فهي قضية قامت على مفاهيم اثنيةعنصرية جهويةوقبلية.لقد كانا سودانيين وحسب حتى اننالم نكن نعرف مناي القبائل كان عبود او الازهري او المحجوب.. او سرالختم الخليفة.. ولكننا الآن نكتب القبيلة قبل الشخص والمرشح للوظيفة.. بل ان نميري نفسه لا يعلم من اي القبائل هو.. فقط سبق ان ناقشت الرئيس جعفر نميري في اصله.. ووجدت انه لم يكن يهتم بمعرفته..في اصله وقبيلته.. لقد كنا على درجة عاليةجداً من الوعي.. ولكننا الآن ننحدر حثيثاً نحو السفح والانحطاط |
.........
| |
|
|
|
|
|
|
Re: الى بعض ادعياء المعارضة وغيرهم من حثالات الانقاذ ... ارفعوا اياديكم القذرة عن قبيلة الشايقي (Re: عبدالمجيد الكونت)
|
عبدالمجيد الكونت
Quote: ياعزام يا اخوي الانقاذ تمشي في ستين الف داهية والمعارضة لو ده خطابه برضو تروح في ستين الف داهية ويبقى السودان وتبقى هويتنا سودانية بدل ما نسب ونشتم قبائل بعض واهل بعض ونقول دي سياسة |
يا خوي نضميك ده < إنشاء > الحصل حصل وإنتهى < القبلِية > إتكرست تب ... ناس المُعارضة الفيهُم إنعرفت زولاً يا كافي البلا سِلِم مِنهُم ماف ... إتسابقو على القصر الجمهوري ... البلد مقلوبة والميرغني دايِر الحكومة تعوضو عن أرض صادرتا الحكومة ... الصادِق المهدي بقى يِلمِع فوق البشير أكتر مِن نافِع علي نافِع ... إبراهيم نُقد بعد كام وعشرين سنة غاطِس تحت الأرض طلع وبقى مُهادِن
| |
|
|
|
|
|
|
Re: الى بعض ادعياء المعارضة وغيرهم من حثالات الانقاذ ... ارفعوا اياديكم القذرة عن قبيلة الشايقي (Re: عزام حسن فرح)
|
You said (( ... المُدهِش إنو الناس تنقاد لِفهم الحكومة وتتكتل وتنتظِم قبلِيًا وده طبعًا بِخلي كُل زول يِخاف على روحو وعرضو وفي ظِل دَولة الإستِبداد تبقى < القبيلة > هي السند الوحيد ... شوف لامِن حدثت مأساة قِيام خزان < مروي > والحصل لآهلِنا المناصير السودان كُلو بِقى يِعايِن ليهُم ويقرو أخبار إعتِقالاتُم في الجرائِد كأنهُم بِشاهدو خبر في فلسطين ولا هاميهُم ... ماف زول أو جِهة أو حِزب أو طريقة صوفِية قالت بِغِم ... وحدثت مأساة كجبار وبرضو ماف جِهة قالت بِغِم ... وقبل ده أُم الكوارِث تدمير دارفور -إنسان وأرض - وماف زول قال في وقتِها بِغِم ، لولا المجهودات الفردِية والقبلِية لأهل دارفور ما كان إهتمت بيها لا الحكومة ولا الناس))
-------
الناس !!!
السودان كُلو!!!
I think YOU mean some people in leadership of Sudanese Parties who are link with State Power by interests or by blood that crating future interest?
my view is clssical one link to the Center and Margin relations to the Ethnicity and Class struggle
| |
|
|
|
|
|
|
Re: الى بعض ادعياء المعارضة وغيرهم من حثالات الانقاذ ... ارفعوا اياديكم القذرة عن قبيلة الشايقي (Re: Al-Mansour Jaafar)
|
Quote: ... المُدهِش إنو الناس تنقاد لِفهم الحكومة وتتكتل وتنتظِم قبلِيًا وده طبعًا بِخلي كُل زول يِخاف على روحو وعرضو وفي ظِل دَولة الإستِبداد تبقى < القبيلة > هي السند الوحيد ... شوف لامِن حدثت مأساة قِيام خزان < مروي > والحصل لآهلِنا المناصير السودان كُلو بِقى يِعايِن ليهُم ويقرو أخبار إعتِقالاتُم في الجرائِد كأنهُم بِشاهدو خبر في فلسطين ولا هاميهُم ... ماف زول أو جِهة أو حِزب أو طريقة صوفِية قالت بِغِم ... وحدثت مأساة كجبار وبرضو ماف جِهة قالت بِغِم ... وقبل ده أُم الكوارِث تدمير دارفور -إنسان وأرض - وماف زول قال في وقتِها بِغِم ، لولا المجهودات الفردِية والقبلِية لأهل دارفور ما كان إهتمت بيها لا الحكومة ولا الناس)) [/QUOTE]
العدل والمساواة قالت مية بغم
اوصلت معونة مادية للمناصير
اوفدت الي الباوقة والشريك
| |
|
|
|
|
|
|
Re: الى بعض ادعياء المعارضة وغيرهم من حثالات الانقاذ ... ارفعوا اياديكم القذرة عن قبيلة الشايقي (Re: Al-Mansour Jaafar)
|
الاخ المنصور شاكر لاثراءك البوست ... بس داير استلب الاجابة دى من عزام واقول ليك نعم !!!!!!! وين قضية مهجرى الحماداب الان بعد انتهاء فورة قضيتهم الاولى ؟؟؟؟ مين يعرف انهم الان يعيشون تحت وطأة الفقر والجفاف الشديد وموت زروعهم ومحاصيلهم بفعل الانهيار التام لمشاريع التوطين التى خدعت بها ادارة السد الجميع ... تعطلت اغلب ماكينات رى المشاريع القائمة الان هناك بفعل الفساد الادارى والمالى الحصل فى ترتيب المشاريع دى والكلام ده حصل بعد اقل من ثلاثة شهور لترحيل الناس ديل !!!!!!!!!! مين يتكلم عن القضية دى الان ؟؟؟؟؟ وبعد ده يوصم الناس ديل وغيرهم انهم يرفلون فى نعيم هذه الحكومة ويعيشون تحت ظلال جنانها !!!!!!!!!!
| |
|
|
|
|
|
|
Re: الى بعض ادعياء المعارضة وغيرهم من حثالات الانقاذ ... ارفعوا اياديكم القذرة عن قبيلة الشايقي (Re: خالد احمد محمد)
|
عمر عبدالله فضل المولى
Quote: عزام ايها الضلالي لا تفتري الكذب على الناس |
الصادِق المهدي بقى يِلمِع فوق البشير أكتر مِن نافِع علي نافِع ... ودي عادة قديمة عِندو سواها مع نميري في 1977 (مصالحة بورتسودان) وهسِع مع عُمر البشير بِتوقيعو (التراضي الوطني) ... وسلمو البلد لعبود ... طبعًا نوعك ده ما بِكون قرا كِتاب <الديمُقراطِية في الميزان> لِلمحجوب ولا <السودان أهوال الحرب> + <جنوب السودان في المخيلة العربية> لِمنصور خالِد ولا <الحركة الإسلامِية في السودان> لِحسن مكي الكُتُب دي وغيرا بِتقول الكلام الأنا قلتو ...
البذاءة ما بِقروش والرجالا الإسفيرِية أي زول بِقدرا حتى المِتلك ... أنا بتكلم مِن كراسي وإتْ بتتكلم راسك الفاضي ده ...
| |
|
|
|
|
|
|
Re: الى بعض ادعياء المعارضة وغيرهم من حثالات الانقاذ ... ارفعوا اياديكم القذرة عن قبيلة الشايقي (Re: خالد احمد محمد)
|
التمييز على أساس قبلي عند الإستيعاب للخدمة العامة
سياسة درجت عليها الإنقاذتكريسا للإستعلاء العرقي وتهميشا
للمهمش ولم يسلم منها حتى من والاهم من غيرأبناء الشمال النيلي , هذا شيء معلوم للكافة, شخصيا عندي أمثلة حية من
محيط معارفي : أنور أدم كوكو , ومازن سر الختم عثمان
مواطنان سودانيان ينص الدستور أنهما متساويان في الحقوق
والواجبات تخرجا من الكلية نفسها وحملا الجنزير نفسه حين كان كلاهما
كادر عنف إسلامي , تقدما لوظيفة في وزارة الطاقة , نالها مازن شختك بختك
وهو الان مهندس أد الدنيا, ولا زال أنور يبيع صعوطا ومساويك في العتبه
في انتظار اللوتري وإعادة التوطين.
عزيزي _ وابن عمي خالد_ ترى لو كنت أنور كيف سيكون موقفك من مازن , والجاز
وبقية المشتقات النفطية ؟؟؟
| |
|
|
|
|
|
|
Re: الى بعض ادعياء المعارضة وغيرهم من حثالات الانقاذ ... ارفعوا اياديكم القذرة عن قبيلة الشايقي (Re: معاوية الأرباب)
|
سلام للحضور.. مثل هذا السلوك لا يصدر إلا من من لا يمتلك أفقا أو مداركا تؤهله لتحليل الواقع، ففعلاً هناك سيطرة ولكنها ليست سيطرة لقبيلة وإنما سيطرة لمجموعة أيدلوجية تنتمي ثقافيا لمركز إسلاموعروبي ينتمي اليه آخرون من أقصى الهامش الثقافي بعد إعادة إنتاجهم أو إستخدامهم فيما يسمى بعملية الترميز التضليلي. وعليه فلا يمكن تجريم قبيلة بقدر ما يمكن تجريم مفاهيم مركزية ينفذها شذاذ الآفاق والإنتهازيين من كل السودان..
وقد حصلت طرفة في إحدى الندوات بجامعة السودان كلية الزراعة، كان في ندوة تضم الجبهة الديمقراطية، الحزب الإتحادي، ومؤتمر الطلاب المستقلين وفي الفرص دخل أحد المناقشين وذكر قبيلة الشايقية وإنها مسيطرة على وزارة الطاقة وخلافه وفي معرض ردي عليه ذكرت بأنو على عثمان أو الجاز أو قوش نحنا ما بنتعامل معاهم على أساس قبلي وإنما قبيلتهم الحقيقة إنهم كيزان، وعلقت على أن متحدث الإتحاديين شايقي من الحمداب، وكذلك متحدث الجبهة الديمقراطية من نوري، وشخصي من البركل ولكنا خريجي هندسة سواء مدنية أو زراعية وكوننا شايقية ده ما أدانا ميزة لأننا إخترنا أين نقف.. ولنا أن نتسائل هل مثل هؤلاء الذين إختاروا صف المعارضة سيكون طريقهم سالكا مقارناً مع آخرين إختاروا المؤتمر الوطني ولم يكونوا شايقية....
| |
|
|
|
|
|
|
Re: الى بعض ادعياء المعارضة وغيرهم من حثالات الانقاذ ... ارفعوا اياديكم القذرة عن قبيلة الشايقي (Re: بشري الطيب)
|
abdalla osman
مسكاقمي ...
Quote: قبائل النوبيون ما بتجي يا عزيزنا عزام ياخي مالك داير تجهجهنا.. |
جاء في <مقاييس اللُغة> : القبيلة: بنو أبٍ واحد
ولو لاحظت إنو على غَير الشائِع فإنني ألحقت نوبه الجِبال بِنوبه الشِمال ، فإن الرابِط بَين < النيما > و< الدناقلة > كبير (لدي كِتاب يحتوي على الكلِمات المُشتركة بَين القبيلتَين) بِالرغم مِن هذا الرابِط إلا أننا محس + سكود + أهل حلفا لا نشترِك مع نوبه الجِبال في الأب الواحِد ، بل جاء تقارُبنا نتيجة لِهِجرة شِمالِية - إختلف العُلماء في سببِها - نحو الجِبال فإختلطت الأنساب ... لِذا أقول < قبائِل النوبِيون > وأيضًا فإن الأب الواحِد لا يتحقق بَين نوبيو السودان والفادجا (أسوان) ... وأيضًا لا يتحقق مع الكُنوز والشلالِية والأخيرَين < تنَوبوا> بعد هجرتِهِم مِن شِمال الوادي (مِصر) إلى المنطِقة الواقِعة َبَين حلفا دغيم وأسوان (بُحَيرة النوبة)
إحِراماتي ،،،
| |
|
|
|
|
|
|
Re: الى بعض ادعياء المعارضة وغيرهم من حثالات الانقاذ ... ارفعوا اياديكم القذرة عن قبيلة الشايقي (Re: بشري الطيب)
|
Quote: وعلقت على أن متحدث الإتحاديين شايقي من الحمداب، وكذلك متحدث الجبهة الديمقراطية من نوري، وشخصي من البركل ولكنا خريجي هندسة سواء مدنية أو زراعية وكوننا شايقية ده ما أدانا ميزة لأننا إخترنا أين نقف.. ولنا أن نتسائل هل مثل هؤلاء الذين إختاروا صف المعارضة سيكون طريقهم سالكا مقارناً مع آخرين إختاروا المؤتمر الوطني ولم يكونوا شايقية.... |
شكرا بشرى الطيب .... مابين الكوتين ابلغ رد على الكثير من انصاف المثقفين ناصبى هذه الفكرة العنصرية القاتمة .... يعانى ابناء هذه القبيلة مثلهم مثل باقى القبائل ان لم يكن اكثر فى وطن ضاقت مواعينه على اهله بفعل كثير من الاسباب لم ولن يكونوا هم احداها بكل تاكيد ... شكرا على مرورك الجميل ....
| |
|
|
|
|
|
|
Re: الى بعض ادعياء المعارضة وغيرهم من حثالات الانقاذ ... ارفعوا اياديكم القذرة عن قبيلة الشايقي (Re: باسط المكي)
|
Quote: البعض بكل اسف بيقول الشايقة بيميلو محل ما الريح تميل .. او بتاعين مصالح ..لابعد حد. دة شي موسف جدا ..وناسي كم من الدماء طاهرة سالت من اجل ها الوطن |
اخى باسط المكى ... شاكر لمرورك الهادف ... ويبقى ان الجميع ولغ فى حوض فساد الانقاذ وغيرها من الحقب السياسية الفاسدة ولكن افهام البعض القاصرة ونظرتهم العنصرية البغيضة تحاول البحث دوما عن كباش فداء تذبحها على مذابح البكاء امام الشعب السودانى ولكن حقيقة بلغ السيل الزبى وان لهذه الاسطوانات المشروخة ان تتوقف ...
| |
|
|
|
|
|
|
Re: الى بعض ادعياء المعارضة وغيرهم من حثالات الانقاذ ... ارفعوا اياديكم القذرة عن قبيلة الشايقي (Re: خالد احمد محمد)
|
.. . الى بعض ادعياء المعارضة وغيرهم من حثالات الانقاذ ... ارفعوا اياديكم القذرة عن قبيلة الشايقي المشكلة انو حثالة الإنقاذ معظمهم شوايقة .. حتعمل شنو ؟ اما تنكرهم او تغير المسمى
والمؤسف اول من وضع اسس للعنصريةالبغيضة وارسي للقبلية والجهوية هم حثالة الشوايقة الانقاذيين بدأ بالصالح العام وافضليات التعينات والوظائف عطاءات الاعمال وتجفيف القوات المسلحة بل هم من اقترح وضع مسمى القبيلة فى فورمات التعيين والوظائف الاستراتيجية ( البترول مثلاً )
_______________
وهذه الاسطوانات قد انشرخت وسيظل طنينها فى الأذان السودانية الى اجل غير قريب .. ولا اظن صوتها سيهمد.. ويتلاشى قريباً
| |
|
|
|
|
|
|
Re: الى بعض ادعياء المعارضة وغيرهم من حثالات الانقاذ ... ارفعوا اياديكم القذرة عن قبيلة الشايقي (Re: Tabaldina)
|
Quote: المشكلة انو حثالة الإنقاذ معظمهم شوايقة .. حتعمل شنو ؟ اما تنكرهم او تغير المسمى |
الأخ تبلدينا وبعد السلام..
ياترى على أي إحصائية إعتمدت في حديثك عاليه..... فحثالة الإنقاذ تنتمي لجل قبائل السودان حتى ليخيل للمرء أن كل قبيلة عزلت أسوأها ودفعت بهم للحركة الإسلامية
ولن نغير المسمى بل سنقف ضد كل من يقتل أو يعذب أو يشرد أي سوداني مهما كان إنتماؤه لا يمنعنا في ذلك إنتماء الجلاد الى قبيلتنا أو خلافه، بعدين الحديث عن وزارة الطاقة ده وإنه حكرا على الشايقية إلا يبقوا شايقية لندن لانو أنا من البركل بلد عوض الجاز ولا أعرف احدا شغال في هذه الوزارة.... أضف الى ذلك المشاريع القامت مع السد بيتم تعيين ناس فيها ما عندهم علاقة بالمنطقة....
| |
|
|
|
|
|
|
Re: الى بعض ادعياء المعارضة وغيرهم من حثالات الانقاذ ... ارفعوا اياديكم القذرة عن قبيلة الشايقي (Re: بشري الطيب)
|
.. . الاخ الفاضل / بشرى عليكم السلام؛
Quote: ياترى على أي إحصائية إعتمدت في حديثك عاليه..... فحثالة الإنقاذ تنتمي لجل قبائل السودان حتى ليخيل للمرء أن كل قبيلة عزلت أسوأها ودفعت بهم للحركة الإسلامية |
اعتمدت على الواقع المعاش ؟؟ اعتمدت على تجربة شخصية مررت بها قبل 4 سنوات وانا عائد من الغربة احمل مؤهلاتى وشهاداتى وخبراتى ولغة الفرنجه واستعمالات الحاسوب لاجد فورمه التوظيف فى وزارة الطاقة التى يترأسها ابوالجاز _ ولكم حق تصنيفه كما تشاؤون_ وجدت الفورمه بها مسمى القبيلة .. رفض طلبي مرتين وانا متاكد انه رفض لاننى ليس شايقياً الاغرب اننى من حيث يتفجر النفط .. لهم عرفت ذلك من تجارب اشخاص عديدون من جهات السودان الاربع عندما يتقدمون لوظيفة يكون رئيسها شايقى ويرفضون ليس لجهلهم او عدم كفاءتهم بل لعدم انتمائهم الحزبي والقبلي لجهة معينة
اتفق معك تماماً بأن حثالة الانقاذ هم اسواء افراد قبائل السودان والدليل ما اراه من حثالة الذين انتمى اليهم .. ولكن هذا لا ينفى ان الذين انتموا للانقاذ من الشوايقة ساعدوا بصورة مباشرة فى زرع هذه البغضاء .
وهذا لا ينفى ان حثالة قبيلة الشايقية هم لهم اليد الطولى بسبب دورهم البائن والمعروف فى تواجد الانقاذ وفى سيطرة معظمهم على وظائف الدولة ومواقعها الاستراتيجية _ حتى وان كانو شوايقة المنشية او الطائف او قاردن سيتى _ لا شوايقة البركل او الطراف .. ولكن هذا هو الواقع المعلوم للشعب السودانى ويعرفه الكل .. الصغير قبل الكبير والجاهل قبل المتعلم..
Quote: لانو أنا من البركل بلد عوض الجاز ولا أعرف احدا شغال في هذه الوزارة |
هل تقصد من البكل ام من الشوايقة ان كانت الثانية فاتمنى ان تعيد القول مرتين ..
Quote: أضف الى ذلك المشاريع القامت مع السد بيتم تعيين ناس فيها ما عندهم علاقة بالمنطقة.... |
ما من المنطقة دى شنو ؟؟ من دارفور مثلا او كردفان او النيل الارزق هم من المنطقة يمكن ان لا يكونو شوايقة ولكن من شمال السودان ..
___________
يا جماعة العنصرية دى فى السودان اتزرعت ونمت وازهرت بسبب حثالة من قبائل الشمال لا اخص الشوايقة فقط وصدقنى لن تبترها لا ديمقراطية ولا وحدة ولا سلام؛
ولا تبتئسوا فهذا اصبح من الثوابت ..
كان الله فى عون الشعب .. والكادحين؛
| |
|
|
|
|
|
|
Re: الى بعض ادعياء المعارضة وغيرهم من حثالات الانقاذ ... ارفعوا اياديكم القذرة عن قبيلة الشايقي (Re: Tabaldina)
|
Quote: المشكلة انو حثالة الإنقاذ معظمهم شوايقة .. حتعمل شنو ؟ اما تنكرهم او تغير المسمى
والمؤسف اول من وضع اسس للعنصريةالبغيضة وارسي للقبلية والجهوية هم حثالة الشوايقة الانقاذيين بدأ بالصالح العام وافضليات التعينات والوظائف عطاءات الاعمال وتجفيف القوات المسلحة |
مين اللى قال ليك الكلام ياتبلدينا ... اهو هنا المشكلة الحقيقية .... يااخى الكلام ده يقولو زول جاهل نقبلو منو لكن انت ليه تكرر كلام زى ده ؟؟؟؟؟ لو رجعت لى فوق شوية تلقانى كاتب انو كل القبائل السودانية ولغت فى حوض الانقاذ الفاسد ده .... ليه يكون مكب قذارة الانقاذ كلو قبيلة الشايقية ؟؟؟؟؟ ليه اصلا ترضى انك تمرر كلام زى ده وتظلم ملايين الناس الشرفاء اللى قاعدين يعانو من زى النظرة السطحية دى .... ارجع لاى تجمع حق انقاذيين او كيزان سمهم كما شئت وشوف هل الشايقية اغلبية ؟؟؟؟؟ يااخى اسحب كلامك ده واعتذر للناس ديل لانو لو ده فهمك تكون انت ذاتك محرض على توسيع دائرة الفكرة دى بكل جدارة ....
| |
|
|
|
|
|
|
Re: الى بعض ادعياء المعارضة وغيرهم من حثالات الانقاذ ... ارفعوا اياديكم القذرة عن قبيلة الشايقي (Re: Tabaldina)
|
Quote: لمشكلة انو حثالة الإنقاذ معظمهم شوايقة .. حتعمل شنو ؟ اما تنكرهم او تغير المسمى
|
تبلدينا الكلام ده ما صاح والانقاذ الحاكمة اليوم هي انقاض انقاذ الاسلاميين
الترابي وعلي الحاج وخليل ابراهيم
ديل الطلعو الكتاب الأسود وديل ما شوايقة
هذا لايعفي انو في انقاذيين شوايقة او من اي قبيلة تانية
بعدين ننكرم دي ما جايه ونحن اول من عارضناهم ووقفنا ضدهم ولو ما عارف الحقيقة ارجع لي تاريخ محافظة مروي من 1956 شوف الاسلاميون يوم واحد لقو فيها دائرة واحدة
الشايقية في مناطقهم جماهير للاحزاب السياسية كلها واغليهم من الختمية والاتحاديين اما الكيزان الفي السلطة ديل ما يمثلو الا انفسهم فقطQuote:
والمؤسف اول من وضع اسس للعنصريةالبغيضة وارسي للقبلية والجهوية هم حثالة الشوايقة الانقاذيين بدأ بالصالح العام وافضليات التعينات والوظائف عطاءات الاعمال وتجفيف القوات المسلحة بل هم من اقترح وضع مسمى القبيلة فى فورمات التعيين والوظائف الاستراتيجية ( البترول مثلاً )
|
يا تبلدينا لا تجعل حقدك على الكيزان متنفس على الشايقية فالشايقية فيهم كل الاحزاب ومن اذهب السودانيين الى الصالح العام هو الشيخ الترابي حينما كانت الدولة كلها في يده والترابي ده ما شايقي شوف قبيلته ويين؟؟
بعدين وزارة البترول البتقولة دي انا ما شايقي ليه ما شغلونا فيها ياخوي مسمى القبيلة في فورمات التعيين ولا انشا الله يكتبوا في الباب حقها ممنوع دخول غير الشايقية ده شي يختص بيهم الكيزان فقط
مثال بسيط انا المسكين ده لو عملت لي مدرسة ولا محل اي حاجة وكتبت الدخول فقط للدينكا هل هذا يعني ان الدينكا متأمرون معي على منع الاخرين اتمنى ان نكون منصفين في أحكامنا ولا ننجر وراء هذه الخطابات العنصرية البغيضة التي يطلقها اولئك النفر لننشغل عنهم فيما بيننا وليكن بحثنا عن الحقيقة مجرد عن اي انتماء قبلي ضيق بل يكون انتماء للسودان العريض الذي لا زلنا نحمل جوازات سفر بأسمه وبطاقات شخصية عليها علمه
.Quote: وهذه الاسطوانات قد انشرخت وسيظل طنينها فى الأذان السودانية الى اجل غير قريب .. ولا اظن صوتها سيهمد.. ويتلاشى قريباً |
ان كنا نحن من يطن فيها ونصنف عند الاخرين كنخبة اذا على الدنيا السلام وعلى الوطن السلام نحن نؤمن بالسودان الوطن الواحد ونعمل من أجله معكم جميعا متساويين في الحقوق والواجبات اما ان كان اصرار امثالكم بان كل القبيلة هي الجاز او علي عثمان فهذا امر خاطئ ولن يقود الا لمزيد من التناحر والتشرزم.
| |
|
|
|
|
|
|
Re: الى بعض ادعياء المعارضة وغيرهم من حثالات الانقاذ ... ارفعوا اياديكم القذرة عن قبيلة الشايقي (Re: عبدالمجيد الكونت)
|
الأخ تبلدينا سلامات مرة أخرى ...
ودعني أختلف معك فيما ذهبت اليه .... فالواقع المعاش يختلف من شخص لآخر ولا يمكن الحكم من خلال تجربة فرد وتعمم المسألة على 40 مليون. وعن تجربتك الشخصية كلنا لنا تجربة شخصية بذات المعنى بل أسوأ ولكن لا نعمم ذلك على قبيلة بعينها (في الجامعة في دكتور بي عينو لم أنجح له ولا مادة من أولى وحتى تخرجت وقالي الكلام ده ماتتعب تقرأ ما حتنج في مادتي وبسببه تخرجت بالدرجة الثالثة) (أحد أبناء الكيزان وأظنه من الفور أهدر دمي في الجامعة 1999م)...
وكل من إنتمى للإنقاذ ساعد في الفوضى القائمة الآن وعلى رأسهم الترابي وعلى الحاج والحاج آدم وقوش وعلى عثمان والجاز ونافع وعبد الرحيم فأنظر الى هذه الخارطة العرقية...
Quote: وهذا لا ينفى ان حثالة قبيلة الشايقية هم لهم اليد الطولى بسبب دورهم البائن والمعروف فى تواجد الانقاذ وفى سيطرة معظمهم على وظائف الدولة |
وتاني يا اللخو ماترمي الكلام على عواهنه اليد الطولى دي قستها كيف بشكل تحديدي هل بالطولميتر مثلاُ.. والله في رصد وتحليل إحصائي يجعلنا نتكلم بي نسب واللا كلام ساكت...
Quote: هل تقصد من البكل ام من الشوايقة ان كانت الثانية فاتمنى ان تعيد القول مرتين |
أظنوا علاقتك بالتوزيع الجغرافي للإثنيات ضعيفة البركل هي قلب الشايقية يعني من البركل وشايقي وموش أعيد القول مرتين أعيدو ميتين لأني لا أتنكر لإنتمائي بل أفاخر به وبوجوده داخل الكل المركب المسمى بالسودان.
Quote: ما من المنطقة دى شنو ؟؟ من دارفور مثلا او كردفان او النيل الارزق هم من المنطقة يمكن ان لا يكونو شوايقة ولكن من شمال السودان .. |
يا تبلدينا هسة في آخر تقديم لي كنانة تو يلزمك شهادة مواطنة من النيل الأبيض ....
وأقصد من شتى أصقاع السودان ....
Quote: يا جماعة العنصرية دى فى السودان اتزرعت ونمت وازهرت بسبب حثالة من قبائل الشمال لا اخص الشوايقة فقط وصدقنى لن تبترها لا ديمقراطية ولا وحدة ولا سلام؛ |
والعنصرية لم تنمو الآن وإنما هذا هو الوجه الأكثر ظلمةً فيها فالعنصرية فينا كائن يمشي على قدمين؟؟ فما الحل ؟؟ أنضع يدنا على خدنا ونقول ما بتتحلا ؟؟؟ لن تتحل فعلا إن إستمر المثقفين من أبناء السودان يحبون أن يتفرجوا ولا يقومو بدورهم المنوط بهم من أجل التغيير.... وتغيير ذلك محتاج لجهود الكل إذ لن تأتي الملائكة لتنقذنا من هذا الواقع...
| |
|
|
|
|
|
|
Re: الى بعض ادعياء المعارضة وغيرهم من حثالات الانقاذ ... ارفعوا اياديكم القذرة عن قبيلة الشايقي (Re: بشري الطيب)
|
عمر عبدالله فضل المولى
نشوف الليلة < قُلت لي أنا ضلالي علشان قُلت إنو الصادِق المهدي بِلمِع في البشير ... طَيِب نشوف الضلالي فينا منو >
- إنقِلاب محمد نور سعد بِقِيادة حِزب الأُمة كان عام 1976 في 07/07/1977م تمت المُصالحة الشهيرة (النميري/الصادِق المهدي). - في عملِية < تهتدون > هرب الصادِق المهدي مِن سودان عُمر البشير لأرترِيا وإنضم لِلتجمُع الوطني. - عاد لِلسودان فيما عُرِف بِإسم < تفلحون > وتراضى مع مَن إنقلب علَيهِ ، وهُنا إنشق مُبارك الفاضِل. - الصادِق المهدي يرفُض قرار المحكمة الدولِية http://www.alwatansudan.com/index.php?type=7&id=716&iss...ssue_date=2008-07-24 http://www.ifhamdarfur.net/node/655 - حَول الصادِق المهدي حزب الأمة إلى حزب عائلي ... يقول د. منصور خالِد في كِتابِهِ <السودان أهوال الحرب .. وطموحات السلام> صفحة 281 [ رغم تحالفه مع الإمام الهادي ضدالصادق ، خرج محجوب من السلطة بعد اقتراح برلماني بسحب الثقه منه في يوليو في العام 1966. ولكن محجوب ، لم يترك الحكم دون أن يقول في الصادق ما قال مالك في الخمر. نعت المحجوب خليفته في الرئاسة بالشاب المغرور عديم الخبرة ، وأبدى أسفه على أن الحكم أصبح ملكية عائلية يورثها الأب إلى الابن. يدعو للحيرة تعليل الصادق لانقلابه على المحجوب بحاجة الحزب والحكومة إلى دماء جديدة ، وهو نفس التعليل الذي بررت به في عام 2002 بعض قيادات حزب الأمة (مبارك المهدي وصحبِه) حملتها ضد الصادق ، وكأنهم يردون الحجر من حيث جاء ، أو كأنهم يقولون إن كَذِباً نَجى بالأمس فصدقاً أخلقُ اليوم. بيد أن الصادق لا يكاد يذكر بعد مضى ثلاثة عقود من الزمان دعاوى التجديد التي أطلقها في منتصف الستينيات ، إذ مازال يتشبث حتى اليوم بالسيطرة على الدين والسياسة داخل حزب الأمة وجماعة الأنصار ، يعد نفسه للرئاسة لفترة ثالثة ] إنتهى
- حل مشكلة الجنوب في رأي الصادق المهدي زماااان : تغيير الخريطة الثقافِية في الجنوب بِعدة وسائِل مِن بَينِها : (1) إستِغلال الخِلافات الناشبة بَين القادة الجنوبِيين ، خاصة أولئك المُنحدِرين مِن قبائِل رعَوِية. (2) إرسال علماء مُسلِمين وتُجار مِن الشِمال إلى الجنوب بِشكل وِدي. (المصدر مستقبل الإسلام والعروبة في السودان - الصادق المهدي) نفسه 283
- حل مشكلة الجنوب في رأي الصادق المهدي عام 1986م نص إتِفاقِية كوكادام بأثيوبيا : (1) إلغاء الشريعة (بقِية نصوص الإتِفاقِية أدناه) http://www.moqatel.com/openshare/Behoth/Siasia2/Sudan/sec06.doc_cvt.htm
- حل مشكلة الجنوب في رأي الصادق المهدي عام 2004م: http://www.aawsat.com/leader.asp?section=3&article=272342&issueno=9519
فاصِل ونواصِل
| |
|
|
|
|
|
|
Re: الى بعض ادعياء المعارضة وغيرهم من حثالات الانقاذ ... ارفعوا اياديكم القذرة عن قبيلة الشايقي (Re: Tabaldina)
|
Tabaldina
كيفك يا حبيب ... علك طَيِب ... ماني خرفت ولا طاش ... النوريك القِصة (نُقطتين شرطة سطُر جديد)
أنا قُلت في مُداخلة فوق (مُداخلة رقم 10) ردًا على الأخ عبدالمجيد الكونت :
Quote: يا خوي نضميك ده < إنشاء > الحصل حصل وإنتهى < القبلِية > إتكرست تب ... ناس المُعارضة الفيهُم إنعرفت زولاً يا كافي البلا سِلِم مِنهُم ماف ... إتسابقو على القصر الجمهوري ... البلد مقلوبة والميرغني دايِر الحكومة تعوضو عن أرض صادرتا الحكومة ... الصادِق المهدي بقى يِلمِع فوق البشير أكتر مِن نافِع علي نافِع ... إبراهيم نُقد بعد كام وعشرين سنة غاطِس تحت الأرض طلع وبقى مُهادِن
|
جا ناطي واحِد بِقولولو عمر ود عبدالله ود فضل المولى إقتبس مِن كلامي الفوق الجُزئِية دي
Quote: الصادِق المهدي بقى يِلمِع فوق البشير أكتر مِن نافِع علي نافِع ... |
وقالي : عزام ايها الضلالي لا تفتري الكذب على الناس
| |
|
|
|
|
|
|
Re: الى بعض ادعياء المعارضة وغيرهم من حثالات الانقاذ ... ارفعوا اياديكم القذرة عن قبيلة الشايقي (Re: Tabaldina)
|
Quote: الاخوة ابناء الشوايقة الكونت وخالد نو هارد فيلنغ بس بجيكم شوية شوية عن الواقع المعاش
|
يديك الف عافية ياتبلدينا وصدقنى القلوب نضيفة بس انت دايما خلى فى بالك انو فى ملايين من ابناء الشمال لافين صوانى فى المنافى مهاجرين لانو بلدهم ضاقت عليهم زيهم وزى غيرهم من السودانيين المكتوين بى نار الانقاذ وسياساتاتها العقيمة .... فتعال شوف لمن تكون القصة عليهم ميتة وخراب ديار وتقوم تركب ليهم بصمة فى جباهم انهم عرابى الانقاذ او وقود اشتعالها الاساسى ده غير مشاعرهم تجاه اهلهم الموجودين فى قرى وحلال تفتقر لابسط مقومات الحياة المدنية الكريمة !!!!!!!! المهم مرحب بيك داخل البوست قلم اصيل وليه وزنه داخل المنبر .....
| |
|
|
|
|
|
|
Re: الى بعض ادعياء المعارضة وغيرهم من حثالات الانقاذ ... ارفعوا اياديكم القذرة عن قبيلة الشايقي (Re: خالد احمد محمد)
|
يا الكونت يا خوي خليك زول حقاني
عزام دا قال راي والبوست دا بوست سياسي اي انسان بمارس السياسة ح ينال نصيبو من الراي
لو البوست كان عن الكورة وواحد ج قال حزب الامة او المؤتمر الوطني او الاتحادي كيت ولا كات معليش دا اسمو خروج عن الموضوع وتشتيت للكورة والحكم خائن
الزول دا قال راي يا تؤيده يا تخليهو وتنطشو يا تفندو وتطلعو ما ناقش اي حاجة وبعد داك تطبطب ليهو
لكن ان يوصف بالضلالي لمجرد راي سياسي دا كلام ما صاح ولا دا كان خطاب حزب الامة
وعموما اي زول بشتم اخر لراي مجرد راي تاكد تماما انو انسان خالي الذهن وعديم الفكرة ...
الدودة الشريطية بتاكل من اكل الزول لامن ما تلقا ليها اكل تاكلو بتاكل من البطن وبالتالي الوجع والعصر والكواريك بتقع ...
الزول لامن يكون ما ليهو منتوج فكري خاص بيهو او راي سياسي متحرر بياكل وينسخ من اراء الغير ولامن اراء الغير دي ما يلقاها اهو جنس المغص دا والنبيز والشتيمة
واسفين جدا يا عزام زمان حزب الامة مافيهو جنس الشتامة ديل .. لكن حسع بقى في كفت وضرب وشتيمة ....
خالد احمد بداية موفقة ونشوف اخر القبلية دي شنو مع المتعارضين للشعب ومصاصي الدماء ديل
| |
|
|
|
|
|
|
Re: الى بعض ادعياء المعارضة وغيرهم من حثالات الانقاذ ... ارفعوا اياديكم القذرة عن قبيلة الشايقي (Re: محمد حسن العمدة)
|
Quote: يا الكونت يا خوي خليك زول حقاني
عزام دا قال راي والبوست دا بوست سياسي اي انسان بمارس السياسة ح ينال نصيبو من الراي
لو البوست كان عن الكورة وواحد ج قال حزب الامة او المؤتمر الوطني او الاتحادي كيت ولا كات معليش دا اسمو خروج عن الموضوع وتشتيت للكورة والحكم خائن
الزول دا قال راي يا تؤيده يا تخليهو وتنطشو يا تفندو وتطلعو ما ناقش اي حاجة وبعد داك تطبطب ليهو |
الحبيب ود العمدة ارجع لي مداخلة عزام الكتب فيها ومداخلتي القلت ليه ما تغير محور البوست حتلقاني طنشتو ومشييت لأني ما عاوز البوست ينحرف ولاني عاوز الاخ عزام يكتب رأيه ده في حتة تانية عشان ارد فيه بي راحتي.
| |
|
|
|
|
|
|
Re: الى بعض ادعياء المعارضة وغيرهم من حثالات الانقاذ ... ارفعوا اياديكم القذرة عن قبيلة الشايقي (Re: خالد احمد محمد)
|
Quote: الأنقاذ هي من مزق النسيج الأجتماعي للبلاد وكرس للتعالي العرقي والديني... وبالتالي لايجب وضع المعارضة- جملة- في كفة واحدة مع الانقاذ..ورجعة بسيطة لإفادة الجميعابي في أعلاه-تكشف إعترافه بمسؤليةالإنقاذ في إثارة النعرات العرقية |
اخى كمال عباس من الاولى بل بالضرورة وضع هولاء المعارضين الموتورين اصحاب الغرض من نشر هكذا تلميحات على قبيلة الشايقية من الاولى وضعهم فى كفة واحدة مع الانقاذ بل الافضل وضعهم قبلها فى حسابات التجريم ... لانهم بالجد اعباء على جبهة نضال الشعب السودانى ضد الطغمة ديل وهم حقيقى من يمد فى عمر الانقاذ بى تفلتاهم العنصرية البغيضة دى وزرعهم للاحقاد القبلية وسط الشعب السودانى ... شاكر لمرورك الانيق اخى كمال ...
| |
|
|
|
|
|
|
Re: الى بعض ادعياء المعارضة وغيرهم من حثالات الانقاذ ... ارفعوا اياديكم القذرة عن قبيلة الشايقي (Re: خالد احمد محمد)
|
اخونا خالد تحياتي
الموضوع هو لب المشروع الحضاري للتنظيم الاسلامي السياسي العالمي و الذي تقطرت عناصره الي ارض المعياد غداة فتحها بواسطة الانقاذ هل تذكر كيف كانت الخرطوم في اوائل التسعينات و كيف تكونت لجان المفكرين من تنظيم الاسلام السياسي العالمي غنوشي و مدوشي و هلم جرا كان من ضمن مخطتاتهم الاستراتيجية اعادة هندسة المجتمع و كانت من ضمن مخططاتهم تجنب مناطق الوعي و العمل علي رفع شعارات انما بعثت متمما لمكارم الاخلاق و لكنهم كانو واضحين تنظيميا بالقول ان مكارم الاخلاق هذه تغتضي الضرورة تجنبها كمبدا و تركها فقط كشعار و لن يحاسبنا أحد . و لكن لا يحيق المكر السئ الا بأهله و اختلت التكريبة الكيميائية لهندسة المجتمع و لم تأتي الرياح بما يشتهي السفن و اصبحا مجتما يهتف هي لله هي لله و ذادت كميات ممتهنات البغاء و اصبح دعاة الدين يقتلون المصلين في المساجد و صار الترابي مأذون الحور العين . من دربوهم علي عمليات الهندسة الاجتماعية استخدمو المنهج لتصفية الحسابات و الصراعات الدنيوية ..... هل قرأت الكتاب الاسود من الظلم أن نقول انه يمثل رأي قبيلة او جهة و الا نكون ظالمين ونحن نطالب بالانصاف .... أقراه مرة ثانية تحت مظلة اعادة هندسة المجتمع بمنظور تكفير المجتمع و اخذه الي مرحلة الفوضي ليعاد تنظيمه ...... والله خير الماكرين
اعود لك بإذن واحد أحد
| |
|
|
|
|
|
|
|
| |